Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 10)
No Download Link
Rate this Novel
Kabhi Jo Ashna Sy Thy Hum (Episode 10)
Kabhi Jo Ashna Sy Thy Hum by Malaika
وہ آئینے کے سامنے کھڑی اپنے عکس کو دیکھ رہی تھی ۔۔۔۔۔ اس کے لبوں پہ دھیمی سی مسکان تھی ۔۔۔۔۔۔۔ اس کے وجود میں ایک ننھا سا وجود پنپ رہا تھا جو اس کے اپنے وجود کا حصہ تھا ۔۔۔۔۔۔۔۔۔ اس کے چہرے پہ ممتا کا نور سا پھیلا ہوا تھا ۔۔۔۔۔۔۔۔۔۔۔۔
” میں ماں بن رہی ہوں “
اس نے زیر لب خود سے کہا ۔۔۔ اس کی آنکھیں بھر آئی تھی ۔۔۔۔۔۔
‘ تم کھبی ماں نہیں۔ بن سکتی ۔۔۔۔ بانجھ ہو بانجھ تم ۔۔۔۔۔۔۔۔۔ ‘
شاہ ویز کی آواز کہیں دور سے اس کے کانوں میں گونجی تھی ۔۔۔۔۔ اس کی آنکھیں دھندلائی تھی ۔۔۔۔ جب دھیرے سے کسی نے اسے پیچھے سے تھام لیا ۔۔۔۔۔ پلکیں جھپک کے اس نے دیکھنے کی کوشش کی ۔۔۔۔ حمین شاہ تھا وہ ۔۔۔۔۔۔ جو اپنی پوری محبت اس پہ نچھاوڑ کرتا اسے بانہوں میں لیے ہوئے تھا ۔۔۔۔۔۔۔ آنسو اس کی گال پہ ڈھلکے تھے اور اس کے لب مسکرا رہے تھے ۔۔۔۔۔۔
” یہ آنسو کیوں میری بیگم کی آنکھوں میں ؟”
وہ مسکرا کے پوچھ رہا تھا ۔۔۔۔۔۔۔
” میں ماں بن رہی ہوں حمین ۔۔۔ ماں “
اس نے بھرائی آواز میں کہا تھا ۔۔۔۔۔۔
” اور میں پاپا ۔۔۔۔ میں تو نہیں رو رہا “
حمین شاہ نے اسے چھیڑنے کی غرض سے کہا تھا
” تمہیں کھبی لفظ بانجھ سننے کو نہیں ملا ۔۔۔۔۔۔۔۔۔ “
وہ ایکدم سے رونے لگ گئی ۔۔۔۔۔۔۔۔ اس کی سسکیاں ابھر رہی تھی کمرے میں ۔۔۔۔۔
حمین شاہ نے اس کا رخ موڑ کے اسے بانہوں میں بھر لیا ۔۔۔۔۔۔۔۔
” زاہنور ۔۔۔۔۔۔ ایسے نہیں روتے میری جان “
لیکن وہ پھر بھی رو رہی تھی ۔۔۔۔۔۔۔ حمین۔ شاہ اسے لیے بیڈ پہ آ گیا اسے بٹھا کے خود بھی وہیں بیٹھ گیا ۔۔۔۔۔۔۔۔
” تم بانجھ نہیں ہو زاہنور ۔۔۔۔ تم ماں بن رہی ہو ۔۔۔۔۔۔۔ ایک بہت ہی خوبصورت بچے کی ماں ہوگی تم انشا اللہ ۔۔۔۔۔۔ اور اس بچے کو بےحد محبت سے چاہ سے ہم ہے گیں ۔۔۔۔ پھر اس کی شادی کرے گیں ۔۔۔۔۔ پھر تم اپنی بہو پہ ظلم کرنا ۔۔۔۔ ایک ظالم ساس بن کے “
زاہنور رونا بھول کے منہ کھولے اسے دیکھ رہی تھی ۔۔۔۔۔
” میں ظالم ساس کیوں بنوں ؟”
” کیونکہ مجھے ظالم ساس بیت ایٹریکٹ کرتی ہے “
وہ زیر لب مسکراتا بولا ۔۔۔۔۔۔
” جب تم بہو پہ چلا چلا کے میرے پاس آؤ گی اپنے بیٹے اور بہو کی شکایت لے کر تو ۔۔۔۔ میں تمہیں اپنی بانہوں میں بھر کے کہوں گا
جان چھوڑو نا انھیں آؤ رومینس کرتے ہیں “
زاہنور اسے شاکی نظروں سے دیکھ رہی تھی ۔۔۔۔ تو وہ کندھے اچکا کے ہنسنے لگا۔۔۔۔۔
” تمہیں۔ جیسے پتہ کہ بیٹا ہے ؟”
زاہنور اس سے پوچھنے لگی ۔۔۔۔۔ تو وہ سوچنے لگ گیا ۔۔۔۔۔
” کیونکہ مجھے تمہاری شکایتی کرنی ہے اپنے بیٹے سے ۔۔۔۔ میرا یہاں ہے ہی کون ؟ ایک دادا ابو ہے وہ بھی تمہاری سائیڈ ہی لیتے رہتے ہیں ۔۔۔۔۔۔ “
وہ مسکین سی شکل بنا کے بولا تو زاہنور ہنسنے لگی
” ہاں تو تم ان کی پوتی کو تنگ جو کرتے ہو “
” سیریسلی ؟؟؟؟ میں تمہیں۔ تنگ کرتا ہوں ؟؟؟ آئی مین سیریسلی زاہنور “
وہ مصنوعی حیرت سے کہہ رہا تھا جبکہ زاہنور اثبات میں سر ہلانے لگی
” بہت زیادہ تنگ ۔۔۔۔۔ مجھ سے پیار ہی نہیں کرتے ۔۔۔۔ “
وہ منہ بنا کے بولی ۔۔۔۔
” ایم ریڈی چلو “
حمین شاہ ہاتھ جھاڑتا کہنے لگا جبکہ زاہنور حیرت سے اسے دیکھنے لگی
” کہاں؟”
” پیار کرنے بیگم ۔۔۔۔۔ “
وہ شرارت سے آنکھ ونک کرتے کہنے لگا تو زاہنور ایکدم پیچھے ہٹ گئی ۔۔۔۔۔۔ اور حمین شاہ کا قہقہہ بےساختہ تھا ۔۔۔۔۔۔۔۔۔ اس نے دھیرے سے زاہنور کو بانہوں میں بھر لیا ۔۔۔۔۔
” بہت معصوم ہو تم “
زاہنور نے بھی مسکرا کے آنکھیں موند لیں ۔۔۔۔۔ اس کا سب کچھ اب حمین شاہ ہی تو تھا ۔۔۔۔۔۔
دلاور شاہ اپنے دونوں بیٹوں اور دونوں بہوؤں کے قبر کے پاس بیٹھے ہوئے تھے ۔۔۔۔۔۔۔۔
ان کے دو خاص آدمی بھی ان سے فاصلے پہ کھڑے تھے ۔۔۔۔۔۔
دلاور شاہ نے ان کی قبروں پہ پھول سجائے تھے ۔۔۔۔۔ اور اب یونہی بیٹھے دیکھ رہے تھے ۔۔۔۔۔۔ ان کی آنکھیں نم تھی جبکہ ان کے لب لرز رہے تھے۔ ۔۔۔
” میں بہت خوش ہوں آج بہت خوش ۔۔۔۔۔۔۔۔۔ تم لوگ بھی سنو گے تو تم لوگ بھی خوش ہوگیں ۔۔۔۔۔۔۔۔ اب شاہ مینشن میں خوشیوں کی بارش ہوگی میرے بچوں ۔۔۔۔۔ “
ان کی آواز کپکپا رہی تھی
” جن خوشیوں کو دیکھنے کے لئے میری آنکھیں ترس رہی تھی وہ اب مجھے جا کے ملی ہے ۔۔۔۔۔۔۔۔ میں ۔۔۔۔ میں پڑ دادا بننے والا ہوں اور تم سب دادا دادی نانا نانی ۔۔۔۔۔ “
ان کی آنکھیں ایکدم چھلک پڑی
” تمہارے اس بابا نے بہت دکھ جھیلے ہیں ۔۔۔۔۔ ان آنکھوں نے بہت آنسو بہائے ہیں ۔۔۔۔۔۔۔ شاہ مینشن کے خاموش درودیوار اب خاموش نہیں۔ رہے گیں وہاں میرے بچوں کی کھلکھاریاں گونجے گی اب ۔۔۔۔۔۔۔ میں۔ ۔۔ میں بہت خوش ہوں بہت خوش ہوں ۔۔۔۔۔ حمین شاہ اور زاہنور کو ساتھ دیکھ کے بہت خوش ہوں “
وہ اچانک سے رو پڑے تھے ۔۔۔۔۔۔۔۔۔۔۔
” میرے بچے بھی بہت خوش ہیں ۔۔۔۔۔۔ انھیں دیکھ دیکھ کے میں زندگی جی رہا ہوں ۔۔۔۔۔۔۔۔۔ ان کی خوشیاں مجھے خوشیاں دیتی ہے ۔۔۔۔ ان کی ہنسی مجھے ہنساتی ہیں ۔۔۔۔۔۔۔۔۔۔ اور جب میرے پڑ پوتے ہوگیں تو ۔۔۔۔ “
وہ روتے ہوئے ہنس پڑے تھے ۔” جب میرے پڑ پوتے اور پڑپوتیاں ہوگیں تو میں تو اپنی خوش قسمتی پہ ناز ہی کرتا پھروں گا۔ ۔۔۔۔۔۔۔۔۔ میں ۔۔۔۔ میں لاؤں گا انھیں یہاں ۔۔۔۔۔ اور بتاؤں گا انھیں کہ یہ میرے بچے ہیں ۔۔۔۔ میرے نازو پلے بچے جو یہاں سو رہے ہیں۔ ۔۔۔ آرام سے سو رہے ہیں “
کہتے کہتے وہ روئے جا رہے تھے ۔۔۔۔۔۔۔۔ عبدل آگے بڑھا تھا ۔۔۔۔۔۔۔۔ وہ بھی ساتھ میں آیا تھا اپنے بڑے مالک کو وہ اکیلا نہیں چھوڑنا چاہتا تھا ۔۔۔۔۔ دلاور شاہ کے کندھے پہ اس نے اپنا ہاتھ رکھا ۔۔۔
” بڑے مالک ۔۔۔۔۔۔۔۔ بس کیجئیے “
اس کی آنکھیں بھی آبدیدہ ہو چکی تھی ۔۔۔۔۔۔
دلاور شاہ نے سر اٹھا کے اسے دیکھا ۔۔۔۔۔۔ اور مسکرانے لگے ۔۔۔۔
” عبدل ۔۔۔۔۔ میرے بچے ۔۔۔۔۔۔ میرے بچے یہاں سو رہے ہیں ۔۔۔۔۔۔۔ میں آتا ہوں اس امید پہ کہ وہ جاگ جائیں گے ۔۔۔ کھبی تو جاگ جائیں گے لیکن وہ سو رہے ہوتے ہیں ۔۔۔۔ انھیں۔ ۔۔۔۔ انھیں اپنے بوڑھے باپ پہ رحم بھی نہیں آتا “
عبدل جو دکھی ہو رہا تھا وہ بھی رونے لگا تھا ۔۔۔۔ بچپن سے تو وہ یہاں ان کے بیچ پلا بڑھا تھا ۔۔۔۔۔۔۔
” بڑے مالک اٹھئیے ۔۔۔۔۔ چلتے ہیں گھر “
وہ انھیں اٹھانے میں مدد دینے لگے ۔۔۔۔۔ وہ اٹھے اور ایک آخری نظر ان قبروں پہ ڈال کے دل پہ بوجھ لیے وہ وہاں سے عبدل کا ہاتھ تھامے جانے لگیں ۔۔۔۔۔۔۔۔۔ ان کے باقی دو خاص آدمی بھی ان کے ساتھ تھے ۔۔۔۔۔۔۔۔۔۔۔۔۔۔ گاڑی تک پہنچ کے وہ رکے تھے ۔۔۔۔۔۔۔ عبدل انھیں ہی دیکھ رہا تھا ۔۔۔۔۔
” کیا ہوا بڑے مالک ؟”
” دل پہ بوجھ سا آن گرا ہے عبدل۔ ۔۔۔۔ “
وہ اپنا دل تھامے کہہ رہے تھے ۔۔۔۔۔
عبدل گھبرا ہی گیا تھا
” ڈاکٹر کے پاس چلتے ہیں ۔۔۔۔ “
وہ کہنے لگا تو دلاور شاہ نے منع کر دیا
” نہیں ۔۔۔ مجھے گھر لے چلو ۔۔۔۔۔ اپنی بیٹی کو دیکھ کے ہی سکون ملے گا اب مجھے “
” لیکن بڑے مالک ۔۔۔۔۔ “
عبدل کچھ کہنا چاہ رہا تھا لیکن دلاور شاہ نے اسے کچھ بھی کہنے سے روک دیا ۔۔۔۔۔۔۔۔ تو وہ خاموشی سے انھیں گاڑی میں بیٹھنے میں مدد دی ۔۔۔۔۔ دوسری طرف سے خود بھی آ کے بیٹھ گیا ۔۔۔۔۔۔ اور گاڑی آگے بڑھ گئی ۔۔۔۔۔
گھر میں جیسے ہی عبدل کے ساتھ داخل ہوئے ۔۔۔۔ زاہنور پریشان سی صورت لیے ان کے پاس آئی ۔۔۔۔
” کہاں تھے آپ ؟؟؟ بنا بتائے کہاں گئے تھے ۔۔۔۔۔ جانتے ہیں کتنا پریشان ہوئی میں “
دلاور شاہ مسکرا ہی پڑے ۔۔۔۔ عبدل نے انھیں صوفے پہ بٹھایا ۔۔۔۔
” میں جوس لاتا ہوں “
کہہ کے کچن میں چلا گیا جبکہ زاہنور ان کے تھکے ماندہ چہرے پہ مسکراہٹ دیکھتی وہیں بیٹھ گئی ۔۔۔۔
” دادا ابو آپ ٹھیک ہے نا ؟”
وہ پریشان ہو رہی تھی جبکہ دلاور شاہ مسکرا کے سر سے اثبات میں ہلانے لگیں ۔۔۔۔۔۔۔۔۔۔۔۔۔
” ہاں میری بچی میں بلکل ٹھیک ہوں ۔۔۔۔ بس تھوڑا تھک گیا ہوں “
” کہاں تھے آپ ؟”
وہ اب بھی پریشان تھی
” قبروں پہ گیا تھا اپنے بچوں کے “
وہ خود کو نارمل ظاہر کرتے بولے ۔۔۔۔۔ زاہنور اپنے لب کاٹ کے رہ گئی ۔۔۔۔
” مجھے بھی لے چلتے دادا ابو “
اس کا دل بھی تڑپ گیا تھا ۔۔۔۔۔۔۔ دلاور شاہ مسکرا پڑے
” انھیں خوشخبری دینے گیا تھا میں کہ میں پڑ دادا بننے لگا ہوں ” وہ ہنستے ہوئے بولا تو زاہنور نظریں جھکا گئی ۔۔۔۔۔۔
” میں ۔۔۔ میں بہت خوش ہوں ۔۔۔۔۔۔ اتنا خوش کہ مجھ سے رہا نہ گیا تبھی اپنے بچوں کو یہ خوشی کی خبر دینے چلا گیا ۔۔۔۔۔۔ “
عبدل جوس لا چکا تھا ۔۔۔۔۔ زاہنور نے گلاس اٹھا کے دلاور شاہ کو دیا
” یہ لیں جوس پی لیں ۔۔۔۔۔ “
انھوں نے گلاس ہونٹوں سے لگایا ۔۔۔۔ اپنے لبوں کو تر کر کے وہ مسکرا کے زاہنور کو دیکھنے لگے جس کی آنکھیں تشویش لیے ہوئے تھی
” میں ٹھیک ہوں بیٹا ۔۔۔۔۔۔۔ بلکل ٹھیک ہوں “
زاہنور نے اثبات میں سر ہلایا ۔۔۔۔
” آئندہ یوں بنا بتائے کہیں نہیں۔ جائیں گے آپ ۔۔۔۔ پرامس کرے “
زاہنور ہاتھ آگے کیے ان سے وعدہ لے رہی تھی تو انھوں نے بھی مسکرا کے اپنا ہاتھ اس کے ہاتھ پہ رکھا
” پرامس میرا بچہ “
” چلئیے اب جوس ختم کیجئیے اپنا آپ “
زاہنور انھیں جوس پینے کا کہہ کے اب خود بھی دوسرا گلاس اٹھا چکی تھی ۔۔۔۔۔۔۔۔۔۔ انھیں دلاور شاہ سے بےحد محبت تھی ۔۔۔۔۔۔۔۔ ہارٹ اٹیک کے بعد وہ بےحد خوفزدہ ہو چکی تھی ۔۔۔۔۔۔۔۔ اس گھر کے بزرگ تھے ۔۔۔۔۔ اس کے دادا ابو تھے ۔۔۔۔۔۔۔ وہ ہمیشہ ان کا سایہ اس گر پہ رہنے کی دعا کرتی ۔۔۔۔۔۔
وہ جب کمرے میں آیا تو زاہنور بیڈ پہ نیم دراز موبائل ہاتھ میں لیے ہوئے تھی ۔۔۔۔۔۔ وہ مسکراتا ہوا اس کے پاس آ کے لیٹ گیا اور اسے بانہوں میں لے کے اس کا سر اپنے کندھے پہ رکھا ۔۔۔۔۔۔۔
” کیا کر رہی ہو بیگم ؟٫
وہ ہمیشہ اسے پیار سے بیگم ہی کہتا ۔۔۔۔۔۔
زاہنور مسکرا کے موبائل اس کے سامنے کیا ۔۔۔۔
حمین شاہ دیکھ کے مسکرا پڑا ۔۔۔۔۔
” یہ کیا ؟”
” ہممممم دیکھ رہی ہوں ۔۔۔۔۔۔۔ کہ بےبی کس منتھ میں کیسا ہوتا ہے “
وہ مسکرا کے بتانے لگی جبکہ حمین شاہ اس کے چہرے کی خوشی دیکھنے لگا ۔۔۔۔۔۔
” یہ چھوڑو سب مجھے دیکھا کرو ۔۔۔۔۔ “
” کیوں ؟”
وہ یونہی موبائل پہ سرچ کرتی پوچھنے لگی
” کیونکہ میں چاہتا ہوں ہمارا بےبی میری طرح ہینڈسم ہو”
اس کے شرارتی انداز پہ زاہنور نے گھور کے اسے دیکھا تو وہ ہنسنے لگا
” سچ ہی تو کہہ رہا ہوں ۔۔۔۔۔ “
جبکہ زاہنور نظریں جھکا گئی ۔۔۔۔۔۔۔۔ حمین شاہ نے دلچسپی سے اسے دیکھا ۔۔۔۔۔۔۔۔
” اور بیٹی ہوئی تو تمہاری طرح ہونی چاہیئے ۔۔۔۔ تمہارے جیسی آنکھیں ۔۔۔۔۔ تمہارے جیسی مسکراہٹ ۔۔۔۔۔۔۔ تمہاری جیسی عادتیں ۔۔۔۔ “
زاہنور کے مسکراتے لب ایکدم سکڑ گئے
” نہیں ۔۔۔۔ اس کی عادتیں میری جیسی نہیں ہونی چاہئیے “
” کیوں ؟”
حمین شاہ حیرت سے اسے دیکھنے لگا
” اسے اسٹرونگ ہونا چاہئیے ۔۔۔۔۔۔۔ اسے اپنا ڈیفینڈ کرنا آتا ہو ۔۔۔۔۔ وہ اتنی بہادر ہو کہ وہ غلط کو غلط کہہ سکے ۔۔۔۔۔۔۔۔۔ کسی کو وہ اجازت نہ دے کہ اس کی سیلف ریسپیکٹ کو روندتا چلا جائے ۔۔۔۔۔۔۔۔۔ وہ میری جیسی نہ ہو وہ اپنے جیسی ہو ۔۔۔۔۔۔۔ ایک مضبوط لڑکی ہو وہ ۔۔۔۔۔ “
حمین شاہ نے اس کے گال پہ پیار کرتے ہوئے اس کی آنکھوں میں دیکھنے لگا
” اسے تم اسٹرونگ بناؤ گی زاہنور ۔۔۔۔۔۔ تم اسٹرونگ ہو ۔۔۔۔۔۔ تم بہت اچھی ہو ۔۔۔۔۔۔۔ تم بہترین ماں ہوگی ۔۔۔۔۔ ایک بیٹی اپنی ماں سے سب سیکھتی ہے اور تم اپنی بیٹی کو یہ سب سکھاؤ گی “
” میں کیسے ؟ “
وہ پریشان نظروں سے حمین شاہ کو دیکھنے لگی ۔۔۔۔۔۔
” جیسے مجھے سدھارا ۔۔۔۔ بلکل ویسے ہی “
حمین شاہ نے مسکراتے ہوئے کہا جبکہ زاہنور کچھ دیر اسے دیکھتی رہی پھر لب دانتوں تلے دبا کے رخ موڑ گئی
” تم کون سا سدھرے ہوئے ہو “
” وہاٹ ۔۔۔۔ “
وہ حیرت سے اس کی پشت دیکھنے لگا ۔۔۔۔ جبکہ زاہنور کی ہنسی نکل گئی تو حمین شاہ نے اسے خود کے قریب کیا ۔۔۔۔۔۔
” تھینک یو ۔۔۔۔۔ “
اس نے سرگوشی کی جبکہ زاہنور مسکرا رہی تھی ۔۔۔۔
” تھینک یو ٹو “
وہ بھی دھیرے سے بولی ۔۔۔۔۔
” بس تھینک یو ہی کہتی رہو گی یا …”
اس نے بات ادھوری چھوڑ دی ۔۔۔۔۔۔۔
” فی الحال بس تھینک یو سے کام چلا لو ۔۔۔۔ “
زاہنور بھی مسکرا کے بولی تھی ۔۔۔ حمین شاہ کی محبت نے اسے اعتماد بخشا تھا ۔۔۔۔۔۔ وہ اب کھل کے بات کرتی اس سے ۔۔۔۔۔۔۔ کھل کے اپنے احساسات بیان کرتی اور حمین شاہ کے لئے یہی بہت تھا کہ وہ اپنا اعتماد پھر سے حاصل کر رہی تھی ۔۔۔۔۔
وہ آج شاپنگ پہ آئی ہوئی تھی ۔۔۔۔۔۔۔۔ ابھی وہ شاپنگ کر کے نکلی ہی تھی جب اس کا سامنا شاہ ویز سے ہوا ۔۔۔۔۔۔۔۔۔۔۔
” ہیلو مائی ڈئیر ایکس وائف “
زاہنور نے ناگواری سے اسے دیکھا ۔۔۔۔۔۔
اور اس کے پہلو سے ہو کے گزرنے لگی لیکن وہ پھر سے سامنے آ گیا
” رک جاؤ ۔۔۔۔ اتنی بھی کیا جلدی ہے اس حمین شاہ کے پاس جانے کی ۔۔۔۔ “
” کیا مسلہ ہے تمہیں ؟”
وہ سرد لہجے میں پوچھ رہی تھی ۔۔۔۔۔۔
” یاد آ رہی تھی بہت ۔۔۔۔۔۔ “
اس نے بےباک انداز میں اس کے سراپے کو دیکھتے کہا ۔۔۔
” بکواس بند کرو “
” بڑی زبان چلنے لگی ہے ۔۔۔ “
اس کا ہاتھ دبوچنے کے لئے شاہ ویز نے اپنا ہاتھ بڑھایا ہی تھا کہ زاہنور پیچھے ہٹی اور انگلی اٹھا کے اسے وارن والے انداز میں دیکھنے لگی
” ہاتھ مت لگانا ۔۔۔۔۔۔۔ “
شاہ ویز نے حیرت سے اسے دیکھا پھر ہنسنے لگا ۔۔۔۔۔۔
” اتنا اترا رہی ہو اس حمین شاہ پہ “
” ہزبینڈ ہے وہ میرا تمیز سے بات کرو “
وہ تیز لہجے میں بولی تھی ۔۔۔۔۔۔
” ہزبینڈ ۔۔۔۔۔۔ ہاہاہاہاہاہا “
وہ قہقہہ لگانے لگا
” پوچھو جا کے اپنے اس ہزبینڈ سے کہ کیا قیمت لگائی تھی اس نے تمہاری ۔۔۔۔۔۔ کتنے میں خریدا ہے اس نے تمہیں مجھ سے یا پھر یوں کہو کتنے میں بیچا ہے میں نے تمہیں “
وہ زہر اگل رہا تھا اور زاہنور دم سادھے اسے دیکھ رہی تھی ۔۔۔۔۔۔۔۔۔ اس کا ذہن جیسے مفلوج ہو رہا تھا
” آئی بڑی ہزبینڈ والی ۔۔۔۔۔۔۔۔۔۔ “
وہ تمسخر اڑا رہا تھا جب دو گارڈ وہاں پہنچے
” میم آپ نے بلایا ہوتا ۔۔۔۔۔ “
وہ اس کے ہاتھ سے شاپنگ بیگز لینے لگا ۔۔۔ جبکہ دوسرے گارڈ نے شاہ ویز کو ناگواری سے دیکھا
تو وہ سر کھجا کے پیچھے ہوا تھا
” میں جا ہی رہا تھا بس ۔۔۔۔۔ بائے مسز حمین شاہ “
وہ مسکراتا ہوا وہاں سے جانے لگا جبکہ زاہنور گارڈز کے ساتھ گاڑی میں آ کے بیٹھ گئی ۔۔۔۔۔۔ اس کا ذہن مفلوج ہو رہا تھا کچھ سوچنے کے قابل بھی نہیں۔ رہی تھی وہ ۔۔