Mohabbat Ras Na Ai Humko by Malaika Rafi NovelR50586 Mohabbat Ras Na Ai Humko (Last Episode)

Mohabbat Ras Na Ai Humko by Malaika Rafi

افراسیاب اس سے غصہ تھا ۔۔۔۔ ناراض تھا تبھی اس کے سامنے آنے سے کترا رہا تھا لیکن اس نے بھی سوچ لیا تھا کہ آج وہ بات کرے گی افراسیاب سے ۔۔۔۔۔۔۔۔۔۔۔ ہٹ دھرمی والا رویہ جتاتا تو ہے اس پہ لیکن پھر منہ پھلا کے بھی رہتا ہے اس سے ۔۔۔۔۔۔۔۔۔ وہ ہاسپٹل میں اسے ڈھونڈ رہی تھی لیکن وہ کہیں اسے نظر نہیں آیا ۔۔۔۔۔۔۔۔۔۔۔۔ وہ چپ چاپ لب کاٹتی اپنے کام میں مصروف رہی جب اس کے موبائل پہ کال آئی ۔۔۔۔۔۔۔۔۔ کال پلوشے کی تھی ” ہیلو پلوشے کیسی ہے تو ؟”

” میں ٹھیک ہوں ۔۔۔۔۔ یار گھر آ جا میں بور ہو رہی ” زمرد یہیں سے ہی اس کا بسورا منہ تصور کر رہی تھی اسے ہنسی آگئی ” کیوں اسفند بھائی کہاں ہے ؟”

” وہ تو اسلام آباد گئے ” پلوشے نے بتایا

” تو تم کیوں نہیں گئی ؟ تو بھی چلی جاتی ” زمرد کے شرارتی لہجے پہ اس کا منہ بن گیا اب وہ کیا بتاتی کہ وہ کیوں ادھر رکی ہے ۔۔۔۔۔۔۔۔

” آ رہی ہے کہ نہیں ؟؟ ” پلوشے کے ہٹ دھرمی سے پوچھنے پہ زمرد کا منہ بن گیا ” تم دونوں بہن بھائی کو لڑنے کے علاؤہ کچھ نہیں آتا “

پلوشے کی ہنسی چھوٹ گئی

” نہیں ” اس نے بےساختہ کہا ۔۔۔ ” اچھا سن افراسیاب بھائی کی طبیعت ٹھیک نہیں ہے ۔۔۔۔۔۔ فلو اینڈ ٹمپریچر ہے انھیں ۔۔۔۔۔۔۔۔ ” پلوشے کے بتانے زمرد کا دل زور سے دھڑکا تھا

” زمر ۔۔۔۔ سن رہی ہے تو ؟” پلوشے کی آواز پہ وہ چونکی تھی

” ہاں ۔۔۔۔ “

” میں ان کا خیال نہیں۔ رکھ پا رہی یار آ جا تو ہیلپ ہی کردیں ” پلوشے کے کہنے پہ وہ تیزی سے بولی

” اچھا آ رہی ہوں ۔۔۔۔۔ ” موبائل بند کر کے وہ کچھ دیر سوچتی رہی پھر آگے بڑھ گئی ۔۔۔۔۔۔۔۔۔ اسے افراسیاب کو منانا تھا اب ۔۔۔۔۔۔۔۔۔۔

اس کا سر درد سے پھٹا جا رہا تھا ۔۔۔۔۔۔۔۔۔۔۔۔۔ بخار کی وجہ سے اس کے جسم میں بھی درد ہو رہا تھا ۔۔۔۔۔۔۔ ڈاکٹر ہو کے بھی وہ بجائے اپنی کئیر کرے ۔۔۔۔۔۔۔

میڈیسن لے ۔۔۔۔۔۔ لیکن سر منہ لپیٹے وہ بستر پہ پڑا تھا جب ڈھرام سے دروازہ کھلا اور زمرد اندر آئی ۔۔۔۔۔۔۔ افراسیاب حیرت سے اسے دیکھنے لگا جبکہ وہ اندر آ کے پردے ہٹانے لگی ۔۔۔۔۔۔۔۔۔۔۔ پھر افراسیاب کی طرف دیکھنے لگی ۔۔۔۔۔۔۔۔۔ جو اپنی سرخ ہوتی آنکھوں سے اسے دیکھ رہا تھا ۔۔۔۔۔۔۔۔۔۔ ٹشو پیپر کا ڈھیر اس کے بیڈ پہ تھا افراسیاب اس کے یوں دیکھنے پہ اٹھ کے بیٹھ گیا اور لب بھینچے اب اسے دیکھ رہا تھا ۔۔۔۔۔۔۔۔۔۔۔۔۔۔ ” یہاں کیوں آئی ہے آپ ڈاکٹر زمرد “

” آپ کا حلیہ دیکھنے ” وہ منہ بنا کے بولی ۔۔۔۔۔۔۔

” کیوں ؟” وہ آبرو اچکا کے پوچھ رہا تھا ۔۔۔

“میری مرضی ” وہ کندھے اچکا کے بولی ۔۔۔۔۔۔۔۔۔۔ اور آگے بڑھ کے اس کی بیڈ شیٹ ٹھیک کرنے کے لئے جھکی ۔۔۔۔۔۔ افراسیاب اپنی جگہ سے اٹھ کے کھڑا ہو گیا

” کیا مسلہ ہے میں خود کر لوں گا ” وہ جھنجھلایا تھا

” اچھا تو ابھی تک کر لیا ہوتا نا ” وہ اسے جتاتے بولی تھی ۔۔۔۔۔۔۔۔۔۔۔۔۔ افراسیاب ادھر ادھر دیکھنے لگا جب زمرد اس کے قریب آ کے بکھرے ٹشو پیپر اٹھانے کا سوچ رہی تھی جب افراسیاب نے اسے بازو سے پکڑ کے اپنے سامنے کھڑا کیا ” کیا مسلہ ہے زمرد ” اس کی آنکھوں میں دیکھ کے وہ پوچھ رہا تھا زمرد مسکراتی آنکھوں سے اسے دیکھ رہی تھی ۔۔۔۔۔۔۔۔۔ افراسیاب کو وہ پہلے والی زمرد ہی لگی ۔۔۔۔۔۔۔۔

” بہت سے مسلے ہیں ۔۔۔۔۔۔ کہاں سے اسٹارٹ کروں بتانا ” وہ مسکراہٹ لبوں میں دبائے اس سے پوچھ رہی تھی ۔۔۔۔۔۔۔۔۔۔۔۔۔۔۔ افراسیاب کچھ دیر اسے دیکھتا رہا پھر اس کا بازو چھوڑ کے سائیڈ پہ ہو گیا جب زمرد اس کے سامنے آگئی ۔۔۔۔

” اب کیا ہے ؟ کرو جو کرنا ہے ” وہ جھنجھلاتا ہوا دھیمی آواز میں بولا تھا ۔۔۔۔۔

” کر تو رہی ہوں ” وہ مسکراتی ہوئی اس کی آنکھوں میں دیکھ رہی تھی

” کیا ؟” وہ بےساختہ پوچھ بیٹھا ۔۔۔

” تم سے محبت ۔۔۔۔۔۔ ” زمرد کے کہنے پہ افراسیاب پہلے چونکا تھا پھر لب بھینچے اسے دیکھنے لگا

” اس کے لئے سعد ہے نا”

وہ مسکراتی ہوئی سر نفی میں ہلانے لگی

” مجھے کہیں جانے نہیں دے رہے تھے کل تک اور آج منہ موڑ رہے ہو ؟”

افراسیاب کچھ دیر اسے دیکھتا رہا ۔۔۔۔ ” کیوں کر رہی ہو یہ سب زمرد “

وہ خاموشی سے اس کا جائزہ لے رہی تھی

” جب بیچ راستے میں ہاتھ چھوڑنا ہی ہوتا ہے تمہیں تو کیوں کر رہی ہو یہ سب ؟”

افراسیاب نے دکھ سے اسے دیکھتے کہا تھا زمرد نے اس کا ہاتھ اپنے ہاتھوں میں لے لیا ۔۔۔۔۔۔۔۔۔۔۔۔۔

” میں نے سب اس لئے کیا کہ میری وجہ سے تم اور بےبے کے بیچ کوئی دیوار نہ آئے ” وہ سر جھکائے بول رہی تھی افراسیاب اس کے جھکے سر کو دیکھ رہا تھا ۔۔۔۔۔۔۔۔۔ زمرد نے سر اٹھا کے اس کے چہرے کو دیکھا

” تم سے دستبردار ہونا ۔۔۔۔ وہ شہر چھوڑ جانا ۔۔۔۔۔ اپنوں کو چھوڑ جانا آسان نہیں۔ ہوتا افراسیاب ۔۔۔۔۔۔۔۔۔ بہت مشکل تھا ۔۔۔۔ تم سب سے مجھے بہت پیار ملا اور عزت ملی تو میں ۔۔۔۔۔۔۔۔ میں کیسے بےبے کو خود سے ناراض کر کے خوش رہ سکتی تھی کیسے افراسیاب” اس کی آنکھوں میں آنسو جھلملا رہے تھے ۔۔۔۔۔۔۔۔۔۔۔۔۔ ” ایم سوری افراسیاب ۔۔۔۔۔۔۔۔۔۔۔ رشتے بنانا اور رشتے نبھانا دونوں ہی مشکل ہیں لیکن کچھ رشتوں کو نہ چاہتے ہوئے بھی ہمیں نبھانا پڑتا ہے “

” تو جاؤ نبھاؤ اس رشتے کو ” افراسیاب کے لہجے میں ناراضگی تھی ۔۔۔۔

غصہ تھا ۔۔۔۔۔۔۔۔ ” اور تم ؟” زمرد کے پوچھنے پہ وہ اسے دیکھنے لگا

” میں کیا ؟”

” تم روکو گے نہیں مجھے افراسیاب ؟” اس کی سوالیہ نظریں افراسیاب پہ تھی ۔۔۔۔

” رک جاؤ گی ؟” وہ مان سے پوچھ رہا تھا تو زمرد آنسو بھری آنکھوں سے مسکراتے ہوئے سر اثبات میں ہلانے لگی ۔۔۔۔۔۔۔

” پھر سے چھوڑ جاؤ گی ” وہ پوچھنے لگا تو زمرد سر نفی میں ہلانے لگی۔۔۔۔۔۔۔

افراسیاب نے اس کے آنسو اپنی انگلی کی پور سے صاف کیے ۔۔۔۔۔۔۔۔۔۔۔۔۔۔۔ ” میں اپنے اور تمہارے بیچ کی سب رکاوٹیں ختم کر کے آئی ہوں ۔۔۔۔۔۔۔۔۔۔۔۔۔۔ ” زمرد نے دھیمے لہجے میں کہا ” ہمارے بیچ نہ کوئی سعد ہے اور نہ کوئی اور ” افراسیاب کے لبوں پہ اس کی معصومیت پہ مسکراہٹ ٹھہر گئی ۔۔۔۔۔۔۔۔۔ ” تو کسی پرابلم کے بنا میں تمہیں پروپوز کرسکتا ہوں مطلب ؟” زمرد نے مسکرا کے پلکیں جھکا دی ۔۔۔۔۔۔۔۔۔۔۔۔۔۔۔۔۔۔۔ بہت دیر تک جب افراسیاب کچھ نہیں بولا تو وہ نظریں اٹھا کے اسے دیکھنے لگی ۔۔۔۔۔۔ ” کر بھی دو ” زمرد کے کہنے پہ افراسیاب کو ہنسی آگئی

” جب میرا دل کرے گا تب میں پروپوز کروں گا تمہیں ۔۔۔۔ ” زمرد گھور کے اسے دیکھنے لگی ۔۔۔۔۔۔۔۔۔ اس کے ہاتھ اپنے چہرے سے ہٹا کے منہ موڑ گئی

” ایسا ہی ہے تو بائے” وہ منہ بنا کے جانے لگی

” اچھا سنو ” افراسیاب کے بھاری آواز پہ وہ رک گئی لیکن مڑی نہیں ۔۔۔۔۔۔ اس کے لبوں پہ ہلکی مسکراہٹ تھی

” بائے ” افراسیاب کی آواز پہ زمرد نے مڑ کے اسے دیکھا اور پھر غصے سے منہ موڑ گئی اور باہر نکل گئی ۔۔۔۔۔ جبکہ افراسیاب کی ہنسی نے دور تک اس کا پیچھا کیا ۔۔۔۔

⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩

” مما زمرد اور افراسیاب بھائی پھر سے مل گئے ہیں ” پلوشے خوشی سے دوہری ہوتی فون پہ اپنی ماں کو بتا رہی تھی ۔۔۔۔۔۔۔۔۔۔۔۔

” کہاں پہ ؟” نجیبہ کی آواز میں بھی خوشی محسوس ہو رہی تھی

” یہاں ایبٹ آباد میں ۔۔۔۔۔ ” پلوشے کے بتانے پہ نجیبہ حیران ہو گئی ۔۔۔۔ ” ایک ہی ہاسپٹل میں ہیں دونوں “

” کون ہیں نجیبہ بچے” زرین بھی پوچھنے لگی ۔۔۔۔۔۔۔

” پلوشے ہیں مور جان ” انھیں بتا کے وہ پھر سے فون پہ پلوشے سے کہنے لگی ۔۔۔۔۔ ” یہ تو بہت خوشی کی بات ہے “

” بس آپ سب جلدی سے آجائیں اور زمرد اور افراسیاب بھائی کو شادی کے بندھن میں جوڑ دیں ” پلوشے اتنی پرجوش تھی کہ نجیبہ کو ہنسی آگئی ۔۔۔۔۔۔۔ ” بلکل بلکل ۔۔۔۔۔۔ ہم کل ہی آ رہے ہیں ” پھر فون بند کر کے زرین کی طرف متوجہ ہوئی ” مور جان زمرد اور افراسیاب ایبٹ آباد میں ایک ہی ہاسپٹل میں کام کرتے ہیں ۔۔۔۔ ” زرین کی خوشی کی انتہا نہیں رہی ۔۔۔۔۔۔۔ ” سچ میں ؟ ہائے زما بچے مل گئی ۔۔۔۔۔۔۔۔۔ نجیبے بس اب دیر نہیں۔ کرنا ہم نے جلدی سے ایبٹ آباد جاتے ہیں ہم بس ” نجیبہ ہنسنے لگی ” بلکل مور جان ہم کل ہی جا رہے ہیں انشا اللہ ” وہ انھیں تسلی دینے لگی جبکہ زرین بھی ” انشا اللہ ” کہہ کے اب ہاتھ اٹھا کے اللہ کا شکر ادا کر رہی تھی ورنہ وہ تو برسوں سے اس دکھ کے ساتھ اپنی زندگی گزار رہی تھی کہ انھوں نے زمرد کے ساتھ اچھا نہیں کیا اور زمرد اس کی خاطر یہ شہر اور انھیں چھوڑ گئی ہیں

⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩

” سعد ۔۔۔ ” وہ جو ائیرپورٹ میں آگے قدم بڑھا رہا تھا اچانک اپنا نام سن کے رک گیا ۔۔۔۔ ” مت جاؤ پلیز ” سعد مڑ کے پیچھے دیکھنے لگا اقرا اس بھری نظروں سے کھڑی اسے دیکھ رہی تھی ۔۔۔۔۔۔۔ وہ ٹھٹھک گیا ۔۔۔۔۔ وہ یہ ملک چھوڑ کے جا رہا تھا ہمیشہ کے لئے اور اقرا بہت مان سے اسے روکنے آئی تھی ۔۔۔۔۔۔۔۔۔۔ ” مت جاؤ سعد پلیز ۔۔۔۔۔۔۔۔۔۔ آئی نو تم غصہ ہو مجھ سے ۔۔۔ حق بنتا ہے تمہارا میں بہت غلط کر چکی ہوں لیکن …..” وہ سر جھکائے اعتراف کر رہی تھی ” میں زمرد سے معافی مانگ چکی ہوں اور ۔۔۔۔۔۔ اس نے مجھے معاف کردیا ہے کیا تم بھی مجھے معاف کر دو گے ؟” وہ آس سے اس سے پوچھ رہی تھی وہ خاموشی سے اسے دیکھ رہا تھا اقرا اس کے قریب آئی ” ایم سوری سعد لیکن ۔۔۔۔۔۔۔ ” وہ اپنی انگلیاں مڑورنے لگی ” محبت کر بیٹھی ہوں تم سے تو کیا اس محبت پہ میرا حق نہیں بنتا ؟ کیا تم سے محبت نہیں کر سکتی میں سعد ؟” سعد لب بھینچے اسے دیکھ رہا تھا ۔۔۔۔۔۔۔۔۔ اقرا سر جھکائے کسی مجرم کی طرح کھڑی اپنے حق میں کیے گئے فیصلے کا انتظار کر رہی تھی ۔۔۔۔۔۔ ” اپنا خیال رکھنا اقرا ” سعد کے کہنے پہ اقرا نے ایکدم سر اٹھا کے اسے دیکھا ” تمہیں خوش نہیں رکھ پاؤں گا میں اقرا ۔۔۔۔ اللہ حافظ” وہ کہہ کے مڑا تھا اور اقرا آنسو بھری آنکھوں سے اسے خود سے دور جاتا دیکھ رہی تھی ۔۔۔۔۔۔۔۔۔۔۔ اس کا دل باہر آنے کو تھا لیکن اس میں اور سکت نہیں تھی کہ آگے بڑھ کے سعد کو روک پائے ۔۔۔۔۔۔۔۔۔۔۔ وہ خاموشی سے آنسو بہاتی رہی یہاں تک کہ سعد اس کی آنکھوں سے اوجھل ہوگیا ۔۔۔۔۔۔۔۔۔۔ اس کی امید ٹوٹ چکی تھی ۔۔۔۔ وہ اپنے تھکے وجود کو سنبھالتی مڑی اور چھوٹے چھوٹے قدم رکھتی وہ ائیرپورٹ کے احاطے سے باہر نکل رہی تھی وہ سعد کو ہار کے اپنا سب ہار گئی تھی ۔۔۔۔

اپنا آپ ہار گئی تھی ۔۔۔۔

اپنا مان ہار گئی تھی ۔۔۔۔۔۔

کچھ فاصلے پہ جا کے وہ بینچ پہ بیٹھ گئی ۔۔۔۔۔۔۔۔۔۔۔۔۔۔۔۔ کب کیسے وہ سعد کو اپنا سب مان بیٹھی تھی اور سعد ایک پل میں اسے ٹھکرا کے جا چکا تھا ۔۔۔۔۔۔۔۔

” تو یہیں بیٹھ کے آئسکریم بننے کا پروگرام ہے کیا ؟” جانی پہچانی آواز پہ اس نے سر اٹھا کے دھندلائی آنکھوں سے اپنے سامنے بیٹھے سعد کو دیکھنے لگی جو زیر لب مسکرا رہا تھا ۔۔۔۔۔۔۔۔۔ اقرا نے بار بار پلکیں جھپکی ۔۔۔۔ آنسو اس کی گال پہ ڈھلک گئے تھے جبکہ سعد نے ہاتھ بڑھا کے اس کے آنسو صاف کیے ۔۔۔۔۔ ” چھو کے دیکھ لو رئیل ہوں ” اقرا نے جھینپ کے سر جھکا لیا ۔۔۔۔۔۔۔ پھر سر اٹھا کے اسے تیکھی نظروں سے دیکھنے لگی ” تم تو جا رہے تھے “

” ہاں سوچا ایک عدد مسز بھی اپنے ساتھ لیے چلوں سو جانے کا ارادہ ابھی کینسل کردیا ” سعد نے شرارتی لہجے میں کہا ۔۔۔۔۔ ” تو ہیلپ کرو گی میری مسز ڈھونڈنے میں مجھے ؟” وہ اس سے پوچھ رہا تھا ۔۔۔۔ اقرا نے اس کی مسکراتی آنکھوں میں دیکھا پھر سر جھکا کے منہ موڑ گئی ۔۔۔۔۔۔ ” یہ بھی منظور نہیں ۔۔۔ ” وہ پرسوچ انداز میں بولا پھر اس کے قریب ہوا اور سرگوشی میں کہنے لگا ” تو آؤ شادی کرتے ہیں آپس میں ” اقرا نے حیرت سے اسے دیکھا ۔۔۔۔۔۔ ” سریس ہوں یار قسم لے لو ” وہ پھر بھی چپ رہی ” چپ کا روزہ رکھا ہوا ہے کیا آج ؟ بولو بھی کیا میں منظور ہوں ؟” وہ تھوڑا جھک کے بولا تھا

” مزاق بنا رہے میرا ؟” اقرا روٹھے انداز میں بولی

” تمہیں میرا پروپوز کرنا مذاق لگ رہا ؟ آئی مین سریسلی میں جوک کرتا لگ رہا تمہیں ؟” وہ مصنوعی حیرت سے بولا تھا اقرا نے سر نفی میں ہلایا

” تو میں ہاں سمجھوں ؟ کیا آپ مسز اقرا سعد کہلانا پسند کرے گی ؟” وہ اسے پروپوز کر رہا تھا اقرا نے مسکرا کے سر اثبات میں ہلایا تو سعد بھی مسکرا پڑا ۔۔۔۔۔ ہم ہمیشہ خود کے لئے نہیں جیتے کھبی ان کے لئے بھی جی لینا چاہئے جو ہم سے پیار کرتے ہیں اور سعد کو بھی اپنا یہ فیصلہ بہترین لگا

⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦⁩⁦

وہ بالکونی میں کھڑی کچھ لمحے پہلے کے کیے گئے فیصلے کے بارے میں سوچ رہی تھی ۔۔۔۔۔۔۔ ابھی ابھی ہی نیچے لاونج میں بزرگوں نے ان دونوں کی زندگی کا بہترین فیصلہ کیا تھا ۔۔۔۔۔۔ اس کے لبوں پہ دلفریب سی مسکراہٹ تھی ۔۔۔۔۔۔۔ ایک خوبصورت احساس نے اسے اپنی لپیٹ میں لیا ہوا تھا ۔۔۔۔۔۔۔۔۔۔۔۔۔۔۔۔ افراسیاب اسے ڈھونڈتا وہیں آیا تھا زمرد کو دیکھ کے اس کے لبوں پہ خوشگوار مسکراہٹ ٹھہر گئی ۔۔۔۔۔۔۔ اپنا سر کھجاتا وہ قدم اٹھاتا زمرد کے پیچھے آ کے کھڑا ہوگیا ۔۔۔۔۔۔۔۔ کسی احساس کے تحت اس نے مڑ کے دیکھا اور افراسیاب کو دیکھ کے اس کا دل زور سے دھڑکنے لگا وہ دوبارہ سے منہ موڑ گئی اور اپنی اتھل پتھل ہوتی سانسیں بحال کرنے لگی ۔۔۔۔۔۔۔۔۔۔۔۔۔۔۔ ” آہم ۔۔۔۔ آہم ” اس کے کان کے قریب سرگوشی کر کے افراسیاب اس کا سارا چین برباد کرنے کا سوچے ہوئے ہو جیسے ۔۔۔۔۔۔۔۔ زمرد اپنی سانسوں کے شور کو دباتی ایکدم سے مڑی تھی ۔۔۔۔۔۔۔۔۔۔ ” کیا مسلہ ہے ؟” زمرد اس کے مسکراتے چہرے سے نظریں چراتی بولی جبکہ وہ زیر لب مسکرا رہا تھا ۔۔۔۔۔۔۔۔۔۔۔ ” تم سے محبت ۔۔۔۔۔۔ ” وہ سرگوشی میں بولا تھا ۔۔۔۔۔۔۔۔

” یہ کب ہوا ؟” وہ دوبدو پوچھنے لگی

” جب محبت کے معنی سمجھنے کے قابل ہوا ” وہ مسکرا رہا تھا ۔۔۔۔۔۔۔۔۔۔۔ وہ خاموشی سے سامنے دیکھنے لگی اور افراسیاب اسے ۔۔۔۔

” شادی کرو گی مجھ سے ؟” وہ سرگوشی میں پوچھ رہا تھا تو زمرد اسے دیکھنے لگی ” اچھی لگتی ہو مجھے ۔۔۔۔ شادی کر لیں دونوں “

زمرد کو اس کے انداز پہ ہنسی آگئی ۔۔۔۔۔ افراسیاب حیران ہوا ۔۔۔ پھر پوچھنے لگا

” تو میں ہاں سمجھوں ؟” وہ ہنستے ہوئے سر اثبات میں ہلانے لگی ۔۔۔۔۔۔ افراسیاب کو سمجھ نہیں آ رہا تھا کیسے اپنے احساسات دکھائے ۔۔۔۔۔۔۔۔۔۔ ” میں وہ ۔۔۔۔۔ میں ” زمرد کو اس پہ ہنسی آ رہی تھی ۔۔۔۔۔۔۔۔۔۔ بوکھلاہٹ میں اس نے زمرد کو بانہوں میں بھر لیا ۔۔۔۔۔ ⁦⁩⁦⁩

ختم۔شد