Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 21)

Kabhi Jo Ashna Sy Thy Hum by Malaika

پلوشہ کے ساتھ وہ بیٹھا لنچ کر رہا تھا ۔۔۔۔۔۔۔۔۔۔ ریسٹورانٹ میں ہر طرف گہما گہمی تھی ۔۔۔۔۔۔۔۔۔۔ وہیں زاہنور سامیہ اور اپنے دونوں بچوں کے ساتھ آئی تھی اور ان کے ساتھ والی ٹیبل پہ بیٹھی وہ آیہان کو دیکھ رہی تھی جو رو رہا تھا ۔۔۔۔۔۔۔۔۔۔۔۔۔ بچے کے رونے کی آواز پہ اس نے مڑ کے دیکھا تھا اس کے بلکل پیچھے زاہنور تھی ۔۔۔۔۔۔۔۔۔۔ جو آیہان کو چپ کرا رہی تھی ۔۔۔۔۔ اس کا دل جیسے سینے سے نکل کے باہر آیا تھا ۔۔۔۔۔۔۔۔ اس نے اپنا منہ موڑ لیا اور سیدھا بیٹھ کے وہ خود کو اسے دوبارہ دیکھنے سے منع کر رہا تھا ۔۔۔۔۔۔۔۔۔۔ جبکہ اس کے سامنے بیٹھی پلوشہ کہنے لگی

” ارے یہ تو زاہنور ہے ۔۔۔۔۔ چلو مل کے آتے ہیں “

آیہان خاموش ہو چکا تھا ۔۔۔۔۔ سامیہ اس کے لئے فیڈر بنا چکی تھی ۔۔۔۔۔۔۔۔

شاہ ویز لب بھینچے پلوشہ کو دیکھ رہا تھا ۔۔۔۔۔

لیکن پلوشہ اسے نظرانداز کر کے اٹھ چکی تھی اور اب زاہنور کے پاس گئی تھی ۔۔۔۔

جبکہ شاہ ویز خود پہ کڑے پہرے لگائے بیٹھا ہوا تھا

” اسلام علیکم ۔۔۔۔۔ “

ان دونوں نے چونک کے اسے دیکھا تھا ۔۔۔۔۔۔

” وعلیکم السلام پلوشہ کیسی ہو ؟”

زاہنور مسکرا کے اس سے مل رہی تھی ۔۔۔۔۔

” میں ٹھیک ہوں تم کیسی ہو ؟”

وہ مسکرا کے جواب میں پوچھنے لگی

” میں بھی ٹھیک ہوں ۔۔۔ بیٹھو پلیز “

زاہنور پاس پڑی کرسی کی طرف اشارہ کر کے بولی تھی

” ارے نہیں ۔۔۔۔ میں شاہ ویز کے ساتھ آئی ہوں “

اس نے اشارے سے بتایا تو بےاختیار اس کی نظر اسی طرف اٹھی تھی ۔۔۔۔ شاہ ویز کی پشت سے نظریں ٹکرا کے واپس لوٹ آئی تھی ۔۔۔۔

” تمہیں دیکھا سوچا مل ہی لوں ۔۔۔۔ ارے کتنے پیارے بچے ہیں ماشاءاللہ “

وہ اب آیہان اور آیشان کو دیکھنے لگی تھی ۔۔۔۔۔ دونوں ہی مزے سے سو رہے تھے اب ۔۔۔۔۔۔۔

زاہنور مسکرا پڑی ۔۔۔۔۔۔

پلوشہ نے ہلکا سا انھیں پیار کیا تو وہ دونوں کسمسا ہی گئے ۔۔۔۔۔۔۔

” اب میری وجہ سے جاگ ہی نہ جائے “

پلوشہ نے سرگوشی کی تو وہ مسکرا پڑی

” اٹس اوکے ۔۔۔۔۔۔ “

” کم ۔۔۔۔ جوائن از “

پلوشہ اسے آفر دے رہی تھی لیکن وہ مسکرا کے نفی میں سر ہلانے لگی

” ارے نہیں۔ ۔۔۔۔۔۔ میں یہیں ٹھیک ہوں “

شاہ ویز مٹھیاں بھینچے انھیں ہی سن رہا تھا ۔۔۔۔۔۔۔۔۔۔۔ اس کا دل چاہ رہا تھا وہ پھر سے مڑ کے زاہنور کو دیکھ لیں ۔۔۔۔ اپنی آنکھوں کو سکون پہنچا دے ۔۔۔۔۔ لیکن وہ خاموش بیٹھا ہوا تھا اور اس کے اندر جیسے ڈھرکنوں کا شور تھا

” شاہ ویز ۔۔۔۔۔ “

پلوشہ کی آواز پہ اس نے بے اختیار مڑ کے دیکھا ۔۔۔۔۔ وہ اسے بلا رہی تھی ۔۔۔۔۔ زاہنور سے اس کی نظریں ایک پل کو ملی تھی اور دوسرے ہی پل مقابل نے نظریں چرا لی تھی ۔۔۔۔۔۔۔۔ وہ اٹھ کے ان کے پاس آیا

” اسلام علیکم “

زاہنور اور سامیہ کو دیکھتا اس نے سلام کیا ۔۔۔۔۔۔۔۔۔۔ دونوں نے اسے جواب دیا تھا ۔۔۔۔۔۔۔۔۔

” شاہ ویز دیکھو نا ۔۔۔۔ کتنے کیوٹ ہیں دونوں “

پلوشہ جانتی تھی کہ اس کی بڑی خواہش تھی کہ وہ پھر سے ان دو ننھے فرشتوں کو دیکھ سکے ۔۔۔۔۔ تبھی اس نے شاہ ویز کو آواز دی تھی اور اب شاہ ویز کے چہرے پہ لکھی تحریر کو دیکھ رہی تھی ۔۔۔۔۔۔۔ اس کے چہرے پہ عجیب خوشی رقص کر رہی تھی جسے پلوشہ نے نظر بھر کے دیکھا ۔۔۔۔۔۔ زاہنور بھی اسے دیکھ رہی تھی ۔۔۔۔۔ اس کی آنکھوں میں نمی در آئی تھی ان بچوں کو دیکھ کے ۔۔۔۔۔۔

وہ قریب گیا تھا ان کے اور انھیں محویت سے دیکھ رہا تھا ۔۔۔۔۔۔ اس کا دل انھیں بازوؤں میں بھرنے کو مچل رہا تھا ۔۔۔۔۔۔۔۔

” اگر تم انھیں گود میں لینا چاہو تو یو کین شاہ ویز “

شاہ ویز نے چونک کے اسے دیکھا وہ مسکرا رہی تھی ۔۔۔۔۔۔۔۔ شاہ ویز نے ہاتھ بڑھا کے ننھے وجود کو آہستگی سے اٹھایا اور اسے سینے سے لگائے اس کے ماتھے پہ پیار کرنے لگا ۔۔۔۔۔۔۔۔۔۔ زاہنور نے اس کے چہرے سے نظریں چرائی ۔۔۔۔۔۔ ۔۔۔۔۔۔۔۔۔۔

اس نے دھیرے سے آیہان کو اس کی جگہ پہ لٹایا ۔۔۔۔۔۔۔۔ اس کی نظریں زاہنور سے ملی تھی ۔۔۔۔۔۔۔ لیکن نظریں چرا کے وہ اپنی آنکھیں صاف کرنے لگا ۔۔۔۔۔

” بہت پیارے ہیں ماشاءاللہ “

وہ ان دونوں کو دیکھ کے کہہ رہا تھا ۔۔۔

زاہنور کو دیکھنے سے کترانے کی کوشش کر رہا تھا وہ ۔۔۔۔۔۔۔۔

” تھینک یو ۔۔۔۔ ” اس نے آہستگی سے جواب دیا ۔۔۔۔۔ جبکہ شاہ ویز پلوشہ کو دیکھنے لگا ۔۔۔۔۔

” چلیں ؟”

” شیور “

وہ جلدی سے اپنی ٹیبل پہ آ گیا زاہنور کو بنا دیکھے ۔۔۔۔۔ جبکہ پلوشہ اسے الوداعی کلمات کہنے لگی ۔۔۔۔۔۔۔ پلوشہ اس کے پاس آئی تب تک وہ اپنا والٹ موبائل اٹھا چکا تھا ۔۔۔۔۔۔۔۔۔۔۔۔ ضبط کے باوجود بھی جاتے جاتے وہ ایک نظر زاہنور پہ ڈال چکا تھا جو مینیو کارڈ دیکھ رہی تھی ۔۔۔۔۔۔۔ پھر پلوشہ کے ساتھ آگے بڑھ گیا ۔۔۔۔۔ اور ریسیپشن پہ وہ پےمنٹ کرنے لگا ۔۔۔۔۔۔۔ پلوشہ اسے ہی دیکھ رہی تھی وہ لب بھینچے ہوئے تھا ۔۔۔۔۔۔۔۔۔۔ وہ محسوس کر سکتی تھی کہ شاہ ویز ضبط کے کن مراحل سے گزر رہا تھا ۔۔۔۔۔۔۔ پلوشہ کو لیے وہ باہر نکلا تو کھلی فضا میں اس نے آ کے لمبے کش لے کے اپنی سانسیں بحال کیں ۔۔۔۔۔ پلوشہ اس کے چہرے کو دیکھ رہی تھی ۔۔۔۔

” شاہ ویز ۔۔۔۔۔ “

اس نے آہستگی سے اسے آواز دی ۔۔۔۔۔ وہ رک کے پلوشہ کو دیکھ رہا تھا ۔۔۔۔۔۔۔۔۔۔ پھر سر جھٹک کے وہ آگے بڑھ گیا ۔۔۔۔۔۔۔ اس کے قدم لڑکھڑا رہے تھے ۔۔۔۔۔۔۔۔۔۔ پلوشہ اس کی پشت کو دیکھ رہی تھی ۔۔۔۔۔۔۔ وہ اس کا ساتھ دینے اس کی زندگی میں آئی تھی ۔۔۔۔ اس کے دکھ بانٹنے ۔۔۔۔ اسے یوں اکیلا چھوڑنے نہیں تبھی بھاگتی ہوئی اس کے پاس آئی تھی اور اس کا بازو تھامے وہ اس کے ساتھ چلنے لگی ۔۔۔

سامیہ کو اس کے کمرے میں جا کے آرام کرنے کا کہہ کے وہ ابھی آیہان اور آیشان کے پاس بیٹھی ہوئی تھی ۔۔۔۔۔۔۔۔۔۔۔۔۔ وہ دونوں ابھی ابھی سوئے تھے اور وہ بےاختیاری میں اُنھیں دیکھے جا رہی تھی ۔۔۔۔۔ جب دروازہ کھلا اور حمین شاہ اندر آیا ۔۔۔۔۔

زاہنور نے ایک نظر مڑ کے اسے دیکھا پھر دوبارہ سے ان دونوں کو دیکھنے لگی ۔۔۔۔۔۔ حمین شاہ بھی اس کے قریب آ کے بیٹھ چکا تھا ۔۔۔۔۔۔۔۔۔۔ اور ان دونوں کو دیکھ کے وہ اب زاہنور کو دیکھ رہا تھا ۔۔۔۔۔ انگلی کی پور سے اس کے چہرے کو ہلکا سا چھوا تو وہ اسے دیکھے بنا ہی وہاں اٹھ گئی ۔۔۔۔۔۔۔ حمین شاہ اسے ہی دیکھ رہا تھا

” ایم سوری زاہنور ۔۔۔۔۔۔”

وہ شرمندہ سا ہو رہا تھا ۔۔۔۔ زاہنور نے کچھ نہیں کہا بس خاموشی سے وہ بکھری چیزیں سمیٹنے لگی ۔۔۔۔۔۔۔۔

وہ ایکدم سے اٹھ کے زاہنور کے پاس آیا تھا اور اس کا بازو تھام کے اسے اپنے قریب کیا ۔۔۔۔۔۔۔

” شرمندہ ہوں میں اس رات کے لئے ۔۔۔۔ ایم سوری “

زاہنور اسے ہی دیکھ رہی تھی ۔۔۔

” اٹس اوکے ” کہہ کے وہ اپنا بازو چھڑانے لگی ۔۔۔۔۔۔۔ لیکن حمین شاہ کی گرفت سخت تھی ۔۔۔۔ وہ بس لب ہی بھینچ گئی ۔۔۔۔۔۔۔۔۔۔

” چھڑانے کی کوشش کیوں کرتی ہو خود کو مجھ سے زاہنور ؟”

وہ سرگوشی میں پوچھ رہا تھا ۔۔۔۔۔۔

زاہنور اسے دیکھنے سے کترا رہی تھی ۔۔۔۔۔۔۔۔

” زاہنور میری طرف دیکھو “

” زور زبردستی سے کیا ہوگا ؟”

وہ اب اسے ہی دیکھ رہی تھی ۔۔۔۔۔۔

” میں سوری کر تو رہا ہوں “

” میں وقت ہی مانگ رہی ہوں تم سے حمین شاہ ۔۔۔ تھوڑا سا وقت سنبھلنے کے لئے پلیز “

حمین شاہ اسے چھوڑ چکا تھا اب ۔۔۔۔

زاہنور نے اپنا بازو سہلایا ۔۔۔۔۔۔ اور پھر سے بکھری چیزیں سمیٹنے لگی ۔۔۔۔۔

” کتنا وقت ؟”

وہ اب پینٹ کی جیب ہاتھ ڈالے کھڑا تھا

” جب تک میں اپنی تذلیل بھول پاؤں “

وہ یونہی مصروف سے انداز میں بولی ۔۔۔

” وہ تمہاری تذلیل نہیں تھی زاہنور “

وہ وضاحت دے رہا تھا ۔۔۔۔۔ زاہنور نے رک کے اسے دیکھا

” جن آنکھوں میں میرے لئے محبت نہ ہو ۔۔۔ بلکہ بدلہ ۔۔۔۔ جنون ۔۔۔۔۔ اور طاقت کا نشہ ہو ۔۔۔۔۔۔ اسے میں اپنی تذلیل ہی سمجھوں گی ۔۔۔۔۔ تم نے طاقت کے نشے میں درندگی دکھائی ہے اپنی “

حمین شاہ نظریں چرا گیا ۔۔۔۔۔ زاہنور سر جھٹک کے کمرے سے نکل چکی تھی ۔۔۔۔ سچ ہی تو کہہ رہی تھی وہ ۔۔۔۔۔۔۔ شاہ ویز سے بدلے کی آگ اسے اتنا جھلسا رہی تھی کہ وہ اپنے ہی رشتوں کو آگ لگانے چل پڑا تھا ۔۔۔۔۔

لاسٹ ایپیسوڈ ٹارگٹ 600

” بند کرو اپنا زاہنور نامہ”

شاہ ویز ایکدم سے چلایا تھا جبکہ پلوشہ حیرت سے اسے دیکھ رہی تھی ۔۔۔۔۔۔

” جب سے آئی ہو زاہنور ۔۔۔۔ زاہنور لگا کے رکھا ہوا ہے ۔۔۔۔ چاہتی کیا ہو تم ؟؟؟؟ بتانا کیا چاہتی ہو مجھے تم ۔۔۔۔۔۔ کیوں زخم اڈھیر رہی ہو میرے ؟؟؟؟ کون سا سکون پانا چاہ رہی ہو تم “

پلوشہ اپنی جگہ سے کھڑی ہو کے اس کے پاس آئی ۔۔۔۔۔ اس کے کندھے پہ اپنا ہاتھ رکھا

” میرا مقصد تمہیں ہرٹ کرنا نہیں۔ تھا شاہ ویز ۔۔۔۔ ایم سوری “

وہ دھیمے لہجے میں کہہ رہی تھی ۔۔۔۔ وہ یونہی کھڑا اپنی کنپٹی سہلا رہا تھا جب وہ اس کے سامنے آئی ۔۔۔۔۔۔ اس کی ٹھوڑی پہ ہاتھ رکھ کے اس کا چہرہ اونچا کیا ۔۔۔

” اب نہیں ہوگا ایسا ۔۔۔۔۔ “

شاہ ویز اسے دیکھ رہا تھا ۔۔۔۔۔۔۔ اسے کندھوں سے تھام کے اپنے قریب کیا ۔۔۔۔۔ پلوشہ اس کے سینے سے جا لگی تھی ۔۔۔۔۔۔۔۔۔ وہ نظریں اٹھا کے اس کی بےبس آنکھوں میں دیکھ رہی تھی

” مجھے سکون چاہئیے ۔۔۔۔ تم سے سکون چاہئیے لیکن تم میرے زخم اڈھیرے جا رہی ہو ۔۔۔۔ “

وہ بےبسی سے کہہ رہا تھا ۔۔۔۔

” اب نہیں ہوگا شاہ ویز “

شاہ ویز نے اسے اپنے بےحد قریب کیا ۔۔۔۔ پلوشہ اپنی آنکھیں بند کر چکی تھی ۔۔۔۔۔۔۔ وہ اس کے چہرے پہ نظریں جمائے پرسکون ہونے کی کوشش کر رہا تھا لیکن اس کی بےچینی بڑھتی گئی ۔۔۔۔۔جب بلکل اچانک وہ کرنٹ کھا کے پلوشہ سے دور ہو چکا تھا اور رخ موڑے کھڑا تھا ۔۔۔۔ پلوشہ حیرت سے اس کی پشت دیکھ رہی تھی

” نیکسٹ ویک ہم شادی کر رہے “

((لائکس ٹارگٹ 600)))

شاہ ویز نے اپنا فیصلہ سنایا تھا ۔۔۔۔

” اتنی جلدی ؟”

پلوشہ حیران تھی ۔۔۔۔ شاہ ویز مڑ کے اسے دیکھا

” شادی نہیں کرنا چاہتی کیا تم مجھ سے ؟”

” کرنا چاہتی ہوں تبھی یہاں ہوں تمہارے ساتھ “

پلوشہ اس کے پاس آتے بولی

” تو بس پھر تیار رہنا “

کہہ کے وہ وہاں سے نکلتا چلا گیا جبکہ پلوشہ وہیں کھڑی رہی ۔۔۔۔۔۔۔ وہ یہ فیصلہ کر تو چکی تھی لیکن اس راستے کی مشکلات کا سوچ کے اس کا دل لرزا تھا

” اے اللہ میری مدد فرمائے ۔۔۔ کہیں میرے قدم نہ ڈگمگا جائے “

” بس ایک بار مل لو پلیز زاہنور “

وہ کال پہ زاہنور سے کہہ رہا تھا ۔۔۔۔۔

” بس آخری بار دیکھنا چاہتا ہوں تمہیں ۔۔۔ پھر کھبی بھی تمہیں تنگ نہیں کروں گا “

وہ منت کر رہا تھا ۔۔۔۔

” شاہ ویز پلیز ۔۔۔ کیوں تنگ کر رہے ہو زندگی کا دائرہ مجھ پہ “

زاہنور اسے منع کر رہی تھی

” آئی پرامس زاہنور بس لاسٹ ٹائم ۔۔۔۔۔ نیکسٹ ویک میری شادی ہے ۔۔۔۔۔ بس کچھ باتیں بتانی ہیں پھر موقع مل پائے یا نہیں “

اس کی دھیمی آواز میں کرب تھا ۔۔۔۔۔۔

وہ خاموش رہی

” آؤ گی نا ؟”

پھر سے اس نے پوچھا تھا ۔۔۔۔۔۔

” پلیز زاہنور ۔۔۔۔۔ “

” ٹھیک ہے “

اتنا کہہ کے اس نے کال بند کر دی ۔۔۔۔۔۔۔۔۔ اس کی سانسیں بےترتیب ہو رہی تھی ۔۔۔۔۔۔۔ سامیہ کو ہدایات دے کے وہ اپنے کمرے میں آئی ۔۔۔۔ اپنا بیگ اٹھاتے اس نے دھڑکتے دل کے ساتھ آخری نظر کمرے پہ ایسے ڈالی جیسے یہ آخری نظر ہو ۔۔۔۔۔۔۔۔ وہ سیڑھیاں اتر کے باہر کی طرف جانے لگی ۔۔۔۔۔۔۔ گاڑی وہ خود ڈرائیو کرنے کا سوچ کے اس نے کیز اٹھائی ۔۔۔۔۔

(( لاسٹ ایپیسوڈ 600 لائکس پر پوسٹ ہوگی ))

جب گاڑی نکل چکی تو ڈرائیور نے حمین شاہ کو کال کی ۔۔۔۔

” چھوٹی بی بی جا چکی ہے “

حمین شاہ اب کسی اور کو کال ملا رہا تھا ۔۔۔۔۔۔ موبائل کان سے لگائے وہ دوسری طرف کا منتظر تھا

” ہیلو سر ۔۔۔۔۔ “

” گاڑی کو فالو کر رہے ؟؟ “

” یس سر ۔۔۔۔۔ ہم وہیں ہیں “

دوسری طرف سے جواب دیا گیا ۔۔۔

” ویری گڈ ۔۔۔۔۔۔۔ موقع ملتے ہی گولیوں سے بھون ڈالو اس حرامزادے کو “

اس کا لہجہ سرد تھا ۔۔۔۔۔۔۔

” جو حکم آپ کا “

موبائل بند کر کے اس نے ٹیبل پہ رکھ دی ۔۔۔۔۔۔۔۔ وہ اب اس بات کا منتظر تھا کہ کب شاہ ویز کے موت کی خبر ملنے والی ہے اسے ۔۔۔۔۔۔۔۔ س نے گھڑی پہ نظر ڈالی اور اب آرام دہ کرسی پہ بیٹھا وہ انتظار کرنے لگا ۔۔۔۔

منفی سوچیں اس کے دماغ میں اپنی جگہ بنانے لگی تھی ۔۔۔۔۔۔۔ زاہنور پھر سے شاہ ویز کے پاس نہ چلی جائے ۔۔۔۔۔ کہیں زاہنور اس سے طلاق کا مطالبہ نہ کر دیں ۔۔۔۔۔۔۔ کہیں زاہنور اس سے بھاگ نہ جائے ۔۔۔۔۔۔۔۔۔ اس کا غرور اسے اس بات کی اجازت کیسے دے سکتا تھا کہ زاہنور شاہ ویز کو اس پہ ترجیح دے ۔۔۔۔۔۔۔۔ ایک بار نہیں ۔۔۔ دو بار نہیں ۔۔۔ وہ کئی بار اس سے جھوٹ بول چکی تھی ۔۔۔۔۔۔۔ اس کے اندر وحشت سی پھیلنے لگی تھی ۔۔۔۔۔ زاہنور شاہ ویز کے لئے اس سے جھوٹ بول رہی ہے ۔۔۔۔ مطلب وہ شاہ ویز کو بھول نہیں پائی یا اس کی سوئی محبت پھر سے جاگنے لگی ہے ۔۔۔۔ آخر کو وہ شاہ ویز کی بیوی رہ چکی ہے ۔۔۔۔۔۔ وہ شاہ ویز کو اس پہ ایک بار ترجیح دے تو چکی ہے ۔۔۔

تو کیا پھر سے ایسا نہیں ہوگا کیا ؟

پھر سے وہ شاہ ویز کے پاس نہیں جائے گی ؟؟؟

اس کے دل و دماغ میں جنگ جاری تھی ۔۔۔۔۔۔۔۔۔۔ زاہنور سے وہ شدید محبت کرتا ہے ۔۔۔۔ بےحد محبت ۔۔۔۔ ایسا کیسے ممکن ہے کہ وہ زاہنور کو کوئی نقصان پہنچائے ۔۔۔۔۔۔ وہ یونہی ٹہلتے ٹہلتے ایک جھٹکے سے رکا ۔۔۔۔۔۔۔

اس کی آنکھوں میں وحشت تھی ۔۔۔۔

” شاہ ویز کو مرنا ہی ہوگا “

اس کی آواز سرد تھی ۔۔۔۔۔۔۔

” اسے مرنا ہی ہوگا ۔۔۔۔۔۔ میں زاہنور کو اس کا ہونے نہیں دوں گا ۔۔۔۔ زاہنور میری ہے صرف میری ۔۔۔۔ حمین شاہ کی تھی اور ہمیشہ رہے گی “

وہ اب اسے ختم کرنے کے پلان بنانے لگا اپنے مائنڈ میں ۔۔۔۔۔۔

” تمہیں ایسی موت ماروں گا شاہ ویز ملک ۔۔۔۔۔ کہ عبرت کا نشان بنو گے دنیا والوں کے لئے تم ۔۔۔۔۔۔۔۔ حمین شاہ سے اس کی زاہنور چھین نہیں سکتے تم ۔۔۔ میں یہ ہونے نہیں دوں گا “

وہ آنکھوں میں نفرت لیے خود سے کہہ رہا تھا ۔۔۔۔۔

” کیا بتانا چاہتے تھے تم مجھے شاہ ویز “

شہر سے قدرے دور پرسکون جگہ تھی ۔۔۔۔۔۔۔۔ شاہ ویز اس کے چہرے کو یونہی کھڑا دیکھ رہا تھا ۔۔۔۔۔ زاہنور کو اس کے یوں دیکھنے سے کوفت ہونے لگی

” شاہ ویز پلیز ۔۔۔۔ ایسے مت دیکھو ۔۔۔۔ کیا بات کرنی تھی “

” محبت کرتا ہوں تم سے زاہنور “

اس نے اچانک سے کہا تھا زاہنور کا دل ڈوب کے ابھرا تھا ۔۔۔۔۔۔۔۔

” چاہتا ہوں تمہیں بےحد ۔۔۔۔ بےشمار “

وہ گھمبیر لہجے میں کہہ رہا تھا

” یہی بات بتانے کے لئے یہاں تک بلایا مجھے شاہ ویز ؟”

اس کے چہرے پہ ناگواری جھلک رہی تھی

” کچھ یادیں تھی تمہاری میرے پاس ۔۔۔۔ انھیں تمہیں سونپنے آیا تھا “

وہ اب بھی اسے نظروں کے حصار میں لیے ہوئے تھا ۔۔۔۔۔۔۔۔۔

” ایسے دیکھنا بند کرو شاہ ویز پلیز “

وہ چلائی تھی ۔۔۔۔۔۔۔ تو شاہ ویز کے لبوں پہ زخمی مسکراہٹ ٹھہر گئی ۔۔۔

” نیکسٹ ویک شادی کر رہا میں پلوشہ سے ۔۔۔۔۔۔۔ “

وہ خاموش رہی ۔۔۔۔۔

” بہت کھٹن ہے زاہنور ۔۔۔۔ بہت کھٹن ہے یہ فیصلہ کرنا میرے لئے ۔۔۔۔۔ تمہاری یادوں کو اپنے کمرے کے درودیوار سے الگ کرنا بہت کھٹن ہے ۔۔۔۔۔۔۔۔۔ لیکن “

وہ ذرا سا ہنسا تھا ۔۔۔۔

” تمہارے ائیر رنگز ۔۔۔۔ تمہارا بریسلٹ ۔۔۔۔۔۔۔۔ تمہارے ڈریسز ۔۔۔۔۔ تمہارے پائل ۔۔۔۔۔۔۔۔ “

“اسٹاپ اٹ شاہ ویز “

وہ چلائی تھی ۔۔۔۔

” کیوں بلایا ہے مجھے یہاں ؟”

وہ چپ کر گیا۔۔۔۔ بےاختیار اس کے قریب آیا تھا ۔۔۔۔ زاہنور دو قدم پیچھے ہٹی تھی ۔۔۔۔ اس نے زاہنور کا ہاتھ تھام لیا ۔۔۔۔۔۔۔ وہ چھڑانے لگی تو اس کی کلائی پکڑ لی ۔۔۔۔۔۔ اور بریسلٹ پاکٹ میں سے نکال کے اسے پہنانے لگا ۔۔۔

زاہنور ہاتھ چھڑانا چھوڑ کے اب اسے دیکھ رہی تھی ۔۔۔۔

وہ اسے پہنا کے اب اسے ہی دیکھ رہا تھا ۔۔۔۔۔۔۔۔۔ اس نے جلدی سے اپنا ہاتھ چھڑایا ۔۔۔۔۔۔۔۔۔۔شاہ ویز کے لب مسکرا اٹھے ۔۔۔۔۔۔۔

” اچھا نہیں دیکھتا تمہیں ۔۔۔ خوش ؟”

وہ منہ موڑ کے ہی کھڑا ہو گیا ۔۔۔۔۔ زاہنور کی طرف اب اس کی پشت تھی ۔۔۔۔۔۔

” بس یہ تمہیں لوٹانے آیا تھا ۔۔۔۔۔۔۔۔۔ دل کر رہا تھا کیا کروں ۔۔۔۔۔ دل پہ زور نہیں چلا میرا “

زاہنور کی نظر سامنے پڑی تھی ۔۔۔۔۔ جہاں سے دو تین آدمی ہاتھوں میں۔ گن لیے ان کی طرف آ رہے تھے ۔۔۔۔۔۔ ان کا نشانہ شاہ ویز تھا ۔۔۔۔ جبکہ شاہ ویز سر جھکائے اپنے ہاتھوں کو دیکھ رہا تھا ۔۔۔۔۔۔۔۔

وہ بولے جا رہا تھا ۔۔۔۔ لیکن زاہنور کہاں سن رہی تھی وہ بس ان مسلح افراد کو دیکھ رہی تھی ۔۔۔۔ جنہیں شاید حمین شاہ نے بھیجا تھا شاہ ویز کو مارنے کے لئے ۔۔۔۔۔ وہ اپنے گن تھامے ہوئے تھے ۔۔۔۔۔۔۔۔۔ وہ انھیں دیکھے جا رہی تھی ۔۔۔۔۔ وہ رک چکے تھے کچھ فاصلے پہ اور اب شاہ ویز کے باڈی کو نشانہ لے رہے تھے ۔۔۔۔۔۔۔ جب اچانک زاہنور شاہ ویز کے قریب آ کے اس کے سینے سے جا لگی تھی ۔۔۔۔۔

” شاہ ویز ۔۔۔۔۔ “

بس ایک لمحہ لگا تھا گولیاں چلی تھی ۔۔۔۔۔۔۔۔ تیز رفتاری سے ۔۔۔۔۔ ساری گولیاں زاہنور کے وجود پہ لگتی گئی ۔۔۔۔۔۔۔۔۔۔ اس کی پشت پہ جیسے گرم سیسہ انڈیلا گیا ہو ۔۔۔۔۔۔۔ اس کا جسم بار بار جھٹکے کھا رہا تھا ۔۔۔۔خوں کی بوچھاڑ سی ہوئی تھی ۔۔۔۔۔۔۔۔ شاہ ویز اسے بانہوں میں بھر چکا تھا ۔۔۔۔۔۔۔۔۔

” زاہنور ۔۔۔۔ “

وہ چلایا تھا ۔۔۔۔۔۔۔ وہ لوگ بھاگتے ہوئے جا رہے تھے ۔۔۔۔۔ زاہنور کو نیچے لٹا کے وہ اس کا چہرہ تھپتھپانے لگا ۔۔۔

” زاہنور ۔۔۔۔ زاہنور “

اس نے سامنے دیکھا وہ لوگ بھاگ رہے تھے ۔۔ وہ ایکدم اٹھا اور ان کے پیچھے بھاگنے لگا لیکن وہ لوگ گاڑی میں بیٹھ کے جا چکے تھے ۔۔۔۔۔۔۔

وہ پھر سے زاہنور کی طرف بھاگا تھا ۔۔۔۔۔۔ وہیں بیٹھ کے زاہنور کو بانہوں میں بھر لیا ۔۔۔۔۔ اس کی آنکھیں بند ہو رہی تھی ۔۔۔۔ اس کی سانسیں اٹک اٹک کے آ رہی تھی ۔۔۔۔

” زاہنور ۔۔۔۔ یہ کیا کر دیا تم نے ۔۔۔۔ زاہنور یہ کر دیا ۔۔۔۔ یہ کیا ہوگیا یا اللہ یہ کیا ہو گیا ۔۔۔۔۔ “

اس کے خون آلود چہرے پہ نرم سی مسکراہٹ تھی ۔۔۔۔۔۔۔۔ اس کا پورا وجود خون میں لٹ پٹ ہو چکا تھا ۔۔