Ajnabi Rahon Ke Musafir By Zarish Noor Readelle50107 Last Episode

ناول ”اجنبی راہوں کے مسافر “

از قلم زرش نور

لاسٹ ایپیسوڈ

پرسوں سمیع کا ولیمہ ہے اور ولیمے کے بعد تم مجھے یہاں نظر نہ آ ٶ۔
میں کہاں جاٶں گی ؟ پلیز ایسا مت کہیں آپ احان کی دوسری شادی کروا دیں ۔میں خود انہیں کہوں گی کہ وہ دوسری شادی کر لیں۔لیکن پلیز مجھے گھر سے جانے کے لٸے نہ کہیں۔

مرینہ بیگم نے آگے بڑھ کر اسے ٹھوڑی سے پکڑ کر ایک جھٹکا دیا ، میرے بیٹے کا پیچھا چھوڑ دو۔اسے دھکا دے کر بیڈ پر پھینکتے ہوۓ کمرے سے نکل گٸیں۔
۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔
احان سیڑھیوں تک پہنچا تھا جب فاریہ اس کے لٸے دودھ کا گلاس لٸے اس کے پاس چلی آٸی۔
احان نے غاٸب دماغی سے اس کے ہاتھ سے گلاس لے کر اوپر کمرے میں چلا آیا۔

کمرے میں پہنچ اس کی نظروں کے سامنے سیرت کا چہرہ لہرایا۔اس کے کانوں میں اس کی کپکپاتی آواز ٹکراٸی تو وہ بے چین ہو اٹھا۔ غصے سے مٹھیاں بھینچتے ہوۓ وہ تیزی سے سیڑھیاں اترا اور دادی کے کمرے میں آیا،جہاں وہ بیڈ پر بیٹھی گھٹنوں میں سر دٸیے آنسو بہا رہی تھی۔
دروازہ کھلنے کی آواز پر اس نے سر اٹھا کر دیکھا اور احان کو اندر داخل ہوتے دیکھ کر وہ اپنی جگہ سے کھڑی ہو گٸی۔

چلو اپنے کمرے میں۔

نہیں وہ میں آج دادی کے پاس ہی سٶں گی۔

میں نے کیا کہا ہے تمہیں آواز نہیں آٸی۔اب کی بار اس کی آواز میں ایک دھاڑ تھی۔اور وہ خاموشی سے اسکے پیچھے چل دی۔
کمرے میں پہنچ کر وہ زوردار آواز کے ساتھ دروازہ کھولتا ہوا اندر داخل ہوا ۔اسے غصے میں دیکھ کر سیرت وہیں دروازے کے ساتھ لگ کر کھڑی ہو گٸی۔

احان تھوڑی دیر غصہ کنٹرول کرنے کی کوشش میں ایک جگہ سے دوسری جگہ چکر کاٹتا رہا۔۔پھر اپنے کپڑے لے کر واش روم میں گھس گیا۔
وہ واپس باہر آیا تو وہ ابھی تک اسی پوزیشن میں وہیں کھڑی تھی۔اُسے ایسے دیکھ کر اس کا غصہ جھاگ کی طرح بیٹھ گیا۔

ڈریسنگ کے آگے کھڑے ہوتے ہوۓ اس نے آٸینے میں اس کے چہرے پر نظر ڈالی تو اسے اس کے چہرے میں زردیاں سی گھلی نظر آٸیں۔اس کا دل پسیج گیا۔اس لڑکی کو میں نے دل کی گہراٸیوں سے چاہا۔اور میری ہی وجہ سے پچھلے دس دن سے نجانے وہ کس اذیت میں رہی۔
وہ آہستہ سے چلتا ہوا اس کے قریب آیا۔
ٹھوڑی کے نیچے انگلی رکھ کر اس کا چہرہ اوپر کیا ۔اس کے آنسو کو اپنے پوروں پر چن کر اس نے اسے اپنے سینے میں بھینچ لیا۔
سیرت کا جسم ہولے ہولے کانپ رہا تھا۔اس کی گرفت اور سخت ہوٸی۔اس نے اپنے لب اس کے سر پر رکھےتو سیرت کے آنسو میں روانی آ گٸی۔اس کے آنسو سے اس کی شرٹ بھیگنے لگی۔

آٸی ایم سوری یار ،آٸی ایم رٸیلی ویری سوری۔

وہ اسے بازٶں کے گھیرے میں لٸے بیڈ پہ آیا اور اسے بیڈ پر بٹھا کر اس کے سامنے چٸیررکھ کر بیٹھ گیا۔

اس کے دونوں ہاتھوں کو اپنے ہاتھوں میں لیا۔
جانتی ہو میں نےجب تمہارے گھر دادی کو بھیجا تھا تو اسکی وجہ صرف چاچو تھے۔پھر تم میرے آفس آٸی تو مجھے تم سے ہمدردی محسو س ہوٸی۔
اور جب تم میرے ساتھ اپنے گھر سے اپنا سامان لینے گٸی تھی ۔”وہ لمحہ یاد کر کے وہ مسکرایا۔“
تب مجھے تم سے چڑ محسوس ہوٸی تھی۔
پھر جب اشعر کے یہ پوچھنے پر کہ تم اتنی سیمپل کیوں رہتی ہو ؟
تمہارا جواب سن کر مجھے تم پر غصہ آ یا تھا۔کہ تم جان بوجھ کر مظلومیت کا ڈرامہ کرتی ہو۔

لیکن پھر جس طرح تم نے چاچو کا خیال رکھا ،اور ایک دن جب کھانے کی ٹیبل پر تم ہم سب کے ساتھ موجود تھی۔تم عین میرے سامنے آ کر بیٹھی تھی۔تم بار بار اپنا دوپٹہ ٹھیک کر رہی تھی۔میرے ٹکٹکی باندھ کر دیکھنے پر تم کنفیوژ ہو کر وہاں سے جلدی اٹھ گٸی تھی۔تب پہلی بار میرے دل میں تمہارے لٸے ایک بہت ہی پاکیزہ جزبے نے جنم لیا تھا۔میرے دل میں تمہارے لٸے بہت عزت اور احترام کا جزبہ پیدا ہوا تھا۔
جانتی ہو میں جانتا تھا کہ تم مجھ سے محبت کرنے لگی ہو ،جبکہ یہ بات شاید تم خود بھی نہیں جانتی تھی۔
جانتی ہو مجھے پہلی بار نہ اشعر نے کہا تھا کہ احان سیرت تم سے بہت متاثر ہے ۔شاید وہ تمہارے لٸے دل میں کوٸی اور بھی جزبہ رکھتی ہے۔
اور اس کی بات پر تو میں نے اسے جھٹلا دیا تھا۔لیکن جب تم میرے سامنے ہوتی تو تمہارا گریز مجھے باور کرواتا تھا کہ کچھ تو ہے۔
اشعر کہتا تھا کہ سیرت بے چاری نے کس پتھر سے دل لگا لیا ہے۔

اور میں اس کی بات پر مسکرا دیتا۔
جب ہم لوگ امریکہ گٸے تو فلاٸٹ میں تمہارا خوف سے میرا ہاتھ پر اپنا ہاتھ رکھنا اور آنکھیں بند کر کے کچھ پڑھنا اور پھر اپنا ہا تھ کھینچ لینا۔ مجھے تمہاری طرف متوجہ کر گیا۔

جب کچن میں سمیع نے تم سے کہا تھا کہ کافی بنانا سیکھ لو اور تمہارا اور سمیع کی بحث سن کر میں نے پہلی بار چاۓ پی تھی صرف تمہارے لٸے۔

جانتی ہو جب چاچو تم سے وعدہ لے رہے تھے کہ تمہیں میرا پابند کر رہے تھے۔میں نے اس سے بہت پہلے یہ فیصلہ کر لیا تھا کہ میں اگر کسی سے شادی کروں گا وہ سیرت ہمایوں ہو گی۔تم میری زندگی میں آنے والی پہلی اور آخری لڑکی ہو۔
اگر مجھے پہلے پتہ چل جاتا کہ چاچو صرف کچھ ہی دنوں کے مہمان ہیں تو میں ان کی زندگی میں ہی تم سے شادی کر لیتا۔لیکن تم سے شادی میں نے کسی وعدے کی پابندی کرتے ہوۓ نہیں کی بلکے یہ سو فیصد میرا اپنا میرے دل کا فیصلہ تھا۔
وہ اب حیرت اور خوشی کی ملی جلی کیفیت میں گھیری اسے دیکھ رہی تھی۔ایک آنسو اس کے گالوں سے ہوتا ہوا اس کی تھوڑی پر پہنچا تھا جسے احان نے اپنے پوروں پر چن لیا۔
بس بہت بہا لیٸے آنسو اب اور نہیں۔
لیکن آپ نے پرسوں رات کو کہا تھا کہ مجھ سے شادی آپ کی زندگی کی سب سے بڑی غلطی ہے۔
ہمم !کہا تھا ،غلط کہا تھا۔

آپ نے مجھے تھپڑ بھی مارا تھا۔

میں بہت بڑابے وقوف تھا ،میں الو کا پٹھا تھا ۔

کیا اس کے لٸے کان پکڑ کر معافی مانگوں۔
اور تیکھی نظروں سے گھورتی سیرت اسے کانوں کو ہاتھ لگاتا دیکھ کر کھلکھلا کر ہنس دی۔

آچھا ایک بات بتاٶ یہ تم مجھ سے ناراضگی کے چکر میں یہ اتنی زرد کیوں ہو رہی ہو۔

وہ پتہ نہیں پچھلے تین چار دن سے میری طبعیت کچھ خرا۔۔۔۔۔۔۔۔بات اس کے منہ میں ہی رہ گٸی اور اسے زور کی ابکاٸی آٸی وہ منہ پر ہاتھ رکھتی ہوٸی واش روم میں گھس گٸی۔

اور احان پریشانی میں گر ا اسے واش بیسن پر جھکا دیکھنےلگا۔
منہ پر پانی کے چھینٹے مار کر وہ باہر آٸی تو وہ اسے تھام کر بیڈ تک لایا لیکن اس سے پہلے ہی وہ ایک بار پھر پلٹ کر واش روم میں گھس گٸی اور احان اب اس صورتحال سے حد درجہ پریشان ہو گیا۔

وہ باہر آٸی تو اس نے گاڑی کی چابی اٹھاٸی ،وارڈروب سے اس کی چادر نکال کر اس کی طرف بڑھاٸی اور اسے لے کرقریبی ہاسپٹل آ گیا۔
کچھ ٹیسٹ کرنے کے بعد ڈاکٹر نے انہیں خوشخبری سناٸی تو سیرت نے شرم سے سر جھکا لیا ۔
احان کی خوشی قابل دید تھی جو آدھی رات کو بیچ سڑک میں گاڑی روک کر اس سے باہر نکل آیا اور خوشی سے سیر ت کو گول گول گھماتے ہوۓ اپنی بانہوں میں اٹھا لیا۔
احان چھوڑ دیں مجھے میں گر جاٶں گی۔
تمہیں مجھ پہ بھروسہ نہیں ہے ؟کیا میں تمہیں گرنے دوں گا۔

اور اس کی بات پر سیرت نے اس کے کندھے پر اپنا سر ٹکا دیا۔
۔۔۔۔۔۔۔۔۔۔۔ ۔۔۔۔۔۔۔۔ ۔۔۔۔۔۔۔۔۔۔۔ ۔۔۔۔۔۔۔۔۔۔
احان کو آج کی صبح ہر سویرے سے زیادہ خوبصورت اور دلکش لگی۔اس کے سینے پر سر ٹکاۓ ایک ہاتھ گال کے نیچے رکھے سیرت بے غم سو رہی تھی۔اس نے نرمی سے اس کا سر اٹھا کر تکیے پر رکھا اور جھک کر اس کی پیشانی پر اپنے لب رکھ دٸیے۔
بغیر کوٸی آواز پیدا کیے وہ شاور لے کر کپڑے چینج کر کے نیچے چلا آیا۔جہاں بڑے ہال میں اس وقت سب لوگ موجود تھے۔

سلمان علی اور سمیع کی کسی بات پر بحث چل رہی تھی۔فاریہ اور سارہ موباٸل میں بزی تھیں۔دادی خاموشی سے ان سب کو دیکھ رہی تھی۔مرینہ بیگم اور چچی کے اپنے راز ونیاز چل رہے تھے۔اس کے سلام کرنے پر سب نے ہی ایک پل کے لٸے رک کر اس کے سلام کا یک زبان ہو کر جواب دیا اور پھر سے اپنی باتو ں میں مصروف ہو گٸے۔

مجھے آپ سب بات کرنی ہے۔

سب اس کی طرف متوجہ ہوۓ۔ اس کے حد درجہ سنجیدہ انداز کو دیکھتے ہوۓ سب ہی اس کی طرف دیکھنے لگے۔

میں سمیع کے ولیمے کے بعد واپس اسلام آباد جا رہا ہوں۔میری وجہ سے میرے آفس کے بہت سے کام پینڈنگ پڑے ہیں۔
اس کی کیا ضرورت ہے تم اب یہی پہ دوبارہ سے اپنی فیکٹریوں کو سنبھالو۔سلمان علی جلدی سے بولے۔

نہیں بابا میں آپ کے بلانے پر اس لٸے نہیں آیا کہمیں دوبارہ آپ کو جواٸن کروں گا۔اس کا انداز حتمی تھا۔

اس کے جانے کے بعد سلمان علی کواندازہ ہوا تھا کہ یہ فیکٹریاں اس کے بغیر نہیں چل سکتی۔لیکن اب دیر ہو چکی تھی۔

اور اب میں آتا ہوں سب سے اہم بات کی طرف وہ میری بیوی سے جڑی ہے ۔میں نے اس سے شادی کوٸی وعدہ وفا کرنے کے لٸے نہیں کی۔بلکے وہ میرے دل کی اولین خواہش ہے۔اور اسے میری زندگی سے نکالنے کی کوشش ترک کر دیں ۔ورنہ میں اور و ہ اس گھر میں دوبارہ کبھی قدم نہیں رکھیں گے۔اس نے ماں پر نظریں جماۓ کہا۔

لیکن بھاٸی کوٸی آپ دونوں کو الگ کرنے کی کوشش کیوں کرے گا۔سمیع نے فکرمندی سے پوچھا۔
اب اس کا جواب میں تو نہیں دے سکتا۔
یہ کہہ کر وہ وہاں سے اٹھ گیا۔جبکہ مرینہ بیگم اور فاریہ نے نظریں جھکا لیں۔

مرینہ یہ احان کیا کہہ کر گیا ہے؟
مجھے کیا پتہ کیا کہا ہے ۔ان کی آواز میں بے یقینی تھی۔

مرینہ میں صرف اتنا کہوں گا اس لڑکی کے باپ کا احسان ہی یاد کر کے اسےبخش دو۔
مرینہ بیگم ہونہہ کہہ کر وہاں سے چل دی۔

وہ آج اپنے گھر میں مطمٸن تھی ۔وہ اپنی جنت میں لوٹ آٸی تھی۔
کافی کا کپ تھامے وہ احان اور اپنی بیٹی رویحا کو دیکھ رہی تھی۔دونوں باپ بیٹی میں نہ جانےکیا راز ونیاز ہو رہے تھے۔

وہ اور احان دوبارہ کبھی لاہور نہیں گٸے ۔رویحا پورے چار سال کی ہو چکی ہے۔ان چار سالوں میں وہ روزانہ ماں اور باپ سے فون پر بات کرتا ہے ۔اور روز ان کے لاہور آنے کے سوال پر وہ فون بند کر دیتا ہے۔

وہ جانتی ہے وہ اپنے اں باپ سے بہت پیار کرتا ہے۔اس لٸے وہ بھی اسے فورس کرتی رہتی ہے کہ ہمیں مما بابا سے ملنے جانا چاہٸے اور وہ ہر بار اس کی بات ٹال دیتا ہے۔
سیرت میں پھر سے پانچ سال پہلے والی جگہ پر نہیں آنا چاہتا۔میں اپنی زندگی کا سکون نہیں کھونا چاہتا۔
رویحا کی پیداٸش پر سلمان علی ،سمیع ،زارا، حاشر اور عنایا سبھی آۓ تھے۔
مرینہ بیگم نے اسے فون پر مبارک باد دی تھی۔ وہ خود میں ہمت نہیں پاتی تھی کہ وہ سیرت کا سامنا کر سکیں۔
یہ آگاہی بڑی ظالم چیز ہے ۔جب انسان اپنی خطاہوں سے آگاہ ہو جاتا ہے تو پھر مکافات عمل شروع ہوتا ہے۔

رویحا کو سلا کر وہ اس کے گرد اپنے بازٶں کا حصار قاٸم کرتا ہوا اسے اپنے قریب کر گیا تھا۔

ڈٸیر واٸفی کن خیالوں میں کھوٸی ہوٸی ہو۔”احان کو دیکھ کر رویحا بھی اسے واٸفی کہتی تھی۔“اور اس کی معصومیت پر دونوں ہی ہنس دیتے ۔اور ان جی ہنسی میں اس کی کھلکھلاہٹیں بھی شامل ہوتی ۔جو ماں باپ کو خوش دیکھ کر خوش ہوتی۔
احان آپ کو نہیں لگتا آپ کو مما کو معاف کر دینا چاٸیے۔ماں باپ بھی تو اولاد کی خطاٸیں معاف کر دیتے ہیں۔آپ کو بھی دل بڑا کرنا چاٸیے۔
اس کی بات پر کینوینس ہوتے ہوۓاس نے سر اثبات میں ہلایا اور اس کے گالوں کو چوم لیا۔
کیا کرتے ہیں احان کوٸی دیکھ لے گا۔
اسی لٸے تو میں لاہور نہیں جاتا پھر میں اپنی واٸفی کے ساتھ رومینس نہیں کر سکوں گا۔اس کی بات پر سیرت نے اس کے بازوں پر چٹکی کاٹی۔
تبھی ہال کے دروازے سے سلمان علی اندر داخل ہوۓ ۔ ان کے پیچھے فاریہ ،زارا ،سمیع اور آخر میں مرینہ بیگم اندر داخل ہوٸی۔

سب سے مل کر احان مڑنے لگا تو سیرت نے اس کا ہاتھ تھام لیا اور اسے لٸے مرینہ بیگم کے پاس آ گٸی ۔اور ان کے گلے لگ گٸی۔
ان سے الگ ہوتے ہوۓ اس نے احان کا ہاتھ کھینچ کر اسے ماں کے سامنے کھڑا کیا۔اور مرینہ بیگم بھی روتے ہوۓ اس کے گلے لگ گٸیں۔احان نے بھی انہیں اپنے بازٶں کے حصارمیں لے لیا۔

انہیں لے کر وہ رویحا کے پاس پایا جو معصومیت سے آنکھیں پٹپٹاتی ہوٸی انہیں دیکھ رہی تھی۔مرینہ بیگم نے بھی اس کی معصومیت پر ہنستے ہوۓ اسے گلے لگا کر چٹا چٹااسے چوم لیا۔

سیرت یہ سب دیکھ کر مسکرا دی۔آج اس کی فیملی مکمل ہو گٸی تھی۔اسے ایک بات سمجھ آ گٸی تھی جو آپ سے محبت کرے اس سے جڑے رشتوں سے بھی محبت ہو ہی جاتی ہے۔

اور اسے احان نے سے جڑے ہر رشتے سے محبت تھی۔اس نے اس کے اندر اتنی محبت بھر دی تھی کہ کسی اور جزبے کی گنجاٸش ہی نہیں رہی تھی۔

۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔

کیسا لگا آپ کویہ ناول اپنی راۓ کا بھرپور اظہار کریں۔