Dar Novel By Irsa Rao NovelR50460 Dar Novel (Episode 08)

Dar Novel By Irsa Rao

“نن۔۔۔۔نہیں۔۔۔میں کسی کو بھی پسند نہیں کرتی۔۔۔۔”
زارا نے بوکھلا کر جواب دیا۔۔۔
“تو پھر۔۔۔اس رویے کی وجہ جان سکتا ہوں؟”
جواد نے دونوں ہاتھوں کو سینے پر باندھ گہری نظروں سے اسے دیکھتے ہوئے جواب دیا۔۔۔۔
“کسی کو پسند کرنے کے لیے ضروری ہے ہم اسے جانیں، سمجھیں۔۔۔۔اور اس سب کے لیے وقت لگتا ہے”
زارا نے نرم لہجے میں کہا۔۔۔۔
جواد اسی انداز میں کھڑا اسے دیکھ رہا تھا۔۔۔۔
“پلیز مجھے وہ وقت دے دیں۔۔۔مجھے تھوڑا سا وقت چاہیے۔۔۔۔پلیز۔۔۔”
زارا نے التجا کی۔۔۔۔
جواد اسے گھور کر دیکھا۔۔۔۔پھر چلتا بیڈ کے قریب پہنچا۔۔۔۔
زارا یک ٹک اسے دیکھ رہی تھی۔۔۔۔
جواد نے برابر سے ایک تکیہ اٹھایا اور صوفے کی جانب بڑھ گیا۔۔۔۔
تبھی زارا کی سانس میں سانس آئی۔۔۔۔
❤️❤️❤️❤️❤️
“گڈ مارننگ مام۔۔۔۔۔” عماد نے طاہرہ بیگم کو دیکھتے ہوئے کہا۔۔۔
جو ناشتے کی تیاریوں میں لگی ہوئی تھی۔۔۔۔
“کیا بات ہے۔۔۔آج بڑی تیاری ہورہی ہے”
عماد نے ہنس کر پوچھا۔۔۔۔
“ہاں تو میری بہو کا آج پہلا دن ہےاس گھر میں۔۔۔۔اسی لیے آج ناشتہ اس کی پسند کا ہوگا۔۔۔۔”
انہوں نے مسکرا کر جواب دیا۔۔۔۔
“ارے واہ۔۔۔۔اس گھر میں آنے والی بہو تو بڑی لکی ہے۔۔۔اتنا پیار کرنے والی ساس مل گئی۔۔۔۔”
عماد نے داد دیتے ہوئے کہا۔۔۔۔
“ہا۔۔۔بس بس۔۔۔۔” وہ بھی ہنسنے لگیں۔۔۔۔
“نہیں۔۔۔سیریسلی۔۔۔۔میں سوچ رہا ہوں اب میں بھی شادی کرلوں۔۔۔۔”
عماد نے چھیڑا۔۔۔۔
“سدھر جاؤ۔۔۔۔۔” طاہرہ بیگم نے ہنستے ہوئے اس کے سر پر تھپڑ رسید کیا ۔۔۔
❤️❤️❤️❤️❤️
جواد ٹاول سے بالوں کو خشک کرتا باتھ روم سے باہر نکلا۔۔۔۔
اس کی نظر زارا پر پڑی جو بے سدھ بیڈ پر سوئی ہوئی تھی۔۔۔۔
جواد لمحہ بھر اسے دیکھتا رہا۔۔۔۔وہ سوتی ہوئی۔۔۔آنکھیں موندے۔۔۔۔کسی معصوم بچی سے کم نہیں لگ رہی تھی۔۔۔۔
تبھی دروازے پر دستک ہوئی۔۔۔اور زارا ہڑبڑا کر اٹھ بیٹھی۔۔۔۔
سامنے جواد کھڑا اسے ہی دیکھ رہا تھا۔۔۔۔
پھر اس کی ہڑ بڑاہٹ دیکھ ہلکا سا مسکرایا۔۔۔۔
اور دروازے کی جانب پلٹ گیا۔۔۔۔
“گڈ مارننگ مام۔۔۔۔” جواد نے دروازے پر طاہرہ بیگم کو دیکھتے ہی مسکرا کر کہا۔۔۔۔
“گڈ مارننگ۔۔۔۔زارا اٹھ گئی۔۔۔۔؟”
طاہرہ بیگم نے خوش دلی سے سوال کیا۔۔۔۔
“جی۔۔۔بس۔۔۔۔” جواد نے جواب ادھورا چھوڑا۔۔۔۔
“تم لوگ ریڈی ہوکر آجاؤ نیچے۔۔۔میں ناشتہ لگوا رہی ہوں۔۔۔۔”
انہوں محبت سے جواد کا گال تھپتھپایا۔۔۔۔اور پلٹ گئی۔۔۔۔
“آپ نے مجھے اٹھایا ہی نہیں۔۔۔۔” زارا کہتی بستر سے اٹھی۔۔۔۔
“آپ کو جلدی اٹھنا تھا؟” جواد نے الٹ سوال کیا۔۔۔۔
“ہاں۔۔۔۔مجھے کوئی نا اٹھائے تو میں پورا دن ہی سوتی رہوں گی۔۔۔۔آنٹی کیا سوچ رہی ہوں گی۔۔۔۔” وہ شرمندہ ہوئی اور وارڈ روب کی جانب بڑھ گئی۔۔۔۔
“نہیں۔۔۔کوئی کچھ نہیں سوچتا۔۔۔۔آپ پورا دن بھی سو سکتی ہیں۔۔۔نو ٹینشن۔۔۔۔”
جواد نے ہلکی مسکراہٹ کے ساتھ کہا۔۔۔۔
اور آئینے میں دیکھ بال بنانے لگا۔۔۔۔
زارا بنا کچھ کہے باتھ روم میں گھس گئی۔۔۔۔
اور جواد کچھ سوچ کر مسکرانے لگا۔۔۔۔
❤️❤️❤️❤️❤️
“بھابھی۔۔۔ایک بات کہوں؟” عماد نے زارا کی جانب دیکھتے ہوئے کہا۔۔۔۔
وہ جو سر جھکائے ناشتہ کرنے میں مصروف تھی۔۔۔۔اس کی بات پر سر اٹھا کر اسے دیکھا۔۔۔۔
“مجھے ایسا لگتا ہے میں نے آپ کو کہیں دیکھا ہے۔۔۔۔”
عماد نے ذہن پر زور ڈالتے ہوئے کہا۔۔۔۔
زارا بس سہمی اسے دیکھ رہی تھی۔۔۔۔
اس کے پاس جواب نہیں تھا۔۔۔۔
“دیکھا ہوگا۔۔۔ایک ہی یونیورسٹی میں پڑھتے ہو تم دونوں۔۔۔۔” جواد نے زارا کو ایک نظر دیکھا پھر جواب دیا۔۔۔۔
“واٹ۔۔۔۔سیریسلی۔۔۔۔کون سے ڈپارٹمنٹ سے؟” عماد نے حیرانگی سے زارا کو دیکھا۔۔۔۔
“وہ۔۔۔۔میں نے اب چھوڑ دی پڑھائی۔۔۔۔”
زارا نے ہچکچاہٹ کو پرے دھکیلتے ہوئے کہا۔۔۔۔
“چھوڑ دی۔۔۔۔؟کیوں؟” جواد شاکڈ ہوا۔۔۔۔
“بس۔۔۔یونہی۔۔۔۔مجھے نہیں پڑھنا۔۔۔۔” زارا نے نظر جھکائی۔۔۔۔
“نہیں پڑھنا؟ دماغ ٹھیک ہے۔۔۔۔؟”
جواد کے لہجے میں یک دم تلخی آئی۔۔۔
“جواد۔۔۔۔آرام سے بات کرو بیٹا۔۔۔۔”
طاہرہ بیگم ٹوکا۔۔۔۔
“ایکسکیوز می۔۔۔۔” زارا جو چپ چاپ بیٹھی تھی اٹھ کھڑی ہوئی۔۔۔۔
“زارا۔۔۔۔زارا۔۔۔۔” جواد نے پکارا۔۔۔۔مگر وہ اگنور کرتی اپنے روم کی جانب بڑھ گئی۔۔۔۔
عماد خاموش تھا۔۔۔۔
“جواد۔۔۔کیا ہوگیا۔۔۔بات آرام سے بھی کی جاسکتی تھی۔۔۔۔آج پہلا دن تھا اس کا اس گھر میں اور تم نے۔۔۔۔”
طاہرہ بیگم نے غصہ سے ڈپٹا۔۔۔۔
جواد شرمندہ ہوا۔۔۔۔
“اب جاؤ اسے منا کر لاؤ۔۔۔۔ناشتہ بھی نہیں کیا اس نے۔۔۔۔”
طاہرہ بیگم حکم دیا۔۔۔۔اور جواد اثبات میں سر ہلائے اٹھ کھڑا ہوا۔۔۔۔
❤️❤️❤️❤️❤️
“کتنا مشکل ہے نا۔۔۔جس سے آپ محبت کرتے ہیں۔۔۔اسی کے گھر میں ۔۔اسی کے سامنے۔۔۔کسی اور کی بیوی بن کر رہنا۔۔۔”۔وہ بیڈ پر بیٹھی بنا آواز آنسوں بہا رہی تھی۔۔۔۔
“یہ مجھے قسمت کہاں لے آئی ہے؟”
وہ دل میں سوچنے لگی۔۔۔۔
تبھی دروازہ کھلنے کی آواز آئی۔۔۔۔زارا نے جھٹ چہرہ ہتھیلی کی پشت سے رگڑ کر صاف کیا۔۔۔۔
“زارا۔۔۔۔” جواد اس کے قریب آیا۔۔۔۔
“چلیں ناشتے کریں۔۔۔ناراضگی مجھ سے ہے نا۔۔۔کھانے سے تو نہیں نا”
جواد بلکل اس کے پیچھے کھڑا تھا۔۔۔۔
“مجھے آپ سے کوئی بات نہیں کرنی۔۔۔۔” زارا کہتے ساتھ پلٹی۔۔۔۔
“زارا….ایم سوری” جواد نے اس کا ہاتھ مضبوطی سے تھام کر اس کے جانے کی کوشش کو ناکام بنایا۔۔۔
زارا نے سرخ آنکھوں سے اسے دیکھا۔۔۔۔
“مجھے اس طرح بات نہیں کرنی چاہیے تھی۔۔۔۔میں بس۔۔۔۔”
وہ صفائی دینے ہی لگا تھا کہ زارا نے جھٹکے سے اپنا ہاتھ چھڑوایا۔۔۔۔
“آپ ہوتے کون ہیں مجھ سے اس طرح بات کرنے والے۔۔۔۔میری مرضی میں اپنی پڑھائی کو کنٹینیو کروں یا نہ کروں۔۔۔۔آپ کو کوئی حق نہیں۔۔۔۔یوں بے وجہ روب جمانے کا”
زارا نے اس کی آنکھوں میں دیکھتے ہوئے حقارت سے کہا۔۔۔۔اور پلٹ کر جانے ہی لگی تھی کہ جواد نے اسے بازوں سے کھینچ اپنے حصار میں لیا۔۔۔۔
“حق تو مجھے بہت سے ہیں۔۔۔مسسز جواد۔۔۔۔۔”
جواد نے اس کی آنکھوں میں دیکھتے ہوئے کہا۔۔۔
زارا کے جسم میں سنسناہٹ دوڑ گئی۔۔۔۔ڈر کی ایک لہر اس کے دماغ کو چھونے لگی۔۔۔۔
“چھو۔۔۔ڑیں مم۔۔جھے۔۔۔۔۔۔”زارا نے تھوک نگلا۔۔۔۔۔
“اس بات کو آپ جتنا جلدی سمجھ جائیں۔۔۔اتنا بہتر ہوگا”
جواد نے اس کے ڈر کو بھانپتے ہوئے کہا۔۔۔۔اور نرمی سے اسے اپنے حصار سے رہا کرتا پلٹ گیا۔۔۔۔
کیوں کو وہ اب مزید اپنی شرارتی مسکراہٹ چھپا نہیں پاتا۔۔۔۔
❤️❤️❤️❤️❤️
“کون ہے؟” روبینہ بیگم نے پوچھا۔۔۔
مگر کوئی جواب نا ملنے پر انہوں نے دروازہ کھولا تو سامنے زوہا کھڑی تھی۔۔۔۔
“اسلام علیکم آنٹی۔۔۔” زوہا نے ادبًا سلام کیا۔۔۔۔
“وعلیکم السلام…زوہا بیٹا تم۔۔۔۔آؤ اندر”
روبینہ بیگم نے محبت سے کہا۔۔۔۔اور اسے اندر بلایا۔۔۔۔
“بیٹھو بیٹا۔۔۔۔” انہوں نے اسے کھڑے دیکھ ٹوکا۔۔۔۔
“نہیں آنٹی۔۔۔وہ آپ بس زارا کو بلا دیں۔۔۔۔”
زوہا نے یہاں وہاں دیکھتے ہوئے کہا۔۔۔۔
“مگر بیٹا زارا تو نہیں ہے۔۔۔” انہوں نے سنجیدگی سے جواب دیا۔۔۔۔
“وہ اب تک نہیں آئی حیدرآباد سے؟اگلے مہینے ایگزامز ہیں ہمارے۔۔۔” زوہا حیران ہوئی۔۔۔۔
“ارے نہیں۔۔۔۔بیٹا۔۔۔دراصل اس کی شادی ہوگئی ہے”
انہوں نے خوش دلی سے جواب دیا۔۔۔۔
“واٹ؟ شادی۔۔۔۔؟کک۔۔۔کب؟ کس سے؟” اس کے سر پر جیسے بم پھوٹا۔۔۔۔
“یہیں۔۔۔اسی شہر میں ہوئی ہے شادی۔۔۔کل ہی ہوئی ہے شادی۔۔۔میں نے سمجھا شاید تمہیں بتایا ہوگا اس نے”
روبینہ بیگم نے تفصیلات دی۔۔۔
“کیا آپ مجھے اس کا ایڈریس دے سکتی ہیں آنٹی۔۔۔۔؟”
زوہا نے پوچھا۔۔۔
“ہاں ضرور۔۔۔۔مگر بیٹا ایک بات یاد رکھنا وہ اب شادی شدہ ہے۔۔۔۔میں نہیں چاہتی کہ تم دونوں کی دوستی خراب ہو۔۔۔۔مگر یہ بھی نہیں چاہوں گی کہ اس کی شادی خراب ہو تمہاری وجہ سے۔۔۔۔اسی لیے احتیاط کرنا وہ اس کا سسرال ہے”
روبینہ نے سنجیدگی سے سمجھاتے ہوئے کہا۔۔۔۔
زوہا ان کی بات کو سمجھتے ہوئے اثبات میں سر ہلا گئی۔۔۔
❤️❤️❤️❤️❤️
“ابھی تک ناراض ہو؟” جواد نے پاس بیٹھی زارا کو دیکھا۔۔۔۔
“نہیں۔۔۔۔” اس نے مختصر کہا۔۔۔۔اور کھڑکی سے باہر دیکھنے لگی۔۔۔۔
“پھر موڈ ٹھیک کرو یار۔۔۔آپ کے پیرینٹس سے ملنے جارہے ہیں ہم۔۔۔۔”
جواد نے ڈرائیونگ کرتے ہوئے گردن موڑ کر اسے دیکھا۔۔۔۔
“میں ٹھیک ہوں۔۔۔۔” زارا نے بنا اس کی جانب دیکھے جواب دیا۔۔۔۔
جواد نے گاڑی زارا کے گھر کے باہر روکی۔۔۔۔
اس سے پہلے وہ لوگ اترتے۔۔۔زارا کی نظر سامنے کھڑی گاڑی پر پڑی۔۔۔۔
یک دم زارا کے ماتھے پر بل پڑے۔۔۔۔
“چلیں۔۔۔۔”جواد نے اسے دیکھتے ہوئے کہا۔۔۔۔
“نن۔۔۔۔نہیں۔۔۔ایک منٹ۔۔۔۔ایک بار اپنا دیں گے۔۔۔؟” زارا نے جواد کی جانب دیکھ ہاتھ بڑھایا ۔۔۔۔۔۔
“کیوں۔۔۔؟ کیا ہوا خیریت۔۔۔؟” وہ اس کے سوال پر چونکا۔۔۔۔
“پلیز۔۔۔جلدی۔۔۔۔” زارا بے چین تھی۔۔۔۔
“ہاں۔۔۔یہ لو ۔۔۔۔” جواد نے حیرانگی کو پرے دھکیلتے فون اس کی جانب بڑھایا۔۔۔۔
زارا تھامتے ہی نمبر ڈائل کرنے لگی۔۔۔۔مسلسل بیل جا رہی تھی۔۔۔مگر رسیو نہیں ہوئی۔۔۔۔
“امی۔۔۔پلیز۔۔۔۔فون اٹھائیں۔۔۔۔” وہ پریشانی میں بڑ بڑائی۔۔۔۔
“آپ اپنے گھر کے باہر کھڑی ہوکر اپنی امی کو فون کر رہی ہیں۔۔۔؟” وہ اس کی اس حرکت پر حیران ہوا۔۔۔۔
“نہیں۔۔۔۔ایسی بات نہیں۔۔۔ہے۔۔۔” زارا نے بوکھلا کر فون اس کی جانب بڑھایا۔۔۔۔
“پھر کیا ہوا ہے؟ اور آپ کا اپنا فون کہاں ہے؟” وہ پوچھنے لگا۔۔۔۔
“ٹوٹ گیا تھا۔۔۔۔” زارا نے مختصر جواب دیا۔۔۔۔
“تو آپ مجھے بتاتی میں دلوا دیتا نا۔۔۔۔”
جواد نے اسے گہری نظروں سے دیکھا۔۔۔۔
“تو۔۔۔تو چلیں پھر۔۔۔۔فون لینے۔۔۔”
زارا نے جھٹ بہانا بنایا۔۔۔۔
“لیکن۔۔۔ابھی۔۔۔۔ہم واپسی میں لے لیں گے۔۔۔ابھی اندر چلتے ہیں۔۔۔”
جواد اس کی بات پر اتنا ہی شاکڈ تھا جتنا اس کی حرکتوں پر۔۔۔۔
” نہیں۔۔۔پہلےلینے چلتے ہیں۔۔۔پھر واپس آجائیں گے۔۔۔۔۔”
زارا نے فوراً کہا۔۔۔۔
جواد اس کی بات خاموش ہوگیا۔۔۔۔
“وہ میں امی کو بھی دکھا دوں گی نا۔۔۔اس لیے کہ رہی ہوں۔۔۔۔”
زارا نے سر جھکائے کہا۔۔۔۔
“اٹس اوکے چلتے ہیں۔۔۔۔”
جواد نے مسکرا کر کہا۔۔۔۔اور گاڑی دوبارا اسٹارٹ کی۔۔۔۔
❤️❤️❤️❤️❤️
“فضا مجھے تم سے ایک کام تھا”
عماد فون کان سے لگائے ٹیرس پر کھڑا تھا۔۔۔۔
“ہاں بولو۔۔۔۔۔” فضا نے کہا۔۔۔۔
“مجھے زوہا کا نمبر چاہیے۔۔۔تمہاری کلاس میٹ ہے نا”
عماد نے بنا ہچکچائے کہا۔۔۔۔
“زوہا کا؟” وہ حیران ہوئی۔۔۔۔
“ہاں۔۔۔مجھے کچھ کام ہے اس سے”
عماد نے بہانا بنایا۔۔۔۔
“کیا بات ہے۔۔۔آج کل تم دونوں کو ایک دوسرے سے کام پڑ رہے ہیں۔۔۔”
وہ شرارت بھرے انداز میں بولی۔۔۔
“کیا مطلب۔۔۔۔؟” وہ بوکھلایا۔۔۔
“مطلب وہ تمہارا نمبر مانگ رہی تھی۔۔۔اب تم اس کا”
فضا نے مسکرا کہا۔۔۔
“میرا نمبر ؟ ایک منٹ۔۔زوہا نے تم سے میرا نمبر مانگا تھا؟” اسے جیسے اپنے کانوں سنی پر یقین نا آیا ہو۔۔۔۔
“ہاں۔۔۔لیکن تب میرے پاس تمہارا نمبر تھا ہی نہیں۔۔۔۔”
فضا نے تفصیل دی۔۔۔
اور عماد کے ہونٹوں پر مسکراہٹ پھیل گئی۔۔۔
❤️❤️❤️❤️❤️
“خوش ہو؟” روبینہ بیگم نے زارا کی جانب دیکھ پوچھا۔۔۔۔
“آپ اور ابو خوش ہیں؟” اس نے الٹ پوچھا
“ہاں۔۔۔۔بہت خوش ہیں ہم۔۔۔۔” روبینہ بیگم کے چہرے پر خوشی ظاہر تھی۔۔۔۔
” میں بھی خوش ہوں۔۔۔۔” زارا نے ماں کے ساتھ لگتے ہوئے کہا۔۔۔۔
“امی زوہا آئی تھی؟” یاد آتے ہی اس نے فوراً پوچھا۔۔۔
“ہاں۔۔تمہارا پوچھ رہی تھی میں نے کہا تمہاری شادی ہوگئی”
انہوں چائے کپ میں انڈیلتے ہوئے کہا۔۔۔
“پھر۔۔۔۔۔کچھ کہا نہیں اس نے؟” زارا نے پوچھا۔۔۔
“ہاں تمہارے سسرال کا ایڈریس لے کر گئی ہے”
وہ کپ ٹرے میں رکھنے لگی۔۔۔
“کیا؟ آپ نے دے دیا؟ کیوں؟”
زارا کو جیسے شاکڈ لگا
“بیٹا وہ بار بار منت کر رہی تھی۔۔۔میں کیا کرتی۔۔۔اور تم ناراض کیوں ہو اس سے؟”
وہ پوچھنے لگی۔۔۔
“امی۔۔۔آپ۔۔۔مجھے کوئی بات ہی نہیں کرنی اس بارے میں اب۔۔۔”
وہ جھنجھلاتے ہوئے کچن سے باہر نکل گئی۔۔۔۔
❤️❤️❤️❤️❤️
“انجوائے کیا؟” طاہرہ بیگم نے شفقت بھرے لہجے میں پوچھا ۔۔۔۔
“جی۔۔۔۔” زارا مسکرائی۔۔۔
“میں کھانا لگواتی ہوں۔۔۔” انہوں نے پیار سے کہا۔۔۔
“نہیں۔۔۔۔آنٹی۔۔۔ہم کی طرف ہی کھا کر آئے ہیں۔۔۔۔بلکل بھی گنجائش نہیں۔۔۔۔”
زارا نے محبت سے کہا۔۔۔
“اچھا۔۔۔چلو اچھی بات ہے۔۔۔کسی بھی چیز کی ضرورت ہو بتا سکتی ہو بیٹا۔۔۔اب یہ تمہارا اپنا گھر ہے۔۔۔۔آرام کرلو۔۔۔۔اوکے۔۔۔”
انہوں نے پیار سے گال تھپتھپایا۔۔۔۔
زارا بھی بدلے میں مسکرائی۔۔۔۔
❤️❤️❤️❤️❤️
“تھینک یو” زارا نے صوفے پر بیٹھے جواد کی جانب دیکھا۔۔۔
جواد جو اپنے فون میں گم تھا۔۔۔۔سر اٹھا کر اسے دیکھا۔۔۔
“کس لیے؟” وہ تسلی سے پوچھنے لگا۔۔۔
“وہ موبائل کے لیے۔۔۔۔۔” زارا نے وجہ بتائی۔۔۔
“میں نے موبائل سے پہلے بھی کچھ دیا تھا مگر آپ نے تو دیکھنا تک گوارا نہیں کیا”
جواد نے گلا کیا۔۔۔۔
“کیا؟” وہ ناسمجھی سے پوچھنے لگی۔۔۔
جواد نے سائیڈ ٹیبل کی جانب اشارہ کیا۔۔۔۔
زارا پلٹی۔۔۔۔وہاں ایک ڈبی رکھی تھی۔۔۔۔
زارا نے ایک نظر سامنے بیٹھے جواد پر ڈالی۔۔۔۔
پھر پلٹ کر سائیڈ ٹیبل تک گئی۔۔۔۔
ڈبی اٹھائی۔۔۔۔۔جیسے ہی کھولی اس میں بہت ہی خوبصورت کنگن تھے۔۔۔۔
زارا مسکرائی۔۔۔۔۔
“کیسے ہیں؟” اس کے کان کے پاس سر گوشی ہوئی۔۔۔۔
زارا نے جھٹ پلٹ کر دیکھا۔۔۔۔۔وہ اس کی پشت پر ہی کھڑا تھا۔۔۔۔زارا پلٹنے پر فوراً اس سے ٹکرائی۔۔۔۔
“آ۔۔۔اچھے ہیں۔۔۔۔۔” زارا نے مختصر کہا۔۔۔۔
“میں پہنا دوں؟” جواد اجازت طلب نظروں سے دیکھا۔۔۔۔
زارا خاموشی سے اس کی آنکھوں میں دیکھ رہی تھی۔۔۔