Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 03)

Kabhi Jo Ashna Sy Thy Hum by Malaika

ساری رات بالکونی میں گزار کے وہ اب اندر کمرے میں قدم رکھ چکا تھا ۔۔۔۔۔۔۔۔۔۔۔۔۔ اس کی نظر بیڈ پہ پڑی جہاں زاہنور سو رہی تھی ۔۔۔۔۔۔۔۔۔۔۔ وہ بےخود سا اسے دیکھ رہا تھا اسے زاہنور کا رات کا رویہ یاد آیا ۔۔۔۔۔۔۔۔۔ ہلکی سی مسکراہٹ نے اس کے لبوں کو چھوا تھا ۔۔۔۔۔۔۔۔۔

‘ سوچ بھی کیسے سکتی ہو زاہنور کہ میں تمہیں کھبی ہرٹ کرنے کی کوشش کروں گا ‘

کسی احساس کے تحت زاہنور کی آنکھ کھلی تو سامنے یوں حمین شاہ کو کھڑا دیکھ کے وہ ہڑبڑا کے اٹھ بیٹھی ۔۔۔۔۔۔۔

حمین شاہ بھی نظریں چرا کے ڈریسنگ ٹیبل کے پاس آیا ۔۔۔۔

زاہنور سیدھی ہو کے بیٹھ چکی تھی اور اب اس کی پشت دیکھ رہی تھی ۔۔۔۔۔ مخملی ڈبہ لیے وہ اس کے پاس آیا ۔۔۔۔۔۔ زاہنور ہاتھوں کی انگلیوں کو آپس میں پھنسائے سر جھکا گئی تھی ۔۔۔۔۔۔

” یہ تمہارے لئے “

یونہی کھڑے کھڑے اس نے وہ مخملی ڈبہ اس کی طرف بڑھایا تھا ۔۔۔۔۔ لیکن وہ لینے کی بجائے پریشان نظروں سے اسے دیکھنے لگی تھی ۔۔۔۔۔۔۔۔ حمین شاہ نے بھی اس لمحے اس کی طرف دیکھا ۔۔۔۔۔۔

” رونمائی ہے ۔۔۔۔۔۔۔ دلھن بن کے آئی ہو اس گھر میں ۔۔۔۔۔۔ بیوی ہو میری چاہے کچھ ٹائم کے لئے سہی “

وہ سنجیدگی سے کہہ رہا تھا زاہنور نے نظریں جھکا کے اس کے ہاتھ سے لے لیا ۔۔۔۔

” اور یہ تمہارا حق مہر “

اس نے ایک فایل اور کچھ نوٹ اس کی طرف بڑھائے ۔۔۔۔۔۔

وہ اب حیران نظروں سے اسے دیکھ رہی تھی ۔۔۔۔۔۔۔۔ حمین شاہ کچھ دیر اس کے حیران سراپے کو دیکھتا رہا پھر فایل اور نوٹ وہیں بیڈ پہ اس کے پاس رکھ دیے۔ ۔۔۔۔۔۔

” یہ سب کیوں کر رہے ہو تم ؟”

وہ مڑنے والا تھا جب زاہنور کے پوچھنے پہ وہ رک کے اسے دیکھنے لگا ۔۔۔۔

” کیونکہ یہ سب تمہارا ہی ہے ۔۔۔۔۔۔۔۔۔۔ اس فائل میں ڈاکومنٹس ہیں چاچو کی پراپرٹی اور اس شاہ مینشن میں جتنے کی تم حقدار ہو ۔۔۔۔ وہ سب تمہارا ہے اور تمہارے پاس رہیں پیپرز تو آئی تھنک زیادہ بیٹر ہیں اور ۔۔۔۔۔ “

وہ کچھ دیر رکا اور زاہنور کی پریشان آنکھوں میں ایک کو پل کو دیکھا پھر نظریں چرا کے ادھر ادھر دیکھنے لگا ۔۔۔۔۔۔۔۔

” میں نے اپنے حصے کی پراپرٹی میں سے ۔۔۔۔۔۔۔۔۔ ایک حصہ تمہارے نام کردیا ہے “

وہ اسے دیکھ رہا تھا اب ۔۔۔۔۔

” لیکن کیوں ؟”

وہ اب بھی حیران تھی ۔۔۔۔۔۔

لیکن وہ کچھ نہیں بولا جواب میں ۔۔۔۔۔۔۔ خاموشی سے کچھ دیر اسے دیکھتا رہا ۔۔۔۔۔ زاہنور اس کی آنکھیں پڑھ کے نظریں جھکا گئی جبکہ حمین شاہ سر جھٹک کے واشروم کی طرف بڑھ گیا تھا ۔۔۔۔۔۔۔۔۔۔ اس کے موبائل کی بپ بجی ۔۔۔۔۔۔۔ اس نے دیکھنے کے لئے ہاتھ بڑھایا ۔۔۔۔۔۔۔۔ شاہ ویز کی کال آ رہی تھی ۔۔۔۔۔۔ ڈھرکتے دل کے ساتھ اس نے موبائل کان سے لگایا ۔۔۔۔۔۔

” کیا بنا ؟ ہو گئی طلاق ؟ “

وہ چھوٹتے ہی پوچھنے لگا ۔۔۔۔۔۔۔ زاہنور کو دکھ نے آن گھیرا ۔۔۔۔۔ وہ تو اس کا پوچھ ہی نہیں رہا تھا ۔۔۔۔ اسے غرض ہی نہیں تھا کہ وہ کس حال میں ہے ؟ کیا بیتی ہے اس پہ ؟

” بولو بھی ۔۔۔۔۔۔ ہوگئی طلاق ؟”

اس کی جھنجلاتی آواز پہ اس نے گہرا سانس لیا

” نہیں ۔۔۔۔۔ “

اس نے مختصر جواب دیا ۔۔۔

” کیا مطلب نہیں ۔۔۔۔ “

وہ پوچھنے لگا

” میں سورہی تھی “

اس نے نیچی آواز میں کہا

” کیا بکواس کی تھی میں نے تم سے زاہنور ۔۔۔۔۔ “

وہ چلایا تھا

” ایک کام تک نہ ہوا تم سے ۔۔۔۔۔۔۔۔ سونا ضروری تھا کیا ۔۔۔۔۔۔۔ ڈیم اٹ “

اس نے کال کاٹ دی ۔۔۔۔۔ زاہنور یونہی موبائل کان سے لگائے بیٹھی رہی ۔۔۔۔۔۔۔۔۔۔ اس کا ذہن مفلوج ہو چکا تھا ۔۔۔۔۔۔۔۔ حمین شاہ اپنے گیلے بالوں میں انگلیاں چلاتا کمرے میں آیا اور زاہنور کو یوں بیٹھا دیکھ کے وہ اس کے قریب آیا

” زاہنور ۔۔۔۔۔۔ زاہنور “

” ہہ ؟؟”

وہ چونک کے اسے دیکھنے لگی ۔۔۔۔۔۔ اس کی آنکھوں میں صدیوں کی تھکن اتر آئی تھی ۔۔۔۔۔۔۔۔

موبائل اس کے ہاتھ سے چھوٹ کے گرا تھا وہ بس حمین شاہ کو غائب دماغی سے دیکھ رہی تھی ۔۔۔۔۔۔۔۔۔

” آڑ یو اوکے ؟”

وہ پوچھ رہا تھا وہ جو کب سے ضبط کیے ہوئے تھی ۔۔۔۔۔۔۔۔۔ ایک طوفان سا تھا اس کے اندر ۔۔۔۔۔۔۔ جسے بہنے کا بہانہ چاہئیے تھا بس۔۔۔۔۔۔۔۔۔ ایکدم سے وہ رونے لگ گئی ۔۔۔۔۔۔۔۔۔۔۔۔ حمین شاہ حیرت سے اسے دیکھنے لگا ۔۔۔۔۔۔۔۔۔

” زاہنور ۔۔۔۔۔۔ ” لیکن وہ رو رہی تھی ۔۔۔۔۔۔ متواتر روئے جا رہی تھی ۔۔۔۔۔۔۔۔۔۔۔۔ حمین شاہ نے جھجک کے اسے اپنے بازوؤں میں سمیٹ لیا اور وہ اس کے سینے سے لگی روئے رو رہی تھی ۔۔۔۔۔۔۔۔۔ وہ بھی اسے رونے دے رہا تھا ۔۔۔۔۔۔۔۔۔۔ شاید ایسے ہی سب غبار باہر نکل جائے ۔۔۔۔۔۔۔۔۔

” زاہنور ۔۔۔۔۔۔۔”

اس نے سرگوشی سی کی تھی ۔۔۔۔۔۔۔ زاہنور جیسے ہوش میں آئی تھی بدک کے پیچھے ہٹی اور اسے بھیگی آنکھوں سے دیکھنے لگی ۔۔۔۔۔۔۔ اس کی آنکھوں میں خوف بھی تھا ۔۔۔۔ وحشت تھی ۔۔۔۔۔۔ حمین شاہ اس کے چہرے سے نظریں چرا گیا اور اپنی جگہ سے اٹھ کے کھڑا ہوگیا ۔۔۔۔۔۔

” زاہنور ۔۔۔۔۔۔۔۔ وہی ہوگا جو تم چاہو گی ۔۔۔۔۔۔ میں تمہیں کھبی بھی کسی بھی بات کے لئے فورس نہیں۔ کروں گا “

وہ اپنی بات کہہ کے مڑنے لگا تھا لیکن پھر رک کے اسکے جھکے سر کو دیکھنے لگا ۔۔۔۔۔۔

” تم جب چاہو گی مجھے چھوڑ کے جا سکتی ہو زاہنور ۔۔۔۔۔۔۔ مجھے تمہاری خوشی عزیز ہے ۔۔۔۔۔۔۔ وعدے کے مطابق میں طلاق کے پیپرز ارینج کر لوں گا “

وہ پھر بھی سر جھکائے بیٹھی رہی ۔۔۔۔۔۔۔۔ ایک کرب سا گزرا تھا حمین شاہ کے چہرے پہ ۔۔۔۔۔ وہ سر جھٹک کے کمرے سے باہر نکل گیا ۔۔۔۔۔

ناشتے کی ٹیبل پہ جب وہ پہنچی تو دلاور شاہ اور حمین شاہ کو اپنا منتظر پایا ۔۔۔۔۔۔۔۔۔۔۔۔۔

زاہنور انھیں دیکھ کے شرمندہ سی ہو رہی تھی

” اسلام علیکم “

” وعلیکم السلام “

دلاور شاہ مسکراتے ہوئے اپنی جگہ سے اٹھے ۔۔۔۔۔۔۔۔۔۔۔۔ زاہنور بھی ان کے قریب آئی تھی ۔۔۔۔

۔۔۔۔۔۔۔۔

” تمہاری پسند کا ناشتہ بنا ہے آج “

وہ اسے اپنے ساتھ بٹھا کے کہنے لگے ۔۔۔۔۔۔۔۔۔۔۔۔

” آپ کو یاد ہے ابھی تک ؟”

وہ خوشگوار حیرت سے پوچھ رہی تھی ۔۔۔۔۔۔۔۔

” میری بچی ہو تم ۔۔۔ مجھے تو یہ بھی یاد ہے “

دلاور شاہ کے یوں کہنے پہ زاہنور ہنس پڑی تھی ۔۔۔۔۔۔۔۔۔۔۔

حمین شاہ نے نظر بھر کے اس کے مسکراتے چہرے کو دیکھا ۔۔۔۔۔۔۔۔۔ اس کے چہرے پہ بنا کسی خوف ڈر کے مسکراہٹ سی پھیلی ہوئی تھی جسے حمین شاہ دیکھے گیا ۔۔۔۔۔۔۔

زاہنور کی چائے پیتے ہوئے نظر حمین شاہ پہ پڑی ۔۔۔۔۔ وہ اسے ہی دیکھ رہا تھا ۔۔۔۔۔۔۔۔۔۔ اس کا دل ڈوب کے ابھرا تھا ۔۔۔۔۔۔۔۔ وہ نظریں۔ چرا کے دلاور شاہ کو دیکھنے لگی ۔۔۔۔۔۔ حمین شاہ نے اس کی اس ادا کو مسکرا کے اپنی آنکھوں میں جذب کر لیا ۔۔۔۔۔۔۔۔

” چلیں میں آفس جا رہا ۔۔۔۔۔ “

حمین شاہ اپنی جگہ سے کھڑا ہو چکا تھا دلاور شاہ نے حیرت سے اپنے پوتے کو دیکھا

” اپنی دلھن کو چھوڑ کے کہاں جا رہے ہو تم برخودار ؟”

وہ ناگواری اور حیرت سے کہہ رہے تھے ۔۔۔۔۔

وہ جو حمین شاہ کو دیکھ رہی تھی اس کے نظر پڑتے ہی وہ گڑبڑا کے سر جھکا گئی ۔۔۔۔۔

” مطلب تم نے سدھرنا ہے ہی نہیں “

” آپ کی پوتی سدھرنے نہیں دے رہی “

حمین شاہ کے شرارتی انداز میں کہنے پہ زاہنور نے لرزتی پلکیں اٹھا کے اسے دیکھا تھا وہ مسکرا رہا تھا ۔۔۔۔۔۔۔۔۔۔۔

” بیٹھو یہیں ۔۔۔۔۔ آفس کا کام رک نہیں جائے گا تمہارے نہ جانے سے ۔۔۔۔۔ زاہنور کو کمپنی دو “

دلاور شاہ نے اسے ڈپٹ کے دوبارہ بٹھا دیا ۔۔۔۔ وہ بھی بیٹھ ہی گیا

” جو حکم آپ کا دادا ابو “

جبکہ زاہنور نظریں جھکائے اپنے دونوں ہاتھوں کی انگلیوں کو آپس میں پھنسائے تھی ۔۔۔۔۔۔۔ حمین شاہ نے نظر بھر کے اس کی جھکی پلکوں کو دیکھا ۔۔۔۔۔۔۔۔ اور اس کی نظر اس کے ہاتھوں کی نازک سی انگلیوں پہ گئی جنہیں پریشانی میں وہ ہمیشہ آپس میں پھنسا لیتی ۔۔۔۔۔۔

” زاہنور بیٹا ۔۔۔۔۔۔ یہ نالائق تمہیں ذرا بھی تنگ کرے تو مجھے بتا دینا میں ہی اسے سیدھا کروں گا “

جبکہ دلاور شاہ اپنے دھن میں بول رہے تھے ۔۔۔۔۔ حمین شاہ ہنس پڑا ۔۔۔

” دادا ابو یو نو ڈیٹ میں چینج ہو چکا ہوں اب “

دلاور شاہ نے مسکرا کے زاہنور کے سر پہ ہاتھ پھیرا ۔۔۔۔

” آئی نو ۔۔۔۔ تبھی میں مطمئن ہوں اپنی بیٹی تمہیں سونپ کے “

زاہنور کی آنکھیں بھر آئی تھی اس کا دل ڈوب سا رہا تھا اس بات پہ ۔۔۔۔۔۔

اور جب وہ طلاق لے کے چلی جائے گی یہاں سے دوبارہ سے تو ؟؟؟؟

تب کیا ہوگا ؟؟؟

وہ اپنے لب بےدردی سے کچلنے لگی تھی ۔۔۔۔۔۔۔۔

” کر کیوں نہیں رہی تم کچھ زاہنور ؟”

وہ فون کے پیچھے سے جھنجلایا ہوا سا کہہ رہا تھا ۔۔۔۔

” م۔۔۔۔ میں کیا کروں “

وہ روہانسی ہو رہی تھی ۔۔۔۔۔۔۔۔ حمین شاہ کی قربت کا سوچ کے ہی اس کا دل کانپنے لگ جاتا ۔۔۔۔۔۔۔

” اس کے قریب جاؤ بےوقوف عورت ۔۔۔۔۔۔۔۔۔۔۔ “

” ک ۔۔۔۔ کیسے ؟”

وہ کانپتے دل کے ساتھ پوچھ رہی تھی

” یہ بھی اب میں ہی تمہیں بتاؤں ۔۔۔۔ خود میں کچھ عقل نہیں ہے کیا ؟”

وہ غصہ ہو رہا تھا ۔۔۔۔۔۔

زاہنور کی آنکھوں کے کونے بھیگے تھے ۔۔۔۔۔۔۔۔۔

” دیکھو زاہنور ۔۔۔۔۔۔ ایسے کیسے طلاق ہوگی جب تک تم اس کے قریب نہیں۔ جاؤ گی ۔۔۔۔۔۔۔۔۔۔ اس سے بات کرو ۔۔۔۔۔ اس کے قریب جاؤ ۔۔۔۔۔۔ میرے لئے ۔۔۔۔ میری خاطر “

وہ اسے سمجھا رہا تھا اور زاہنور کا دل جیسے سوکھے پتے کی طرح کانپ رہا تھا وہ بس سر ہلا رہی تھی اس سے بات تک نہیں ہو پا رہی تھی ۔۔۔۔۔۔۔۔۔۔۔۔

فون بند کر کے وہ جیسے ہی مڑی دلاور شاہ اس کے پیچھے کھڑے تھے وہ خوفزدہ نظروں سے دیکھ رہی تھی انھیں ۔۔۔۔۔۔۔۔۔

” زاہنور ۔۔۔۔۔۔ “

اس کا جسم کانپ ہی رہا تھا ۔۔۔۔۔۔۔۔۔ وہ ایک دم سے چکرا کے نیچے گری تھی ۔۔۔۔۔۔۔ اتنے دن کی ٹینشن اور ٹھیک سے کھانا نہ کھانے کی وجہ سے یہ تو ہونا ہی تھا ۔۔۔۔

” زاہنور ۔۔۔۔ ” وہ گھبرا ہی گئے تھے ۔۔۔۔

” حمین ۔۔۔۔ حمین شاہ “

وہ حمین شاہ کو آوازیں دیتے ہوئے زاہنور کے قریب بیٹھ گئے ۔۔۔۔۔ اس کا چہرہ تھپتھپانے لگے ۔۔۔۔۔

حمین شاہ بھاگتا ہوا آیا تھا

” دادا ابو ۔۔۔۔۔ “

لیکن زاہنور کو یوں زمین پہ پڑا دیکھ کے وہ گھبرا ہی گیا وہ جلدی سے قریب آ کے اس کا چہرہ تھپتھپانے لگا

“زاہنور ۔۔۔۔ زاہنور ” اس کی آواز لرز رہی تھی ۔۔۔۔

” کیا ہوا ہے زاہنور کو ۔۔۔۔ ڈا۔۔۔۔ ڈاکٹر کو کال کرے پلیز “

وہ گھبرائے انداز میں اسے بانہوں میں اٹھا کے کمرے کی طرف لے جانے لگا ۔۔۔۔ دلاور شاہ نے جلدی سے ڈاکٹر کا نمبر ملایا ۔۔۔۔۔ زاہنور کے لئے انھیں حمین شاہ کی پریشانی اچھی لگ رہی تھی ۔۔۔۔۔۔۔۔۔۔

ڈاکٹر نے کمزوری ہے کہہ کے کچھ دوائیں لکھ کے دی ۔۔۔۔۔۔۔۔۔۔۔ اور عبدل کے ساتھ چلے گئے جبکہ حمین شاہ پریشان سا زاہنور کے سوئے وجود کو دیکھ رہا تھا ۔۔۔۔۔۔۔

اور دلاور شاہ اپنے پوتے کو دیکھ رہے تھے ۔۔۔۔۔ انھیں اب سکون سا تھا کہ حمین شاہ اب زاہنور کو کبھی کوئی دکھ نہیں دے گا ۔۔۔۔۔۔۔۔ پہلے کی طرح اسے اذیت نہیں دے گا نہ اسے کچھ بھی ہونے دے گا ۔۔۔۔۔۔۔ وہ مسکرا پڑے تھے لیکن لہجہ سخت رکھ کے وہ حمین شاہ کی کلاس لینے کا سوچتے ہوئے اسے باہر لے گئے ۔۔۔۔۔

حمین شاہ نے ایک نظر زاہنور پہ ڈالی اور باہر نکل گیا کمرے سے ۔۔۔

” جی دادا ابو ؟”

اس کی سوالیہ نظریں دلاور شاہ پہ تھی ۔۔۔۔۔

” کیا کہا ہے تم نے زاہنور سے جو وہ یوں بےہوش ہوئی ہے “

دلاور شاہ کی بات پہ حمین شاہ گڑبڑا ہی گیا ۔۔۔

” میں نے کچھ نہیں کہا اسے دادا ابو۔۔۔۔ میں کیوں اسے کچھ کہنے لگا “

اب وہ کیا بتاتا انھیں اس کے اندر کیا کچھ چل رہا ۔۔۔۔۔۔۔

” اس کا ٹھیک سے خیال نہیں رکھتے ہوگے تبھی تو یہ حالت ہوئی ہے ۔۔۔۔۔۔۔۔۔۔۔ “

وہ ابھی بھی سخت لہجے میں بات کر رہے تھے اس سے

” دادا ابو ۔۔۔۔۔۔ میں نے کچھ نہیں کیا “

حمین شاہ نے سنجیدگی سے جواب دیا ۔۔۔۔۔۔۔

” زاہنور تمہاری بیوی ہے اب بیٹا ۔۔۔۔۔۔۔ “

دلاور شاہ نے اس کے کندھے پہ اپنا ہاتھ رکھا

” پہلے کی بات اور تھی جس قدر اسے تنگ کرنا تھا تم نے کیا ۔۔۔۔۔ اب وہ بیوی ہے اس کا خیال رکھو ۔۔۔۔ اسے خود سے کھبی الگ مت ہونے دینا ۔۔۔۔۔۔۔۔۔۔۔ اور “

وہ مسکرانے لگے تھے جبکہ حمین شاہ انھیں سوالیہ نظروں سے دیکھ رہا تھا

” مجھے پڑ پوتے کی خوشخبری بھی ملنی چاہئیے “

وہ مسکرا رہے تھے جبکہ حمین شاہ مسکرا بھی نہ سکا ۔۔۔۔۔۔

” آئی سمجھ “

دلاور شاہ نے ہنستے ہوئے اس کا کندھا تھپتھپایا تو حمین شاہ نے بنا کچھ کہے سر اثبات میں ہلایا ۔۔۔۔۔۔۔۔

وہ دوراہے پہ کھڑا تھا ۔۔۔۔۔۔ دلاور شاہ جا چکے تھے ۔۔۔۔۔ حمین شاہ بھی کمرے میں آ کے اب وہیں بیڈ پہ بیٹھا زاہنور کو دیکھنے لگا جو ابھی تک آنکھیں موندے ہوئے تھی ۔۔۔۔۔۔۔۔۔۔

زاہنور کو یوں اپنے نکاح میں ۔۔۔۔ اپنے پاس دیکھ کے ایک سکون سا اپنے اندر اترتا محسوس کرتا وہ ۔۔۔۔۔۔ لیکن جب یہ خیال کہ وہ چلی جائے گی پھر سے ۔۔۔۔۔۔ اس کے اندر تھکن بسیرا کرنے لگ جاتا ۔۔۔۔۔۔۔۔۔۔ اس نے اپنا ہاتھ بڑھا کے اپنی انگلی کی پور سے اس کے گال کو چھوا ۔۔۔۔۔۔۔۔۔۔۔۔ اس کی گردن پہ اپنی انگلی چلاتے وہ اس کے قریب ہوا ۔۔۔۔۔اور جھک کے اس کے پیشانی پہ لب رکھ دیے ۔۔۔۔۔۔۔۔ اسے زاہنور کا پرسوں رات کا وہ جارحانہ انداز یاد آیا ۔۔۔۔۔ جب ابھی اس نے چھوا بھی نہیں۔ تھا زاہنور کو اور وہ بدک کے پیچھے ہٹی تھی اور اسے خوفزدہ نظروں سے دیکھنے لگی تھی ۔۔۔۔۔۔۔۔۔۔۔ اس نے زاہنور کی بند آنکھوں پہ اپنے لب رکھے ۔۔۔۔۔۔۔۔۔ وہ ان کاجل بھری آنکھوں۔ پہ مر مٹا تھا اور جب جب وہ ان آنکھوں میں دیکھتا وہ بار بار اس سے محبت کر بیٹھتا ۔۔۔۔۔۔ اس کی آنکھیں زاہنور کے لبوں پہ ٹھہر گئی ۔۔۔۔۔۔۔۔۔۔۔۔

ہاتھ بڑھا کے اس نے ان لبوں کو چھوا ۔۔۔۔۔۔۔۔۔۔۔۔۔ اس کا دل گستاخی کرنے کو مچلنے لگا تھا وہ قریب ہوا تھا لیکن پھر رک گیا ۔۔۔۔۔۔۔۔۔۔۔۔۔۔ اور اس سے ہٹ کے وہ وہیں بیڈ پہ نیم دراز ہو گیا ۔۔۔۔۔۔۔۔۔۔۔

صبح اس کی آنکھ کھلی تو حمین شاہ کو یوں اپنے قریب سوتا دیکھ کے وہ ایکدم سے اپنی جگہ سے اٹھی تھی ۔۔۔۔۔۔۔۔ ادھر ادھر دیکھتی وہ خود کو نارمل کرنے لگی ۔۔۔۔۔۔۔۔۔۔ حمین شاہ بھی اٹھ چکا تھا اور اب نیند بھری آنکھوں سے اسے یوں دیکھ رہا تھا

” کیسی طبعیت ہے اب ؟”

وہ پوچھ رہا تھا ۔۔۔

” مجھے کیا ہوا تھا ؟”

وہ حیرانی سے پوچھ رہی تھی ۔۔۔۔

” ڈونٹ ٹیل می کہ تمہیں کچھ یاد نہیں۔ آ رہا “

وہ مصنوعی حیرت سے اسے دیکھتا کہہ رہا تھا زاہنور اپنے لب کاٹنے لگی ۔۔۔۔۔۔

” ان پہ اتنا بھی ظلم مت کیا کرو ۔۔۔۔۔ “

وہ ناسمجھی سے اسے دیکھنے لگی تو حمین شاہ نے مسکرا کے اس کے لبوں کی طرف اشارہ کیا ۔۔۔۔۔۔۔۔ وہ شرمندہ سی ہو کے نظریں جھکا گئی ۔۔۔۔

” بےہوش ہو گئی تھی تم کال پہ بات کرتے کرتے ۔۔۔۔۔ ” وہ اب سنجیدگی سے کہہ رہا تھا

” کیا ہوا تھا ؟”

اس کے پوچھنے پہ زاہنور نفی میں سر ہلانے لگی

” ک۔۔۔۔۔ کچھ نہیں۔ ہوا تھا “

” شاہ ویز کی کال تھی ؟”

حمین شاہ اسے پرسوچ نگاہوں سے دیکھتا پوچھ رہا تھا تو اس نے نظریں جھکا کے اثبات میں سر ہلایا ۔۔۔۔۔۔۔۔۔۔۔۔۔۔

” میں جانتا ہوں زاہنور کہ تم نے مجبوری میں یہ نکاح کیا ہے ۔۔۔۔۔۔۔ میری ذات سے تمہیں کوئی دلچسپی نہیں اور نہ ہی مجھ سے ریلیٹیڈ کوئی خوبصورت یادیں وابستہ ہیں تمہاری جو ۔۔۔۔۔۔۔۔ دیکھو سب تمہاری مرضی سے ہوگا لیکن تھوڑا صبر سے کام لینا ہوگا ۔۔۔۔ میں نہیں چاہتا ہمارے کسی بھی ڈیسیژن سے دادا ابو کو کچھ ہو ۔۔۔۔۔۔ اور تم بھی نہیں چاہتی ہوگی ایسا ۔۔۔۔ “

وہ اسے دیکھتی نفی میں سر ہلانے لگی ۔۔۔۔۔۔۔۔۔ ایک ڈر سا تھا اس کے اندر ایک عجیب احساس تھا ۔۔۔۔۔۔۔۔۔

” میں کسی بھی چیز کے لئے تمہیں فورس نہیں کروں گا زاہنور ۔۔۔۔۔ ہاں محبت کرتا ہوں تم سے بےحد محبت ۔۔۔۔۔۔ تمہیں اس شخص کے ساتھ دیکھ کے سوچ کے جس اذیت سے گزرتا ہوں یہ بس میں ہی جانتا ہوں لیکن زاہنور آئی پرامس یو ۔۔۔۔۔ تمہیں۔ ہرٹ نہیں کروں گا جو چاہو گی جیسا چاہو گی ۔۔۔ جس میں تمہاری خوشی ہوگی وہیں کروں گا “

زاہنور کی آنکھیں بھیگ گئی تھی ۔۔۔۔۔ دل پہ بھاری سا بوجھ آن گرا تھا نہ جانے کیوں !!!! وہ کیا چاہ رہی تھی خود بھی نہیں سمجھ پا رہی تھی بس خاموشی سے سب سنتی رہتی ۔۔۔۔۔۔۔

وہ سر جھکائے ہوئے تھی ۔۔۔۔۔

” دادا ابو کافی پریشان ہو رہے تھے تمہارے لئے ۔۔۔۔۔۔ “

” میں تیار ہو کے جاتی ہوں ان کے پاس “

اس نے آہستگی سے کہا ۔۔۔۔ تو حمین شاہ بھی مسکرا کے اپنی جگہ سے کھڑا ہو گیا ۔۔۔۔۔۔ زاہنور حیران تھی کہ حمین شاہ کا رویہ کیسے بدل گیا ہے اس کے ساتھ ۔۔۔۔۔۔ وہ اتنے نرمی سے پیش آتا ہے ۔۔۔۔۔۔۔ اتنی محبت سے ۔۔۔۔۔۔۔۔ اس کا وہ پہلا روپ تو کہیں گم ہو کے رہ گیا ہو جیسے ۔۔۔۔۔۔۔۔۔۔ وہ ہمیشہ اس سے بات کرتا تو اس کے لہجے میں غرور ہوتا ۔۔۔۔۔۔۔۔ اور آج وہ یوں اتنے نرمی سے ۔۔۔۔۔ اتنا بدلاؤ وہ بس سوچتی ہی رہ گئی ۔