Dard E Dil by Asra Khan NovelR50781 Dard E Dil by Asra Khan Episode22

Categories: Action Action & Adventure Adult After Marriage after nikah COUSIN BASE NOVELS Cousin Marriage Emotional / Love Story Emotional Fiction love after marriage urdu novels

Tags: After Marriage COMPLETE NOVEL cute love story Forced marriage love story based Urdu Novels

Chapters: 28

583.3K

Rate this Novel

Buy me a Coffee

I love bringing stories to life!

Creating features for readers and keeping everything running smoothly takes countless hours of dedication. If you enjoy the reading experience on this site and would like to show your support, you can treat me to a coffee. Your support helps keep the stories flowing!

Dard E Dil by Asra Khan Episode22

بھائی جلدی سے دو پلیٹس بنا دیں۔۔۔۔

شہیر جب تک وہاں پہنچا۔۔۔ وہ آرڈر کر چکی تھی۔۔۔۔

دو کس لئے۔۔۔۔؟ شہیر نے بے چارگی سے سوال کیا۔۔۔۔

ارے۔۔۔۔ ایک میری ایک تمھاری۔۔۔۔ ہم ساتھ ہیں نا۔۔۔۔۔۔!!!

وہ بے دیہانی میں پتا نہیں کیا کہ گئی تھی۔۔۔۔

مگر اسکی بات سے شہیر کے دل کے تار بج اٹھے تھے۔۔۔۔

آس پاس کا ماحول جیسے خوش گوار سا ہوگیا تھا۔۔۔۔

طبیعت کا بوجھل پن جیسے دور ہوگیا تھا۔۔۔۔

پر میں تو گول گپے نہیں کھاتا۔۔۔۔

اسکے معصوم چہرے کو دلچسپی سے دیکھتے ہوئے اسنے کہا۔۔۔۔

تو آج کھا لینا بس۔۔۔۔ وہ مصروف سے انداز میں کہتی گول گپے والے کو مزید مصالحہ ڈالنے کی ہدایت کرنے لگی۔۔۔۔

شہیر ذرا وائلٹ دینا اپنا۔۔۔۔کہاں پر ہے۔۔۔۔اسنے گول گپوں کی پلیٹس اسکے ہاتھ میں پکڑاتے ہوئے پوچھا۔۔۔۔

شہیر نے حیرانی سے اسے دیکھتے ہوئے آنکھوں سے اشارہ کر کہ بتایا۔۔۔۔

اسکی جیب سے وائلٹ نکال کر اسنے پیسے پے کئے۔۔۔۔

اچھا بھائی اپکا بے حد شکریہ جو اتنی رات کو آپ کھڑے تھے۔۔۔ میں زندگی بھر آپکی احسان مند رہوں گی۔۔۔۔

ہانی نے مسکراتے ہوئے گول گپے والے کو الودائیہ کلمات کہے۔۔۔۔۔

شہیر نے اسکی طرف دیکھا۔۔۔۔ جو بیچارہ اپنی ہنسی با مشکل ضبط کئے شہیر کو شریر نظروں سے دیکھ رہا تھا۔۔۔۔۔

چلو اب۔۔۔۔

ہانی اسے لئے آگے بڑھ گئی۔۔۔

گاڑی گھر کے سامنے آ رکی۔۔۔۔

ماہی نے شاپنگ بیگ سمیٹے اور اپنا بیگ اٹھا کر ایک الودائ نگاہ سارم پر ڈالی۔۔۔۔

اور مسکراتے ہوئے بولی۔۔۔۔

اوکے اللّه حافظ۔۔۔۔!

رکو۔۔۔۔! سارم نے نرمی سے اسکا ہاتھ تھامتے ہوئے کہا۔۔۔۔

جی۔۔۔۔۔وہ شرم سے فقط اتنا ہی کہ پائی۔۔۔

میں کل ممی پاپا کو بھیج رہا ہوں ڈیٹ فکس کرنے۔۔۔۔۔

اب تمھارے بغیر گزارا ممکن نہیں ہے۔۔۔۔

تمہیں کوئی اعتراض تو نہیں۔۔۔۔

سارم نے اسکا شرم سے گلابی چہرہ محبّت سے دیکھتے ہوئے پوچھا۔۔۔۔

ماہی نے ایک نظر اسے دیکھا۔۔۔۔ اور نفی میں سر ہلاتی گاڑی کا دروازہ کھول کر تیزی سے بھاگ کر گھر میں چلی گئی۔۔۔۔

جاتے ہوئے ایک بار مڑ کر اسے دیکھنا نہیں بھولی تھی۔۔۔۔

اسکے انداز نے سارم کے دل میں اسکی محبّت کے جذبات کو گویا چھیڑ دیا تھا۔۔۔

مسکراتے ہوئے لمبی سانس بھر کر وہ گاڑی کو آگے بڑھا گیا۔۔۔۔۔

کس قدر بدھو ہو تم۔۔۔۔ گول گپے بھی کھانے نہیں آتے۔۔۔۔

شہیر کی بد قسمتی کہ وہ جو بھی گول گپہ کھانے کے لئے اٹھاتا۔۔۔

وہ اسکے منہ میں جانے سے پہلے ہی ٹوٹ کر جام شہادت نوش فرما جاتا تھا۔۔۔۔

اب میں کیا کروں۔۔۔ کہا تو ہے مجھے ایسی چیزیں کھانے کی عادت نہیں۔۔۔۔

وہ بھی کافی دیر کی جدوجہد سے تنگ آ چکا تھا۔۔۔۔

اچھا رکو۔۔۔۔ میں بتاتی ہوں۔۔۔۔

منہ کھولو۔۔۔ بڑا والا۔۔۔۔

وہ اسے ماہر استاد کی طرح سمجھانے لگی۔۔۔۔

تھوڑا اور بڑا منہ کھولو۔۔۔۔

اب کیا اس چکر میں اپنا منہ ہی پھاڑ دوں۔۔۔

اسکی مزید منہ کھولنے کی ہدایات سن کر شہیر کا دماغ خراب ہوگیا۔۔۔۔

اچھا اب منہ کھولو میں ایک کھلاؤں گی تمہیں۔۔۔ تو سمجھ آ جائے گی۔۔۔

ہانی پر اسکے غصّے کا ذرا سا بھی اثر نہیں ہوا۔۔۔۔

شہیر نے خاموشی سے اسکے حکم کی تعمیل کی۔۔۔۔

ہانی نے ایک گول گپہ اٹھا کر اسکے منہ میں ڈالا۔۔۔۔

ڈالتے وقت اسکی انگلیاں شہیر کے چہرے سے مس ہوئیں۔۔۔۔۔ کرنٹ سا تھا جو اسے لگا تھا۔۔۔۔ چہرہ سرخ پڑ گیا تھا۔۔۔۔

ہمم۔۔۔۔۔۔ یمی۔۔۔۔ بٹ اس میں بہت مرچیں ہیں۔۔۔۔ وہ سی سی کرتا ہوا بولا۔۔۔۔

اسکے منہ سے یہ بات سن کر ہانی کو پہلے والی بات بھول گئی۔۔۔

ہیں نا۔۔۔۔ میں تو پہلے ہی کہ رہی تھی۔۔۔۔ وہ خوشی سے بولی۔۔۔

چلو اب تو طریقہ آ گیا نا۔۔۔۔ چلو اب کھاتے ہیں۔۔۔۔

وہ بچوں والے انداز سے بولی۔۔۔۔

ہمممم۔۔۔۔ چلو۔۔۔ شہیر اسکی خوشی میں خوش تھا۔۔۔۔

رات کے گیارہ بجے ویران سڑک پر وہ ارد گرد سے بے نیاز آپس میں مگن تھے۔۔۔۔۔

محبّت کو بڑائ کی ضرورت نہیں ہوتی۔۔۔ یہ تو کسی عام چیز سے بھی ہو جاتی ہے۔۔۔۔۔ محبّت پا لینے کا ہی نام نہیں ہوتا۔۔۔۔

یہ تو اس خوبصورت احساس کا نام ہوتا ہے۔۔۔۔ جس میں ایک دوسرے کی خوشی اور جذبات کا احساس کیا جائے۔۔۔۔

ان دونوں کے درمیان بھی اس خوبصورت جذبے کا جنم ہو چکا تھا۔۔۔۔

مگر وہ نادان اسے سمجھ نہیں پاۓ تھے۔۔۔۔۔

آخر کار احساس اپنے آپ کو منوانے میں وقت تو لیتا ہے ۔۔۔۔۔

انھیں بھی کچھ وقت کی ضرورت تھی۔۔۔۔

تھوڑے سےوقت کی۔۔۔۔۔۔۔!!

مما۔۔۔ اتنی جلدی بھی کیا ہے۔۔۔ ابھی کل تو سارم بھائی ہمارے ساتھ تھے۔۔۔ انہوں نے تب تو ایسی کوئی بات نہیں کی۔۔۔۔ یہ انھیں اچانک کیا ہوگیا۔۔۔۔۔

صبح صبح ہی ہانی کو آمنہ بیگم کی کال آ گئی تھی۔۔۔

تب ہی انہوں نے ہانی کو بتایا کہ لنچ پر سارم کے گھر والے ماہی اور سارم کی شادی کی ڈیٹ فکس کرنے آ رہے تھے۔۔۔۔

تو ہانی اس قدر جلدی کرنے پر حیران تھی۔۔۔۔ کچھ خوف زدہ بھی ۔۔۔۔

بس بیٹا۔۔۔ ماہی کو ایک دن تو جانا ہی ہے اپنے گھر۔۔۔ جلدی ہو یا دیر مجھے تو کوئی اعتراض نہیں ہے۔۔۔۔

بس تم اور شہیر لنچ پر موجود ہو۔۔۔ لیٹ مت ہونا۔۔۔ میں ویٹ کروں گی۔۔۔۔

وہ جلدی سے بات سمیٹتی خدا حافظ کر گئیں۔۔۔۔۔

ہانی کندھے اچکاتی کمرے میں آئ۔۔۔۔

جہاں شہیر چہرہ تک بلینکٹ میں چھپاۓ سویا ہوا تھا۔۔۔۔

وہ آج جاب پر نہیں گیا تھا۔۔۔۔

صبح جب ہانی اسے اٹھانے گئی تھی۔۔۔۔ تو اسنے طبیعت خراب ہونے کا کہ منع کر دیا تھا۔۔۔۔۔

رات بھی اسنے ہانی کو بیڈ پر سونے کے لئے بھی نہیں کہا تھا۔۔۔۔

وہ آتے ہی سو گیا تھا۔۔۔۔

وہ اسکی طبیعت کا سوچ کر چپ رہی تھی۔۔۔

شہیر۔۔۔۔۔۔!! اسنے اسکے قریب آ کر آواز لگائی۔۔۔۔

مگر وہ ٹس سے مس نہیں ہوا ۔۔۔

شہیر اٹھ جاؤ۔۔۔ پھر مما کی طرف بھی جانا ہے۔۔۔۔۔

اسنے دوبارہ سے آواز لگائی۔۔۔۔

مگر کوئی جواب نا ملنے پر تنگ آ کر اسکا بلینکٹ کھنچا۔۔۔۔۔

شاہ۔۔۔۔ وہ بلینکٹ ایک طرف پھینک کر اسکی طرف دیکھتی کچھ کہنے ہی لگی تھی۔۔۔

جب ہی اسکا چہرہ دیکھ کر ایک دم چپ ہوگئی۔۔۔۔

ماتھے پر بے ترتیبی سے بکھرے ہوئے بال اور سرخ پڑی ناک۔۔۔۔۔

اسے بے اختیار تشویش نے آ گھیرا۔۔۔۔

ہاتھ بڑھا کر اسکا ماتھا چھوا۔۔۔۔ تو وہ بخار کی شدّت سے تپ رہا تھا۔۔۔۔۔

شہیر۔۔۔۔۔ اسنے بے اختیار اسکے چہرے پر ہاتھ رکھے اسے پکارا۔۔۔۔

ہمم۔۔۔۔۔؟

شہیر کی ہلکی سی آواز پر وہ ہوش میں آئ۔۔۔۔۔

اب شرمندگی سے نظرین چراتی ادھر ادھر دیکھ رہی تھی۔۔۔۔

پھر نگاہ شہیر کی طرف ڈالی ۔۔۔ جو شریر نظروں سے اسے دیکھ رہا تھا۔۔۔۔۔

طبیعت خراب ہے۔۔۔۔؟ اسکے چہرے سے جلدی سے ہاتھ ہٹاتے ہوئے اسنےپوچھا۔۔۔۔۔

تمہیں کیا لگتا ہے۔۔۔۔۔

وہ نقاہت سے مسکرایا۔۔۔۔۔ اسکی آواز بھی بیٹھی ہوئی تھی۔۔۔۔۔۔

مجھے تو بیمار لگتے ہو۔۔۔۔

وہ کندھے اچکا کر بولی۔۔۔۔۔

تو تمہارا کہا سر آنکھوں پر۔۔۔۔۔۔

وہ مسکراتا ہوا کہ کر بلینکٹ کو سہی سے اوڑھنے لگا۔۔۔۔۔

ہانی جلدی سے اٹھ کھڑی ہوئی۔۔۔۔۔ تم آرام کرو۔۔۔۔۔ میں تمھارے لئے کچھ کھانے کو لاتی ہوں اور ڈاکٹر کو بھی بلاتی ہوں۔۔۔۔۔۔

اسنے اسے بلینکٹ اچھے سے اوڑھاتے ہوئے کہا۔۔۔۔۔

اچھا اور پھر ڈاکٹر کو بیماری کی وجہ کیا بتاؤ گی۔۔۔۔۔ اگر اسنے پوچھ لیا کہ تم نے اپنے شوہر نامدار کو کیا کھلایا۔۔۔۔۔

گول گپے۔۔۔۔۔۔۔۔!!

ہانی کی زبان سے پھسلا تھا۔۔۔۔۔۔

شہیر اسکی بات سن کر بے اختیار مسکراہٹ چھپا گیا۔۔۔۔

کیسی ہو ماہی۔۔۔۔۔؟

ہانی فون پر ماہی سے حال چال پوچھ رہی تھی۔۔۔۔۔

میں ٹھیک۔۔۔۔ تم سناؤ۔۔۔ آنا نہیں ہے کیا جو فون پر فون کئے جا رہی ہو۔۔۔۔

ہاں یار۔۔۔ نہیں آ سکتی۔۔۔۔ شہیر کو بہت تیز بخار ہے۔۔۔۔

تم ایسے کرو میری مما سے بات کرواؤ۔۔۔۔ کب سے انکا نمبر ٹراۓ کر رہی ہوں۔۔ اٹھا ہی نہیں رہیں۔۔۔۔۔

ہاں وہ کھانا بنوانے میں بزی ہیں ۔۔۔۔ مگر تم۔۔۔۔۔۔

وہ ابھی کچھ کہنا ہی چاہ رہی تھی ۔۔۔۔ جب ہی ہانی نے اسکی بات کو کاٹ دیا۔۔۔۔

یار اگر مگر مت کرو مما کو دو۔۔۔۔۔

اوکے۔۔۔۔ وہ بددلی سے بولی۔۔۔۔

تھوڑی دیر بعد ہانی انھیں منا چکی تھی۔۔۔۔ کہ وہ یہ رسم اکیلے ہی کر لیں۔۔۔۔

آمنہ بیگم کسی اور دن کرنے کے لئے اصرار کر رہی تھیں۔۔۔۔۔

مگر ہانی نے انھیں منا کر دم لیا تھا۔۔۔۔

ہانی نے کپڑے کو ٹھنڈے پانی میں بھگویا۔۔۔ اور اسے اچھے سے نچوڑ کر اسکے ماتھے پر رکھا۔۔۔۔

شہیر نیم بیہوشی کی حالت میں تھا۔۔۔۔ وہ صبح سے اسے پٹیاں رکھ رہی تھی۔۔۔۔۔

مگر شہیر کو کوئی خبر نہیں تھی۔۔۔۔

ڈاکٹر اسکا چیک اپ کرکے جا چکا تھا۔۔۔۔

گلے کے انفیکشن کی وجہ سے اسکی یہ حالت تھی۔۔۔۔

اور اسکے گلے کے انفیکشن کی وجہ وہ اچھے سے جانتی تھی۔۔۔۔

وہ شہیر کی طبیعت کے ساتھ ساتھ ماہی کی وجہ سے بھی افسردہ تھی۔۔۔۔ جسکی اتنی بڑی خوشی پر وہ اسکے ساتھ نہیں تھی۔۔۔۔

مگر ایک خوف سا تھا اسکے دل میں۔۔۔۔

شہیر کا اچانک سے بدل جانا۔۔۔۔۔ اگر وہ وہاں سب کے سامنے سب کچھ کہ دیتا۔۔۔ اسکے آگے اسکی سوچیں رک جاتی تھیں۔۔۔۔۔

جھرجھری سی آ جاتی تھی۔۔۔۔ بس یہی ڈر تھا کہ وہ آج اپنی بہن کی اتنی بڑی خوشی میں اسکے ساتھ نہیں تھی

وہ نہیں جانتی تھی۔۔۔ کہ شہیر نے سارم کو کیا کچھ بتایا تھا۔۔۔۔

وہ تو بس ایک بات سن کر ہی ڈھہ گئی تھی۔۔۔۔

“ہانی نے میرے ساتھ اچھا نہیں کیا”

اسنے بے اختیار جھرجھری لی۔۔۔۔۔

اور شہیر کے ماتھے پر ہاتھ رکھا۔۔۔۔ بخار کافی حد تک کم تھا۔۔۔۔۔

بے اختیار پر سکون سانس اسکے سینے سے خارج ہوئی۔۔۔۔

ایک نظر محبّت سے اسے دیکھتے ہوئےوہ کچن کی طرف بڑھ گئی۔۔۔

جہاں اسے شہیر کے لئے پرہیزی کھانا بنانا تھا۔۔۔۔

ارے بیٹا اور لو نا۔۔۔۔

میں دیکھ رہی ہوں۔۔۔ تم کچھ نہیں کھا رہے۔۔۔ کیا کھانا پسند نہیں آیا۔۔۔۔۔

آمنہ بیگم نے کباب کی پلیٹ سارم کے سامنے رکھتے ہوئے کہا۔۔۔۔

انکی آواز پر وہ چونکا۔۔۔۔

ارے آنٹی ایسی بات نہیں ہے۔۔۔۔ کھانا بہت ٹیسٹی ہے۔۔۔۔ رئیلی آپ سچ میں بہت اچھی کک ہیں۔۔۔۔

اسنے جلدی سے بات سنبھالتے ہوئے آخر میں مسکا لگایا۔۔۔۔۔

آمنہ بیگم مسکرا اٹھیں۔۔۔۔

بہن آپکی بڑی بیٹی ہانی اور شہیر نہیں اے۔۔۔۔؟

سارم کی والدہ نے کچھ اچھنبے سے پوچھا۔۔۔۔

سارم کے کان فورا کھڑے ہو گئے۔۔۔۔

وہ اسی بات سے ڈسٹرب تھا۔۔۔ کہ اسکا بھائیوں جیسا دوست اسکی خوشی میں شامل نہیں تھا۔۔۔۔ اور ہانی۔۔۔۔۔ وہ بھی اپنی بہن کی خوشی میں شامل نہیں تھی۔۔۔۔

بہن وہ شیری بیٹے کو بہت تیز بخار تھا۔۔۔۔ تو ہانی نے منع کر دیا۔۔۔۔۔

اووہ۔۔۔۔ اللّه پاک صحت دیں۔۔۔۔

تو آپ ہمیں بتا دیتیں۔۔۔۔ہم پھر آ جاتے۔۔۔۔

وہ تھوڑا حیران تھیں۔۔۔۔

کوئی بات نہیں بہن۔۔۔۔ بس ہانی نے خود منع کر دیا۔۔۔۔

آپ کچھ لیں نا۔۔۔۔ وہ بات سمیٹ کر انھیں جلدی سے چیزیں سرو کرنے لگیں ۔۔۔۔۔

اسی وقت سارم کرسی گھسیٹ کر اٹھ کھڑا ہوا۔۔۔۔

ارے بیٹا کہاں چلے۔۔۔۔

احمد صاحب حیران ہوئے۔۔۔۔۔

بس انکل ابھی آیا۔۔۔۔ وہ فون نکالتا ہوا لمبے لمبے ڈگ بھرتا باہر چلا گیا۔۔۔۔

ماہی کی اداس نگاہوں نے دور تک اسکا پیچھا کیا۔۔۔۔۔

پہلے بہن کے اس رویے اور پھر سارم کا اپنی پریشانی میں اسے اگنور کر جانا۔۔۔۔

اسنے بے دلی سے چمچ گرا دیا۔۔۔۔۔

ہانی کمرے میں داخل ہوئی۔۔۔۔۔

شہیر جاگ رہا تھا۔۔۔۔ اسکا بخار کافی حد تک اتر چکا تھا۔۔۔۔۔

طبیعت کیسی ہے۔۔۔۔۔؟

ہانی نے اسکی دوائیاں اٹھا کر چیک کرتے ہوئے کہا۔۔۔۔۔

وہ کسی صورت اپنی فکر مندی شہیر پر ظاہر نہیں کرنا چاہتی تھی۔۔۔۔ وہ نہیں چاہتی تھی۔۔۔ کہ شہیر اپنے لئے اسکے جذبات جان جائے۔۔۔۔

ٹھیک ہوں۔۔۔۔اب۔۔۔۔ وہ تکیے سے ٹیک لگاتا ہوا بولا۔۔۔۔۔

چلو اٹھو فریش ہو جاؤ۔۔۔۔ اور پھر کچھ کھا کر دوا لو۔۔۔۔

پانی لے اؤ۔۔۔۔حلق میں کانٹے سے چبھ رہے ہیں۔۔۔۔۔

وہ بمشکل بولا۔۔۔۔

اچھا لاتی ہوں۔۔۔۔

وہ باہر نکل گئی۔۔۔۔۔

فون کے رنگ کرنے پر وہ چونکا۔۔ اور ہاتھ بڑھا کر اٹھایا۔۔۔۔۔۔

اٹینڈ کر کہ اسنے فون کان پر رکھا۔۔۔۔

کیا حال ہے۔۔۔۔سارم؟

ٹھیک ہوں تو سنا۔۔۔۔۔

بس یار کچھ طبیعت خراب ہے۔۔۔۔وہ بے زاری سے بولا۔۔۔

ایک ہی دن میں وہ اس بیماری اور بستر پر پڑے رہنے سے تنگ آ گیا تھا۔۔۔۔

میں اتا ہوں تیری طرف ۔۔۔ پر یہ بتا۔۔۔ اگر تیری طبیعت ٹھیک نہیں تھی تو منع کر دیتا۔۔۔۔

ہم آج نا آتے ڈیٹ فکس کرنے۔۔۔۔

یہ تو غیروں والی حرکت ہوئی یار۔۔۔۔

سارم خفا ہوا۔۔۔۔

کیا مطلب۔۔۔۔؟ میں سمجھا نہیں۔۔۔

شہیر اسکی بات سن کر حیران رہ گیا۔۔۔۔

اب اتنا معصوم نا بن۔۔۔۔ بھابی نے آخر تیرے کہنے پر ہی منع کیا ہوگا۔۔۔۔

یار۔۔۔ ایک منٹ مجھے شروع سے بات بتا۔۔۔۔

وہ سخت حیران تھا۔۔۔۔

سارم کے سارا کچھ بتاتے ہی وہ حیران رہ گیا۔۔۔۔

یار مطلب ہانی نے خود انٹی سے کہا۔۔۔ کہ بس وہ تاریخ طے کر لیں۔۔۔۔

ہاں تو اور۔۔۔۔۔ سارم نے منہ بناتے ہوئے کہا۔۔۔۔ وہ خود ہانی کی حرکت پر حیران تھا۔۔۔۔ اور کچھ کچھ سمجھ بھی چکا تھا۔۔۔۔۔۔۔

یار پر اسنے ایسا کیوں کیا ہوگا۔۔۔۔

اسی لئے کہ کہیں تو ماہی کی اس خوشی میں رکاوٹ نا ڈالے۔۔۔۔انہوں نے اسی خوف سے بس جلدی کی۔۔۔

سارم اپنی بات مکمّل کرتا شہیر کے سر پر بم پھوڑ گیا۔۔۔۔

کک۔۔۔۔کیا۔۔۔؟ وہ شاک زدہ رہ گیا۔۔۔۔

جی ہاں۔۔۔ اور یہ خوف ڈالنے والا تو ہی ہے انکے دل میں۔۔۔۔۔

بھابی جس قدر ماہی سے محبّت کرتی ہیں۔۔۔میں ماہی کی باتوں سے جان چکا ہوں۔۔۔۔

اسلۓ وہ تجھ سے خوف زدہ ہیں۔۔۔۔

بہتر یہی ہے۔۔۔ کہ تو انکے دل میں میں اپنے لئے اعتماد پیدا کر۔۔۔۔

میں فون رکھتا ہوں۔۔۔۔

میری والی بھی ناراض ہوگئی ہوگی۔۔۔۔ پھر آتا ہوں۔۔۔۔۔۔

خدا حافظ۔۔۔۔۔!!!

وہ کال کاٹ گیا۔۔۔۔ مگر شہیر ساکت بیٹھا تھا۔۔۔۔۔ وہ کیا اتنا برا تھا۔۔۔۔کہ وہ لڑکی اپنی بہن کی خوشیوں سے اسکے ساۓ تک کو بھی دور رکھنا چاہتی تھی۔۔۔۔۔

پانی۔۔۔۔۔۔!!

آواز پر وہ چونکا۔۔۔۔۔ وہ پانی کا گلاس لئے اسکے سامنے کھڑی تھی۔۔۔۔۔

با مشکل ہاتھ بڑھا کر اسنے گلاس اٹھایا۔۔۔

گلاس لبوں سے لگاتے اسنے ایک نظر ہانی کو دیکھا۔۔۔۔۔

جو پرچ کو سائیڈ ٹیبل پر رکھ رہی تھی۔۔۔۔

تم گئی نہیں آج اپنے گھر۔۔۔۔ ؟ماہی کی ڈیٹ فکس ہو رہی ہے۔۔۔۔

پانی کا گھونٹ بھرتے ہوئے اسنے ہانی کو غور سے دیکھتے ہوئے اطمینان سے سوال کیا ۔۔۔۔جسکے چہرے کا رنگ اسکی بات سن کر فق ہوگیا تھا۔۔۔۔۔۔

جاری ہے۔۔۔۔۔

Dard E Dil by Asra Khan NovelR50781 Dard E Dil by Asra Khan Episode22