No Download Link
Rate this Novel
Episode 8
ناول” اجنبی راہوں کے مسافر“
از قلم زرش نور
قسط نمبر ٨
بارش کی ٹھنڈک موسم کو سرد کر رہی تھی۔سورج گہرے بادلوں کی آغوش میں سو رہا تھااور بادل رم جھم سے برس رہے تھے۔
کالی گھٹا دن کی روشنی کو مدھم کرنےپر تلی تھی اور شام کا ماحول اس کے ارد گرد سفر کر رہا تھا۔
سرِشام ہی رات کا گماں ہو رہا تھااور ایسا ہی اندھیرا اس کے اندر بھی پھیل رہا تھا۔وہ گاڑی کے دروازے کے ساتھ ٹیک لگاۓ آسمان کی طرف دیکھ رہا تھا۔
اس کی آنکھیں لال انگارہ ہو رہی تھیں۔برستی بارش کے ساتھ اس کے آنسو بھی اس کے چہرے کو بھگو رہے تھے۔
آستین سے اپنے آنسو صاف کرتے ہوۓ وہ ہمت مجتمع کرتے ہوۓہاسپٹل کے اندر داخل ہوا۔
ہمایوں کے روم کے باہر رک کر اس نے ایک بار پھر سے آنکھیں صاف کیں کوٹ کے بٹن بند کیے اور مسکراتا ہوا اندر داخل ہوا۔
جہاں دونوں باپ بیٹی کسی بات پر ہنس رہے تھے۔
سیرت کے ہاتھ میں کوٸی کتاب تھی اور وہ ہمایوں کے بیڈ کے قریب چٸیر رکھے انہیں اس میں سے کچھ سنا رہی تھی۔اور ساتھ دونوں تبصرہ بھی کر رہے تھے۔
پھر احان نے محسو س کیا جیسے ہمایوں نے آنکھیں میچ کر ہونٹ بھینچ کر جیسے کوٸی تکلیف برداشت کر نے کی کوشش کر رہے ہوں۔
احان تیزی سے ان کے قریب گیا۔
کیا ہوا چاچو؟
اس کے سوال پر سیرت نے کتاب سے نظر اٹھا کر ہمایوں کو دیکھا جو سرخ آنکھیں لٸے نفی میں سر ہلا رہے تھے۔
بابا کیا ہوا ہے؟ وہ اپنی جگہ سے اٹھ کھڑی ہوٸی اور پریشانی میں اسے پتہ ہی نہیں چلا کہ اس نے احان کے ہاتھ پر ہاتھ رکھا ہوا ہے۔
کچھ نہیں ہو ابیٹا ۔میں ٹھیک ہوں۔
سیرت تم جاٶ باہر گاڑی میں سمیع تمہارا انتظار کر رہا ہے۔احان نے اس کے ہاتھ کے نیچے سے اپنا ہاتھ نکالتے ہوۓ کہا۔
نہیں میں نہیں جاٶں گی۔میں نے بابا کے پاس رہنا ہے۔
دیکھو ابھی تم گھر جاٶ صبح تم اور سمیع ہاسپٹل آ جانا پھر میں گھر چلا جاٶں گا۔
نہیں ابھی آپ چلیں جاٸیں میں صبح چلی جاٶں گی۔
دیکھو سیرت رات میں تم اکیلے نہیں رہ سکتی جو میں نے کہا ہے وہ کرو۔
بیٹا ضد نہ کرو احان کہہ رہا ہے تو سن لو اس کی بات۔
جی بابا ! اس نے آگے بڑھ کر ہمایوں کی پیشانی پر اپنے لب رکھے اور اپنا بیگ لیتی ہوٸی باہر نکل گٸی۔
احان نے آگے بڑھ کر کھلی کھڑکی کے پٹ بند کیے اور ہمایوں صاحب کے قریب بیٹھ کر ان کا ہاتھ تھام لیا۔
وہ ان کی طرف دیکھنے سے گریز کر رہا تھا۔ وہ جانتا تھا وہ بچپن سے اسے اندر تک جاننے کا ہنر رکھتے ہیں ۔وہ اس کی آنکھوں میں سب کچھ پڑھ لیتے تھے۔
احا ن تم مجھ سے نظریں کیوں چرا رہے ہو۔آخر انہوں نے اسے پکڑ لیا تھا۔
نہیں ایسی تو کوٸی بات نہیں ہے۔
آچھا تم کہتے ہو تو مان لیتا ہوں۔
احان تم سے ایک وعدہ چاہتا ہوں۔
بولیں چاچو۔
بیٹا ! اگر کبھی میں نہ رہا تو سیرت کا خیال رکھنا۔میں نہیں چاہتا میرے بعدوہ ایک بار پھر سے بےساٸبان ہو جاۓ۔
کوٸی آچھا سا لڑکا دیکھ کر اس کی شادی کر دینا۔
گلے میں آنسو کا پھندہ بن جانے کی وجہ سے وہ انہیں کوٸی حوصلہ بھی نہ دے سکا۔وعدہ کرو تم اس کا خیال رکھو گے۔اپنا ہاتھ آگے بڑھاۓ وہ بہت امید سے اسے دیکھ رہے تھے۔
اس نے انکے بڑھے ہوۓ ہاتھ پر اپنا ہاتھ رکھ دیا۔میں او ر آپ دونوں مل کر اس کی شادی کریں گے۔
وہ پھیکا سا مسکر ادٸیے۔
۔۔۔۔ ۔۔۔۔۔۔۔ ۔۔۔۔۔۔۔۔ ۔۔۔۔۔۔
پاکستان میں احان اور عنایا کی شادی میں صرف دو دن رہ گٸے تھے۔
سلمان صاحب کے پوچھنے پر اس نےکہا تھا کہ وہ پہنچ آۓ گا۔
وقت پر لگا کر اڑ گیا اور شادی کا دن بھی آن پہنچا ۔سٹیج پر دلہن بنی بیٹھی عنایا وسوسوں اور خدشوں میں گری تھی۔جس سے نکاح ہونے جا رہا تھا۔اس کی کوٸی خبر نہیں تھی۔
سلمان صاحب کو اس نے کہا تھا کہ وہ صبح چار بجے پہنچ آۓ گا ۔لیکن اب دن کا ایک بج چکا تھا۔اس کا نمبر بھی بند جا رہا تھا۔
بہت بار ٹراۓ کرنے کے بعد وہ تھک ہار کر مایوس ہو کر بیٹھ گٸے۔تبھی ان کے سیل فون پر رنگ ہوٸی۔احان کا نمبر دیکھ کر ان کی جان میں جان آٸی۔
احان کہاں ہو تم؟
بابا میں نہیں آیا۔میں نے آپ کو صرف یہ بتانے کے لٸے کال کی ہے کہ عنایا اور اشعر ایک دوسرے سے محبت کرتے ہیں ۔لیکن انکل نے اپنے سٹیٹس کی وجہ سے ان دونوں کے درمیان غلط فہمیاں پیدا کر دی ہیں۔اس لٸے پلیز آپ ان دونوں کی شادی کرا دیں۔
احان یہ کیا کہہ رہے ہو۔میں نے اپنے دوست کو زبان دی ہے۔اس کی بیٹی دلہن بنی سٹیج پر بیٹھی ہے اور تم کہہ رہے ہو کہ میں کسی اور سے اس کا نکاح کروا دوں۔
احان تم مجھے بہت مایوس کیا ہے۔
جانتا ہوں لیکن میں یہ شادی نہیں کر سکتا۔اشعر میرا بہترین دوست ہے اور میں اس کے ساتھ ایسا کبھی نہیں کر سکتا۔
وہ اور بھی بہت کچھ اس سے کہنا اور پوچھنا چاہتے تھے۔لیکن اس نے کال ڈسکنکٹ کر دی۔
٠احان نے اپنا نمبر بند کرنے سے پہلے ایک کال عنایا کو بھی کی تھی۔
موباٸل ہاتھ میں لٸے عنایا بت بنی بیٹھی تھی۔جب شہباز خان اندر داخل ہوۓ۔
وہ سر جھکاۓ اس کے قریب آ کر بیٹھ گٸے۔
انہوں نے عنایا کے سر پر ہاتھ رکھنا چاہا۔جسے اس نے جھٹک دیا ۔
بابا مجھے آپ سے یہ امید نہیں تھی۔آپ نے اشعر کے ساتھ یہ سب کیوں کیا۔
آپ جانتے ہیں میرے دل میں آج بھی وہی ہے۔میں نے احان کے ساتھ شادی کے لٸے ہاں صرف اس لٸے کی تھی کہ وہ اشعر دوست تھے اور میں اشعر کو نیچا دکھانا چاہتی تھی۔
آٸی ایم سوری بیٹا۔
لیکن آج اس نے ہی میری عزت رکھ لی ہے۔وہ تم سے شادی کرنا چاہتا ہے۔
لیکن میں اس سے شادی نہیں کروں گی۔
پلیز عنایا میں نے تمہارے ساتھ جو کیا ہے اس کا بدلہ تم میرے ساتھ ایسے نہیں لے سکتی ۔باہر سب مہمان موجود ہیں ۔میری عزت دو کوڑی کی رہ جاۓ گی۔اگر آج یہ شادی نہ ہوٸی تو میں مر جاٶں گا۔
باپ کے آنسو دیکھ کر اسے چپ لگ گٸی اور اگلے آدھے گھنٹے میں وہ عنایا شہباز سے عنایا اشعر ہو گٸی تھی۔
۔۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔۔۔۔۔
احان نے ہمایوں اورسیرت کو یہی بتایا تھا کہ شادی فیالحال کینسل کر دی گٸی ہے۔ان دونوں کا ہی پاکستان میں کسی سے رابطہ نہیں تھا۔لیکن سمیع سب جانتا تھا اسنے بس خاموشی اختیار کیے رکھی۔
آہستہ آہستہ ہمایوں کی طبعیت زیادہ خراب ہو رہی تھی۔وہ زیادہ تر دواٶں کے زیراثر سوۓ رہتے تھے۔
سیرت کو احان بس انہی اوقات میں ہاسپٹل لے کر جاتا جب جاگ رہے ہوتے۔
ہمایوں جب حسرت سے سیرت کی طرف دیکھتے تو احان کا دل چاہتا وہ اپنی جان دے کر خدا سے ان کی زندگی مانگ لے۔جب تک وہ ان کے پاس ہوتی وہ بس اس کے چہر ے پر نظریں ٹکاۓ دیکھتے رہتے۔
سیرت بھی ان کی روز روز کی گرتی صحت کے پیش نظر ان کے پاس بیٹھ کر باتیں کرتی رہتی اور جب وہ اس کی باتیں سنتے سنتے نیم غنودگی میں چلے جاتے تو وہ پھوٹ پھوٹ کر رونے لگتی۔
خدا سے شکوے کرتی اور پھر ایک امید سے وضو کر کے جاۓ نماز بچھا کر ان کی زندگی کے لٸے دعاٸیں مانگنے لگتی۔پہروں جاۓ نماز پر بیٹھی رہتی ۔کھانے پینے سونے کا اسے کسی چیز کا ہوش نہیں تھا۔
آج وہ گھر سے ان کے لٸے سوپ بنا کر لاٸی تھی۔
ابھی دو تین چمچ ہی سوپ کے پٸیے تھے۔کہ انہوں نے اس کا ہاتھ تھام لیا۔
سیرت زندگی اور موت خدا کے ہاتھ میں ہے۔ہر زی روح کو ایک دن موت آنی ہے ۔موت ایک اٹل حقیقت ہے۔جس سے نظریں نہیں چرا سکتے۔
سیرت نے روتے ہوۓ ان کے منہ پر ہاتھ رکھنا چاہا لیکن انہوں نے اس کا ہاتھ پکڑ لیا۔
بیٹا آج کہنے دو کیا پتا پھر وقت ملے نہ ملے۔
دیکھو سیرت میرے بعد اگر کسی کی بات ماننی ہے تو وہ احان ہے۔وہ تمہارا خیا ل رکھے گا۔جو وہ کہے اس کی بات مان لینا ۔وہ میرا دوست ،میرا بیٹا ، میرا سب کچھ ہے۔میرے جانے کے بعد وہ ٹوٹ جاۓ گا اس کا خیال رکھنا۔
جانتی ہو جب میرا ایکسیڈنٹ ہوا تھا تو وہ کہیں دن سویا نہیں تھا۔
اس نے میرے خیال کسی ماں کی طرح رکھاہے۔وہ تمہارا بھی خیال رکھے گا ۔مجھے تمہارے لٸے اس کے علاوہ کسی پر بھی یقین نہیں۔
مجھ سے وعدہ کرو جو وہ کہے گا ۔وہ تمہارے لٸے جو فیصلہ کرے گا بلاچوں چراں تم اس کی بات مان لو گے۔
ہمم۔اس نے روتے ہوۓ سر اثبات میں ہلایا اور دونوں باپ بیٹی گلے لگ کر رونے لگے۔دونوں کو خاموش کروانے والا کوٸی نہیں تھا۔
اور دروازے کے باہر کھڑا ان کی باتیں سنتا احان کا دل دکھ سے بھر گیا۔
وہ جب سات سال کا تھا تو وہ بہت بیمار ہو گیا تھا۔
ڈاکٹرز بھی اس کی زندگی سے مایوس ہو گٸے تھے۔ڈاکٹرز نے بتایا تھا کہ اسکے دونوں گردے فیل ہو چکے ہیں۔ اس کے ماں باپ اس کےلٸے ڈونر ڈھونڈنے لگے جو ان کے بیٹے کو گردہ دے سکے۔تب ہمایوں نے خود کو پیش کیا اور اپنا ایک گردہ احان کو دیا۔
احان یہ بات نہیں جانتا تھا۔وہ بہت دن ان سے ناراض رہا کہ وہ اس سے ملنے ہاسپٹل نہیں آۓ۔
لیکن وہ پھر بھی اسے منانے کی کوشش کرتے رہے ۔اور پھر جب وہ کسی طور پربھی راضی نہ ہوا تو دادی نے اسے بتا دیا کہ وہ اس سے ملنے کیوں نہیں آۓ۔
او ر تب احان نے ایک بات سوچ لی اس کی یہ زندگی بس ہمایوں علی خان کی دی ہوٸی ہے۔اور وہ یہ بات کبھی نہیں بھولا۔
۔۔۔۔۔۔ ۔۔۔۔۔۔۔۔ ۔۔۔۔۔۔۔۔۔ ۔۔۔۔۔۔
وہ بہت خوش تھا۔اس کی زندگی کی سب سے بڑی خوشی عنایا آج اس کی زندگی میں شامل ہو گٸی تھی۔
وہ کمرے میں داخل ہوا تو وہ کہیں نہیں تھی۔ وہ جانتا تھا وہ ابھی تک اس سے ناراض ہے۔
وہ کوٹ اور جوتے اتار کر بیڈ پر لیٹ گیا۔تبھی واش روم کا دروازہ کھلا اور خوشبو کاایک جھونکا اشعر کے نتھنوں سے ٹکرایا۔اس نے گردن موڑ کر دیکھا تو بلیو کلر کے سادہ سے سوٹ میں وہ ڈریسنگ کے سامنے کھڑی بال بنا رہی تھی۔
بالوں کو جوڑے کی شکل میں باندھ کر وہ اشعر کی طرف مڑی ۔
میں کہاں سوٶں گی؟
جہاں تمہارا دل کرے۔
آچھا تو پھر تم ایسا کرو یہ تکیہ لو۔اور صوفے پر سو جاٶ بیڈ پر میں سوٶں گی۔
اس کی بات پر وہ تکیہ لٸے اٹھ کھڑا ہوا۔تبھی اس نے دوبارہ سے مخاطب کیا۔
میرا گفٹ کہاں ہے؟
گفٹ صبح ملے گا۔مجھے الہام تھوڑا ہی ہوا تھا کہ میری شادی ہو جاۓ گی جو میں گفٹ پاکٹ میں لٸے گھمتا۔
اوکے صبح یاد سے لے آنا۔مجھے اپنی دوستوں کو دکھانا پڑے گا۔
اوکے! تو پھر یہ بھی بتا دیں گفٹ کیا ہو۔وہ جھنجھلا کر بولا۔
وہ کچھ بھی ہو چل جاۓ گا۔
اوکے ۔
سنو لاٸٹ بند کر دو ۔مجھے روشنی میں نیند نہیں آتی۔
جی محترمہ کوٸی اور حکم۔
جی نہیں اور کچھ نہیں۔
اسے چادر تان کر سوتے دیکھ کر اسے بہت غصہ آیا۔
وہ کیا کیا سوچ کر آیا تھا کہ کسی بھی طرح اسے منا لے گا لیکن اس کا یہ رویہ اس کی سوچ سے بالاتر تھا۔وہ غصے سے لاٸٹ بند کر کے لیٹ گیا۔
۔۔۔۔۔ ۔۔۔۔۔۔ ۔۔۔۔۔۔ ۔۔۔۔۔۔۔
رات کو احان ہی ہاسپٹل میں رکتا تھا۔ سمیع اور سیرت گھر چلے جاتے تھے۔
اسے سوۓ ابھی کچھ ہی پل ہوۓ تھے۔جب اس کے دروازے پر دستک ہوٸی ۔اس نے دروازہ کھولا تو سامنے سمیع تھا۔
سیرت جلدی سے آٶ ہمیں ہاسپٹل چلنا ہے۔
کیوں کیا ہوا ۔”اس نے لڑکھڑاتی آواز میں پوچھا۔“
کچھ نہیں ہوا شاید چاچو کا آپریشن ہو ۔
آچھا میں بس ابھی آٸی ۔اس نے جلدی سے چادر لی اور چپل پاٶں میں اڑستے ہوۓ اس کے ساتھ چل دی۔
جس وقت وہ دونوں ہاسپٹل کے کاریڈو میں پہنچے تو سامنے بینچ پر احان کو سر جھکاۓ بیٹھے دیکھ کر سیرت کے پاٶں سست پڑ گٸے۔
سمیع نے اس کے قریب جا کر جب اس کا کندھا ہلایا تو وہ سیدھے ہوتے ہوۓ سمیع کے گلے لگ کر رونے لگا۔
اسے روتا دیکھ کر سیرت کے پاٶں نے آگے چلنے سے انکاری ہوۓگٸے ۔احان کی نظر جب سیرت پر پڑی تو وہ سمیع سے الگ ہوتے ہوۓ اس کی طرف بڑھا۔اور اس کے قریب پہنچ کر اسے گلے لگا لیا۔
اور دونوں ہچکیوں سے رونے لگے۔
سیرت ہمایوں کی لاش سے لپٹ کر اتنا روٸی کہ احان اور سمیع نے بہت مشکل سے اسے سنبھالا۔
پھر اسے کچھ پتہ نہیں چلا کس طرح وہ لوگ پاکستان پہنچے۔
پاکستان پہنچانے پر دادی سے لپٹ کر سیرت نے وہ آہ وبکا کی ہر آنکھ اشکبار ہو گٸی۔
جنازہ اٹھانے کے لٸے جب سب آۓ تو کہیں دنوں کے رونے اور کھانا پینا چھوڑنے کی وجہ سے وہ دعا کرتے کرتے پاس کھڑے احان کی بازٶں میں جھول گٸی۔
احان نے اسے تھام کر دادی اور عنایا کے حوالے کیا۔
۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔