Mohabbat Ras Na Ai Humko by Malaika Rafi NovelR50586 Mohabbat Ras Na Ai Humko (Episode 02)

Mohabbat Ras Na Ai Humko by Malaika Rafi

” ڈاکٹر پلوشے کیا کر رہی ہے آپ ؟” پلوشے جو چائے پی رہی تھی اچانک ڈاکٹر جہانگیر کی آواز پہ چونک کے اسے دیکھنے لگی ۔۔۔۔۔ ” چائے پی رہی ہوں ” وہ وہیں بیٹھ گیا تو پلوشے ادھر ادھر دیکھنے لگی ” ڈاکٹر افراسیاب آپریشن تھیٹر میں ہے ” پلوشے اسے دیکھنے لگی جو زیر لب مسکرا رہا تھا ۔۔۔۔۔۔۔ پھر دوپٹہ سر پہ ٹھیک کرتی کنفیوز ہو گئی ” یہ بات نہیں تھی “

” تو کیا بات تھی ؟” ڈاکٹر جہانگیر اسے دلچسپی سے دیکھ رہا تھا پلوشے اس سے کترا رہی تھی کیونکہ زمرد نے اسے سختی سے منع کر رکھا تھا جہانگیر سے بات کرنے کو ۔۔۔۔۔۔ ” میں زمر کو ڈھونڈ رہی تھی وہ پتہ نہیں کہاں رہ گئی ” جہانگیر اچھا خاصا بدمزہ ہوا ۔۔۔۔ ” سمجھ نہیں۔ آتی آپ جیسی سوبر انسان کی اتنی عجیب سے دوست کیوں ہے ” پلوشے نے ناگواری سے اسے دیکھا ۔۔۔ تو وہ سنبھل گیا جبکہ اسی وقت زمرد وہاں آ گئی ۔۔۔۔۔ ” ارے جہانگیر تم تو ایفورڈ ہی نہیں کر پا رہے ” وہ وہیں بیٹھتی بولی تو جہانگیر اسے دیکھنے لگا ” مطلب ؟”

” میری پرسنالٹی ” وہ کندھے اچکا کے بولی تو پلوشے نے اپنی ہنسی روکی جبکہ جہانگیر لب بھینچے اسے دیکھنے لگا ۔۔۔۔۔ ” چائے پیو گے تم بھی ؟ ” وہ جہانگیر سے پوچھ رہی تھی

” نہیں ۔۔۔ میں چلتا ہوں ” وہ اٹھتے بولا

” بائے ” زمرد کے اچانک کہنے پہ جہانگیر سلگتا ہوا وہاں سے نکل گیا تو پلوشے ہنس پڑی جبکہ زمرد اسے گھوریاں دے رہی تھی ” خود ہی آ گیا ” پلوشے بوکھلا گئی ۔۔۔۔

” تو تجھے بھگانا نہیں آتا ؟” گھوریاں ابھی بھی عروج پہ تھی جبکہ پلوشے انگلیاں مروڑنے لگی ۔۔۔۔ ” چل چھوڑ ۔۔۔۔ بھوک لگی ہے کچھ منگواتے ہیں ” زمرد بات بدلتے بولی تو پلوشے بھی مسکرائی ” کیا کھاؤ گی ؟”

” منگوا لیں جو دل کرے ” وہ موبائل میں دیکھتی بولی جبکہ پلوشے اسے دیکھ کے رہ گئی بس !!!!! اسی لمحے اس کی نظر سامنے پڑی جہاں سے افراسیاب اندر آ رہا تھا ساتھ ہی کہیں سے ڈاکٹر رابیل نہ جانے کہاں سے ٹپک کے اس کے سامنے آگئی تھی ۔۔۔۔۔۔۔ زمرد آبرو اچکا کے دونوں کو دیکھ رہی تھی ۔۔۔۔۔۔ رابیل اس کے چہرے پہ نظریں جمائے رکھے نہ جانے کیا بات کر رہی تھی جبکہ افراسیاب سر اثبات میں ہلاتا آگے بڑھ رہا تھا اور رابیل وہیں کھڑی اسے دیکھ رہی تھی ۔۔۔۔۔۔ زمرد کی لبوں کو مسکراہٹ نے چھوا ” بےچاری ” اور پھر نظریں گھما کے پلوشے کو ڈھونڈنے لگی ۔۔۔۔۔۔

~~~~~~~~~~~~~~~

” نجیبے ” زرین کی آواز پہ ٹی وی دیکھتی نجیبہ انھیں دیکھنے لگی ” جی مور جان ( ماں جی) ؟”

” افراسیاب اور روشانے کی منگنی کا کچھ سوچا تم لوگوں نے کہ نہیں ؟” زرین کے کہنے پہ نجیبہ عارف کو دیکھنے لگی جو آج اتوار ہونے کی وجہ سے گھر پہ تھے اور اخبار دیکھ رہے تھے ۔۔۔۔۔۔ ” عارف تم ہی بتاؤ کچھ ” زرین عارف سے مخاطب ہوئی تو وہ سر ہلانے لگے ” مور جان ہو جائے گی منگنی بھی دونوں کی ۔۔۔۔ افراسیاب کچھ بزی ہے اس کی مصروفیات کم ہو جائے ” زرین بیگم کا منہ بن گیا ” افراسیاب کی تو مصروفیات ہی ختم نہیں ہوتی نہ تمہاری ۔۔۔۔۔ لگتا ہے پورے پاکستان کے مریض تم دونوں باپ بیٹے کے پاس ہی آتے ہیں ” عارف ہنس پڑے جبکہ نجیبہ مسکرانے لگی ” مور جان ۔۔۔ میں افراسیاب سے بات کروں گی آپ پریشان مت ہو ” نجیبہ انھیں تسلی دینے لگی جبکہ دل عجیب انداز میں دھڑک رہا تھا اب وہ کیسے منائے گی افراسیاب کو ۔۔۔۔۔۔۔۔ اس نے ہمیشہ اپنے بیٹے کی آنکھوں میں زمرد کے لئے محبت دیکھی ہے وہ کیسے اپنے بیٹے کو منائے گی کیسے اسے کہے گی اپنی محبت کا گلا گھونٹنے کو ۔۔۔۔۔۔ یہ فرسودہ روایات نہ جانے کب تک ۔۔۔ کتنی ہی محبتوں کا گلا گھونٹے گی ۔۔۔۔۔۔۔۔۔۔۔ اگر بچپن سے روشانے افراسیاب کے نام نہ ہوتی تو وہ ایک بھی لمحہ ضائع کیے بنا زمرد کو اپنے افراسیاب کے لئے مانگ لیتی لیکن یہ روایات ۔۔۔۔۔ وہ سوچ کے رہ گئی بس !!!!

~~~~~~~~~~~

پلوشے کو زمرد کے گھر کے سامنے اتار کر وہ جانے والا تھا جب اسے گیٹ سے زمرد مسکراتی ہوئی نکلتی نظر آئی ۔۔۔۔۔۔۔۔ بالوں کا اونچا جوڑا بنائے ۔۔۔۔۔۔۔ وہ ٹی شرٹ اور ٹراؤزر میں تھی ۔۔۔۔ پلوشے نے ایک نظر اپنے بھائی پہ ڈالی جو لب بھینچے زمرد کو دیکھ رہا تھا ۔۔۔۔۔ اس کی نیلی آنکھوں میں غصہ تھا جبکہ زمرد پلوشے کے گلے لگی اپنی خوشی کا اظہار کر رہی تھی ۔۔۔۔۔۔ افراسیاب گاڑی سے نکل کے کڑے تیوروں سے اسے دیکھنے لگا ” یہ پیار کا مظاہرہ اندر گھر جا کے بھی کیا جا سکتا ہے ” زمرد نے ایک نظر اس پہ ڈالی ” آپ بھی آئیے نا ” اس کی آنکھیں مسکرا رہی تھی ۔۔۔۔ جبکہ افراسیاب لب بھینچے اسے دیکھ رہا تھا ” نو تھینکس ۔۔۔۔ ” زمرد کچھ نہیں بولی بس مسکراتی آنکھوں سے اسے دیکھ رہی تھی ۔۔۔ جبکہ افراسیاب پلوشے سے کہنے لگا ” شام میں آؤں گا “

” میں خود چھوڑ دوں گی پلوشے کو گھر پہ ” زمرد اچانک سے بولی تھی افراسیاب نے ایک تیز نظر اس پہ ڈالی ” میں خود لینے آ جاؤں گا ” زمرد کے لب مسکرا پڑے اور افراسیاب لب بھینچ کے گاڑی میں بیٹھ گیا ۔۔۔۔۔ وہ دونوں اندر آگئیں ۔۔۔ ” کیوں تنگ کرتی ہو اسے ” پلوشے اسے ڈانٹ رہی تھی

” مزہ آتا ہے ” زمرد ہنس رہی تھی ۔۔۔۔ ” ڈر نہیں لگتا ؟” وہ پوچھ رہی تھی

” افراسیاب سے ؟” زمرد حیران ہوئی تو وہ اثبات میں سر ہلا گئی ۔۔۔۔ جبکہ زمرد مسکرا پڑی ” پیار آ جاتا ہے ” جبکہ پلوشے اس کا ہاتھ کھینچتی اندر لے گئی ” چلو لیلیٰ صاحبہ ۔۔۔۔ اندر جلدی ” وہ ہنستی ہوئی پلوشے کے ساتھ اندر چلی گئی ۔۔۔ جبکہ گاڑی چلاتا افراسیاب کو اس کے سراپے کو یاد کر کے غصہ آ رہا تھا کیا تھا اگر وہ ڈھنگ کے کپڑے پہنے ۔۔۔۔ ڈھنگ کے چلا کرے لیکن نہیں !!!! وہ ہمیشہ افراسیاب کو غصہ دلا جاتی ۔۔۔

~~~~~~~~~~~~~`

نجیبہ کی بات پہ وہ جو فائلز دیکھ رہا تھا ایک پل کو اس کا دل ڈوبا تھا پھر سنبھل کے وہ اسی طرح فائلز کو دیکھتا سر اثبات میں ہلانے لگا ” ٹھیک ہے مما ۔۔۔۔۔ کچھ امپورٹنٹ ورک ہیں وہ کمپلیٹ ہو جائے ” نجیبہ غور سے اپنے بیٹے کو دیکھنے لگی ۔۔۔۔۔ وہ کچھ دیر نظر انداز کرتا رہا پھر چونک کے انھیں دیکھا ۔ ” میں نہیں جانتی کیا کہ میرا بیٹا کیوں ٹال رہا ہے ؟” نجیبہ کے کہنے پہ افراسیاب انھیں دیکھے گیا ” روشانے بچپن سے میرے نام پہ ہیں آپ پریشان نہ ہو ۔۔۔۔۔۔ روشانے سے شادی پہ میں انکار نہیں کر رہا ۔۔۔۔۔۔ ” وہ دھیمے لیکن بھاری لہجے میں بولا تھا ۔۔۔۔۔ ” اور زمرد ؟” نجیبہ پوچھنے لگی ۔۔۔۔۔ افراسیاب کچھ دیر اپنی ماں کو دیکھتا رہا پھر سر جھکا کے فائلز کو دیکھنے لگا ” زمرد کیا ؟” وہ خود کو مصروف دکھا رہا تھا

” میں نہیں جانتی کیا اپنے بیٹے کے دل کا حال ؟ ماں ہوں میں تمہاری ۔۔۔۔۔ تمہاری آنکھیں پڑھ لیتی ہوں ” نجیبہ کہہ رہی تھی افراسیاب فائل چھوڑ کے اپنی ماں کو دیکھنے لگا ” جو بات ابھی زبان پہ نہیں آئی اسے ویسے ہی رہنے دیں ۔۔۔۔۔۔ زمرد کو کوئی اچھا انسان مل جائے گا “

” تم دیکھ لو گے اسے کسی اور کے ساتھ ؟” نجیبہ اپنے بیٹے کا چہرہ غور سے دیکھ رہی تھی ۔۔۔۔۔ افراسیاب کے چہرے پہ ایک سایہ سا گزرا تھا وہ تو زمرد کو کسی کے ساتھ بات کرتے بھی دیکھ لیتا تو اسے غصہ چڑھ جاتا ۔۔۔۔۔۔۔ پھر دھیرے سے مسکرایا ” چھوڑئیے مما آپ بھی کیا باتیں لے کے بیٹھ گئی ۔۔۔۔۔ میں بتا دوں گا آپ کو جب فری ہو جاؤں گا ” وہ پھر سے فائل دیکھنے لگا نجیبہ کچھ دیر اپنے بیٹے کو دیکھتی رہی پھر اٹھ کے کمرے سے نکل گئی ۔۔۔۔۔۔۔۔ ان روایات کے خلاف کیسے جاتی وہ ؟ برسوں سے یہیں تو ہوتا آ رہا تھا اس خاندان میں تو اب ۔۔۔۔ وہ کیسے ؟ اگر کچھ بول بھی لیتی تو پلوشے بھی تو اسی خاندان کے بیٹے سے منسوب تھی ۔۔۔

اس کا رشتہ خطرے میں پڑ جانا تھا ۔۔۔۔۔۔۔ نجیبہ کے جاتے ہی افراسیاب نے پین سائیڈ پہ رکھ دیا اور سر پکڑ کے بیٹھ گیا ۔۔۔۔ ایک طرف خاندان کی روایات اور دوسری طرف اس کی ادھوری سی محبت ۔۔۔۔۔۔۔۔۔ اور یہاں محبتیں خاندانی روایات کے بیچ گھٹ گھٹ کے دم توڑ ہی دیتی ہے ۔۔۔