Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 19)

Kabhi Jo Ashna Sy Thy Hum by Malaika

وہ جب ہاسپٹل روم میں آئی تو شاہ ویز بیڈ پہ بیٹھا ہوا تھا ۔۔۔۔۔۔۔۔۔ زاہنور پہ نظر پڑتے ہی اس کی آنکھوں میں جیسے زندگی جاگنے لگی ۔۔۔۔۔۔ وہ مسکرا کے اسے دیکھنے لگا جبکہ زاہنور تذبذب کا شکار اسے دیکھ رہی تھی

” تم آ گئی زاہنور “

وہ اٹھنے لگا تھا جب زاہنور نے اسے روک دیا اور خود اس کے قریب آئی ۔۔۔۔

” بیٹھو نا پلیز “

وہ اپنی نظریں زاہنور کے چہرے سے نہیں ہٹا پا رہا تھا ۔۔۔۔۔۔۔

” میں یہاں بیٹھنے نہیں آئی شاہ ویز ۔۔۔۔ بات کرنے آئی ہوں “

وہ دو ٹوک لہجے میں بولی تھی ۔۔۔۔ شاہ ویز کو اس کے لہجے سے دکھ ہوا تھا لیکن پھر بھی مسکرانے لگا

” بیٹھ کے بات کرتے ہیں “

” کیوں سوسائیڈ کیا تم نے ؟”

وہ اسے سپاٹ نظروں سے دیکھتی پوچھ رہی تھی ۔۔۔۔۔

” نہیں کیا ۔۔۔۔ “

وہ نظریں چرانے لگا ۔۔۔۔۔۔

” کیوں مجھے جینے نہیں دے رہے شاہ ویز ؟؟؟ کیوں میرا سکون برباد کر رہے ہو تم ؟”

زاہنور کا لہجہ اب بھی سپاٹ تھا ۔۔۔۔۔

” بےسکون تو میں ہوں زاہنور میں “

شاہ ویز شکایتی نظروں سے اسے دیکھتے کہہ رہا تھا

” تو مجھے سکون سے رہنے دو ۔۔۔۔۔۔ جو تم چاہتے ہو وہ ممکن ہے ہی نہیں۔ ۔۔۔ تو کیوں بار بار میری زندگی کا سکون داؤ پہ لگا رہے ہو ؟”

” محبت کرتا ۔۔۔۔ “

وہ کہنے والا تھا جب زاہنور نے چلا کے اس کی بات کاٹ دی

” شٹ اپ شاہ ویز ۔۔۔۔ جسٹ شٹ اپ ۔۔۔۔۔ تم جانتے ہو تم کیا کر رہے ہو ؟؟؟ میں میرڈ ہوں ۔۔۔۔۔۔ حمین شاہ میرا شوہر ہے ۔۔۔۔ میرے بچوں کا فاڈر ہے ۔۔۔۔ تم کیسے ایک میرڈ عورت سے بار بار یہ کہہ سکتے ہو کہ محبت کرتے ہو ؟؟ کیسے ایک شادی شدہ عورت سے محبت کا مرتکب ہو سکتے ہو ؟ شاہ ویز خدا کا واسطہ ہے بچپنا چھوڑ دو اب ۔۔۔۔ مجھے میری زندگی سکون سے جینے دو ۔۔۔۔ “

وہ چلائی تھی ۔۔۔۔

” زاہنور ۔۔۔۔ “

وہ منمنایا تھا

” بس ۔۔۔۔ “

کہہ کے وہ مڑی تھی جانے کے لئے جب شاہ ویز نے اس کی کلائی تھام لی۔۔۔۔۔۔۔۔۔

” مت جاؤ پلیز”

وہ منت سے بولا تھا ۔۔۔۔ زاہنور نے بدک کے اپنی کلائی اس کے ہاتھ سے چھڑائی ۔۔۔۔۔ اور غصیلی نظروں سے اسے دیکھنے لگی

” ڈونٹ ڈئیر ۔۔۔۔۔ “

وہ اسے وارن کرنے لگی تھی ۔۔۔۔۔ شدت ضبط سے اس کی آنکھیں سرخ ہو رہی تھی جبکہ شاہ ویز نے اس کے اس روپ کو نظر بھر کے دیکھا ۔۔۔۔۔ اس کے لبوں پہ زخمی مسکراہٹ ابھری تھی ۔۔۔۔۔۔۔۔۔

” تمہیں کھو کے ٹوٹ سا گیا ہوں میں زاہنور “

زاہنور لب بھینچے اسے دیکھ رہی تھی ۔۔۔۔۔۔۔۔۔۔

” اب نہیں کرتی نا تم مجھ سے محبت ؟”

وہ پوچھ رہا تھا ۔۔۔۔۔۔۔۔۔ زاہنور کو سمجھ نہیں آئی کیسے اسے سمجھائے ۔۔۔۔۔ اور وہ اب بھی اسے ہی دیکھ رہا تھا

” نہیں چاہتی اب مجھے ؟؟؟؟؟ اس گھر کے درودیوار آج بھی تمہاری خوشبو خود میں لیے ہوئے ہیں زاہنور ۔۔۔۔۔۔۔۔ آج بھی تمہیں محسوس کرتا ہے خود کے بےحد پاس ۔۔۔۔ بہت قریب “

” اسٹاپ اٹ شاہ ویز ۔۔۔۔ “

وہ سرد لہجے میں بولی

” تمہیں میں یاد نہیں آتا زاہنور ؟؟؟؟ بلکل بھی یاد نہیں آتا ؟”

وہ پوچھ رہا تھا ۔۔۔۔

” آتے ہو یاد ۔۔۔۔۔ شاہ ویز آتے ہو یاد “

وہ وہیں کرسی پہ بیٹھ گئی ۔۔۔۔۔۔۔ کئی دنوں سے دل پہ جو بوجھ پڑا تھا اب اسے آنسوؤں کے ذریعے بہنے کا موقع مل گیا تھا ۔۔۔۔۔۔۔۔ وہ رو رہی تھی ۔۔۔۔۔۔

” جب حمین شاہ کی محبت دیکھتی ہوں تب تمہاری نفرت یاد آتی ہے مجھے ۔۔۔۔۔ جب اپنے مقابل اس کا احترام دیکھتی ہوں تب یاد اتا ہے کس کس طرح سے میری عزت مجروح ہوئی اس گھر میں ۔۔۔۔۔۔۔۔ تمہارے ہر زخم کو سہا میں نے خود پہ ۔۔۔۔۔ میں یونیورسٹی سے جلدی گھر آتی تا کہ تمہیں شکایت کا موقع نہ ملے ۔۔۔۔ تمہارے ساتھ بیٹھ کے لنچ کر سکوں ۔۔۔۔۔۔ ہم ساتھ بیٹھ کے کچھ پل بٹائے لیکن ہر بار ۔۔۔۔ ہر بار میرا دل توڑ کے مجھے یہ باور کرایا کہ میں تمہارے لئے امپورٹنس نہیں رکھتی ۔۔۔۔۔۔۔۔۔ حمین شاہ سے میرا کوئی تعلق نہیں تھا ۔۔۔۔ میں تمہاری بیوی ہو کے اس سے کوئی رشتہ کیسے بنا سکتی تھی ؟؟؟؟ میں حرام رشتے کیوں بناؤں گی ؟؟؟ لیکن تم نے ہر بار میرا تعلق اس سے جوڑا تھا ۔۔۔۔۔۔ مجھ پہ ہاتھ اٹھایا ۔۔۔۔۔۔ مجھے مارا تم نے لیکن میں پھر بھی خاموش رہی کیونکہ میں چاہتی تھی کہ ہمارے بیچ سب ٹھیک ہو سکے ۔۔۔۔۔۔۔۔۔۔۔۔ مجھے بانجھ پن کا طعنہ دیا ۔۔۔۔۔۔۔۔ اگر ۔۔۔۔ اگر شاہ ویز تم سچ بتا دیتے مجھے میں تب بھی تمہارا ساتھ نہ چھوڑتی ۔۔۔۔۔ لیکن تم نے سب ختم کر دیا ۔۔۔۔ اتنے بےرحم ہو گئے تھے کہ تمہیں مجھ پہ اس ایک سال میں ایک لمحے کے لئے بھی رحم نہ آیا ۔۔۔۔ کھبی انسان نہیں سمجھا مجھے ۔۔۔۔۔۔ کھبی مجھے بیوی سمجھ کے مجھے میرے رائٹس نہیں دیے ۔۔۔۔۔ تمہارا دیا ہر زخم میری روح چھلنی کر چکا ہے ۔۔۔۔

تمہارا دیا ہر درد میری روح تک میں بس چکا ہے ۔۔۔۔۔ شاہ ویز “

وہ اسے بھیگی آنکھوں سے دیکھنے لگی

” میں تمہارے پاس پناہ لینے آئی تھی ۔۔۔۔۔۔۔ میں اس لئے آئی تھی کہ تم مجھے سمیٹ لو گے لیکن تم نے مزید توڑ دیا ۔۔۔۔۔اب کیا چاہتے ہو مجھ سے شاہ ویز ؟؟؟ کیا چاہتے ہو؟؟؟ اب جب سب ٹھیک چل رہا ۔۔۔۔ تو تم کیوں بار بار چلے آتے ہو ؟؟؟ میں کئی ٹکڑوں میں بکھر چکی ہوں ۔۔۔۔۔۔ جسے سمیٹنے میں مجھے بہت وقت لگا اب پھر سے کیا لینے آئے ہو ؟؟؟؟ محبت ؟؟؟”

شاہ ویز اپنے لب کاٹتا اسے دیکھ رہا تھا ۔۔۔۔ اس کی آنکھیں بھی نم تھی ۔۔۔۔

” جاننے کی کوشش کی کھبی کہ محبت کیا ہے ؟؟؟؟ کھبی محبت کی ؟؟؟؟ اب کون سی محبت جاگ رہی ہے شاہ ویز ؟؟؟ اب پھر سے محبت کے نام پہ کیوں برباد کرنے پہ تلے ہو مجھ ؟؟؟ تم اب میرے کچھ نہیں لگتے شاہ ویز ۔۔۔۔۔۔۔۔ کچھ بھی نہیں ۔۔۔۔۔۔۔۔۔ ہمارے بیچ سب ختم ہو چکا ہے ۔۔۔۔۔ کچھ بھی باقی نہیں۔ رہا ۔۔۔۔۔۔۔۔۔ پلیز دیکھو ہاتھ جوڑتی ہوں “

زاہنور نے اس کے آگے ہاتھ جوڑ دیے ۔۔۔۔۔ شاہ ویز نے جلدی سے آگے بڑھ کے اس کے ہاتھ تھام لیے ۔۔۔۔۔ وہ رو رہا تھا ۔۔۔۔۔۔

” ن۔۔۔۔ نہیں پلیز ۔۔۔۔ نہیں کرو ایسے “

” اب کچھ نہیں ہو سکتا ۔۔۔۔۔۔ کچھ بھی نہیں “

زاہنور روتے ہوئے اسے کہہ رہی تھی ۔۔۔۔۔

” مجھے جلن ہوتی ہے زاہنور ۔۔۔۔۔ حمین شاہ سے جلن ہوتی ہے تمہیں اس کے ساتھ سوچ کے جلتا ہوں میں “

وہ روتے ہوئے کہہ رہا تھا ۔۔۔۔۔۔۔۔

” شاہ ویز پلیز مت کرو ایسے پلیز مت کرو ایسے “

اس کا چہرہ آنسوؤں سے تر تھا ۔۔۔۔۔۔۔

” تمہیں کھو کے اب تمہیں پانے کا احساس میرے اندر بڑھ رہا ہے زاہنور ۔۔۔۔۔۔۔ میں تم پہ سب حق کھو چکا ہوں ۔۔۔۔ جانتا ہوں لیکن میں خود کو روک نہیں پا رہا ۔۔۔۔

اس دل کو تمہیں چاہنے سے نہیں روک پا رہا ۔۔۔۔۔ خود کو تمہیں سوچتے رہنے سے نہیں روک پا رہا ۔۔۔۔۔۔۔۔ میں اذیت میں ہوں ۔۔۔۔ “

اس نے بےخودی میں اپنے لب رکھ دیے اس کے ہاتھوں پہ ۔۔۔۔۔ زاہنور نے تڑپ کے اپنے ہاتھ اس کے ہاتھوں کی قید سے آزاد کیے ۔۔۔۔۔۔ اور خوفزدہ نظروں سے اسے دیکھنے لگی ۔۔۔۔۔۔

” شاہ ویز پلیز ۔۔۔۔۔۔ “

وہ اپنے آنسو صاف کرنے لگی ۔۔۔۔۔۔

شاہ ویز اسے بےبسی سے دیکھتا اپنی جگہ پہ بیٹھ چکا تھا ۔۔۔۔۔۔۔۔۔ دل میں ہوک سی اٹھ رہی تھی ۔۔۔۔۔۔

” میرے دل میں یہ باتیں عرصے سے دفن تھی ۔۔۔۔۔ آج نہ جانے کیوں کہہ دی ۔۔۔۔ خیر “

اس نے اپنا چہرہ ہاتھوں کی ہتھیلیوں سے صاف کیا اور سپاٹ نظروں سے اب اسے دیکھ رہی تھی ۔۔۔۔۔

” میں چلتی ہوں ۔۔۔۔۔ “

وہ اٹھنے لگی ۔۔۔۔ جب شاہ ویز بےاختیار سے اس کے قدموں میں بیٹھ گیا ۔۔۔۔۔۔ زاہنور ایکدم گھبرا کے کرسی سمیٹ پیچھے ہونے لگی تھی ۔۔۔۔ جبکہ وہ بےبس نظروں سے اسے دیکھ رہا تھا ۔۔۔۔۔۔۔۔۔

” بہت چاہتا ہوں تمہیں۔ ۔۔۔ “

زاہنور نے ایک گہری سانس کھینچی ۔۔۔۔۔۔۔۔۔

” کوئی اچھی لڑکی ڈھونڈ کے اس سے شادی کر لو شاہ ویز ۔۔۔۔ تمہاری زندگی سنور جائے گی “

” نہیں سنور سکتی اب “

بےبس نظریں زاہنور کے چہرے کا طواف کر رہی تھی ۔۔۔۔۔۔۔

” دیکھو شاہ ویز ۔۔۔۔۔۔ اب جو ہونا تھا ہو چکا ۔۔۔۔۔۔ ہمارے بیچ اب کچھ نہیں بچا ۔۔۔۔۔۔۔ کچھ بھی نہیں “

زاہنور اسے سمجھانے کی کوشش کرتی بولی

” اور ہماری محبت ؟”

وہ زاہنور کو نظروں کے حصار میں لیے کہہ رہا تھا

” کون سی محبت ۔۔۔۔۔ شاہ ویز کون سی محبت ؟؟؟؟ بچے نہیں ہو تم۔۔۔۔۔۔۔ “

وہ ناگواری سے اسے دیکھ رہی تھی لیکن دل کے کسی کونے میں شاہ ویز کی یہ حالت دیکھ کے دل میں ہوک سی اٹھی تھی ۔۔۔۔۔۔۔۔

وہ خاموش رہا ۔۔۔۔ کہنے کو تھا بہت کچھ لیکن وہ سن کب رہی تھی ۔۔۔۔۔۔۔

” شادی کر لو کسی سے شاہ ویز “

وہ اس کی اجڑی حالت دیکھ کے کہہ رہی تھی تو وہ وہیں بیٹھ کے ہنسنے لگا

” شادی ۔۔۔۔۔۔۔ “

وہ ہنسے جا رہا تھا ۔۔۔۔۔۔۔ پھر زاہنور کو دیکھنے لگا

” کر لوں گا شادی بھی ۔۔۔۔۔ “

اس کی ہنسی نہیں رکی تھی ۔۔۔۔۔۔ پھر لب بھینچ کے زاہنور کو دیکھنے لگا

” بہت یاد آؤ گی بہت “

زاہنور نے اس کی نظروں سے گھبرا کے نظریں چرا لیں ۔۔۔۔ کرسی سے اٹھ کے کھڑی ہو چکی تھی وہ

” میں چلتی ہوں “

شاہ ویز کا دل جیسے کسی گہرے کنویں میں گرا ہو ۔۔۔۔۔ وہ خاموش یونہی نیچے بیٹھا رہا ۔۔۔۔

زاہنور نے ایک نظر اسے دیکھا

” اپنا خیال رکھنا “

وہ اپنی جگہ سے ٹس سے مس نہ ہوا نہ اس نے زاہنور کو دیکھا ۔۔۔۔۔ وہ اس کے پہلو سے ہو کے جانے لگی ۔۔۔۔

” سنو!!! “

اس کے قدم رک چکے تھے ۔۔۔

“مجھے خاموش راہوں میں تمہارا ساتھ چاہیے

تنہا ہے میرا ہاتھ ________ تمہارا ہاتھ چاہیئے

مجھ کو میرے مقدر ___ پر اتنا یقین تو ہے

کہ تم کو بھی میرے لفظ میری بات چاہیے “

زاہنور کا دل ڈوب کے ابھرا تھا ۔۔۔۔۔ وہ یونہی کھڑی تھی ۔۔۔۔ مڑ کے اسے دیکھا تک نہیں تھا ۔۔۔۔

“میں خود اپنی شاعری _ کو کیا اچھا کہوں

مجھ کو تمہاری تعریف _ تمہری داد چاہیے

احساسِ محبت تمہارے ہی واسطے ہے لیکن

جنونِ عشق کو تمہاری __ ہر سوغات چاہیے

تم مجھ کوپانے کی خواہش رکھتی ہو شاید

اور مجھےجینےکیلیۓ تمہاری ہی ذات چاہیے ۔۔۔۔”

اس کی گھمبیر آواز کمرے کے خاموش فضا میں ایک سوز بھر رہی تھی ۔۔۔۔

وہ اب چپ تھا ۔۔۔۔۔۔ زاہنور کو لگا جیسے وہ ٹرانس ٹوٹ سا گیا ہو ۔۔۔۔۔ وہ پیچھے نہیں مڑی ۔۔۔۔ اسے پیچھے مڑ کے دیکھنا بھی نہیں تھا اب ۔۔۔۔

دروازہ کھول کے وہ کمرے سے نکل چکی تھی ۔۔۔۔۔ ہاسپٹل کوریڈور میں چلتے اسے یہی محسوس ہو رہا تھا اس کے قدم لڑکھڑا رہے ہو ۔۔۔۔۔۔۔ اس کی آنکھیں دھندلائی تھی ۔۔۔۔۔۔۔۔۔۔

شاہ ویز اسے کھو چکا تھا ۔۔۔۔۔۔ وہ چاہ کے بھی اسے اب اپنا مقدر نہیں بناسکتا تھا ۔۔۔۔۔۔۔۔۔۔ پل پل اس کمرے سے دور ہوتے ہوئے اسے ایسے لگ رہا تھا جیسے دل پہ بھاری بوجھ سا گر گیا ہو ۔۔۔۔۔۔۔۔۔۔ جب اسے شاہ ویز کی محبت چاہئیے تھی تب وہ اسے بار بار اپنے الفاظ سے ۔۔۔ اپنی ذات سے اس کی دھجیاں بکھیر رہا تھا اور آج جب وقت اس کے ہاتھ سے نکل چکا ۔۔۔۔۔۔ دونوں بازی ہار چکے ۔۔۔۔۔۔ زاہنور اپنی زندگی بنا چکی حمین شاہ کے ساتھ ۔۔۔۔ تو وہ پھر سے آیا ہے اس کے پاس ۔۔۔۔۔۔ اس کی سوئی محبت اب جاگی ہے ۔۔۔۔۔ وہ اب زاہنور سے محبت مانگ رہا ہے ۔۔۔۔۔۔۔۔ وقت مٹی کے ڈھیر کی طرح اب ہاتھ سے نکل چکا ہے ۔۔۔۔۔۔ !!!!

وہ گھر میں داخل ہوئی تو حمین شاہ جو کہ لاونج میں اس کا منتظر بیٹھا ہوا تھا ۔۔۔۔۔۔ اسے دیکھنے لگا ۔۔۔۔۔۔۔۔۔ اس کے چہرے پہ تھک۔ تھی ۔۔۔۔۔۔

” ہاسپٹل گئی تھی تم ؟”

زاہنور چونک کے اسے دیکھنے لگی ۔۔۔۔۔۔۔۔۔ وہ بس اسے دیکھے گئی ۔۔۔۔۔۔۔۔۔۔۔ جواب نہ ملنے پہ وہ اٹھ کے آس پاس آیا

” زاہنور ۔۔۔ کچھ پوچھا ہے تم سے “

وہ بےدھیانی میں اسے دیکھ رہی تھی ۔۔۔۔ اسے یاد نہیں آ رہا تھا کہ حمین نے کیا پوچھا ہے اس سے ۔۔۔

” ہہ ؟؟ کیا پوچھ رہے تھے ؟”

حمین شاہ اسے دیکھ کے رہ گیا ۔۔۔۔

” ہاسپٹل کیوں گئی تھی ؟؟ طبیعت تو ٹھیک ہے ؟”

دوبارہ سے اس نے اپنا سوال دہرایا تو وہ کچھ سوچتے نظریں چرانے لگی

” ہاں ۔۔۔ ہاں وہ میری ایک دوست تھی وہ آئی تھی تو اس سے ملنے گئی تھی ٫

وہ پھر سے جھوٹ بول رہی تھی

” ہاسپٹل میں ؟”

حمین شاہ بےیقینی سے اسے دیکھ رہا تھا جبکہ وہ نظریں چرا رہی تھی

” ہاں ۔۔۔۔۔ ڈاکٹر ہے نا وہ ۔۔۔۔۔ “

” ہممم اچھا ۔۔۔۔۔۔ “

وہ اسے غور سے دیکھ رہا تھا ۔۔۔۔۔

” ایسے کیوں دیکھ رہے ہو ؟؟”

زاہنور اپنے بال پیچھے کرتی بولی

” سوچ رہا وقت کتنا بدل گیا ہے “

وہ گھمبیر لہجے میں بولا تھا ۔۔۔۔۔۔

” وہ کیسے ؟”

وہ اب سوالیہ نظروں سے حمین شاہ کو دیکھ رہی تھی ۔۔۔

” تم روئی ہو زاہنور ؟”

وہ اس کی آنکھوں کو دیکھ رہا تھا

” ن۔۔۔۔ نہ۔۔۔۔ نہیں تو “

زاہنور کی سانس ہی جیسے اٹک گئی ہو ۔۔۔۔۔

” زاہنور میں تمہاری آنکھوں کو پڑھ لیتا ہوں ۔۔۔۔۔۔۔۔ چاہے تم جتنا بھی چھپاؤ خود کو لیکن حمین شاہ سے نہیں چھپ سکتی تم “

وہ دبے لفظوں میں گہری بات کر گیا تھا ۔۔۔۔۔۔

زاہنور اسے دیکھے گئی ۔۔۔۔۔۔۔ اس کی آنکھیں اسے باور کرانے کے لئے کافی تھی کہ وہ اس کا جھوٹ پکڑ چکا ہے شاید ۔۔۔۔۔

اپنا آپ چھڑا کے وہ سیڑھیوں کی طرف بڑھی ۔۔۔۔۔۔

” میں دونوں بچوں کو دیکھ لوں “

وہ جلدی جلدی سیڑھیاں چڑھنے لگی جبکہ نیچے کھڑا حمین شاہ اس کے پل پل بدلتے روپ کو دیکھ رہا تھا ۔۔۔۔۔۔ وہ ہر بار اس سے جھوٹ بول رہی تھی اور آج کے جھوٹ نے آخری کیل کا کام کیا ۔۔۔۔۔۔۔۔۔۔۔ وہ اب ہر بار اس سے جھوٹ بولتی ہے ۔۔۔۔ اس کی آنکھوں میں دیکھ دیکھ کے وہ جھوٹ بولتی ہے ۔۔۔۔۔ اور حمین شاہ کو یہ بات ہضم نہیں ہو رہی تھی ۔۔۔۔۔۔ کہ زاہنور اس سے جھوٹ کا سہارا لے کے شاہ ویز سے ملنے جاتی ہے ۔۔۔۔۔۔ نہ چاہتے ہوئے بھی اس کا دھیان زاہنور کی طرف جا رہا تھا کہ وہ اب بدلنے لگی ہے ۔۔۔۔۔ وہ اب اکتا رہی ہے حمین شاہ سے ۔۔۔۔ وہ پھر سے شاہ ویز کے پاس جانا چاہتی ہے ۔۔۔۔ پھر سے اس کا ساتھ چاہتی ہے ۔۔۔۔ وہ شک کرنا نہیں چاہتا تھا لیکن دل و دماغ میں جنگ جاری تھی کہ جب وہ چاہتی ہے اس کے پاس جانا تو سیدھی طرح بول دے ۔۔۔۔۔۔۔۔۔ یوں جھوٹ کا سہارا کیوں لے رہی ہے ۔۔۔۔۔۔

غائب دماغی سے وہ سامنے پڑے میگزین کو دیکھ رہا تھا جس میں حمین شاہ اور زاہنور کی تصویر تھی ۔۔۔۔۔۔۔۔۔۔۔۔ خوشی زاہنور کی آنکھوں سے جھلک رہی تھی ۔۔۔۔۔۔۔ حمین شاہ کا ہاتھ تھامے وہ مسکرا رہی تھی ۔۔۔۔۔۔۔۔۔۔ شاہ ویز کے دل میں ہوک سی اٹھی تھی ۔۔۔۔۔۔ میگزین اٹھا کے اس نے پرے پھینک دیا ۔۔۔۔۔۔۔۔۔۔۔ اس کے دماغ میں زاہنور کی باتیں گونج رہی تھی ۔۔۔۔ ایک جنگ سی چل رہی تھی اس کے اندر ۔۔۔۔۔۔۔۔۔۔ ٹھیک ہی تو کہہ رہی تھی وہ۔ ۔۔۔ اب وہ چاہ کے بھی زاہنور کو اپنا مقدر نہیں بناسکتا تھا ۔۔۔۔۔۔۔۔ وقت اس کے ہاتھوں سے نکل چکا ہے ۔۔۔۔۔۔۔ اسے زاہنور کو اس کی زندگی جینے دینی چاہئیے ۔۔۔۔۔ وہ پھر سے اس کی زندگی برباد کرنے کا باعث نہیں بننا چاہتا تھا ۔۔۔۔۔۔ اسے خاموشی سے راستے سے ہٹنا ہے ۔۔۔۔۔ زاہنور کی خوشی کے لئے ۔۔۔۔ محبت تو صرف جیتنے کا نام نہیں ہے ۔۔۔۔۔ یا صرف پا لینے کا نام نہیں ہے ۔۔۔ محبت تو قربانی مانگتی ہے ۔۔۔۔۔۔ مقابل کی خوشیاں مانگتی ہے ۔۔۔۔۔۔۔۔۔ تو کیا وہ نہیں چاہتا کہ زاہنور خوش رہے ۔۔۔۔۔ یہی تو وہ چاہتا ہے پس اس کے رستے کا پتھر بننے کی بجائے اسے اپنا رستہ بدل دینا چاہئیے ۔۔۔۔۔۔۔۔ اس نے موبائل اٹھایا اور کوئی نمبر ڈائل کرنے لگا ۔۔۔۔۔۔۔۔۔ دوسری طرف سے ہیلو کی آواز پہ اس نے بس اتنا کہا ” ملنا چاہتا ہوں ۔۔۔۔۔ بات کرنی ہے تم سے وہیں بیچ پہ “

اور موبائل بند کردیا ۔۔۔۔۔۔ وہ فیصلہ کر چکا تھا اور اسے اپنا یہ فیصلہ ابد تک نبھانا تھا ۔۔۔۔۔۔۔۔

اور ابھی وہ بیچ پہ اس کے ساتھ بیٹھا پانی کی لہروں کو دیکھ رہا تھا ۔۔۔۔۔۔ کچھ لمحے یونہی خاموشی سے سرکے تھے ۔۔۔۔۔۔۔۔

” میں نے سوسائیڈ کرنے کی کوشش کی تھی لیکن بچ گیا “

اس نے بات شروع کی پلوشہ حیرت سے اسے دیکھ رہی تھی ۔۔۔۔۔۔

” کیو،ں ؟”

” کیونکہ مجھے زاہنور کے بنا جینا نہیں آیا تھا “

وہ سامنے دیکھتا کہہ رہا تھا ۔۔۔۔

” اور اب؟”

وہ اس کا چہرہ پڑھ رہی تھی ۔۔۔۔۔۔ اس نے اچانک اپنا چہرہ پلوشہ کی طرف کیا تھا

” شادی کرو گی مجھ سے؟”

پلوشہ کی آنکھوں میں حیرت نہیں۔ تھی ۔۔۔۔۔۔۔۔۔ وہ بس خاموش آنکھوں سے اسے دیکھ رہی تھی ۔۔۔۔۔۔ شاہ ویز کے آنکھوں کی بےبسی عیاں تھی ۔۔۔۔۔۔۔۔ لیکن وہ محبت کر بیٹھی تھی اس سے ۔۔۔۔۔۔ اسے یوں تنہا ۔۔۔۔ تڑپتا ہوا نہیں دیکھ سکتی تھی ۔۔۔۔۔ وہ جانتی تھی شاہ ویز وقتی طور پہ جذباتی ہو کے یہ فیصلہ کر رہا ہے یا شاید زاہنور سے دور ہونے کے لئے ۔۔۔۔۔ وہ اس سے محبت نہیں کرتا نہ کھبی کرے گا ۔۔۔۔۔۔ لیکن !!!!

” ہاں ۔۔۔۔ “

اس نے مختصر جواب دیا ۔۔۔۔۔۔

” تو ٹھیک ہے میں امی کے ساتھ آ رہا ہوں تمہارے گھر “

وہ پھر سے سامنے دیکھ رہا تھا اب ۔۔۔

” ٹھیک ہے “

پھر وہی مختصر جواب ۔۔۔۔

سوال بہت تھے اس کے پاس پوچھنے کے لئے لیکن وہ جواب جانتی تھی تبھی خاموش رہی ۔۔۔۔۔۔۔ جن سوالوں کا جواب معلوم ہو آپ کو ۔۔۔۔۔ ان سوالوں کو پوچھنے کا کوئی مقصد نہیں ہوتا ۔۔۔۔۔

” ایسکریم میں کون سا فلیور پسند تمہیں؟”

وہ پھر سے پوچھ رہا تھا ۔۔۔۔

” چاکلیٹ اینڈ اسٹرابیری “

اس نے جواب دیا تو وہ اسے دیکھنے لگا

” تو چلو ۔۔۔ “

” کہاں ؟”

” آئسکریم کھانے ۔۔۔۔۔ “

وہ اٹھتے ہوئے بولا ۔۔۔۔۔ پلوشہ بھی کھڑی ہوئی اور اس کے ساتھ قدم سے قدم ملا کے چلنے لگی ۔۔۔۔۔۔

پانی کا شور اب بھی تھا جو سمندر کے کناروں سے ٹکرا کے واپس جا رہی تھی ۔۔۔۔۔۔

پلوشہ اس کے قدموں کے نشان پہ اپنے قدم رکھ رہی تھی ۔۔۔۔۔۔۔

” میں تیرے سنگ کیسے چلوں

سجنا ۔۔۔۔

تو سمندر ہے میں ۔۔۔۔

ساحلوں کی ہوا “

اس نے دھیرے سے سوچا ۔۔۔۔۔۔ شاہ ویز نے مڑ کے اسے دیکھا ۔۔۔۔ وہ اس کے پیچھے پیچھے آ رہی تھی ۔۔۔۔۔۔ اس کا ہاتھ تھام کے اسے اپنے ساتھ چلنے کو کہا تو وہ اس کے ساتھ قدم سے قدم ملا کے چلنے لگی ۔۔۔۔

اپنے بیٹے کی خواہش سن کے وہ بےحد خوش تھی ۔۔۔۔۔۔۔۔ اسے یقین نہیں آ رہا تھا کہ شاہ ویز شادی کرنا چاہتا ہے وہ بھی اپنی پسند کی ہوئی لڑکی سے ۔۔۔۔۔۔ پلوشہ کے گھر والے کافی سلجھے ہوئے لوگ تھے ۔۔۔۔۔۔۔ پلوشہ گھر کی اکلوتی ہی تھی ۔۔۔۔۔ شہناز اپنی دوست کے لئے خوش ہو رہی تھی لیکن پھر بھی اسے پلوشہ کی آنکھیں اداس تھی وہ بہ ظاہر مسکرا رہی تھی لیکن اس کی آنکھوں میں اداسی ٹھہری ہوئی تھی ۔۔۔۔

” تم خوش ہو پلوشہ؟”

وہ پوچھ رہی تھی ۔۔۔ پلوشہ مسکرا کے دیکھنے لگی

” آف کورس ۔۔۔۔ شاہ ویز کے ساتھ تو میں ہر حال میں خوش ہوں “

شہناز خاموش ہو گئی تھی ۔۔۔۔۔۔۔

اور یوں ان کی منگنی کی تیاریاں زور شور سے شروع ہو چکی تھی ۔۔۔۔۔۔۔۔۔۔

منگنی کی تقریب کا کارڈ زاہنور کو بھی دینے نفیسہ خود آئی تھی ۔۔۔۔۔۔۔ وہ کارڈ ہاتھ میں لیے خاموشی سے بیٹھی ہوئی تھی ۔۔۔۔۔۔۔۔ شاہ ویز کے لئے اس کے دل سے ساری کدورتیں مٹ چکی تھی اور سچے دل سے شاہ ویز کے لئے خوشیاں چاہتی تھی اور اس کے فیصلے سے وہ بےحد خوش ہوئی تھی ۔۔۔۔۔۔۔۔ لیکن وہ اس فنکشن میں جا سکے گی یا نہیں۔۔۔۔ یہ اسے معلوم نہیں تھا کیونکہ حمین شاہ کا دل وہ توڑنا نہیں چاہتی تھی اس کے موبائل کی بپ بجی تھی ۔۔۔۔

اس نے موبائل کان سے لگایا تو دوسری طرف شاہ ویز تھا ۔۔۔۔۔۔

” کیسی ہو زاہنور ؟”

وہ گھمبیر لہجے میں پوچھ رہا تھا ۔۔۔۔۔۔

” منگنی مبارک ہو تمہیں شاہ ویز ۔۔۔۔ “

اس نے دھیمے لہجے میں کہا ۔۔

” تم خوش ہو ؟”

وہ الٹا زاہنور سے پوچھ رہا تھا ۔۔۔۔۔ زاہنور کو عجیب لگا اس کا سوال ۔۔۔۔ ۔

” تمہاری خوشیوں کے لئے ۔۔۔ تمہارے رستے سے ہمیشہ کے لئے ہٹنے کے لئے میں یہ ڈیسیژن لے رہا ہوں ۔۔۔۔۔۔۔ “

وہ خاموش رہی ۔۔۔۔

” زاہنور ؟”

اس نے سرگوشی میں اس کا نام لیا تھا ۔۔۔

” ہمممم ؟؟”

” کھبی اگر سامنا ہوا تو ملو گی مجھ سے یا ۔۔۔۔۔۔ کترا کے چلی جاؤ گی ؟”

وہ سرگوشی میں اس سے پوچھ رہا تھا ۔۔۔۔۔

زاہنور کو سمجھ نہیں آئی کیا جواب دے ۔۔۔۔۔

” رک جانا پلیز ۔۔۔۔۔۔ مان مت توڑنا پلیز “

وہ خود ہی سوال کر رہا تھا خود ہی جواب دے رہا تھا ۔۔۔۔۔۔۔۔

” آؤ گی نا ؟؟ میری اینگیجمنٹ پہ ؟”

اس کا آنچ دیتا لہجہ ۔۔۔۔۔۔ اس کی امید بھری آواز ۔۔۔۔

” دیکھوں گی ۔۔۔۔۔ “

اس نے مختصر جواب دیا

” اگر میں چاہوں تب بھی نہیں آؤ گی ؟”

وہ آس لیے پوچھ رہا تھا ۔۔۔۔۔۔

” تمہارا چاہنا نہ چاہنا میٹر نہیں کرتا ۔۔۔۔ میری دعا ہے تم خوش رہو ہمیشہ ۔۔۔۔ “

وہ سچے دل سے اسے دعا دے رہی تھی ۔۔۔۔۔

” میری بھی یہی دعا ہے زاہنور کہ تمہیں زندگی کی ہر خوشی ملے ۔۔۔۔۔۔ ہمیشہ خوش رہو ۔۔۔ “

اس کا گلا رندھا تھا ۔۔۔۔۔ زاہنور خاموش رہی ۔۔۔۔۔

اس کے لہجے کی نمی کو اس نے بھی محسوس کیا تھا ۔۔۔۔

” اللہ حافظ ۔۔۔ “

اس نے آہستگی سے کہا ۔۔۔۔۔ جواباً وہ خاموش رہا تھا ۔۔۔۔۔۔۔ زاہنور منتظر رہی ۔۔۔۔ پھر موبائل کان سے ہٹا کے اس نے بند کر دیا اور سائیڈ پہ رکھ دیا ۔۔۔۔۔۔۔ کارڈ بھی اس نے سائیڈ ٹیبل پہ رکھ دیا تھا ۔۔۔۔۔ وہ جانتی تھی کہ وہ جا نہیں پائے گی ۔۔۔۔۔۔ اسکے دل میں کوئی خواہش بھی نہیں تھی جانے کی ۔۔۔۔۔۔۔۔ وہ بس یہی چاہتی تھی کہ ہر انسان کو حق ہے کہ وہ خوش رہے اور یہی چاہتی تھی وہ کہ شاہ ویز اپنی نئی زندگی کے ساتھ خوش رہے ہمیشہ۔