Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 15)

Kabhi Jo Ashna Sy Thy Hum by Malaika

ریسٹورانٹ میں وہ شہناز کے ساتھ آئی تھی جب آرڈر لینے ان کے پاس شاہ ویز آیا ۔۔۔۔۔۔۔۔ اسے دیکھ کے پلوشہ کی آنکھیں ہی چمک اٹھی تھی ۔۔۔۔

” اوہ ہیلو مسٹر پریشان “

شاہ ویز نے چونک کے اسے دیکھا جبکہ وہ مسکراتی آنکھوں سے اسے ہی دیکھ رہی تھی ۔۔۔۔۔۔۔۔۔

” آرڈر لکھوائیے “

شاہ ویز سر جھٹک کے پوچھنے لگا ۔۔۔۔۔۔۔

” نہیں لکھوا رہی “

شاہ ویز اسے ہی دیکھ رہا تھا

” کیوں ؟”

پلوشہ کی آنکھوں میں شرارت تھی ۔۔۔۔۔۔۔ جبکہ شہناز کے لب مسکرا رہے تھے ۔۔۔۔۔۔

” میری مرضی ۔۔۔۔۔ “

وہ کندھے اچکا گئی ۔۔۔۔۔۔

” ہمیشہ پریشان اور گم صُم سے کیوں رہتے ہو ؟ کوئی خاص وجہ ؟”

وہ اس کے اداس چہرے کو دیکھتی پوچھنے لگی

” آپ کو معلوم تو ہے سب “

وہ اس کی طرف دیکھتا جتانے والے انداز میں کہہ رہا تھا

” آج آئے کیوں نہیں تھے بیچ پہ ؟”

وہ پوچھ رہی تھی شاہ ویز اسے دیکھ کے رہ گیا ۔۔۔۔۔۔

” میں انتظار کر رہی تھی “

وہ اسے ہی مسکراتی آنکھوں سے دیکھ رہی تھی ۔۔۔۔۔ شاہ ویز زچ سا ہو گیا تھا ۔۔۔۔۔۔

” پلوشہ مت تنگ کرو یار ۔۔۔۔۔۔۔ آرڈر لکھواؤ “

شہناز نے مداخلت کی ۔۔۔۔۔ شاہ ویز اسے ممنون نظروں سے دیکھنے لگا ۔۔۔۔۔

” میرا دل نہیں۔ آرڈر لکھوانے کا ابھی “

وہ بھی پلوشہ ہی تھی ۔۔۔۔۔۔۔ اسے نظروں کے حصار میں لیے وہ مسکرا رہی تھی ۔۔۔۔۔۔ شاہ ویز لب بھینچے اسے دیکھنے لگا ۔۔۔

” پہلے پرامس کرو کل آؤ گے بیچ پہ ۔۔۔۔۔ “

پلوشہ اس سے وعدہ لے رہی تھی ۔۔۔۔۔ شاہ ویز کچھ دیر اسے دیکھتا رہا پھر اثبات میں سر ہلا کے وہ آرڈر لکھنے لگا ۔۔۔۔۔۔۔ وہ جا چکا تھا پلوشہ کی نظریں اس کے تعاقب میں تھی ۔۔۔۔

” کیوں تنگ کر رہی ہو اسے “

شہناز اسے ڈانٹنے لگی

” پلوشہ خان کو اچھا لگنے لگا ہے یہ بندہ بس “

پلوشہ مسکرا کے کہنے لگی ۔۔۔

” وہ خود پریشان ہے اور تم اسے مزید پریشان کر رہی “

شہناز اس کے چہرے پہ پھیلے رنگوں کو دیکھ کے بولی

” اس کی ساری پریشانیاں ۔۔۔ سارے دکھ سمیٹ لوں گی “

اس کی آنکھوں میں یقین تھا ۔۔۔۔ شہناز بس اسے دیکھ کے رہ گئی ۔۔۔

” کیا چاہتی ہے آپ مجھ سے ؟”

وہ دونوں بیچ پہ بیٹھے ہوئے تھے ۔۔۔۔۔ جب شاہ ویز اس سے پوچھنے لگا

” اگر کہوں آپ کو ۔۔۔ تو ؟”

پلوشہ نے بےڈھرک اسے کہہ دیا ۔۔۔ شاہ ویز حیرت سے اسے دیکھنے لگا

” کیا جانتی ہے آپ میرے بارے میں ؟”

” کچھ نہیں “

پلوشہ اسے نظروں کے حصار میں لیے کہہ رہی تھی ۔۔۔۔ وہ کوئی اوچھی حرکتیں کرنے والی لڑکی نہیں تھی ۔۔۔۔۔ ایک خودمختار اور میچور لڑکی تھی ۔۔۔۔۔ لیکن نہ جانے کیوں شاہ ویز کے معاملے میں وہ خود کو روک نہیں پاتی تھی ۔۔۔۔ شاید جلد سے جلد اپنے دل کی بات اسے پہنچانا چاہتی تھی ۔۔۔۔۔۔

” میں ایک خودمختار انسان ہوں ۔۔۔۔۔۔ سائیکیٹرسٹ ہوں ۔۔۔۔ ناولز بھی لکھتی ہوں ۔۔۔۔۔۔ تمہیں سن کے ہنسی آئے گی لیکن میرے لاسٹ ناول کے ہیرو کا کردار مجھے اس قدر بھا گیا کہ اب اس کردار کو میں آپ میں دیکھتی ہوں “

شاہ ویز سنجیدگی سے اسے دیکھ رہا تھا ۔۔۔۔

” ہنسی نہیں آئی آپ کو ؟”

وہ پوچھنے لگی ۔۔۔۔۔۔۔ شاہ ویز نے نفی میں سر ہلایا ۔۔۔۔۔۔

” نہیں ۔۔۔۔ “

” کیوں ؟”

وہ اچھنبے سے پوچھنے لگی

” پتہ نہیں کیوں ؟”

اس نے مختصر جواب دیا ۔۔۔۔ اور سامنے سمندر کو دیکھنے لگا ۔۔۔۔۔۔

” زاہنور بتایا تھا نا ؟”

پلوشہ کے پوچھنے پہ اس نے اثبات میں سر ہلایا ۔۔۔

” اب بھی چاہتے ہو اسے ؟”

شاہ ویز کچھ دیر خاموش رہا ۔۔۔۔۔۔۔

” اسے میں نے کھبی کوئی سکھ نہیں دیا ۔۔۔۔۔۔ اس پہ ہاتھ اٹھایا ۔۔۔۔۔۔ اس پہ الزام لگائے ۔۔۔۔۔۔ اسے برا بھلا کہا ۔۔۔۔ دنیا کا ہر برا کام۔اس کے ساتھ کیا ۔۔۔۔ ہر برا رویہ رکھا اس کے ساتھ ۔۔۔۔ بےوفائی کی اس کے ساتھ۔۔۔۔۔۔۔۔ ” اس کے لہجے میں دکھ ہلکورے لے رہا تھا

” اسے طلاق دے کے کسی اور مرد کے حوالے کیا ۔۔۔۔۔۔۔۔۔۔ اور اب “

وہ اپنی ہتھیلیوں کو دیکھنے لگا

” وہ مجھے بہت یاد آتی ہے ۔۔۔۔۔ اس سے معافی کیسے مانگوں ۔۔۔۔۔ کیسے اس کا سامنا کروں ۔۔۔۔۔۔۔ کیسے اسے مناؤں ۔۔۔۔۔۔۔ میں اس کی زندگی برباد نہیں۔ کرنا چاہتا ۔۔۔۔۔۔ شی از پریگننٹ ۔۔۔۔۔۔۔ “

وہ رو دیا شاید ۔۔۔۔

” میں اسے بانجھ کہتا تھا لیکن شی از پریگننٹ ناؤ ۔۔۔۔۔۔ کتنی خوش ہوئی ہوگی وہ جب “

وہ خاموش ہو کے لب بھینچ گیا

” وہ ۔۔۔۔۔ وہ مجھے معاف کردے۔ ۔۔۔۔۔۔ میں معافی کے قابل نہیں لیکن ۔۔۔۔۔ اس دل کو سکون نہیں مل پا رہا ۔۔۔۔۔ وہ بہت یاد آتی ہے ۔۔۔۔۔ بہت یاد آتی ہے “

” تو بات کرو اس سے ۔۔۔۔۔۔ آرام سے بات کرو ۔۔۔۔۔۔ “

پلوشہ کی آواز پہ وہ چونکا

” آپ کو میری باتیں بری نہیں لگی ؟ میں برا انسان ہوں آپ کو مجھ سے بات تک نہیں کرنی چاہئیے “

وہ اسے حیرت سے دیکھ رہا تھا تو پلوشہ مسکرائی

” ہر انسان کا ماضی ہوتا ہے ۔۔۔۔۔۔۔۔ میں آپ کو آپ کے آج کے حوالے سے جانتی ہوں ۔۔۔۔۔ آپ کے ماضی سے مجھے کوئی مطلب نہیں ۔۔۔۔۔۔ انسان اگر اپنے ماضی پہ شرمندہ ہے اور اچھا انسان بننے جا رہا ہے تو اسے اچھا انسان بننے دیا جائے تو بہتر ہے ۔۔۔ نا کہ اسے دھتکار دیا جائے ۔۔۔۔۔۔۔۔۔۔۔۔ “

وہ دھیمے لہجے میں کہہ رہی تھی ۔۔۔۔۔۔

” زاہنور سے معافی مانگ کے اگر آپ کو سکون ملتا ہے تو آپ کو اس سے معافی مانگ لینی چاہئیے ۔۔۔۔۔۔ “

شاہ ویز اپنے لب کاٹنے لگا

” وہ مجھ سے بات نہیں کرنا چاہتی ۔۔۔۔۔ مجھ سے دور بھاگتی ہے “

” کیونکہ اس کے مائنڈ میں آپ کا ماضی ہے ۔۔۔۔۔ آپ کے پریزینٹ کو وہ نہیں جانتی تو کیسے وہ آپ کو سنے ۔۔۔۔۔۔۔۔۔ اسے یہ یقین دلائے کہ آپ اپنے ماضی کو بہت پیچھے چھوڑ آئے ہیں ۔۔۔۔۔۔”

پلوشہ نے اسے راہ حل بتایا ۔۔۔

” کیسے ؟”

وہ جھنجھلایا تھا

” اوپر والا آپ کو خود ہی راستہ دکھا دے گا ۔۔۔۔۔۔۔ آپ اس سے سیدھا راستہ مانگ کر تو دیکھے “

پلوشہ کی بات پہ وہ خاموشی سے اسے دیکھ رہا تھا تو وہ مسکرا پڑی ۔۔۔۔ شاہ ویز پھر سے سامنے سمندر کو دیکھنے لگا ۔۔۔۔۔۔۔۔۔۔

” کیوں جا رہے ہو اسلام آباد ؟”

وہ منہ بسورے کہہ رہی تھی ۔۔۔۔ حمین شاہ ہنس پڑا

” میری پیاری سی ۔۔۔ کیوٹ سی بیگم ۔۔۔ میں جلدی آ جاؤں گا بس دو دن کا کام ہیں اور پھر میں تمہارے پاس “

وہ پھر بھی اداس چہرہ لیے کھڑی تھی

” یار ایسے نہیں دیکھو مجھے ۔۔۔۔۔ اگر امپورٹنٹ نہ ہوتا تو بلکل نہ جاتا میں ۔۔۔۔ بٹ آئی پرامس ۔۔۔۔ میٹنگ کے فورا بعد یہیں ہوں گا تمہارے پاس ۔۔۔۔ “

حمین شاہ اس کے گال چھوتا کہہ رہا تھا ۔۔۔۔

” مجھے مس کرو گے ؟”

زاہنور اس کے کندھے سے لگی پوچھ رہی تھی ۔۔۔۔۔۔

” نہیں”

زاہنور حیرت سے دیکھنے لگی تو وہ مسکرا دیا

” میں بھولتا ہی کب ہوں تمہیں جو یاد کرنے کی نوبت آئے “

زاہنور اسے شاکی نظروں سے دیکھنے لگی

” جاتے جاتے بھی تنگ کرنا ہے مطلب “

وہ ہنس پڑا ۔۔۔

” میری جان ۔۔۔۔۔ یہ بندہ آپ پہ دل و جان سے فدا ہے اور کیا چاہئیے آپ کو “

وہ اسے بازوؤں کے گھیرے میں لے کے بولا ۔۔۔۔۔ تو وہ مسکرا پڑی

” جلدی آنا بس “

” جو حکم آپ کا ۔۔۔۔۔ فی الحال تو میں جا رہا ہوں ۔۔۔۔ کیونکہ ایم گیٹنگ لیٹ “

وہ اپنا سوٹ کیس لیے کہنے لگا ۔۔۔۔۔ پھر اس کے لبوں پہ اپنے لب رکھ کے اس نے گہری سانس لی ۔۔۔۔۔

” اپنا خیال رکھنا میری جان

اور میرے دو شیطانوں کا بھی ۔۔۔۔۔ “

وہ زاہنور کے سراپے کو نظر بھر کے دیکھتے ہوئے بولا تو زاہنور جھینپ کے مسکرا پڑی ۔۔۔۔ ویسے بھی اس کا جسم بھاری بھاری سا ہو گیا تھا جس کی وجہ سے وہ اکثر شرمندہ سی ہو جاتی ۔۔۔۔۔۔۔۔۔۔ حمین شاہ جا چکا تھا وہ باہر گاڑی تک اسے چھوڑنے آئی تھی ۔۔۔۔۔۔ پھر اندر جا کے وہ لاونج میں صوفے پہ جا کے بیٹھ گئی ۔۔۔۔۔ اور دیر تک یونہی بیٹھی وہ حمین شاہ کو سوچتی رہی ۔۔۔۔۔۔۔۔۔ جب دلاور شاہ اس کے پاس آ کے بیٹھ گئے ۔۔۔۔۔۔ زاہنور کی نظر ان پہ پڑی تو سنبھل کے بیٹھتے ہوئے کہنے لگی

” دادا ابو ۔۔۔۔۔۔ چائے لاؤں آپ کے لئے ؟”

” نہیں بیٹا ۔۔۔۔۔۔ کافی دن ہوئے ہیں نیوز نہیں دیکھی ہم نے ساتھ میں ۔۔۔۔ “

وہ مسکرا کے کہنے لگے تو زاہنور مسکرانے لگی

” ابھی دیکھ لیتے ہیں۔ ۔۔۔ ” وہ ریموٹ اٹھا کے ٹی وی آن کرنے لگی ۔۔۔۔ نیوز چینل لگا کے دونوں اب نیوز دیکھنے میں مصروف ہو گئے ۔۔۔۔۔۔۔۔۔۔۔۔ دلاور شاہ کی عادت تھی اکثر زاہنور کے ساتھ نیوز دیکھ کے وہ پولیٹکس سے ریلیٹیڈ اس سے باتیں کرتے اور وہ مزے سے ان کی باتیں سنتی ۔۔۔۔۔۔۔۔ اور کھبی خود بھی اپنی محدود معلومات ان سے شئیر کرتی ۔۔۔۔

ریسٹورانٹ کا کام ختم کرتے اسے بارہ بج چکے تھے ۔۔۔۔۔۔۔۔ چینج کر کے وہ ریسٹورانٹ سے باہر نکلا ۔۔۔۔۔۔۔۔۔ ہلکی ہلکی ہوائیں چل رہی تھی ۔۔۔۔۔۔ اس نے ایک گہری سانس کھینچی ۔۔۔۔۔۔۔ اس کا دل گھر جانے کو نہیں تھا ۔۔۔۔ سو یونہی سائیڈ پہ بنے بنچز میں سے ایک بنچ پہ جا کے بیٹھ گیا ۔۔۔۔۔۔۔ یونہی بےخیالی میں وہ پلوشہ کی باتوں کو سوچنے لگا ۔۔۔۔۔۔۔۔۔ اگر وہ دل سے زاہنور سے معافی مانگے گا ۔۔۔۔۔ اسے اپنے اچھے ہونے کا ثبوت دے گا تو شاید زاہنور اسے معاف کردے اور وہ پرسکون ہو جائے ۔۔۔۔۔۔ لیکن کسی کو اپنے اچھے ہونے کا ثبوت دلانا بہت ہی مشکل کام ہے وہ بھی خاص طور سے ایسے شخص کو جسے آپ نے ہمیشہ اذیت میں رکھا ہو ۔۔۔۔۔۔۔۔۔۔ اس کے موبائل پہ کال آ رہی تھی ۔۔۔

اس نے سر جھٹک کے اسکرین پہ نمبر دیکھا تو نفیسہ کی کال تھی ۔۔۔۔۔ اس نے کال ڈسکنیکٹ کردی ۔۔۔۔۔ وہ اس وقت نفیسہ سے بلکل بھی بات نہیں۔ کرنا چاہتا تھا ۔۔۔۔۔ اولاد کی تربیت میں پہلا ہاتھ ماں کا ہوتا ہے ۔۔۔۔۔۔۔۔۔ اولاد کے اچھے اور برے ہونے میں بھی ماں کا رول زیادہ ہوتا ہے ۔۔۔۔۔۔ لیکن نفیسہ شاید کھبی اچھی ماں بن ہی نہ سکی ۔۔۔۔۔۔۔۔۔۔۔۔ زاہنور کے ساتھ کیے گئے ہر ظلم میں وہ بھی برابر کی شریک تھی ۔۔۔۔۔۔۔۔۔۔۔۔ اگر مجرم شاہ ویز تھا تو مجرم وہ بھی تھی ۔۔۔۔۔۔۔۔۔۔

” زاہنور ۔۔۔۔ کیسے ؟؟ کیسے یقین دلاؤں تمہیں ؟ کیسے صاف کروں تمہارا دل خود سے ۔۔۔۔ کیسے ؟ کوئی تو راستہ بتا دے اے اللہ ۔۔۔۔ کوئی راہ ۔۔۔۔۔ کہ میں زاہنور کے دل سے خود کے لئے نفرت ختم کرسکوں ۔۔۔۔۔۔۔۔ اس قابل بنا دے مجھے کہ وہ مجھے معاف کر سکے ۔۔۔۔۔۔ اے میرے رب مدد فرما میری “

وہ یونہی اللہ سے دعائیں مانگ رہا تھا ۔۔۔۔۔۔۔۔۔ ادھر ادھر دیکھتا وہ اپنی جگہ سے اٹھا اور یونہی فٹ پاتھ پہ چلتا وہ گھر کی طرف روانہ ہو گیا ۔۔۔۔۔ جتنا بھی فرار کرتا جانا تو اسے وہیں تھا ۔۔۔۔۔۔ اسی گھر ۔۔۔۔ !!!!!

اس کا دل صبح سے گھر پہ نہیں لگ رہا تھا ۔۔۔۔۔

عجیب گھبراہٹ ہو رہی تھی اسے ۔۔۔۔

حمین شاہ کو بھی کال کر چکی تھی وہ لیکن شاید وہ میٹنگ میں تھا تبھی اس کا دھیان نہیں گیا تھا ۔۔۔۔۔۔ تبھی وہ ڈرائیور کے ساتھ شاپنگ مال آئی ہوئی تھی ۔۔۔۔۔۔ ڈرائیور کو گاڑی میں بیٹھنے کا کہہ کے وہ اندر آئی ۔۔۔۔۔۔۔۔۔۔۔ سیکنڈ فلور پہ یونہی آہستہ آہستہ قدم اٹھاتی ڈریسز کو دیکھ رہی تھی ۔۔۔۔۔۔۔۔ جب اچانک سے ایک شاپ سے نکلتے ہوئے اس کا سامنا شاہ ویز سے ہوا ۔۔۔۔۔۔۔ وہ بھی ٹھٹھک کے رک چکا تھا اور اسے ہی دیکھ رہا تھا ۔۔۔۔۔۔۔ زاہنور کی آنکھوں میں خوف ہلکورے لینے لگا ۔۔۔۔۔

اتنے سارے لوگوں کے بیچ میں بھی اسے گھبراہٹ نے گھیر لیا ۔۔۔۔۔۔۔

” زاہنور ۔۔۔۔ “

زیر لب اس کا نام دہراتا وہ اس کے پاس آنا چاہتا تھا جب زاہنور تیزی سے چلنے لگی ۔۔۔۔۔۔۔۔ شاہ ویز اس سے بات کرنا چاہتا تھا تبھی اس کے پیچھے آیا تھا لیکن وہ تیزی سے سیڑھیاں اترنے لگی تھی ۔۔۔۔۔۔۔۔۔۔۔۔ شاہ ویز لب کاٹتا اوپر رک کے اسے جاتا دیکھتا رہا ۔۔۔۔۔۔۔ وہ اسے خوفزدہ نہیں کرنا چاہتا تھا تبھی اس کے پیچھے جانے کی بجائے وہ وہیں رک گیا ۔۔۔۔۔۔۔۔۔۔۔ زاہنور نے اترتے ہوئے جیسے ہی پیچھے مڑ کے اوپر دیکھنے کی کوشش کی تو اچانک سے اس کا پاؤں پھسلا اور وہ نیچے گرتی چلی گئی تھی ۔۔۔۔۔

شاہ ویز دم بخود سا اسے دیکھ رہا تھا ۔۔۔۔۔۔۔۔

” زاہنور ۔۔۔۔ “

وہ جلدی جلدی سیڑھیاں اترنے لگا ۔۔۔۔۔۔۔۔۔ زاہنور نیچے گر کے کراہ رہی تھی اور ارد گرد کھڑے لوگ اس کی طرف آ رہے تھے ۔۔۔۔۔۔۔۔۔۔ تب تک شاہ ویز اس کے قریب پہنچ چکا تھا ۔۔۔۔۔

اس کا سر اپنی گود میں رکھ کے وہ اسے دیکھنے لگا ۔۔۔۔

” زاہنور ۔۔۔۔”

اس کے گال تھپتھپانے لگا اور وہ درد سے کراہ رہی تھی ۔۔۔۔۔۔

غنودگی میں جاتے ہوئے بھی وہ یہی کہہ رہی تھی ۔۔۔۔

” م۔۔۔۔مت چ۔۔۔۔چھوؤ۔۔۔۔۔۔ م۔۔۔۔

مجھے ۔۔۔۔ “

” زاہنور ۔۔۔۔۔۔ زاہنور تمہیں کچھ نہیں ہوگا ۔۔۔۔۔ آئی پرامس یو کچھ نہیں ہونے دوں گا تمہیں “

وہ بھیگی آواز میں کہہ رہا تھا جبکہ وہ نیم غنودگی میں درد سے کراہنے جا رہی تھی ۔۔۔۔۔۔۔۔۔۔۔

وہ بےہوش ہو چکی تھی اور شاہ ویز کا دل جیسے رک گیا ہو ۔