Mohabbat Ras Na Ai Humko by Malaika Rafi NovelR50586 Mohabbat Ras Na Ai Humko (Episode 13)

Mohabbat Ras Na Ai Humko by Malaika Rafi

” کیا بکواس کر کے آئی ہو تم زمرد سے ؟” سعد نے اسے بازو سے پکڑ کے جھنجھوڑ ہی ڈالا تھا ۔۔۔۔۔ اقرا اسے اتنے غصے میں دیکھ کے گھبرا ہی گئی ۔۔۔۔۔۔۔ ” ک۔۔۔۔کچھ نہیں “

” شٹ اپ اقرا ۔۔۔۔۔۔۔ کیا مل جاتا آپ کو ایسی حرکتیں کرنے سے ۔۔۔۔۔۔۔۔ کہا بھی تھا زمرد کو بیچ میں نہیں لانا کھبی ” سعد غصے سے پھنکارا تھا ۔۔۔ اقرا نے جھٹکے سے اپنا بازو چھڑایا ” کیا ہے اس لڑکی میں ۔۔۔۔ جو تم اور افراسیاب پاگل ہوئے جا رہے ہو اس کے پیچھے ۔۔۔۔ لیکن ایک بات بتاؤں آپ کو ڈاکٹر سعد ۔۔۔۔ آپ کی زمرد ڈاکٹر افراسیاب سے ہی محبت کرتی ہے ۔۔۔۔ جن نظروں سے وہ اسے دیکھتی ہے اس نے کھبی زندگی میں بھی آپ کو نہیں دیکھا ہوگا ویسے ” اقرا چلا رہی تھی جبکہ سعد لب بھینچے اسے دیکھ رہا تھا ۔۔۔۔۔۔۔۔۔۔۔ ” زمرد ۔۔۔۔ زمرد ۔۔۔۔ زمرد ۔۔۔۔ بھاڑ میں جائے وہ ” اقرا سلگ رہی تھی ۔۔۔۔۔۔۔ سعد کچھ دیر اسے دیکھتا رہا پھر اسے وارننگ دیتا بولا ” اپنی حد میں رہئیے ” اور کمرے سے نکلنے کے لئے وہ مڑا لیکن اقرا اس کے سامنے آ کے کھڑی ہو گئی ۔۔۔۔۔۔ ” حد اسے سکھائیے مجھے نہیں ۔۔۔۔۔۔ ” سعد نے اپنی مٹھیاں بھینچ لیں ۔۔۔۔۔۔ ” میری برداشت ختم ہو رہی اقرا ۔۔۔۔ سو اسٹاپ اٹ “

” میری بھی ختم ہو چکی ہے ۔۔۔۔۔ ” اقرا اسے کڑی نظروں سے دیکھتی بولی تھی

” سامنے سے ہٹئیے میرے ” وہ برداشت کی آخری حد پہ تھا

” نہیں ہٹ رہی میں ۔۔۔۔۔” وہ ڈھیٹ بنی وہیں کھڑی رہی ۔۔۔۔۔

” اقرا پلیز ۔۔۔۔۔ ” سعد خود کو اخلاق کے دائرے میں رکھتا بولا

تو وہ ہنسنے لگی ۔۔۔۔۔۔۔۔۔۔۔ ” سعد پلیز ۔۔۔۔۔۔ ” وہ مسکراتی آنکھوں سے اسے دیکھ رہی تھی جبکہ سعد کو الجھن ہونے لگی تھی ۔۔۔۔۔۔۔۔۔۔۔۔۔۔ جب وہ اپنی جگہ سے نہ ہلی ۔۔۔۔ تو سعد بھنتا ہوا صوفے پہ جا کے بیٹھ گیا اب وہ اس لڑکی سے کیا بدتمیزی کرتا ۔۔۔ کیا اس کے منہ لگتا ۔۔۔۔

اقرا بھی مسکراتی ساتھ والے صوفے پہ بیٹھ گئی اور اسے اپنے نظروں کے حصار میں لے لیا ۔۔۔۔۔۔ ۔۔۔۔۔۔۔۔۔۔ ” یونہی بیٹھے رہئیے پہلو میں آپ ۔۔۔۔۔ ” اقرا کے الفاظ منہ میں ہی رہ گئے ۔۔۔۔۔۔ سعد کی گھوریاں عروج پہ تھی ۔۔۔۔۔۔۔ ” اوکے میں چپ …” وہ اپنی مسکراہٹ دباتی سر کھجانے لگی جبکہ سعد اس کا بچپنا دیکھ کے اپنی کنپٹی سہلانے لگا ۔۔۔۔۔۔۔۔۔۔۔

√√√√√√√√√√√√√√√

اسے عجیب احساس نے گھیر لیا تھا ۔۔۔۔۔۔۔۔۔ اقرا کی بات سے اسے کافی دکھ پہنچا تھا انہی سوچوں میں گم وہ اپنے آپ میں مگن ہاسپٹل سے اپنے ہاسٹل کی طرف جا رہی تھی جب وہ بہت زور سے افراسیاب سے ٹھکرا گئی ۔۔۔۔۔۔ کچھ دیر بےخودی میں وہ افراسیاب کے سپاٹ چہرے کو دیکھتی رہی ۔۔۔۔۔۔۔۔۔۔۔۔ افراسیاب اس کے چہرے سے نظریں چرا رہا تھا وہ اسے دیکھنا نہیں چاہتا تھا ۔۔۔۔۔۔۔۔ اس کے لئے یہ بہت مشکل امر تھا کہ وہ اپنی محبت سے دستبردار ہو پائے لیکن وہ زمرد کے فیصلے پہ کیا کہتا اسے ۔۔۔۔۔۔۔ جب وہ قدم بڑھا چکا تھا تو زمرد نے قدم کیوں پیچھے کر لیے ۔۔۔۔۔۔۔۔۔۔ اس نے نہ چاہتے ہوئے بھی اس پہ ایک نظر ڈالی اور لب بھینچتے اسے اپنے ہاتھ سے پرے کیا ” آئندہ میرے سامنے مت آنا زمرد ۔۔۔۔ میں نہیں چاہتا کہ مجھے تم سے شدید نفرت ہو ” یہ کہہ کے وہ لمبے ڈگ بھرتا آگے بڑھ گیا اور زمرد لب کاٹتی وہیں کھڑی رہی ۔۔۔۔۔۔۔۔۔۔۔۔۔۔ اس کا دل ٹوٹ سا گیا تھا ۔۔۔۔۔۔۔۔ وہ ہاسٹل جانے کی بجائے سڑک پار کر کے سائیڈ پہ چلنے لگی ۔۔۔۔۔۔۔۔۔۔۔۔ افراسیاب کے رویے سے اسے تکلیف پہنچی تھی ۔۔۔۔۔۔۔۔ وہ روتی ہوئی پہاڑیوں پہ چل کے ایک کونے میں بیٹھ کے روتی رہی ۔۔۔۔۔۔ وہ کھبی ایسا نہیں چاہتی تھی کہ اس کا اور افراسیاب کا رشتہ اس موڑ پہ آ جائے ۔۔۔۔۔۔۔ کہ وہ ایک دوسرے کے سامنے بھی آنے سے کترانے لگیں ۔۔۔۔۔۔۔۔۔ اس نے یہ سب اس لئے کیا کہ افراسیاب کا کوئی اختلاف نہ ہو بےبے سے ۔۔۔ اس نے تو کھبی نہیں چاہا تھا کہ یوں افراسیاب اس سے نفرت کرنے لگ جائے ۔۔۔۔۔۔۔۔۔ شام کے سائے گہرے ہونے لگے تو وہ اپنی آنکھیں صاف کرتی اپنی جگہ سے کھڑی ہو گئی تا کہ ہاسٹل کی طرف جا سکے لیکن اچانک نیچے اترتے اس کا پاؤں مڑا اور وہ اپنا توازن برقرار نہ رکھ سکی اور پھسلتی ہوئی نیچے گر گئی ۔۔۔۔۔ اس نے کافی اٹھنے کی کوشش کی لیکن وہ نہ اٹھ پائی۔۔۔۔۔

√√√√√√√√√√√√√

ہاسپٹل کے احاطے سے گاڑی نکال کے وہ گھر کی طرف جانے کا سوچ ہی رہا تھا لیکن پھر اسے زمرد کا خیال آیا تو اس نے گاڑی کا رخ ہاسٹل کی طرف کیا ۔۔۔۔۔۔۔ آج جس طرح سے اقرا نے اسے دکھی کر دیا تھا وہ اس سے ایک بار ملنا چاہتا تھا ۔۔۔۔۔۔۔۔۔۔ زمرد اس سے شاید اتنی محبت نہیں کرتی تھی یا شاید یوں کہا جائے کہ سعد سے منگنی اس کی مجبوری تھی لیکن پھر بھی وہ تو سچے دل سے زمرد کو چاہتا تھا ۔۔۔۔۔ اس کا احترام کرتا تھا ۔۔۔۔۔ وہ ہاسٹل پہنچا ۔۔۔۔ گاڑی کا دروازہ کھول کے وہ باہر نکلا اور گاڑی لاک کر کے وہ آگے بڑھا ۔۔۔۔۔۔۔۔۔ اندر جانے سے پہلے اس نے زمرد کے موبائل پہ کال کی ۔۔۔۔ رنگ جا رہی تھی لیکن کسی نے ریسیو نہیں کی تو موبائل آف کر کے وہ کچھ سوچتا اندر داخل ہوا جہاں اس نے زمرد کا پوچھا ” مس زمرد ہے اپنے روم میں ؟”

” نو سر ۔۔۔ مس زمرد ابھی ہاسٹل نہیں آئی ” وارڈن کے کہنے پہ سعد چونکا تھا اس نے گھڑی پہ نظر ڈالی شام کے آٹھ بج رہے تھے ۔۔۔۔۔ ” لیکن وہ تو کافی دیر سے ہاسپٹل سے نکلی ہوئی ہے “

” لیکن ہاسٹل نہیں آئی ابھی تک ” ان کے کہنے پہ سعد کے ماتھے لکیریں پڑ گئی ۔۔۔

چہرے پہ پریشانی چھلکنے لگی ۔۔۔۔۔۔ ” کہاں جا سکتی ہے وہ ؟” پھر وارڈن کی طرف دیکھا ” ہمممم اوکے تھینک یو ” اور وہاں سے نکل آیا ۔۔۔۔ اس نے دوبارہ سے زمرد کا نمبر ملایا لیکن جواب ندارد ۔۔۔۔۔۔۔ وہ پریشانی سے ادھر ادھر دیکھنے لگا اسے پھر سے اقرا پہ غصہ آنے لگا تھا ۔۔۔۔۔۔۔۔۔۔۔۔۔۔۔۔ وہ گاڑی میں آ بیٹھا اور گاڑی کا رخ ریسٹورانٹ کی طرف کیا جہاں اکثر زمرد جایا کرتی تھی لیکن وہ وہاں بھی نہیں تھی ۔۔۔۔۔

اس کا کوئی جاننے والا بھی نہیں تھا ایبٹ آباد میں جہاں یا جس کے گھر وہ جاتی ۔۔۔

” کہاں ہو زمرد ۔۔۔۔۔ تمہیں کہاں ڈھونڈوں میں اب ؟” وہ پریشانی سے وہیں بیٹھ کے سوچنے لگا کہاں جائے وہ اب ۔۔۔ کہاں سے پتہ کرے وہ اب ۔۔۔۔۔ ” افففففف” وہ اپنی کنپٹی سہلانے لگا۔۔۔۔

√√√√√√√√√√√√√

ہم ایک خواب لیے ماہ و سال سے گزرے

ہزاروں رنج ہزاروں ملال سے گزرے

ہمیں ملا جو کوئی آسماں تو صورت ماہ

نہ جانے کتنے عروج و زوال سے گزرے

یہ زندگی بھی عجب راہ تھی کہ ہم جس سے

قدم بڑھاتے جھجکتے نڈھال سے گزرے

حقیقتیں تو نگاہوں کے سامنے تھیں مگر

ہم ایک عمر فریب خیال سے گزرے

زمرد کو سخت الفاظ بول تو آیا تھا وہ لیکن اب اسے عجیب بےچینی نے گھیر لیا تھا ۔۔۔۔۔۔ اسے ایک پل کے لئے بھی سکون نہیں مل رہا تھا وہ کئی بار سوچ چکا تھا کہ زمرد سے جا کے ملے ۔۔۔۔ جا کے دیکھ لے کہ اس کے زہر اگلنے کے بعد اب وہ کس حال میں ہے لیکن بار بار رک جاتا ۔۔۔۔۔۔۔۔۔ اس کی نظر سامنے وال کلاک پہ پڑی رات کے نو بج رہے تھے ۔۔۔۔۔ اور وہ ابھی تک ہاسپٹل میں تھا ۔۔۔۔۔۔۔۔ وہ گھر جانے کے لئے اٹھا اور اپنی کیز اور موبائل اٹھا کے وہ کمرے سے باہر نکلا ۔۔۔۔۔۔۔۔۔۔۔۔ ہاسپٹل کوریڈور سے گزرتے اسے افراتفری کا احساس ہوا ۔۔۔۔۔۔۔۔

کسی مریض کو اسٹریچر پہ لے جایا جا رہا تھا ۔۔۔۔۔۔۔ وہ بے دھیانی میں اسی طرف دیکھتا گزر رہا تھا جب اس کی نظر اس وجود پہ پڑی اور اس کی آنکھیں جیسے ساکت ہو گئی ۔۔۔۔۔۔۔۔ وہ زیر لب نام بھی نہیں دہرا پا رہا تھا ۔۔۔۔۔۔۔۔۔۔ اس کے ماتھے پہ خون تھا ۔۔۔۔۔ اس کے بائیں گال پہ نیل کے نشان تھے ۔۔۔۔۔۔ اس کے لب کانپ رہے تھے ۔۔۔۔۔۔۔۔۔۔۔ اس کے وجود کو اچھی طرح سے ڈھانپا گیا تھا پھر بھی وہ کانپ رہی تھی ۔۔۔۔۔۔۔۔۔۔۔ وہ اسٹریچر کے قریب آیا ” کیا ہوا ہے انھیں ؟” وہ پوچھ رہا تھا

” صاحب جی ۔۔۔۔۔۔ ہمیں برف کے نیچے پڑی ملی ہے پہاڑیوں کے پاس ۔۔۔۔۔۔ ” کوئی بتا رہا تھا ۔۔۔۔۔۔۔ اسے سب دھندلا سا نظر آنے لگا ۔۔۔۔۔۔۔ ” ہری اپ ” وہ اتنا ہی کہہ

پایا ۔۔۔۔۔۔ ۔۔

جاری ہے