Kabhi Jo Ashna Sy Thy Hum by Malaika

صوفے پہ وہ بیٹھا محویت سے اپنی کچھ دیر پہلے ہونے والی بیوی کو دیکھ رہا تھا ۔۔۔۔۔۔۔ جس سے محبت اس نے تب سے کی تھی جب وہ 16 سال کا تھا ۔۔۔۔۔۔۔۔۔۔ جو محبت سے اس کی ضد بن چکا تھا ۔۔۔۔۔ جو اس کے ہر درد کو اپنے وجود پہ سہہ چکی تھی ہمیشہ ۔۔۔۔۔۔۔۔۔ جس پہ اس نے اپنے ظلم کے ہر نشتر چلائے تھے ۔۔۔۔۔۔۔۔۔۔ جو اس کے ظلم و ستم سے بھاگ کے کسی اور کی ہو گئی تھی ۔۔۔۔۔۔۔۔۔ اور جب اسے احساس ہوا کہ وہ اس سے محبت کا مرتکب ہوا ہے تب وہ کسی اور کی ہو چکی تھی ۔۔۔۔۔۔۔۔ اسے پانے کی چاہ ہمیشہ سے اس کے وجود میں پل رہی تھی ۔۔۔۔۔

اسے اپنی محبت باور کروانے کی بارہا کوشش کی لیکن وہ ہمیشہ اسے دھتکار دیتی ۔۔۔۔۔۔۔ وہ اس سے اپنے کیے ہر ظلم کے لئے معافی کا بھی طلبگار ہوا تھا لیکن وہ اسے ہر بار معاف کیے بنا ہی گزر کے چلی جاتی اور اب حلالہ کے طور پہ سہی وہ اس کی منکوحہ تھی ۔۔۔۔۔۔۔ اس کی ایک رات کی بیوی اور پھر سے وہ اس سے الگ ہو جاتی ہمیشہ کے لئے ۔۔۔۔۔۔۔۔۔۔۔

زاہنور کو اکتاہٹ نے گھیر لیا تھا ۔۔۔۔۔۔۔۔۔۔۔۔۔ شاہ ویز اسے طلاق دے کے پچھتانے لگا تھا اور اب دوبارہ سے زاہنور کو اپنی زندگی میں واپس لانا چاہتا تھا اور اس کے لئے زاہنور کا دوسرا نکاح ہونا ضروری تھا ۔۔۔۔۔۔۔۔۔

” ایک ہی رات کی تو بات ہے زاہنور ۔۔۔۔۔۔۔۔ تم گزار لو اس کے ساتھ ۔۔۔۔۔۔۔۔ پھر طلاق دے دے گا وہ صبح تمہیں ۔۔۔۔ “

شاہ ویز کی بات پہ زاہنور نے شاکی نظروں سے اسے دیکھا تھا

” اس نے کہا ہے وہ چھوڑ دے گا تمہیں۔ ۔۔۔۔۔ “

شاہ ویز اس سے زیادہ خود کو یقین دلانے کی کوشش کر رہا تھا لیکن پھر بھی اسے یہ رسک تو لینا ہی تھا ۔۔۔۔۔۔۔۔۔۔۔۔ وہ اعتبار کس پہ کرتا ۔۔۔۔۔۔

” م۔۔۔۔میں اس کے ساتھ کیسے ؟ “

وہ رو ہی پڑی تھی ۔۔۔۔۔۔

” پلیز زاہنور میرے لئے ۔۔۔۔۔۔۔ پلیز بہت چاہتا ہوں تمہیں ۔۔۔۔۔۔۔ پلیز تم سے الگ نہیں رہ سکتا ۔۔۔۔۔۔۔۔۔ غصے میں طلاق دے دی تمہیں لیکن نہیں رہ سکتا تمہارے بن یار پلیز ۔۔۔۔۔۔۔۔ “

اس نے سر اثبات میں ہلا تو دیا تھا لیکن وہ اس شخص کی قربت کیسے برداشت کرے گی کیسے ؟؟؟؟؟ سوچ سوچ کے اس کا ذہن مفلوج ہو رہا تھا ۔۔۔۔۔۔ اور اب یوں بیڈ پہ گھنٹوں سے بیٹھے اسے اکتاہٹ سی ہو رہی تھی ۔۔۔۔۔۔ اس نے اکتا کے سامنے صوفے پہ بیٹھے حمین شاہ کو دیکھنے کے لئے اپنی پلکیں اٹھائی لیکن وہ تو اسے ہی دیکھ رہا تھا گھبرا کے اس نے جلدی سے نظریں جھکا دی ۔۔۔۔۔۔۔۔۔ اسے دیکھ کے آج بھی اس کا دل زور سے دھڑکنے لگتا ۔۔۔۔۔۔۔۔۔۔ اس کی آنکھوں میں دیکھنا آج بھی اسے محال لگتا ۔۔۔۔۔۔۔ اتنے سال گزرنے کے بعد بھی ۔۔۔۔۔۔۔۔ وہ اپنے کانپتے ہاتھوں کو آپس میں پھنسائے ان کی کپکپاہٹ کم کرنے کی کوشش کر رہی تھی ۔۔۔۔۔۔۔۔۔۔۔۔ اس کا دل جیسے اس کے کانوں میں دھڑک رہا تھا ۔۔۔۔۔۔۔۔۔

حمین شاہ اپنی جگہ سے اٹھا اور زاہنور نے اپنی آنکھیں میچ لیں ۔۔۔۔۔۔۔۔۔۔۔۔۔۔۔۔

اسے اپنے پاس حمین شاہ کے لباس سے اٹھتی مدھر خوشبو محسوس ہوئی تو وہ خود میں سمٹ سی گئی ۔۔۔۔۔۔۔۔۔۔۔۔۔۔۔ آنکھیں بند کیے وہ آنے والے وقت کے لئے خود کو تیار کر رہی تھی ۔۔۔۔۔۔۔۔۔۔۔۔۔ حمین شاہ غور سے اس کی کیفیت کو دیکھ رہا تھا ۔۔۔۔۔۔۔ وہ نہیں ڈرتی تھی اس سے اب لیکن آج بھی وہ اس کے قریب آنے پہ کانپنے ضرور لگتی ۔۔۔۔۔۔ وہ زیر لب مسکرا پڑا ۔۔۔۔ لیکن اس مسکراہٹ میں درد پنہاں تھا ۔۔۔۔۔۔ اس نے آہستگی سے اپنا ہاتھ زاہنور کی طرف بڑھایا ۔۔۔۔۔۔۔۔۔زاہنور بدک کے پیچھے ہٹی اور خوفزدہ نظروں نے اسے دیکھنے لگی ۔۔۔۔۔۔۔۔۔۔۔۔۔ وہ تیزی سے سانس لے رہی تھی ۔۔۔۔۔۔۔۔۔۔۔

حمین شاہ نے نظر بھر کے اس کے روپ کو دیکھا ۔۔۔۔۔۔۔۔۔۔۔۔۔۔۔

” پ ۔۔۔۔ پلیز حمین شاہ “

اتھل پتھل ہوتی سانسوں کے ساتھ اس نے گھبرائے لہجے میں بس اتنا کہا تھا ۔۔۔۔۔۔۔۔۔

حمین شاہ نے گہری سانس لے کے اس کے سراپے سے نظریں چرائی ۔۔۔۔۔۔۔۔۔۔ زاہنور ابھی تک اسے گھبرائی ہوئی سی دیکھ رہی تھی ۔۔۔۔۔۔۔۔۔۔۔۔۔۔۔۔ وہ کیسے ۔۔۔۔ کیسے کرے گی سب ؟؟؟؟؟

حمین شاہ سر جھٹک کے اپنی جگہ سے اٹھا اور دو قدم چل کر بالکونی کا دروازہ کھول کے باہر نکل گیا ۔۔۔۔۔۔۔۔۔ آنکھیں بند کر کے اس نے لمبی سانسیں لیں ۔۔۔۔۔۔ جبکہ اندر بیٹھی زاہنور کی نظریں بالکونی کے دروازے پہ تھی ۔۔۔۔۔۔۔۔۔۔ وہ کچھ دیر یونہی۔ دیکھتی رہی پھر سیدھی ہو کے بیٹھ گئی ۔۔۔۔۔ اس کی آنکھیں چھلک پڑی تھی ۔۔۔۔۔ کس موڑ پہ آ کے کھڑی تھی وہ اب کہ جس شخص سے وہ بھاگ رہی تھی آج اسی کے نکاح میں تھی وہ ۔۔۔۔۔۔۔۔۔۔۔۔۔

” کس موڑ پہ لے آئے ہو مجھے شاہ ویز ۔۔۔۔ “

وہ اپنے لب کاٹنے لگی ۔۔۔۔۔۔۔۔۔۔۔ رات یونہی گزرنی تھی اور یونہی گزرنے بھی لگی ۔۔۔۔۔۔۔۔۔ وہ گھڑی گھڑی خود کو دلدل میں پھنستا محسوس کر رہی تھی

کلاسز آف ہونے پہ وہ ہمیشہ کی طرح گھر پہنچنے کے لئے جلدی جلدی قدم اٹھانے لگی ۔۔۔۔۔۔۔ کیونکہ گھر پہنچ کے وہ ہمیشہ کی طرح شاہ ویز کے ساتھ اکھٹا لنچ کرتی ۔۔۔۔۔۔۔۔۔۔۔۔۔۔ یونیورسٹی گیٹ پہ وہ ابھی پہنچی ہی تھی جب اچانک سے حمین شاہ اس کا سامنے آ گیا تھا ۔۔۔۔۔۔ یہ تقریباً ہر دوسرے دن ہوتا کہ حمین شاہ اسے یونیورسٹی گیٹ پہ ٹھکرا جاتا ۔۔۔۔۔۔ زاہنور نے اکتاہٹ بھری نظروں سے اسے دیکھا ۔۔۔۔۔۔۔

” کیوں آئے ہو حمین شاہ ؟”

اس کے پوچھنے پہ حمین شاہ مسکرانے لگا

” تم سے معافی مانگنے “

زاہنور اسے حیرت سے دیکھ رہی تھی کتنا اسٹیمنا ہے اس بندے کا ۔۔۔۔۔۔۔۔

” تھکتے نہیں تم ؟”

” نہیں ۔۔۔۔۔ “

حمین شاہ نے اسے نظر بھر کے دیکھا جبکہ زاہنور کوفت زدہ سی اس کے پہلو سے گزر کے جانے لگی

” تم سے روز نئے سرے سے محبت کرنا مجھے تھکاتا نہیں ہے زاہنور “

اس کے گھمبیر لہجے میں کی ہوئی بات پہ زاہنور کے قدم رک گئے لیکن وہ مڑی نہیں ۔۔۔۔۔

” اور تمہیں۔ یوں دیکھ لینے سے میری تھکن اتر جاتی ہے ۔۔۔۔۔ “

وہ مڑ کے اس کے سامنے آ کے کھڑا ہو گیا

” ورنہ ایسے لگتا جیسے میری روح میں صدیوں کی تھکن آن اتری ہو”

زاہنور نے اسے دیکھا لیکن زیادہ دیر دیکھ نہ پائی ان آنکھوں میں وہ نظریں چرا گئی ۔۔۔۔۔۔۔۔۔۔۔۔۔۔۔ اس کی آنکھوں میں دیکھ کے زاہنور کو ہمیشہ یہی لگتا کہ عجیب ان کہی باتیں دفن ہیں وہاں ۔۔۔۔۔۔۔۔۔

” میں میرڈ ہوں حمین شاہ ۔۔۔۔ یوں بار بار میرے راستے میں آ کے تم میری مشکلیں بڑھا رہے ہو “

” تو چھوڑ دو اسے زاہنور ۔۔۔۔۔۔۔ “

اس کی بات پہ زاہنور نے کڑے تیوروں سے اسے دیکھا جبکہ اس کی آنکھوں میں منت تھی

” کیوں آیا ہے وہ ہمارے بیچ ؟؟؟؟ میں اور تم ہی تھے وہ کہاں سے آگیا بیچ میں ۔۔۔۔۔۔۔۔ “

” وہ مجھے تم جیسے درندے سے بچانے آیا تھا “

زاہنورنے سخت لفظوں میں اسے جتاتے کہا

” اب نہیں۔ رہا درندہ میں زاہنور ۔۔۔۔ اب ۔۔۔۔ اب میں سدھر گیا ہوں ۔۔۔۔۔۔۔ پلیز زاہنور پلیز ۔۔۔۔۔۔ اس سے الگ ہو جاؤ پلیز میں ۔۔۔۔۔۔ میں جو تم کہو گی وہیں کروں گا میں ۔۔۔۔۔۔بس میرے نکاح میں آجاؤ پلیز “

” شٹ اپ حمین شاہ “

زاہنور ایکدم چلائی تھی ۔۔۔۔۔۔ وہ غصیلی نظروں سے اسے دیکھ رہی تھی

” میرے راستے میں مت آنا آیندہ “

کہہ کے وہ آگے بڑھ گئی ۔۔۔۔۔۔۔۔ اس کا دل کانپے جا رہا تھا ۔۔۔۔ چلتے ہوئے بھی اسے اپنے ہاتھوں کی کپکپاہٹ محسوس ہو رہی تھی ۔۔۔۔۔۔۔۔۔۔۔۔۔ جبکہ حمین شاہ اب کی بار وہیں کھڑا اسے جاتا دیکھتا رہا ۔۔۔۔۔۔۔۔۔۔۔۔۔۔ پہلے اس کی محبت میں جنون تھا اسے زاہنور کو درد دے کے ۔۔۔۔ اس کی آنکھوں میں خوف دیکھ کے سکون ملتا تھا اور اب وہ اس محبت کے ہاتھوں خود کو بار بار اذیت دے رہا تھا خود کو بار بار درد دے رہا تھا ۔۔۔۔۔۔۔۔

” اسلام علیکم “

خوشدلی سے کہتی وہ شاہ ویز کے پاس آئی تھی جو صوفے پہ نیم دراز اسے ہی جانچتی نظروں سے دیکھ رہا تھا ۔۔۔۔۔۔۔۔۔۔۔۔

” کہاں سے آ رہی ہو ؟”

زاہنور چونکی تھی لیکن پھر نارمل ہو کے جواب دینے لگی

” یونیورسٹی سے “

” حمین شاہ کیا کہہ رہا تھا ؟”

اسکی پشت تھی شاہ ویز کی طرف تبھی اس کے چہرے کے اتار چڑھاؤ کو وہ نہیں دیکھ پا رہا تھا ۔۔۔۔۔ زاہنور نے سنبھل کے اس کی طرف دیکھتے ہوئے جواب دیا

” وہی حرکتیں اس کی ۔۔۔۔ معافی مانگ رہا تھا “

” معاف کیوں نہیں۔ کر رہی تم اسے ؟”

زاہنور نے ایک نظر اسے دیکھا اس کی آنکھیں سرد تھی ۔۔۔۔۔۔۔۔۔۔ زاہنور خاموش رہی ۔۔۔۔ بات ٹالنے کے لیے کہنے لگی

” بہت بھوک لگی ہے “

” اسلئے نہیں کر رہی معاف اسے کہ پھر کوئی بہانہ نہیں بچے گا تمہارے پاس اس سے بار بار سامنا ہونے کا “

شاہ ویز زہرخند مسکراہٹ چہرے پہ سجائے اسے دیکھ رہا تھا جبکہ زاہنور کو اپنا دم گھٹتا محسوس ہوا تھا ۔۔۔۔۔۔۔۔۔۔

” کیوں اذیت دے رہے ہو خود کو اور مجھے شاہ ویز “

وہ تھکن زدہ لہجے میں پوچھ رہی تھی یہ روز کا معمول ہی بن چکا تھا گھر آ کے شاہ ویز کو حساب کتاب دینا ۔۔۔۔۔۔

” اوہ سوری میں تو بھول ہی گیا تھا کہ میں تو جاب لیس ہو چکا ہوں اور میری بیگم صاحبہ ڈیلی تھکی ہوئی سی آتی ہے ۔۔۔ آخر گھر جو اس کے پیسوں پہ چل رہا ہے “

شاہ ویز کے اس رویے پہ زاہنور نے شاکی نظروں سے اسے دیکھا ۔۔۔۔۔

” کھانا کھاتے ہیں ۔۔۔۔ “

وہ اپنے آنسو پیچھے دھکیلتی اٹھتے ہوئے بولی ۔۔۔

” میں کھا چکا کھانا “

زاہنور نے چونک کے اسے دیکھا ۔۔۔۔۔۔

” تمہارے انتظار میں بیٹھنے کے لئے دوسرے لوگ ہیں نا “

اس کے طنزیہ لہجے پہ زاہنور نے کچھ نہیں کہا ۔۔۔۔ خاموشی سے کچن کی طرف بڑھ گئی ۔۔۔۔۔۔۔۔۔ کچن میں آ کے اسے لگا اس کی بھوک ہی مر چکی ہے کون سی بھوک ؟؟ کون سا کھانا ۔۔۔۔۔۔۔ وہ وہیں ضبط کیے ہوئے آنسو بہانے لگی ۔۔۔۔۔۔۔۔۔۔۔

شاہ ویز کی جاب ختم ہوئی تھی اور کچھ حمین شاہ کا یوں زاہنور کے یونیورسٹی بار بار آنا ۔۔۔۔۔۔۔ اسے ذہنی مریض بنا گیا تھا ۔۔۔۔۔۔۔۔۔۔

وہ روز ایسے ہی زاہنور سے لڑتا ۔۔۔۔۔ اس پہ طنز کے نشتر چلاتا ۔۔۔۔۔۔۔۔۔ ۔۔۔۔۔۔۔ زاہنور خاموشی سے اسے دیکھ کے رہ جاتی ۔۔۔۔ ویسے بھی اس نے لڑنا کب سیکھا تھا ۔۔۔۔۔۔۔۔ پہلے حمین شاہ کے ظلم چپ چاپ برداشت کرتی رہی تھی اور اپنے ہی شوہر کی زبان سے اپنی تذلیل خاموشی سے سنتی اور سر جھٹک کے آگے بڑھ جاتی ۔۔۔۔۔۔۔ قصوروار نہ ہوتے ہوئے بھی وہ قصوروار تھی ۔۔۔۔۔۔۔

وہ صوفے پہ ایک ٹانگ پہ دوسری ٹانگ رکھے بیٹھا ہوا تھا ۔۔۔۔۔۔۔۔۔۔۔ اپنے ایک ہاتھ سے وہ اپنی کنپٹی سہلا رہا تھا ۔۔۔۔۔۔۔۔۔۔۔ دلاور شاہ کافی پیتے ہوئے کافی دیر سے اپنے پوتے کو دیکھ رہے تھے ۔۔۔۔۔۔۔۔۔۔۔ اپنے ماں باپ کی دردناک موت کے بعد سے وہی اسے پال رہے تھے ۔۔۔۔۔۔۔۔ اس کے کئی روپ کو دیکھا ہے انھوں نے اتنے سالوں سے ۔۔۔۔۔۔۔۔۔ ابھی بھی وہ اسے پرسوچ نگاہوں سے دیکھ رہے تھے ۔۔۔۔۔۔۔۔۔۔

” کیوں جاتے ہو بار بار زاہنور کا راستہ روکنے ؟” ۔۔۔ ۔

آخر انھوں نے اپنا سوال پوچھ ہی لیا ۔۔۔۔۔۔۔۔ حمین شاہ کے خستہ وجود میں حرکت ہوئی ۔۔۔۔۔۔۔۔۔ وہ اپنے دادا کو دیکھنے لگا ۔۔۔۔۔۔۔۔۔۔۔ اس کی آنکھوں میں تھکن سی اتر آئی تھی ۔۔۔۔۔۔۔۔۔۔

” مجھے زاہنور چاہئیے اپنی زندگی میں ہر حال میں ۔۔۔۔۔۔۔۔۔ “

اس کی بھاری آواز لاونج میں گونجی تھی ۔۔۔

دلاور شاہ اسے دیکھ کے رہ گئے ۔۔۔۔

” وہ میرڈ ہے اب حمین شاہ “

” تو چھوڑ دے اسے ۔۔۔۔۔۔۔۔۔ میرے پاس آ جائے میں اس سے نکاح کر لوں گا ۔۔۔۔۔۔۔ “

وہ کسی ضدی بچے کی طرح کہہ رہا تھا ۔۔۔۔۔

” جب وہ تمہاری ہونے جا رہی تھی تب کیا کیا تھا اس بچی کے ساتھ ؟ یاد ہے تمہیں ؟”

دلاور شاہ نے اسے یاد دلانے کی کوشش کی ۔۔۔۔۔۔ حمین شاہ کے چہرے پہ کرب سا پھیلا تھا اس ذکر پہ ۔۔۔۔۔۔۔۔

” اب خود اذیت میں ہوں میں دادا ابو “

اس نے ٹوٹے لہجے میں کہا

” اسے اس کے حال پہ چھوڑ دو حمین شاہ ۔۔۔۔۔۔۔۔۔ اس کے لئے اس کی زندگی مشکل مت بناؤ ۔۔۔۔ بن ماں باپ کی بچی ہے اسے اذیت مت دو ۔۔۔۔۔۔۔ “

دلاور شاہ نے اسے حتیٰ الامکان سمجھانے کی کوشش کی ۔۔۔

” میں بھی تو بن ماں باپ کا ہوں ۔۔۔۔ مجھ پہ رحم نہیں آتا آپ کو ؟”

حمین شاہ نے عجیب نظروں سے انھیں دیکھتے ہوئے کہا ۔۔۔۔

دلاور شاہ اسے دیکھنے لگے ۔۔۔۔

” آتا ہے رحم ۔۔۔۔ تبھی سمجھا رہا ہوں ۔۔۔۔۔۔۔۔۔ نہ خود کو اذیت دو نہ اس کے لئے زندگی اذیت ناک بناؤ ۔۔۔۔۔۔۔۔۔۔ “

حمین شاہ سر جھٹک کے اپنی کنپٹی سہلانے لگا ۔۔۔۔۔۔۔۔۔۔۔ یہ نہیں تھا کہ وہ کوشش نہ کر چکا ہو ۔۔۔۔۔ وہ بارہا کوشش کر چکا تھا کہ اسے بھول جائے ۔۔۔۔۔۔ لیکن لڑکپن کی محبت کو کون بھول پایا ہے ۔۔۔۔۔۔۔۔۔۔۔۔۔۔۔

” آپ نہیں۔ سمجھے گیں کھبی ۔۔۔۔۔۔ میں اذیت میں ہوں ۔۔۔۔۔۔۔۔۔ بہت بڑی اذیت میں “

وہ بھاری لہجے میں سرگوشی کر رہا تھا ۔۔۔۔ دلاور شاہ اسے ہی دیکھ رہے تھے ۔۔۔۔۔۔۔۔۔۔ اس نے اپنے دادا کی طرف دیکھا اس کی آنکھیں سرخ ہو رہی تھی ۔۔۔۔۔۔۔۔

” مجھے زاہنور چاہئے ۔۔۔۔۔۔۔۔۔ کسی بھی قیمت پہ میں اسے اپنانا چاہتا ہوں ۔۔۔۔۔۔۔۔۔۔۔ “

دلاور شاہ لب بھینچے اپنے خوبرو پوتے کو دیکھ رہے تھے ۔۔۔۔۔۔۔۔۔

” تم ضد کر رہے اب حمین شاہ ۔۔۔۔ یہ محبت نہیں۔ ضد ہے تمہاری “

” ضد ہوتی تو اب تک یہاں اس شاہ مینشن میں میرے پاس ہوتی ۔۔۔۔۔۔۔۔۔ “

وہ عجیب ہنسی ہنستا بولا تھا ۔۔۔۔۔۔

” محبت کرتا ہوں تو اسے اپنانا چاہتا ہوں “

وہ کہہ کے وہاں سے اٹھا اور لڑکھڑاتے قدموں کے ساتھ آگے بڑھ کے سیڑھیوں کی طرف جانے لگا جبکہ دلاور شاہ کو عجیب سوچوں میں ڈال گیا تھا وہ ۔۔۔۔۔۔۔۔۔۔۔ اس کا اگلا قدم کیا ہے ۔۔۔۔۔۔۔ زاہنور کو اب اور کتنے دکھ دیکھنے تھے یہ دلاور شاہ نہیں جان سکے تھے ۔۔۔۔۔۔۔۔

اور کافی سوچ بچار کے بعد دلاور شاہ نے زاہنور کو کال کرنے کا سوچا اور اسے گھر آنے کی دعوت دی تا کہ وہ اس سے اکیلے میں حمین شاہ کے بارے میں بات کر سکیں ۔۔۔۔۔۔۔۔۔۔۔۔۔ زاہنور نے بھی رضامندی ظاہر کی اور کال بند کر کے جیسے ہی مڑی شاہ ویز بیڈ پہ نیم دراز اسے کڑے تیوروں سے گھور رہا تھا ۔۔۔۔۔۔۔

” کہاں جا رہی ہو ؟”

” وہ ۔۔۔۔ دادا ابو کی کال تھی ۔۔۔ ان کی طبیعت ٹھیک نہیں۔ تو گھر آنے کو کہہ رہے تھے “

زاہنور تفصیل سے بتا کے وہیں بیٹھ گئی ۔۔۔۔۔۔۔

” دادا ابو یا حمین شاہ ؟”

شاہ ویز کی آنکھوں میں شک دیکھ کے اسے افسوس ہوا تھا ۔۔۔۔۔۔ لیکن بحث کرنا ضروری نہیں سمجھا اس نے ۔۔۔۔۔۔

” میرا بچپن گزرا ہے وہاں ۔۔۔۔۔۔۔ اور وہ اتنے عرصے بعد مجھ سے ملنا چاہتے ہیں ۔۔۔۔۔۔۔۔۔۔۔۔ “

اس نے اپنا لہجہ نرم رکھتے ہوئے کہا ۔۔۔۔۔

شاہ ویز اچانک سے ہنسنے لگا ۔۔۔۔۔۔۔ زاہنور کو کوفت ہونے لگی اس کی ہنسی سے ۔۔۔۔۔۔

” اوہ سوری سوری مس زاہنور ۔۔۔۔ میم زاہنور ایکچوئیلی ۔۔۔۔۔۔۔۔ میری ہنسی ہی چھوٹ گئی “

اس کے انداز پہ زاہنور کو دکھ ہوا تھا ۔۔۔۔۔۔ لیکن خاموش رہی ۔۔۔۔۔۔۔۔

شاہ ویز کچھ دیر اسے دیکھتا رہا وہ سر جھکائے ہوئے تھی ۔۔۔۔

” کمرے سے نکل جاؤ زاہنور “

شاہ ویز کے عجیب انداز سے کہنے پہ زاہنور نے چونک کے اسے دیکھا ۔۔۔۔۔۔۔

” میرے روم سے نکل جاؤ “

وہ پھر سے دوہرایا ۔۔۔۔

” یہ میرا بھی روم ہے ۔۔۔۔۔۔ “

اس نے سپاٹ لہجے میں کہا تھا ۔۔۔ شاہ ویز ایکدم اپنی جگہ سے کھڑا ہو گیا ۔۔۔۔۔۔۔۔۔ اور لپک کے اس کا بازو دبوچا ۔۔۔۔۔

” میں نے کہا نکل جاو یہاں سے “

وہ اسے گھسیٹتا ہوا دروازے تک لے گیا

” شاہ ویز کیا ہو گیا ہے تمہیں ۔۔۔۔۔۔ چھوڑو مجھے “

اسے دروازے سے باہر دھکیلتے ہوئے اس نے کہا

” یہ لو چھوڑ دیا ۔۔۔۔۔۔ ” اور ڈھرام سے دروازہ بند کردیا ۔۔۔۔۔۔

زاہنور ڈھرکتے دل کے ساتھ بند دروازے کو دیکھتی رہی ۔۔۔۔۔۔ اسے رونا آیا ہوا تھا لیکن وہ رونا نہیں چاہتی تھی ۔۔۔۔۔۔۔ ضبط کے بندھن خود پہ باندھے وہ وہیں دیوار سے ٹیک لگا کے بیٹھتی گئی لیکن اس کی آنکھوں کے کونے بھیگنے لگے تھے ۔۔۔۔۔۔۔۔۔۔۔

” کیا ہو گیا ہے شاہ ویز کو ۔۔۔۔ وہ ایسے نہیں تھا کیوں ایسے ہوا ہے ؟ میں تو حمین شاہ سے دور رہتی ہوں ۔۔۔۔۔۔۔ پھر بھی مجھ پہ شک کرتا ہے ۔۔۔۔۔۔۔۔۔۔۔۔ “

وہ خاموش آنسو بہا رہی تھی ۔۔۔۔۔۔۔۔۔۔

” مجھے لڑنا کیوں نہیں۔ آتا ۔۔۔۔۔ میں لڑتی کیوں نہیں ہوں کیوں خاموش رہتی ہوں ۔۔۔۔۔۔کیوں ؟؟؟ مجھے کچھ تو کہنا چاہئے تھا ۔۔۔۔ اپنے لئے کچھ تو کہنا چاہئیے ۔۔۔۔ لڑنا چاہئیے خود کے لئے لیکن میں کیوں چپ ہو جاتی ہوں کیوں “

وہ خود سے باتیں کرتی خاموش آنسو بہا رہی تھی ۔۔۔۔۔۔۔۔۔۔

وہ کس سے گلہ کرے ۔۔۔ کس سے شکایت کرے ۔۔۔۔۔۔۔۔ وہ تو بس اپنی قسمت کا رونا ہی تو سکتی تھی بس !