Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 18)

Kabhi Jo Ashna Sy Thy Hum by Malaika

ایک آفیشل پارٹی میں حمین شاہ اور زاہنور شاہ کو دعوت دی گئی تھی ۔۔۔۔۔۔۔ زاہنور کے ناں ناں کے باوجود بھی حمین شاہ نے اسے جانے کے لئے آمادہ کر لیا تھا اور ابھی دونوں اس پارٹی میں موجود تھے ۔۔۔۔۔۔ بہت سی ستائشی نظریں ان کی طرف اٹھی تھی ۔۔۔۔۔۔۔۔۔۔ انہی نظروں میں ایک نظر شاہ ویز کی بھی تھی ۔۔۔۔۔ جو اس کی طرف اٹھ کے جھکنا بھول گئی تھی ۔۔۔۔۔۔۔ بلیک کلر کی ساڑھی میں ۔۔۔ ہلکے میک اپ کے ساتھ وہ اسے اپنے حواسوں پہ چھاتی محسوس ہو رہی تھی ۔۔۔۔۔۔۔ہر بار وہ اسے بھولنے کی کوشش کرتا اور ہر بار اس سے سامنا ہونے پہ شاہ ویز کا دل جیسے کچھ اور سوچنے کے لئے آمادہ ہی نہ ہوتا ۔۔۔۔۔ وہ ابھی ابھی وہاں عباس درانی کے ساتھ پہنچا تھا ۔۔۔۔۔۔۔ اور سب سے مل رہا تھا ۔۔۔۔۔۔۔۔ عباس درانی جیسے ہی حمین شاہ کے پاس پہنچا تو ان سے مل کے حمین شاہ نے اپنا ہاتھ شاہ ویز کی طرف بھی بڑھایا ۔۔۔۔۔۔۔۔ جسے شاہ ویز نے جلدی سے تھام لیا ۔۔۔۔۔۔۔۔۔۔۔۔۔ پھر اس کی نظر باوجود کوشش کے بھی زاہنور کی طرف اٹھی تھی ۔۔۔۔۔۔۔۔ اس سے حال چال پوچھ کے وہ نظریں جھکاتا آگے بڑھ گیا ۔۔۔۔۔۔۔۔

زاہنور کا پورا دھیان آیہان اور آیشان کی طرف تھا ۔۔۔۔۔۔۔

وہ حمین شاہ کی طرف دیکھنے لگی ۔۔۔۔۔۔۔ پھر تھوڑا قریب ہو کے اس سے سرگوشی کرنے لگی

” میں سامیہ کو کال کر کے بچوں کا پوچھ لوں “

” شیور “

اس نے اثبات میں سر ہلایا ۔۔۔۔ تو وہاں سے ہوتی ہوئی لان میں چلی گئی ۔۔۔۔۔۔ اور قدرے پرسکون جگہ پہ جہاں شور کم تھا وہ وہیں سامیہ کو کال ملانے لگی ۔۔۔۔

” ہاں سامیہ ۔۔۔۔ بچے کیسے ہیی ؟”

کال ملتے ہی اس نے بچوں کا پوچھا

” میم دونوں سو رہے ہیں ۔۔۔۔۔ “

اس کا جواب سن کے اس نے پرسکون سانس کھینچی ۔۔۔۔۔

” ٹھیک ہے ہم کچھ دیر میں آ رہے ہیں ۔۔۔ پلیز ان کے پاس ہی رہو “

” اوکے میم ۔۔۔ “

کال ڈسکنیکٹ کر کے وہ جیسے ہی مڑی سامنے ہی شاہ ویز اس کے مقابل کھڑا تھا ۔۔۔۔۔۔۔۔

” میں بچوں کا پوچھ رہی تھی “

وہ کہنے لگی ۔۔۔۔

” کیسے ہیں دونوں ؟”

وہ مسکرا کے پوچھنے لگا

” ٹھیک ہے ۔۔۔ تھینک یو “

مسکرا کے جواب دے کے وہ جانے لگی جب شاہ ویز نے اسے روکا

” کچھ دیر رکو گی پلیز ؟”

زاہنور اسے سوالیہ نظروں سے دیکھنے لگی ۔۔۔۔۔ لیکن اس کی اداس آنکھوں میں عجیب سا دکھ تھا ۔۔۔۔۔ وہ عجیب احساسات میں گھر گئی ۔۔۔۔۔۔۔۔

” حمین شاہ ویٹ کر رہے ہوگیں “

وہ بات ٹالنے کے لئے کہنے لگی ۔۔۔۔

” یاد آتی ہو بہت زاہنور “

شاہ ویز کی گھمبیر آواز پہ زاہنور ساکت سی ہوگئی ۔۔۔۔

” بہت یاد آتی ہو ۔۔۔۔۔ بھول نہیں پا رہا میں تمہیں “

وہ کہہ رہا تھا جبکہ زاہنور دم سادھے اسے دیکھ رہی تھی ۔۔۔۔۔

” مجھے تم سے محبت ہو گئی ہے زاہنور ۔۔۔۔ یا شاید تھی محبت ہمیشہ سے ۔۔۔۔ میں کھبی سمجھ نہیں سکا ۔۔۔ یا جان نہیں پایا ۔۔۔ لیکن سب تمہارے جانے کے بعد جیسے تم اب بھی وہیں موجود ہو ۔۔۔۔۔۔ تمہاری خوشبو اب بھی اس کمرے کے کونے کونے میں پھیلی ہوئی ہے زاہنور “

” شاہ ویز اسٹاپ اٹ پلیز ۔۔۔۔۔۔ ان سب باتوں کا اب کوئی فائدہ ہی نہیں رہا “

زاہنور کو عجیب لگ رہا تھا اس کا یوں بات کرنا ۔۔۔۔۔۔

” تو میں کیا کروں زاہنور ۔۔۔ تم ہی بتاؤ میں کیا کروں ؟ کیسے اس درد کو کم کروں کیسے ؟”

وہ بےبسی کی انتہا پہ تھا

” شاہ ویز پلیز ۔۔۔۔ مجھے بدتمیزی کرنے پہ مجبور مت کرو “

وہ ناگواری سے کہتی آگے بڑھنے کو تھی

” بہت خوبصورت لگ رہی ہو زاہنور “

وہ پھر سے کہہ رہا تھا ۔۔۔۔۔۔۔ زاہنور کا دل کانپا تھا اسکی بات پہ ۔۔۔۔۔۔۔ یہ کس انداز سے بات کر رہا تھا وہ ۔۔۔۔

لیکن سر جھٹک کے وہ آگے بڑھ گئی ۔۔۔۔۔۔۔۔۔ اسے ان باتوں سے کوئی مطلب تھا بھی نہیں ۔۔۔۔ وہ حمین شاہ کی زاہنور تھی اب ۔۔۔۔۔۔۔ اسے شاہ ویز کی محبت سے ۔۔۔۔۔۔ اس کے احساسات سے کوئی لینا دینا نہیں تھا اب ۔۔۔۔۔۔۔۔۔۔۔ وہ اندر جا کر نظریں ڈورا کے حمین شاہ کو ڈھونڈنے لگی ۔۔۔۔۔۔۔۔۔۔ حمین شاہ جو اسے بلانے وہاں تک آیا تھا لیکن ان کی باتیں سن کے وہیں رک گیا تھا ۔۔۔۔۔۔۔۔ خود کو نارمل کرتا وہ دوبارہ سے اندر آیا تو زاہنور مسکراتی ہوئی اس کے پہلو میں جا کے کھڑی ہو گئی ۔۔۔۔

” کہاں تھے؟”

” کہیں نہیں ۔۔۔ یہیں تھا “

وہ کندھے اچکا کے بولا تو زاہنور مسکرا کے ادھر ادھر دیکھنے لگی ۔۔۔۔۔۔ حمین شاہ کی نظریں اس کے چہرے کا طواف کر رہی تھی ۔۔۔۔۔ شاہ ویز پہ نظر پڑتے ہی اس کے چہرے کا رنگ بدلا تھا جسے حمین شاہ دیکھ چکا تھا ۔۔۔۔ اس کے نظروں کے تعاقب میں حمین شاہ نے دیکھا تو شاہ ویز کو دیکھ کے اس نے لب بھینچ لیے ۔۔۔۔۔ وہ ان کے بیچ آنے کی کوشش کر رہا تھا ۔۔۔۔۔ اب کیوں چاہتا ہے وہ آنا ۔۔۔۔۔۔۔۔ زاہنور اس پر سے نظریں ہٹا چکی تھی لیکن حمین شاہ اب بھی زاہنور کے چہرے کو دیکھتے ہوئے یہی سوچ رہا تھا ۔۔۔۔۔۔ کہ شاہ ویز پھر سے کوئی گیم تو نہیں چلانے لگا ۔۔۔۔۔۔۔۔۔۔ وہ زاہنور کو کسی قیمت بھی کھونا نہیں چاہتا تھا ۔۔۔۔۔۔۔

زاہنور چینج کر کے کمرے میں آئی ۔۔۔۔۔۔۔۔ اپنے بالوں پہ برش پھیر کے وہ آئینے سے حمین شاہ کے عکس کو دیکھ رہی تھی جو پرسوچ نظروں سے زاہنور کو ہی دیکھ رہا تھا ۔۔۔۔۔۔

وہ اس کے یوں دیکھنے سے پریشان سی ہوگئی ۔۔۔۔ لیکن خود کو نارمل ظاہر کرتے وہ مسکراتے ہوئے اس کی طرف مڑی تھی

” ایسے کیوں دیکھ رہے ہو حمین “

حمین شاہ نے اپنا سر جھٹکا ۔۔۔۔۔

” کیسے دیکھ رہا ہوں ؟”

وہ مسکراتی ہوئی اس کے پاس آئی ۔۔۔۔۔ بیڈ پہ اس کے قریب لیٹ کے اس کے کندھے پہ اپنا سر رکھا ۔۔۔۔۔

” پتہ نہیں۔۔۔۔۔ “

حمین شاہ نے اسے بانہوں میں بھر لیا ۔۔۔۔۔۔۔۔ اس کے ماتھے پہ بوسہ دے کے وہ اب زاہنور کو خود سے لگائے کچھ سوچ رہا تھا

” کیا سوچ رہے ہو حمین ؟”

اس کا دل بے طرح ڈھرک رہا تھا ۔۔۔۔۔ اسے لگا کہ حمین شاہ اس کی اور شاہ ویز کی باتیں سن چکا ہے ۔۔۔۔۔

” سوچ رہا ہوں کہ کتنا چینج ہو گئی ہو تم “

حمین شاہ کی بات پہ زاہنور نے چونک کے اسے دیکھا ۔۔۔۔۔۔۔۔ زاہنور کی آنکھوں میں اسے ڈر نظر آیا تھا ۔۔۔۔

” میں تو وہی زاہنور ہوں ۔۔۔۔ حمین شاہ کی زاہنور “

وہ دھیرے سے بولی تھی ۔۔۔۔

” لیکن پھر بھی چینج ہو گئی ہو “

وہ غور سے اس کا چہرہ دیکھتے کہہ رہا تھا ۔۔۔۔۔۔۔ جبکہ حمین شاہ کے لب مسکرا اٹھے

” پہلے سے بہت زیادہ خوبصورت ہو گئی ہو یار “

زاہنور کچھ دیر اسے دیکھتی رہی

” اتنا سیریس مذاق “

” مذاق تھوڑی ہے ۔۔۔ سچ کہہ رہا ہوں “

حمین شاہ دلچسپی اسے دیکھتا کہہ رہا تھا ۔۔۔۔۔ جبکہ زاہنور نے اپنا سر اس کے کندھے پہ رکھ دیا

” نیکسٹ ایسا مذاق نہ کرنا پلیز “

” جو حکم میری بیگم کا “

وہ مسکرا رہا تھا ۔۔۔۔۔۔۔۔۔ وہ شاہ ویز کی باتوں کو سوچ رہا تھا ۔۔۔۔۔ وہ زاہنور کو چاہنے لگا ہے ۔۔۔۔ یہ بات اسے اشتعال دلا رہی تھی ۔۔۔۔۔۔ لیکن وہ اب دو بچوں کا باپ تھا ۔۔۔۔۔۔ وہ شاہ ویز کو کوئی نقصان نہیں پہنچانا چاہتا تھا اب ۔۔۔۔۔۔۔ اسے اب اس بات کا ڈر نہیں تھا کہ وہ زاہنور کو کوئی نقصان پہنچائے گا لیکن وہ زاہنور کو چاہنے لگا ہے یہ بات اسے پریشان کر رہی تھی ۔۔۔۔۔۔۔۔ اس نے زاہنور اور اس کے بچوں کی زندگی بچائی تھی ۔۔۔۔ جس کی وجہ سے زاہنور کے دل میں شاہ ویز کے لئے احترام بڑھ گیا تھا ۔۔۔۔۔۔۔۔ وہ یہ بھی جانتا تھا کہ زاہنور اس سے بےحد محبت کرتی ہے وہ کسی طور بھی زاہنور پہ شک نہیں کرنا چاہتا تھا لیکن ۔۔۔۔۔۔۔۔۔ اگر زاہنور کے دل میں بھی شاہ ویز کے لئے محبت بڑھ گئی تو ؟؟؟؟ شاہ ویز اس کا شوہر رہ چکا تھا اگر وہ پھر سے زاہنور کے دل میں اپنی محبت جگا پایا تو ؟؟؟؟؟؟؟؟ مفلوج ہوتے ذہن کے ساتھ اس نے زاہنور کے سوئے وجود پہ نظر ڈالی ۔۔۔۔۔۔ کتنے سکوں سے سو رہی تھی وہ ابھی ۔۔۔۔۔۔ وہ اسے دیکھے گیا ۔۔۔۔۔۔

زاہنور کے بنا تو وہ جینے کا سوچ بھی نہیں سکتا ۔۔۔۔۔۔ انسان چاہے جتنا بھی طاقتور ہو ۔۔۔۔۔۔۔ اپنی طاقت سے جتنا بھی کسی انسان کو ڈرائے لیکن وہ طاقتور انسان اپنی محبت کو کھونے سے ڈرتا ضرور ہے ۔۔۔۔۔۔ یہاں وہ ڈر جاتا ہے ۔۔۔۔۔۔۔۔۔ اسے شاہ ویز کی آنکھیں یاد آئی جس طرح سے وہ زاہنور کو دیکھ رہا تھا ۔۔۔۔۔۔ اس کے چہرے پہ کرب سا تھا ۔۔۔۔۔

اس کی آنکھوں میں نارسائی کا دکھ تھا ۔۔۔۔۔۔۔۔ اور پھر اس کے الفاظ ۔۔۔۔۔ وہ ایکدم اٹھ بیٹھا ۔۔۔۔۔۔۔۔ سر جھٹک کے وہ زاہنور کو دیکھنے لگا ۔۔۔۔۔۔۔۔ شاہ ویز کو دیکھ کے اس کے چہرے کا رنگ بدلا تھا ۔۔۔۔ اسے وہ لمحہ یاد آیا تو سر پکڑ کے بیٹھ گیا ۔۔۔۔۔۔۔۔

” اے میرے مالک ۔۔۔۔۔۔۔۔۔ میری مدد فرما ۔۔۔۔۔۔ زاہنور سے الگ ہونے کا میں سوچ بھی نہیں سکتا ۔۔۔۔۔۔۔ مجھے میری زاہنور سے الگ مت کرنا میرے رب “

بچوں کو دلاور شاہ کے پاس چھوڑ کے وہ اپنے کمرے میں آئی تھی جب اس کے موبائل پہ کال آئی ۔۔۔۔۔۔۔ کوئی نمبر تھا اس نے فون کان سے لگایا ۔۔۔۔

” ہیلو ۔۔۔۔ “

” زاہنور ۔۔۔۔۔ “

دوسری جانب سے شاہ ویز کی آواز سن کے وہ ایک لمحے کے لئے چونک گئی تھی ۔۔۔۔۔۔۔۔۔

” کیسی ہو زاہنور؟”

اس کی آواز میں لرزش تھی ۔۔۔۔

” کیوں کال کی ہے ؟”

زاہنور نے اپنی آواز نارمل رکھتے پوچھا ۔۔۔

” یاد آ رہی ہو “

اداس لہجہ تھا اس کا ۔۔۔۔۔

زاہنور خاموش رہی ۔۔۔۔

” زاہنور ۔۔۔۔۔ بہت یاد آ رہی ہو “

وہ دوبارہ سے بولا تھا

” شاہ ویز ۔۔۔۔۔ کال مت کیا کرو مجھے ۔۔۔۔ “

زاہنور کا لہجہ ناگواری لیے ہوئے تھا

” روک نہیں پاتا خود کو “

وہ بےبسی سے بولا ۔۔۔۔

” دیکھو شاہ ویز ۔۔۔۔۔۔۔۔ میں اپنے شوہر سے محبت کرتی ہوں اور وہ مجھ پہ ٹرسٹ کرتا ہے ۔۔۔۔۔ پلیز ایسی باتیں کر کے تم مجھے ایریٹیٹ کر رہے ہو “

زاہنور نے دو ٹوک انداز میں کہا ۔۔۔

” میرے بس میں نہیں ہے زاہنور ۔۔۔۔۔ میں پاگل ہو رہا ہوں “

شاہ ویز کے منت بھرے لہجے پہ اسے کوفت ہی ہوئی تھی

” تو میں کیا کروں شاہ ویز ۔۔۔۔ کیوں مجھے بتا رہے ہو ۔۔۔۔۔ کیا مسلہ ہے تمہیں اب “

اس کی آواز اونچی ہو گئی تھی

” میں دل کے ہاتھوں مجبور ہو کے کال کر رہا ہوں تمہیں ۔۔۔۔۔ پلیز ایسے نہیں بات کرو مجھ سے “

وہ بےچارگی سے کہہ رہا تھا ۔۔۔۔

” آئندہ کال مت کرنا شاہ ویز ۔۔۔۔۔۔ میں حمین شاہ کی بیوی ہوں ۔۔۔۔۔ اور اس طرح مجھ سے بات کر کے پروف کیا کرنا چاہتے ہو تم ۔۔۔۔۔۔ ہمارے بیچ کوئی رشتہ نہیں ہے اب تو بار بار یہ فضولیات کس لئے۔۔۔۔ “

اس کے سپاٹ لہجے پہ وہ ٹوٹ ہی گیا تھا ۔۔۔۔۔

” میں ۔۔۔۔ میں بہت مجبور ہوں زاہنور ۔۔۔۔ مر جاؤں گا تمہارے بغیر ۔۔۔۔۔ “

” تو مر جاؤ “

کہہ کے اس نے کال بند کر دی ۔۔۔۔۔۔۔ موبائل ٹیبل پہ پھینک کے وہ اپنا غصہ کم کرنے کی کوشش کرنے لگی

” کس کی کال تھی ؟”

اچانک حمین شاہ کی آواز پہ وہ چونکی تھی ۔۔۔۔۔

” اوہ تم کب آئے ؟”

وہ مسکرانے کی کوشش کرنے لگی۔۔۔۔۔

” ابھی ابھی ۔۔۔۔ کس کی کال تھی ؟”

اس نے پھر سے اپنا سوال دہرایا

” وہ ۔۔۔۔ رباب کی کال تھی “

حمین شاہ نے غور سے اس کا چہرہ دیکھا ۔۔۔۔ وہ جھوٹ بول رہی تھی ۔۔۔۔ وہ سن چکا تھا جب وہ شاہ ویز کا نام لے رہی تھی ۔۔۔۔۔۔۔ اس نے کچھ نہیں کہا بس اثبات میں سر ہلایا ۔۔۔۔

” میں فریش ہو جاؤں”

کہہ کے وہ واشروم کی طرف بڑھ گیا ۔۔۔۔۔ زاہنور گہرا سانس لے کے کمرے سے باہر جانے لگی جبکہ حمین شاہ یہی سوچے جا رہا تھا کہ وہ جھوٹ کیوں بول رہی ۔۔۔۔ وہ سچ بھی تو بول سکتی تھی ۔۔۔۔۔ جھوٹ کا سہارا لے کے وہ کیا کرنا چاہتی ہے ۔۔۔۔ کیا وہ پھر سے شاہ ویز کے پاس جانا چاہتی ہے ؟ لیکن وہ تو شاہ ویز کو کال کرنے سے منع کر رہی تھی ۔۔۔۔ وہ اس کے پاس نہیں جانا چاہتی تو جھوٹ کیوں بولا زاہنور نے ۔۔۔۔۔۔۔

صبح وہ دلاور شاہ اور حمین۔ شاہ کے ساتھ ناشتہ کر رہی تھی جب سامیہ اس کا موبائل لے کے اس کے پاس آئی

” میم آپ کے لئے کال ہے ۔۔۔۔۔۔۔ “

زاہنور نے چونک کے اسے دیکھا پھر اپنا موبائل دیکھا تو نفیسہ کا نمبر جگمگا رہا تھا ۔۔۔۔۔۔۔۔ سامیہ دوبارہ سے وہاں سے جا چکی تھی ۔۔۔۔۔۔۔۔۔ موبائل کان سے لگا کے وہ بھی وہاں سے اٹھ آئی ۔۔۔۔۔۔۔۔

” ہیلو ۔۔۔۔ “

” زاہنور ۔۔۔۔ زاہنور میری بچی ۔۔۔ “

نفیسہ رو رہی تھی ۔۔۔ وہ گھبرا ہی گئی

” کیا ہوا ہے ؟ آپ رو کیوں رہی ہے ؟”

” شاہ ۔۔۔۔ شاہ ویز نے خودکشی کی ہے “

نفیسہ کی آواز جیسے ہی اس کے کان سے ٹکرائی اس کا دل ڈوب کے ابھرا تھا ۔۔۔۔۔۔

” وہ ۔۔۔۔ وہ ہاسپٹل میں ہے ل۔۔۔۔ لیکن “

وہ بات ادھوری چھوڑ کے رونے لگی ۔۔

” تمہارے لئے اس نے ایک لیٹر لکھا ہے ۔۔۔۔۔ وہ بہت بہت محبت کرتا ہے تم سے ۔۔۔۔ پلیز میرے بیٹے کو بچا لو ۔۔۔۔۔ اسے کچھ ہو گیا تو میں کیا کروں گی ۔۔۔۔۔ پلیز اسے آ کے بچا لو پلیز “

زاہنور نے اپنے لب بھینچ لیے۔ ۔۔۔۔۔۔۔

” کچھ نہیں۔ ہوگا اسے ۔۔۔۔ ٹھیک ہو جائے گا ۔۔۔۔ آپ پلیز ایسے کال کر کے مجھے شاہ ویز کا کچھ نہ بتایا کرے “

اس نے سرد لہجے میں کہا تھا ۔۔۔۔۔۔

” کیا کہہ رہی تم ۔۔۔۔ زاہنور اتنی سنگدل کیسے ہو سکتی ہو تم۔ ۔۔۔۔۔۔۔ وہ تمہارا شوہر تھا ۔۔۔۔۔۔ محبت کرتا ہے تم سے ۔۔ “

وہ دوبارہ سے اپنی دھن میں شروع ہو چکی تھی

” اسٹاپ اٹ پلیز ۔۔۔۔ کیا محبت کرتا ہے ۔۔۔۔ محبت کرتا ہے لگا رکھا ہے آپ نے ۔۔۔۔

وہ میرا شوہر تھا اب میرا کچھ نہیں ہے ۔۔۔۔۔۔ محبت کرتا ہے تو ایک ماں بن کے اسے سمجھائیے ۔۔۔۔ میں ایک شادی شدہ عورت ہوں اور ماں ہوں میں دو بچوں کی ۔۔۔ کیوں پریشان کر رہا ہے وہ مجھے “

وہ سپاٹ لہجے میں کہہ رہی تھی

” مت بھولو تم بھی دو بیٹوں کی ماں ہو زاہنور “

نفیسہ نے ٹوٹے لہجے میں کہا تھا زاہنور نے کال ڈسکنیکٹ کردی اور موبائل وہیں بیڈ پہ پٹخا تھا ۔۔۔۔۔۔۔ سر دونوں ہاتھوں میں تھام کے وہ وہیں بیٹھ گئی تھی ۔۔۔۔۔۔۔۔۔

” زاہنور ۔۔۔۔۔ “

حمین شاہ کی آواز پہ وہ ایکدم اچھلی تھی ۔۔۔۔

” آڑ یو اوکے ؟؟ کس کی کال تھی ؟”

وہ پوچھ رہا تھا ۔۔۔۔

زاہنور اپنی جگہ سے کھڑی ہو گئی

” ناشتہ ہو گیا تمہارا ؟”

وہ مسکرانے کی کوشش کرنے لگی ۔۔۔۔۔۔۔

حمین شاہ نے خاموشی سے اسے سرتاپا دیکھا ۔۔۔۔۔۔

” بتانا نہیں چاہتی تو مت بتاؤ ۔۔۔۔۔ فضول کے ڈرامے مجھے نہیں پسند “

سرد لہجے میں کہہ کے وہ لمبے ڈگ بھرتا وہاں سے چلا گیا ۔۔۔۔۔۔۔۔۔۔ وہ وہیں سر تھام کے بیٹھ گئی ۔۔۔۔۔۔۔

” یا اللہ ۔۔۔۔۔ اب کیا ہونا باقی ہے ؟؟ اب کیا دیکھنا باقی ہے ؟؟ کب میرے امتحان ختم ہوگیں کب “

اس کی آنکھیں بھر آئی تھی ۔۔۔۔ دل پہ بوجھ سا پڑا تھا ۔۔۔۔۔ کئی دنوں سے وہ حمین شاہ کی عجیب نظریں خود پہ محسوس کر رہی تھی ۔۔۔۔۔۔۔۔۔ کئی دنوں سے وہ جھوٹ کا سہارا لے رہی تھی ۔۔۔۔۔۔۔۔ اسے اپنے رشتے کو بچانا تھا ۔۔۔۔۔۔۔۔ شاہ ویز اگر اس سے محبت کرتا ہے تو وہ اس سے محبت نہیں کر سکتی ۔۔۔۔ وہ اب کسی اور کی بیوی ہے یہ بات شاہ ویز کو سمجھ جانی چاہئیے تھی ۔۔۔۔۔۔۔۔ اس نے دل ہی دل میں شاہ ویز سے بات کر کے سب کلئیر کرنے کا فیصلہ کر لیا تھا۔۔۔۔۔۔