ہانی کے رونے کی آواز سن کر شہیر گھبرا گیا۔۔۔۔

ہاتھ بڑھا کر اسنے دروازہ ناک چاہا۔۔۔

مگر ایک دم رک گیا۔۔۔

کچھ دیر سوچا۔۔۔ اور پھر اپنے کمرے کی طرف پلٹ گیا۔۔۔۔

ہانی نے سوں سوں کرتے ہوئے اپنا ناک رگڑا۔۔۔۔

اور ایک وحشت زدہ نگاہ کمرے پر ڈالی۔۔۔۔

حقیقت جاننے کے باوجود وہ اتنی ہی خوف زدہ تھی۔۔۔۔

اسکا دل چاہ رہا تھا۔۔۔ کہ دوڑ کر اپنے کمرے میں چلی جائے۔۔۔ مگر انا بیچ میں آ گئ تھی۔۔۔۔

وہ منہ دھونے کے لئے ڈرتے ڈرتے مشکل سے اٹھنے لگی۔۔۔۔ ابھی اس نے زمین پر پیر نہیں رکھا تھا۔۔۔ جب ہی باہر سے آتی آواز پر چونک گئی۔۔۔۔

ہاۓ اللّه۔۔۔۔!! ایک تو نیند ہی نہیں آ رہی ۔۔

کمرے میں گھٹن سی ہو رہی ہے۔۔۔ جو آکسیجن کا کام دیتی تھی۔۔۔۔ وہ کہیں اور ہے۔۔۔۔

آخر پر وہ ہانی کو جلانا نہیں بھولا تھا۔۔۔۔

ہانی نے دانت پیستے ہوئے پیر زمین پر مارا۔۔۔۔

اور پھر لبوں کو کچل کر بڑی مشکل سے چیخ کو کنٹرول کیا۔۔۔۔

اور اٹھ کر کھڑکی کے پاس کھڑی ہو کر باہر ٹی وی لاؤنچ میں جھانکنے لگی ۔۔ ۔۔

جہاں شہیر تکیہ صوفے پر رکھ کر لیٹنے کی تیاری کر رہا تھا۔۔۔۔

اسکو وہاں دیکھ کر ہانی کے دل سے جیسے سارا خوف بھاگ گیا تھا۔۔۔۔۔ لبوں پر مسکراہٹ سی دوڑ گئی تھی۔۔۔۔۔

پر سکون سی وہ بیڈ پر سونے کے لئے بڑھ گئی۔۔۔۔۔

کسی اور کے سکون کو برباد کر کہ۔۔۔۔۔!!!

یار یہ صوفہ چھوٹا ہوگیا ہے۔۔۔ یا میں بڑا۔۔۔۔

شہیر صوفے پر بیڈ والے اصول استعمال کرتے ہوئے چوڑا ہوکر سونے کی کوشش کرتے ہوئے بڑبڑایا۔۔۔۔

مگر اپنی غلطی کی سزا تو اسے بھگتنی تھی۔۔۔۔۔

اور حیرت کی بات تھی۔۔۔ اسے یہ سزا بری نہیں لگی تھی۔۔۔۔

اور وہ کیوں۔۔۔۔۔؟؟؟

یہ تو دل کے راز ہوتے ہیں۔۔۔ جنہیں اللّه اور خودانسان کے سوا کوئی نہیں جانتا۔۔۔جنہیں انسان اپنی انا کے باعث چھپانے کی کوشش کرتا ہے۔۔۔۔

یہ نا جانتے ہوئے۔۔۔ کہ کچھ رازوں کا کھل جانا انکی راہوں کو کھول سکتا ہے۔۔۔۔

مگر انسان ہے نا۔۔۔۔

نا سمجھ۔۔۔ کم عقل۔۔۔۔۔!!!

ہانی بی بی دروازہ کھولیں۔۔۔ دن چڑھ آیا ہے۔۔۔۔ صاحب بھی کب کہ چلے گئے ہیں۔۔۔۔۔

اب آپ باہر آ جائیں۔۔۔۔

رشیدہ آپا نے بے چارگی سے دروازے کی سائیڈ میں کھڑے شہیر کو دیکھتے ہوئے کہا۔۔۔۔آپا شہیر چلا گیا سچ میں۔۔۔۔؟ اتنی جلدی؟؟؟ وہ حیران ہوئی۔۔۔ شہیر کے اشارے پر آپا جی نے کہا۔۔۔ جی بی بی۔۔۔!! تو میں آ رہی ہوں۔۔۔۔اسکی بات سنتے ہی آپا جی شہیر کے اشارے پر غائب ہوگئیں۔۔۔۔ارے آپا۔۔۔ آج شاہ۔۔۔۔۔۔!! اسکی بات سامنے کھڑے شہیر کو دیکھتے ہی لبوں میں دم توڑ گئی۔۔۔۔وہ واپس بھاگنے کے لئے مڑی۔۔۔ جب ہی شہیر نے اسکی کلائ کی پکڑ کر کھینچا تھا۔۔۔

کہاں جا رہی ہیں۔۔۔ بیگم۔۔۔۔۔؟؟

شہیر نے اسکی کلائ پر گرفت مضبوط کرتے ہوئے اطمینان سے سوال کیا۔۔۔۔

چھ۔۔۔۔چھوڑو

مجھے۔۔۔۔۔۔

ہانی کا سانس ہی رک گیا تھا۔۔۔۔

اب بھلا میں اس ہاتھ کو کیوں چھوڑوں۔۔۔ جسے میں نے ہمیشہ کے لئے تھاما ہے۔۔۔۔

وہی اطمینان۔۔۔۔۔!!!

چھوڑو۔۔۔۔۔وہ اپنا ہاتھ اسکی گرفت سے نکالنے کی پوری کوشش کرتی ہوئے بولی۔۔۔۔۔۔

ہانی۔۔۔۔۔!!!

شہیر نے اسے بلایا۔۔۔۔۔

ہانی نے رونے والا منہ بناتے ہوئے اپنی کوشش جاری رکھے اسے اگنور کیا۔۔۔

تمہیں میرے ساتھ ایسا نہیں کرنا چاہئے تھا۔۔۔۔ میری محبّت کو یوں نہیں ٹھکرانا چاہیے تھا۔۔۔۔ شہیر نے منہ بناتے ہوئے گلہ کیا۔۔۔

تو تم کوئی ڈھنگ کا اظہار کر لیتے۔۔۔۔ وہ بس رو دینے کو تھی۔۔۔۔۔

جب ہی پیچھے سے کسی کے مشترکہ قہقہے کو سن کر وہ وہیں ساکت ہوگئے۔۔۔۔۔

قہقہے کی آواز سن کر ایک لمحے کے لئے تو وہ ساکت ہوگئے تھے۔۔۔۔

شہیر نے بھنویں اچکا کر گویا ہانی سے پوچھا۔۔۔ “کون ہے۔۔۔؟”

اسکی کمر انکی طرف تھی جب کہ ہانی سامنے کھڑی تھی۔۔۔۔

اس سے پہلے کہ ہانی اسے بتانے کی کوشش کرتی۔۔۔۔ پیچھے سے پڑتے تھپڑ نے اسے بتا دیا ۔۔۔

کہ یہ سارم کے سوا کوئی اور نہیں ہو سکتا۔۔۔۔

منہ بناتے ہوئے وہ پیچھے کی طرف مڑا۔۔۔۔

اور سارم کو کچھ کہنا چاہا۔۔۔۔ مگر ساتھ میں ہنسی روکتی کھڑی ہوئ ماہی کو دیکھ کر اسکی زبان کو خود ہی بریک لگ گئی۔۔۔۔

ارے۔۔۔۔؟ کونسے اظہار ہو رہے تھے ہانی۔۔۔۔۔

ماہی نے ہانی کے گلے میں بازو حمائل کرتے ہوئے شرارت سے پوچھا۔۔۔۔

ہانی شرمندہ سی ادھر ادھر دیکھنے لگی۔۔۔۔

جب کہ شہیر بیچارہ سر کھجا کر رہ گیا۔۔۔۔

کیوں بے۔۔۔۔؟ یار کو نہیں بتاے گا۔۔۔۔سارم نے اسے پیٹ میں کہنی ماری۔۔۔۔

پہلے تو بتا دے۔۔۔ گھر والے جگہ نہیں دیتے جو ہر دوسرے دن میرے گھر ٹپک پڑتا ہے۔۔۔۔

شہیر نے منہ پر بے عزتی کر کہ حساب برابر کر لیا۔۔۔۔

ابے یار کی بےعزت۔۔۔ سر آنکھوں پر۔۔۔

سارم نے بھی ڈھٹائ میں پی ایچ ڈی کی ہوئ تھی۔۔۔۔

چلیں شہیر بھائی۔۔۔۔

ماہی نے ایک دم اسے پکارا۔۔۔۔

کہاں گڑیا۔۔۔؟

وہ حیران ہوا۔۔۔۔

شاپنگ پے۔۔۔۔!!

ارے مجھے پولیس اسٹیشن جانا ہے۔۔۔۔

پھر سہی۔۔۔۔۔

اسنے جان چھڑوانا چاہی۔۔۔۔

ارے۔۔۔ اس منتھ کے لاسٹ میں شادی ہے۔۔۔۔

تو آپ کب کریں گے شاپنگ۔۔۔۔

اور ویسے بھی آپ دونوں ڈیٹ فکسنگ میں نہیں اے تھے۔۔۔۔

تو اب ساری شاپنگ آپکو ساتھ کروانی پڑے گی۔۔۔ اور ہانی کو بھی۔۔۔۔۔

وہ حتمی انداز میں بولی۔۔۔۔

اچھا میں بابا کو کال کر دوں۔۔۔ ان سے پوچھوں گا ۔۔۔ اگر انکی اجازت ملی تو۔۔۔۔

اسنے فرار ہونے کا بہانہ گھڑا۔۔۔

اور فون نکال۔۔۔

۔۔۔

اس سے پہلے کہ وہ کال کرتا۔۔۔۔

حامد صاحب کی کال آنا شروع ہوگئی۔۔۔۔

دانت نکالتے سارم پر ایک کڑی نگاہ ڈالتے ہوئے اسنے کال اٹینڈ کی۔۔۔۔۔

یقینا وہ پوری تیاری سے آیا تھا

۔۔۔۔

ادھر سے حامد صاحب کے آرڈر پر اسکا منہ لٹک گیا۔۔۔۔

اب بچنےکا کوئی راستہ نہیں تھا۔۔۔۔

میں چینج کر کہ آتا ہوں۔۔۔آپ لوگ گاڑی میں بیٹھیں۔۔۔۔۔

سڑے ہوئے لہجے میں وہ کہ کر اندر چلا گیا۔۔۔۔۔

اسکے جانے کے بعد ان تینوں نے ایک دوسرے کو دیکھا۔۔۔۔

اور ایک دوسرے کے ہاتھ پر ہاتھ مار کر کھلکھلا کر ہنس پڑے۔۔۔۔۔۔۔۔

دن پر لگا کر گزرتے گئے۔۔۔۔۔

شادی میں دو دن باقی تھے۔۔۔۔

شادی کی تمام شاپنگ دلہا دلہن نے ہانی اور شہیر کو خوار کروا کر کی تھی۔۔۔۔

شہیر کے بچنے کےلیۓ کۓ گئے تمام حربے ناکام کرنے کے لئے اسکا بچپن کا یار سارم خان موجود ہوتا تھا۔۔۔۔

ماہی کی ساری شاپنگ ہو چکی تھی۔۔۔۔

بس ہانی نے اپنے ڈریس لینے تھے۔۔۔

وہ دونوں اپنی شاپنگ کر رہی تھی۔۔۔۔

جب کہ سارم کے ساتھ کھڑا سوٹ سیلیکٹ کرنے میں اسکی مدد کر رہا تھا۔۔۔۔

ایک سیکنڈ یار۔۔۔ میں کال سن کر آیا۔۔۔

سارم ایکسکیوز کرتا سائیڈ پہ چلا گیا۔۔۔۔

شہیر کی نظر سامنے ایک لیڈیز ڈریس پر پڑی۔۔۔۔۔

گولڈن اور بلیک کمبینیشن میں پیروں تک آتی نفیس سی میکسی۔۔۔۔

جسکی سائیڈ اور بیک پر سلور کلر کی ڈوریوں کا خوبصورت سا ڈیزائن بنا ہوا تھا۔۔۔۔

اسکی آنکھوں میں ستائش ابھری۔۔۔۔

ایکسکیوز می۔۔۔۔!!

اسنے سیلز بواۓ کو مخاطب کیا۔۔۔۔

جی سر۔۔۔۔؟

مجھے یہ سوٹ چاہئے۔۔۔۔

اوکے سر پیک کرنا ہے۔۔۔۔؟؟

نہیں نہیں۔۔۔۔ ابھی نہیں۔۔۔

اور ایک نظر خود سے دور کھڑی ہانی پر ڈالی۔۔۔۔

وہ ماہی سے کچھ کہ رہی تھی۔۔۔۔

یار ادھر کوئی سوٹ نہیں پسند آ رہا ۔۔۔ شہیر سے کہتی ہوں کہیں اور چلتے ہیں۔۔۔۔۔

ہانی نے ماہی سے کہا۔۔۔۔۔ میں ابھی آئ۔۔۔۔

وہ شہیر کو ڈھونڈنے کے لئے نکلی۔۔۔۔۔

شہیر نے دوبارہ وہاں نگاہ ڈالی۔۔۔ ہانی نہیں تھی۔۔۔۔

جلدی کرو یار۔۔۔وہ جھنجھلایا۔۔۔۔۔

سوری سر۔۔۔۔

سیلز بواۓ معذرت کرتا ہوا جلدی سے سوٹ اتار لایا۔۔۔

پتا نہیں شہیر کہاں ہے۔۔۔۔

ہانی مال میں ادھر ادھر دیکھتی شہیر کو ڈھونڈ رہی تھی۔۔۔۔

مال میں بہت زیادہ بھیڑ ہونے کی وجہ سے وہ تھوڑا گھبرا رہی تھی۔۔۔

تھوڑا آگے بڑھ کر اسنے ادھر ادھر پھر سے نگاہ دوڑائ۔۔۔۔کہاں چلا گیا۔۔۔۔

ابھی تو یہیں تھا۔۔۔۔

وہ بڑبڑائ۔۔۔۔

ارے کسے ڈھونڈ رہی ہو۔۔۔۔

ہم سے بھی بات کر لو۔۔۔۔

کسی انجان آواز پر ہانی نے نگاہیں اٹھا کر دیکھا۔۔۔۔

پھٹی ہوئی جینز پر ڈھیلی ڈھالی شرٹ۔۔۔۔

جس سے اسکا گریبان صاف جھلک رہا تھا۔۔۔۔ جس میں لا تعداد چینز لٹک رہی تھی۔۔۔۔

پان زدہ بتیسی نکالے وہ ہانی کو اپنی غلیظ نگاہوں کے حصّار میں لئے کھڑا تھا۔۔۔۔

ہانی کے جسم میں ایک سرد لہر دوڑ گئی۔۔۔۔

کسی کی خوفناک یاد نے دماغ پر دستک دی تھی۔۔۔۔

ارمغان شاہ۔۔۔۔!!

یہ بھی اسی جیسا لگا تھا اسے۔۔۔۔

وہ تیزی سے وہاں سے جانے کے لئے مڑی۔۔۔۔

مگر اس لڑکے نے ہانی کی کلائ کو پکڑ لیا۔۔۔۔

ہانی کی جان لبوں پر آ گئی تھی۔۔۔۔

اسنے چیخنا چاہا۔۔۔۔

مگر آنسوں کا پھندا گلے میں پھنس گیا۔۔۔

لوگ اپنی شاپنگ میں مگن تھے۔۔۔۔

وہ تھوڑی سائیڈ پر کھڑی تھی اسلئے کسی کو کوئی خاص نظر نہیں آ رہی تھی۔۔۔۔

وہ غنڈہ ہنستا ہوا اسکے قریب ہو رہا تھا۔۔۔

چار قدم دور۔۔۔۔

شہیر۔۔۔۔ وہ پکارنا چاہتی تھی۔۔۔ مگر۔۔۔۔۔۔!!

تین۔۔۔۔ دو ۔۔۔۔۔ اور اس سے پہلے کہ وہ حد پار کرتا۔۔۔۔۔

پیچھے سے پڑتی لات نے اسے زمین بوس کر ڈالا تھا۔۔۔۔

جاری ہے۔۔۔۔۔