Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 09)

Kabhi Jo Ashna Sy Thy Hum by Malaika

دلاور شاہ کو ہوش آ چکا تھا ۔۔۔۔۔۔ زاہنور ان کے پاس بیٹھی نم آنکھوں سے انھیں دیکھ رہی تھی ۔۔۔۔۔

” دادا ابو ۔۔۔۔۔۔ کہا بھی تھا میں نے کہ میں آپ کے پاس ہی رک جاتی ہوں لیکن آپ نے منع کر دیا اگر آپ کو کچھ ہو جاتا تو “

وہ رونے لگی تھی

” میں ٹھیک ہوں بیٹا ۔۔۔۔۔۔۔۔ حمین شاہ کہاں ہے ؟”

وہ ابھی روم میں بیڈ پہ نیم دراز تھے ۔۔۔۔۔۔۔۔۔ ان کی آنکھیں حمین شاہ کو ڈھونڈ رہی تھی

” باہر ہوگیں ۔۔۔۔۔۔۔ “

زاہنور نے مختصر سا بتایا ۔۔۔۔۔۔۔

” تو تم ہمیں چھوڑ کے چلی جاؤ گی زاہنور “

دلاور شاہ کی بات پہ زاہنور نے چونک کے انھیں دیکھا ۔۔۔۔۔۔۔۔۔

جبکہ انکی آنکھیں آبدیدہ تھی

” کیوں چھپایا مجھ سے زاہنور تم دونوں نے ؟”

” کیا دادا ابو ؟”

زاہنور نظریں چراتے پوچھنے لگی ۔۔۔۔

” یہ جو تم مجھ سے نظریں نہیں ملا پا رہی اس کا مطلب جو میں سنا سب سچ ہیں “

دلاور شاہ کے لہجے میں ان کا دکھ بول رہا تھا ۔۔۔۔۔۔۔۔ جبکہ زاہنور سر جھکا گئی ۔۔۔۔۔ حمین شاہ بھی اندر آ چکا تھا

” دادا ابو کیسے ہیں اب آپ ؟”

وہ مسکراتا ہوا ان کی طرف بڑھا تھا لیکن دلاور شاہ نے ہاتھ اٹھا اسے آگے آنے سے روک دیا ۔۔۔۔۔ حمین شاہ کے قدم وہیں منجمد ہو گئے جبکہ دلاور شاہ کی آنکھوں میں شکایت اور دکھ ہلکورے لے رہی تھی

” اپنے دادا ابو کو دھوکے میں رکھ کے شرم نہیں۔ آئی تمہیں حمین شاہ ؟”

حمین شاہ لب بھینچ گیا

” دادا ابو ایسی کوئی بات نہیں۔ “

” بس ۔۔۔۔ “

دلاور شاہ اونچی آواز میں بولے

” اتنا بےغیرت کیسے ہو سکتا ہے میرا بیٹا کیسے کہ اس گھناونے فعل میں وہ شریک ہوا ہے ۔۔۔۔۔۔۔۔۔ نکاح کو کھیل سمجھا ہوا ہے تم نے ؟ کیا ہوا ہے آج کی نسل کو ؟ طلاق کو مذاق بنایا ہوا ہے ۔۔۔۔ نکاح کو ایک کھیل سمجھ رکھا ہے ۔۔۔۔۔۔ عورت کھلونا بن کے رہ گئی ہے تم مردوں کے ہاتھوں ۔۔۔۔ ایک چھوڑتا ہے دوسرا اپناتا ہے پھر چھوڑ دیتا ہے پہلا والا اپناتا ہے ۔۔۔۔۔ اسلام کی کون سی کتاب میں اس بےغیرتی کا ذکر ہوا ہے ۔۔۔ کوئی مجھے بتائے گا “

زاہنور خاموشی سے آنسو بہا رہی تھی ۔۔۔۔۔۔۔ دلاور شاہ کو کھانسی شروع ہوئی تو زاہنور اور حمین شاہ دونوں ان کے پاس آئے تھے ۔۔۔۔۔۔ دلاور شاہ نے روک دیا ۔۔۔

” دادا ابو پلیز “

زاہنور رونے لگ گئی تھی

” زاہنور ۔۔۔۔ تم بھی ۔۔۔۔ تم نے بھی اپنے دادا ابو کو دھوکے میں رکھا “

وہ شکایت آنکھوں میں لیے اسے دیکھ رہے تھے جبکہ زاہنور نفی میں سر ہلانے لگی

” مجھے معاف کر دے دادا ابو پلیز ۔۔۔۔ مجھ سے آپ کی ناراضگی نہیں برداشت ہوتی پلیز “

وہ روتے ہوئے کہہ رہی تھی ۔۔۔۔۔۔ دلاور شاہ نے ایک تیز نظر حمین شاہ پہ ڈالی ۔۔۔۔۔۔ تو وہ نظریں چرا گیا ۔۔۔۔۔

” مجھے تم سے یہ امید نہیں تھی حمین شاہ کہ تم ایک عورت کو کھلونا بنا کے رکھ دو گے ۔۔۔۔۔۔۔۔۔۔ “

زاہنور کے رونے میں شدت آ گئی ۔۔۔۔۔۔ دلاور شاہ نے اس کے جھکے سر کی طرف دیکھا

” ادھر آؤ زاہنور “

وہ ان کے پاس گئی تو دلاور شاہ نے اس کے سر پہ ہاتھ رکھا

” بس میری بچی ۔۔۔۔ ” زاہنور ان کے سینے سے جا لگی

” مجھے معاف کردے دادا ابو پلیز ۔۔۔۔۔۔۔ “

” تمہیں۔ کچھ نہیں ہوگا زاہنور بیٹا ۔۔۔۔۔۔۔ تم میری بچی ہو میں کسی کو بھی تمہاری زندگی سے کھیلنے نہیں دوں گا ۔۔۔۔ “

وہ ابھی بھی تیز نظروں سے حمین شاہ کو دیکھ رہے تھے

جبکہ وہ نظریں چرا کے لب بھینچے کھڑا تھا ۔۔۔۔۔۔۔۔۔۔۔ اسی لمحے سے وہ ڈرتا تھا ۔۔۔۔۔۔۔۔۔ اور وہی لمحہ اس کے سامنے آن کھڑا ہوا تھا ۔۔۔۔۔۔۔ وہ دلاور شاہ سے نظریں ملانے کے قابل بھی نہیں۔ رہا تھا اب ۔۔۔۔۔۔۔۔۔۔ جس محبت کا دعویٰ کرتا تھا وہ ۔۔۔۔۔۔ جس محبت کو پانے کے لئے وہ ہر بار دلاور شاہ کے سامنے اپنی بےبسی کا اظہار کرتا اور آج اس کی وہ محبت یوں رسوا ہوئی تھی دلاور شاہ کے سامنے کہ وہ سر اٹھانے کے قابل بھی نہیں رہا تھا ۔۔۔۔۔۔۔۔۔ وہ اپنی مٹھیاں بھینچے کمرے سے ہی باہر نکل گیا ۔۔۔۔۔۔۔۔۔

وہ اب گھر شفٹ ہو چکے تھے ۔۔۔۔۔۔۔۔ زاہنور ان کو میڈیسنز دے کے وہیں بیٹھ گئی تھی ۔۔۔۔۔۔۔۔ دلاور شاہ اب بھی حمین شاہ سے بات نہیں۔ کرتے تھے نہ اس کے کسی بات کا جواب دیتے۔ ۔۔۔۔۔۔۔۔۔۔۔ زاہنور کچھ دیر انھیں دیکھتی رہی ۔۔۔۔۔

” دادا ابو ایک بات کہنا چاہ رہی تھی میں۔ ۔۔۔۔ “

وہ ہچکچا رہی تھی

” جی بیٹا کہئیے “

وہ نرمی سے بولے تھے

” دادا ابو ۔۔۔۔ حمین شاہ کا کوئی قصور نہیں ہے “

زاہنور نے ابھی کہنا ہی شروع کیا تھا جب دلاور شاہ نے ہاتھ اٹھا کے اسے کچھ بھی کہنے سے روک دیا ۔۔۔۔۔۔۔۔۔۔

” اس سے متعلق میں کچھ بھی نہیں سننا چاہوں گا زاہنور ۔۔۔۔۔۔ “

زاہنور پریشان نظروں سے انھیں دیکھنے لگی

” وہ کیسے تمہاری زندگی کو مذاق بنا سکتا ہے کیسے ؟ ۔۔۔۔ یہ طلاق ۔۔۔۔ نکاح ۔۔۔ شادی یہ کوئی کھیل تو نہیں۔ ہے جو ان مردوں نے اسے مذاق ہی بنا کے رکھ دیا ہے ۔۔۔۔۔۔ تم ایک لڑکی ہو ۔۔۔۔ جیتی جاگتی انسان ہو کیسے دو مرد تمہارے احساسات سے کھیل سکتے ہیں۔ کیسے ؟ ۔۔۔۔۔۔۔۔۔۔ حلالہ کیا ہے ؟؟ اسلام میں حلالہ کی کوئی اہمیت ہے بھی کہ نہیں ۔۔۔۔ کھبی اسٹڈی کیا ہے ؟؟؟ ایک مرد اپنی بیوی کو طلاق ہی کیوں دے کہ حلالہ کی نوبت آئے ۔۔۔۔۔ “

وہ جذباتی ہی ہو گئے تھے

” ایک مرد جب ایک بار اپنی بیوی کو طلاق دے تو وہ بار بار دے سکتا ہے ۔۔۔تو کیا وہ بار بار اپنی بیوی سے حلالہ کرنے کو کہے گا ۔۔۔۔۔۔۔ بےغیرتی کی انتہا ہے یہ ۔۔۔۔ “

زاہنور خاموشی سے سر جھکائے اپنے لب کاٹ رہی تھی۔ ۔۔۔۔۔۔

” میں خوش تھا ۔۔۔۔۔ مطمئن تھا کہ میری بچی کی اب زندگی سنورنے لگی ہے ۔۔۔۔ حمین شاہ کے ساتھ اچھی زندگی گزارے گی لیکن۔ ۔۔۔۔۔ تم دونوں کی اس حرکت نے مجھے توڑ کے رکھ دیا ۔۔۔۔۔۔۔ میرے اپنے ہی بچوں نے مجھے دھوکے میں رکھا ۔۔۔۔۔ “

ان کے لہجے میں دکھ تھا زاہنور آنسو بھری آنکھوں سے انھیں دیکھنے لگی

” مجھے معاف کردے دادا ابو پلیز ۔۔۔۔۔۔۔۔ میں شرمندہ ہوں ۔۔۔۔۔۔ “

دلاور شاہ تاسف سے اسے دیکھ رہے تھے ۔۔۔۔۔۔۔۔۔۔ زاہنور نے گھبرا کے نظریں ہی جھکا دی ۔۔۔۔۔۔۔۔

” پلیز دادا ابو غصہ مت کیجئیے پلیز “

وہ نظریں جھکائے کہہ رہی تھی ۔۔۔۔۔۔۔۔۔۔ دلاور شاہ نے ایک ٹھنڈی سانس بھری

” نہیں ہوں میں غصہ ۔۔۔۔۔ بس دکھ ہو رہا ہے کہ میرے ہی بچے نکاح کا مذاق بنا رہے ہیں۔ ۔۔۔۔۔۔۔۔۔۔۔ اللہ تعالیٰ کے کیے ہوئے فیصلوں کا مذاق بنا رہے ۔۔۔۔۔۔۔۔ “

زاہنور شرمندہ ہو رہی تھی دلاور شاہ بھی خاموش ہو گئے

” چلیں میں سوتا ہوں ۔۔۔۔ تم بھی جا کے سو جاؤ “

زاہنور اثبات میں سر ہلاتی اٹھی اور ان پہ کمفرٹر ٹھیک کر کے وہ کمرے سے باہر نکل گئی ۔۔۔۔۔ دل پہ بھاری سا بوجھ آن گرا تھا ۔۔۔۔۔۔ وہ چھوٹے چھوٹے قدم اٹھاتی سیڑھیاں چڑھنے لگی ۔۔۔۔۔۔۔ کمرے میں آ کے اس نے حمین شاہ کو دیکھا جو لیپ ٹاپ پہ مصروف تھا ۔۔۔۔۔۔۔۔۔۔۔ زاہنور وہیں اس کے پاس جا کے بیٹھ گئی ۔۔۔۔۔۔ حمین شاہ نے ایک نظر اسے دیکھا

” سو گئے دادا ابو ؟”

اس کے پوچھنے پہ زاہنور نے اثبات میں سر ہلایا ۔۔۔۔۔۔۔۔۔

” ایم سوری حمین ۔۔۔۔ “

زاہنور نے دھیمی آواز میں کہا ۔۔۔۔ حمین شاہ اسے حیرت سے دیکھنے لگا

” کیوں ؟”

زاہنور کی آنکھیں بھر آئی ۔۔۔۔۔

” میری وجہ سے سب ہوا ۔۔۔۔ دادا ابو ناراض ہے تم سے “

” اررےےےے “

حمین شاہ نے لیپ ٹاپ سائیڈ پہ رکھا اور اسے اپنے قریب کر کے بانہوں میں بھر لیا ۔۔۔۔۔۔۔۔۔۔۔

” تمہارا کوئی قصور نہیں۔ ہے ۔۔۔۔ تم کس لئے معافی مانگ رہی ہو ۔۔۔۔۔ دادا ابو ناراض ہے لیکن ٹھیک ہو جائے گیں ۔۔۔۔۔ وقت کے ساتھ ان کا غصہ اتر جائے گا ۔۔۔۔۔ جب انھیں یہ پتہ چلے گا کہ میں ایسے کسی بھی فیصلے میں انوالو نہیں رہا ۔۔۔۔۔۔۔ ہاں وقتی طور پہ مانا ضرور تھا لیکن میرا ارادہ تمہیں طلاق دینے کا کھبی بھی نہیں۔ تھا زاہنور ۔۔۔۔۔۔۔۔

نہ میں نے اپنی محبت کو رسوا کیا نہ ہی میں نے تمہیں کھبی کھلونا سمجھا ۔۔۔۔۔۔۔۔ ایسا کچھ بھی ہوتا تو پہلی رات ہی اپنا مطلب نکال کے تمہیں نکال باہر کرتا ۔۔۔۔۔۔۔۔ لیکن میں نے ہمیشہ سے تمہاری خوشی تمہاری مرضی چاہی ہے ۔۔۔۔۔۔۔ اور اب بھی سب ٹھیک ہو جائے گا “

وہ نرمی سے اسے سمجھا رہا تھا ۔۔۔۔۔ زاہنور نے اثبات میں سر ہلایا ۔۔۔۔۔۔۔۔۔

” چلو سوتے ہیں اب ۔۔۔۔ صبح آفس بھی جانا ہے مجھے ” وہ کہتے ساتھ ہی اٹھ کھڑا ہوا تو زاہنور بھی مسکراتی ہوئی اپنی جگہ سے کھڑی ہوگئی لیکن اسے زور کا چکر آیا تھا وہ گرنے ہی والی تھی جب حمین شاہ نے اسے آگے بڑھ کے بانہوں میں تھام لیا ۔۔۔۔

” زاہنور ۔۔۔۔۔ “

وہ اس کی بند ہوتی آنکھوں کو دیکھتا پریشانی سے اسے پکارنے لگا ۔۔۔۔۔۔ لیکن وہ بےہوش ہو چکی تھی ۔۔۔۔۔۔ اسے بانہوں میں بھر کے وہ جلدی سے کمرے سے نکلا ۔۔۔۔۔ وہ جلد سے جلد ہاسپٹل پہنچنا چاہتا تھا ۔۔۔۔۔۔۔۔۔۔۔۔

مکمل چیک اپ کے بعد ڈاکٹر انھیں مسکرا کے دیکھنے لگی ۔۔۔۔ جبکہ سامنے بیٹھے زاہنور اور حمین شاہ اسے سوالیہ نظروں سے دیکھ رہے تھے ۔۔۔۔۔۔

” رپورٹ تو آ چکی ہے ۔۔۔ “

وہ کہنے لگی ۔۔۔۔ زاہنور کا دل ڈوب کر ابھرا تھا جبکہ حمین شاہ نے اس کے ہاتھ کی پشت پہ اپنا ہاتھ رکھا ۔۔۔۔۔۔۔۔۔۔

” مبارک ہو آپ کی مسز ماں بننے والی ہے مسٹر حمین شاہ “

اور یہ خبر سن کے زاہنور ساکت آنکھوں سے اپنے سامنے بیٹھی ڈاکٹر کو دیکھنے لگی اس کا دل زور زور سے ڈھرک رہا تھا اس بات پہ ۔۔۔۔۔۔۔۔۔۔۔ اسے لگا جیسے اس کی سانس اٹک اٹک کے آ رہی ۔۔۔۔۔۔۔ جبکہ حمین شاہ خوشگوار حیرت سے ڈاکٹر کو دیکھ رہا تھا ۔۔۔۔۔

” آپ دونوں اتنے حیران کیوں ہو رہے ؟؟؟؟ مبارک ہو ۔۔۔۔۔۔ “

ڈاکٹر مسکرا رہی تھی جبکہ زاہنور بھیگی آنکھوں سے حمین شاہ کو دیکھنے لگی ۔۔۔۔۔۔

” ڈا۔۔۔۔ ڈاکٹر ک۔۔۔۔ کیا ک۔۔۔ کہ رہی ہے م۔۔۔۔۔ میں ۔۔۔۔۔ پ۔۔۔۔۔ پریگننٹ “

وہ روتے ہوئے اٹک اٹک کے کہہ رہی تھی ۔۔۔۔۔۔ اسے یقین نہیں۔ آ رہا تھا کہ وہ ماں بن رہی ہے ورنہ اس نے ہمیشہ یہی سنا تھا کہ وہ بانجھ ہے ۔۔۔۔۔۔۔۔۔

حمین شاہ اس کی کیفیت سمجھ رہا تھا تبھی ۔مسکرا اسے بانہوں میں بھر لیا ۔۔۔۔۔۔۔۔۔ جبکہ ڈاکٹر حیرت سے انھیں دیکھتی مسکرا رہی تھی ۔۔۔۔۔

زاہنور ڈاکٹر کو دیکھنے لگی

” م۔۔۔۔ میں کیسے پریگننٹ ۔۔۔۔۔۔ میں تو ۔۔۔۔۔۔ بانجھ ہوں “

وہ ایکدم سے کہہ کے رونے لگ گئی تھی ۔۔۔۔۔۔۔ ڈاکٹر کی آنکھوں میں آنسو آگئے تھے ۔۔۔۔

” یہ کس نے کہا آپ سے مسز زاہنور ۔۔۔۔ کہ آپ بانجھ ہے ؟؟؟ آپ بلکل ٹھیک ہے ۔۔۔۔۔ یہ رپورٹس آپ خود دیکھ لیں ۔۔۔۔۔۔ “

وہ رپورٹس اس کے سامنے رکھ کے کہنے لگی ۔۔۔۔۔۔۔۔ لیکن اسے ابھی بھی یقین نہیں۔ آ رہا تھا ۔۔۔۔۔

جبکہ زاہنور اپنا رکا سانس بحال کرتی روئے جا رہی تھی ۔۔۔۔۔۔

” حمین ۔۔۔۔۔ حمین ۔۔۔۔ “

حمین شاہ نے اسے بانہوں میں بھر لیا

” ہشششششش “

اس کی اپنی آنکھیں بھی بھیگ چکی تھی ۔۔۔۔۔۔ جبکہ ڈاکٹر انھیں مسکراتی آنکھوں سے دیکھ رہی تھی ۔۔۔۔۔۔۔۔۔۔۔

” تھینک یو ڈاکٹر ۔۔۔۔۔ تھینک یو سو مچ ۔۔۔۔۔۔۔ اتنی بڑی نیوز سنانے کے لئے ۔۔۔۔ “

حمین شاہ بھیگی آنکھوں سے ڈاکٹر کو دیکھتا کہہ رہا تھا جبکہ وہ مسکرا نے لگی

” اپنی مسز کا زیادہ خیال رکھئیے ۔۔۔۔۔۔۔ اور چیک اپ کے لئے لاتے رہئیے گا “

٫ اوکے ۔۔۔ تھینک یو ۔۔۔ “

وہ زاہنور کو لیے باہر نکلا ۔۔۔۔۔۔۔۔ وہ ابھی تک خوشگوار حیرت کے زیر اثر تھا ۔۔۔۔۔ گاڑی میں بیٹھ کے وہ اپنی آنکھیں صاف کرتا مسکراتے ہوئے زاہنور کو دیکھ رہا تھا ۔۔۔۔۔

” سو مسز زاہنور حمین شاہ ۔۔۔۔۔۔۔ ہم تو اب پیرنٹس بن رہے ہیں۔ “

زاہنور نے اسے دیکھا اور پھر سے رونے لگی ۔۔۔۔۔

” م۔۔۔۔۔ مجھے یہی سننے کو ملا ک۔۔۔۔ کہ میں ب۔۔۔۔ بانجھ ہوں ۔۔۔۔۔۔”

” ہشششش کوئی پرانی بات نہیں ہوگی اب “

وہ اس کے گال چھوتے ہوئے کہہ رہا تھا ۔۔۔

زاہنور روتے ہوئے اپنے پیٹ پہ ہاتھ پھیرنے لگی ۔۔۔۔۔۔ پھر حمین شاہ کو بھیگی آنکھوں سے دیکھ کے ہنس پڑی

” میں ۔۔۔ میں پریگننٹ ہوں “

رونے اور ہنسنے کا یہ خوبصورت عمل اسے نکھار بخش رہا تھا ۔۔۔۔ حمین شاہ نے آگے بڑھ کے اسے بانہوں میں بھر لیا ۔۔۔۔۔۔۔۔

دلاور شاہ آج ناشتے کی ٹیبل پہ خود آئے تھے ۔۔۔۔ وہ اب خود کو بہتر محسوس کر رہے تھے ۔۔۔۔۔

زاہنور خاموشی سے ان کے لئے چائے بنا رہی تھی ۔۔۔۔۔۔ جبکہ دلاور شاہ کے دائیں طرف بیٹھا حمین شاہ انھیں دیکھ رہا تھا ۔۔۔۔۔

” آہم آہم ۔۔۔۔ “

وہ ہلکا سا کھنکھارا تھا ۔۔۔۔۔۔ دلاور شاہ نے اس کی طرف دیکھا ۔۔۔۔ زاہنور بھی دیکھ رہی تھی۔۔۔۔

” اگر آپ کو ایک گڈ نیوز بھی دوں تب بھی آپ مجھ سے بات نہیں کرے گیں ؟”

وہ آنکھوں میں مسرت لیے ان سے پوچھ رہا تھا جبکہ دلاور شاہ خاموشی سے اسے دیکھ رہے تھے ۔۔۔۔۔۔۔۔۔۔۔۔۔ حمین شاہ نے مسکراتے ہوئے زاہنور کو دیکھا تو اس نے بوکھلا کے نظریں جھکا دی ۔۔۔۔۔۔۔۔۔۔۔ پھر وہ دلاور شاہ کو دیکھنے لگی

” بہت جلد آپ پڑ دادا بننے والے ہیں “

اس نے مسکرا کے بتایا جبکہ دلاور شاہ نے بےیقینی سے زاہنور کو دیکھا وہ گڑبڑا کے نظریں جھکا گئی ۔۔۔۔ پھر مڑ کے دوبارہ سے حمین شاہ کو دیکھنے لگے ۔۔۔۔ ان کی آنکھیں مسرت سے لبریز ہو چکی تھی ۔۔۔۔۔۔۔۔۔۔۔۔

وہ ایکدم اپنی جگہ سے کھڑے ہو گئے تھے ۔۔۔۔ حمین شاہ بھی کھڑا ہو چکا تھا ۔۔۔۔۔ دلاور شاہ نے اسے اپنے سینے سے لگایا

” یہ ۔۔۔۔ یہ بہت بڑی خوشخبری ہے میرے لئے ۔۔۔۔۔۔ ۔۔۔۔ تم جیسے نالائق سے یہ امید تو نہیں تھی “

وہ رونے ہی لگ گئے تھے ۔۔۔۔۔ جبکہ حمین شاہ انھیں شاکی نظروں سے دیکھنے لگا ۔۔۔۔۔۔۔۔۔۔۔

تو انھوں نے اس کا ماتھا چوم لیا

وہ زاہنور کو دیکھنے لگے ۔۔۔۔۔۔۔

” ادھر آؤ بیٹا “

زاہنور سے جھکائے چھوٹے چھوٹے قدم اٹھاتی ان کی پاس آئی تو انھوں نے فرط مسرت سے دونوں کو بانہوں میں بھر لیا ۔۔۔۔

” اللہ تعالیٰ تم دونوں کو لمبی عمر دیں ۔۔۔۔۔ اور ہمارے گھر کو خوشیوں سے بھر دیں “

وہ رو رہے تھے ۔۔۔۔۔۔۔۔۔

اور پھر شاہ مینشن میں جشن کا سماں تھا جیسے ۔۔۔۔۔ پکوان بنائے گئے ۔۔۔۔۔۔۔ غریبوں اور ناداروں کو کھانا کھلایا گیا ۔۔۔۔۔۔ خیرات بانٹیں گئ ۔۔۔۔۔۔۔۔۔ مہمانوں کو دعوت دی گئی ۔۔۔۔۔۔۔۔۔۔۔ رات گئے تک جشن منانے کا سلسلہ جاری تھا ۔۔۔۔۔۔۔۔۔۔ زاہنور تھکی تھکی سی اپنے کمرے میں آ چکی تھی اور اب بیڈ پہ لیٹ چکی تھی جبکہ حمین شاہ ابھی تک مہمانوں کے بیچ پھنسا تھا وہ ابھی تک کمرے میں نہیں آیا تھا ۔۔۔۔۔۔۔۔۔۔ اور رات کے دو بجے جب وہ کمرے میں آیا تو زاہنور سو چکی تھی ۔۔۔۔۔۔۔۔ حمین شاہ مسکرا کے بیڈ کے قریب آیا ۔۔۔۔ جھک کے اس پہ کمفرٹر ٹھیک کیا ۔۔۔۔۔۔۔۔۔ اس کی پیشانی پہ نرمی سے اپنے لب رکھے ۔۔۔۔۔۔۔۔۔۔ کچھ دیر زاہنور کے معصوم چہرے کو دیکھتا رہا ۔۔۔۔۔۔۔۔۔۔ پھر ڈریسنگ روم میں جا کے اس نے اپنے کپڑے چینج کیے ۔۔۔۔۔۔۔ اور کمرے میں دوبارہ سے آ کے وہ بیڈ پہ اس کے قریب لیٹ گیا اور اس کا ہاتھ اپنے ہاتھ میں لے کے وہ دیر تک زاہنور کو دیکھتا رہا جب تک اس کی آنکھیں بند نہ ہوئی ۔۔۔۔۔۔۔۔۔۔۔۔ اور وہ بھی مطمئن سا نیند کی وادیوں میں چلا گیا ۔۔۔۔۔۔۔

وہ خوش تھا بےحد خوش ۔۔۔۔۔۔۔ انسان سوچتا کچھ ہے اور ہو کچھ اور جاتا ہے ۔۔۔۔۔۔ وہ یہی چاہتا تھا کہ زاہنور پھر سے زندگی کی طرف آئے ۔۔۔۔۔۔ زندگی کو نہ گزارے بلکہ وہ زندگی کو جیے ۔۔۔۔۔۔ لیکن اسے اس بات کا اندازہ بلکل بھی نہیں تھا کہ زاہنور کو زندگی بہترین انداز میں جینے کا اتنا خوبصورت بہانہ ہی مل جائے گا ۔۔۔۔۔ اس کے لئے یہ احساس بہترین تھا ۔۔۔۔۔۔۔۔۔ کہ وہ باپ بن رہا ہے ۔۔۔۔۔۔ باپ بننے کا درجہ اللہ تعالیٰ نے اسے بخشا ہے ۔۔۔۔۔۔۔۔۔ اللہ تعالیٰ نے اسے بھی اس قابل سمجھا کہ وہ باپ بننے کا درجہ حاصل کر چکا ہے ۔۔۔۔۔۔۔۔۔ لیکن وہ خود سے بھی زیادہ زاہنور کے لئے خوش ہو رہا تھا ۔۔۔۔۔۔۔۔۔۔۔۔ اس کا وہ رد عمل ۔۔۔۔۔ اس کا رونا ۔۔۔۔۔۔۔ اسکی خوشی چھلکاتی آنکھیں ۔۔۔۔۔۔۔ وہ بےحد خوش ہے ۔۔۔۔۔۔ وہ ماں بن رہی ہے ۔۔۔۔ ماں بننے کا احساس اس کے اندر پنپ رہا ہے ۔۔۔۔۔۔۔۔ اور زاہنور کی خوشی اس کے لئے ہر خوشی سے زیادہ عزیز ہے ۔۔۔۔۔۔۔۔