Mohabbat Ras Na Ai Humko by Malaika Rafi NovelR50586 Mohabbat Ras Na Ai Humko (Episode 07)

Mohabbat Ras Na Ai Humko by Malaika Rafi

وہ جیسے ہی گزر رہی تھی آگے جانے کے لئے کہ اچانک کسی نے اس کا ہاتھ پکڑ کے اسے کھینچ کے اپنے قریب کیا اور قدرے تاریک جگہ پہ ہوگیا جہاں کسی کو نظر نہیں آ سکتے تھے وہ دونوں ۔۔۔۔۔۔۔۔ پلوشے اس کے سینے سے لگ گئی تھی وہ چیخنا چاہ رہی تھی جب اسفندیار نے اس کے منہ پہ اپنا ہاتھ رکھا ” ہشششششش اٹس می ” پلوشے اسے شاکی نظروں سے دیکھنے لگی۔ ۔ اس کا دل ابھی تک تیزی سے دھڑک رہا تھا اسفندیار اپنا ہاتھ اس کے منہ سے ہٹا چکا تھا

” یہ کون سا طریقہ ہے “

” منکوحہ ہو میری ۔۔۔۔ نکاح ہوا ہے ہمارا ۔۔۔۔۔۔۔ یہیں طریقے آزماؤں گا تم پہ ” وہ مسکرا رہا تھا

” منکوحہ ہوں بیوی نہیں ” وہ منہ بنا کے بولی

” کیا خیال کروا دوں رخصتی ابھی ہی ؟” وہ شرارت سے بولا تھا پلوشے گھبرا کے اسے دیکھنے لگی ” ارررے مذاق کر رہا ” وہ ہنسنے لگا ۔۔۔۔۔۔۔ ” اچھا سنو ” وہ اسے دیکھنے لگی تو اسفندیار نے اس کی پیشانی پہ اپنے لب رکھ دیے ۔۔۔۔۔۔ پلوشے کے چہرے پہ حیا کے رنگ پھیل گئے ۔۔۔۔۔۔۔۔۔ اس کا دل زور زور سے دھڑکنے لگا ۔۔۔۔ اسفندیار اس کی آنکھوں میں دیکھ رہا تھا ” بہت حسین لگ رہی ہو۔۔۔۔ ” وہ پلکیں جھکا کے مسکرا پڑی ۔۔۔۔۔۔۔۔۔۔۔۔۔ پھر اپنا ہاتھ چھڑا کے وہاں سے نکل آئی تو اسفندیار بھی مسکرا پڑا ۔۔۔۔۔۔۔۔۔۔

زمرد ایک گوشے میں کھڑی تھی اور اسٹیج پہ اس کی نظریں ٹکی تھی جہاں سب موجود تھے ۔۔۔۔۔ دونوں خاندانوں کے افراد ۔۔۔۔۔ سب کے چہروں پہ خوشی تھی ۔۔۔۔۔ مسکراہٹ تھی ۔۔۔۔سب پر سے ہوتے اس کی نظر روشانے پہ گئی ۔۔۔۔۔۔۔۔۔ پیازی لہنگے میں اس کا رنگ دھمک رہا تھا ۔۔۔۔۔۔ ” کتنی لکی ہو روشانے تم ” اداس مسکراہٹ اس کے لبوں پہ ٹھہر گئی تھی اور پھر اس کی نظر اس دشمن جاں پہ رکی اور جیسے ٹھہر ہی گئی ۔۔۔۔۔۔ وہ اتنا ہینڈسم لگ رہا تھا کہ اسے اپنی آنکھوں میں چھبن سی محسوس ہوئی تھی ۔۔۔۔۔۔۔ وی نظریں ہٹانا چاہ رہی تھی لیکن وہ ہٹا نہیں پا رہی تھی ۔۔۔۔۔۔ جیسے اس کے ارد گرد ساری دنیا رک گئی ہو ۔۔۔۔۔۔۔

وہ لب بھینچے بیٹھا ہوا تھا اسے احساس ہوا کہ افراسیاب کی نظرین ادھر ادھر کسی کو ڈھونڈ رہی ہے ۔۔۔ اسے اپنی سانسیں رکتی محسوس ہوئی تھی ۔۔۔۔۔۔۔ ” کاش ۔۔۔۔ کاش افراسیاب ایک بار ۔۔۔۔۔ ایک بار کے لئے منع کردو ۔۔۔۔۔۔۔ کہہ دو نہیں کرنی میں نے یہ منگنی ۔۔۔۔۔۔ آئی سوئیر میں پوری دنیا کے اگینسٹ کھڑی ہو جاؤں گی تمہارے ساتھ ” لیکن اس کی آنکھوں کے سامنے ہی ان کی منگنی بھی ہو گئی اور ایک بار پھر اس کی خواہش دم توڑ گئی ۔۔۔۔۔۔۔۔ وہ چپ رہی بلکل خاموش ۔۔۔۔۔۔۔۔ جب اچانک ایک آواز پہ مڑی تھی ” بھاڑ میں جائے یہ بچپن کے رشتے ” زمرد اسے دیکھنے لگی ۔۔۔۔۔۔۔۔ وہ غصے سے سامنے اسٹیج پہ بیٹھے ان دونوں کو دیکھ رہا تھا ۔۔۔۔۔۔۔ اس کی نظر اس لڑکے کے ہاتھ پہ پڑی جو خون آلود تھا ” آپ کے ہاتھ پہ خون ہیں ” وہ گھبرا کے کہہ رہی تھی اس نوجوان نے ایک نظر اسے دیکھا پھر سر جھٹکا ” ادھر دل کا خون ہو رہا ہے آپ کو ہاتھ کی پڑی ہے “

” روشانے وجہ ہے ؟” وہ پوچھ رہی تھی تو وہ اثبات میں سر ہلانے لگا ” کزن ہے روشانے میری ۔۔۔۔۔ پسند کرتے ہیں ہم دونوں ایک دوسرے کو لیکن یہ خاندانی روایات نے ہمیں کہیں کا نہیں چھوڑا ۔۔۔۔۔۔ لے کے باندھ دیا اس کے گھر والوں نے اسے افراسیاب کے ساتھ ۔۔۔۔۔۔ میں نے منتیں کی ۔۔۔۔۔۔ سب کیا کہ ان کو راضی کر سکوں لیکن نہیں ۔۔۔۔۔۔۔ سونپ دیا میری روشانے کو اسے ” وہ تاسف سے کہہ رہا تھا پھر ایکدم رک کے اسے دیکھنے لگا ” آپ کون ہے ؟”

‘ میں ۔۔۔۔ میں پلوشے کی دوست ہوں ” وہ بتانے لگی

” ہمممممم” وہ پھر سے سامنے دیکھنے لگا لیکن اگلے لمحے سر جھٹک کے وہاں سے باہر نکل گیا ۔۔۔۔۔۔۔ وہ بھی سر جھٹک کے باہر نکل گئی اور آگے لان میں جا کے ایک بنچ پہ بیٹھ گئی ۔۔۔۔۔۔۔ جب ڈاکٹر سعد جو مردان خانے سے نکل کے ادھر آیا تھا اس کی نظر زمرد پہ پڑی کچھ دیر رک کے اس کے سجے سراپے کو دیکھتا رہا پھر وہیں آ کے بیٹھ گیا ” کیا کر رہی یہاں آپ ڈاکٹر زمرد ؟” وہ چونک کے سعد کو دیکھنے لگی ۔۔۔۔۔۔ ” بور ہو رہی تھی اندر تو یہاں آ گئی میں ” وہ پھر سے سامنے پھولوں کو دیکھنے لگی جبکہ سعد اسے گہری نظروں سے دیکھ رہا تھا ۔۔۔۔۔۔ ” بہت خوبصورت لگ رہی ہے آپ ” اس کی گھمبیر آواز پہ زمرد چونکی تھی پھر مسکرا کے اسے دیکھا ” تھینک یو “

” واک پہ چلیں کچھ دور ؟” وہ پوچھ رہا تھا تو زمرد بھی کھڑی ہوگئی ” چلیں ” زمرد آگے بڑھی تو سعد بھی اس کے ساتھ قدم ملا کے چلنے لگا ۔۔۔۔۔ وہ لوگ ہال کے احاطے سے دور نکل آئے تھے اور آہستہ روی سے روڈ سائیڈ پہ چل رہے تھے ۔۔۔۔۔۔۔۔ ” آنٹی کب آ رہی ہے اسلام آباد سے ؟ ” چلتے چلتے اس نے پوچھا تھا

” نو آئیڈیا ۔۔۔۔۔۔۔ ان کا کام ختم نہیں ہوا ابھی تو ۔۔۔۔ ” زمرد کے بتانے پہ سعد نے سر ہلایا ۔۔۔۔۔

~~~~~~~~~~~~~~~~

صبح سے وہ سو رہی تھی ۔۔۔۔۔ پلوشے اسے کئی بار اٹھانے آئی تھی لیکن وہ ٹس سے مس نہیں ہو رہی تھی ۔۔۔۔۔۔۔۔۔۔۔۔۔۔۔۔۔۔ ” زمر اٹھ ۔۔۔۔۔ نشہ کر کے تو نہیں سوئی ” زمرد اٹھ کے بیٹھ گئی اور خونخوار نظروں سے اسے گھورنے لگی ” کیا مسلہ ہے تجھے ؟”

” اٹھ جا ۔۔۔ اٹھ کیوں نہیں رہی تم ” پلوشے اسے غور سے دیکھ رہی تھی

” لو اٹھ گئی ۔۔۔۔۔۔۔۔ ” وہ یونہی بکھرے بالوں کے ساتھ اسے گھور رہی تھی

” حلیہ ٹھیک کر اور نیچے آ ” پلوشے اس کے بال سنوارنے لگی جبکہ وہ اس کے ہاتھ ہٹاتی بولی

” نا کر دل نہیں ہے میرا ۔۔۔۔۔۔۔۔ ” وہ منہ بنا کے بولی تو پلوشے اس کے پاس بیٹھ گئی ہاتھ گود میں رکھ کے اسے دیکھنے لگی ۔۔۔ ” زمر ہوش کر یار ۔۔۔۔۔ “

” کل رات مجھے ڈاکٹر سعد نے پروپوز کیا ہے ” وہ اچانک سے بولی تھی ۔۔۔۔۔ پلوشے آنکھیں پھاڑے اسے دیکھ رہی تھی ” تم نے کیا جواب دیا ؟”

” میں چپ رہی ۔۔۔۔۔۔۔ بس وہی بول رہا تھا ” وہ اپنے بال سمیٹتی بولی تھی ” کہہ رہا تھا کہ مما اسلام آباد سے آ جائے تو وہ بات کرنے آئے گیں اپنی فیملی کے ساتھ “

” تم پھر بھی چپ رہی ” وہ حیران تھی تو زمرد نے اثبات میں سر ہلایا

” کچھ تو بولتی “

” کیا بولتی ؟ سمجھ ہی نہیں آ رہا تھا کچھ ” وہ تذبذب میں تھی

” پھر سے جواب مانگے تو ؟” پلوشے پوچھ رہی تھی

” تو ؟” وہ بھی اسے دیکھنے لگی ” کہہ دوں گی پتہ نہیں “

پلوشے اسے دیکھ کے رہ گئی ” پاگل تو نہیں ہو گئی تم ؟”

” پتہ نہیں۔ ۔۔۔۔ کل رات سے مجھے خود پہ شک ہو رہا کہ دماغی مریضہ بن رہی ہوں میں ” وہ سر پکڑ کے بیٹھی کہہ رہی تھی ۔۔۔۔ ” تمہیں جو ٹھیک لگے زمر وہی کرو بنا کسی پریشر کے ۔۔۔۔ میری بس یہی دعا ہے کہ اللہ تمہارے نصیب اچھے کرے میری بہن ” پلوشے پیار سے بول رہی تھی زمرد اسے خالی نظروں سے دیکھ رہی تھی پھر دھیرے سے مسکرائی تھی ” تمہارے بھی پلوشے ۔۔۔۔ اللہ تمہیں اسفندیار کے ساتھ خوش رکھے ” اس نے دل سے دعا دی تھی ۔۔۔۔۔۔۔۔۔۔۔۔ پلوشے مسکرانے لگی ” ماشاءاللہ رنگ و روپ چڑھ رہا ہے تجھ پہ تو اسفندیار کے آنے کے بعد سے ” زمرد اسے چھیڑنے کے لئے بولی تھی ۔۔۔ پلوشے کی مسکراہٹ گہری ہو گئی ۔۔۔۔۔۔۔۔۔۔ ” چل اب اٹھ سونے دے مجھے ” زمرد دوبارہ سے بیڈ پہ گرتے ہوئے بولی تھی جبکہ پلوشے اسے گھورنے لگی تو اس نے منہ پہ تکیہ ہی رکھ لیا۔ ۔۔۔۔۔۔۔ اس کا دل نہیں۔ تھا کسی کا سامنا کرنے کو ۔۔۔۔۔۔ رات سے اس پہ عجیب کیفیت طاری تھی ۔۔۔۔۔۔۔۔۔ وہ خاموش سی ہو گئی تھی بلکل خاموش ۔۔۔۔۔۔

~~~~~~~~~~~~~~

ب ب سحری کے بعد وہ باہر لان میں آئی تھی ۔۔۔۔۔۔ ٹھنڈی ہوا کے جھونکے اس کے چہر ے کو چھو کے اسے طمانیت بخش رہے تھے ۔۔۔۔۔۔ ” ڈاکٹر سعد نے آپ کو پروپوز کیا ہے ؟” افراسیاب کی بھاری آواز پہ وہ چونکی تھی پھر مڑ کے اسے دیکھنے لگی ‘ یہ کب آیا ادھر ‘ اس نے دل میں سوچا ۔۔۔۔۔۔۔۔۔۔۔۔۔۔۔۔۔۔۔۔ ” اتنی جلدی ؟” وہ کہہ رہا تھا اس کے لبوں پہ طنزیہ مسکراہٹ تھی زمرد اسے دیکھنے لگی ” کیا مطلب ؟”

” مطلب صاف ظاہر ہے ابھی کل ہی تو مجھ سے محبت کے دعوے تھے اتنی جلدی کوئی اور بھی آگیا ” وہ طنز کر رہا تھا زمرد کو آگ ہی لگ گئی ۔۔۔۔۔۔ کس لہجے میں بات کر رہا تھا وہ اس سے ۔۔۔۔۔۔۔

” مائنڈ یور لینگویج ” وہ اسے تنبیہہ کر رہی تھی ۔۔۔۔۔۔۔۔

” الگ سمجھا تھا تمہیں ۔۔۔۔۔ لیکن تم جیسی ۔۔۔۔۔۔۔ ” افراسیاب اس پہ سپاٹ نظریں جمائے کہہ رہا تھا

” کیا مطلب تم جیسی ؟؟؟؟؟؟ ” وہ بپھری تھی اس کی بات کاٹ کے وہ تیز لہجے میں بولی ۔ ” شرم آ رہی ہے کہ تم جیسے انسان کو اپنی محبت کے قابل سمجھا تھا “

” میں نے کہا تھا محبت کرنے کو ؟؟؟ میں نے کھبی کوئ دعویٰ کیا تم سے ؟؟؟؟ کھبی کہا محبت کرتا ہوں تم سے ۔۔۔۔ ؟؟؟؟؟ کھبی جتلایا ؟ وہ تو تم ۔۔۔۔۔ ” افراسیاب اپنی فرسٹریشن جیسے اس پہ نکال رہا ہو ۔۔۔۔۔۔

” شٹ اپ ” زمرد نے اسے تھپڑ ہی مار دیا تھا ” تم ہوتے کون ہو مجھے کچھ بھی کہنے والے ” اس کی آواز کانپ رہی تھی افراسیاب اپنے منہ پہ ہاتھ رکھے اسے سخت نظروں سے گھور رہا تھا اور زمرد تو شروع ہو گئی تھی ” شیم آن یو ڈاکٹر افراسیاب ۔۔۔۔۔۔ تف ہے تم پہ اور تمہاری سوچ پہ ۔۔۔۔۔۔۔ ہاں مجھ جیسی لڑکیاں ہوتی ہی بدکردار ہیں ۔۔۔۔۔ میں بدکردار ہوں تمہاری نظر سے تو ہاں ہوں ۔۔۔۔۔۔۔۔۔۔۔۔ کچھ دیر کے لئے لگا تھا کہ بدل گئے ہو ۔۔۔۔۔۔۔ سمجھنے لگے ہو مجھے ۔۔۔۔۔۔۔۔۔ لیکن افسوس ہو رہا مجھے اپنی سوچ پہ کہ تم کچھ بھی نہیں۔ تھے ۔۔۔۔۔۔۔۔۔۔ تم ایک چھوٹی ذہنیت کے چھوٹے انسان ہو ۔۔۔۔۔۔۔۔۔۔۔۔ ڈرو اللہ کی ذات سے ۔۔۔۔۔۔۔۔۔۔۔ میں نے کہا تھا کہ محبت کرتی ہوں تم سے لیکن آج افسوس ہو رہا مجھے اپنے فیلنگز پہ ۔۔۔۔۔۔۔۔ تف ہے میری اس محبت پہ ۔۔۔۔۔ لعنت بھیجتی ہوں اپنی اس سو کالڈ محبت پہ ۔۔۔۔۔۔۔ نیکسٹ میرے سامنے آنے سے بھی پہلے دس بار سوچ لینا ” وہ جانے کے لئے مڑی پھر رک کے اس کی آنکھوں میں دیکھنے لگی ” اور ہاں تمہاری آنکھوں کے سامنے میری سعد سے

منگنی بھی ہوگی اور نکاح بھی ۔۔۔۔۔۔۔۔ ویٹ اینڈ واچ ” وہ کہہ کے تیز قدم اٹھاتی اندر کی طرف بڑھ گئی اور افراسیاب وہیں کھڑا اپنے لب بھینچتا رہا ۔۔۔۔۔۔۔

~~~~~~~~~~~~~~~~

” زمر ہم سے پہلے ہی آ گئی ہاسپٹل ۔۔۔۔ ” پلوشے اسے ڈھونڈتی یہاں آئی تھی اور اب اس کے پاس بیٹھی کہہ رہی تھی ۔۔۔۔۔۔۔۔۔۔۔۔ زمرد نے اسے دیکھا پھر سر جھکا کے اپنا موبائل دیکھنے لگی ” ہاں “

” زمر کچھ ہوا ہے ؟ ” وہ چپ رہی ۔۔۔ ” زمر کیا ہوا ہے ” پلوشے نے اونچی آواز میں پوچھا تو زمرد نے آنسو بھری آنکھوں سے اسے دیکھا ” سب ختم کردیا افراسیاب نے سب ۔۔۔۔۔ محبت ۔۔۔۔ احترام سب ” وہ روتے ہوئے بولی تھی

” ک۔۔کیا ہوا ۔۔۔۔ کیا کہا بھائی نے تمہیں ؟” پلوشے پوچھنے لگی وہ گھبرا ہی گئی تھی زمرد کی حالت دیکھ کے ۔۔۔۔۔۔۔۔۔۔۔۔ وہ ہچکیاں لے کے رو رہی تھی ” میرے کردار پہ انگلی اٹھائی آج اس نے ” پلوشے حیرت سے اسے دیکھنے لگی ” بھائی نے ؟” وہ آنسو صاف کرنے لگی ۔۔۔۔۔۔۔۔ ” تم اس سے کوئی بات نہیں کرو گی۔۔۔۔۔۔۔۔ بس اتنا کافی ہے اب میرا اس سے کھبی سامنا ہو ۔۔۔۔ اسی لئے میں آغا جان سے بات کرنے جا رہی کہ میں اب ٹیم ورک نہیں کروں گی افراسیاب کے ساتھ “

” آغا جان ریزن پوچھے گیں ” پلوشے نے خدشے کا اظہار کیا

” بول دوں گی کچھ لیکن افراسیاب کے ساتھ مل کے اب کوئی کام نہیں کروں گی ۔۔۔۔۔۔۔۔۔۔ ” وہ اپنے بالوں میں انگلیاں چلاتے بولی ۔۔۔۔۔۔۔۔ پلوشے اسے دیکھنے لگی اس کا چہرہ مرجھایا ہوا تھا ۔۔۔۔۔۔۔ اس نے کھبی ایسے نہیں دیکھا تھا زمرد کو اور اب اسے یوں اداس دیکھ کے وہ بھی اداس ہو رہی تھی ۔۔۔۔۔۔ اسے سمجھ نہیں آ رہا تھا کہ اس کا بھائی کیسے زمرد کا دل توڑ سکتا ہے ۔۔۔۔۔۔۔۔ ” زمر شاید بھائی اپنا غصہ نکالنا چاہ رہا ہو بس “

” کیسا غصہ ؟ منگنی اس کی ہوئی ہے ۔۔۔۔۔۔۔۔۔ دل میرا ٹوٹا ہے ۔۔۔۔۔۔ دکھ مجھے ہوا ہے تو اسے کس بات کا غصہ ہے ” وہ تیز لہجے میں بولی تھی تو پلوشے چپ ہی ہوگئی ۔۔۔۔۔۔ وہ کیا بولتی ۔۔۔۔۔۔ بولنے کو کچھ تھا ہی کب !!!!!

~~~~~~~~~~~~~~~~~

اس نے ڈاکٹر عارف سے بات کی تو وہ حیران رہ گئے ” کیوں بچے ؟ افراسیاب نے کچھ کہا ہے آپ کو ؟” وہ پریشان ہی ہو گئے تھے

” نہیں آغا جان بس میں نہیں۔ چاہتی ان کے ساتھ کام کرنا پلیز ۔۔۔۔۔ آپ چینج کردیں ” وہ منت سے بولی تھی تو ڈاکٹر عارف اس کا چہرہ غور سے دیکھنے لگے ۔۔۔۔۔۔۔۔ ” ڈاکٹر سعد کے ساتھ کرے گی کام ؟” اس کا دل تھا کہ اس کے لئے بھی نا کردے لیکن پھر کچھ سوچ کے اثبات میں سر ہلایا ۔۔۔ ” چلیں ٹھیک بچے ۔۔۔۔ جیسے آپ خوش رہے ۔۔۔۔۔۔۔۔۔۔۔ میں ٹیم ورک چینج کر دیتا ہوں ” وہ مسکرا کے بولے تھے

” تھینک یو سو مچ آغا جان ” وہ یہ کہہ کے اپنی جگہ سے اٹھی اور باہر نکل گئی اسے جتنا یہ کام مشکل لگا تھا اتنی ہی آسانی سے حل ہو گیا ۔۔۔۔۔۔۔۔۔۔۔

اب دیکھنا یہ ہے کہ افراسیاب زمرد کے اس فیصلے پہ کیا ردعمل دے گا ؟؟؟

جاری ہے