Yaar Yarun Sy Ho Na Juda by Zainab Khan NovelR50715 Yaar Yarun Sy Ho Na Juda by Zainab Khan Episode 17,18

“صبح عباد بخاری اور عدیل خانزادہ کے آنے کے بعد وہ دونوں گھر چلے گئے تھے چیک اپ کے بعد زرنور کو بھی ڈسچارج کر دیا گیا تھا لیکن پرسکون رہنے اور آرام کی ہدایت کی گئی تھی اس کے گھر انے کے تھوڑی دیر بعد مناہل اور لائبہ بھی آ گئی تھی اس کے منہ سے حقیقت جان کر وہ دونوں بھی شاکڈ رہ گئی تھی “مجھے تو یقین ہی نہیں آ رہا کے یہ احمد اتنا بڑا پلینر بھی ہو سکتا ہے “لائبہ

نے حیرت سے کہا تھا “اس کا مطلب تو یہ ہوا زر کے تمہارا نکاح ارمان یعنی احمد سے ہی ہوا ہے ؟” “بد قسمتی سے ” مناہل کے پوچھنے پر وہ زہر خند لہجے میں بولی تھی “توبہ کتنا تیز ہے یہ احمد ..ہمارے سامنے تو اتنا شریف اور سنجیدہ سا رہتا تھا بھنک بھی نہیں لگنے دی اسنے اپنے کارنامے کی .لیکن یار اس نے یہ بات چھپائی کیوں ؟” لائبہ نے نہ سمجھی سے کہا تھا “تماشہ جو بنوانا چاہتا تھا میرا ..” وہ اسی انداز میں بولی “تمہیں تو شکر کرنا چاہیے زرنور ..کے جس سے تمہیں محبّت ہوئی وہ کوئی اور نہیں بلکے تمہارا شوہر ہے پہلے سے ..”مناہل کی کہی گئی بات لائبہ کے لئے حیران کن تھی

لیکن زرنور کے منہ میں کڑواہٹ سی گھل گئی “میں اس سے محبّت نہیں کرتی مناہل ..عشق کرتی تھی..!! ..میں نے اسے ہر چیز س بڑھ کر چاہا تھا اپنے دل میں اسے وہ مقام دیا تھا جو آج تک کسی کو بھی نہیں دیا ..لیکن مجھے نہیں پتا تھا کے وہ ایسا کرے گا میرے ساتھ ..اس کے لئے میرا عشق اب نفرت میں بدل چکا ہے ..” وہ خود کو رونے سے باز رکھ رہی تھی لیکن آنسو تھے کے اس کے گالوں پر بہے جا رہے تھے خود کے اتنی آسانی سے بیوقوف بن جانے کا دکھ اسے شدّت سے ہو رہا تھا “زری ..اس طرح مت روؤ یار ..پھر طبیعت خراب ہو جائے گی تمہاری ..” لائبہ نے نرمی سے کہا تھا ” سہی کہ رہی ہو لائبہ میں کیوں ایسے شخص کے لئے آنسو بہاؤں ..جو میرا کچھ لگتا ہی نہیں ہے ..اور مناہل تم نے کیوں نہیں بتایا مجھے ؟ حارث نے تو تمہیں کچھ بتایا ہوگا نہ ؟” “حارث مجھ سے اپنے پرسنلز شئیر نہیں کرتا زری ..اور جہاں تک میرا خیال ہے تو اسے اس بارے میں نہیں پتا ہوگا کچھ ..” “تم کہاں جا رہی ہو لائبہ ؟” مناہل نے اسے اٹھتے دیکھ کر کہا ” میں کچھ بنا کر لے آؤں زرنور کے لئے ..پھر میڈیسن بھی تو دینی ہے نہ ؟ ” “کچھ مت بناؤ لائبہ ..میرا بلکل موڈ نہیں کچھ کھانے کا ..بس چاۓ بنا دو ” وہ بیڈ کی بیک سے ٹیک لگاتے ہوئے بولی “مجھے تو لگتا ہے کے تمہارے اندر خون نہیں بلکے چاۓ دوڑتی ہے ..لیکن جب تک تم کھانا کھا کر دوا نہیں لوگی ..تمہیں چاۓ بھی نہیں ملے گی “وہ دھمکاتے ہوئے بولی تھی “اسلام و علیکم ..” دروازے پر دستک ہوئی تھی ان تینوں نے ہی چونک کر دیکھا تھا جہاں انوشے ہاتھ میں ایک خوبصورت سی باسکٹ لئے کھڑی تھی “وعلیکم سلام بھئی …آج تو تم نے بھی ہمّت کر ہی لی آنے کی ” لائبہ اور مناہل اٹھ کر اس سے ملنے لگی “جو کام میں نہ کر سکی وہ میری بیماری نے کر دیا انوشے ..”زرنور نے مسکرا کر کر کہا وہ ہنس دی تھی “اب کیسی طبیعت ہے تمہاری .؟ “اس نے باسکیٹ اسے پکڑا کر وہیں بیٹھتے ہوئے کہا “اب بہتر ہے ..ارے یہ کیا ہے ؟” زرنور نے وہ باسکیٹ دیکھتے ہوئے پوچھا تھا جو چاکلیٹ اور کینڈیز سے بھری ہی تھی .جسے کافی خوبصورتی سے سجآیا ہوا تھا “یار میری تو سمجھ نہیں آتا کے جب کوئی بیمار ہوتا ہے تو اس کے لئے صرف فروٹس ہی کیوں لے کر جاتے ہیں ؟جب کے بیماری میں تو فروٹ کھانے کا دل ہی نہیں کرتا ..اسی لئے میں نے سوچا کے کیوں نہ کچھ اور ٹرائی کرو ” “بلکل ٹھیک کہا انوشے .بیماری میں تو مجھے سب سے زیادہ برے فروٹس ہی لگتے ہیں لیکن پھر بھی کھانے پڑتے ہے “لائبہ منہ بنا کر بولی “انوشے تم نے یہ خود بنائی ہے ؟” مناہل نے اس سے پوچھا تھا “ہاں میں نے بنائی ہے ..” “بہت خوب یار ..سچ میں بہت پیاری لگ رہی ہے ..میرا تو اس میں سے کچھ نکالنے کا بھی دل نہیں کر رہا ..کے کہیں یہ خراب نہ ہو جائے..تھینک یو سو مچ انوشے ” زرنور نے پیار سے کہا تھا لائبہ اور مناہل مطمئن تھی کے چلو اس کا زہن احمد کی طرف سے تو ہٹا “لیکن انوشے ..اگر اس باسکیٹ میں چاکلیٹس کی جگہ چاۓ کے بہت سارے کپ ہوتے نہ تو ..پھر تو اس نے کچھ دیکھنا ہی نہیں تھا کے کون سی سجاوٹ کہاں کی سجاوٹ …منٹوں میں سارے کپ خالی کر دیتی یہ ” لائبہ ہنستے ہوئے کہ رہی تھی زرنور جھینپ گئی تھی وہ سب ہنسنے لگی “مناہل بجو ..ماہین آپی کہ رہی ہیں کے تھوڑی دیر کے لئے رضا کو لے لیں ..وہ کچن میں کام کر رہی ہیں ..” جبھی بازل رضا کو گود میں لئے اندر آیا تھا مناہل نے آگے جا کر اسکو گود میں لیا تھا اور چٹاچٹ اس کے گال چومے تھے اس کو دیکھ کر بازل نے برا سا منہ بنایا تھا “تمہیں کیا ہوا بھئی ؟ ایسے منہ کیوں بنا رہے ہو ؟” مناہل نے رضاکو پیار کرتے ہوئے کہا “مجھے تو سمجھ نہی آتا کے آپ سب لڑکیاں ..بچوں کو اتنا چومتی کیوں ہیں ؟” “ہاہا ..یہ تو ہمارا پیار ہے بازل میاں اور تم تو ابھی بڑے ہوئے ہو تمہیں پتا ہے جب تم بچے تھے تو ہم تمہیں بھی ایسے ہی پیار کرتے تھے ..لیکن اب تم بڑے ہو گے ہو اس لئے تمہاری جگہ رضا نے لے لی ..”لائبہ نے ہنستے ہوئے کہ کر مناہل سے رضا کو لیا تھا بازل تو اس کی بات سن کر بری طرح جھینپا تھا اور کمرے سے ہی چلا گیا تھا پیچھے پورا کمرہ ان چاروں کی کھلکھلاہٹو سے گونج رہا تھا “میں تو پہلے ہی کہ رہا تھا کے کوئی تعویز وغیرہ اپنے ساتھ رکھ لو ..آخر کو چڑیلوں کے اڈے پر جا رہے ہیں ..دیکھو ذرا کیسے قہقے لگا رہی ہیں ..ضرور ہمارا خون پینے کے منصوبے بنا رہی ہو گی ..چلو جلدی سے آیتہ الکرسی پڑھو ..”حیدر کہتے ہوئے کمرے میں آیا تھا اس کے پیچھے وہ سب بھی تھے “بے فکر رہو حیدر ہم تمہارا خون نہیں پیے گی ..کیوں کے چڑیلیں کبھی بھوتوں کا خون نہیں پیتی ..” لائبہ نے بےنیازی سے کہا ” واہ بھابی کیا بات کہی ہے ..اسی بات پر تالیاں تو بنتی ہے آپ کے لیے ..” حیدر کہتے ہوئے تالیاں بھی بجائی تھی جبھی اس کی نظر بیڈ پر زرنور کے ساتھ بیٹھی انوشے پر پڑی تھی اس کا رخ زرنور کی طرف تھا لیکن حیدر پھر بھی اسے پہچان گیا تھا کیوں کے اس نے سر پر دوپٹہ لیا ہوا تھا اس نے پلٹ کر تیمور کو دیکھا جو موبائل پر مصروف تھا حیدر کے لبوں پر شرارتی مسکراہٹ مچلی تھی “ہاں بھائی تیمور ..کہاں تک پہنچی تیری کہانی ؟..ہماری بھابھی مانی یا نہیں ؟؟” وہ جان بوجھ کر تیمور کے سامنے جا کر کھڑا ہوا تھا تاکے وہ انوشے کو دیکھ نہ سکے “ابے کہاں یار ..اتنی آسانی سے ماننے والی نہیں ہے ..نہ جانے کیسی پتھر دل لڑکی ہے کسی چیز کا اثر ہی نہیں ہوتا اس پر ..” وہ موبائل پر جھکے ٹائپنگ کرتے ہوئے بولا حیدر کا دل زور زور سے قہقے لگانے کو چاہ رہا تھا “اگر اس نے شادی سے انکار کر دیا تو ؟؟” وہ مسکراہٹ دباتے ہوئے پوچھا “کر کے تو دکھاۓ “ریاض اور اشعر کی نظر بھی پڑ گئی تھی انوشے پر اس سے پہلے کے وہ تیمور کو کچھ کہتے حیدر نے انہیں خاموش رہنے کا اشارہ کیا “انوشے کا بس نہیں چل رہا تھا کے اٹھ کر اس کی گردن مروڑ دے ..” اچھا تیمور یہ تو بتا تجھے بھابھی لگی کیسی ..آئی مین اچھی لگی یا بہت اچھی ؟” “ہاں ہاں بتا بتا ..” وہ دونوں بھی حیدر کی ہاں میں ہاں ملانے لگے تھے “خیر لڑکی تو اچھی خاصی ہے ٹھیک ہے ..لیکن ایک تو اس کی آنکھیں اتنی بڑی بڑی ہے اوپر سے اس کا چشمہ ..اور جب وہ گھورتی ہے تو اف ..مت پوچھ کیا حال ہوتا ہے تیرے بھائی کا ویسے ایک بات …!!” “ارے انوشے جی ..آپ بھی ہیں یہاں پر ..کیسی ہیں آپ ؟” حیدر کی آواز پر تیمور کی حرکت کرتی انگلیاں تھمی تھی وقت اس کے لئے جیسے رک سا گیا تھا اس نے چونک کر سر اٹھا کر سامنے دیکھا تھا جہاں زرنور کے بیڈ کے پاس واقعی میں انوشے غصّے سے لال ہوتی کھڑی تھی اس کے ہاتھ سے موبائل گرتے گرتے بچا تھا ” ان انوشے ..تت تم بھی ہو یہاں.. پر ..”وہ حواس باختہ انداز میں بولا “یہ کیا چکر ہے بھئی ؟” وہ تینوں حیرت سے ان کا ڈرامہ دیکھ رہی تھی “مناہل ..یہ تیمور والی ہے “حیدر نے رازداری سے کہا تھا لیکن اتنی آواز سے ضرور کہا تھا کے وہاں موجود سب نے باآسانی سن لیا تھا “کمینے بتا نہیں سکتا تھا ؟” تیمور نے دانت کچکچاۓ تھے جب کے وہ تینوں ہنسی سے بےحال ہو رہے تھے “رک تجھے تو میں بتاتا ہوں ..” تیمور حیدر کو مارنے لپکا تھا اور وہ ایک ہی جست میں وہاں سے باہر بھاگا تھا “مناہل رضا کو لو .. میں کچن میں جا رہی ہوں .. چا ۓ وغیرہ کا دیکھوں ” لائبہ نے کہتے ہوئے رضا کو مناہل کو دیا تھا “رکو لائبہ ..میں بھی تمہارے ساتھ چلتی ہوں ..” انوشے نے کہا .” ارے بیٹھو بھئی تم کہاں جا رہی ہو ..پہلی دفع تو آئی ہو” وہ تینوں اسے منع کرنے لگی تھی “یار میں مہمان تھوڑی ہوں ..” وہ ناراضگی سے بولی “اچھا ٹھیک ہے آجاؤ ..واقعی میں تم “اب” مہمان نہیں ہو ..” لائبہ نے شرارت سے اب پر زور دیتے ہوئے کہا اور اسے لئے کچن کی جانب بڑھ گئی ..

________________________

“گل زرین ..کافی بنا دو یار سر میں درد ہو رہا ہے ..پھر میرے کپڑےبھی پریس کر دینا ..” وہ دوپہر کے تین بجے سو کر اٹھی تھی ابھی بھی لاؤنج میں پڑے صوفے پر آ کر لیٹ گئی تھی “کیا ہوا بھئی ایسے کیوں دیکھ رہی ہو ؟” اس نے سر کے نیچے کشن ٹھیک کرتے ہوئے خود کو حیرت سے تکتی گل زرین سے کہا “وہ جی مجھے لگا تھا کے آپ کہو گی “گل زڑین .. کافی بنا دو یاڑ ..سڑ میں دڑد ہو ڑہا ہے پھڑ میڑے کپڑے بھی پڑیس کڑ دینا ..لیکن آپ نے تو ان میں سے کسی میں بھی “ڑ “نہیں لگایا …” وہ اتنی سادگی سے بولی کے یشفہ ہنس پڑی کیوں کے پیچھلے ایک ہفتے سے وہ ہر بات میں” ڑ “لگا رہی تھی جس کی وجہ ہر کوئی ہی اس سے تنگ آیا ہوا تھا “خیریت ہے بھئی ؟ یہ صبح ہی صبح اتنی کھلکھلاہٹیں کیوں پھیلائی جا رہی ہے ؟” نک سک سے تیار راحم نے لاؤنج میں آتے ہوئے پوچھا تھا اس کو دیکھ کر یشفہ بھی اٹھ کر بیٹھ گئی تھی “صاحب جی ..تین بج رہے ہیں ..اور آپ کہ رہے ہو صبح ہی صبح ..” گل زرین نے حیرانی سے کہا ” ہاہا اس ملکہ کے لئے تو صبح ہی ہے ..ویسے کافی تو پلاؤ گل ..” وہ کہتے ہوئے سنگل صوفے پر بیٹھ گیا تھا “تمہاری پینلٹی میں نے پوری کر دی ہے حائم ..اور میں توبہ کرتی ہوں جو آیندہ تمہارے ساتھ کوئی بیٹ لگاؤں ..”اس نےہنستے ہوئے کانوں کو ہاتھ لگاے “میں نے تو تم سے پہلے ہی کہا تھا یشفہ کے تم کبھی جیت نہی سکتی مجھ سے ..لیکن تم ہر دفع مجھ سے بیٹ لگاتی ہو اور ہر دفع ہار جاتی ہو ” “پینلٹی بھی تو پوری کرتی ہوں نہ پھر ..”وہ دوبدو بولی ” ہاں یہ تو ہے لیکن کل جو کچھ بھی ہوا ..بلکل بھی اچھا نہیں ہوا “وہ سنجیدہ ہوا ” “وہ تمہاری وجہ سے ہی ہوا ” “میری وجہ سے ؟؟” وہ حیرانی سے بولا “ہاں تمہاری وجہ سے ..نہ تم مجھ سے بیٹ لگاتے ..نہ میں ہارتی ..نہ تم مجھے وہ فضول سے پینلٹی دیتے ..اور نہ ہی اس بیچارے کو مکّا کھانا پڑتا ..” “میں نے تمہیں پینلٹی دی تھی کے تم نے ایک ہفتے تک ہر بات میں ر کی جگہ ڑ لگانا ہے یہ تھوڑی کہا تھا کے مار پیٹ ہی شروع کر دو ..” “وہ میرا مذاق اڑا رہا تھا حائم ..اور تمہیں تو پتا ہے کے مجھے غصّہ کتنی جلدی آتا ہے ..بس ہاتھ اٹھ گیا میرا ..” وہ لاپروائی سے بولی “ہاتھ اٹھ گیا کی بچی ..اگر ماموں کو پتا چل گیا تو ؟؟”اس نے ڈرانہ چاہا ” نہیں پتا چلے گا..تم بے فکر رہو ” “وہ لڑکا تم سے پیسے کیوں مانگ رہا تھا ؟ وہ بھی اتنی بڑی رقم ؟” وہ یاد آنے پر بولا تھا تب یشفہ نے اسے اس دن والی ساری بات بتا دی تھی راحم نے اپنا سر تھام لیا تھا “مجھے نہیں پتا تھا یشفہ..کے تم نے یہ حرکتیں بھی شروع کر دی ہے ..اور ماموں کہتے ہیں کے میں نے تمہیں بگاڑا ہے ..” وہ تاسف سے بولا “تم نے ہی تو بگاڑا ہے ” اس نے مزے سے کہا ” کیا کہا ..میں نے بگاڑا ہے ؟” وہ اسے گھورنے لگا تھا وہ ہنسنے لگی “ویسے تم نے اچھا نہیں کیا ..پہلے اس لڑکے کی گاڑی خراب کر دی .اور اب اس پر ہاتھ بھی اٹھایا …اگر اس نے تمہیں کوئی نقصان پہنچانے کی کوشش کی تو ؟”راحم نے فکرمندی سے کہا ” “تم ڈر گئے حائم ؟” “ڈرنے کی بات نہیں ہے ..وہ واقعی میں کوئی چھوٹا موٹا انسان نہیں ہے ..آسانی سے اسے نظر انداز نہیں کیا جا سکتا ..” “تو کیا ہوا اگر اوہ ایم این اے کا بیٹا ہے تو ..میں بھی تو پاکستان کے سب سے بڑے بزنس ٹائیکون کی بیٹی ہوں “وہ فخر سے بولی ” واؤ ..وہاٹ آ پرفیکٹ میچ ..کیا خیال ہے بات چلائیں آگے ؟” اسنے شرارت سے کہا تھا اور یشفہ نے اسے غصّے سے کشن کھنیچ کر مارا “تم کیا آج صرف اس کی وکالت کرنے آے ہو ؟ہاں …اور پلیز اب بند کر دو یہ حیدر نامہ بور ہو چکی ہوں میں ..” اس نے کافی کا گھونٹ بھرتے ہوئے کہا “واہ بھئی ..نام بھی یاد کر لیا تم نے تو ” وہ اسے چھیڑ رہا تھا “فضول نہیں بولو حائم ..ورنہ یہ کپ میں تمہارے اوپر گرا دوں گی ..” وہ دھمکاتے ہوئے بولی ..” اچھا ٹھیک ہے ..نہیں بول رہا فضول ..یہ بتاؤ لنچ کر لیا تم نے ؟” “ابھی تو اٹھی ہوں ” “چلو پھر دس منٹ ہے تمہارے پاس جلدی سے ریڈی ہو جاؤ باہر سے لنچ کریں گے ” “ہیں سچی ؟؟” وہ خوشی سے بولی “بس ابھی آئی .” وہ کافی کا بھرا ہوا مگ رکھ کر اٹھ کر تیار ہونے بھاگی راحم اس کے بچپنے پر ہنس دیا تھا اور کپ اٹھا کر کافی کے سپ لینے لگا ..

________________________

“ارے میری بھابھیوں ..کچھ کھانے کو دے دو مجھے ..بھوک سے برا حال ہو رہا ہے یہ نہ ہو کے میں یہی گر جاؤں ..” حیدر ہاۓ واۓ کرتا ہوا آیا تھا اور ڈائینگ ٹیبل کر گرد رکھی کرسی پر گرنے کے سے انداز میں بیٹھا تھا “کھانا تو تمہیں مل جائے گا حیدر ..لیکن پہلے یہ بتاؤ کے تم نے بھابھیوں کسے کہا ہے ؟” ماہین نے مسکراہٹ دباتے ہوئے کہا حیدر نے چونک کر سر اٹھایا جہاں مناہل اور انوشے اس کو گھور رہی تھی “ہاہا میں نے تو آپ کو کہا ہے بھابھی ” وہ کھسیاہٹ سے بولا “میں تو صرف بھابھی ہوں ..لیکن تم نے بھابھیوں کہا ہے ” وہ زور دے کر بولی “اچھا ..تو لائبہ ..ہاں لائبہ کہاں ہے ؟ میں نے اسے بھی تو کہا ہے ..ہاں لائبہ کو کہا ہے ” وہ سکون سے بولا شکر کے بروقت بہانہ سوجھ گیا “لیکن لائبہ تو یہاں نہیں ہے ” ماہین بھی اطمینان سے بولی ” حیدر کی مسکراہٹ سمٹی “کیا؟ …وہ یہاں نہیں ہے ؟” ” نہیں …” ” یار ماہین بھابھی ..کیوں صبح ہی صبح آپ نے میری گردن اڑوانے کا ٹھیکہ لے لیا ہے ؟ ” وہ چہرے پر مسکینیت طاری کرتے ہوئے بولا جس پر وہ ہنس پڑی .” “تین بج رہے ہیں ..وہ بھی دوپہر کے ..اور تمہیں صبح لگ رہی ہے ” اس کے ساتھ بیٹھی انوشے نے ٹرے میں کباب کا مصالہ رکھے ٹکیاں بناتے ہوئے حیرت سے کہا “جس وقت میری آنکھ کھلتی ہے وہ ہی میرے لئے صبح کا وقت ہوتا ہے ..اور آج میں دو بجے اٹھا ہوں اسی لئے ابھی میری صبح ہی چل رہی ہے “وہ اطمینان سے بولا ” تم دو بجے اٹھے ہو حیدر ..رات کے سوئے ہوئے ؟” مناہل نے بریانی کو دم دیتے ہوئے حیرت سے کہا “رات کو کہاں مناہل ..میں تو صبح کے دس بجے سویا ہوں ..ایک تو ساری رات نہیں سویا ..اور جب سویا تو صرف چار گھنٹے .اس لئے سر میں درد شروع ہو گیا میرے تو ..” اس نے پیشانی مسلتے ہوئے کہا “اتنی دیر سے ٹھیک بیٹھا تھا لیکن آپ لوگوں نے یاد دلا دیا اس لئے پھر سے درد شروع ہو گیا ..” “اچھا بتاؤ پھر کھانا کھاؤ گے یا ناشتہ بنا دوں ؟” ماہین نے اس سے پوچھا ..” ناشتہ ہی بنا دیں بھابھی …اس کے بغیر تو مجھ سے چلا بھی نہیں جاتا “ویسے یہ تو بتاؤ کے تم ساری رات کر کیا رہے تھے جو صبح دس بجے سوۓ ہو ؟” مناہل اپنا کام ختم کر کے سبزیوں کی ٹوکری چھری اور ٹرے اٹھا کر اس کے پاس آ بیٹھی تھی ” میں نہیں بتا سکتا مناہل .مت پوچھو ..” “ارے نہیں بتاؤ نہ کیا ہوا ” “چھوڑو یار پھر کبھی بتاؤں گا .” اس نے ٹالنا چاہا “نہیں تم ابھی بتاؤ ..” ” میں نہیں بتا سکتا یار تمہاری برداشت سے باہر ہے ” ” کسی کا مرڈر ہو گیا کیا ؟” ” کسی کے مرڈر کا میری نیند سے کیا تعلق ؟” ” تو کیا اس سے بھی زیادہ خوفناک بات ہے ؟؟” ” ہاں انو شے جی ..اس سے بھی زیادہ خوفناک بات ہے اگر آپ سن لیں تو آپ کی نیند بھی اڑ جائے ..” وہ گہری سنجیدگی سے بول رہا تھا “کسی کی گاڑی واڑی تو نہیں چھین گئی پھر ؟” “افوہ مناہل ..تھوڑا بڑا سوچو ..بڑا ” ” کیا بڑا سوچوں حیدر ؟ نہ کسی کی گاڑی چھینی ہے نہ کسی کا مرڈر ہوا ہے ..پھر تمہاری نیند کیوں اڑ گئی ؟” وہ جھنجھلا کر بولی “آپ لوگوں کی سوچ بس یہی تک ہے …پتا ہے کل کیا تھا ؟؟” وہ پراسرار انداز میں بولا ” کیا تھا ؟؟” وہ تینوں اپنا کام روکے اس کو سن رہی تھی ” اف ..اپ لوگوں کو یہ ہی نہیں پتا کے کل کیا تھا ؟” وہ حیرت سے بولا ” ہاں تو بتاؤ نہ کے کل کیا تھا ؟” “یا اللہ بھابھی کس دنیا میں جی رہے ہیں آپ لوگ …یہ ہی نہیں پتا کے کل کتنا بڑا دن تھا ” وہ افسوس سے بولا”اب بتا بھی دو حیدر ..” “ارے بھئی کل نیوائیر نائٹ تھی نہ ..بہت سارے پٹاخے پھاڑے تھے میں نے …خواب میں بھی ان کو آوازیں آ رہی تھی ..ٹھاہ ٹھاہ ..ڈھز ڈھز ..اسی لئے نیند نہیں آئی مجھے “وہ سر کھجاتے ہوئے بولا انوشے جو کوکنگ رینج کے سامنے کھڑی اس کو سن رہی تھی کے نجانے کیا بولنے والا ہے یہ نفی میں سر ہلاتی پھر سے کباب فرائی کرنے لگی “تمہارے ڈرامے ختم کیوں نہیں ہوتے حیدر ؟” مناہل نے تپ کر کہا تھا “ارے میں ڈرامے کہاں کر کر رہا ہوں ؟ میں تو بس آپ لوگوں کو ہنسانے کی کوشش کر رہا تھا..” “تم کسی کامیڈی شو کی میزبانی کیوں نہیں کر لیتے ؟ ..اگر اسی طرح تم سب کو ہنساتے رہے نہ حیدر ..تو اور کچھ ہو نہ ہو ..میرے ہاتھوں ضرور قتل ہو جاؤ گے تم ؟” “یار انوشے بھابھی ..میری تو کوئی عزت ہی نہیں ہے اب تو لڑکیاں بھی مجھے قتل کی دھمکیاں دینے لگی ہے کل رات بھی ایک لڑکی نے مجھے گولیوں سے اڑنے کی دھمکی دی تھی .اور آج یہ مناہل دے رہی ہے ..اب آپ ہی بتاۓ قتل کی دھمکیآں ملنا وہ بھی لڑکیوں کی طرف سے یہ کوئی اچھی بات ہے انوشے بھابھی ؟؟” وہ معصومیت سے پوچھ رہا تھا ” تم ایک کام کرو حیدر ..” وہ آنچ کم کرتے ہوئے بولی “جی جی بھابھی بتاۓ ..” “جو جو دھمکی دیتا ہے نہ تمہیں قتل کی ..” ” ہاں ہاں کیا کروں ان کا ؟” حیدر کو لگا کے وہ کوئی مشورہ دینے لگی ہے “ان کی لسٹ میں تم میرا بھی نام ایڈ کر لو ..” وہ بظاہر مسکرا کر مگر چبا کر بولی تھی ماہین اور مناہل ہنسنے لگی “معاف کیجیے گا بھابی سوری انوشے جی ..لیکن اس میں میری کوئی غلطی نہیں ہے میں تو آپ کو دل سے بہن صرف کہتا ہی نہیں مانتا بھی ہوں ..لیکن اس تیمور نے ہی ہمارے دماغ میں یہ سب بھرا ہے کے جب بھی آپ کا نام لیں تو ساتھ میں بھابھی ضرور لگایا کریں …”اس نے سارا ملبہ تیمور پر گرایا تھا “ارے واہ ..تم تو بڑے فرمابردار ہو ” وہ طنز سے بولی “جی جی راہ چلتے لوگ تعریف کرتے ہیں .” “جس کی تمہیں فرمابرداری کرنا ہے کرو لیکن اب بہن کہا ہے تو بہن ہی کہو میرے نام کے ساتھ یہ فضول کے الفاظ لگانے کی ضرورت نہیں ہے “اس نے پلیٹ میں کباب نکال کر اس کے سامنے رکھتے ہوئے اس پر واضح کیا تھا کے اسے حیدر کی یہ شوخیاں قطآ نہیں پسند “ارے آپ فکر ہی مت کریں اب بہن کہا ہے نہ تو بھائی بن کر دکھاؤں گا میں آپ کو ..اگر اس تیمور نے آپ کو تنگ کیا ہے تو بتاۓ ابھی جا کر اس کی گردن پکڑتا ہوں ..” “بس بس پہلے ناشتہ کر لو ..” ماہین نے جلدی سے اس کے سامنے ناشتے کی ٹرے رکھی تھی کے کہیں وہ واقعی میں اپنے کہے پر عمل نہ کر دے “مناہل تم تو بہت ہی سست ہو بھئی ..ادھے گھنٹے سے بیٹھی ہو اور بھی تک تمہاری سلاد نہیں بنی ..کیا بنے گا تمہارا ..ناک ہی کٹواؤ گی سسرال جا کر ..” وہ پلیٹ میں سے کھیرا اٹھا کر کباب کے ساتھ کھاتے ہو افسوس سے بولا وہ اس کو تیز نظروں سے گھورنے لگی “اگر تم یہ سبزیاں کھانا بند کر دو نہ تو آرام سے بن جائے میری سلاد ..” اس نے کہتے ہوئے پلیٹ ہی اس کے پاس سے اٹھا لی تھی “ماشاءاللہ.. آج تو کچن میں رونق لگائی ہوئی ہے میری بھابھیوں نے ..” جبھی اشعر بلند آواز میں کہتا ہوا اندر آیا تھا ” اشعر اب تم نے کسے کہا ہے یہ بھابھیوں ؟؟” ماہین نے شرارت سے کہا تھا ساتھ ہی انوشے اور مناہل کے تپے ہوئے چہرے بھی دیکھے “آپ تینوں خواتین کو ہی کہا ہے ” وہ بےفکری سے کہتا ہوا حیدر کر ساتھ والی چیئر پر بیٹھ گیا تھا ساتھ ہی مناہل کے آگے رکھی پلیٹ میں سے کھیرے کا ٹکڑا اچک لیا ” اشعر ….واپس رکھو اسے ..” وہ غصّے سے بولی ” کیا ہو گیا ہے یار کھیرا ہی تو ہے کون سا میں نے تم سے کشمیر چھین لیا جو ایسے ری ایکٹ کر رہی ہو ” اس نے ہنستے ہوئے کہ کر اب گاجر کا پیس اٹھا کر منہ میں رکھا “ارے اب گھور کیوں رہی ہو ؟ اچھا لاؤ میں بنا دیتا ہوں تمہاری سلاد ..” “مہربانی تمہاری ..” اس نے فورآ سے باسکٹ ٹرے اور چھری اشعر کے سامنے رکھی “ہاں تو ماہین بھابھی ..آپ مجھ سے کیوں پوچھ رہی تھی ؟” “بات یہ ہے کے اشعر …مجھے تو کوئی اعترض نہیں ہے تمہارے بھابھی کہنے سےلیکن …ان دونوں کو ہے ” اس نے چاۓ کپوں میں ڈالتے ہوئے ہنستے ہوئے کہا اشعر نے مناہل اور انوشے کو دیکھا تھا جو خطرناک تیوروں سے گھور رہی تھی حیدر تو چپ چاپ بیٹھا ایسے ناشتہ کر رہا تھا جیسے وہاں ہو ہی نہیں نہ جانے کس گہری سوچ میں گم تھا اشعر نے تھوک نگلا تھا “جان بوجھ کر نہیں کہتا بس …منہ سے نکل جاتا ہے ..” اس نے عذر تراشا تھا “اپنے منہ کو تم کنٹرول میں رکھا کرو ..” مناہل نے اسے گھورتے ہوئے کہا ” اہاں …کافی دیر سے ایک کشش مجھے کچن کی جانب کھینچ رہی تھی اب پتا چلا یہ تو کبابوں کی خوشبو ہے جو مجھے یہاں کھینچ لائی ..”تیمور نے کوکنگ رینج کے سامنے کھڑی انوشے کو دیکھ کربلند آواز سے کہا تھا ” آجاؤ آجاؤ ..تمہاری ہی کمی تھی “مناہل نے دانت پیسے تھے اور کپوں کی ٹرے اٹھا کر باہر چلی گئی تھی “اسے کیا ہوا ؟” تیمور نے حیرت سے پوچھا “کہتی ہے کے مجھے بھابھی مت کہو …” اشعر نے نفاست سے کھیرے کے سلائس کاٹتے ہوئے کہا “اس میں ناراض ہونے والی کون سی بات ہے ؟..خیر تم لوگ بھائی کس کے ہو ؟ ہمارے نہ ؟ اسی لئے جو میں نے اور حارث نے تم سے کرنے کے لئے کہا ہے وو ہی کرنا ..” تیمور نے ایک نظر انوشے کو دیکھنے کے بعد کہا تھا ” دیکھ لیں انوشے جی یہ آپ کے سامنے ہی ہمیں بھابھی بولنے کے لیے کہ رہا ہے اور جب ہم بولتے ہیں تو آپ کو اعترض ہوتا ہے “اشعر نے انوشے سے کہا جو کبابوں کو ٹرے میں سجا رہی تھی “کیوں بھئی تم نے انہیں منع کیا ہے ؟” انوشے کے ہاتھ ساکت ہوئے تھے اسے بلکل بھی توقع نہیں تھی کے وہ ان سب کے سامنے اتنی بے باکی سے اس سے یہ پوچھے گا اس نے سر اٹھا کر اس کو دیکھا تھا جو پہلے سے ہی اس کو دیکھ رہا تھا وہ اس کے ساتھ ہی تو کھڑا تھا کباب لینے کے بہانے آیا اور پھر اس کے ساتھ ہی کھڑا ہو گیا اس نے مشکل سے اپنے اندر اٹھتی غصّے کی لہر کو دبایا تھا ورنہ دل تو کر رہا تھا کے اس کا منہ ہی نوچ لے “تیمور ..میری بہن کو تنگ مت کر ..ہٹ وہاں سے یہاں آ کر بیٹھ ..” حیدر کے سنجیدگی سے کہنے پر وہ چونکا تھا ” تجھے کیا ہوا حیدر ؟” اس نے کباب کا ٹکڑا منہ میں رکھتے ہوئے حیدر سے کہا “آج سے انوشے میری بہن ہے اسی لئے میں برداشت نہیں کروں گا کوئی میری بہن کو تنگ کریں اس لئے چپ چاپ یہاں آ کر بیٹھ جا ..” “اچھا بھئی سالے صاحب ..مان لی آپ کی بات ..اور کچھ ؟؟” وہ حیدر کی ساتھ والی کرسی پر آ کر بیٹھ گیا “انوشے …یہ زرنور کے لئے سوپ لے جاؤ ..” ماہین نے اس کا گریز سمجھ لیا تھا اسی لئے ٹرے میں سوپ کا پیالہ رکھ کر اس کو پکڑایا تھا “جی آپی ..” وہ ٹرے لے کر وہاں سے نکل گئی تھی تیمور اس کی پشت کو دیکھتا رہ گیا “مانا کے مذاق ہے …لیکن مذاق کی بھی تو کوئی حد ہوتی ہے تم لوگوں کو اس طرح سے نہیں کرنا چاہیے ..فضول میں ہی کسی کا نام کسی کے ساتھ لگا دو اور تیمور تم ..کیوں تنگ کرتے ہو تم اس کو ؟؟” ماہین نے ناراضگی سے ان تینوں کو سنائی تھی ان لوگوں کا گھر میں کافی آنا جآنا تھا ان کے والدین بھی آپس میں دوست تھے اسی لئے آنے جانے پر بھی کوئی روک ٹوک نہ تھی وہ سب بھی مناہل اور حارث کی طرح ماہین کو بھابھی ہی کہتے تھے اور ماہین کے لئے تو وہ سب بچے ہی تھے اسے بھی وہ سب زرنور مناہل اور حارث کی طرح ہی عزیز تھے لیکن غلط بات پر ڈانٹ بھی دیتی تھی اور وہ سب چپ چاپ اس کی بات مان بھی لیتے تھے “یار بھابھی …پسند آگئی تو کیا کرو اب ؟” وہ چہرے پر مسکینیت طاری کرتے ہوئے بولا “پسند آگئی تو جا کر رشتہ مانگو ” “وہ نہیں مانتی نہ بھابھی ..” “ایسے کرو گے تو کبھی بھی نہیں مانے گی بلکے اور بدظن ہو جاۓ گی تم سے ” “آپ ہی بتاۓ پھر کیا کروں ؟” وہ بےچارگی سے کباب کھاتے ہوئے بولا “شریفوں کی طرح پیش آؤ اس کے ساتھ ..عزت سے بات کیا کرو ..”فاصلہ رکھ کر “تھوڑی سی سنجیدگی لے کر آؤ اپنے اندر زبردستی سے کوئی رشتے نہیں بناۓ جاتے ..” اس نے تیمور کی بے باکی اور انوشے کا غصیلا انداز دیکھ لیا تھا اسی لئے اسے سمجھا رہی تھی

________________________

” یہ لو زرنور بن گیا تمہارا لنچ ..جلدی سے پی لو یہ سوپ پھر تم نے دوا بھی لینی ہے ” انوشے نے اس کی طرف سوپ کا باؤل بڑھایا جس کو دیکھ کر اس نے برا سا منہ بنایا تھا “بھئی مجھے نہیں پینا یہ گندا پھیکا سا سوپ ” اس نے پیچھے کر دیا تھا “ارے …بیماری میں سوپ ہی پیتے ہیں ” “میں اب ٹھیک ہوں انوشے ..اور یہ سوپ تو بلکل بھی نہیں پیونگی ” “اچھا تو پھر دلیہ .یا کھچڑی بنا دوں ؟” “دلیہ ؟ کھچڑی ؟؟ یخ یخ …” اس نے پھر سے برا سا منہ بنایا ” “دلیہ بھی نہیں کھانا کھچڑی بھی نہیں کھانی سوپ بھی نہیں پینا ..تو پھر برگر اور پیزا حاضر کر دوں میں آپ کی خدمت میں میڈم ؟؟” زرنور کی آنکھیں چمکی تھی .”ضرور ..اس میں پوچھنے والی کیا بات ہے؟ ” “پیزا تو ایک ہی شرط پر ملے گا اگر تم ان تینوں چیزوں میں سے کچھ کھاؤ گی تو ورنہ نہیں ..” انوشے کے کہنے پر اس نے منہ پھلا لیا تھا “میں نہیں کھاؤں گی یہ بیماروں والا کھانا ” “اس کا تو پھر ایک ہی حل ہے ڈئیر نور بانو ..اگر تم چھلانگیں لگا کر دکھاؤ تو واقعی میں ان کو یقین آجاے گا کے تم بیمار نہیں ہو پھر تمہیں آرام سے پیزا برگر جو مانگو گی مل جائے گا ” حیدر نے کمرے میں آتے ہوئے کہا تھا ” تم تو رہنے ہی دو حیدر . تم سے اتنا نہیں ہوتا کے کسی کی عیادت کرنے آؤ تو ساتھ کچھ لیتے ہوئے ہی آجاؤ ..ایسے ہی ہاتھ ہلاتے آگئے ” زرنور نے اس کو شرم دلانی چاہی تھی ” “ایسے طنز تو مت کرو نور بانو مانا کے میں خالی ہاتھ آ گیا لیکن کیا یہ کم نہیں کے ایم این اے کا بیٹا تمہاری …ایک نوربانو…… کی عیادت کرنے آیا ہے ” وہ کالر کھڑا کرتے ہوئے فخر سے بولا۔