وہ ڈریسنگ کے آگے کھڑی ہر چیز کو نوچ نوچ کر اتار رہی تھی۔۔۔۔ اسکا بس نہیں چل رہا تھا ہر چیز تہس نہس کر دے۔۔۔ جیولری اتار کر وہ سمپل ڈریس اٹھاۓ فریش ہونے چلی گئی۔۔۔۔ گرم پانی سے نہانے کے بعد اسے اپنے اعصاب نارمل ہوتے محسوس ہوئے۔۔۔۔۔ جب وہ باہر نکلی۔۔۔ تو دروازے پر کسی نے دستک دی۔۔۔۔ کون۔۔۔۔؟ وہ بےزاری سے وہیں کھڑی پوچھنے لگی۔۔۔۔ ماہی ہوں یار دروازہ کھولو۔۔۔۔ باہر سے ماہی کی جھنجھلائ ہوئی آواز آئی۔۔۔۔ ماہی میرا دماغ کیا خراب کرو اور دفع ہو جو یہاں سے ۔۔۔۔ وہ کمرے کی لائٹ آف کرتے ہوئے سختی سے بولی۔۔۔۔ ماہی نے حیرانی سے بینڈ دروازے کو دیکھا۔۔۔۔ ہانی خاموشی سے بستر کے پاس آئی اور دھم سے اوندھے منہ اس پر سونے کے لئے گر گئی۔۔۔ وہ اس وقت آرام چاہتی تھی۔۔۔۔ صرف آرام۔۔۔۔۔۔

رات کا وقت تھا۔۔۔۔ ہر طرف اندھیرا چھایا ہوا تھا۔۔۔۔۔ وہ چھوٹے چھوٹے قدم اٹھاتا ہوا لان کے وسط میں آیا۔۔۔۔ ہلکی ہلکی سی شبنم کی پھوار اسے اپنے اوپر پڑتی ہوئی محسوس ہوئی۔۔۔۔ مگر دل بےحد اداس تھا۔۔۔۔ وہ وہیں بیٹھ گیا۔۔۔۔ زارا۔۔۔۔ اسکے ساکن لبوں نے حرکت کی۔۔۔ زارا سن رہی ہو۔۔۔۔۔۔۔؟؟؟ تمھارے بھائی کی زندگی کا کل سب سے بڑا اور برا دن ہے۔۔۔ اسکی زندگی میں کوئی ان چاہا وجود شامل کیا جا رہا ہے۔۔۔۔ کاش۔۔۔۔!! کاش کہ تم ہوتی۔۔۔ تو مجھے دنیا کا ہر غم بھول جاتا۔۔۔۔ بابا اور تمھارے سوا کوئی ہے بھی نہیں میرا اس دنیا میں ۔۔۔۔ اور تم بھی مجھے چھوڑ کر چلی گئی۔۔۔۔ وہ پھوٹ پھوٹ کر رو پڑا۔۔۔۔ درد آج سارا آنسوؤں کے ذریعے بہ نکلا تھا۔۔۔۔ درد جو تھا آخر۔۔۔۔ اسکا درد دل۔۔۔۔۔۔۔۔!!!!

گاڑی حال کے سامنے آ کر رکی۔۔۔۔ ماہی نے دروازہ کھولا۔۔۔ اور باہر نکلی۔۔۔۔ گولڈن اور بلیک کلر کی میکسی میں وہ غضب ڈھا رہی تھی۔۔۔ وہ گھوم کر ہانی کی سائیڈ پر آئی۔۔۔ اور دروازہ کھول کر اسکی باہر نکلنے میں مدد کرنے لگی۔۔۔۔ بےبی پنک کلر کی میکسی زیب تن کئے ہانی بجلیاں گراتی باہر نکلی۔۔۔۔ قدم من من ہو رہے تھے۔۔۔۔

جوں ہی حال میں اسکی انٹری ہوئی۔۔۔ ہر طرف سے پڑنے والی فلیش لائٹس نے اسکی بے زاری میں مزید اضافہ کیا۔۔۔۔ فنکشن پورے عروج پر تھا۔۔۔۔ وہ خواتین جو اسٹیج پر جا کر ہانی کا ماتھا چومتیں ۔۔۔۔ اسے دعاؤں سے نوازتی تھیں۔۔۔۔ وہی واپس جا کر اپنے جسیوں میں جا کر ہانی کے کردار پر کیچڑ اچھالتی تھیں۔۔۔۔ کیسی منافقت تھی۔۔۔ ان میں کہ منافقت بھی خود شرما جائے۔۔۔۔۔ ۔

تھوڑی دیر بعد نکاح کا شور اٹھا۔۔۔ ہانی کو برائیڈل روم میں لے گئے۔۔۔ تھوڑی دیر بعد بابا جان مولوی اور چند گواہوں کے ساتھ اندر آتے ہوئے دکھائی دئے۔۔۔۔۔۔ ہانی کو اپنے اندر ایک سرد لہر دوڑتی ہوئی محسوس ہوئی۔۔۔۔ ہاتھ کانپ رہے تھے۔۔۔۔۔ مولوی صاحب نے کاروائی پوری کی اور پھر وہ اس سے اسکی رضا مندی پوچھ رہے تھے۔۔۔۔۔ وہ ساکن نظروں سے سامنے دیکھ رہی تھی۔۔۔۔ کچھ سمجھ نہیں آ رہا تھا۔۔۔۔ کہ کیا ہو رہا تھا۔۔۔۔ اور پھر۔۔۔۔۔۔!!!!

بابا کی آواز پر وہ ہوش میں آئی۔۔۔۔ “”ق۔۔۔ قبول ہے۔۔۔۔”” اس نے خود کو کہتے سنا تھا۔۔۔۔۔۔۔۔

سر آپ میڈم کی آنکھوں میں دیکھیں۔۔۔۔ مووی میکر نے شہیر کو کہا۔۔۔۔۔ شہیر نے کھا جانے والی نظروں سے اسے دیکھا۔۔۔۔ اور پھر ہانی کی طرف نگاہ موڑی۔۔۔۔ وہ بھی اسے اسی کے انداز سے دیکھ رہی تھی۔۔۔۔ میم آپ سر کے شولڈر پر ہاتھ رکھیں۔۔۔۔ اب مووی میکر ڈرتا ہوا ہانی کو کہنے لگا۔۔۔ وہ عجیب ہی مصیبت میں پھنس گیا تھا۔۔۔ یہ دونوں دولہا دلہن کسی عجوبے سے کم نا تھے۔۔۔ ہانی نے شہیر کے کندھے پر ہاتھ رکھتے ہی بڑے اطمینان سے چٹکی بھری۔۔۔ اسکے بڑے ناخنوں کی وجہ سے شہیر کو ایسا لگا جیسے اس چڑیل نے اسکی بوٹی نکال دی ہو۔۔۔ اس نے بڑی مشکل سے اپنے آپ کو کنٹرول کی۔۔۔ اسکے منہ سے بس “سی۔۔۔” کی آواز نکل گئی۔۔۔۔ ہانی نے فاتحانہ نظروں سے اسے دیکھا تھا۔۔۔۔ شہیر نے ادھر ادھر نگاہ دوڑائ۔۔۔ اور موقع پاتے ہی اپنے بوٹ سے ہانی کا نازک پیر کچل ڈالا۔۔۔۔ ہانی نے بے اختیار جلدی سے اپنی چیخ کو کنٹرول کیا اور شہیر کو ڈبڈبائ آنکھوں سے دیکھا۔۔۔۔ اب کی بار شہیر کے چہرے پر فاتحانہ مسکراہٹ تھی۔۔۔۔۔۔۔۔۔۔۔

رخصتی کا وقت آ پہنچا۔۔۔۔ مما نے ہانی کو اپنے ساتھ لپٹا لیا۔۔۔۔ زارو قطار روتے ہوئے بھی انکے منہ پر شکر کا کلمہ تھا۔۔۔۔ کہ اللّه پاک نے انکی بیٹی عزت سے اپنے گھر سے رخصت کروا دی۔۔۔ وہ بابا کی طرف بڑھی۔۔۔۔ انہوں نے اسے سینے سے لگا لیا۔۔۔۔ انکا حال بھی مما سے کچھ مختلف نا تھا۔۔۔۔ سب رو رہے تھا۔۔۔ مگر ایک ہانی تھی۔۔۔ جو بت بنی کھڑی تھی۔۔۔۔ اسکا سکتا بھی ٹوٹنا تھا ایک دن۔۔۔۔۔۔!! جو کسی بارے طوفان کی نشانی تھا۔۔۔۔۔۔

سب سے مل ملا کر اسے شہیر کے سنگ رخصت کر دیا گیا۔۔۔۔ جنکو رخصت کیا گیا۔۔۔ وہ ایک دوسرے سے بڑھ چڑھ کر بے زار تھے۔۔۔۔۔۔۔۔

بیبی جی اس طرف آ جائیں۔۔۔۔ ملازمہ (رشیدہ) اسے سہارا دیۓ اسکے کمرے تک لائی۔۔۔ اس گھر میں عورت کا کوئی وجود نا تھا۔۔۔۔۔ شہیر کی والدہ تو زارا کی پیدائش پر ہی وفات پا گئی تھیں۔۔۔ تب سے یہی ملازمہ تھی جس نے پورے گھر کو سنبھالا تھا۔۔۔۔۔ یہ ساری کہانی رشیدہ اسے کمرے تک لانے میں سنا چکی تھی۔۔۔ مگر ہانی کو اس میں کوئی دلچسپی تھی۔۔۔۔ آپ یہاں بیٹھیں۔۔۔۔ اس نے اسے بیڈ پر پر بٹھایا۔۔۔۔ آپکو کچھ چاہۓ ہو تو مجھے بتانا۔۔۔ وہ اسے آفر کر کہ جا چکی تھی۔۔۔ اسکے جانے کی تسلّی کرنے کے بعد وہ بیڈ سے چھلانگ لگا کر اتری۔۔۔۔ اگلے ہی لمحے وہ اپنے پلان پر عمل کر رہی تھی۔۔۔۔۔۔

جاری ہے۔۔۔۔۔