Dar Novel By Irsa Rao NovelR50460 Dar Novel (Episode 07)

Dar Novel By Irsa Rao

آنکھوں میں سیلاب امڈنے کو تھا۔۔۔۔
جسے زبردستی روکے وہ زور زور سے دروازہ پیٹ رہی تھی۔۔۔۔
“کون ہے؟” اندر سے روبینہ بیگم کی آواز سنائی دی۔۔۔۔
زارا تم اتنی جلدی آگئی۔۔۔؟” انہوں نے جیسے ہی دروازہ کھولا سامنے زارا کودیکھ حیران ہوئی۔۔۔۔
زارا خاموشی سے اندر داخل ہوگئی۔۔۔۔
“زارا بیٹا۔۔۔۔۔۔” اس سے پہلے وہ کوئی اور سوال کرتی زارا تیزی سے اپنے کمرے کی جانب بڑھ گئی۔۔۔
اور اندر سے دروازہ بند کرلیا۔۔۔۔
تبھی اس کے پرس سے موبائل کے شور کی آواز آنے لگی۔۔۔
زارا نے ہاتھ ڈال کر موبائل نکالا۔۔۔۔
زوہا کا نمبر جگمگا رہا تھا۔۔۔۔۔
زارا آنکھوں میں امڈتے آنسوؤں کو لیے اسکرین کو دیکھ رہی تھی۔۔۔۔
پھر پوری قوت سے موبائل سامنے دیوار پر دے مارا۔۔۔۔
اور پھوٹ پھوٹ کر رو دی۔۔۔۔
❤️❤️❤️❤️❤️
“یار اس نے کوئی جواب تک نہیں دیا”
عماد نے افسردگی سے کہا۔۔۔۔
“دے دے گی ہوسکتا ہے شرما گئی ہو” عادل نے ہنس کر کہا۔۔۔۔
“نہیں یار وہ مجھے ایسےدیکھ رہی تھی۔۔۔جیسے میرا پروپوز کرنا اسے برا لگا ہو۔۔۔۔وہ بہت شاکڈ تھی۔۔۔”
عماد نے بیڈ کراؤن سے ٹیک لگائی۔۔۔
“ہوسکتا ہے اسے یقین نا آیا ہو۔۔۔۔اسے امید ہی نا ہو کہ تو اسے پرپوز کرے گا”
عادل نے جھٹ اندیشہ ظاہر کیا ۔۔۔۔
“پھر بھی یار اسے کچھ تو کہنا چاہیے تھا۔۔۔۔”
عماد نے دکھ کو پرے دھکیلا۔۔۔۔
“چل تو بیٹھ کر افسوس کر میں تو چلا۔۔۔۔”
عادل اٹھ کھڑا ہوا۔۔۔۔کیوں کہ وہ یونیورسٹی سے سیدھا عماد کے ساتھ اس کے گھر آگیا تھا۔۔۔۔
“چل ٹھیک ہے۔۔۔ٹیک کیئر۔۔۔۔”
عماد بھی اٹھ کھڑا ہوا۔۔۔۔پھر اسے باہر تک چھوڑ وہ واپس اپنے کمرے کی جانب بڑھ رہا تھا کہ اس کی نظر کچن سے آتی طاہرہ بیگم پر پڑی۔۔۔۔
“مام۔۔۔۔” اس نے پکارا
مگر وہ شاید کہیں اور ہی گم تھی۔۔۔۔
“مام ایوری تھنگ از اوکے؟” وہ اسے کچھ پریشان لگی۔۔۔۔
❤️❤️❤️❤️❤️
“زارا۔۔۔زارا بیٹا” روبینہ بیگم نے دروازہ کھٹکھٹایا۔۔۔۔
دوسری ہی دستک پر زارا نے دروازہ کھول دیا۔۔۔۔
“زارا میری بچی۔۔۔۔طبیعت ٹھیک ہے؟” انہوں نے پیار سے پوچھا۔۔۔۔
چہرہ جو آنسوؤں سے دھلا تھا۔۔۔۔سوجی آنکھیں کافی دیر سے رونے کی چغلی کھا رہی تھی۔۔۔
“تم روئی ہو؟” وہ پوچھنے لگی۔۔۔۔
زارا نے نفی میں گردن ہلائی۔۔۔۔
“ادھر آؤ۔۔۔۔۔یہاں بیٹھو۔۔۔۔” وہ اسے بیڈ کے قریب لے جا کر بیٹھنے کا اشارہ کرنے لگی۔۔۔۔
زارا خاموشی سے بیٹھ گئی۔۔۔۔
“تمہیں رونے کی ضرورت نہیں ہے۔۔۔تم جواد سے شادی نہیں کرنا چاہتی نا۔۔۔ٹھیک ہے میں نہیں کروں گی زبردستی۔۔۔۔اب خوش۔۔۔۔”
وہ اسے لاڈ کرتے ہوئے کہنے لگی۔۔۔
“امی۔۔۔امی وہ۔۔۔۔آپ انہیں ہاں کہ دیں۔۔۔میں شادی کے لیے تیار ہوں۔۔۔۔”
زارا ہمت کر کے کہا۔۔۔۔گال پر پھسلتے آنسوں کو اس نے جھٹ سے صاف کیا۔۔۔۔
“زارا۔۔۔۔میرے بچے۔۔۔۔کیا ہوا ہے۔۔۔۔۔؟” وہ پھر سے پوچھنے لگی۔۔۔۔
“مجھے معاف کردیں امی۔۔۔میں نے آپ سے بدتمیزی کی۔۔۔۔۔”
وہ ان کے گلے لگے کہنے لگی۔۔۔
“لو تم اس لیے رو رہی تھی۔۔۔۔مجھ سے تو پوچھ لیا ہوتا میں ناراض نہیں ہوں اپنی بیٹی سے۔۔۔۔۔”
وہ پیار سے اس کے سر پر ہاتھ پھیرنے لگی۔۔۔۔۔
“میں جانتی ہوں امی۔۔۔۔بس آپ انہیں ہاں کردیں مجھے کوئی اعتراض نہیں۔۔۔۔”
زارا نے زبردستی کی مسکراہٹ سجاتے ہوئے کہا۔۔۔۔
❤️❤️❤️❤️❤️
“کچھ ٹھیک نہیں ہے۔۔۔۔جواد نے صبح سے خود کو کمرے میں بند کیا ہوا۔۔۔۔نا کچھ کھایا نا پیا۔۔۔۔۔”
ان کے لہجے میں پریشانی تھی۔۔۔۔
“کیوں؟ کوئی بات ہوئی ہے؟”
عماد بھی حیران ہوا۔۔۔۔
“پتا نہیں۔۔۔کچھ بتائے گا تو پتا لگے گا نا”
انہوں نے فوراً کہا
“مام۔۔۔ہوسکتا ہے بھابھی کے ساتھ جھگڑا ہوا ہو۔۔۔۔”
عماد کے دل میں جو بات آئی فوراً کہی۔۔۔
تبھی طاہرہ بیگم کا فون بجنے لگا۔۔۔جو وہ ہاتھ میں لیے کھڑی تھی۔۔۔۔ وہ سائیڈ میں جا کر بات کرنے لگیں۔۔۔۔
عماد سیڑھیاں چڑھتا جواد کے کمرے تک گیا۔۔۔۔
“بھائی۔۔۔۔جواد بھائی۔۔۔اوپن دی ڈور۔۔۔۔پلیز”
عماد نے دستک دی۔۔۔
“کیا اپنے بھائی کے لیے دروازہ نہیں کھولیں گے آپ؟” عماد نے جذبات سے بھرےلہجے میں سوال کیا۔۔۔
اگلے ہی لمحے دروازہ کھلا۔۔۔اور جواد چہرے پر سنجیدگی لیے باہر نکلا۔۔۔۔
“بھائی آپ ٹھیک ہیں؟” عماد نے اسے دیکھتے ہی پوچھا۔۔۔۔
“ہاں میں ٹھیک ہوں” جواد نے مختصر کہا۔۔۔۔
“جواد میرے بیٹے۔۔۔۔تم نے صبح سے کچھ نہیں کھایا پتا ہے کتنی پریشان ہوگئی تھی میں۔۔۔۔”
طاہرہ بیگم نے اسے پیار کیا۔۔۔۔
“آپ کیوں پریشان ہورہی ہیں۔۔۔میں ٹھیک ہوں۔۔۔۔”
جواد نے ان کی جانب دیکھا۔۔۔۔
“ایسے نہیں۔۔۔۔۔ عماد کھانا منگواؤ۔۔۔۔۔۔”
طاہرہ بیگم نے پاس کھڑے عماد کو حکم دیا۔۔۔۔
وہ اثبات میں سر ہلاتا سیڑھیاں اترتا نیچے چلا گیا۔۔۔۔
“تم بتاؤ۔۔۔کیا ہوا ہے۔۔۔کیوں پریشان ہو۔۔۔۔۔؟ زارا سے جھگڑا ہوا ہے؟”
انہوں نے فوراً پوچھا۔۔۔۔
“نہیں مام۔۔۔۔ایسا کچھ نہیں ہے۔۔۔۔” جواد نے صفائی دی۔۔۔۔
“اچھا۔۔۔میں تو پریشان ہی ہوگئی تھی۔۔۔۔میں فون کرنے ہی والی تھی کہ کہیں زارا سے جھگڑا تو نہیں ہوا۔۔۔یا پھر ان لوگوں نے کوئی جواب نہیں دیا۔۔۔تبھی تمہارا موڈ آف ہے۔۔۔۔۔”
انہوں نے مسکرا کر کہا۔۔۔۔
“نہیں۔۔۔۔مام وہ لوگ نہیں کریں گے فون۔۔۔۔۔آپ۔۔۔۔۔بس۔۔۔”
اس سے پہلے جواد اور کچھ کہتا طاہرہ بیگم نے بات کاٹی۔۔۔۔
“مگر ان لوگوں نے تو فون کر کے جواب دے دیا ہے۔۔۔۔۔”
انہوں نے جھٹ کہا۔۔۔۔
“کیا؟ جواب دے دیا۔۔۔۔۔؟” جواد نے سنجیدگی سے پوچھا ۔۔۔
“ہاں۔۔۔۔اور ہاں میں ہی جواب دیا ہے۔۔۔۔۔”
ان کے جواب پر جواد کو جھٹکا لگا۔۔۔۔
“وہ لوگ بھی ہماری طرح بہت خوش ہیں۔۔۔۔کہ رہے تھے جب چاہیں ڈیٹ فکس کرلیں۔۔۔۔”
وہ خوش دلی سے بتا رہی تھی۔۔۔۔
“پھر تو دیر کریں ہی مت مام۔۔۔۔جلدی سے ڈیٹ فکس کریں۔۔۔مجھے بھی اپنے بھائی کی شادی میں ڈانس کرنا ہے۔۔۔۔۔”
پیچھے سے عماد کی بات پر طاہرہ بیگم ہنس دی۔۔۔۔
جواد بھی ہلکا سا مسکرایا۔۔۔۔
مگر اس کے من میں بہت سے سوال تھے۔۔۔۔جنکا ذکر وہ چاہ کر بھی نہیں کرسکتا تھا۔۔۔۔
❤️❤️❤️❤️❤️
“وہ لوگ شادی جلدی کی مانگ رہے ہیں” روبینہ بیگم نے بتایا۔۔۔۔
وہ جو چائے بنانے میں مصروف تھی۔۔۔ان کی بات سن کر بھی خاموش ہی رہی۔۔۔۔
تبھی باہر گاڑی رکنے کی آواز آئی۔۔۔۔۔اگلے ہی لمحے دروازے پر دستک ہوئی۔۔۔۔
زارا کی چھٹی حس نے کام کیا۔۔۔۔۔۔
“امی۔۔۔۔امی باہر زوہا ہوگی۔۔۔۔۔اگر وہ ہو نا اسے کہنا زارا گھر نہیں ہے۔۔۔حیدرآباد۔۔۔۔۔گئی ہے۔۔۔یہ کہنا اسے۔۔۔۔۔”
زارا نے بوکھلاتے ہوئے روبینہ بیگم سے منت کی۔۔۔
“مگر کیوں۔۔۔۔؟” وہ حیرانگی سے پوچھنے لگی۔۔۔۔
کیونکہ پہلے ایسا کبھی نہیں ہوا کہ زارا زوہا کو اگنور کردے۔۔۔۔
وہ دونوں کبھی لڑتے نہیں تھے۔۔۔۔
“ٹھیک ہے۔۔۔۔۔” روبینہ بیگم کہتے ہی کچن سے باہر نکلی۔۔۔۔
اور دروازے کی جانب بڑھ گئی۔۔۔۔۔
“اسلام علیکم آنٹی۔۔۔۔۔”زوہا نے روبینہ بیگم کو دیکھتے ہی سلام کیا۔۔۔۔
“وعلیکم السلام۔۔۔۔۔کیسی کو بیٹا؟”
انہوں نے محبت سے پوچھا۔۔۔۔
“جی الحمدللہ۔۔۔وہ زارا سے ملنا تھا مجھے۔۔۔۔” زوہا نے اندر داخل ہوتے ہوئے کہا۔۔۔۔
“مگر زارا تو گھر پر نہیں ہے۔۔۔۔حیدرآباد گئی ہے”
روبینہ بیگم نے سنجیدگی سے بہانا بنایا۔۔۔۔
“حیدرآباد کیوں۔۔۔۔۔؟ آئی مین اس نے بتایا نہیں۔۔۔۔”
زوہا نے الجھتے ہوئے پوچھا۔۔۔۔
“ہاں بس اچانک ہی گئی ہے۔۔۔۔۔”
انہوں نے پھر سے کہا۔۔۔۔
“کب تک واپس آئے گی۔۔۔۔۔؟” زوہا نے پھر سوال کیا۔۔۔۔
“پتا نہیں بیٹا۔۔۔۔کچھ کہ نہیں سکتی۔۔۔۔جیسے ہی آئے گی تو فون کردوں گی میں تمہیں”
انہوں نے نرمی سے کہا۔۔۔۔
“اچھا۔۔۔۔میں چلتی ہوں۔۔۔اس کا فون بھی نہیں لگ رہا۔۔۔۔اگر آپ کی بات ہو تو اسے کہیے گا مجھ سے بات کرے۔۔۔۔”
زوہا نے اترتے ہوئے چہرے سے کہا۔۔۔۔
“ٹھیک ہے بیٹا۔۔۔۔۔” روبینہ بیگم نے محبت بھرے لہجے میں کہا اور اسے خدا حافظ کرتے ہی اندر داخل ہوئی۔۔۔۔
❤️❤️❤️❤️❤️
“جب وہ مجھے پسند نہیں کرتی تو شادی کے لیے ہاں کیوں کی؟”
وہ خود سے سوال کرنے لگا۔۔۔۔
“کہیں زبردستی تو۔۔۔۔۔” اسے یک دم سوچ آئی۔۔۔۔
“مجھے اس سے بات کرنی چاہیے۔۔۔۔۔”
اس نے خود کلامی کی۔۔۔۔۔
اس نے سائیڈ ٹیبل سے اپنا فون اٹھایا اور نمبر ملایا۔۔۔۔
دوسری ہی بیل پر کال اٹھا لی گئی۔۔۔۔
“ہیلو۔۔۔۔”کال روبینہ بیگم نے اٹھائی تھی۔۔۔۔
“اسلام علیکم آنٹی۔۔۔۔کیسی ہیں آپ؟” جواد نے رسمً پوچھا۔۔۔
تھوڑی بہت سلام دعا کے بعد جواد پوائنٹ پر آیا۔۔۔۔
“آنٹی اگر آپ کو برا نہ لگے تو۔۔۔۔کیا میں ایک بار۔۔۔صرف ایک بار۔۔۔زارا سے بات کرسکتا ہوں؟”
جواد نے ہمت کر کے پوچھا۔۔۔۔
“ہاں۔۔۔ہاں بیٹا کیوں نہیں۔۔۔میں کرواتی ہوں۔۔۔۔”
وہ کہ کر فون ہولڈ پر رکھ زارا کو بلانے گئی۔۔۔۔
جواد انتظار کرنے لگا۔۔۔
ہیلو۔۔۔۔” تھوڑی ہی دیر میں زارا کی آواز اس کے کانوں سے ٹکرائی۔۔۔۔
“ہیلو۔۔۔۔کیسی ہیں آپ؟” جواد نے بات شروع کی۔۔۔۔
“جی۔۔۔ٹھیک ہوں۔۔۔۔” مختصر جواب ملا۔۔۔
“وہ۔۔۔میں۔۔۔۔مجھے کچھ پوچھنا تھا آپ سے”
جواد کو ہچکچاہٹ محسوس ہوئی۔۔۔
“آپ پوچھ سکتے ہیں۔۔۔۔۔” زارا نے فوراً کہا۔۔۔۔
“کیا۔۔۔۔کیا آپ اس شادی سے خوش ہیں۔۔۔۔؟”
جواد کے سوال پر لمحہ بھر خاموشی چھاگئی تھی۔۔۔۔۔
“ہیلو زارا۔۔۔۔۔” جواد نے تسلی کرنی چاہی کہ وہ سن بھی رہی ہے یا نہیں۔۔۔۔
“جی۔۔۔۔میرے پیرینٹس کی خوشی میں ہی میری خوشی ہے۔۔۔۔” روکھا سا جواب ملا۔۔۔۔
“مطلب۔۔۔آپ کی رضا مندی بھی شامل ہے یا۔۔۔۔۔؟”
وہ کہتے ہوئے رکا۔۔۔
مگر زارا اس کی بات کا مفہوم سمجھ گئی تھی۔۔۔
“جی۔۔۔میں نے خود ہاں کی ہے۔۔۔۔مجھے آپ سے شادی پر کوئی اعتراض نہیں۔۔۔۔”
زارا کی بات سن اس کے چہرے پر ہلکی سی مسکرائی آئی۔۔۔۔ اب شاید اسے تسلی ہوگئی تھی۔۔۔۔
❤️❤️❤️❤️❤️
“بھائی تھوڑا اسمائل کریں۔۔۔۔مانا کہ شادی سادگی میں ہے مگر دولہا تو پہلی بار ہی بن رہے ہیں نا۔۔۔۔”
عماد جو جواد کی تیار ہونے میں مدد کر رہا تھا۔۔۔۔اس کے چہرے کے زاویے بگڑتے دیکھ ہنسانے کی کوشش کرنے لگا۔۔۔۔
“یار میں نے مام کو کہا تھا مجھے شیروانی نہیں پسند۔۔۔۔پھر بھی۔۔۔یہ۔۔۔”
وہ شیروانی کو دیکھتے ہوئے کہنے لگا۔۔۔۔اسے دیکھ دیکھ الجھن فیل ہورہی تھی۔۔۔۔
“ارے بھائی شادی ایک ہی بار ہوتی ہے۔۔۔۔ کچھ نہیں ہوتا سب پہنتے ہیں۔۔۔”عماد نے تسلی دی۔۔۔۔
“۔اور اتنے ہینڈسم تو لگ رہے ہیں۔۔۔۔دیکھنا زارا بھابھی نے آج گر جانا ہے۔۔۔۔۔”
عماد نے شرارت بھرے لہجے میں کہا۔۔۔۔
جس پر جواد نے اسے گھوری سے نوازا۔۔۔۔
❤️❤️❤️❤️❤️
“قبول ہے۔۔۔۔”
تیری بار کہنے پر زارا کی آنکھ سے دو آنسوں گرے۔۔۔۔
آج اس کے سپنے اس کی محبت سب ختم ہوگئی تھی۔۔۔۔
سب ایک دوسرے کو مبارکباد دینے لگے۔۔۔۔ہر طرف خوشی کا ماحول تھا۔۔۔۔مگر ایک زارا تھی۔۔۔جسے کچھ اچھا نہیں لگ رہا تھا۔۔۔۔
آج کے دن کے لیے اس نے کتنے خواب سجائے تھے۔۔۔۔
اور حقیقت میں اس کی سب سے اچھی دوست تک اس کے ساتھ نہیں تھی۔۔۔۔
ہوتی بھی کیسے اس نے بلایا ہی نہیں۔۔۔۔
❤️❤️❤️❤️❤️
“بہت پیاری لگ رہی ہے تمہاری بہو طاہرہ۔۔۔۔”
کسی عورت نے زارا کو دیکھتے ہی کہا۔۔۔۔
“بہو نہیں بیٹی۔۔۔۔میرے تو بس دو بیٹے ہی تھے۔۔۔۔آج بیٹی کی کمی بھی پوری ہوگئی۔۔۔۔۔”
طاہرہ بیگم نے محبت بھرے لہجے میں کہا۔۔۔۔
“ارے ارے کوئی ہمارا بھی تعارف کروا دے۔۔۔۔۔”
پیچھے سے آتے عماد نے کہا۔۔۔۔۔
زارا نے یک دم جھکی نظر اٹھا کر سامنے کھڑے شخص کو دیکھا۔۔۔۔۔
وہ لمحہ کافی تھا اس کے پاؤں تلے سے زمین نکالنے کے لیے۔۔۔۔
“بیٹا یہ عماد ہے۔۔۔آپ کا دیور۔۔۔۔۔”
طاہرہ بیگم نے ہنستے ہوئے کہا۔۔۔۔
“ایسے نہیں۔۔۔۔پیسے دینے ہوں گے۔۔۔۔۔”
عماد یک دم اس کے پاؤں کے پاس آبیٹھا۔۔۔۔
زارا یک ٹک اسے دیکھ رہی تھی۔۔۔
اسے اپنے کانوں اور آنکھوں پر یقین نہیں آرہا تھا۔۔۔۔
“بھابھی آپ کو پتا ہے نا یہ رسم ہوتی ہے۔۔۔۔۔دیور گھٹنا پکڑتا ہے تو بھابھی کو خرچی دینی پڑتی ہے۔۔۔۔جب تک آپ مجھے پیسے نہیں دیں گی میں اٹھوں گا نہیں یہاں سے”
عماد نے ہنستے ہوئے کہا۔۔۔۔
زارا تو اپنے ہی حوش میں نہیں تھی۔۔۔۔اس کا ہلک خشک ہوا۔۔۔۔اس کا دل چاہ رہا تھا وہ یہاں سے بھاگ جائے۔۔۔۔
“یہ لو بیٹا۔۔۔یہ پیسے اسے دے دو۔۔۔۔۔ورنہ یہ آپ کی جان نہیں چھوڑے گا۔۔۔۔”
طاہرہ بیگم نے اس کی جانب پیسے بڑھائے۔۔۔۔
جسے زارا خاموشی سے تھام لیے۔۔۔۔
❤️❤️❤️❤️❤️❤️
“یہ۔۔۔یہ نہیں ہوسکتا”
زارا نے خود کلامی کی۔۔۔۔
ہر طرف پھولوں کی خوشبو پھیلی ہوئی تھی۔۔۔۔پورا کمرہ پھولوں سے سجایا ہوا تھا۔۔۔۔
زارا نے ہر طرف نظر دوڑائی۔۔۔۔
“عماد۔۔۔۔۔جواد کا بھائی ہے؟” وہ سوچنے لگی۔۔۔۔
وقت اسے کہاں سے کہاں لے آیا تھا۔۔۔۔
آج اسے پتا لگ رہا تھا کہ یہ دنیا کتنی چھوٹی ہے۔۔۔۔
رات کا ایک بج رہا تھا۔۔۔زارا کو کوئی رات اتنی طویل نہیں لگی تھی جتنی آج لگ رہی تھی۔۔۔۔
وقت تھا کہ گزر ہی نہیں رہا تھا۔۔۔۔
تبھی دروازہ ہلکی سی دستک کے ساتھ کھلا۔۔۔۔اور کوئی اندر داخل ہوا۔۔۔۔
زارا نے فوراً اس جانب دیکھا۔۔۔۔۔
“اسلام علیکم” جواد نے زارا کی جانب دیکھتے ہوئے سلام کیا۔۔۔۔
جسکا زارا نے کوئی جواب نہیں دیا۔۔۔۔
وہ خاموش تھی۔۔۔۔
جواد اس کے جواب نہ دینے پر ہلکا سا مسکرایا۔۔۔۔
“مجھے پتا ہے۔۔۔آپ کو میں کچھ خاص پسند نہیں ہوں۔۔۔۔پر سلام کا جواب تو دینا چاہیے نا”
جواد نے اس کے قریب بیٹھتے ہوئے کہا۔۔۔۔
“جب آپ کو پتا تھا میں آپ کو پسند نہیں کرتی تو شادی کیوں کی۔۔۔۔؟” زارا نے الٹ سوال داغا۔۔۔۔
“یہی سوال میں آپ سے بھی کرسکتا ہوں۔۔۔۔”
جواد نے حاضر دماغی سے جواب دیا۔۔۔۔
زارا لمحہ بھر خاموش ہوگئی۔۔۔۔۔شاید اس کے پاس جواب ہی نہیں تھا۔۔۔۔
“میں بہت تھک گئی ہوں۔۔۔۔آرام کرنا چاہتی ہوں۔۔۔۔”
زارا کہتے ساتھ اٹھ کھڑی ہوئی۔۔۔۔
“زارا۔۔۔۔پلیز۔۔۔۔۔” جواد نے اس کے ہاتھ کو مضبوطی سے تھام کر اس کے جانے کی کوشش کو ناکام بنایا۔۔۔۔۔
زارا نے مڑ کر گہری نظروں سے اسے گھورا۔۔۔۔
“ناراض ہو؟” جواد نے اسے دیکھتے ہوئے سوال کیا۔۔۔۔
“نہیں ہوں ناراض میں۔۔۔۔ہاتھ چھوڑیں میرا۔۔۔۔۔”
زارا نے جھٹکے سے ہاتھ چھڑوایا۔۔۔۔
اور پیر پٹختی واش روم کی جانب بڑھ گئی۔۔۔۔
جواد حیران کن نظروں سے اسے دیکھ رہا تھا۔۔۔۔
اسے سمجھ نہیں آرہا تھا وہ آخر ایسا رویہ اختیار کیوں کر رہی ہے۔۔۔۔۔
❤️❤️❤️❤️❤️❤️
(آئی لو یو زوہا)
اس کے کانوں سے جملہ ٹکرایا۔۔۔۔۔
وہ خود کو آئینے میں دیکھنے لگی۔۔۔۔
اس کا سجا سنورا روپ۔۔۔۔اسے رولانے کے لیے کافی تھا۔۔۔۔
اس نے سرخ آنکھوں سے خود کو حقارت سے دیکھا۔۔۔
پھر جلدی جلدی اپنی جیولری اتارنے لگی۔۔۔۔
آنسوں آنکھوں سے بہنے لگے۔۔۔۔۔
“میں کیسے اس شخص کے ساتھ زندگی گزار سکتی ہوں جو مجھے ذرا پسند نہیں۔۔۔۔”
وہ دل میں سوچنے لگی۔۔۔۔
“اور شاید میں گزار بھی لیتی۔۔۔مگر کیا میں عماد کے بھائی کے ساتھ گزار سکتی ہوں زندگی۔۔۔ان سپنوں کو پورا کرسکتی ہوں جو میں نے عماد کے لیے دیکھے تھے۔۔۔۔”
وہ خود کلامی کرنے لگی۔۔۔۔
“کیوں؟ یہ کیوں ہورہا ہے… یہ سب۔۔۔۔کیوں۔۔۔۔؟”
وہ ہارتے ہوئے لہجے میں سوچنے لگی۔۔۔
پھر تیزی سے منہ پر پانی ڈالنے لگی۔۔۔۔
❤️❤️❤️❤️❤️
کتنی دیر ہوگئی تھی مگر زارا باہر نہیں آئی تھی۔۔۔۔
جواد کو اب پریشانی ہونے لگی تھی۔۔۔۔
“زارا۔۔۔۔۔” جواد نے دستک دی۔۔۔۔
اگلے ہی لمحے دروازہ کھلا۔۔۔۔۔اور زارا اس کے سامنے کھڑی تھی۔۔۔۔
ہر سنگار سے بری۔۔۔۔شفاف چہرہ لیے۔۔۔۔
آنکھیں بہت رونے کی چغلی کر رہی تھی۔۔۔۔
جواد خاموشی سے اسے دیکھ رہا تھا۔۔۔۔وہ بنا کچھ کہے چپ چاپ برابر سے نکل کر بیڈ کے قریب جانے لگی۔۔۔
“زارا۔۔۔۔زارا۔۔۔۔ہوا کیا ہے۔۔۔۔میری بات کا جواب دیں”
جواد اس کے پیچھے لپکا۔۔۔۔
“کچھ نہیں ہوا میں ٹھیک ہوں۔۔۔۔” وہ تلخ لہجے میں کہنے لگی۔۔۔
“کیا آپ اس شادی سے خوش نہیں۔۔۔۔؟” جواد نے تیکھی نظروں سے سوال کیا۔۔۔۔
زارا اس کی بات کو اگنور کرتی بیڈ پر بیٹھ گئی۔۔۔اور چادر درست کرنے میں مصروف ہوگئی۔۔۔۔
“کسی اور کو پسند کرتی ہیں؟” جواد نے اس کو بغور دیکھا۔۔۔۔
زارا کے ہاتھ پاؤں یک دم ٹھنڈے پڑے۔۔۔۔
زارا کو ایسا لگا جیسے اس کی دکھتی رگ پر ہاتھ رکھ دیا گیا ہو۔۔۔۔۔