Mohabbat Ras Na Ai Humko by Malaika Rafi NovelR50586 Mohabbat Ras Na Ai Humko (Episode 14)

Mohabbat Ras Na Ai Humko by Malaika Rafi

آپریشن تھیٹر میں کھڑا وہ اس کے وجود کو دیکھ رہا تھا ۔۔۔۔ اس نے ہاتھ آگے بڑھانے چاہے لیکن اس کے ہاتھ کانپ رہے تھے ۔۔۔۔۔۔۔۔۔ ڈاکٹر قمر جو غور سے اسے دیکھ رہے تھے ۔۔۔۔۔۔ افراسیاب کی نظر ان پہ پڑی ۔۔۔۔۔۔ اس کا چہرہ پسینہ پسینہ ہو رہا تھا وہ تو زمرد کو یوں دیکھ کے ہی دہل گیا تھا وہ کیسے اسے ٹریٹمنٹ کرتا ۔۔۔۔۔۔۔۔۔ اس کی آنکھوں میں آنسو آ گئے وہ وہاں سے دور ہو کے دیوار کے ساتھ لگ گیا اور نم آنکھوں سے اسے دیکھنے لگا ۔۔۔۔ پاس کھڑی نرس اسے چونک کے دیکھنے لگی ۔۔۔۔ ڈاکٹر قمر آگے بڑھے ” ڈاکٹر افراسیاب ۔۔۔۔ آڑ یو اوکے ؟” انھوں نے دھیرے سے اس کا کندھا ہلایا تھا افراسیاب خوفزدہ نظروں سے انھیں دیکھنے لگا ” م۔۔۔۔ میں کچھ نہیں کر پا رہا ۔۔۔۔۔۔ میں زمرد کو یوں نہیں دیکھ پا رہا آئی کانٹ ٹریٹ ہر ۔۔۔۔۔ پ۔۔۔پلیز ڈاکٹر قمر زمرد کو بچا لیں ۔۔۔۔ میری زمرد کو بچا لیں پلیز ” وہ رونے ہی لگ گیا ۔۔۔۔۔۔۔۔۔۔۔ اندر آتا سعد وہیں رک گیا ۔۔۔۔۔۔ اس کے ہاتھ دروازے کے ہینڈل پہ ڈھیلے پڑ گئے ۔۔۔۔۔ وہ اندر نہ جا سکا افراسیاب زمرد کے لئے رو رہا ہے ۔۔۔۔۔۔ وہ لب کاٹتا واپس پلٹ گیا اور تھکے قدموں کے ساتھ وہ وہاں سے نکلتا چلا گیا ۔۔۔۔۔ اس میں اتنی سکت نہ تھی کہ وہ اندر جاتا اب ۔۔۔۔۔۔۔ اسے وہاں سب کے بیچ ۔۔۔۔ زمرد اور افراسیاب کے بیچ اپنا وجود بےمعنی سا لگا ۔۔۔۔۔۔۔۔۔ اسے گھٹن ہونے لگی تھی ۔۔۔۔۔ وہ ان کے بیچ تیسرا فرد ہی تھا بس اور کچھ نہیں ۔۔۔۔۔ کھلی فضا میں آ کے وہ گہرے گہرے سانس لینے لگا ۔۔۔۔۔۔۔ اتنی سردی میں بھی اسے اپنا وجود پسینے سے تر ہی لگا تھا ۔۔۔۔۔۔۔ اسے اپنی آنکھوں میں جلن کا احساس ہوا تھا ۔۔۔۔۔۔۔۔۔۔ ” میرے ساتھ زمرد کا تعلق بس اس لئے تھا کہ وہ افراسیاب کو بھول سکے ۔۔۔۔ وہ افراسیاب سے دور ہو پائے ۔۔۔۔۔۔ لیکن بہت محبت کی ہے تم سے زمرد یار بہت محبت ۔۔۔۔۔۔۔۔ ” وہ ساکت وجود کے ساتھ وہیں کھڑا دیر تک خود سے شکوے کرتا رہا ۔۔۔۔۔۔۔ اس میں ہمت نہیں تھی اندر جانے کی ۔۔۔۔ یوں زمرد اور افراسیاب کا سامنا کرنے کی ۔۔۔۔۔۔۔ وہ اب کیسے سامنا کرے گا انھیں اسے خود بھی معلوم نہیں تھا ۔۔۔۔

✓✓✓✓✓✓✓✓✓✓✓✓✓

” پلوشے ۔۔۔۔ ” فون کے دوسری طرف سسکی سی ابھری تھی ۔۔۔۔۔ پلوشے گھبرا ہی گئی

” افراسیاب بھائی ۔۔۔۔۔ “

” پلوشے ۔۔۔۔ زمرد ” اس کی بھرائی آواز پھر سے سنائی دی ۔۔۔

پلوشے کا دل ہی دہل گیا اس کا بھائی رو رہا ہے اور زمرد کیا ہوا ہے اسے !!!!!

” ک۔۔۔۔کیا ہوا ہے زمرد کو ۔۔۔ ب۔۔۔بتائیے ” وہ بوکھلائی ہوئی سی پوچھ رہی تھی

” و۔۔۔۔ وہ ہاسپٹل میں ہے ۔۔۔۔ ہوش میں نہیں آ رہی ۔۔۔ میں کیا کروں ۔۔۔ کیسے اسے ہوش میں لاؤں ۔۔۔ کیسے اسے ٹھیک کروں ۔۔۔۔ ہیلپ می پلیز ” وہ رو رہا تھا ۔۔۔۔ تین دن ہو گئے تھے زمرد ابھی تک بےہوش تھی ۔۔۔۔۔ پلوشے کے آنسو بہنے لگ گئے ۔۔ ” کیا ہوا ہے میری بہن کو ۔۔۔۔۔ کہاں ہے ۔۔۔ کس ہاسپٹل ؟” وہ بھی رونے لگ گئی تھی ۔۔۔۔ زمرد اس کی بچپن کی دوست تھی ۔۔۔۔ دوست سے زیادہ بہن تھی وہ ۔۔۔۔۔

” یہاں ایبٹ آباد میں ۔۔۔۔۔ ” افراسیاب کے کہنے پہ اس کی ہچکی بندھ گئی ۔۔۔۔۔۔۔

” م۔۔میں آ رہی ہوں بھائی ۔۔۔۔۔۔ ” اس نے فون بند کر دیا اور وہیں بیٹھ کے رونے لگی ۔۔۔۔۔ اسے سمجھ نہیں آ رہا تھا کیا کرے ۔۔۔۔۔۔ اس کا چوتھا مہینہ چل رہا تھا پریگننسی کا اور ڈاکٹر نے اسے ٹینشن لینے سے منع کیا تھا لیکن یہاں تو اس کی بہن تھی اس کی بہن زمرد ۔۔۔۔ وہ اسفندیار کا نمبر ملانے لگی ۔۔۔۔ اسفندیار کی آواز سنتے ہی وہ رونے لگی ” مجھے ایبٹ آباد جانا ہے اسفندیار ” وہ گھبرا ہی گیا پلوشے کا رونا سن کے ۔۔۔

‘ کیا ہوا ہے پلوشے میری جان “

” ز۔۔۔۔زمرد کے پاس جانا ہے مجھے ۔۔۔۔ ” وہ رو رہی تھی

” اوکے ۔۔۔ اوکے میں آ رہا ہوں ” فون بند کر کے وہ جلدی سے گھر کی طرف روانہ ہو گیا ۔۔۔۔

عجلت میں کمرے سے نکل کے وہ عجیب سوچوں میں تھا ۔۔۔۔۔۔۔ اسے پلوشے کی فکر ہو رہی تھی ۔۔۔۔۔ تبھی وہ جلد سے جلد گھر پہنچنا چاہ رہا تھا ۔۔۔۔۔۔۔

✓✓✓✓✓✓✓✓✓✓✓✓✓✓✓

” سعد ۔۔۔ یہاں کیوں بیٹھے ہیں آپ ؟” وہ جو ہاسپٹل کے احاطے سے دور سائیڈ پہ بیٹھا ہوا تھا اقرا اسے ڈھونڈتی وہیں آئی ۔۔۔۔ سعد نے ایک نظر اسے دیکھا پھر نظریں پھیر کے سامنے پرندوں کو دیکھنے لگا ” کیوں آئی ہے آپ یہاں ؟”

” میں آپ کے لئے پریشان ہو رہی تھی ۔۔۔۔ زمرد ہاسپٹل میں ہے آپ اسے دیکھنے بھی نہیں۔ آئے ۔۔۔۔۔۔ تین دن سے آپ ہاسپٹل میں نظر ہی نہیں آئے “

” مل گیا ہوگا سکون آپ کو اقرا ۔۔۔۔ ” سعد نے سپاٹ نظروں سے اسے دیکھا ” جو چاہتی تھی آپ وہیں ہوا نا ۔۔۔۔۔۔۔۔ زمرد کو موت کے منہ میں پہنچا آئی آپ ۔۔۔۔۔ اب کیا چاہتی ہے آپ جو میرے آس پاس گھوم رہی ہے آپ ؟ مڈل پہناؤں آپ کو یا پھولوں کا ہار؟ ” اقرا حیرت سے اسے دیکھ رہی تھی

” میں یہ سب نہیں چاہتی تھی سعد ” وہ دھیمے لہجے میں بولی

” تو کیا چاہتی تھی آپ ؟” وہ چلایا تھا ۔۔۔ اپنی جگہ سے کھڑا ہو کے اسے سخت نظروں سے دیکھ رہا تھا ” اپنی فرسٹریشن اس پہ نکال کے اسے موت کے منہ پہنچا دیا ۔۔۔۔۔۔۔ وہ میری نہیں رہی اب ۔۔۔۔۔۔۔ میں چاہ کے بھی اب اس کے سامنے نہیں جا پا رہا ۔۔۔ کس منہ سے الو کی طرح اسے اپنا کہوں ۔۔۔ کس منہ سے ۔۔۔۔ کیسے اقرا کیسے ” اقرا کی آنکھوں میں پانی بھر آیا تھا ” اس دن کے آخری لمحوں تک میں اس وہم و گمان میں رہا تھا کہ زمرد میری ہے ۔۔۔۔۔۔۔ شاید شادی بھی ہو جائیں ہماری لیکن اب سب ختم ہو چکا ۔۔۔۔۔ میں میں نہیں رہا اب ۔۔۔۔۔۔ ” پھر تالیاں بجانے لگا ” کانگریجولیشن ڈاکٹر اقرا ۔۔۔۔ آپ جیت گئی ۔۔۔۔۔ جیت گئی آپ ۔۔۔۔۔۔۔ ڈاکٹر زمرد اور ڈاکٹر افراسیاب ایک دوسرے کے لئے ہی بنے ہیں اور ایک دوسرے کے لئے ہی ہیں اور جانتی ہے میں کہاں ہوں اس وقت ؟” وہ اس سے پوچھ رہا تھا شدت ضبط سے اسکی آنکھیں سرخ ہو رہی تھی اقرا نم آنکھوں سے خاموشی سے اسے دیکھ رہی تھی ” میں ان دونوں کے بیچ ایک بےمعنی سا لفظ ۔۔۔۔۔ ایک بے معنی سا وجود ۔۔۔۔۔ آئی ہیٹ یو اقرا ۔۔۔۔ آئی ہیٹ یو سو مچ ” آگے بڑھ کے اس کے چہرے کو اپنی مٹھی میں جکڑ لیا ” تم کھبی بھی مجھے اپنا نہیں سکو گی ۔۔۔۔ آئی ہیٹ یو ” وہ اس کی آنکھوں میں سختی سے دیکھتا بولا اور جھٹکے سے اس کا چہرہ چھوڑ کے وہ پلٹ کے آگے بڑھ گیا ۔۔۔۔۔ اور لمبے ڈگ بھرتا وہاں سے نکلتا گیا جبکہ اقرا خاموشی سے آنسو بھری آنکھوں سے اسے پل پل خود سے دور جاتا دیکھتی رہی ۔۔۔۔۔۔۔ سعد کو وہ اب کھو چکی تھی ہمیشہ کے لئے ۔۔۔۔ اس کے کانوں میں سعد کے الفاظ کی بازگشت تھی ۔۔۔۔۔۔۔

✓✓✓✓✓✓✓✓✓✓✓✓✓

وہ اس کا ہاتھ تھامے وہیں بیڈ کے پاس بیٹھا اس کے چہرے کے ہر نقش کو دیکھ رہا تھا ۔۔۔۔۔۔۔۔ اسے اپنے الفاظ یاد آئے ۔۔۔۔ اپنا رویہ جو اس نے زمرد سے رکھا ہوا تھا زمرد کی آنکھوں میں جو نمی آ جاتی اس کے رویے سے ۔۔۔۔۔۔

اسے پچھتاؤں نے گھیر لیا تھا اب ۔۔۔۔۔۔ ” بچپن کے بعد جب ہوش سنبھالا تب تم سے محبت ہوئی ۔۔۔۔۔۔۔ اور ہوتی رہی ۔۔۔۔۔ اور اب بھی محبت کرتا ہوں تم سے زمرد ” وہ دھیمے اور بھاری لہجے میں کہہ رہا تھا ” ایم سوری زمرد ۔۔۔۔۔ میری ذات سے ہمیشہ ہی تمہیں دکھ ہی ملے ۔۔۔۔۔ ہمیشہ نفرت ہی دکھایا تمہیں کھبی محبت ۔۔۔۔۔۔۔ وہ محبت جو تم سے ہے صرف تم سے ۔۔۔۔۔ جس محبت میں سر تا پا ڈوب چکا ہوا ہوں میں وہ محبت تو کھبی تم سے کی ہی نہیں میں نے زمرد ” وہ رک کے اس کی بند آنکھوں کو دیکھنے لگا ” پلیز زمرد ایک بار آنکھیں کھول دو پلیز ۔۔۔۔۔۔۔ بہت محبت کرتا ہوں تم سے ۔۔۔۔ بہت چاہتا ہوں تمہیں زمرد لیکن مجھے غصہ تھا ۔۔۔۔۔ میں سب سے لڑ چکا تھا تمہیں اپنانے کے لئے سب سے لڑا تھا میں اور تم ۔۔۔۔۔۔۔۔ ایسے کوئی نہیں کرتا بٹ پلیز اب ۔۔۔۔۔۔ اب آنکھیں کھول دو پلیز زمرد پلیز ” بےاواز آنسو نکلے تھے اس کی آنکھ سے تبھی اس کی آواز بھی رندھی ہوئی سی محسوس ہوئی تھی ۔۔۔۔۔۔۔۔۔۔۔۔ وہ خاموشی سے اسے دیکھ رہا تھا جب اسے محسوس ہوا کہ زمرد کی بند آنکھوں سے آنسو پھسلا ہے اس کے گال پہ ۔۔۔۔۔ ” ز۔۔۔۔زمرد ” اس نے دھیرے سے اسے آواز دی ۔۔۔۔ اسے اپنے ہاتھ پہ زمرد کے ہاتھ کی گرفت محسوس ہوئی ۔۔۔۔۔ ” زمرد ۔۔۔۔ ” زمرد نے دھیرے سے آنکھیں کھول دی ۔۔۔۔۔۔۔۔ نہ چاہتے ہوئے بھی وہ افراسیاب کو دیکھ کے رو پڑی تھی ۔۔۔۔۔۔۔۔۔۔۔۔۔ پھوٹ پھوٹ کے ۔۔۔۔۔۔ افراسیاب اٹھ کے اس کے قریب آیا ۔۔۔۔۔۔ ” زمرد ۔۔۔۔ نہیں رو پلیز ایم سوری ۔۔۔۔۔ ایم سوری فار ایوری تھنگ ۔۔۔۔۔۔ “

” افراسیاب ” وہ رو رہی تھی

” آئی لو یو زمرد ۔۔۔ آئی لو یو سو مچ ” زمرد نم آنکھوں سے اس کی محبت بھری آنکھوں میں دیکھ رہی تھی ” اب میں تمہیں ایک پل کے لئے بھی خود سے دور نہیں ہونے دوں گا ۔۔۔۔۔ تمہیں کہیں جانے نہیں دوں گا ۔۔۔۔۔۔۔۔ ” افراسیاب کے بھاری آواز پہ زمرد رک کے اسے دیکھنے لگی اسے سعد کا خیال آیا تھا اس کے ہاتھ میں ابھی تک سعد کی رنگ تھی ۔۔۔۔۔ اس نے اپنا چہرہ موڑ لیا افراسیاب چونکا تھا ” زمرد ۔۔۔۔۔ ” اس نے اپنی آنکھیں بند کر لیں ۔۔۔۔۔۔ ” افراسیاب پلیز چلے جاؤ یہاں سے ۔۔۔۔ پلیز “

” زمرد میں ۔۔۔۔۔۔ ” وہ کچھ کہنا چاہ رہا تھا لیکن زمرد اسے دیکھ ہی نہیں رہی تھی اس کی آنکھوں میں سختی آ گئی اور جب بولا تو آواز میں بھی زمرد کو اس کے لہجے کی سختی محسوس ہو رہی تھی ۔۔۔۔۔۔۔۔ ” میں کہیں نہیں جا رہا زمرد اور نہ ہی تمہیں کہیں جانے دے رہا ۔۔۔۔۔” زمرد نے اس کے سرد چہرے کو ایک نظر دیکھا ۔۔۔۔۔۔۔۔ وہ کچھ دیر اس کی آنکھوں میں دیکھتا رہا ۔۔۔۔۔ اور اپنی جگہ سے اٹھ کے وہ تیزی سے کمرے سے باہر نکل گیا ۔۔۔۔۔۔ زمرد بند دروازے کو دیکھتی رہی اب کیا ہونے والا یا افراسیاب کیا کرنے والا ۔۔۔۔۔۔۔۔

✓✓✓✓✓✓✓✓✓✓✓

دروازہ کھول کے چھوٹے چھوٹے قدم اٹھاتی وہ زمرد کے بیڈ کے قریب آئی ۔۔۔۔۔۔۔۔۔۔ اس کی آنکھیں بند تھی اسے لگا شاید سو رہی ہے ۔۔۔۔۔۔۔۔ کچھ دیر کھڑی اسے دیکھتی اپنی انگلیاں مڑورتی رہی پھر اسے آواز دی ” زمرد ۔۔۔۔۔ “

زمرد نے آنکھیں کھول کے اسے دیکھا اقرا کو دیکھ کے اس کے چہرے پہ ناگواری پھیل گئی تھی ۔۔۔۔۔

جاری ہے