Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 05)

Kabhi Jo Ashna Sy Thy Hum by Malaika

وہ جیسے ہی گھر کے اندر داخل ہوئی۔ ۔۔۔۔۔ سیڑھیاں اترتے حمین شاہ کی نظر اس پہ پڑی ۔۔۔۔۔۔

” زاہنور ۔۔۔۔ “

حمین شاہ کی آواز پہ وہ ایکدم اچھلی تھی ۔۔۔۔۔۔۔۔۔

” کہاں تھی تم ۔۔۔۔۔۔ ؟” وہ اس کے قریب آتے ہوئے سوال کر رہا تھا جبکہ زاہنور جو پہلے ہی پریشان تھی اب خوفزدہ نظروں سے اسے دیکھ رہی تھی ۔۔۔۔۔۔۔۔۔۔۔۔۔

” میں کافی دیر سے ویٹ کر رہا تھا تمہارا “

وہ نرم لہجے میں کہہ رہا تھا لیکن اسے لگا شاہ ویز کی طرح اب اس پہ ہاتھ اٹھائے گا وہ بھی ۔۔۔۔۔۔

” اور گارڈز میں سے کسی کو بھی اپنے ساتھ لے کے نہیں گئی تھی تم “

دونوں ہاتھوں کی انگلیاں آپس میں پھنسائے وہ کانپ رہی تھی ۔۔۔۔۔۔۔۔۔

” زاہنور ۔۔۔۔ “

اس کی نظر زاہنور کے کانپتے ہاتھوں پہ پڑ چکی تھی تبھی انھیں تھامنے کے لئے اس نے ہاتھ آگے بڑھایا ہی تھا جب زاہنور ایکدم بدک کے پیچھے ہٹی ۔۔۔

” م۔۔۔۔ میں نے کچھ نہیں کیا ۔۔۔۔ م۔۔۔۔ مت چھوؤ م۔۔۔۔ مجھے “

وہ پھولی ہوئی سانسوں کے ساتھ بولی تھی ۔۔۔۔۔۔

” زاہنور ریلیکس ۔۔۔۔۔ میں کچھ نہیں کر رہا “

حمین شاہ کو حیرت ہو رہی تھی اس کی حالت دیکھ کے ۔۔۔۔۔۔۔۔ زاہنور خاموش رہی ۔۔۔۔۔۔

اپنے لب کاٹتی وہ خود کو نارمل کرنے کی کوشش کر رہی تھی ۔۔۔۔۔۔۔

” کل سے تم میری گاڑی یوز کرو گی کہیں بھی آنے جانے کے لئے ۔۔۔۔ “

حمین شاہ کی بات پہ زاہنور نے چونک کے اسے دیکھا

” کیوں ؟”

” کیونکہ میں نہیں چاہتا کہ حمین شاہ کی بیوی ٹیکسی وغیرہ کے چکر کاٹے “

اس کی بات پہ وہ خاموش ہی رہی ۔۔۔۔۔۔۔۔۔۔۔۔

“اور ہاں ۔۔۔۔”

وہ رک کے اسے دیکھنے لگی ۔۔۔۔۔

” اور ہاں رات کو ڈنر پہ جا رہے ہیں ہم “

وہ اسے مسکراتی آنکھوں سے دیکھتا کہہ رہا تھا

زاہنور اسے سوالیہ نظروں سے دیکھنے لگی

” آج میں خوش ہوں اور بہت خوش ہوں اور چاہتا ہوں یہ خوشی تمہارے ساتھ سیلبریٹ کروں میں ۔۔۔۔۔۔ “

اس کے چہرے پہ جیت کی خوشی تھی ۔۔۔۔۔۔۔۔۔۔

” کرو گی نا ؟”

وہ اس کی طرف جھکا تھا تو زاہنور اثبات میں سر ہلا گئی ۔۔۔۔۔۔۔۔۔۔۔۔۔۔ حمین شاہ کے لبوں کو مسکراہٹ نے چھوا ۔۔۔۔۔۔ وہ پھر سے سیدھا ہو کے اس کے جھکے سر کو دیکھنے لگا

” لنچ کے بارے میں کیا خیال ہے ۔۔۔ مجھے تو بھوک لگی ہے بہت ۔۔۔۔۔ فریش ہو کے آ جاؤ تب تک میں عبدل سے کہہ کے ٹیبل ارینج کرواتا ہوں ۔۔۔ “

وہ خود ہی بولے جا رہا تھا زاہنور اثبات میں سر ہلاتی جلدی سے سیڑھیوں کی طرف بڑھ گئی ۔۔۔۔۔۔۔۔۔۔ کمرے میں آ کے وہ دروازہ بند کر کے خود وہیں ٹیک لگا کے بیٹھ گئ ۔۔۔۔۔۔۔۔۔۔۔۔۔ وہ ابھی کچھ لمحوں کے لئے تنہائی چاہتی تھی ۔۔۔۔۔۔۔۔۔۔ اپنی سانسیں بحال کرتی وہ پروفیسر فرحان کی باتوں کو سوچ رہی تھی ۔۔۔۔۔۔۔۔۔۔۔۔ اسے اب خود پہ غصہ آ رہا تھا ۔۔۔۔۔۔۔۔۔ کیوں خاموش رہتی ہے وہ ۔۔۔۔۔ کیوں کچھ نہیں۔ بولتی ۔۔۔۔۔۔۔۔۔۔

” کیوں ڈرتی ہو آپ زاہنور ؟”

پروفیسر فرحان کی آواز اس کے کانوں سے ٹکرائی تھی ۔۔۔۔۔۔

” کس بات کا ڈر ہے آپ کو زاہنور بیٹا ؟ ڈر کو اپنے اندر کھبی پنپنے نہ دیں ۔۔۔۔ کھبی بھی نہیں ۔۔۔۔۔۔ کیوں ڈرے آپ کسی سے ؟ کس لئے ڈرے آپ ؟ کوئی آپ کا کچھ نہیں بگاڑ سکتا ۔۔۔۔۔ کوئی آپ کو تکلیف تک نہیں پہنچا سکتا ۔۔۔۔۔ ڈر تو اس کے اندر ہوتا ہے جو آپ کو اپنی زبان سے ۔۔۔۔۔ اپنے کسی بھی حرکت سے ڈرائے ۔۔۔۔۔ وہ خوفزدہ انسان ہوتا ہے کیونکہ وہ آپ سے خوفزدہ ہیں تبھی وہ اپنے اس خوف کو ختم کرنے کے لئے آپ کو تکلیف پہنچانے کی کوشش کرتا ہے ۔۔۔۔۔۔۔۔۔ اپنے ڈر کو ختم کر دے ۔۔۔۔ کسی سے کسی بھی بات کے لئے مت ڈرے “

زاہنور نے وہ باتیں یاد کرتے ہوئے ایک گہری سانس کھینچی ۔۔۔۔۔۔ اس کی کپکپاہٹ اب نارمل ہو چکی تھی۔۔۔۔۔۔۔۔۔۔۔ اپنے وجود سے ڈر کو نکال باہر کرنا اتنا آسان نہیں ہوتا لیکن انسان کوشش کرے تو سب ممکن ہے ۔۔۔۔۔۔۔۔۔۔

اسے وہ تھپڑ یاد آیا جو شاہ ویز نے اسے مارا تھا کیونکہ وہ یونیورسٹی سے لیٹ گھر پہنچی تھی زیادہ ٹریفک کی وجہ سے اور شاہ ویز کو لگا تھا کہ وہ حمین شاہ سے ملنے گئی ہے ۔۔۔۔۔۔۔۔۔

اس نے اپنے لب بھینچ لیے ۔۔۔۔۔

شک زندگی کو تباہ کر دیتا ہے ۔۔۔۔۔ انسان کو تباہ کردیتا ہے ۔۔۔۔

رشتوں کو تباہ کردیتا ہے ۔۔۔۔۔۔۔

عزتیں پامال ہوجاتی ہے ۔۔۔۔۔۔۔

صرف ایک لفظ شک سے ۔۔۔۔۔۔۔۔

شک نے شاہ ویز کے اندر کے انسان کو بھی مار دیا تھا اور وہ آہستہ آہستہ زاہنور کے عزت نفس کو کچلے جا رہا تھا ۔۔۔ لیکن وہ خاموش تھی کیونکہ اس کے ماں باپ نہیں تھے ۔۔۔۔۔ بہن بھائی نہیں تھے جن کے بھروسے وہ اس گھر کو اور اس شخص کو چھوڑ کے نکل جاتی ۔۔۔۔۔۔۔۔۔۔ بن ماں باپ کی پلی بیٹیاں اکثر دوسروں کی احسان مند ہی ہوتی ہے ۔۔۔۔۔۔۔۔ ساری زندگی خاموشی سے دوسروں کی سن سن کے گزار دیتی ہے ۔۔۔۔۔۔ کیونکہ وہی ان کا سہارا ہی ہوتے ہیں ۔۔۔۔۔۔۔۔۔

” بدکار ۔۔۔۔ بدچلن عورت ۔۔۔۔۔ دوسرے مرد کی چاہ اسے لے ڈوبی “

وہ اپنا غصہ پاس بیٹھی نیناں کے سامنے اتار رہا تھا ۔۔۔۔۔۔۔۔۔۔۔۔

” مجھے دھوکا دے گئی ۔۔۔۔۔۔۔ “

” آرام سے شاہ ویز ۔۔۔۔۔۔۔ جو ہوا جانے بھی دو ۔۔۔۔۔ کیا اپنی جان جلائے جا رہے ہو “

نیناں جو کب سے اس کی باتیں سن رہی تھی ۔۔۔۔ اکتا کے آخر بول ہی پڑی ۔۔۔۔۔۔۔۔۔۔

” چھوڑوں گا نہیں اسے میں ۔۔۔۔۔۔ حمین شاہ نے جس طرح سے مجھے اپنے آفس سے بےعزت کر کے نکالا ہے ۔۔۔۔۔۔۔ نہیں بھولوں گا میں ۔۔۔۔۔۔ بدلہ لے کے رہوں گا “

وہ اپنی دھن میں بولے جا رہا تھا لیکن پھر نیناں کے اکتاہٹ بھرے چہرے پہ نظر پڑی تو مزید کچھ بولنے کا ارادہ ترک کر کے اس نے نیناں کو اپنے قریب کیا ۔۔۔۔۔

” لیکن تم تو میری جان ہو ۔۔۔۔۔۔۔۔۔۔ کچھ سیکھنا ہے اسے تو تم سے سیکھے ۔۔۔۔۔۔ “

وہ اس کے کھلے بالوں میں چہرہ چھپائے مدہوش سا ہو رہا تھا ۔۔۔۔۔۔۔۔ نیناں جو اب اس سے تنگ آ گئی تھی اور کئی دنوں سے اس سے چھٹکارے کا سوچ رہی تھی ۔۔۔۔ بےدلی سے اس کے پہلو میں گر گئی اور شاہ ویز اس کے وجود میں کھو کے اپنا غم و غصہ ختم کرنے کی کوشش کرنے لگا ۔۔۔۔۔۔۔۔۔۔

زاہنور سے روز پیسے لے کے وہ یہاں فلیٹ پہ نیناں سے ملنے آتا ۔۔۔۔۔۔۔۔۔ اکثر یہاں اپنے رات کا آدھا حصہ گزار کر عیش و عشرت کرتا اور پھر گھر کی طرف چل پڑتا ۔۔۔۔۔۔ جبکہ نیناں جسے ہر مرد کا چسکہ لگا ہوا تھا وہ اب اس سے اکتانے لگی تھی ۔۔۔۔۔ اسے اب شاہ ویز میں کوئی دلچسپی محسوس نہیں۔ ہوتی تھی ۔۔۔۔۔۔ کیونکہ آج کل اس کا وقت کسی اور کے ساتھ گزر رہا تھا ۔۔۔۔۔۔۔۔۔۔۔۔۔۔ جس کے پاس پیسہ بھی بہت تھا اور نیناں کو تحائف بھی دیتا رہتا یا شاپنگ پہ لے کے جاتا جبکہ شاہ ویز ایک کھنگال آدمی تھا جو اپنی بیوی کا پیسہ یہاں لٹا رہا تھا ۔۔۔۔۔۔۔ لیکن اب نیناں کو اس میں دلچسپی ذرہ برابر بھی نہیں رہی تھی ۔۔۔۔۔۔۔۔

ڈریسنگ ٹیبل کے سامنے کھڑی وہ تیار ہو رہی تھی ۔۔۔۔۔۔۔۔۔۔۔ حمین شاہ اس کے لئے نیوی بلیو کلر کی ساڑھی لے کے آیا تھا ۔۔۔۔۔۔۔ جو اس کی دودھیا رنگت پہ جچ رہی تھی ۔۔۔۔۔۔۔۔۔۔۔ ڈریسنگ ٹیبل کے سامنے کھڑی وہ پیچھے سے بلاؤز کی زپ بند کرنے کی کوشش کر رہی تھی لیکن اس کا ہاتھ ٹھیک سے پہنچ ہی نہیں رہا تھا ۔۔۔۔۔۔۔۔۔۔۔۔ اپنے بالوں کو ایک سائیڈ پہ ڈالے وہ سر جھکائے اسی کام میں مصروف تھی جب اسے اپنے ہاتھوں پہ کسی کے لمس کا احساس ہوا ۔۔۔۔۔۔۔۔ اس نے چونک کے اوپر دیکھا تو ڈریسنگ ٹیبل کے شیشے میں حمین شاہ کا عکس دیکھ کے اس کا دل زور سے ڈھرکا تھا۔ ۔۔۔۔۔۔ اس نے جلدی سے اپنے ہاتھ ہٹا دئیے جبکہ حمین شاہ نے آرام سے اس کے بلاؤز کی زپ بند کی تھی۔ ۔۔۔۔۔۔۔۔۔۔۔ ساڑھی کے پلو کو پیچھے اچھی طرح سیٹ کر کے اس نے دھیرے سے اس کے بال بھی پیچھے کر دیے تھے ۔۔۔۔۔۔۔۔۔۔۔۔ زاہنور سانس روکے بس اس کا عکس دیکھے جا رہی تھی ۔۔۔۔۔۔۔۔۔۔۔۔۔۔ حمین شاہ کی نظریں جیسے ہی اٹھی تو سامنے آئینے میں زاہنور کے نظر آتے عکس پہ پڑی ۔۔۔۔۔ نظروں کا تصادم ہوا تو بےخودی میں اس کا رخ موڑ کے اس کی کمر پہ اپنے ہاتھ رکھ کے اسے اپنے قریب کیا ۔۔۔۔۔۔۔۔۔۔ زاہنور گھبرائی ہوئی سی اس کے سینے سے جا لگی تھی ۔۔۔۔۔۔۔۔۔۔۔ وہ گھبرائی ہوئی سی حمین شاہ کو اپنے دل کے قریب محسوس ہو رہی تھی ۔۔۔۔۔۔۔۔۔۔۔ وہ بےخود سا اسے دیکھ رہا تھا جبکہ زاہنور اس کی نظروں کی تپش نہ سہہ پا رہی تھی ۔۔۔۔۔۔ اس کی پلکیں لرز کے جھک چکی تھی ۔۔۔۔۔۔۔۔۔۔ اس کا جسم آہستہ آہستہ کانپ رہا تھا ۔۔۔۔۔۔۔۔۔۔

” تم پہ ساڑھی بہت جچتی ہے زاہنور “

وہ سرگوشی میں کہہ رہا تھا اور زاہنور کے لئے سانس لینا محال لگ رہا تھا ۔۔۔۔۔۔

” ح۔۔۔۔ حمین پ۔۔۔۔ پلیز “

لڑکھڑاتی زبان کے ساتھ وہ بس اتنا ہی کہہ سکی ۔۔۔۔۔۔۔

حمین شاہ کچھ دیر اسے دیکھتا رہا پھر اسے چھوڑ کے دو قدم پیچھے ہو کے ہنسنے لگا ۔۔۔۔۔۔

زاہنور نے گھبرا کے اس کو دیکھا وہ اسے دیکھتا ہنس رہا تھا ۔۔۔۔۔۔۔۔ لیکن زاہنور کی پریشان آنکھوں کو دیکھ کے وہ رک گیا

” سو سوری ۔۔۔۔ مجھے خود پہ ہنسی آگئی ۔۔۔۔۔۔ تمہیں دیکھ کے میں بےاختیار ہونے لگتا ہوں ۔۔۔۔۔ تو مجھے ہنسی آ رہی اپنی حالت پہ “

وہ کہہ رہا تھا جبکہ زاہنور نظریں جھکا گئی ۔۔۔۔۔۔

” ڈونٹ وری تمہاری مرضی سے۔۔۔۔ تمہاری رضامندی سے ہی تمہارے قریب آؤں گا “

زاہنور نے ایک نظر اسے اٹھا کے دیکھا وہ اسے ہی دیکھ رہا تھا ۔۔۔۔۔۔۔ حمین شاہ کے لب مسکرا پڑے ۔۔۔۔۔۔۔۔۔۔ اس کے نظروں کے حصار سے زاہنور گھبرا کے پھر سے نظریں جھکا گئی ۔۔۔۔۔۔۔۔۔۔۔

” چلو تیار ہو جاؤ ۔۔۔۔ میں ویٹ کر رہا باہر لاونج میں “

وہ کہہ کے نظر بھر اسے دیکھ کے کمرے سے باہر نکل گیا ۔۔۔۔۔۔۔۔۔

جبکہ زاہنور سامنے آئینے میں اپنے عکس کو دیکھنے لگی ۔۔۔۔۔۔۔۔۔۔۔۔

اسے وہ لمحہ یاد آیا جب شاہ ویز اس کے قریب ہو رہا تھا اور اس نے منع کردیا تھا کیونکہ تھکی ہوئی تھی اور شاہ ویز نے اسے زور کا تھپڑ لگا دیا تھا ۔۔۔۔۔۔۔۔۔۔۔۔۔

” تمہیں حمین شاہ کا چسکہ جو لگ چکا ہے “

شاہ ویز کی آواز اس کے کانوں میں گونجی تھی ۔۔۔۔۔۔ اس نے مٹھیاں سختی سے بند کر لی اور آنکھیں بند کر کے وہ اس لمحے کے قید سے خود کو باہر نکالنے کی کوشش کرنے لگی ۔۔۔۔۔۔۔۔۔۔۔۔۔۔

ہر لمحہ اسے اپنی تذلیل یاد آتی ۔۔۔۔۔۔ اس کی عزت نفس جیسے مجروح ہوئی ہمیشہ ۔۔۔۔۔۔ وہ ان لمحوں سے نکلنے کی کوشش کرتی جو اس کے لئے ہمیشہ اذیت کا باعث بنتی ۔۔۔۔۔۔۔۔۔۔ سر جھٹک کے اس لمحے کے اثر سے اس نے خود کو باہر نکالا ۔۔۔۔۔۔۔۔۔۔ حمین شاہ کا ہر عمل اسے ہمیشہ حیران کر دیتا ۔۔۔۔۔ وہ تیار ہونے لگی تھی۔۔۔۔۔

ہر برے خیال کو جھٹک کے وہ اب تیار ہو رہی تھی اور جب وہ نیچے لاونج میں آئی تو پل بھر کے لئے حمین شاہ اس کے سراپے سے نظریں نہ چرا پایا ۔۔۔۔۔ وہ ایکدم اپنی جگہ سے کھڑا ہو گیا اور اب الجھی نظروں سے وہ زاہنور کے سجے روپ کو دیکھ رہا تھا ۔۔۔۔۔۔۔۔۔۔۔ زاہنور اس کے یوں دیکھنے سے بوکھلا ہی گئی تھی ۔۔۔۔۔۔۔۔۔۔

” ماشاءاللہ میری بیٹی تو بہت پیاری لگ رہی ہے “

دلاور شاہ نے مسکراتے ہوئے اس کی تعریف کی تو زاہنور جو پہلے ہی حمین شاہ کی نظروں سے بوکھلا رہی تھی ۔۔۔۔۔۔۔۔ شرمندہ سی ہوگئی

” تھینک یو دادا ابو ۔۔۔۔۔۔ “

” اللہ تعالیٰ تم دونوں کو اپنے حفظ و امان میں رکھے ۔۔۔۔۔۔۔ “

دلاور شاہ نے آگے بڑھ کے حمین شاہ کے کندھے پہ ہاتھ رکھتے ہوئے دونوں کو دعا دی تو وہ جیسے ہوش میں آیا تھا ۔۔۔۔۔ دلاور شاہ اسے دیکھ کے مسکرا رہے تھے جبکہ حمین شاہ مسکراتا سر کھجانے لگا ۔۔۔۔۔۔۔۔۔۔

” چلیں ؟؟”

وہ زاہنور کو دیکھتے ہوئے کہنے لگا تو اس نے دھیرے سے اثبات میں سر ہلایا ۔۔۔۔۔۔۔ جبکہ حمین شاہ ایک بھرپور نظر اس پہ ڈال کے اس کے ساتھ اب باہر کی طرف جا رہا تھا ۔۔۔۔۔۔۔۔۔۔۔۔۔۔ دلاور شاہ کی آنکھوں کے کونے بھیگے تھے اور ان کے ہونٹوں پہ مسکراہٹ تھی ۔۔۔۔۔۔

” اللہ میرے بچوں کی حفاظت فرما “

اپنے بچوں کی دردناک موت کے بعد وہ آج پہلی بار اتنے خوش ہوئے تھے یوں زاہنور اور حمین شاہ کو ساتھ دیکھ کے ۔۔۔۔۔

صبح ناشتے کی ٹیبل تینوں موجود تھے ۔۔۔۔۔۔۔۔ جب ناشتہ کرتے ہوئے دلاور شاہ نے حمین کی طرف دیکھا

” گھومنے پھرنے کا کوئی پلان بھی ہیں تم دونوں کا یا نہیں۔ “

حمین شاہ نے ایک نظر زاہنور کو دیکھا پھر دلاور شاہ کو دیکھنے لگا

” آپ کہہ رہے تو بنا لیتے ہیں پلان “

پھر کچھ سوچ کے کہنے لگا

” میری بزنس میٹنگ ہے نیویارک میں ۔۔۔۔۔ تو میں سوچ رہا تھا کہ زاہنور کو بھی لیے چلتا ہوں ۔۔۔۔۔۔۔ “

وہ زاہنور کے جھکے سر کو دیکھتا کہہ رہا تھا جبکہ دلاور شاہ مسکرا رہے تھے

” یہ تو بہت اچھی بات ہے ۔۔۔۔۔ زاہنور بھی وہاں جا کے فریش فیل کرے گی اور تمہارا کام بھی ہو جائے گا ۔۔۔ کیوں زاہنور بیٹا ؟”

زاہنور نے چونک کے انھیں دیکھا

” آپ کے ساتھ کون ہوگا یہاں ۔۔۔۔ میں یہیں رک جاتی ہوں آپ کے پاس “

وہ اتنی دور کا سوچ کے ہی پریشان ہو رہی تھی ۔۔۔۔۔۔

” میں پہلے بھی اکیلا ہی ہوا کرتا تھا ۔۔۔۔۔۔ حمین شاہ یونہی باہر آیا جایا کرتا ہے کوئی نئی بات نہیں میرے لئے ۔۔۔۔۔ تم بھی ساتھ میں جاؤ ۔۔۔۔ اچھا محسوس کرو گی وہاں جا کے “

وہ اسے سمجھا رہے تھے ۔۔۔۔۔۔۔۔۔ زاہنور پریشان سی سر ہلا کے رہ گئی بس۔ ۔۔۔۔

جبکہ اس کی حالت سے محفوظ ہوتا حمین شاہ زیر لب مسکرا رہا تھا۔ ۔۔۔۔۔۔۔۔۔

” میں وہاں جا کے کیا کروں گی۔ ۔۔۔ اتنی دور جگہ “

اس نے دوسرا بہانہ بنایا ۔۔۔۔۔ دلاور شاہ ہنس پڑے

” اتنا بھی دور نہیں ہے ۔۔۔۔۔۔۔ جتنا تم سوچ سوچ کے پریشان ہو رہی ہو ۔۔۔۔ اور حمین۔ شاہ بھی تو ہوگا تمہارے ساتھ وہاں “

زاہنور سر جھکا گئی اب وہ کیا بتاتی انھیں کہ تبھی تو وہ جانے سے کترا رہی ہے ۔۔۔۔۔۔۔ حمین شاہ کے ساتھ کا سوچ کے ہی اسے پریشانی ہو رہی تھی ۔۔۔۔۔۔۔۔ اوپر سے اجنبی جگہ ۔۔۔۔۔۔۔ وہ تو ایسے پریشان ہو رہی تھی جیسے حمین شاہ وہاں لے جا کے اسے کھا ہی جائے گا ۔۔۔۔۔۔۔

” میں کھا نہیں جاؤں گا وہاں تمہیں “

حمین شاہ سرگوشی میں بولا تھا ۔۔۔۔ زاہنور اسے دیکھ کے رہ گئ بس ۔۔۔۔۔۔۔

” میری بیٹی کو ذرا بھی شکایت ہوئی تم سے حمین شاہ تو بتا دوں پہلے سے یہاں آ کے تمہیں اچھی طرح سبق سکھاؤں گا “

دلاور شاہ مصنوعی غصے سے اسے دیکھ کے کہہ رہے تھے جبکہ حمین شاہ مسکرا رہا تھا

” اور اگر شکایتوں کی لسٹ میری طرف سے ہوئی تو ؟؟؟ تب آپ کیا کہے گیں ؟”

زاہنور نے اس کی طرف دیکھا اس کی آنکھوں میں واضح شرارت تھی ۔۔۔۔۔ دلاور شاہ بھی مسکرا پڑے ۔۔۔۔۔۔۔۔۔

” تب بھی میں اپنی بیٹی کا ہی ساتھ دوں گا “

زاہنور ان کی بات پہ مسکرا پڑی جبکہ حمین شاہ خفگی سے انھیں دیکھنے لگا ۔

” ناٹ فئیر دادا ابو ۔۔۔۔۔ “

” ایوری تھنگ از فئیر ان دادا پوتی لو”

وہ کہہ کے ہنس پڑے تھے ۔۔۔۔۔

زاہنور کو بھی ہنسی آ گئی تھی ۔۔۔۔۔۔۔۔ جبکہ حمین شاہ اسے محویت سے دیکھ رہا تھا

” اسی بہانے ہنسی تو سہی “

حمین شاہ کے یوں کہنے پہ زاہنور کے ہونٹ سکڑ گئے وہ سر ہی جھکا گئی ۔۔۔۔۔۔۔ وہ کھبی بھی کہیں بھی کچھ بھی کہہ دیتا ہے اتنا اندازہ ہو چکا تھا اسے ۔۔۔۔۔۔۔۔۔۔

” کب جا رہے ہو پھر ؟”

دلاور شاہ اس سے پوچھ رہے تھے ۔۔۔۔۔

” بس کچھ دنوں میں ہی ۔۔۔۔۔۔۔ “

حمین شاہ نے نیپکن سے منہ صاف کرتے کہا

” اچھی بات ہے مطلب زاہنور پیکنگ کر کے رکھ لو “

دلاور شاہ خوشدلی سے بولے جبکہ زاہنور کا دل ڈوب کے ابھرا تھا جانے کا سوچ کے ہی لیکن خاموش رہی اور سر اثبات میں ہلا کے چائے کا کپ اٹھا لیا ۔۔۔۔۔۔۔۔

‘ ڈر کو اپنے اندر سے ختم کردو بیٹا ‘

ایک آواز اس کے کان سے ٹکرائی تھی وہ خود کو اندر ہی اندر نارمل کرنے کی کوشش کرتی رہی ۔۔۔۔

شاہ ویز کی بار بار کال آ رہی تھی پہلے تو وہ بار بار اگنور کرتی رہی پھر گھر کے نمبر پہ کال آنے لگی تو ریسیو کر کے اس نے فون کان سے لگایا ۔۔۔

” کال کیوں نہیں ریسیو کر رہی یو بچ “

وہ چلایا تھا ۔۔۔۔۔ زاہنور نے لب بھینچ کے اس کی بات کو برداشت کیا۔ ۔۔۔۔

” بڑے چسکے پڑ چکے ہیں تمہیں حمین شاہ کے ۔۔۔۔۔۔۔ میں تو یاد بھی نہیں ہوں گا اب تمہیں “

وہ پھر سے طنز کے نشتر چلا رہا تھا ۔۔۔۔۔۔۔۔ وہ پھر بھی خاموش رہی ۔۔۔۔۔

” ایسا کون سا جادو چلایا ہے اس پہ جو تمہیں چھوڑنے کو تیار ہی نہیں وہ اب ۔۔۔۔۔۔۔ ہو تو بانجھ ہی پھر بھی “

وہ پھر بک رہا تھا اور زاہنور خاموشی سے سن رہی تھی ۔۔۔۔

” بکواس سن رہی ہو تم میری کہ نہیں ۔۔۔۔۔۔ “

وہ زاہنور کی خاموشی سے اکتا کے پھر سے چلایا تھا ۔۔۔۔۔۔۔

‘ کھبی ڈر کو اپنے اندر جگہ مت دو ۔۔۔۔۔۔ تمہارا شوہر حمین شاہ ہے ۔۔۔۔ شاہ ویز تمہارا کچھ نہیں۔۔۔۔۔۔ اسے خود پہ کھبی حاوی مت ہونے دو’

پروفیسر فرحان کی آواز اس کے کان میں گونجی تھی ۔۔۔۔۔ آنکھیں بند کر کے اس نے خود میں ہمت مجتمع کی ۔۔۔۔۔۔۔

” کیوں کال کی ہے ؟”

وہ ایکدم سے بولی تھی ۔۔۔۔۔

” ارے واہ ۔۔۔۔ زبان چل پڑی تمہاری “

شاہ ویز کی آواز اس کے کان سے ٹکرائی تھی اس کا دل ایک پل کو لرزا تھا ۔۔۔۔۔

” بھول گئی لگتا ۔۔۔۔ سب بھول گئی ہو لگتا ہے ۔۔۔۔۔ کیسے مارتا ہوں یاد تو ہوگا ۔۔۔۔۔ “

وہ خاموش رہی ۔۔۔۔۔۔ اسے ہر لمحہ یاد تھا اپنی تذلیل کا وہ کب بھول سکتی تھی ۔۔۔۔۔۔ اس کی آنکھیں بھر آئی تھی ۔۔۔۔۔۔

” سیدھی طرح سے میری بات سنو تم ۔۔۔۔۔۔۔۔ جانتی ہو تم مجھے اچھی طرح سے کہ میں کیا کیا کر سکتا ہوں تمہارے ساتھ ۔۔۔۔ تمہارے چہرے کا نقشہ تک بدل سکتا ہوں ۔ ۔۔۔۔ مجھے بھولنے کی بھی کوشش کی تو اس ذلیل انسان کے ساتھ تمہاری زندگی خراب کر کے رکھ دوں گا ۔۔۔۔۔۔۔ آنا تو میرے پاس ہی ہے تمہیں۔ ایک دن ۔۔۔۔۔۔۔۔ مائی ڈئیر ایکس وائف ۔۔۔۔۔ حمین شاہ بھی تم سے اکتا کے ایک دن چھوڑ ہی دے گا تمہیں ۔۔۔۔ ایک بانجھ عورت کو مرد کب تک جھیلے “

آنسو اس کے گال بھگو رہے تھے وہ فون رکھ چکی تھی لیکن اس کا پورا وجود لرز رہا تھا ۔۔۔۔۔۔۔۔۔۔ آنسو اس کا چہرہ بھگو رہے تھے ۔۔۔۔۔۔۔۔

” میری مدد فرمائیے میرے پروردگار ۔۔۔۔ میں اپنا ڈر ختم کر سکوں ہمیشہ کے لئے ۔۔۔ میری مدد فرمائے “

جبکہ نیچے لاونج میں کھڑا حمین شاہ دوسرے فون سے سب سن چکا تھا ۔۔۔۔۔۔۔۔۔ اس کی آنکھیں سرخ ہو رہی تھی ۔۔۔۔۔۔۔۔ مٹھیاں بھینچتا وہ لمبے لمبے ڈگ بھرتا وہاں نکلتا چلا گیا ۔