Mohabbat Ras Na Ai Humko by Malaika Rafi NovelR50586 Mohabbat Ras Na Ai Humko (Episode 05)

Mohabbat Ras Na Ai Humko by Malaika Rafi

پلوشے کی ساری بات سن کے زمرد مسکرانے لگی ” ہاؤ رومینٹک ” پلوشے جھینپ ہی گئی وہ دونوں لان میں بیٹھی ہوئی تھی ۔۔۔۔۔۔ رات کے گیارہ بج رہے تھے لیکن نیند ان کی آنکھوں سے دور تھی ۔۔۔۔۔۔۔ ” تھوڑا اس کے قریب جاتی ۔۔۔ تو بھی سرگوشی کرتی اسفند میری جان آئی مسڈ یو ” پلوشے اس کی بات سن کے ہی جھینپ گئی تھی ” چپ کرو “

” لے اب اس میں شرمانا کیا ۔۔۔۔ آفٹر آل ہی از یور فیانسی ” وہ ہاتھ جھاڑ کے بولی تھی

” وہ شوہر بھی ہو تو میں ایسے نہ کروں یہ تو ابھی منگیتر ہے ” وہ سمٹ سی گئی خود میں ۔۔۔۔ زمرد اسے دیکھنے لگی

” میں ہوتی ہاتھ پکڑ کے کہتی مجھ سے دور مت جانا اب ۔۔۔ مجھے سانس کی بیماری کا احساس ہوتا ہے ” زمرد کے کہنے پہ پلوشے بےساختہ ہنس پڑی ۔۔۔۔ ” ہنس لو ۔۔۔ ہنس لو ” وہ منہ بنا کے اٹھی جب پلوشے کے موبائل کی رنگ بجنے لگی اس نے دیکھا اسفندیار ہے ” کر لے کر لے بات ۔۔۔ میں ہی بس سنگل مروں گی آہ زندگی ۔۔۔ میں سونے جا رہی ” وہ جانے کے لئے مڑی تو پلوشے مسکرا پڑی ۔۔۔۔۔۔۔ اندر آ کے وہ سیڑھیاں چڑھنے لگی اس کا رخ اپنے اور پلوشے کے مشترکہ کمرے کی طرف تھا ۔۔۔۔۔۔ اندھیرا ہونے کی وجہ سے اسے ٹھیک سے کچھ نظر نہیں آ رہا تھا ۔۔۔۔۔۔۔ سنبھل کے چلتی اچانک وہ کسی سے زور سے ٹکرائی تھی ۔۔۔۔۔ وہ گرنے ہی والی تھی جب مقابل نے اسے اپنے بازوؤں کے حصار میں لے کے اسے گرنے سے بچانا چاہا ۔۔۔۔۔۔۔۔۔۔۔۔ جانی پہچانی پرفیوم کی خوشبو اس کے ناک سے ٹکرائی تھی ۔۔۔۔۔۔۔۔۔۔۔ وہ تو جیسے حواس باختہ ہو گئی اسے اپنے اتنے قریب محسوس کر کے ” زمرد ٹھیک ہے آپ ؟” اس کے کان کے پاس سرگوشی ہوئی تھی ۔۔۔۔۔۔۔ اتنی دھیمی سرگوشی پہ زمرد کو اپنی سانسیں اتھل پتھل ہوتی محسوس ہوئی تھی ۔۔۔۔۔۔ وہ ایکدم سیدھی ہو کے اس کے بازوؤں کے حغار سے نکلنا چاہا اور وہ اس کے بازوؤں کے حصار سے نکل چکی تھی اور اس سحر سے بھی ۔۔۔۔۔ دو قدم پیچھے ہٹ کے اس نے دیکھنے کی کوشش کی اور جلدی سے اپنے کمرے کی طرف بڑھ گئی ۔۔۔۔۔۔۔ کمرے میں آ کے اس نے گہری سانسیں لیں ۔۔۔۔۔۔ وہ نرم سی سرگوشی ابھی بھی اسے اپنے کانوں میں گونجتی محسوس ہو رہی تھی ۔۔۔۔۔۔۔۔۔۔۔۔۔ اپنی سوچوں سے گھبرا کے وہ جلدی سے بیڈ پہ لیٹ کے آنکھیں بند کر کے سونے کی کوشش کرنے لگی لیکن وہ دھیما سا لہجہ اسے سونے نہیں دے رہا تھا ۔۔۔۔۔۔۔۔ وہ بھینی سی خوشبو اسے اپنے آس پاس ہی محسوس ہو رہی تھی ۔۔۔۔۔۔ وہ دیر تک خود سے لڑتی رہی اور پھر یونہی وہ سو بھی گئی ۔۔۔۔

~~~~~~~~~~~~~~

اسے جلدی ہاسپٹل پہنچنا تھا آج ۔۔۔۔۔۔۔۔ تبھی وہ بھاگتی ہوئی کمرے سے نکلی اور نیچے جانے کا سوچتی ہوئی وہ جلدی جلدی میں قدم اٹھا رہی تھی ۔۔۔۔۔ سر نیچے کیے وہ بالوں کو باندھتی جا رہی تھی جب بری طرح ٹکرا گئی ۔۔۔۔۔ اس کے سارے بال اس کے ہاتھوں سے چھوٹ کے افراسیاب کے چوڑے سینے پہ بکھر گئے ۔۔۔۔۔۔ زمرد بےساختہ اس سے دور ہوئی تھی ۔۔۔۔ ” بڑی جلدی ہے آپ کو ” وہ سرخ ہوتی ہوئی کہہ رہی تھی

” آپ کو ہے شاید ۔۔۔۔ جائیے ” وہ اسے جتاتا بولا اور راستہ دیتا سائیڈ پہ ہو گیا تو وہ منہ بنا کے آگے بڑھ گئی سیڑھیاں اتر کے وہ جیسے ہی ڈائیننگ ہال میں جانے کے لئے آگے بڑھی جب زرین بیگم کی آواز نے اس کے قدم جیسے جکڑ لیے ” نجیبے رمضان المبارک شروع ہونے والے ہیں ۔۔۔۔۔ افراسیاب اور روشانے کی منگنی کا فنکشن کر ہی دیتے ہیں ۔۔۔ ” زمرد کا دل جیسے دھڑکنا بھول گیا ہو اس نے اچانک سے مڑ کے اپنے پیچھے کھڑے افراسیاب کو دیکھا ۔۔۔ وہ بھی سن چکا تھا وہ اسے ہی دیکھ رہا تھا۔۔۔۔ افراسیاب کو لگا جیسے زمرد کے چہرے کا سارا خون نچوڑ دیا گیا ہو۔۔۔۔۔۔ زمرد جلدی سے منہ موڑ گئی اور خود کو سنبھالنے لگی ۔۔۔ اسے کچھ لمحے ہی لگے نارمل ہونے میں ۔۔۔۔۔۔ وہ آگے بڑھی تو افراسیاب بھی اس کے پیچھے ہی آیا ۔۔۔۔۔۔ سامنے بیٹھی پلوشے نے دونوں کو ساتھ اندر آتے دیکھا تو دل ہی دل میں ان کی نظر اتار کے وہ ان کے ساتھ ہوجانے کی دعا کرنے لگی ۔۔۔۔۔۔ زمرد مسکرا کے ان کے پاس آئی ” اسلام علیکم “

” وعلیکم السلام ” افراسیاب بھی بیٹھ چکا تھا ۔۔۔۔۔ اتفاق سے وہ زمرد کے سامنے والی کرسی پہ بیٹھ گیا تھا ۔۔۔۔۔۔۔۔۔۔ ” اچھا ہے تم دونوں بھی آ گئے ۔۔۔۔ زمرد بچے تم بھی پلوشے کے ساتھ تیاری کر لو ۔۔۔

افراسیاب اور روشانے کی منگنی کے لئے ” زرین بیگم اپنی لے میں بول رہی تھی جبکہ زمرد کا رنگ ہی اڑ چکا تھا ۔۔۔۔۔۔ نجیبہ نے غور سے اسے دیکھا اسے لگا جیسے ابھی زمرد گر کے بےہوش ہو جائے گی ۔۔۔زمرد نے ایک نظر افراسیاب پہ ڈالی جو اسے ہی دیکھ رہا تھا پھر زرین کو دیکھنے لگی ” جی بےبے کیوں نہیں۔ ۔۔ ” وہ مسکرانے کی کوشش کر رہی تھی ۔۔۔۔ نجیبہ کو اس پہ ترس آیا تھا جبکہ پلوشے کو دکھ ہو رہا تھا اپنی جان سے پیاری سہیلی کو دیکھ کے ۔۔۔۔۔۔۔۔۔۔ ” میں ہاسپٹل جا رہی ” وہ اٹھنے لگی

” بیٹا ناشتہ تو کرلو ” نجیبہ نہ کہا

” نہیں آنٹی وہیں کر لوں گی ابھی بھوک نہیں ہے ” وہ بمشکل مسکرانے کی کوشش کرتی بولی تھی ۔۔۔۔

” رک بچے افراسیاب کے ساتھ جاؤ دونوں بہنیں ” زرین بیگم اس کی دلی کیفیت سے بےخبر کہہ رہی تھی ۔۔۔۔۔۔ نہ چاہتے ہوئے بھی اس نے افراسیاب کی طرف دیکھا جس کی نیلی آنکھیں اسی پہ تھی ۔۔۔ وہ بنا کچھ کہے وہاں سے نکل گئی ۔۔۔۔۔۔ باہر آ کے کچھ قدم چل کے وہ گہری سانسیں لینے لگی ۔۔۔۔۔۔ اسے لگا وہ اب سب کچھ ہار رہی ہے ۔۔۔۔ سب کچھ۔۔۔۔۔۔۔۔اس کی ٹانگوں میں سکت نہیں تھی چلنے کی ۔۔۔۔ وہ وہیں رک گئی پلوشے بھاگتی ہوئی آئی تھی اس کے کندھے پہ ہاتھ رکھا ” زمر ۔۔۔۔” اس نے ایک نظر پلوشے کو دیکھا اور کب کے رکے آنسو جاری ہو گئے ” م۔۔میں ۔۔۔۔۔۔ میں ہار گئی پلوشے ۔۔۔۔۔ میں ہار گئی اپنا سب کچھ ” پلوشے نے اسے گلے سے لگا لیا جبکہ وہ رک رک کے رو رہی تھی ۔۔۔۔۔ ” میں افراسیاب کو بھی ہار گئی ۔۔۔۔۔۔۔۔۔۔۔۔ میرا نصیب مر گیا ۔۔۔۔۔۔ افراسیاب تھا ہی نہیں م۔۔۔۔میرے ن۔۔۔نصیب میں ۔۔۔۔۔۔ ” وہ الگ ہو کے پلوشے کو دیکھنے لگی ” میں ۔۔۔۔۔ میں کیسے اف۔۔۔۔افراسیاب کو دیکھ پاؤں گی اس کے ساتھ ۔۔۔ کیسے ؟” وہ رو رہی تھی ۔۔۔۔۔۔ وہیں بیٹھ کے وہ رو رہی تھی زار و قطار ۔۔۔۔۔۔۔ پلوشے بھی اس کے پاس بیٹھ گئی ” ایسے مت کرو زمر ۔۔۔۔ میری بہن اٹھو ” باہر نکلتا افراسیاب ان کو دیکھ چکا تھا وہ ایک قدم بھی آگے نہ بڑھا پایا ۔۔۔۔۔۔۔۔۔۔۔۔۔ وہ انجانے میں اس لڑکی کو دکھ دے رہا تھا ۔۔۔۔۔ بنا کچھ کہے ۔۔۔۔ بنا ایک لفظ کے بھی وہ چپ چاپ خاموش لفظوں سے اسے دکھ دے گیا تھا ۔۔۔۔۔۔

~~~~~~~~~~~~~~

وہ رو رہی تھی ۔۔۔۔۔ بےاواز ۔۔۔۔۔ فاطمہ اسے دیکھ رہی تھی ۔۔۔۔۔۔ اسے اپنائیت تھی زمرد سے ۔۔۔۔

انسیت تھی ۔۔۔۔۔ محبت تھی اسے زمرد سے ۔۔۔۔۔۔ وہ اسے یوں دکھ میں دیکھ کے کے خود بھی دکھی ہو رہی تھی ۔۔۔۔

اج صبح سے ہلکی ہلکی بارش تھی اور فاطمہ کو بارش پسند تھی تبھی وہ اسے وہیل چیئر پہ لیے باہر آئی تھی اور قدرے کونے میں دونوں بیٹھی ہوئی تھی ۔۔۔۔۔۔۔۔ فاطمہ اسے دیکھتی رہی کچھ دیر ” سب نصیب کے کھیل ہوتے ہیں لیکن مجھے ہمیشہ یہی لگتا ہے افراسیاب آپ کا ہی نصیب بنے گا ” زمرد اسے دیکھ کے مسکرائی ” وہ روشانے کا نصیب بن رہا ہے ہمیشہ کے لئے ۔۔۔ افراسیاب میرا تھا ہی نہیں۔ ۔۔۔۔۔۔۔۔ یہ دل فضول میں انسان کو رسوا کر کے رکھ دیتا ہے ” وہ سامنے ایک ہی نقطے کو گھورتی بول رہی تھی

” آپ یاد کرے گی میری بات کو زمرد ۔۔۔۔۔۔۔۔۔۔۔ جس دن آپ افراسیاب کے نام سے منسوب ہو جائے گی تو اس دن آپ کو

میں یاد آؤں گی آپ کو میری بات یاد آئے گی ۔۔۔۔۔۔۔۔۔۔۔۔۔۔۔۔ صبر بہت مشکل اور کھٹن ہے لیکن اس کا صلہ بہت خوبصورت ہے ۔۔۔۔۔۔۔۔۔۔ صبر اللہ کو بہت پسند ہے زمرد ۔۔۔۔۔۔۔۔ آپ صبر کیجئیے ۔۔۔۔۔

اللہ پہ یقین رکھئیے ۔۔۔۔۔۔۔۔ آپ کو آپ کے صبر کا پھل ضرور ملے گا ۔۔۔۔۔” زمرد اسے دیکھنے لگی جبکہ فاطمہ مسکرا رہی تھی ۔۔۔۔۔۔۔ اس کی آنکھوں میں یقین دیکھ کے زمرد بھی مسکرا دی پھر بارش کو دیکھنے لگی ” میں مرنا نہیں چاہتی زمرد ۔۔۔ میرا دل جینے کو کرتا ہے ۔۔۔۔۔ لیکن ” زمرد چونک کے اسے دیکھ رہی تھی اس کی آنکھوں میں درد اور دکھ ہلکورے لے رہا تھا ۔۔۔۔ فاطمہ نے اس کی طرف دیکھا ” میں مر رہی ہوں ” زمرد کا دل دہل گیا جبکہ فاطمہ کے لبوں پہ مسکراہٹ تھی ۔۔۔۔۔۔۔ آنکھوں میں خوف تھا ۔۔۔۔۔۔۔ اس کی رنگت زرد تھی ۔۔۔۔۔۔۔ ہڈیوں کا ڈھانچہ تھی وہ ۔۔۔۔۔۔۔۔۔۔۔ اس کا کوئی نہیں تھا وہ یتیم خانے سے یہاں لائی گئی تھی ۔۔۔۔۔۔۔ زمرد نے آگے بڑھ کر اس کو گلے لگایا ۔۔۔۔۔۔۔۔۔۔۔۔ وہ کچھ نہیں بولی بس اسے گلے لگائے بیٹھی رہی تھی ۔۔۔۔۔۔۔۔

~~~~~~~~~~~~~~~~~~

سب آج روشانے کے گھر گئے تھے منگنی کی تاریخ رکھنے اور وہ سب سے منہ چھپائے ۔۔۔۔ سب سے دور یہاں لان کے ایک کونے میں بیٹھی ہوئی تھی ۔۔۔۔۔ جب پلوشے کافی کے دو مگ لیے اس کے پاس بیٹھ گئی ” یہ لو کافی ” زمرد نے اسے دیکھے بنا کہا ” نہیں چاہئیے ” پلوشے نے دونوں کپ نیچے رکھ دیے ” تھوڑا سا چرس کی لا دو یا کوئی ہیوی نشہ ۔۔۔۔۔ جیسے پی کے میں سب درد بھول جاؤں ۔۔۔۔۔۔ ” زمرد کہہ رہی تھی

” زمر ۔۔۔۔ ” پلوشے نے اس کا ہاتھ اپنے ہاتھ میں لے لیا زمرد نے اس کی طرف دیکھا اس کی آنکھوں میں نمی تھی ۔۔۔۔

پلوشے اسے دیکھ کے دکھی ہو رہی تھی ” ایسے نہیں بولو زمر ۔۔۔۔۔ “

” مجھے درد ہو رہا ہے پلوشے ” وہ روہانسی ہو کے بولی تھی ۔۔۔۔ پھر اپنے آنسو صاف کرتی پوچھنے لگی ” کب ہے منگنی ؟”

” نیکسٹ منتھ کی 10 تاریخ کو ” پلوشے نے دھیمے لہجے میں کہا تو زمرد مسکرا پڑی ” 15 دن بعد ” پلوشے اس کے چہرے کو دیکھ رہی تھی ۔۔۔۔۔ زمرد نے اسے دیکھا ” قصور کسی کا نہیں میرا ہے بس ۔۔۔۔۔ سب جانتے ہوئے بھی میں اس سے محبت کرنے لگ گئی ” پھر اپنا سر پکڑ لیا ” ہوگئی یار یہ اسٹوپڈ سی محبت مجھے ۔۔۔۔۔۔ اففففففف “

” افراسیاب بھائی کو بھی تو محبت ہے تم سے بس یہ خاندانی روایات …..” پلوشے کہہ رہی تھی

” تمہارا بھائی ڈرپوک ہے پلوشے ۔۔۔۔۔۔۔۔ اس میں ہمت نہیں ۔۔۔۔ کسی بھی بات کی نہیں ہمت اس میں ۔۔۔۔۔۔ نہ اسے محبت کے اظہار کی ہمت ہے ۔۔۔۔۔ نہ اسے محبت کرنے کی ہمت ہے نہ اسے اسٹیپ لینے کی ہمت ہے ۔۔۔۔۔ وہ ڈرپوک ہے ” زمرد کہہ کے رو پڑی تھی ۔۔۔۔۔۔۔۔۔۔۔۔۔۔۔۔۔ ” میں ۔۔۔۔۔ میں ہر اسٹیپ لینے کے لئے تیار ہوں ۔۔۔۔۔۔۔۔۔۔ وہ مرد ہو کے ڈرتا ہے ۔۔۔۔۔۔۔۔۔۔۔۔ ” اس نے گھٹنوں میں سر دے دیا پھر اچانک اپنی جگہ سے کھڑی ہو گئی ۔۔۔۔۔ گہری سانسیں لینے لگی پلوشے بھی کھڑی ہو کے اسے پریشانی سے دیکھنے لگی ” زمر ۔۔۔۔۔ ” زمرد نے ایک بار اس کی طرف دیکھا اور اندر جانے کے لئے قدم آگے بڑھا دیے ۔۔۔۔۔۔۔۔

جاری ہے