Alif Allah by Ibne Aleem Rana NovelR50615 Alif Allah (Episode 04)

Alif Allah by Ibne Aleem Rana

وہ جیسے ہی اوپر پہنچے حسب دستور ان کو خوش آمدید کہا گیا۔۔۔

وہ ایک طرف بیٹھ گئے وہاں بھی وہی کچھ تھا جو وہ لوگ ایک رات پہلے دیکھ چکے مگر فرق اتنا تھا کہ۔۔۔۔

لڑکیاں اور چوباره دوسرا تھا۔۔۔

وہاں بھی انہوں نے اپنی جیبیں خالی کیں اور صبح ہونے سے پہلے ہی واپس لوٹ آۓ۔۔۔ وہ مسلسل چار روز تک ریشم بائی کے کوٹھے پرجاتے رہے۔۔۔۔انہیں یہ لڑکیاں پسند آئی تھیں۔۔۔ آج ان کی لاہور آخری رات تھی۔۔۔

صبح انہوں نے اپنے گھر لوٹ جانا تھا۔۔۔

وہ سب مدہوش سے ہوۓ رقص دیکھنے میں مصروف تھے۔۔۔جب

اچانک عامر کی نظر ایک طرف بنے کمرے کے دروازے پہ لگی چلمن کی طرف اٹھی۔۔۔۔

اسے لگا کوئی چاند چلمن سے طلوع ہوکر غروب ہوگیا ہے ۔۔۔۔

کسی کم عمر پری چہرہ نے بس ایک پل چلمن سے جھانکا اور دوسرے ہی لمحے غائب ہوگئی۔۔۔

وہ اتنی حسین تھی کہ۔۔۔

عامر کو لگا اس کا وہم ہے۔۔۔بھلا کوئی اتنا حسین کیسے ہوسکتا ہے؟؟؟

مگر ابھی تک ہلتی ہوئی چلمن اس کے وہم کے حقیقت ہونے کا پتہ دے رہی تھی۔۔۔

جب تک وہ وہاں بیٹھا رہا اس کی نظریں نہ چاہتے ہوۓ بھی بار بار اس طرف بھٹکتی رہیں۔۔۔۔ مگر

وہ چاند پھر طلوع نہیں ہوا تھا۔۔۔۔

عامر کا جی چاہا وہ اٹھ کر اس کمرے میں جاپہنچے۔۔۔ مگر

اس کا حوصلہ نہ ہوا۔۔۔

وہاں سے اٹھ کر آنے کو اس کا دل نہیں کررہا تھا مگر۔۔۔اب ان کے پاس رقم ختم ہوگئی تھی۔۔۔۔ سو آنا ہی پڑا۔۔۔۔۔

واپسی پہ اس نے اپنے دوستوں کو بتایا کہ اس نے وہاں کسی کو دیکھا تھا۔۔۔ اور جتنا دیکھا تھا۔۔۔۔پھر دیکھنا چاہتا تھا۔۔۔۔

پھر کبھی آجائیں گے یار۔۔۔۔کیوں ٹینشن لیتا ہے۔۔؟؟؟اس کے دوستوں نے اسے امید دلائی۔۔۔۔۔اور وہ جانے سے پہلے واپس آنے کی امید لیے اپنے گھر آگیا ۔۔۔۔

مگر وہ چہرہ اس کی آنکھوں میں بس گیا تھا۔۔۔۔ ٹھیک دس دن بعد اس نے گھر ایک دوست کی شادی کا بہانہ بنایا اور اس بار پہلے سے زیادہ رقم لیکر ایک بار پھر لاہور جاپہنچا۔۔۔۔ اس بار وہ اکیلا آیا تھا۔۔۔

اس نے اپنے دوستوں کو بھی نہیں بتایا تھا کہ وہ لاہور جارہا ہے۔۔۔ لاہور اس نے ایک نسبتاً سستے سے چھپر نما ہوٹل میں کمرہ کرایہ پر لیا۔۔۔۔اپنا سامان وہاں رکھ کر وہ سرشام گھومنے نکل پڑا۔۔۔۔

گھومتے پھرتے اسے رات ہوگئی تو وہ اس بازار کی طرف چل پڑا۔۔۔۔ اب اس کے لیے کچھ بھی نیا نہیں تھا۔۔۔۔

اس لیے وہ بےفکری سے چلتا جارہا تھا۔۔۔ اچانک ہی سادہ لباس میں ایک شخص اس کے سامنے آگیا۔۔۔۔ اس نے عامر کو روک کر اپنا کارڈ دکھایا۔۔۔ پولیس کا کارڈ دیکھ کر وہ بوکھلا گیا تھا۔۔۔ یہاں کیا کرنے آۓ ہو۔۔۔؟؟؟

پولیس والے نے اسے ڈرانے کے لیےبارعب لہجے میں پوچھا تھا۔۔۔

وہ چاہتا تھا کہ یہ لڑکا ڈر جاۓ۔۔۔

عامر کو اس بات کا نہیں پتہ تھا کہ ۔۔۔۔اس بازار میں پولیس والے بھی ہوتے ہیں ۔۔۔۔وہ تو سمجھتا تھا یہاں پہلے کی طرح اسے کوئی نہیں روکے گا۔۔۔۔ اس سے پہلے وہ کچھ بولتا ۔۔۔۔دوسری طرف سے ایک اور سادہ لباس پہنے ایک شخص اس کے ساتھ آکھڑا ہوا۔۔۔۔ وہ پہلے والے کا ساتھی تھا۔۔۔ جس نے عامر کو روکا تھا۔۔۔۔ انہوں نے عامر کو تھانے چلنے کو کہا۔۔۔۔ تھانے کا سن کر عامر کے ہاتھ پاؤں جواب دے گئے۔۔۔ اس نے سوچا اگر اس کے باپ کو پتہ چل گیا تو اس کے ساتھ بہت برا ہوگا۔۔۔ اس نے منت والے انداز میں ان سے کہا کہ وہ مہربانی کریں اسے جانے دیں۔۔۔۔ جب انہوں نے دیکھا کہ ۔۔۔۔سامنے والا بلکل ڈر گیا ہے تو۔۔۔دس ہزار کی ڈیمانڈ کردی۔۔۔۔

دس ہزار کا سن کر عامر کے ہوش اڑگئے۔۔۔۔ جیسے تیسے کرکے اس نے ان کو پانچ ہزار پر راضی کیا۔۔۔۔ اور پیسے دیکر جان چھڑالی۔۔۔ اب بےفکر ہوکر جاؤ۔۔جہاں جانا ہے۔۔۔اور آئیندہ بھی اگر آنا چاہو تو ہمیں مل لیا کرو۔۔۔ تمہیں یہاں کوئی بھی نہیں پوچھے گا۔۔۔ جو مرضی کرو۔۔۔۔ انہوں نے عامر کو اپنی جگہ بتائی کہ وہ وہاں ہوتے ہیں ۔۔۔

کوئی روکے یا پوچھے تو اس کو ہمارا بتادینا۔۔۔۔ عامر کا خوف اب کچھ کم ہوگیا تھا۔۔۔۔ اس نے سوچا واپس چلا جاۓ کل آجاۓ گا مگر۔۔۔۔۔ اس کا دل نہ مانا کہ اتنی قریب آکر واپس جاۓ۔۔۔۔ کیا پتہ وہ آج بھی نظر آجاۓ۔۔؟؟؟یہی سوچ کر وہ ریشم بائی کے چوبارے کی طرف چل دیا۔۔۔۔۔ وہاں سب کچھ پہلے جیسا ہی تھا۔۔۔اور لڑکیاں بھی وہی۔۔۔ وہ بےدلی سی رقص دیکھتا رہا۔۔۔۔ اس کی نظریں بار بار اسی کمرے کی طرف جاتی تھیں ۔۔۔اور ناکام واپس لوٹ آتیں۔۔۔۔ مایوس ہوکر وہ وہاں سے اٹھ کر آگیا۔۔۔۔ وہ تین راتیں وہاں جاتا رہا مگر۔۔۔۔۔۔۔ اس کی مراد پوری نہ ہوئی۔۔۔۔ اس سے زیادہ وہ نہیں رہ سکتا تھا۔۔۔۔ اس لیے مایوس ہوکر گھر واپس آگیا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنت تڑپتی سسکتی زندگی گزار رہی تھی۔۔۔ اٹھارہ سال ہوگئے تھے مگر۔۔۔۔ اس نے اپنی بیٹیوں کو نہیں دیکھا تھا۔۔۔۔ اس کی عمر پچاس کے قریب ہوچکی تھی۔۔۔۔ وہ آج بھی بچوں کو قران پڑھاتی تھی۔۔۔ عاصم اور اس کے بہن بھائیوں نے بھی جنت سے ہی قران پاک پڑھا تھا۔۔۔۔ اور اپنے ماں باپ کے بعد پورے گاؤں میں وہ صرف جنت کی ہی عزت کرتا تھا۔۔۔ باقی کسی کو وہ اس قابل سمجھتا ہی نہیں تھا۔۔۔ وہ کہتا تھا کہ۔۔۔لوگوں کو عزت دو تو وہ اسے بندے کی کمزوری سمجھ لیتے ہیں۔۔۔ اسی ہی سوچ تھی اس کی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنت کی بڑی بیٹی ردا کو جس عورت نے گود لیا تھا اس نے اس کی بہت اچھی پرورش کی تھی۔۔۔۔ اسے پڑھایا لکھایا تھا۔۔۔ ماں کے بارے میں اسے بتایا گیاتھاکہ وہ مرچکی ہے۔۔۔۔اور نہ کبھی اس کی بہن کے بارے میں بتایا گیا۔۔۔

اس کا باپ زندہ تھا ۔۔۔جسے وہ کبھی کبھار مل جایا کرتی تھی۔۔۔۔ اس کے باپ کلیم کو زرا بھی محبت نہ تھی ردا سے۔۔۔

نہ اس نے کبھی جاکر ملنے یا دیکھنے کی خواہش کی تھی۔۔۔۔ ردا کا جب دل کرتا وہی آجاتی تھی۔۔۔۔۔ کلیم کی کپڑے کی دوکان تھی۔۔۔۔جو کافی عرصے سے دن بدن زوال کی طرف جارہی تھی۔۔۔۔

کلیم نے اپنی دونوں بہنوں کی شادی کردی تھی۔۔۔ایک تو اپنے گھر آباد تھی مگر۔۔۔

دوسری کو دوسال بعد طلاق ہوگئی تھی۔۔۔ اور اب کلیم کے ساتھ ہی رہتی تھی۔۔۔ اس کی ماں بیٹی کی دوسری شادی کی آس لیے دنیا سے چلی گئی تھی۔۔۔۔ کلیم نے اپنے چھوٹے بھائی کی شادی بھی کردی تھی۔۔۔ اور وہ اب اپنا حصہ لیکر الگ گھر میں رہ رہا تھا۔۔۔ دونوں بھائی ایک دوسرے کو دیکھنے کے بھی روادار نہ تھے۔۔۔۔۔ کلیم کی ماں اور بہنوں نے بہت کوشش کی تھی کہ کلیم کی ایک بار پھر شادی کردیں مگر۔۔۔۔ان کو کوئی لڑکی ہی نہ ملی۔۔۔۔ اگر ایک دو ملی بھی تو انہوں نے تیسری شادی کا پتہ چلنے پر جواب دےدیا۔۔۔ بہت عرصہ وہ کوشش کرتے رہے۔۔۔آخر مایوس ہوکر بیٹھ گئے۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عاصم تین مہینے بعد گھر آیا تھا۔۔۔۔

اس کے گھر والے اس کے آنے پہ بہت خوش تھے۔۔۔۔ وہ کچھ دن رہا اور پھر واپس لاہور چلا گیا۔۔۔ گاؤں میں وہ عامر سے بھی ملا تھا مگر اس نے اسے نہیں بتایا تھا کہ وہ اسے,, کہیں,, دیکھ چکا ہے۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ریشم بائی نے دوبارہ پھر کبھی نور کو کسی کے سامنے نہ آنے دیا۔۔۔

جو اسے ایک بار دیکھ چکے تھے ان کے اصرار پر ریشم بائی نے انہیں کہ دیا تھا کہ نور واپس کراچی جاچکی ہے۔۔ اور کچھ دن بعد آۓ گی۔۔۔ جیسے ہی وہ آئی آپ سے ملوادونگی۔۔۔مگر یہ صرف ایک بہانہ تھا۔۔۔ریشم بائی نے زمانہ دیکھا تھا۔۔۔وہ جانتی تھی کہ آسانی سے ملنے والی چیز کی وہ قدر نہیں ہوتی جو تڑپ کر مچل کر انتظار کرنے والی چیز کی ہوتی ہے۔۔۔۔ اس لیے وہ نور کی قدر بڑھانا چاہتی تھی۔۔۔ اسی لیے تو اس نے ان لوگوں کو نور کی صرف ایک جھلک ہی دکھائی تھی۔۔۔ اس کا ارادہ تھا کسی دن ان سب کو وہ نور کے رقص کی بھی ایک جھلک دکھاۓ گی۔۔۔ نور کو دیکھنے والوں میں سے کچھ زیادہ ہی بےتاب لوگوں نے ریشم بائی کو نور کی نتھ اتروائی کی منہ مانگی رقم دینے کی بھی پیشکش کی تھی ۔۔۔

جسے اس نے نہائیت شاستگی سے یہ کہ کر ٹال دیا تھا کہ۔۔۔وقت آنے پر ان کو مایوس نہیں کیا جاۓ گا۔۔ یہ الگ بات ہے کہ ریشم کا ایسا کوئی ارادہ نہیں تھا۔۔۔بلکہ اس کے خواب ان کی سوچ سے کہیں آگے تھے۔۔۔ وہ نور کو ایسے کیش کروانا چاہتی تھی کہ۔۔۔۔اس کو پھر کچھ اور کرنے کی ضرورت نہ پڑے۔۔۔اور وہ کسی پوش ایریا میں بنگلہ لے کر اپنی باقی ماندہ زندگی آرام سے عیش و عشرت میں گزراسکے۔۔۔ وہ اس کو ایکٹریس یا ماڈل کے روپ میں دیکھنا چاہتی تھی۔۔۔۔

آج اس کے کوٹھے پہ خصوصی محفل تھی۔۔۔ اس نے اپنے تمام چاہنے والوں کو دعوت دی تھی۔۔۔اور کہا تھا کہ۔۔۔وہ آج آکر نور کا جلوہ دیکھیں۔۔۔ آج اس کا ارادہ ایک قدم مزید آگے بڑھ کر نور کا رقص دکھانا تھا۔۔۔۔ وقت مقررہ پر تمام لوگ پہنچ گئے تھے۔۔۔۔ ان کی خاطر مدارت کی جارہی تھی۔۔۔ اندر نور آج خاص طور پہ تیار ہورہی تھی۔۔۔ وہ تیار نہ بھی ہوتی تب بھی اس کا حسن کسی کی جان لینے کے لیے کافی تھا۔۔۔اور تیار ہوکر تو وہ دیکھنے والوں پہ قیامت ہی ڈھادیتی۔۔۔ آج ریشم بائی کے چوبارے میں شہر کے بڑے بڑے نام نہاد شرفا کے علاوہ ایک اور آدمی بھی موجود تھا۔۔۔ وہ آدمی تھا جمال شاہ۔۔۔جس کی وساطت سے کئی لڑکیاں ملک کی نامور ماڈلنگ بنی تھیں۔۔۔اور ان میں سے کئی ایک کو فلموں ڈراموں میں کام کرنے کا موقع بھی ملا۔۔۔۔ اور قسمت کی مہربانی سے مشہور بھی ہوئیں۔۔۔۔ کمرے کا دروازہ کھلا اور دو لڑکیاں باہر نکلیں۔۔۔یہ وہی لڑکیاں تھیں جو روز ناچتی تھیں۔۔۔۔ ان کو دیکھ کر سب کی نظریں ریشم بائی کی طرف اٹھ گئیں۔۔۔ جیسے پوچھ رہے ہوں کہ۔۔۔یہ کیا؟؟؟؟ نور کہاں ہے۔۔۔؟؟؟ ریشم بائی کی چہرے پر ہلکی سی مسکراہٹ آئی۔۔۔ اس نے دونوں لڑکیوں کو اشارہ کیا۔۔۔۔ وہ واپس پلٹیں۔۔۔اور کمرے میں غائب ہوگئیں۔۔۔ کچھ دیر بعد وہ باہر نکلیں توان کے ساتھ نور بھی تھی۔۔۔ وہاں موجود لوگوں کی نظریں پہلے ہی دروازے کی طرف لگی ہوئی تھیں۔۔۔ نور کو آتا دیکھ کر ان کے چہرے پر مسکراہٹ پھیل گئی۔۔۔ اور

دل ہاتھوں میں آگئے تھے سب کے۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عامر اس کے بعد بھی کئی بار ریشم بائی کے کوٹھے پر گیا تھا مگر۔۔۔ اس کی نور کو دیکھنے کی آرزو پوری نہ ہوئی تھی۔۔ اور آج وہ پھر وہاں موجود تھا۔۔۔ آج ریشم بائی کے کوٹھے پر معمول سے زیادہ رونق نظر آرہی تھی۔۔۔ ریشم بائی عامر کو اب پہچاننے لگ گئی تھی۔۔۔اس نے عامر کو بیٹھنے کا اشارہ کیا۔۔۔اور اس کے لیے بوتل منگوائی۔۔۔۔ بوتل پی کر وہ انتظار کرنے لگا۔۔۔۔ اسے آج بھی یقین تھا کہ ۔۔۔وہ مایوس ہی لوٹے گا۔۔۔ وہی دولڑکیاں کمرے سے نکلیں ۔۔۔۔اور کچھ دیر بعد واپس کمرے میں چلی گئیں۔۔۔ وہ دوبارہ نمودار ہوئیں تو۔۔۔۔۔عامر کا دل اچھل پڑا۔۔۔ ان کے ساتھ وہی تھی۔۔۔ جس کے لیے اس نے کئی بار اس کوٹھے کا رخ کیا تھا۔۔۔ جس کے لیے اس انے اب تک نہ جانے کتنی رقم اڑادی تھی۔۔۔

وہی جس کی ایک جھلک دیکھ کر وہ تشنہ رہا تھا۔۔۔ اور آج کئی مہینوں کے بعد اس کی من کی مراد پوری ہوئی تھی۔۔۔۔

وہاں موجود تمام لوگوں کا ایک ہی حال تھا۔۔۔ اور ان سب کی ایک ہی خواہش ۔۔۔کہ کسی طرح اس جل پری کو چھو کر دیکھ لیں۔۔۔ وہ سبک روی سے چلتی سب کے درمیان آگئی۔۔۔ اس نے ایک طائرانہ سی نظر سب پہ ڈالی اور ہاتھ ماتھے تک لےجاکر آداب کیا۔۔۔

سازندے تیار ہوکر بیٹھے تھے۔۔ اشارہ ملنے پر انہوں نے اپنا جادو جگانا شروع کردیا۔۔۔ مگر اصل جادو تو نور نے پھونکا تھا۔۔۔۔ جیسے ہی اس کے قدم سازوں کی آواز کے ساتھ اٹھنے لگے۔۔۔۔وہاں بیٹھے لوگوں کے منہ کھل گئے۔۔۔ یوں لگ رہا تھا جیسے وہ کسی سحر کی زد میں ہیں۔۔۔

دیکھنے والوں کو نور کا ہر اٹھتا قدم اپنے دل پر محسوس ہورہاتھا۔۔۔ عامر بھی ایک عجیب ہی کیفیت سے دوچار اس پری کو تھرکتا دیکھ رہا تھا۔۔۔ کچھ پل کے لیے وہ بھول گیا تھا کہ۔۔۔وہ کہاں ہے۔۔۔

بیس منٹ تک وہ اپنے تماش بینوں پر بجلی گراتی رہی۔۔۔اور پھر اس کے قدم رک گئے۔۔۔ساتھ ہی سازوں کی آواز بھی تھم گئی تھی۔۔ اس نے جھک کر آداب کیا اور بڑے ناز سے اٹھلاتی کمرے میں چلی گئی۔۔۔۔ تماش بینوں کو جیسے اچانک ہی ہوش آیا تھا۔۔۔ نور کو ان کی تالیوں اور واہ واہ کی آواز دیر تک سنائی دیتی رہی۔۔۔ وہ دل ہی دل میں خوش ہورہی تھی۔۔۔ اس کے بعد رات گئے محفل جمی رہی مگر تماش بینوں کی وہ دلچسپی نہ تھی جو پہلے ہوتی تھی۔۔۔ ریشم بائی نے لڑکیوں کو روک دیا ۔۔۔ وہ اندر کمرے میں چلی گئیں۔۔۔

جتنا پیسہ نور کے بیس منٹ رقص میں لوگوں نے لٹایا تھا اتنا پیسہ ان دونوں لڑکیوں کی چار دن کی کمائی تھی۔۔۔ اندر نور ان سہانے سپنوں میں کھوئی ہوئی تھی۔۔۔ جو ریشم بائی نے اسے دکھاۓ تھے۔۔۔ اور جس کے لیے اسے تیار کیا گیا تھا۔۔۔ وہ خود کو مشہور ہوتا دیکھ رہی تھی۔۔۔ عامر اس کے بعد دو راتیں مسلسل آتا رہا مگر نور پھر نظر نہ آئی۔۔۔ تیسرے دن وہ دوبارہ آنے کا عزم لیکر گھر واپس چلا گیا۔