Mohabbat Ras Na Ai Humko by Malaika Rafi NovelR50586 Mohabbat Ras Na Ai Humko (Episode 15)

Mohabbat Ras Na Ai Humko by Malaika Rafi

اس کے چہرے پہ پھیلے دکھ کو دیکھ کے زمرد کا دل نرم سا پڑ گیا ” زمرد ۔۔۔۔ ایم سوری ” اس نے دھیمی آواز میں کہا اس کا سر جھکا ہوا تھا ” سعد کی محبت میں پاگل ہو کے ۔۔۔ جیلسی میں یہ سب کہا ۔۔۔۔۔۔۔ لیکن سعد تو تم سے ہی محبت کرتا ہے مجھ سے تو نفرت ہی کرتا ہے وہ ” وہ رو ہی پڑی ۔۔۔۔۔ زمرد اٹھ کے بیٹھ گئی اور اس کا ہاتھ تھام کے اسے اپنے پاس بٹھایا اسے گلے سے لگایا ” اقرا ہشششش “

” پلیز معاف کردو مجھے زمرد پلیز ۔۔۔۔۔۔۔ کل ۔۔۔۔ کل سعد نے مجھے کہا کہ وہ مجھ سے نفرت کرتا ہے اور ۔۔۔۔۔ اور وہ کھبی مجھے معاف نہیں کرے گا کھبی بھی مجھ سے محبت نہیں کرے گا وہ ۔۔۔۔ ” وہ روئے جا رہی تھی ۔۔۔۔۔

زمرد نے اس کا چہرہ اپنے سامنے کیا اس کے آنسو صاف کیے ” ایسا بلکل بھی نہیں۔ ہے اقرا ۔۔۔۔۔ سعد بہت نرم دل انسان ہے ۔۔۔۔۔ غصے میں کہا ہوگا بس ” وہ سوں سوں کرتی بہت معصوم سی لگی تھی زمرد کو ۔۔۔۔۔

” بہت محبت کرتی ہو سعد سے ؟” زمرد کے نرم لہجے میں پوچھنے پہ اقرا نے سرخ آنکھوں سے اسے سر اٹھا کے دیکھا۔۔۔۔۔۔ پھر شرمندگی سے سر اثبات میں ہلانے لگی زمرد اس کے انداز پہ مسکرا پڑی ۔۔۔۔۔۔۔۔۔ ” تو اس میں رونے والی کیا بات ۔۔۔۔۔ ” اچانک دروازہ کھلا اور پلوشے اسفندیار کے ساتھ اندر آگئی اور آتے ہی زمرد کے گلے لگ گئی اور رونا شروع ہو چکا تھا ۔۔۔۔۔۔۔۔۔۔ زمرد کے لبوں پہ مسکراہٹ ٹھہر گئی اس نے اسفندیار کو دیکھا اور سر کے اشارے سے دونوں نے ایک دوسرے کو سلام کیا ۔۔۔۔۔۔ اقرا بھی اٹھ کے انھیں دیکھ رہی تھی اب ” میں تیری بہن تھی نا زمر۔۔۔۔۔ پھر کیوں چھوڑ گئی مجھے ایسے ۔۔۔۔۔۔ کیوں ” زمرد کا دل بھی بھر آیا ۔۔۔۔۔۔ ” ایم سوری پلوشے ۔۔۔۔۔۔ ” پلوشے سیدھی ہو کے اسے دیکھنے لگی ۔۔۔۔۔ “کوئی رات ایسی نہیں ۔۔۔۔ کوئی دن ایسا نہیں کہ میں نے تجھے مس نہ کیا ہو اور تجھے میں بلکل بھی یاد نہیں آئی ” وہ سرخ ہوتی ناک کے ساتھ شکایت کر رہی تھی زمرد روتے روتے ہنس پڑی

” نہیں ۔۔۔ بلکل بھی نہیں ” زمرد کے سکون سے کہنے پہ پلوشے روٹھی نگاہوں سے اسے دیکھ رہی تھی اب ۔۔۔۔۔۔۔۔۔۔۔ پھر وہ مسکراہٹ چھپاتے اسفندیار کو دیکھنے لگی ” کیسے ہیں اسفند بھائی آپ ؟”

” الحمدللہ اینڈ یو ؟”

” میں بھی ٹھیک ہوں ” وہ مسکرا پڑی

” میں افراسیاب کے پاس جا رہا آپ دونوں شکوے شکایت کرلو ” وہ مسکراتا باہر نکل گیا ۔۔۔۔۔۔ اقرا بھی انھیں دیکھ کے باہر نکل گئی ۔۔۔۔۔۔۔۔ وہ دونوں اب اکیلی تھیں ۔۔۔۔۔۔ پلوشے نے اس کا چہرہ چوم لیا زمرد بھی اسے پیار کر رہی تھی ۔۔۔۔۔۔۔۔۔۔۔ دونوں بہنیں اتنے عرصے بعد ایک دوسرے سے مل رہی تھیں ۔۔۔۔۔۔۔۔۔۔۔۔۔ ” موٹی ہو گئی ہے تو پلوشے “

زمرد کی بات پہ پلوشے خجل سی ہو گئی زمرد اسے غور سے دیکھ رہی تھی

” کہیں میں خالہ تو نہیں بن رہی ” اس کے چہرے پہ خوشی اور شرارت دونوں تھے پلوشے مسکرا پڑی تو زمرد نے اسے گلے سے لگا لیا ” تبھی میں کہوں چڑیل پہ اتنا نور کیسے آگیا ” وہ ہنس رہی تھی پلوشے الگ ہو کے اسے گھور کے دیکھنے لگی زمرد کی ہنسی بےساختہ تھی ۔۔۔۔۔۔۔ اسے لگا آج بہت عرصے بعد وہ کھل کے ہنسی ہے ۔۔۔۔۔۔۔۔۔۔۔۔۔۔۔۔ ” مجھے زیادہ دیکھا کرو تا کہ مجھ پہ جائے ۔۔۔ میری طرح خوبصورت ہو ” پلوشے نے پیار سے اسے دیکھا ” بہت خوش ہوں تجھے دیکھ کے ۔۔۔۔۔۔۔۔ افراسیاب نے تو ڈرا دیا تھا مجھے ۔۔۔۔۔۔۔ فرسٹ ٹائم ان کا رونا دیکھا تھا میں نے ۔۔۔ بہت ڈر گئی تھی میں ” پلوشے خود میں مگن بتا رہی تھی جبکہ زمرد کی آنکھوں میں حیرت در آئی تھی

” افراسیاب رویا تھا ؟”

” ہاں تجھے نہیں پتہ کیا ؟ ان کی کال آئی تھی بہت رو رہے تھے ” وہ بتا رہی تھی اور زمرد کا دل زور سے دھڑک رہا تھا ۔۔۔۔۔۔۔۔۔۔ افراسیاب اس کے لئے رویا تھا ۔۔۔۔۔۔۔۔۔ اتنا چاہتا وہ اسے ۔۔۔۔۔۔۔ اس کے لبوں پہ مسکراہٹ ٹھہر گئی اسے افراسیاب کا وہ ہٹ دھرمی والا لہجہ یاد آیا جب وہ اس کے ہوش آنے پہ اسے جتلا رہا تھا ۔۔۔۔۔۔۔۔۔۔۔ پلوشے نے رک کے اسے دیکھا ” تیرے لب کیوں مسکرا رہے ؟” زمرد نے اس کی شرارتی آنکھوں میں دیکھا پھر جھینپ گئی ” نہیں تو “

” اوہ یہ شرم و حیا والا روپ تو میں آج دیکھ رہی تیرا ” وہ شرارت پہ آمادہ تھی زمرد نے اسے پرے کیا ” چپ کر ۔۔۔۔۔ ” پلوشے بھی ہنس پڑی ۔۔۔۔۔۔۔۔ اسے زمرد بہت عزیز تھی اور اب تو اتنے سال بعد اس سے مل رہی تھی تو اور بھی پیار آ رہا تھا اسے امڈ امڈ کے ۔۔۔۔۔

₹₹₹₹₹₹₹₹₹₹₹₹₹₹

سعد ابھی تک اس سے ملنے نہیں آیا تھا ۔۔۔۔۔۔۔۔۔۔ اس کی نظر گھڑی پہ پڑی دن کے تین بج رہے تھے وہ لب کاٹنے لگی پھر شال اپنے گرد اچھی طرح لپیٹ کے وہ اتری اور آگے بڑھ کے دروازہ کھول کے وہ باہر نکل گئی ۔۔۔۔۔۔۔۔۔۔۔۔۔۔۔۔ کوریڈور میں کوئی نہیں تھا وہ یونہی چھوٹے چھوٹے قدم اٹھاتی چل رہی تھی جب اسے ایک نرس نظر آئی ” ڈاکٹر سعد کہاں ہے ؟”

” اپنے روم میں ہونگے ” نرس کے بتانے پہ وہ سر اثبات میں ہلا کے آہستہ روی سے چلتے سعد کے کمرے کی طرف جانے لگی ۔۔۔۔۔۔۔ ناک کر کے وہ اندر داخل ہوئی سعد اسے دیکھ کے شرمندہ سا اپنی جگہ سے کھڑا ہو گیا ” زمرد ۔۔۔۔ “

وہ مسکرا کے آگے بڑھی ” مجھ سے ملنے نہیں آئے سوچا میں ہی آ جاؤں ” سعد شرمندہ سا ہو گیا ۔۔۔۔۔۔ آگے بڑھ کے اس نے زمرد کا ہاتھ تھاما اور اسے کرسی پہ بٹھایا ” ابھی اتنی ٹھیک نہیں ہوئی آپ کہ یوں ہر طرف چلتی پھرتی رہے آپ ” وہ کہتا اپنی جگہ پہ آ کے بیٹھ گیا ” ہاں تمہیں تو جیسے پتہ ہے کہ میں کس حال میں ہوں ” سعد نے نظر بھر کے اسے دیکھا وہ مسکرا رہی تھی ۔۔۔۔۔۔ سعد نظریں چرا گیا

” مجھ سے بھاگ رہے ہو سعد یا خود سے ؟؟” وہ پوچھ رہی تھی سعد لب بھینچے ٹیبل پہ نظریں جمائے بیٹھا تھا ۔۔۔۔۔۔۔۔۔۔ ” سعد ۔۔۔۔ ” زمرد کے بلانے پہ سعد نے نظر اٹھا کے اسے دیکھا اس کی آنکھوں میں دکھ تھا ۔۔۔۔۔۔۔۔۔۔۔۔ ” میں دیکھنے آیا تھا زمرد آپ کو لیکن ” وہ چپ ہو گیا زمرد اسے سوالیہ نظروں سے دیکھ رہی تھی ” میں آگے بڑھ نہیں پایا ۔۔۔۔۔۔۔ ” وہ سر جھکائے کہہ رہا تھا ” مجھے لگا میں آپ کے اور افراسیاب کے بیچ بےمعنی سا وجود ہوں ۔۔۔۔۔۔ تیسرا فرد ہوں میں “

” میں نے کھبی ایسا احساس دلایا آپ کو سعد ؟” وہ پوچھ رہی تھی سعد نے نفی میں سر ہلایا

” زمرد میں دھوکے کی زندگی نہیں جی سکتا ۔۔۔۔۔۔۔ آپ بھی نہیں جی سکتی ۔۔۔۔۔۔۔ جھوٹ کی بنا پہ رشتے بننے لگے تو وہ کھبی بھی کامیاب نہیں ہوتے زمرد ۔۔۔۔۔۔۔۔۔۔۔ ہاں میں محبت کرتا ہوں آپ سے زمرد ۔۔۔۔۔ بہت زیادہ محبت لیکن میں آپ کو فورس نہیں کر سکتا ۔۔۔۔۔۔۔ میں زبردستی خود سے باندھ کے نہیں رکھ سکتا آپ کو زمرد “

” میں زبردستی تو نہیں ۔۔۔۔۔ ” وہ کہنا چاہ رہی تھی لیکن سعد نے روک دیا اسے

” ہشششششش زمرد پلیز خاموش رہئیے ۔۔۔۔ نہ خود سے جھوٹ بولئیے نہ مجھ سے ۔۔۔۔۔۔۔۔۔ ہاتھ آگے کیجئیے اپنا ” وہ اسے دیکھتا بولا تھا

” کیوں ؟” وہ اپنا ہاتھ دوسرے ہاتھ سے دبا کے پوچھنے لگی

” آگے کیجئیے پلیز ” سعد کے کہنے پہ زمرد نے دھڑکتے دل کے ساتھ اپنا ہاتھ آگے کیا ۔۔۔۔۔ سعد نے اس کا ہاتھ تھام لیا ۔۔۔۔۔۔۔۔ کچھ دیر اس کے نازک سے ہاتھ کی انگلی میں اپنے نام کی انگوٹھی کو دیکھتا رہا پھر دھیرے سے انگوٹھی اس کے ہاتھ سے نکال دی ۔۔۔۔۔۔۔۔ زمرد اسے ساکت آنکھوں سے دیکھ رہی تھی

” آج سے آپ کو آزاد کر دیا میں نے اپنی قید سے زمرد ۔۔۔۔۔۔۔۔ ” سعد سر جھکائے کہہ رہا تھا زمرد آنسو بھری آنکھوں سے اس کے جھکے سر کو دیکھ رہی تھی ” سعد۔۔۔۔۔۔” زمرد کی آواز پہ سعد نے سر اٹھا کے اسے دیکھا اس کی آنکھیں بھی نم تھی ” میرے لئے آپ کی خوشیاں زیادہ عزیز ہے زمرد “

” م۔۔۔۔مگر سعد ۔۔۔۔۔۔”

” چپ رہو یار زمرد ۔۔۔۔ لیکن ۔۔۔ مگر ۔۔۔ کیوں ۔۔۔۔۔ ” وہ نم آنکھوں کے ساتھ مسکرا رہا تھا

” خوش رہئیے آپ ہمیشہ زمرد ۔۔۔۔۔۔۔ ” اسے کہہ کے اس نے ایک نظر اپنی ہتھیلی پہ موجود انگوٹھی کو دیکھا پھر اپنی کوٹ کی جیب میں ڈال دیا ۔۔۔۔۔۔۔۔۔۔۔۔۔۔۔۔ اور اپنے ہاتھ کو دیکھنے لگا

” شاید یہاں آپ کا نام لکھا ہی نہیں تھا میں زبردستی لکھنا چاہ رہا تھا ” اس کے لبوں پہ زخمی مسکراہٹ تھی زمرد دھندلائی آنکھوں سے اسے دیکھ رہی تھی ۔۔۔۔۔۔۔۔۔۔۔ ” ایکسکیوزمی ” کہہ کے وہ اپنی جگہ سے اٹھا اور دروازہ کھول کے باہر نکل گیا ۔۔۔۔۔۔۔۔۔۔۔۔۔۔۔۔۔ زمرد آنسو بھری آنکھوں سے اپنے لب کاٹتی رہی ۔۔۔۔۔۔۔۔۔۔۔

₹₹₹₹₹₹₹₹₹₹₹₹₹₹

” مجھے بتانا بھی ضروری نہیں سمجھا ” نائمہ اپنی بیٹی کو گلے سے لگائے کہہ رہی تھی ۔۔۔۔۔ زمرد آنکھیں موندے سکون سے ان کی شکایتیں سن رہی تھی ” مما میں نہیں چاہتی کہ آپ پریشان ہو “

” تو اب نہیں ہوئی کیا میں پریشان ؟ ” ان کے لہجے میں اب بھی ناراضگی تھی

” مما ۔۔۔۔۔۔۔۔ ” نائمہ اس کا چہرہ دیکھنے لگی

” جی مما کی جان ۔۔۔۔۔ کیا ہوا ہے ؟” وہ تذبذب کا شکار تھی کہ کیسے بتائے اپنی ماں کو ۔۔۔۔۔

” کوئی پریشانی ہے زمرد ؟” ان کے لہجے میں پریشانی تھی

” مما سعد اور میں الگ ہوگئے ۔۔۔۔ ” اس نے جھکے سر کے ساتھ بتایا

” وہاٹ ؟؟ کیوں ؟” نائمہ حیران تھی ” تم نے کچھ کہا ؟”

وہ نفی میں سر ہلانے لگی

” افراسیاب بھی یہاں آیا ہوا ہے اسی ہاسپٹل اور ۔۔۔۔۔۔ ” وہ رک گئی

” اور ؟” نائمہ اس کی آنکھوں میں دیکھتی پوچھ رہی تھی

” سعد نہیں چاہتا کہ وہ میرے اور افراسیاب کے بیچ آئے “

” تم افراسیاب سے ملی ؟؟؟؟ ” نائمہ اس سے پوچھنے لگی

” میں افراسیاب سے دور ہی رہی مما ۔۔۔۔۔ آئی ٹولڈ ہم کہ میری منگنی ہو چکی اب سعد سے ۔۔۔۔۔۔۔ لیکن سعد کو پتہ چل گیا اور وہ سائیڈ پہ ہو گیا ” اس نے سر جھکا لیا

” تم کیا چاہتی ہو زمرد ؟” نائمہ اپنی بیٹی کو جانتی تھی اچھی طرح سے ۔۔۔۔

” پتہ نہیں مما ۔۔۔۔۔ مجھے لگتا ہے سعد کے ساتھ ٹھیک نہیں ہوا کچھ بھی ” وہ لب کاٹتے بولی ۔۔۔۔۔ نائمہ نے اسے گلے لگا لیا ” تمہاری طبیعت بھی ٹھیک نہیں زمر ۔۔۔۔۔ زیادہ مت سوچو کچھ بھی ۔۔۔۔۔ اللہ بہتر کرے گا سب “

” ہممممم” زمرد نے آنکھیں موند لیں وہ کچھ نہیں سوچنا چاہتی تھی ابھی ۔۔۔۔۔۔۔۔۔۔۔۔ نہ افراسیاب کو نہ سعد کو اور نہ ہی آنے والے وقت کو !!!!

₹₹₹₹₹₹₹₹₹₹₹

” منہ کیوں بنایا ہوا ہے آپ نے افراسیاب بھائی ؟” پلوشے اپنے بھائی سے پوچھ رہی تھی

” نہیں بنایا ” اسنے مختصر جواب دیا

” زمرد سے ناراض ہے آپ ؟ ” وہ شرارت سے پوچھنے لگی افراسیاب نے ایک نظر اپنی بہن کو دیکھا پھر نظریں پھیر لیں

” نہیں اس سے کیوں ناراض ہونے لگا میں ۔۔۔۔۔۔ کس حق سے ” پلوشے کو ہنسی آگئی ۔۔۔۔۔

” عجیب محبت ہے آپ دونوں کی بھی ۔۔۔۔ کھبی سکون سے محبت سے ایک دوسرے سے بات بھی کی ہے کہ نہیں ۔۔۔۔۔ جب بھی دیکھا آپ دونوں کو لڑتے دیکھا ” افراسیاب نے گھور کے پلوشے کو دیکھا ۔۔۔۔۔۔

” ہاں تو کیا یہ سچ نہیں ہے؟ آج تک میں نے آپ دونوں کو کھبی محبت سے ایکدوسرے کی طرف دیکھتے نہیں دیکھا ۔۔۔۔۔۔۔۔ لڑتے ہیں بس آپ دونوں ” افراسیاب چپ رہا وہ پلوشے کو شاید نہیں بتانا چاہتا تھا کہ زمرد نے اس پہ سعد کو ترجیح دی ہے ۔۔۔۔۔ ” میں سونے جا رہا ۔۔۔۔ تم بھی سو جاؤ جا کے ” وہ لب بھینچے اپنی جگہ سے کھڑا ہوگیا پلوشے اسے دیکھنے لگی لیکن وہ نظرانداز کر کے اپنے کمرے میں آگیا ۔۔۔۔۔۔۔۔۔۔ کھڑکیاں کھول کے وہ وہیں کھڑا ٹھنڈی ہوا کے جھونکوں کو محسوس کرتا رہا ۔۔۔۔۔۔۔۔

ہاں محبت ہے ہمیں تجھ سے، محبت لیکن

ہم ترے حاشیہ بردار نہیں ہو سکتے!!!!!!

وہ ناراض تھا ۔۔۔۔ غصہ تھا ۔۔۔۔۔۔ بےچینی تھی ۔۔۔۔۔۔۔۔۔۔۔۔ کہ اسے ایک پل بھی سکون نہیں مل رہا تھا ۔۔۔۔۔۔۔۔۔۔۔ وہ اب بھی اسے اپنانا چاہ رہا تھا ۔۔۔۔۔۔ وہ اس سے دستبردار نہیں ہونا چاہتا تھا لیکن وہ !!!!!

وہ اب بھی اس سے منہ موڑ رہی تھی ۔۔۔۔۔ اب بھی اس سے بھاگ رہی تھی ۔۔۔۔۔۔۔۔۔۔۔ اب بھی جانا چاہتی تھی وہ ۔۔۔۔۔۔۔

اس نے اپنا موبائل اٹھایا اسکرین پہ زمرد کا نمبر دیکھ کے وہ اسے کال کرنا چاہ رہا تھا لیکن ۔۔۔۔۔۔۔۔۔۔۔ وہ رک گیا ۔۔۔۔۔ کال نہیں کر پا رہا تھا ۔۔۔۔۔۔ اس کی آواز سننا چاہ رہا تھا ۔۔۔۔ رات کے اس پہر ۔۔۔۔ اس لمحے اسے زمرد کی یاد ستا رہی تھی لیکن اس کے رویے نے افراسیاب کو بہت دلگرفتہ کر دیا تھا تبھی اس نے موبائل اسکرین آف کردی اور موبائل سائیڈ پہ رکھ دیا ۔۔۔۔۔۔۔۔

ایک بے مہر مسافت کے سوا کچھ نہ رہا

تیرے جانے سے مری بھید بھری دنیا میں!!!!

جاری ہے