Surkh Joda by Saloni NovelR50454 Surkh Joda Episode 12

Surkh Joda by Saloni

حالانکہ دونوں میں فرق ابتہاج کے لیے نا ممکن تھا ۔ لیکن پھر بھی کیوں اسے ماریہ سی چڑ سی ہونے لگی تھی ۔

وہ اکثر سوچتا کاش ماریہ نا ہوتی ۔

اگلے دن ابتہاج نے مایا سے کوئی بات نہیں کی ۔

مایا محسوس کر رهی تھی کہ ابتہاج اسے اگنور کر رہا ھے۔

مایا کی طرح ماریہ بھی بہت اچھے انداز میں ابتہاج سے بات کرتی تھی بلکہ پوری کلاس کے سٹوڈنٹس کی ایک دوسرے سے کافی اچھی گپ شپ تھی ۔ کوئی بھی مسلہ ھو یا کوئی سٹوڈنٹ فیس دینے کی پوزیشن میں نہیں تو سب ملکر اسکی مدد کرتے ۔

کسی کا لیکچر مس ھو تو سبھی اسکی مدد میں پیش پیش ہوتے ۔

مایا نے ایسا کبھی محسوس نہیں کیا کہ ابتہاج کو ماریہ سے چڑ سی ہونے لگی ۔

مایا نے سب سے الگ ھو کر ابتہاج سے پوچھا ۔

مجھے ایسا کیوں لگ رہا ھے ابتہاج جیسے تم مجھے اگنور کر رھے ھو ۔ مایا نے ناراضگی میں کہا ۔

مایا اگر تمہارے سامنے دو لڑکے ایک جیسے کھڑے ھوں جو شکل و صورت میں کسی طرح سے بھی ایک دوسرے سے مختلف نا ھوں ۔ جبکہ تم چاہو کسی ایک کو ۔

بتاؤ تم کیا کرو گی ۔

مایا میں بہت الرٹ ھوں میں اپنا مذاق نہیں بنوانا چاہتا ۔

میں نہیں چاہتا کہ اپنے جذبات بھول کر بھی ماریہ سے کہہ دوں ۔

اگر ھو سکے تو کچھ ایسا فرق رکھو جسے صرف میں سمجھ سکوں ۔

اگر تم چاہو تو میرے گھر والے ا کر تمہارے خوبصورت سے ہاتھوں میں ایک رنگ پہنا جایں ۔

آب ابتہاج شرارتوں پر اتر آیا ۔

مایا بھی مسکرا کر بولی ۔ ابھی ایسا ممکن نہیں ۔ بھر حال میں کوشش کرونگی کہ خود کو تھوڑا الگ کر سکوں ۔

وسیم کافی دنوں سی کسی کام میں الجھے ہوئے تھے کہ گھر کے لیے وقت نہیں بچتا تھا ۔

مایا ماریہ یونی چلی جاتی ہیں ۔ آپ سارا دن کام میں مصروف ہوتے ہیں ۔ میں انتظار کرتی رہتی ھوں سب کا ۔

سدرہ نے ناراضگی کا اظہار کرتے ہوئے کہا ۔ کچھ دن کی بات ھے سدرہ پھر میں فری ھو جاؤں گا ۔

تمہیں معلوم ھے نا مایا ماریہ کی فیس اتنی ھے کہ اگر محنت نہیں کرونگا تو وہ ڈاکٹر کیسے بنے گی ۔

اگلے ماہ دونوں کی لاکھوں میں فیس جاۓ گی ۔

کماؤں گا تو فیس دونگا نا ۔

ایک بھی نہیں ہماری دو بیٹیاں ڈاکٹر بن رهی ہیں ۔

سدرہ کو کچھ تسلی دے کر وسیم کو کچھ اطمینان ہوا۔

وسیم اپنے آفس سے نکلے تو سوچا یہی کہ اج رحیم کی طرف کچھ وقت گزارے گے ۔ اپنے دھیان میں نجانے کس سوچ میں تھے کہ کسی انجانی راہ کیطرف نکل پڑے ۔

کافی دیر تک کوئی موڑ نہیں آیا تو وسیم اپنے دھیان سے باہر نکلے تو بیحد خوف زدہ ھو گئے ۔

یہ تو وہ راستہ ھی نہیں تھا جس طرف نکل آئے ۔ چلتے چلتے کافی شام ھو گئی ۔ سڑک بالکل سنسان اور ویران تھی ۔

لگتا تھا جیسے برسوں اس روڈ پر کسی نے سفر نہیں کیا ھو گا ۔ سڑک پر دھول مٹی کے علاوہ زرد رنگ کے پتے بکھرے ہوئے ھوں ۔ ایسی اداسی جیسے کسی بہت اپنے کے مرنے کا منظر ھو۔

چلتے چلتے بیچ سڑک کے ایک اداس پیڑ جسکی ہر شاخ بغیر پھل کے زمین پر جھکی ھوئی ھو ۔ ایسے کھڑا تھا جیسے ماتم کر رہا ھو ۔ درخت سے کچھ اگے ایک انسان اوندھے منہ لیٹا تھا ۔ گاڑی گزرنے کی جگہ بھی نہیں تھی ۔

وسیم خوف سے کانپتے ہوۓ نیچے اترے کہ دیکھ سکے یہ کون ھے ۔ زندہ بھی ھے یا نہیں ۔

رات کا خوف اور راستہ بند ہونے کی وجہ سے پسینہ سے شرابور ھو گئے ۔

آہستہ آہستہ اگے بھڑتے ہوۓ اس شخص کو سیدھا کیا ۔ وہ تیز تیز سانس لے رہا تھا ۔ جیسے زندگی کی آخری سانسیں ھوں ۔

اندھیرے کی وجہ سے اسکا چہرہ دکھائی نہیں دے رہا تھا ۔

وسیم نے ٹارچ ان کی اور دیکھا تو خوف سے کانپنے لگے ۔

وہ شخص کوئی اور نہیں خود وسیم تھے ۔

نجانے کہاں سے وسیم کے پاس اڑتا ہوا ایک خنجر آیا جس سے وسیم نے زمین پر لیتے ہوۓ وسیم کو قتل کر دیا ۔

اور خوف سے وسیم کی چیخیں نکل رهی تھیں ۔

۔ وسیم وسیم اٹھیں کیا ہوا ھے ۔ آپکی طبیعت ٹھیک ھے نا ۔ سدرہ نے وسیم کو جھنجھوڑ کر جگایا ۔

ڈیڈی آپ ٹھیک ہیں اٹھیں ہمیں دیکھیں ۔

وسیم نے آنکھیں کھول دی اور خوف انکی آنکھوں سے صاف جھلک رہا تھا ۔

سانسیں ایسے اکھڑ رہی تھیں جیسے میلوں دور سے بھاگ کر آے ھوں

کیا ہوا ڈیڈی مایا ماریہ سدرہ سبکو اپنے پاس دیکھ کر وسیم کی آنکھوں میں آنسو ا گئے ۔

کیا کوئی خواب دیکھا ھے آپ نے سدرہ نے بے چینی سے پوچھا ۔

وسیم نے باہیں پھیلا کر تینوں کو اپنے گلے سے لگا لیا ۔ اور کہا ۔

بس تم تینوں کی فکر رہتی ھے ۔ حب بھی اس فکر سے سوتا ھوں ڈراؤنی خواب دیکھتا ھوں

اللہ کا شکر کہ یہ خواب تھا ۔

چلو جاو تم اپنے کمرے میں ۔ صبح جلدی اٹھنا ھے ۔ وسیم نے مایا ماریہ کو بھیج دیا ۔

وسیم کیا کوئی ڈراؤنا خواب دیکھا تھا ۔ سدرہ نے پوچھا ۔

نہیں ۔ ایسی بات نہیں تم سو جاو ۔ صبح بات کرتے ہیں ۔

وسیم مجھے نیند تو آے گی نہیں ۔ اگر آپ نے سونا ھے تو سو جایں ۔

آب نیند کوسوں دور بھاگ چکی تھی ۔ اور سدرہ کے اصرار پر وسیم نے بتایا ۔

کہ میں ایک بےبس انسان کو دیکھتا ھوں ۔ جو زندگی اور موت کی کشمکش میں تھا ۔ جب میں اسے سیدھا کرتا ھوں تو وہ میں خود ھی ہوتا ھوں ۔ وہ شخص کسی زخم سے نہیں غموں سے چور تھا ۔ مجھے اس پر رحم نہیں آتا ۔مجھے اس سے حسد ہوتا ھے اور پھر اسی حسد میں میں خود کا قتل کر دیتا ھوں ۔

سدرہ خواب سنکر خوفزدہ ھو گئی ۔ اور بولی ۔

پتا نہیں کیوں پر مجھے اس خواب کا کوئی مقصد لگتا ھے ۔

سنا ھے کہ خواب وحی کی صورت میں نازل ہوتے ہیں ۔

آپ صبح اسکا مطلب ضرور پوچھے گا ۔

سدرہ نے تاکید کی تو وسیم نے کہا ۔

ٹھیک ھے میں کل رحیم کی طرف جاؤں گا ۔

انہی عامل سے پوچھوں گا ۔ کیا یہ خواب ان باتوں کی کڑی تو نہیں ۔

بہرحال اللہ بہتر کرے گا ان شاءاللہ ۔

صبح کچھ صدقہ نکا ل دینا ۔ وسیم بولے ۔

دور دور سے تہجد کی اذان سنائی دینے لگی ۔

دونوں نے وضو کیا اور نماز تہجد ادا کرنے لگے ۔