Mohabbat Ras Na Ai Humko by Malaika Rafi NovelR50586 Mohabbat Ras Na Ai Humko (Episode 06)

Mohabbat Ras Na Ai Humko by Malaika Rafi

آج وہ گاجر کا حلوہ بنا کے ہاسپٹل آئی تھی ۔۔ جو وہ فاطمہ کے لئے لائی تھی کیونکہ اسے بارش میں گاجر کا حلوہ بہت پسند تھا ۔۔ وہ فاطمہ کے کمرے کی طرف جا رہی تھی ۔۔ قریب پہنچنے پہ اسے کچھ عجیب سا احساس ہوا ۔۔ اس کے کمرے کے پاس بھیڑ تھی ۔۔ وہ جلدی سے کمرے کے دروازے تک پہنچی تھی اور فاطمہ کے مردہ وجود کو بیڈ پہ دیکھ کے اس کے ہاتھ کانپ گئے تھے اس کے ہاتھ سے حلوہ کی ڈش نیچے گر کے چکنا چور ہو گئی تھی وہ ساکت آنکھوں سے فاطمہ کو دیکھ رہی تھی جو اس ظالم دنیا کو چھوڑ کے جا چکی تھی ” زمرد مجھے گاجر کا حلوہ بہت پسند ہے “

” ارررے میں بنا کے لاؤں گی کل تمہارے لئے “

” مجھے زندگی چاہئے زمرد۔۔ آپ دعا کرے نا میں مرنا نہیں چاہتی میں جینا چاہتی ہوں ” اس کے ٹانگیں کانپی تھی ۔۔ سب کو اس کی حالت دیکھ کے دکھ ہو رہا تھا ۔۔ سب جانتے تھے اسے فاطمہ بہت عزیز تھی ۔۔

” یہ جھمکے مجھے بہت پسند ہیں زمرد ۔۔ اپ نے بہت پیار سے مجھے گفٹ کیا ہے ۔ میں اسے خود سے کھبی الگ نہیں کروں گی ” زمرد اس کی بات پہ ہنسی تھی ۔۔ افراسیاب دکھ سے اسے دیکھ رہا تھا وہ ایکدم سے لڑکھڑاتے قدموں سے وہاں سے نکلی تھی ۔۔ اس کا دم گھٹ رہا تھا وہ بھاگ رہی تھی ۔۔ افراسیاب اس کے پیچھے نکلا تھا ” زمرد ۔۔۔ زمرد ” وہ چلتی رہی ۔۔بھاگتی رہی اسے لگا اس کی ٹانگوں میں جان نہیں رہی وہ ایکدم سے گری تھی ۔۔ افراسیاب اس تک پہنچ کے پاس بیٹھ گیا ” زمرد۔۔۔۔۔ زمرد ” وہ ساکت نظروں سے اسے دیکھنے لگی ۔۔ایکدم سے وہ رونے لگی چیخنے لگی ” فاطمہ ۔۔۔ ” وہ بلک بلک کے رو رہی تھی پاس سے گزرتا ہر کوئی اسے دکھ سے دیکھ رہا تھا ۔ ” وہ تو زندہ تھی کل ہی تو ہم نے بارش میں ایک ساتھ بہت سی باتیں کی وہ کیسے مر گئی ۔۔ افراسیاب وہ نہیں مر سکتی ” وہ افراسیاب کی شرٹ پکڑ کے رو رہی تھی ۔۔ افراسیاب نے اسے خود سے لگایا اس کے پاس الفاظ نہیں تھے اس کی تسلی کے لئے ۔۔ وہ بس اس کا شانہ تھپکتا رہا ۔۔ اور وہ روتی رہی ۔۔۔۔۔۔۔۔ افراسیاب جانتا تھا کہ وہ کیوں اتنا زیادہ رو رہی ہے ۔۔۔۔۔۔۔۔۔۔ اس کی اور روشانے کی منگنی کا غبار بھی وہ اسی بہانے نکال دینا چاہتی تھی ۔۔۔۔

~~~~~~~~~~~~~~~~

لاونج میں بیٹھی خواتین افسوس کر رہی تھی فاطمہ کا سن کے ۔۔۔۔ وہ سب جانتی تھی کہ فاطمہ زمرد کو بہت عزیز بھی تھی ۔۔۔۔۔ وہ چپ چاپ سب کو سن رہی تھی لیکن خاموشی سے وہ ایک ہی نقطے کو گھور رہی تھی ۔۔۔۔۔۔ زندگی بھی کتنی ظالم ہیں ۔۔۔۔ کیا کیا ظلم ڈھاتی ہے ۔۔۔۔۔۔۔۔۔ اپنے چھین لیتی ہے ۔۔۔۔۔۔ کھبی ان کی جان لے کر اور کھبی ان کی روح کھینچ کر ۔۔۔۔۔۔۔۔۔۔۔۔ بن موت کے زندگی گزارنے پہ مجبور ہو جاتے ہیں ہم ۔۔۔۔۔۔۔۔۔۔۔ پلوشے اس کے پاس بیٹھ گئی ” زمر ۔۔۔۔۔۔ ” زمرد اسے خالی نظروں سے دیکھ رہی تھی ” بھائی تم سے بات کرنا چاہتے ہیں ۔۔۔ بات سنو گی ان کی ؟” زمرد اسے خالی نظروں سے دیکھ رہی تھی اور پھر ایک وقت آتا ہے کہ سب بے معنی لگنے لگتا ہے ہمیں ۔۔۔۔ یہ عشق ۔۔۔۔ یہ احساسات ۔۔۔۔ یہ سانسیں ۔۔۔۔ یہ زندگی ۔۔۔۔۔

” نہیں ” کہہ کے وہ پھر سے اپنے اسی کام میں مشغول ہو گئی پلوشے کچھ دیر اسے دیکھتی رہی اسے معلوم تھا کہ دنیا ادھر سے ادھر ہو جائے لیکن زمرد کی ناں کو ہاں میں نہیں بدل سکے گی وہ تبھی کچھ دیر اسے دیکھتی رہی پھر اپنی جگہ سے اٹھ کے وہ باہر نکل گئی ۔۔۔۔۔۔۔۔۔۔۔۔۔۔۔۔ پلوشے نے افراسیاب کو دیکھ کے دور سے ہی نفی میں سر ہلایا تو افراسیاب بھی لب بھینچتا اپنے کمرے میں چلا گیا ۔۔۔۔ وہ کیوں بلا رہا تھا اسے ۔۔۔۔ کیا کہنا تھا اسے زمرد سے ۔۔۔۔۔۔ اسے خود نہیں معلوم تھا وہ ان روایات کے بیچ میں پھنسا ایسا انسان تھا کہ۔اپنے پاؤں باہر نہیں نکال پا رہا تھا زمرد ٹھیک کہہ رہی تھی وہ ایک بزدل انسان ہی تو ہے جسے کسی بھی بات کا ۔۔۔۔ کسی بھی چیز کا سلیقہ نہ آیا ۔۔۔۔۔ نہ محبت کا ۔۔۔۔ نہ محبت کے اظہار کا اور نہ ہی محبت کو اپنانے کا !!!!!! پھر اسے تو محبت کا بھی کوئی حق نہیں ۔۔۔۔۔۔ وہ کیوں کر رہا محبت ۔۔۔۔ کس لئے ۔۔۔۔۔۔ ایک کمزور مرد کو محبت کا کوئی حق نہیں ۔۔۔۔۔

~~~~~~~~~~~~~~

گفٹ کے طور پہ اسفندیار نے پلوشے کے لئے ڈریس بھیجا تھا اور اب کال پہ اسے وہی ڈریس پہننے کو کہہ رہا تھا جبکہ پلوشے کے چہرے پہ شرمیلی مسکان تھی ” میں کیسے ۔۔۔ سب کیا کہے گیں “

” سب کون ؟؟؟؟ ” اسفندیار کے پوچھنے پہ وہ چپ ہوگئی ” سب میرے اور تمہارے گھر والے ہی ہیں اینڈ آئی ڈونٹ تھنک سو کہ انھیں اعتراض ہوگا ” پلوشے دھیرے سے مسکرا پڑی ” پہن لوں گی ” اسفندیار ہنس پڑا ” تمہیں ہر بات سمجھانی پڑتی ۔۔۔ نو آئیڈیا ڈاکٹر کیسے بن گئی تم “

” کیا مطلب ” پلوشے کی حیرت زدہ آواز پہ وہ مسکرا پڑا ” مطلب زہ تا سرا مینا کوم ” اسفندیار کے کہتے ہی پلوشے کو اپنا دل باہر نکلتا محسوس ہوا تھا وہ جلدی سے فون بند کر گئی اور دیر تک اسے سوچتی رہی ۔۔۔۔۔۔ اسے کے لبوں پہ مسکان تھی زمرد جو کب سے اس کی شرمیلی باتیں سن رہی تھی منہ پر سے تکیہ ہٹا کے اسے دیکھنے لگی ” بول دیتی آئی لو یو ٹو ” پلوشے اسے گھورنے لگی ” باتیں سنتی ہو چھپ چھپ کے “

” او یار ۔۔۔۔ بنا اللہ حافظ کے فون بند کر دینے کا یہی مطلب ہوتا کہ اس نے آئی لو یو ہی کہا ہوگا ” پلوشے مسکرا پڑی ۔۔۔ ” چپ رہو تم “

” چل ہوں میں ۔۔۔۔ اب سونے دے مجھے تو ۔۔۔۔ کب سے تیری جی ۔۔۔ جی سن رہی ” وہ منہ پہ دوبارہ تکیہ رکھ چکی تھی پلوشے نے دوسرا تکیہ اٹھا کے اسے مارا زمرد اسے گھورنے لگی ” کیا ہے اب ؟ سونے دے “

” سو جاؤ بدتمیز “وہ منہ بسور کے بولی تھی

” تھینک یو ” دوبارہ سے منہ ڈھانپ کے وہ سو چکی تھی جبکہ پلوشے اسفندیار کی باتوں کو یاد کر کے ایک بار پھر سے خجل ہو رہی تھی۔۔۔۔۔۔۔۔ کس طرح سے وہ اپنی محبت جتلاتا تھا اور کس طرح سے پلوشے شرم سے پانی پانی ہوتی رہتی ۔۔۔۔

~~~~~~~~~~~~

زرین نے اسے نیوی بلیو کلر کا لہنگا دیا تھا ۔۔۔۔۔ ” بچے یہ تمہارے لئے ہیں ۔۔۔۔۔ افراسیاب اور روشانے کی منگنی پہ پہننا ” زمرد کے اندر طوفان برپا تھا لیکن منہ پہ مسکراہٹ سجائے وہ کہنے لگی ” تھینک یو بےبے ۔۔۔۔ بہت خوبصورت ہے یہ “

” افراسیاب کو بھی پسند آیا تھا یہ بہت ” زرین اپنی دھن میں بول رہی تھی جبکہ زمرد چپ چاپ پیکٹ گود میں رکھے انھیں دیکھ رہی تھی ‘ نہ لیں امتحان میرا ۔۔۔۔ نہ لیں بار بار اس دشمن جاں کا نام ۔۔۔۔۔۔۔ درد ہوتا ہے مجھے ‘ وہ دل میں سوچ رہی تھی بس ۔۔۔۔۔۔۔۔۔ باہر سے وہ بلکل خاموش بیٹھی ان کی تیاریاں دیکھ رہی تھی ۔۔۔۔۔۔۔ ان کی باتیں سن رہی تھی ۔۔۔۔۔۔۔ کھبی افراسیاب پہ تبصرہ کرتیں یہ خواتین تو کھبی روشانے پہ ۔۔۔۔۔ کھبی ان کی منگنی کھبی اکی شادی ۔۔۔۔ وہ کانوں پہ ہتھ رکھ کے وہاں سے بھاگ ہی جانا چاہتی تھی ۔۔۔۔۔۔۔ پلوشے نے اس کا ہاتھ پکڑا اور اسے وہاں سے اٹھانے لگی ۔۔۔۔۔ زمرد اسے دیکھتی ہوئی کسی بےجان وجود کی طرح وہاں سے اٹھ کے اس کے ساتھ سیڑھیاں چڑھتی کمرے میں آ گئی ۔۔۔۔ پلوشے نے اسے بیڈ پہ بٹھایا ” زمر ۔۔۔ میری جان ٹھیک ہو ؟”

” میں ٹھیک نہیں ہوں ۔۔۔۔ ” زمرد نے نفی میں سر ہلایا ” مجھے یہاں سے کہیں دور جانا ہے ۔۔۔۔۔۔۔ مجھے کہیں اور لے چلو پلیز ۔۔۔۔۔۔ میں کیسے ۔۔۔۔۔ کیسے دیکھ پاؤں گی افراسیاب کو ” وہ کھوئی کھوئی سی کہہ رہی تھی جبکہ پلوشے اسے تاسف سے دیکھ رہی تھی ۔۔۔۔۔۔۔۔۔۔۔۔۔۔۔ وہ کیا کہتی اسے ۔۔۔۔۔ کیسے سب ٹھیک کر دیتی وہ ۔۔۔۔۔۔ کاش وہ ٹھیک ہی کر پاتی سب ۔۔۔۔۔۔۔۔۔

~~~~~~~~~~

اور آج وہ دن آ ہی گیا ۔۔۔۔۔۔۔۔ جب اسے خود سے افراسیاب کو بہت دور ہوتے دیکھنا تھا ۔۔۔۔۔ وہ اپنا لہنگا پہنے آئینے کے سامنے بیٹھی خود کو دیکھ رہی تھی ۔۔۔۔۔۔ وہ پار رہی تھی شاید ۔۔۔۔۔۔۔ اس کا یقین چکناچور ہو چکا تھا کہ ایک دن افراسیاب اسے اپنی محبت کا یقین دلائے گا لیکن ایسا کچھ نہیں۔ ہوا تھا ۔۔۔۔۔۔۔۔ کمرے میں آ کے پلوشے کی نظر اس پہ پڑی تو اس کے پاس آئی ” زمر۔۔۔ لیٹ ہو رہے ہم چلو “

” افراسیاب کہاں ہیں ؟ ” وہ آئینے میں اپنا عکس دیکھتی پوچھ رہی تھی۔۔۔ پلوشے کی بات اس نے ان سنی کر دی تھی

” اپنے کمرے میں ” پلوشے اسے دیکھتی بولی تو زمرد ایکدم اپنی جگہ سے اٹھی اور کمرے سے نکل کے افراسیاب کے کمرے کی طرف جانے لگی پلوشے بھی گھبرائی ہوئی سی اس کے پیچھے تھی ۔۔۔۔۔۔۔۔۔۔ زمرد نے ڈھرام سے دروازہ کھولا تو افراسیاب جو شرٹ کے بٹن بند کر رہا تھا اسے حیرت سے دیکھنے لگا ۔۔۔۔۔ زمرد اس کے قریب آئی اور اس کی آنکھوں میں دیکھنے لگی ۔۔۔۔۔۔ نیوی بلیو لہنگے میں ۔۔۔۔ ہلکے میک اپ اور کھلے بالوں کے ساتھ وہ افراسیاب کے دل کو چھو رہی تھی ۔۔۔۔۔ ” کتنے بزدل ہو نا تم ” وہ اسے دھکا دیتی بولی تھی ۔۔۔۔۔۔۔۔۔۔۔ افراسیاب پیچھے ہوتا حیرت سے اسے دیکھ رہا تھا ” ڈرپوک ۔۔۔۔۔۔۔ ڈرتے ہو تم ۔۔۔۔۔ مجھ سے محبت کرنے سے ڈرتے ہو ۔۔۔۔۔ مجھے یہ بتانے سے ڈرتے ہو کہ تمہیں مجھ سے محبت ہے ۔۔۔۔۔۔۔۔۔۔ ” افراسیاب نظریں چرانے لگا جبکہ زمرد اپنی شہادت کی انگلی اس کے سینے پہ مارتی کہہ رہی تھی ” افراسیاب تم ڈرپوک ہو ۔۔۔۔۔۔۔۔۔۔۔۔۔

مجھے تم سے محبت ہے مجھے یہ بات کہنے سے بلکل بھی ڈر نہیں لگ رہا ڈاکٹر افراسیاب ۔۔۔۔۔۔۔۔ میں تم سے محبت کرتی ہوں ۔۔۔۔۔۔۔۔ کرتی تھی ۔۔۔۔ کرتی ہوں اور آخری سانس تک کرتی رہوں گی ۔۔۔۔۔۔۔۔۔۔ تم یونہی بزدل بن کے روند دو اپنی اس سو کالڈ روایات کے لئے اپنی محبت کا گلا گھونٹ دو ۔۔۔۔۔۔۔۔۔۔۔۔ اور میں تمہیں اس کے لئے کھبی معاف نہیں کروں گی ……” یہ کہہ کے وہ منہ موڑ کے چلی گئی جبکہ افراسیاب وہیں اپنی جگہ پہ سن کھڑا رہا تھا ۔۔۔۔۔۔۔۔۔۔ کیا کہہ گئی تھی وہ ۔۔۔۔۔۔۔۔۔۔۔۔ پلوشے نے اپنے بھائی کو دیکھا پھر زمرد کے پیچھے چلی گئی۔۔۔۔۔۔۔۔۔۔۔۔ دونوں باہر آئیں تو گاڑیاں جا چکی تھی زمرد پلوشے کی طرف مڑی ” بلاؤ اپنے بھائی کو ۔۔۔۔۔۔۔ اس کی منگنی پہ جا رہے ہیں ہم ۔۔۔۔۔۔۔۔۔۔۔۔ ہمیں لے کے جائیں وہاں ۔۔۔۔۔۔۔۔۔ میں بھی دیکھوں کتنی برداشت ہے مجھ میں “

” زمر ۔۔۔۔ ہوش کر پلیز ” پلوشے اسے روکنے کی کوشش کر رہی تھی

” میں نے کیا کیا ہے یار ۔۔۔۔۔۔ منگنی ہے افراسیاب کی ۔۔۔۔۔۔۔۔۔۔۔۔۔ مجھے دیکھنی ہے اس کی منگنی ” وہ آنسو صاف کرتی بولی تھی ۔۔۔۔ پلوشے کو اس کا دماغی توازن بگڑا ہوا لگا ۔۔۔۔۔۔۔۔۔۔۔۔۔۔۔ وہ گھر کی طرف چلی گئی تھی جبکہ زمرد وہیں کھڑی رہی ۔۔۔۔