Dar Novel By Irsa Rao NovelR50460 Dar Novel (Episode 17)

Dar Novel By Irsa Rao

“مجھے مس کر رہی تھی؟” اس کے سوال پر وہ مسکرائی۔۔۔
“نہیں تو” اس نے فون کان سے لگائے شرارت بھرے لہجے میں انکار کیا۔۔۔۔
“بلکل بھی نہیں۔۔۔؟” سوال پھر کیا گیا
“زرا سا بھی نہیں ۔۔۔” اس نے جلدی سے جواب دیا۔۔۔۔
“ٹھیک ہے پھر میں کیوں اپنا قیمتی وقت ضائع کر رہا ہوں۔۔”
وہ روکھے لہجے میں کہنے لگا۔۔۔
“مجھے یاد کر کے؟” وہ حیرانی سے پوچھنے لگی۔۔۔
“ہاں۔۔۔جب تم مجھے یاد نہیں کرتی تو میں کیوں کروں؟” وہ جھٹ سے کہنے لگا
“میں تو آپ کو اس لیے یاد نہیں کرتی کیوں کہ میں آپ کو بھولتی ہی نہیں۔۔۔”
زارا نے محبت بھرے لہجے میں کہا۔۔۔۔
“اوہ۔۔۔ٹھیک ہے پھر میم آپ میرے ساتھ ڈنر پر چلیں گی؟”
وہ بھی خوش ہوا۔۔۔
“ہممم۔۔۔کس ٹائم؟” زارا نے فون کی طرف مسکرا کر دیکھا۔۔۔پھر دوبارا کان سے لگایا۔۔۔۔
“ڈنر کس ٹائم ہوتا ہے؟” وہ اس کے بے تکے سوال پر حیران ہوا۔۔۔
“آئی مین پک کس ٹائم کریں گے۔۔۔میں تیار ہوجاؤں گی۔۔۔۔”
وہ تفصیل دینے لگی۔۔۔
“آٹھ بجے میں تمہیں پک کروں گا۔۔۔۔اور ہاں۔۔۔اچھی سی تیار ہونا۔۔۔۔”
اس نے کہ کر فون بند کردیا۔۔۔۔
زارا نے ہنس کر فون سائڈ پر رکھا۔۔۔۔
“مگر میں پہنوں کیا؟”
وہ وارڈ روب کی جانب بڑھی۔۔۔۔
کپڑوں کا جائزہ لیتی اس کے منہ کے زاویے بدلے۔۔۔۔
پھر مڑ کر اس نے بیڈ پر رکھے ڈریس کو دیکھا۔۔۔۔
اور مسکرا دی۔۔۔
❤️❤️❤️❤️❤️
“کیوں مجھے اس شخص کی عادت ہوتی جارہی ہے۔۔۔۔”
زوہا نے موبائل کی جانب دیکھ دل ہی دل میں کہا۔۔۔۔
“میں نے تو جو بھی کیا زارا کا گھر بچانے کے لیے کیا تھا۔۔۔۔مگر اس سب میں مجھے اس شخص سے محبت ہوجائے گی۔۔۔شاید میں نے سوچا نہیں تھا کبھی۔۔۔۔۔”
وہ اس کی تصویر کو دو انگلیوں کی مدد سے زوم کر کے دیکھنے لگی
“مگر میں تمہیں کبھی یہ نہیں بتاؤں گی عماد کہ مجھے تمہاری عادت ہوتی جارہی ہے۔۔۔۔تم میری کمزوری بنتے جارہے ہو۔۔۔۔کبھی بھی نہیں”
اس نے فون بند کر سائیڈ ٹیبل پر رکھا اور بیڈ کراؤن سے ٹیک لگائے آنکھیں موند لی۔۔۔
❤️❤️❤️❤️❤️
“یار کتنی دیر لگے گی؟”جواد صوفے پر ٹیک لگائے اکتا کر کہنے لگا۔۔۔
“بس پانچ منٹ۔۔۔۔۔” زارا نے ڈریسنگ روم سے ہی آواز لگائی ۔۔۔
“بس۔۔۔میں ویٹ نہیں کر رہا اب چلو۔۔۔۔” وہ اٹھ کھڑا ہوا۔۔۔
تبھی وہ سامنے آکھڑی ہوئی۔۔۔۔
گرین کلر کا سمپل سا فراک پہنے وہ کسی اپسرا سے کم نہیں لگ رہی تھی۔۔۔۔
جواد کی نظریں اس پر سے ہٹنے کا نام نہیں لے رہی تھی۔۔۔۔
“واؤ….بیوٹفل۔۔۔۔کتنا خوبصورت ڈریس ہے۔۔۔۔”
وہ مسکرا کر تعریف کرنے لگا۔۔۔۔
تبھی اس کی نظر بیڈ پر پڑے پیکٹ پر پڑی۔۔۔۔
“تم شاپنگ پر گئی تھی؟” وہ آگے بڑھ کر بیڈ کے قریب گیا۔۔۔۔
نن۔۔۔نہیں۔۔۔یہ زوہا نے گفٹ دیا تھا۔۔۔۔” زارا بوکھلائی۔۔۔
جواد نے آگے بڑھ کر تکیے کے پاس پڑی چین اٹھائی۔۔۔۔
جس کے لاکٹ پر مہارت سے Z اور E لکھا ہوا تھا
“کون آیا تھا روم میں۔۔۔۔؟ یہ کس کا ہے؟” وہ سنجیدگی سے پوچھنے لگا۔۔۔
“یہ۔۔۔یہ۔۔۔عماد کا ہوگا۔۔۔وہ ابھی تھوڑی دیر پہلے آیا تھا۔۔۔۔”
زارا اس کے پاس گئی۔۔۔۔
جواد اسے گہری نظروں سے دیکھ رہا تھا۔۔۔
“میں سچ کہ رہی ہوں۔۔۔یہ عماد کا ہے۔۔۔وہ یہ ڈریس دینے آیا تھا۔۔۔تبھی رہ گیا ہوگا۔۔۔۔”
زارا نے صفائی دینی چاہی۔۔۔
“ابھی تم نے کہا زوہا نے گفٹ دیا ہے۔۔۔۔۔”
وہ کاٹ دار لہجے میں کہنے لگا۔۔۔۔
“ہاں زوہا نے ہی دیا ہے۔۔۔مگر۔۔۔۔”
وہ اپنی بات پوری کرتی اس سے پہلے ہی وہ چلایا۔۔۔۔
“بس کردو زارا۔۔۔کتنا جھوٹ بولو گی تم۔۔۔جھوٹ پر جھوٹ بول رہی ہو۔۔۔۔۔”
وہ تلخ لہجے میں چیخا۔۔۔
“میں جھوٹ نہیں بول رہی۔۔۔آپ غلط سمجھ رہے ہیں۔۔۔۔”
زارا کی آنکھوں میں نمی اتر آئی۔۔۔
“کاش میں غلط ہوتا۔۔۔۔میں چاہتا ہوں تم مجھے غلط ثابت کردو۔۔۔۔”
جواد دکھ بھرے لہجے میں کہنے لگا۔۔۔۔
“جواد۔۔۔۔۔” زارا نے اسے دیکھا۔۔۔۔
“تمہیں کچھ چاہیے تھا مجھے کہ دیتی۔۔۔۔عماد کے ساتھ مل کر تم مجھے دھوکہ دیتی رہی۔۔۔کیوں۔۔۔۔؟”
جواد نے سرخ چہرے سے سوال کیا۔۔۔۔
“جواد۔۔۔۔نہیں۔۔۔۔ایسا نہیں ہے۔۔۔۔وہ میرا دیور ہے۔۔۔۔اور بس۔۔۔۔”
زارا نے اسے سمجھانا چاہا۔۔۔۔
“وہی دیور جسے شادی سے پہلے تم محبت بھرے کارڈز بھیجتی تھی۔۔۔پیار کی نشانیوں کے طور پر تحفے دیا کرتی تھی۔۔۔۔”
جواد نے تلخ لہجے میں پوچھا۔۔۔۔
اس کی بات سن مانو زارا ساکت ہوگئی تھی۔۔۔۔
اس کے پاس جواب نہیں تھا۔۔۔۔
“کاش یہ سب جھوٹ ہوتا۔۔۔۔۔مگر یہ سچ ہے۔۔۔۔یونیورسٹی سے تم دونوں کا افیئر ہے۔۔۔اور میں۔۔۔میں بیچ میں آگیا۔۔۔۔۔”
وہ بیڈ پر بیٹھا دونوں ہاتھوں سے اپنے سر کو تھامے کہ رہا تھا۔۔۔۔
زارا کو پل بھر میں اپنی دنیا لٹتی محسوس ہورہی تھی۔۔۔۔جس سچ کو وہ ہمیشہ کے لیے جھوٹ بنا چکی تھی۔۔۔۔
وہ چیختا ہوا سامنے آچکا تھا۔۔۔۔
“جواد۔۔۔۔۔” زارا اس کے پاس زمین پر بیٹھی۔۔۔۔
آنسوؤں سے چہرہ تر تھا۔۔۔۔
“جیسا تم سمجھ رہے ہو ایسا کچھ نہیں ہے۔۔۔۔یہ ڈریس کی وجہ سے جھگڑا ہوا ہے نا۔۔۔۔میں اتار دوں گی میں کبھی نہیں پہنوں گی۔۔۔اسے پھینک دوں گی۔۔۔۔جیسا تم کہو گے میں کرلوں گی۔۔۔۔جواد۔۔۔پلیز مجھ سے بات کرو”
زارا نے روتے ہوئے منت کی۔۔۔
“تم یہاں نہیں رہ سکتی اب۔۔۔۔۔تم اپنے گھر جاؤ”جواد نے خوموشی کو توڑا۔۔۔چہرے پر بلا کا غصہ تھا
“جواد۔۔۔پلیز۔۔۔میرے ماضی کی مجھے اتنی بڑی سزا مت دیں۔۔۔”
زارا نے اس کے ہاتھ کو زور سے پکڑتے ہوئے منت کی۔۔۔
“ماضی۔۔۔۔تو یہ کیا ہے؟ اس پر آج بھی تمہارا نام ہے”
جواد نے لاکٹ اس کے سامنے کیا۔۔۔۔
“یہ میرا نام نہیں ہے۔۔۔۔۔جواد پلیز میرا یقین کریں۔۔۔۔”
زارا نے بہتے چہرے کر رگڑ کر صاف کیا۔۔۔
“جھوٹ۔۔۔ایک اور جھوٹ۔۔۔۔ہر کارڈ کے نیچے اسی ڈیزائن میں Z لکھا ہوا تھا۔۔۔۔میں ہر کارڈ کو پڑھا ہے۔۔۔۔تمہاری لکھائی کو میچ کیا ہے۔۔۔۔صرف اس امید میں کہ۔۔۔کاش میں غلط ثابت ہوجاؤں۔۔۔مگر ایسا نہیں ہوا۔۔۔۔۔میرا ہر شک سچ نکلا۔۔۔”
جواد کا دکھ اس کےلہجے سے صاف ظاہر تھا۔۔۔۔
دو آنسوں اس کی آنکھ سے بہ نکلے۔۔۔۔
“تم اپنے گھر جاؤ۔۔۔میں تمہیں یہاں ایک منٹ بھی برداشت نہیں کرسکتا اب”
وہ اٹھ کھڑا ہوا۔۔۔۔
“نہیں۔۔۔جواد۔۔۔۔میں نہیں جاؤں گی۔۔۔”
وہ روتے ہوئے ضد کرنے لگی ۔۔۔
“اٹھو۔۔۔۔۔جاؤ یہاں سے۔۔۔میں نہیں چاہتا میرا ہاتھ اٹھ جائے تم پر۔۔۔اور میں خود کو مزید کوستا رہوں۔۔۔۔۔”
وہ اس کو بازوں سے پکڑتا زبردستی لے گیا۔۔۔۔
وہ منت کرتی رہی۔۔۔روتی رہی مگر جواد شاید اس وقت اسے خود سے دور کردینا چاہتا تھا۔۔۔۔
❤️❤️❤️❤️❤️
“پتا نہیں جی رات کو لگتا ہے جھگڑا ہوا دونوں میں”
حلیمہ بی نے ادب سے بتایا۔۔۔
“جھگڑا۔۔۔۔بلا کر لاؤ زارا کو”
طاہرہ بیگم نے ناشتے کی ٹیبل پر بیٹھے حکم دیا۔۔۔۔
“وہ تو رات کو جواد بیٹا انہیں ان کے گھر چھوڑ آئے تھے۔۔۔۔”
انہوں نے بتایا
“واٹ؟۔۔۔گھر چھوڑ آیا۔۔۔ایسا بھی کیا جھگڑا ہوگیا۔۔۔۔۔جواد کو بلاؤ”
انہوں کے چہرے پر پریشانی ابھری۔۔۔
تھوڑی ہی دیر میں جواد چلتا ہوا آیا۔۔۔
کرسی کھسکا کر بیٹھتے ہوئے سلام کیا۔۔۔۔
چہرے پر سنجیدگی تھی۔۔۔۔سرخ آنکھیں رونے۔۔۔اور رات بھر جاگنے کی چغلی کھا رہی تھی۔۔۔۔
“زارا کہاں ہے؟” طاہرہ بیگم نے لمحہ بھر اسے دیکھا۔۔۔۔پھر سوال کیا۔۔۔
“اپنے گھر۔۔۔۔”
جواد نے چائے کپ میں انڈیلتے ہوئے کہا۔۔۔
“اس کا گھر یہ ہے۔۔۔۔کیا تمہیں پتا نہیں اس بات کا۔۔۔۔۔؟ کس سے پوچھ کر تم اسے چھوڑ کر آئے ہو۔۔۔۔۔”
طاہرہ بیگم نے تلخ رویہ اختیار کیا۔۔۔
“فار گاڈ سیک مام۔۔۔۔مجھے نہیں کرنی اس کے بارے میں کوئی بات۔۔۔۔۔”
وہ کپ رکھ جھنجھلا کر اٹھ کھڑا ہوا۔۔۔۔
“بھائی کیسے بات کر رہے ہیں آپ مام سے۔۔۔۔؟۔۔۔۔” پاس کھڑے عماد نے اس کا یہ رویہ دیکھا تو حیران رہ گیا۔۔۔۔۔۔
“شٹ اپ۔۔۔۔۔اب تم مجھے سکھاؤ گے۔۔۔جو خود۔۔۔۔” وہ کہتے کہتے رکا۔۔۔۔
پھر سر جھٹک کر سامنے کھڑے عماد کو گھور کر دیکھا۔۔۔۔اور بنا کچھ کہے پیر پٹختا وہاں سے چلا گیا۔۔۔۔
❤️❤️❤️❤️❤️
وہ کب سے نمبر ملا رہی تھی۔۔۔۔
صبح سے جانے کتنی بار کال کر چکی تھی مگر اگنور کیا گیا اسے ہر بار۔۔۔۔
“زارا کیا ہوا ہے۔۔؟” روبینہ بیگم نے اس کی بے چینی دیکھ سوال کیا۔۔۔۔
“امی۔۔۔۔وہ میری کال نہیں اٹھا رہا۔۔۔۔میں مرجاؤں گی امی۔۔۔۔”
وہ ان کے گلے لگ سسکیوں کے ساتھ رونے لگی۔۔۔
“زارا مجھے بات بتاؤ۔۔۔میری بچی ایسے روتی رہو گی تو مجھے کیسے پتا چلے گا”
روبینہ بیگم پریشان ہوئی
“اسے سب پتا چل گیا امی۔۔۔۔وہ مجھے چھوڑ دے گا۔۔۔آپ کہیں نا مجھے نا چھوڑے وہ۔۔۔”
وہ آنسؤں سے تر چہرہ لیے بے بسی سے کہ رہی تھی
اور روبینہ بیگم کا دل کٹ کر رہ گیا تھا۔۔۔
❤️❤️❤️❤️❤️
“مام بھائی اچھا نہیں کر رہے بھابھی کے ساتھ”
عماد نے سامنے بیٹھی طاہرہ بیگم کو دیکھ کہا
۔۔۔
“پتا نہیں اسے کیا ہوگیا ہے۔۔۔ایسے تو اس نے کبھی بات نہیں کی مجھ سے”
وہ بھی حیران تھی۔۔
تبھی ان کا فون بجنے لگا۔۔۔۔
“زارا کی امی کا فون ہے۔۔۔میں کیا کہوں انہیں؟”
وہ پریشان ہوئی۔۔۔
“اٹھا لیں۔۔۔۔بات کر کے دیکھیں آخر بات کیا ہوئی؟”
عماد نے مشورہ دیا۔۔۔۔
❤️❤️❤️❤️❤️
(میں تو آپ کو اس لیے یاد نہیں کرتی کیوں کہ میں آپ کو بھولتی ہی نہیں)
جواد کے کانوں سے جملہ ٹکرایا۔۔۔۔
اس نے ہاتھ میں پکڑا موبائل بیڈ پر تیزی سے پھینکا۔۔۔۔
جس پر بار بار زارا کی کال آرہی تھی۔۔۔۔
“کیوں؟” وہ بڑبڑایا۔۔۔۔
آنسوں بہنے لگے تھے۔۔۔۔
وہ دو ایسے انسانوں کے بیچ پھنسا تھا جن سے وہ چاہ کر بھی نفرت نہیں کر پارہا تھا۔۔۔۔
❤️❤️❤️❤️❤️
“آج تو میں نے انجان بن کر انہیں ٹال دیا۔۔۔مگر آگے؟”
طاہرہ بیگم نے فون بند کرتے ہی سامنے بیٹھے عماد کو دیکھا۔۔۔
“آخر ان کا جھگڑا کس بات پر ہوگیا۔۔۔جو اتنا بڑا بنا دیا بھائی نے انہیں گھر سے نکال دیا”
وہ حیرانی سے طاہرہ بیگم سے پوچھنے لگا۔۔۔۔
“مجھے خود نہیں پتا۔۔۔۔کل تک تو ٹھیک تھے دونوں۔۔۔یہ راتو رات کون سا ایسا جھگڑا ہوگیا جو جواد اسے گھر ہی چھوڑ آیا۔۔۔۔؟”
وہ تفصیل دیتے دیتے خود سوچ میں پڑ گئی تھی۔۔۔
“جو بھی ہے مام۔۔۔۔ہمیں اس جھگڑے کو ختم کروانا ہوگا۔۔۔۔”
عماد نے سوچتے ہوئے کہا۔۔۔۔
❤️❤️❤️❤️❤️
(۔یونیورسٹی سے تم دونوں کا افیئر ہے۔۔۔اور میں۔۔۔میں بیچ میں آگیا)
وہ بیڈ کراؤن سے ٹیک لگائے بیٹھی تھی۔۔۔
(وہی دیور جسے شادی سے پہلے تم محبت بھرے کارڈز بھیجتی تھی۔۔۔)
الفاظ اس کے کانوں کو چیرتے ہوئے سنائی دے رہے تھے۔۔۔۔
(پیار کی نشانیوں کے طور پر تحفے دیا کرتی تھی)
زارا پچھلے لمحے یاد کر روتی چلی جارہی تھی۔۔۔۔
رات کی تاریکی پھیلتی جارہی تھی مگر۔۔۔۔نا تو اس کے رونے کی شدت میں کمی آئی نا ہی اسے صبر آیا۔۔۔
❤️❤️❤️❤️❤️
“کیا ہوا ہے بیٹا جواد صاحب تمہیں لینے نہیں آئے دو دن سے”
عظیم صاحب نے سامنے بیٹھی زارا کو دیکھ کہا۔۔۔
جو چپ چاپ بیٹھی روبینہ بیگم کے ساتھ سبزی بنا رہی تھی۔۔۔۔
وہ بھی آجائے گا کیا ہوگیا آپ کو کتنے دن بعد تو رہنے آئی ہے ہماری بیٹی۔۔۔۔”
روبینہ بیگم نے یک دم بات کو ٹالا۔۔۔
“نہیں میں تو ویسے ہی پوچھ رہا تھا بس۔۔۔۔خوش تو ہو نا بیٹا؟”
عظیم صاحب نے پھر پوچھا۔۔۔
ان کا سوال سن زارا کی آنکھوں میں تیزی سے نمی اتری۔۔۔۔
وہ بنا کچھ کہے سبزی اٹھا کر کچن کی طرف بھاگی۔۔۔۔
کہ تھوڑی دیر اور بیٹھتی تو شاید باپ کے سامنے غم چھپا نا پاتی۔۔۔۔
“اسے کیا ہوا؟” وہ حیرانی سے پوچھنے لگے۔۔۔
“کچھ نہیں وہ چولہے پر چائے رکھ کر آئی تھی۔۔۔۔پاگل یہاں باتوں میں بھول گئی۔۔۔۔”
روبینہ بیگم نے ہنس کر بہانا بنایا۔۔۔۔
وہ عظیم صاحب کی طبیعت کی وجہ سے انہیں کچھ بتانا نہیں چاہتی تھی۔۔۔۔
❤️❤️❤️❤️❤️
“کہاں گم ہو یار ایک ہفتہ ہوگیا۔۔۔۔اگنور کر رہے ہو”
زوہا نے خفگی سے پوچھا۔۔۔
“نہیں یار اگنور نہیں کر رہا۔۔۔تمہیں کرسکتا ہوں بھلا۔۔۔”
عماد نے محبت بھری نظروں سے اسے دیکھا۔۔۔
“پھر۔۔۔۔ایک ہفتے سے ملے نہیں کالز نہیں کی ٹھیک سے”
زوہا نے گلا کیا
“بس کچھ پریشان تھا یار۔۔بھائی بھابھی کی وجہ سے۔۔۔”
عماد نے وجہ بتائی
“کیوں خیریت؟” وہ ناسمجھی سے پوچھنے لگی۔۔۔۔
“تمہیں نہیں پتا؟”
وہ حیران ہوا
“کیا نہیں پتا؟” وہ پھر سے پوچھنے لگی
“بھابھی سے بات نہیں ہوئی تمہاری؟” اسے یقین نہیں آرہا تھا کہ وہ دونوں اتنی گہری دوست ہونے پر بھی ایک دوسرے سے کچھ چھپا سکتی ہیں۔۔۔
“نہیں میں نے کال کی تھی۔۔۔مگر اس نے اٹھائی نہیں۔۔۔۔ایک ہفتے سے میری اس سے بات نہیں ہوئی۔۔۔۔میں تم سے بھی پوچھنا چاہ رہی تھی۔۔۔مگر تم بھی بزی تھے”
زوہا نے تفصیل بیان کی
“اچھا۔۔۔۔”عماد کچھ حیران ہوا۔۔۔
“کیا ہوا ہے؟ عماد مجھے بتاؤ زارا ٹھیک ہے نا؟”
وہ اب پریشان ہوئی
“ہاں وہ ٹھیک ہیں”
عماد نے اسے ریلیکس کرنا چاہا
“عماد بات بتاؤ مجھے کیا ہوا ہے۔۔۔تم نے ایسا کیوں کہا؟”
زوہا بضد تھی۔۔۔
عماد نے ساری تفصیل اسے دی۔۔۔
❤️❤️❤️❤️❤️
“سر۔۔۔وہ میٹنگ ہے آپ کی۔۔۔”
سیکریٹری نے آکر اسے تفصیل دی۔۔۔
“کینسل کردو۔۔۔”
جواد نے کرسی کی پشت سے ٹیک لگائے حکم دیا
“مگر سر۔۔۔۔” وہ کچھ کہنا چاہتا تھا مگر جواد نے بات کاٹی ۔۔۔
“یو کین گو ناؤ” جواد نے دو انگلیوں سے بنا اس کی جانب دیکھے اشارہ کیا۔۔۔
تبھی اس کا فون بجنے لگا۔۔۔۔اسکرین پر نمبر دیکھ اس کا دل زور سے دھڑکا تھا۔۔۔۔
بہت مشکل تھا اس کال کو اگنور کرنا۔۔۔۔
جسے وہ ایک ہفتے سے دل پر پتھر رکھ کر اگنور کر رہا تھا
فون کے بند ہوتے ہی اس نے آنکھیں بند کرلی۔۔۔۔
❤️❤️❤️❤️❤️
“کون۔۔۔؟”دروازے پر دستک ہوئی۔۔۔۔۔تو اس نے آواز لگائی۔۔۔۔
“بھابھی میں ہوں۔۔۔۔عماد”
آواز سنتے ہی زارا کے حوش اڑے۔۔۔۔
“امی۔۔۔۔امی ابو کہاں ہیں؟” زارا نے کچن میں کھڑی روبینہ بیگم سے پوچھا۔۔۔
“اشرف بھائی کے گھر گئے ہیں۔۔۔۔”
انہوں نے بتایا۔۔۔۔
“آپ دروازہ کھولیں۔۔۔۔عماد آیا ہے۔۔۔اسے کہیں زارا سوگئی۔۔۔۔نہیں مل سکتی”
زارا نے بہانا بتایا اور اپنے کمرے کی جانب مڑ گئی۔۔۔
“اسلام وعلیکم آنٹی۔۔۔۔کیسی ہیں آپ؟”
عماد نے اندر آتے ہی سلام کیا
“وعلیکم السلام…گھر پر سب کیسے ہیں؟”
روبینہ بیگم نے اخلاق سے پوچھا
“جی سب ٹھیک۔۔۔۔وہ مجھے زارا بھابھی سے ملنا تھا”
عماد نے آنے کی وجہ بتائی
“وہ تو سو رہی ہے۔۔۔طبیعت ٹھیک نہیں تھی۔۔۔سر میں درد تھا۔۔۔۔”
انہوں نے بہانا بنایا
“لیکن ابھی مجھے ان کی آواز آئی تھی۔۔۔۔آپ پلیز انہیں کہیں مجھ سے بات کرلیں۔۔۔مجھے بھائی نے نہیں بھیجا میں خود آیا ہوں”
عماد نے صفائی دی
“بیٹا برا مت ماننا۔۔۔مگر یہ ان دونوں کا آپس کا معاملہ ہے۔۔۔آپ کو چاہیے اپنے بھائی یا امی کو لائیں۔۔۔تاکہ مسئلہ حل ہو۔۔۔۔”
انہوں نے اسے سمجھایا
وہ چپ ہوا۔۔۔۔
“تم بچے ہو بیٹا۔۔۔۔اپنے بھائی کو سمجھاؤ۔۔۔۔اسے لاؤ۔۔۔۔”
انہوں نے پیار سے اس کے سر پر ہاتھ پھیرا۔۔۔۔
عماد مسکرا کر اٹھ کھڑا ہوا۔۔۔۔اور باہر نکل گیا۔۔۔۔
❤️❤️❤️❤️❤️
“ہوا کیا ہے زارا؟”
زوہا نے اسے روتا دیکھ پوچھا۔۔۔
“اسے سب پتا چل گیا زوہا”
زارا نے سسکی لی
“کیا پتا چل گیا؟”
وہ ناسمجھی سے پوچھنے لگی۔۔۔
“سب۔۔۔وہ کارڈز لکھنا۔۔۔۔گفٹس دینا۔۔۔عماد کے بارے میں “
زارا نے آنسوں صاف کیے
“تو کہ دیتی زوہا نے لکھے تھے۔۔۔۔۔”
زوہا نے فوراً کہا
“اس نے میری ہینڈ رائٹنگ پہچان لی زوہا۔۔۔۔اسے سب پتا چل گیا ہے۔۔۔۔اسے لگتا ہے۔۔۔۔میرا اور عماد کا افیئر چل رہا ابھی بھی۔۔۔۔۔”
زارا نے روتے ہوئے کہا
“واٹ۔۔۔؟ وہ ایسا کیسے سوچ سکتا ہے۔۔۔۔؟”
وہ پریشان ہوئی
“وہ مجھے چھوڑ دے گا زوہا”
وہ اس کے گلے لگ سسکیوں کے ساتھ رو رہی تھی۔۔۔
اسے اس حال میں دیکھ زوہا کا دل کٹ کر رہ گیا۔۔۔۔