Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 16)

Kabhi Jo Ashna Sy Thy Hum by Malaika

ڈرائیور اپنی چھوٹی بی بی کو شاہ ویز کے بازوؤں میں دیکھ کے گھبرا کے باہر نکلا تھا ۔۔۔۔۔۔۔۔۔

شاہ ویز ادھر ادھر گاڑی کی تلاش میں نظریں ڈورا رہا تھا جب وہ اس کے قریب آیا

” کیا ہوا ہے چھوٹی بی بی جی کو ؟”

وہ گھبرائے انداز میں پوچھ رہا تھا ۔۔۔

” ہا۔۔۔۔ہاسپٹل چلنا ہے ۔۔۔ جلدی کرو “

شاہ ویز جلدی جلدی کہتا اس کے ساتھ چلنے لگا ۔۔۔۔۔ زاہنور کو گاڑی میں لٹا کے وہ خود بھی بیٹھ گیا ۔۔۔۔ اس کا سر اپنی گود میں رکھے وہ ڈرائیور کو دیکھ رہا تھا جس نے جلدی سے گاڑی اسٹارٹ کر دی تھی ۔۔۔۔۔

” ج۔۔۔۔۔ جلدی کرو “

شاہ ویز کی گھبرائی آواز پہ اس نے گاڑی کی اسپیڈ تیز کر دی ۔۔۔۔۔۔۔۔۔۔ وہ خوفزدہ آنکھوں سے زاہنور کے چہرے کو دیکھ رہا تھا جس کے چہرے پہ درد رقم تھی ۔۔۔۔۔۔۔۔۔۔ وہ نیم بےہوشی میں بھی کراہ رہی تھی ۔۔۔۔۔

” ز۔۔۔۔ زاہنور ۔۔۔۔۔ سب ٹھیک ہو جائے گا تھوڑا صبر کر لو پلیز ۔۔۔۔۔۔ “

وہ ڈرائیور کی طرف دیکھنے لگا

” گاڑی کیوں روکی ہوئ ہے ؟”

وہ چلایا تھا

” ٹریفک جام ہے “

اس نے گھبرائے لہجے میں کہا

” وہاٹ؟”

اس نے باہر کی طرف دیکھا تو گاڑیوں کا ہجوم تھا اور اوپر سے ٹریفک جام بھی ۔۔۔۔۔۔۔۔ جبکہ زاہنور کے کراہنے میں شدت آ رہی تھی ۔۔۔۔

وہ ہچکیوں کے ساتھ رو بھی رہی تھی ۔۔۔۔۔۔۔

وہ جلدی سے نیچے اتر کے ٹریفک پولیس کے پاس گیا ۔۔۔۔۔

” پلیز کچھ کیجئیے ۔۔۔۔۔۔۔۔۔ میری کار میں پیشنٹ ہے ان کا ہاسپٹل جلدی جانا ضروری ہے پلیز سر پلیز “

وہ رونے والا ہو گیا تھا ۔۔۔۔۔ اس سے زاہنور کی حالت نہیں دیکھی جا رہی تھی ۔۔۔۔۔۔۔۔۔۔

” آپ بیٹھیے میں کرتا ہوں کچھ “

ٹریفک پولیس نے اسے ٹالتے ہوئے کہا

تو شاہ ویز نے اس کا گریبان پکڑ لیا

” کیا مطلب کرتا ہوں کچھ ۔۔۔۔ وہ موت اور زندگی کے بیچ میں ہے ۔۔۔۔ پریگننٹ ہے وہ ۔۔۔۔ جلدی کچھ کرے “

وہ چلایا تھا تو ٹریفک پولیس ادھر ادھر دیکھتا اپنی سی کوشش کرنے لگا ۔۔۔۔۔۔۔۔ ڈرائیور بار بار حمین۔ شاہ کا نمبر ملا رہا تھا لیکن مل ہی نہیں رہا تھا ۔۔۔۔

اس نے گاڑی سے اتر کے شاہ ویز کو آواز دی ۔۔۔۔۔۔ تو وہ بھاگتا ہوا گاڑی کے پاس آیا

” چھوٹی بی بی کی حالت خراب ہو رہی ہے ۔۔۔۔۔۔ کچھ کیجئیے پلیز “

ڈرائیور بھی رونے والا ہو گیا تھا ۔۔۔۔ شاہ ویز نے ایک نظر ٹریفک پولیس پہ ڈالی جو راستہ صاف کرنے میں لگا ہوا تھا پھر جلدی سے گاڑی میں آ کے بیٹھ گیا ۔۔۔۔ زاہنور کا سر اپنی گود میں رکھے وہ اسے درد سے چور ہوتے دیکھ رہا تھا ۔۔۔۔

اس کے ہاتھ پہ شاہ ویز کی نظر پڑی تو جھجکتے ہوئے اس نے زاہنور کا ہاتھ تھام لیا ۔۔۔۔۔۔۔۔

” زاہنور ۔۔۔۔ تمہیں کچھ نہیں ہوگا آئی پرامس ۔۔۔۔۔۔ “

لیکن وہ روئے جا رہی تھی ۔۔۔۔۔۔۔۔۔۔۔۔۔

” م۔۔۔۔۔ مجھے درد ہو رہا ہے ۔۔۔۔ ب۔۔۔۔ بہت د۔۔۔درد ۔۔۔ ہ ہو رہا ہے ۔۔۔۔۔۔۔۔۔۔۔ “

وہ ہچکیوں کے بیچ بول رہی تھی ۔۔۔۔ ۔۔۔۔۔۔۔۔۔

شاہ ویز بےبس سا اسے دیکھ رہا تھا ۔۔۔۔۔۔۔

” راستہ کھل گیا “

ڈرائیور نے کہہ کے گاڑی آگے بڑھا دی ۔۔۔۔۔۔۔۔۔۔۔۔۔

” س۔۔۔ سب ٹ۔۔۔۔ ٹھیک ہو جائے گا “

شاہ ویز اسے تسلی دینے کی کوشش کرتا کہہ رہا تھا ۔۔۔۔۔۔۔۔۔

اس کا اپنا دل سوکھے پتے کی طرح کانپنے جا رہا تھا ۔۔۔۔۔ زاہنور کو درد سے بےحال ہوتے دیکھ کے وہ بےبسی کی انتہا پہ تھا ۔۔۔

ہاسپٹل کے سامنے گاڑی روک کے وہ نیچے اترا اور زاہنور کو بازوؤں میں بھر کے وہ اندر کی طرف جانے لگا ۔۔۔۔ جلدی سے اسٹریچر لایا گیا ۔۔۔۔۔ اسے اسٹریچر پہ ڈالا گیا ۔۔۔۔۔۔۔ آکسیجن ماسک لگایا گیا ۔۔۔۔۔۔۔۔۔ اور اسے آئی سی یو کی طرف لے جانے لگیں ۔۔۔۔۔ شاہ ویز بھی ان کے ساتھ ساتھ تھا ۔۔۔۔۔۔۔۔۔۔۔ وہ نم آنکھوں سے اسے دیکھ رہا تھا ۔۔۔۔۔۔۔۔ اسے اندر لے جایا جا چکا تھا اور ایک ایک کر کے سارے لمحے شاہ ویز کی آنکھوں کے سامنے گھوم گئے ۔۔۔۔۔۔۔۔۔ اس ایک سال کا ہر لمحہ ۔۔۔۔ جب وہ زاہنور کو دکھ دے کے خوش ہوتا تھا ۔۔۔۔۔۔ ہنستا تھا ۔۔۔۔۔۔۔۔ اسے گالی دے کے سکون حاصل کرتا اور آج ۔۔۔۔۔۔ آج یوں زاہنور کو درد میں دیکھ کے اس کا دل جیسے ڈوب رہا تھا ۔۔۔۔۔۔۔۔۔ وہ وہیں زمین پہ دیوار سے ٹیک لگائے دھندلی آنکھوں سے سامنے دیکھ رہا تھا ۔۔۔۔۔۔۔۔۔۔۔۔۔

” اے اللہ زاہنور کی مدد فرما ۔۔۔۔۔۔۔ “

اس نے بس اتنا ہی کہا ۔۔۔۔۔۔۔۔ اور خاموشی سے اس دروازے کی طرف دیکھنے لگا جس کے دوسری طرف زاہنور موت اور زندگی کی جنگ لڑ رہی تھی ۔۔۔۔۔۔۔۔۔۔۔۔۔

اس نے دو خوبصورت بچوں کو جنم دیا تھا ۔۔۔۔۔۔۔۔۔۔۔ دو ننھے ننھے سے جان ۔۔۔۔۔۔۔۔ جو سوتے ہوئے بہت معصوم لگ رہے تھے ۔۔۔۔۔۔۔۔۔ شاہ ویز انھیں بس دیکھے گیا ۔۔۔۔۔۔۔۔۔۔۔ ان پر سے ہوتی ہوئی اسکی نظر زاہنور پہ گئی جو شاید نیم بےہوش تھی ۔۔۔۔۔۔۔ اس کی آنکھیں بند تھی ۔۔۔۔۔۔ وہ اسے کچھ دیر دیکھتا رہا ۔۔۔۔۔۔۔۔۔۔ پھر اس کے بیڈ کے قریب آیا ۔۔۔۔۔۔

” زاہنور ۔۔۔۔۔ “

وہ کچھ دیر رک کے اس کی بند پلکوں کو دیکھتا رہا ۔۔۔۔۔

” جانتا ہوں بہت نفرت کرتی ہو مجھ سے ۔۔۔۔۔ بہت اذیت میں رکھا تمہیں ۔۔۔۔۔۔ میری ذات سے بہت دکھ ملے ہیں تمہیں ۔۔۔۔۔۔۔۔ تم پہ ہاتھ اٹھایا ہے میں نے ۔۔۔۔۔۔ تمہیں گالیاں دی ہے ۔۔۔۔ تمہاری سیلف ریسپیکٹ کو روندا ہے میں نے ۔۔۔۔۔ جب تم اپنی آنکھیں کھولو تو ۔۔۔۔۔ تو شاید میں پھر کھبی تمہارے سامنے نہ آ پاؤں ۔۔۔۔۔۔۔ کیونکہ میں ۔۔۔۔ میں صرف تمہاری خوشی چاہتا زاہنور ۔۔۔۔۔۔ اور تم ۔۔۔۔۔ تم بہت خوش ہو ۔۔۔۔۔۔۔ میں بھی خوش ہوں تمہیں یوں خوش دیکھ کے ۔۔۔۔۔۔۔ اور اب تو تم دو ننھے فرشتوں کی مما بھی بن گئی ہو “

اس نے مسکراتے ہوئے پھر ان دو ننھے وجود کو دیکھا ۔۔۔۔۔۔۔۔ اس کے دل میں ہوک سی اٹھی تھی ۔۔۔۔۔۔۔۔ وہ پھر سے زاہنور کو دیکھنے لگا

” مجھے معاف کردو زاہنور “

اس نے ہچکی لی ۔۔۔۔۔۔۔

” اس ۔۔۔۔ اس دل کو کہیں سکون نہیں مل رہا ۔۔۔۔۔۔۔۔ ایک ۔۔۔۔ ایک بےچینی سی ہے جو اندر ہی اندر کھائے جا رہی ہے مجھے ۔۔۔۔۔ بہت ۔۔۔۔۔ بہت یاد آتی ہو تو ۔۔۔۔۔۔ تو دل کرتا ہے تمہیں دیکھنے کو ۔۔۔۔۔ ترس گیا ہوں میں “

وہ رک گیا ۔۔۔۔۔۔

” ایک تو روتا بہت ہوں آج کل میں “

وہ بےدردی سے اپنی آنکھیں صاف کرنے لگا ۔۔۔۔۔۔۔

” ہو سکے تو مجھے معاف کر دینا زاہنور ۔۔۔۔۔۔۔ میں بےغیرت بن گیا تھا ۔۔۔۔۔۔ صحیح غلط کی پہچان بھول گیا تھا لیکن ۔۔۔۔۔ اب ۔۔۔۔۔۔ اب زاہنور بہت یاد آتی ہو ۔۔۔۔۔۔۔ ہر لمحہ جو تمہیں اذیت دی ہے وہ سب یاد آتا ہے ۔۔۔۔۔ بس ایک بار ۔۔۔۔ ایک بار مجھے معاف کردو ۔۔۔۔۔ اس بےسکون دل کو تھوڑا سا سکون تو آ جائے ۔۔۔۔ ت۔۔۔۔۔ تم تو نہیں ہو اب لیکن ۔۔۔۔۔ لیکن زاہنور میری بےچینی کو قرار آ جائے شاید ۔۔۔۔۔۔ پلیز معاف کر دو ۔۔۔۔۔”

وہ کچھ دیر یونہی سر جھکائے کھڑا رہا ۔۔۔۔۔۔ زاہنور کو بنا دیکھے وہ مڑا اور ان دو معصوم فرشتوں کو وہ پھر سے دیکھنے لگا ۔۔۔۔۔۔ محبت بھری نظر ان پہ ڈال کے وہ وہاں سے جانے کے لئے مڑا ۔۔۔۔

” شاہ ویز ۔۔۔۔۔ “

زاہنور کی آواز پہ وہ رک گیا ۔۔۔۔۔۔۔۔۔ اور مڑ کے اسے دیکھنے لگا ۔۔۔۔۔ اس کی آنکھوں میں بھی آنسو تھے

” میں تمہیں معاف کر چکی ہوں شاہ ویز ۔۔۔۔۔۔۔۔۔ ت۔۔۔۔ تم نے مجھے نئی زندگی دی ہے ۔۔۔۔۔ م۔۔۔۔۔ میرے بچوں کو زندگی دی ہے ۔۔۔۔۔ ت۔۔۔۔ تھینک یو سو مچ “

وہ رو رہی تھی جبکہ شاہ ویز بھیگی آنکھوں کے ساتھ مسکرانے لگا

” مجھ پہ احسان کیا ہے زاہنور تم نے ۔۔۔۔۔ نئی زندگی تو تم نے دی ہے مجھے معاف کر کے ۔۔۔۔۔ میں اتنا برا کر گزرنے کے بعد بھی ۔۔۔۔ تم نے مجھے معاف کردیا ۔۔۔۔۔۔۔ “

” پرانی باتیں یاد نہیں۔ کی جاتی خوشی کے موقعوں پہ اور ۔۔۔۔۔ میں ۔۔۔۔ میں خوش ہوں شاہ ویز ۔۔۔۔۔۔ تمہاری وجہ سے یہ خوشی ملی ہے مجھے ورنہ شاید وہیں کہیں مر جاتی میں ۔۔۔۔ “

زاہنور نے روتے ہوئے کہا

” ہشششش ایسے نہیں بولو زاہنور ۔۔۔۔ اللہ تمہیں لمبی زندگی دے ۔۔۔۔۔ حمین شاہ کے ساتھ اور اپنے ان دو ننھے فرشتوں کے ساتھ تم ہمیشہ خوش رہو ٫

وہ اسے ایسا کہنے سے منع کرنے لگا تو زاہنور مسکرا کے اس کا شکریہ ادا کرنے لگی ۔۔۔۔۔ جب دلاور شاہ اندر آئے ۔۔۔۔۔۔ شاہ ویز انھیں دیکھ کے سائیڈ پہ ہو گیا ۔۔۔۔۔۔۔۔۔ وہ اسے ایک نظر دیکھ کے زاہنور کی طرف بڑھے

” میری بچی کیسی ہو “

” ٹھیک ہوں دادا ابو ۔۔۔۔ “

اس نے مسکرا کے کہا

” ڈرا ہی دیا مجھے تم نے تو “

وہ کہہ رہے تھے ۔۔۔۔۔ پھر ان کی نظر ان دو فرشتوں پہ پڑی تو خوشی کے آنسو آ گئے ان کی آنکھوں میں

” اوہ ۔۔۔ یا اللہ تیرا شکر ۔۔۔ ہزار بار شکر “

وہ انھیں پیار کرنے لگے ۔۔۔۔ جبکہ زاہنور مسکرا کے انھیں دیکھ رہی تھی ۔۔۔۔۔۔۔۔ جب ان کی نظر شاہ ویز پہ پڑی ۔۔۔۔ تو وہ نظریں جھکا گیا

” چلتا ہوں میں ۔۔۔۔۔ “

وہ جانے کے لئے مڑا جب دلاور شاہ کی آواز پہ وہ رک گیا

” رکو ۔۔۔۔۔ “

وہ مڑ کے انھیں دیکھنے لگا

” میری پوتی اور پڑپوتوں کی جان بچانے کے لئے شکریہ برخوردار ۔۔۔۔۔ مجھے ڈرائیور نے بتایا ۔۔۔۔۔۔ بہت بہت شکریہ “

وہ اسے دیکھ کے کہہ رہے تھے وہ نظریں جھکائے کھڑا تھا

” اللہ انھیں لمبی عمر دیں ۔۔۔۔۔۔۔۔ اللہ آپ کا سایہ بھی ہمیشہ یونہی بنائے رکھے ۔۔۔۔۔۔۔ “

وہ دھیمے لہجے میں بولا پھر ان کی طرف دیکھنے لگا

” میری وجہ سے آپ کو اور سب کو جو جو تکلیفیں پہنچی ان سب کے لئے میں آپ سب کا گنہگار ہوں اسپیشلی زاہنور کا ۔۔۔۔ معافی کا طلبگار ہوں بس ۔۔۔۔۔ ہو سکے تو معاف کر دیجئیے گا “

اس کی آنکھیں بھیگی ہوئی تھی ۔۔۔۔ دلاور شاہ کچھ دیر اسے دیکھتے رہے ۔۔۔۔۔۔۔ اس کے چہرے پہ ہزاروں دکھ رقم تھے ۔۔۔۔۔۔۔۔ آگے بڑھ کے اس نے شاہ ویز کو گلے لگا لیا ۔۔۔۔۔ شاہ ویز حیران سا رہ گیا

” مجھے غصہ تھا تم پہ ۔۔۔ حمین شاہ پہ ۔۔۔۔۔ کہ تم دونوں کے ہاتھوں میں زاہنور ایک کھلونا ہی بن کے رہ گئی تھی ۔۔۔۔۔۔۔ فٹ بال کی طرح ایکدوسرے کی طرف اچھالنے کا کھیل شروع کر رکھا تھا تم دونوں نے ۔۔۔۔۔۔۔ “

وہ اسے دیکھنے لگے

” عورت کو کھیل مت سمجھو ۔۔۔۔۔ عورت کوئ کھلونا بھی نہیں ہے ۔۔۔۔ یہ نکاح ۔۔۔۔۔ طلاق۔۔۔۔ حلالہ ۔۔۔۔۔ یہ سب کوئی کھیل نہیں ہے بیٹا ۔۔۔۔۔۔ نکاح بہت مقدس رشتہ ہے اور طلاق ایک ناپسندیدہ فعل ۔۔۔۔ لعنت ہے اس شخص پہ جو حلالہ کا سوچتا بھی ہے ۔۔۔۔۔۔۔۔ مرد تبھی مرد کہلاتا ہے جب عورت اس کے کردار سے ۔۔۔۔ اس کے اخلاق سے ۔۔۔

اس کے ساتھ سے خوش ہو ۔۔۔۔ نا کہ غصے میں آکے بیوی کو طلاق دے کے حلالہ کے نام پہ کسی اور مرد کے حوالے کر دے “

وہ سر جھکا گیا ۔۔۔

دلاور شاہ نے اپنا سر جھٹکا ۔۔۔۔۔

” یہ سب میں تمہیں شرمندہ ہونے کے لئے نہیں کہہ رہا شاہ ویز بیٹا ۔۔۔۔۔ غلطیاں سب سے ہوتی ہے ہر انسان غلطی کرتا ہے اور بہترین انسان وہی ہے جو اپنی غلطی کو سدھارے ۔۔۔۔ اور آج اپنی غلطی کو سدھار کے تم نے یہ ثابت کر دیا کہ تم بہترین انسان ہوں ۔۔۔۔۔۔۔ تھینک یو بیٹا تھینک یو سو مچ “

انھوں نے اس کا کندھا تھپتھپاتے کہا تو شاہ ویز بھی مسکرا دیا

” تھینک یو سو مچ مجھے معاف کر دینے کے لئے ۔۔۔۔۔ اب میں چلتا ہوں ۔۔۔۔ “

دلاور شاہ بھی مسکرائے

” اللہ حافظ بیٹا ۔۔۔۔ ” اس کی طرف سے نظریں پھیر کے وہ اب اپنے پڑپوتوں کو دیکھ رہے تھے ۔۔۔۔ جاتے جاتے اس نے ایک آخری نظر زاہنور پہ ڈالی جو مسکرا کے دلاور شاہ کو دیکھ رہی تھی ۔۔۔۔۔۔۔ اس کی نظر بھی شاہ ویز پہ پڑ چکی تھی ۔۔۔۔۔ شاہ ویز ہلکا سا مسکرایا اور پھر سر جھکا کے کمرے سے نکل گیا ۔۔۔۔۔۔۔۔۔ تھکے ماندہ قدموں کے ساتھ وہ یونہی چل رہا تھا ۔۔۔۔ ابھی وہ ہاسپٹل سے نکلا ہی تھا جب حمین۔ شاہ نے اسے گریبان سے گھسیٹا

” ذلیل انسان ۔۔۔۔ تم پھر زاہنور کو نقصان پہنچانے آ گئے ۔۔۔۔۔۔ “

اس کے منہ پہ اس نے زور کا گھونسا مارا ۔۔۔۔۔۔۔۔

” کیوں پیچھا نہیں چھوڑتے اس کا کیوں ؟ ۔۔۔۔۔۔ تمہیں منع کیا تھا نا کہ مت آنا میرے ۔۔۔۔ “

وہ دوبارہ سے اسے مکہ مارنا چاہتا تھا جب شاہ ویز نے روک لیا ۔۔۔۔۔ اور اس کی آنکھوں میں دیکھنے لگا

” زاہنور اور تمہارے دونوں بچے صحیح سلامت ہیں ۔۔۔۔۔ میں نے انھیں کوئی نقصان نہیں پہنچایا ۔۔۔۔۔۔ “

اس کا ہاتھ جھٹک کے اس نے اپنا گریبان اس کی گرفت سے آزاد کیا اور یونہی سر جھکائے وہ آگے بڑھ گیا ۔۔۔

حمین شاہ جلدی سے ہاسپٹل کی طرف بڑھا تھا ۔۔۔۔۔۔ اسے جلد سے جلد زاہنور کے پاس پہنچنا تھا ۔۔۔۔۔۔

پانی کی لہریں بار بار کنارے سے آ کے ٹکرا رہی تھی ۔۔۔۔۔۔۔۔۔ وہ خاموش بیٹھا اس عمل کو دیکھ رہا تھا ۔۔۔۔۔۔ پلوشہ بھی اس سے کچھ فاصلے پہ بیٹھی اس کے چہرے کے اتار چڑھاؤ کو دیکھ رہی تھی ۔۔۔۔۔۔۔ نہ جانے کون سی ایسی کشش تھی جو اسے اس شخص میں محسوس ہوتی تھی ۔۔۔۔ وہ سمجھ نہیں پائی لیکن اس کا دل چاہتا کہ وہ اس سے باتیں کرے۔ ۔۔۔ اسے سنا کرے ۔۔۔۔۔۔۔۔ یہ کیا احساس تھا ؟؟ محبت تو نہیں ۔۔۔۔۔ ؟ اتنی جلدی کسے محبت ہو جاتی ہوگی ۔۔۔۔۔ تو پھر ؟؟؟

اس نے گہری سانس لے کے اپنے سر کو جھٹکا

” کیسی ہے وہ اب ؟”

وہ پوچھنے لگی ۔۔۔۔۔۔ شاہ ویز کی پوزیشن میں کوئی فرق نہیں آیا

” جب میں وہاں سے جا رہا تھا تب تو ٹھیک تھی وہ ۔۔۔۔۔۔۔ “

” اور بےبیز ؟”

اس کے پوچھنے پہ وہ کچھ دیر خاموش رہا ۔۔۔۔۔۔۔۔ سر جھکا کے اپنے ہاتھوں کو دیکھا ۔۔۔۔۔۔۔۔۔ سر جھٹک کے پھر سے سامنے دیکھنے لگا

” دل میں کسک سی رہ گئی کہ میں ان ننھے فرشتوں کو ایک بار گود میں اٹھا لیتا ۔۔۔۔۔۔۔۔۔ ایک عجیب سی خلش “

” تو اٹھایا کیوں نہیں ؟”

وہ اس کے چہرے پہ درد کو دیکھ رہی تھی ۔۔۔۔۔۔۔۔ وہ خاموش تھا

” اٹھایا کیوں نہیں شاہ ویز ؟”

اس نے دوبارہ سے اپنا سوال دہرایا ۔۔۔۔۔

” پتہ نہیں ۔۔۔۔۔ شاید خود کو اس قابل نہیں۔ سمجھتا میں “

وہ اب اپنے لب کاٹنے لگا تھا ۔۔۔۔۔

” اپنا سب کھو دیا تم نے ۔۔۔۔۔۔ بیوی ۔۔۔۔۔ گھر ۔۔۔۔۔۔ جاب ۔۔۔۔۔۔ اپنی زندگی ۔۔۔۔۔ اپنے آپ کو اور ۔۔۔۔۔۔۔۔ “

وہ ایک لمحے کو رکی

” اپنی محبت ۔۔۔۔۔۔۔۔ پھر بھی خود کو کسی قابل نہیں۔ سمجھتے ۔۔۔۔ ” ۔وہ ہنسا تھا

” محبت ۔۔۔۔۔۔ کون سی محبت ؟ اسے نفرت کے سوا دیا ہی کیا ہے میں نے “

وہ خود پہ ہنس رہا تھا

” اب تو محبت کرنے لگے ہو اس سے “

یہ بات کہتے ہوئے پلوشہ کا دل ڈوب کے ابھرا تھا ۔۔۔۔۔۔۔۔۔ شاہ ویز سر جھٹک کے اسے دیکھنے لگا

” ہم جیسے جواریوں کے نصیب میں محبتیں نہیں لکھ دی جاتی ۔۔۔۔۔۔۔ ہم صرف مات کھانا جانتے ہیں ۔۔۔۔۔ محبت تو “

اس نے بات ادھوری چھوڑ دی ۔۔۔۔

” وہ اب کسی اور کی بیوی ہے ۔۔۔۔۔۔ اس سے محبت کرتی ہے ۔۔۔۔۔۔ اب ماں بن گئی ہے وہ دو ننھے فرشتوں کی ۔۔۔۔۔۔۔ اس سے محبت کرنا میرے لئے اب جرم ہے “

اس کی آواز میں نمی محسوس ہو رہی تھی پلوشہ کو ۔۔۔۔

” محبت تو کھبی بھی کسی سے بھی ہو سکتی ہے ۔۔۔۔۔۔ “

اسکے دھیمے لہجے سے کہنے پہ وہ خاموش رہا

” جیسے مجھے تم سے ہو گئی ہے “

شاہ ویز نے چونک کے اسے دیکھا ۔۔۔۔۔۔ وہ مسکراتی آنکھوں سے اسے ہی دیکھ رہی تھی ۔۔۔۔۔۔ وہ اچانک سے ہنسنے لگا ۔۔۔۔۔۔۔ ۔

” اس میں ہنسنے والی کون سی بات ہے شاہ ویز ؟”

پلوشہ کو برا لگا تھا شاید ۔۔۔۔۔۔۔۔ شاہ ویز نفی میں سر ہلانے لگا

” خود پہ ہنس رہا ہوں ۔۔۔۔۔۔۔ تمہیں ترس آ رہا مجھ پہ ۔۔۔۔ اس بات پہ ہنس رہا ہوں ۔۔۔۔۔ “

” لیکن ۔۔۔۔۔ میں تو تب سے تم سے محبت کر بیٹھی تھی جب میں تمہیں جانتی بھی نہیں تھی ۔۔۔۔۔ اور اب جان لینے کے بعد بھی تم سے محبت ہے ۔۔۔۔۔۔۔۔ “

وہ پرسکون لہجے میں کہہ رہی تھی ۔۔۔

” پچھتاؤ گی پلوشہ “

وہ ایک نظر اسے دیکھ کے بولا

” فرق نہیں پڑتا “

اس نے پرسکون سا جواب دیا

” دکھ ہی ملے گیں تمہیں “

شاہ ویز کے چہرے پہ سایہ سا گزرا تھا

” سہہ لوں گی “

وہ پھر بھی پرسکون تھی ۔۔۔۔۔۔ شاہ ویز اس کی آنکھوں کے سکون کو دیکھے گیا ۔۔۔۔۔ پھر سر جھٹک کے اپنی جگہ سے کھڑا ہوگیا

” مجھے جاب پہ بھی جانا ہے ۔۔۔۔۔ “

وہ کہہ کے چلا گیا اور پلوشہ اپنے لب کاٹتی اسے دور تک جاتا دیکھتی رہی ۔۔۔۔۔

وہ شاید وہاں سے بھاگنا چاہتا تھا ۔۔۔۔ پلوشہ کی آنکھوں کا سکون ۔۔۔۔ اس کا پرسکون لہجہ ۔۔۔۔۔ اسے بےسکون کر رہا تھا ۔۔۔۔۔۔۔ اس کی ذات سے پلوشہ کو کون سا سکون مل جانا تھا ۔۔۔۔ کون سی محبت مل جانی تھی ۔۔۔۔۔۔۔۔ وہ تو محبت کے آداب بھی نہیں جانتا تھا ۔۔۔۔۔ تو کونسی محبت کرتا وہ۔ ۔۔۔۔۔ کہاں کی محبت کرتا وہ ۔۔۔۔۔۔۔۔۔ وہ ابھی خود کو اس اذیت سے نہیں نکال پا رہا تھا ۔۔۔۔۔۔۔۔۔۔۔۔۔۔۔۔ جس اذیت میں وہ لمحہ لمحہ بکھر رہا تھا ۔۔۔۔۔۔۔ کیسے ختم کرے اس اذیت کو ۔۔۔۔۔۔ جیسے سکون لائے اپنے وجود میں ۔۔۔۔۔۔۔۔ جب وہ خود سکون کی تلاش میں تھا تو وہ پلوشہ کو کیا سکون دیتا ۔۔۔۔۔۔۔ !!!!

پانی کی لہروں کو دیکھتے ہوئے وہ شاہ ویز کے بارے میں ہی سوچ رہی تھی ۔۔۔۔۔۔۔۔۔۔۔ وہ اس کے دکھ بانٹنا چاہتی تھی ۔۔۔۔۔ اپنی محبت سے اسے ہر اذیت سے آزادی دلانے چاہتی تھی۔ ۔۔۔ ۔۔۔۔ اسے فرق نہیں پڑتا تھا اس بات سے کہ کتنے دن لگے اسے ۔۔۔۔ شاید مہینے۔ ۔۔۔ شاید سال ۔۔۔۔۔۔ لیکن وہ شاہ ویز کے ہر زخم کو بھرنا چاہتی تھی ۔۔۔۔ اسے اذیت سے نکال کے زندگی کی طرف لانا چاہتی تھی ۔۔۔۔۔۔۔۔ یہی تو محبت ہوتی ہے۔ ۔۔۔ !!!!!

وہ اب گھر شفٹ ہو چکی تھی ۔۔۔۔۔ حمین شاہ پرسکون بیٹھا اپنے دونوں شہزادوں کو محبت بھری نظروں سے دیکھ رہا تھا ۔۔۔۔۔۔۔۔۔۔ اس کے چہرے پہ مسکراہٹ پھیلی ہوئی تھی ۔۔۔۔۔۔۔۔۔۔۔۔ انگلی کی پور سے ان کے چہروں کو ہلکا سا چھوتا تو وہ بند آنکھوں کے ساتھ کسمسانے لگتے ۔۔۔۔۔۔۔ زاہنور محویت سے اس کے چہرے کو دیکھ رہی تھی ۔۔۔۔۔۔۔ پھر جھجھک کے اسے آواز دی

” حمین ۔۔۔۔ “

” جی حمین شاہ کی بیگم “

وہ مسکرا کی اس کی طرف مڑا ۔۔۔۔ تو وہ پلکیں جھکا گئی ۔۔۔۔۔۔۔۔۔

حمین شاہ اسے غور سے دیکھ رہا تھا ۔۔۔۔ وہ کچھ کہنا چاہ رہی تھی لیکن شاید کہہ نہیں پا رہی تھی ۔۔۔۔۔

وہ اس کے قریب ہو کے اس کے ہاتھوں کو اپنے ہاتھوں میں لے کے اسے دیکھنے لگا ۔۔۔

” کیا بات بتانی ہے زاہنور ۔۔۔۔ بتاؤ ؟”

وہ خشک لبوں پہ زبان پھیر کے اسے دیکھنے لگی

” شاہ ویز ۔۔۔۔ “

وہ رک گئی اور پلکیں جھکائے سوچنے لگی کیسے اپنی بات بتائے اسے ۔۔۔۔۔۔ پھر ہمت کر کے حمین۔ شاہ کو دیکھنے لگی ۔۔۔

” شا ۔۔۔۔ شاہ ویز نے جس طرح سے مجھے اور ہمارے ان ننھے فرشتوں کو جس طرح نئی زندگی بخشی ہے ۔۔۔۔ میں چاہتی ہوں کہ تم بھی اس کی زندگی اسے لوٹا دو حمین “

اس نے ہمت کر کے بات کر ہی دی اپنے دل کی ۔۔۔۔

” وہ شرمندہ ہے ۔۔۔۔ معافی مانگ چکا ہے ۔۔۔۔۔ لیکن ۔۔۔۔ لیکن یوں کسی کی زندگی ختم کر کے میں کھبی خوش نہیں رہ سکتی حمین ۔۔۔۔۔۔۔۔ یہ گناہ میں نہیں کر سکتی ۔۔۔۔۔۔۔۔۔۔ پلیز تم بھی اسے معاف کردو ۔۔۔۔۔ بیشک اللہ بہترین معاف فرمانے والا ہے پھر ہماری کیا اوقات کہ ہم کسی کے لئے سزا سنائے ۔۔۔۔۔ پلیز حمین شاہ میں ۔۔۔۔۔ میں “

وہ خاموش ہو گئی ۔۔۔۔ حمین ۔شاہ اسے پرسوچ نگاہوں سے دیکھ رہا تھا ۔۔۔۔۔ پھر ہلکا سا مسکرایا

” جیسا تم چاہو زاہنور ۔۔۔۔۔۔ “

اس کی پیشانی پہ لب رکھ کے وہ اب اپنے شہزادوں کی طرف متوجہ ہوا تھا ۔۔۔۔۔۔۔۔۔ زاہنور بھی اپنے بچوں کو دیکھنے لگی ۔۔۔۔۔۔ دونوں ہی خوش تھے ۔۔۔۔۔۔۔ اپنی زندگی کی سب سے بڑی خوشی پا کے دونوں ہی خوش اور مگن تھے ۔۔۔۔۔۔۔۔ اور دلاور شاہ !!!!! ان کی آنکھیں ۔۔۔۔ ان کا چہرہ فرطِ مسرت سے کھل رہا تھا ۔