Dar Novel By Irsa Rao NovelR50460 Dar Novel (Episode 11)

Dar Novel By Irsa Rao

“اگر اس نے امی ابا کو میری شکایت کردی تو۔۔۔۔۔؟” وہ دل میں سوچنے لگی۔۔۔۔
رات گہری ہورہی تھی مگر نیند کوسوں دور تھی۔۔۔۔
وہ یونہی بیٹھی سوچوں میں گم تھی۔۔۔۔
زارا نے ایک نظر سامنے لیٹے شخص پر ڈالی۔۔۔۔
صوفے پر وہ آنکھوں پر ہاتھ رکھے سو رہا تھا ۔۔۔
تبھی کمرے میں کھانسنے کی آواز نے شور برپا کیا۔۔۔۔
زارا نے چونک کر اسے دیکھا۔۔۔۔۔
وہ بنا رکے کھانستا جارہا تھا۔۔۔۔
آنکھوں سے پانی گرنے لگا تھا۔۔۔۔
زارا فوراً بیڈ سے اٹھی اور پاس رکھے جگ سے گلاس میں پانی ڈالا۔۔۔۔۔
“پانی پی لیں۔۔۔۔۔” زارا نے گلاس اس کے سامنے کرتے ہوئے کہا۔۔۔۔
وہ اسے گھوری سے نوازتا اٹھ کھڑا ہوا۔۔۔۔
پھر ٹیبل سے دوسرا گلاس اٹھایا اور جگ سے پانی انڈیلنے لگا۔۔۔۔
زارا گردن موڑے اسے ہی دیکھ رہی تھی۔۔۔۔
وہ پانی پی کر دوبارا صوفے پر لیٹ گیا۔۔۔۔
زارا کے وجود کو اس نے ایسے نظر انداز کیا جیسے وہ وہاں ہے ہی نہیں۔۔۔۔۔
❤️❤️❤️❤️❤️
وہ لائبریری میں بیٹھی کتاب پڑھنے میں مصروف تھی۔۔۔۔
ہر طرف خاموشی تھی ۔۔۔۔
“ہائی۔۔۔۔۔” تبھی وہ آہستگی سے کہتا اس کے برابر آ بیٹھا۔۔۔۔
زوہا نے کتاب سے نظریں ہٹا کر اسے دیکھا۔۔۔۔
سامنے بیٹھے شخص کو دیکھ اس نے آئی بروز کو سکیڑا۔۔۔۔
وہ کیسے بھول سکتی تھی اسی شخص کی وجہ سے وہ اپنی سب سے پیاری سہیلی سے دور ہوگئی تھی۔۔۔
“اٹھو یہاں سے” وہ تلخ لہجے میں کہنے لگی۔۔۔۔
“زوہا پلیز۔۔۔۔میں تم سے بہت محبت کرتا ہوں۔۔۔۔”
عماد نے منت کی۔۔۔
“میں نہیں کرتی۔۔۔سمجھ آئی۔۔۔۔ناؤ گیٹ لاسٹ”
اس نے چبا کر کہا۔۔۔۔
“مگر کیوں؟”
اس نے ہارتے ہوئے لہجے میں پوچھا۔۔۔۔
“میں تمہاری کسی بات کا جواب دینا ضروری نہیں سمجھتی۔۔۔۔۔” زوہا نے اٹھ کر اپنی کتابیں سمیٹی اور تیزی سے لائبریری سے باہر نکل گئی۔۔۔۔
وہ جانتی تھی کہ مزید اس شخص سے بحث کر وہ لائبریری میں موجود خاموشی کو برقرار نہیں رکھ پائے گی۔۔۔۔
عماد بیگ کاندھے پر ڈالے اس کے پیچھے لپکا۔۔۔
“زوہا میری بات سنو۔۔۔۔۔” وہ سیڑھیاں اتر رہی تھی کہ وہ آگے آکھڑا ہوا۔۔۔۔
“کیوں پیچھے پڑے ہو میرے؟” زوہا نے اکتاہٹ بھرے لہجے میں پوچھا۔۔۔۔
“کیوں کہ میں بہت چاہتا ہوں تمہیں۔۔۔۔جب سے تمہیں دیکھا ہے۔۔۔مجھے کچھ دکھائی نہیں دیتا ۔۔۔میں کبھی سوچا بھی نہیں تھا کہ میں بھی محبت کروں گا ۔۔۔۔مگر میرا خود پر کنٹرول نہیں رہا۔۔۔۔پلیز۔۔۔۔۔”
عماد نے اظہار کیا۔۔۔۔۔
“تو میں کیا کروں۔۔۔۔میں نے نہیں کہا تھا مجھ سے محبت کرو ۔۔۔”
وہ بے رخی سے کہنے لگی ۔۔۔۔
“تم نے ہی پہل کی تھی۔۔۔۔اور اب جب میں بھی تمہاری جانب بڑھ گیا تو تم مکر رہی ہو ۔۔۔۔”
عماد نے سنجیدگی سے کہا۔۔۔۔
“ایکسکیوز می۔۔۔۔میں نے تمہیں بس اپنی سہیلی کی وجہ سے اٹینشن دی تھی۔۔۔۔۔۔” وہ حیران ہوئی۔۔۔
“کیا مطلب۔۔۔۔؟” وہ اس کی بات کو سمجھ نہیں سکا تھا۔۔۔۔
“زوہا پروفیسر یوسف تمہیں بلا رہے ہیں ۔۔۔اسائمنٹ کے بارے میں کوئی بات ہے۔۔۔۔”تبھی فاطمہ وہاں آکھڑی ہوئی۔۔۔۔
“اوکے۔۔۔” وہ کہتے ہی اس کے ساتھ آگے ہولی۔۔۔۔
اور عماد انہیں جاتا دیکھنے لگا۔۔۔۔
❤️❤️❤️❤️❤️
“کوئی کام تم سے ٹھیک سے نہیں ہوتا۔۔۔۔جاؤ پہلے گیسٹ روم صاف کرو۔۔۔۔۔وہ کسی بھی وقت پہنچ جائے گی۔۔۔”
طاہرہ بیگم ملازمہ کو حکم دے رہی تھی۔۔۔۔
جس سامنے سے آتے زارا اور جواد پر ان کی نظر پڑی۔۔۔۔
“ارے بیٹا تم لوگ….”وہ انہیں حیران ہوئی۔۔۔۔
“اسلام علیکم آنٹی۔۔۔۔” زارا آگے بڑھ کر ان سے ملی۔۔۔
“وعلیکم السلام ۔۔۔۔۔خیریت بیٹا جلدی واپس آگئے؟”
وہ حیران کن لہجے میں پوچھنے لگی۔۔۔۔
“کیوں۔۔۔آپ نہیں چاہتی تھی ہم واپس آجائیں۔۔۔۔”
جواد کہتا ان سے گلے ملا۔۔۔۔
“نہیں۔۔۔میرا مطلب ہے۔۔۔گئے تھے تو انجوائے کرتے گھومتے پھرتے۔۔۔۔”
وہ محبت سے کہنے لگی۔۔۔
“مجھے آپ کی بہت یاد آئی۔۔۔۔”
وہ ان کے ساتھ لگتا کہنے لگا۔۔۔۔
“اچھا۔۔۔۔زارایہ سچ کہ رہا ہے۔۔۔۔اس نے مجھے یاد کیا تھا؟” وہ ہنس کر سامنے بیٹھی زارا کو دیکھنے لگی۔۔۔۔
“جی آنٹی۔۔۔۔” وہ بھی مسکرائی۔۔۔۔
“اچھا یہ بتائیں۔۔۔گیسٹ روم صاف کروا رہی ہیں۔۔۔۔خیریت کون آرہا ہے؟”
جواد نے سوال کیا ۔۔۔
“زینی آرہی ہے۔۔۔حارث بھائی اور بھابھی بھی جلد آجائیں گے۔۔۔۔”
طاہرہ بیگم نے اطلاع دی۔۔۔
“کیوں۔۔۔خیریت۔۔۔۔؟” وہ نارمل تھا۔۔۔
“وہ فیکٹری میں کوئی مسئلہ ہوگیا ہے۔۔۔پھر حارث بھائی نے یہاں ہی شفٹ ہونے کا پلان بنا لیا۔۔۔۔روز کوئی نا کوئی مسئلہ ۔۔۔ملازموں پر کاروبار تھوڑی نا چھوڑا جاتا ہے۔۔”
انہوں نے تفصیل سے بتایا۔۔۔۔
“ہممم۔۔۔۔۔اوکے مام میں آرام کروں گا اب۔۔۔۔بہت تھک گیا ہوں۔۔۔۔۔سر درد کر رہا ہے”
وہ انہیں لاڈ کرتا اٹھ کھڑا ہوا۔۔۔۔
“ہاں بیٹا آرام کرو دونوں۔۔۔۔میں چائے بھیجتی ہوں۔۔۔”
انہوں نے بھی پیار سے کہا۔۔۔
“زارا میڈیسن دے دینا جواد کو۔۔۔۔”
طاہرہ بیگم نے اٹھ کر جاتی زارا کو حکم دیا۔۔۔۔
وہ اثبات میں سر ہلاتی آگے بڑھ گئی۔۔۔۔
❤️❤️❤️❤️❤️❤️
وہ باتھروم سے بال خشک کرتا نکلا۔۔۔۔
اس نے بری نظر بھی اس پر ڈالنا گوارا نہیں کیا ۔۔۔۔
زارا جانتی تھی وہ ناراض ہے۔۔۔۔تبھی کمرے میں خاموشی چھائی تھی۔۔۔۔
تبھی دروازے پر دستک ہوئی۔۔۔۔اور ملازمہ چائے رکھ کر چلی گئی۔۔۔۔
وہ بیڈ کراؤن سے ٹیک لگائے بیٹھا موبائل چلانے لگا۔۔۔۔
اور دوسرے ہاتھ سے چائے کا کپ اٹھایا ۔۔۔
سرخ آنکھوں میں جلن محسوس ہورہی تھی۔۔۔۔
سر درد سے پھٹا جارہا تھا ۔۔۔
جواد نے موبائل بند سائیڈ پر رکھا ۔۔۔۔
“میڈیسن لے لیں۔۔۔۔سامنے رکھی ہے۔۔۔۔”
زارا نے سائیڈ ٹیبل پر رکھی دوا کی جانب اشارہ کیا۔۔۔۔
جواد نے بے رخی سے گردن موڑ دوا کو دیکھا۔۔۔۔
پھر ہاتھ بڑھا کر دوا اٹھائی اور ڈرار کھول اس میں رکھ دی۔۔۔۔
مطلب صاف تھا وہ اس کی دی ہوئی دوا نہیں کھائے گا ۔۔۔
“ناراضگی مجھ سے ہے دوا سے نہیں۔۔۔۔”
زارا جو اسے مسلسل دیکھ رہی تھی۔۔۔۔اٹھ کر قریب آئی۔۔۔۔
وہ بنا کچھ کہے کمبل درست کرتا سیدھا ہوا۔۔۔۔
“میں آپ سے بات کر رہی ہوں۔۔۔۔۔ہیلو۔۔۔۔”
وہ خود کو غیر معمولی محسوس کر رہی تھی۔۔۔۔
جبکہ وہ ہاتھ بڑھا کر لیمپ بند کر چکا تھا۔۔۔۔
❤️❤️❤️❤️❤️
“اسلام وعلیکم پھپھو۔۔۔” وہ پرس ہاتھ میں اٹھائے۔۔۔بھاگتی ہوئی طاہرہ بیگم کے قریب آئی۔۔۔
اور جھٹ سے ان کے گلے ملی۔۔۔
“وعلیکم السلام ۔۔۔۔زینی۔۔۔کتنی پیاری ہوگئی ہو تم۔۔۔۔”
طاہرہ بیگم نے اسے بغور دیکھا۔۔۔
وہ جینس پر پنک ٹی شرٹ پہنے۔۔۔۔اسٹیپ کٹ بالوں کو کاندھوں پر پھیلائے کسی اپسرا سے کم نہیں لگ رہی تھی۔۔۔۔
“بس کردیں مام۔۔۔۔یہ خواہ مخواہ خوش فہم ہوجائے گی۔۔۔۔”
عماد جو اس کی جیکٹ گاڑی سے نکال ہاتھ میں اٹھائے اس کے پیچھے آرہا تھا۔۔۔۔
جھٹ اس پر جیکٹ کو اچھالا۔۔۔۔
“بدتمیزی نہیں گئی نا تمہاری آج تک۔۔۔۔پھپھو۔۔۔۔اس ڈفر کو کیوں بھیجا۔۔۔”
وہ چڑ کر کہنے لگی۔۔۔
“عماد۔۔۔سدھر جاؤ۔۔۔وہ بچی ابھی آئی ہے”
طاہرہ بیگم نے ڈانٹا۔۔۔۔
وہ ان سنی کرتا صوفے پر گرنے کے انداز میں بیٹھا۔۔۔۔
“جواد کہاں ہے۔۔۔ایئر پورٹ بھی نہیں آیا”
وہ یہاں وہاں دیکھ پوچھنے لگا۔۔۔
“بیٹا وہ آرام کر رہا ہے۔۔۔اس کی طبیعت کچھ ٹھیک نہیں۔۔۔۔کل مل لینا”
طاہرہ بیگم نے پیار سے بتایا۔۔۔۔
❤️❤️❤️❤️❤️
رات کے تین بج رہے تھے۔۔۔۔جب کچھ گرنے کی آواز پر چونک کر اٹھی۔۔۔۔
سامنے وہ بیڈ پر بیٹھا تھا۔۔۔۔گلاس اس کے ہاتھ سے گر کر زمین پر ٹوٹ کر بکھر چکا تھا۔۔۔۔
“کیا ہوا۔۔۔۔؟” وہ اٹھ بیٹھی۔۔۔۔
جواد نے کوئی جواب نہیں دیا۔۔۔۔اور دوسرا گلاس اٹھانے لگا۔۔۔۔
زارا اٹھ کر اس کے قریب آئی۔۔۔۔
گلاس میں پانی انڈیلا۔۔۔۔پھر ڈرار سے میڈیسن نکال اس کے سامنے کی۔۔۔۔
“کھا لیں۔۔۔۔مجھے پتا ہے آپ کو ایسے نیند نہیں آئے گی۔۔۔۔”
زارا نے اسے گہری نظروں سے دیکھا۔۔۔۔
“نہیں کھانی۔۔۔۔” جواد نے منہ موڑا۔۔۔۔
“میں نے کہا نا۔۔۔آپ” اس نے زبردستی اس کا ہاتھ پکڑا۔۔۔۔
اور دوا اس کے ہاتھ پر رکھی ہی تھی کہ۔۔۔۔اسے گرمائش کا احساس ہوا۔۔۔۔۔
وہ یک دم چونکی۔۔۔۔
پھر ہاتھ اس کی پیشانی پر رکھا تو آگ کی طرح تپتی محسوس ہوئی۔۔۔۔
“آپ کو تو بہت تیز بخار ہے۔۔۔۔”
زارا نے گھبراتے ہوئے کہا۔۔۔۔
“ٹھیک ہوں میں۔۔۔۔تمہیں فکر کرنے کی ضرورت نہیں ہے”
جواد نے اپنی پیشانی پر رکھا اس کا ہاتھ جھٹکا۔۔۔۔
زارا اسے دیکھ کر رہ گئی۔۔۔
❤️❤️❤️❤️❤️
اس نے ایک پلیٹ میں بریڈ کے کچھ سلائس رکھے
ابلتے ہوئے دو انڈوں کو چھیل کر پلیٹ میں رکھے۔۔۔۔
پھر چولہے پر پکتی چائے کو کپ میں انڈیلنے لگی۔۔۔۔
اس وقت صبح کے سات بج رہے تھے۔۔۔۔
اور وہ ہمیشہ دیر سے اٹھنے والی لڑکی۔۔۔آج صبح سویرے اٹھ کر ناشتہ تیار کر چکی تھی۔۔۔۔
“ارے زارا بیٹا تم اتنی جلدی اٹھ گئی۔۔۔۔”
حلیمہ بی اسی وقت کچن میں آئی۔۔۔۔
“جی۔۔۔۔میں بس ناشتہ بنانے آئی تھی۔۔۔۔”
وہ مسکرائی۔۔۔
“ارے بیٹا تمہیں بھوک لگی تھی تو مجھے بتا دیتی میں بنا دیتی۔۔۔”
وہ پیار سے کہنے لگی۔۔۔
“نہیں وہ جواد کی طبیعت ٹھیک نہیں۔۔۔رات بھی کچھ نہیں کھایا تھا بس اسی لیے”
وہ فکرمندی سے بتانے کی۔۔۔۔
“اچھا۔۔۔کیا ہوا خیریت۔۔۔۔” وہ بھی فکرمند ہوئی۔۔۔
“بس وہاں سردی کافی تھی۔۔۔مجھے لگتا ٹھنڈ لگ گئی۔۔۔۔”
وہ ٹرے اٹھا کر کچن سے باہر نکل گئی۔۔۔۔
❤️❤️❤️❤️❤️
“جواد۔۔۔۔جواد اٹھیں۔۔۔۔” زارا نے اس کے ماتھے پر ہاتھ رکھ اس کا بخار چیک کرنا چاہا۔۔۔۔
جسے یک دم جواد نے پکڑ کر اس کی کوشش کو ناکام بنایا۔۔۔
زارا شرمندہ ہوئی۔۔۔۔
“وہ میں ناشتہ لائی تھی۔۔۔۔”
زارا نے مسکرا کر کہا۔۔۔
“مجھے بھوک نہیں۔۔۔” وہ اٹھ بیٹھا۔۔۔۔
آپ نے رات بھی کچھ نہیں کھایا تھا۔۔۔۔تھوڑا سا کھا لیں پلیز۔۔۔۔”
زارا نے منت کی۔۔۔۔
“کہا نا نہیں کھانا تو نہیں کھانا۔۔۔۔”
وہ تلخ لہجے میں کہنے لگا ۔۔۔۔
زارا کی آنکھوں میں نمی اترنے لگی۔۔۔۔
تبھی دروازے پر دستک ہوئی۔۔۔۔اور زینب دروازہ اندر داخل ہوئی۔۔۔۔
“جواد۔۔۔واٹ ہیپن بے بی۔۔۔؟”
وہ کہتی اس کے قریب آئی۔۔۔۔
“زینی۔۔۔۔۔ہاؤ آر یو۔۔۔۔۔؟” وہ اٹھ کر اس سے گلے ملا۔۔۔۔
وہ ٹریک سوٹ پہنے۔۔۔بالوں کو ہائی پونی میں قید کیے۔۔۔۔
جواد سے بڑے بے تکلفی سے مل رہی تھی۔۔۔۔
زارا اسے گھور رہی تھی۔۔۔۔
جسے جواد بھی نوٹ کر چکا تھا۔۔۔۔
“تم اتنی صبح صبح اٹھ گئی؟” وہ پوچھنے لگا۔۔۔
“میں جلدی اٹتی ہوں تم جانتے ہو۔۔۔”
وہ مسکرائی۔۔۔۔
“رات کس ٹائم پہنچی۔۔۔۔؟” وہ خوش دلی سے باتیں کرنے میں مصروف ہوگیا۔۔۔۔
“میں تو 9 بجے ہی پہنچ گئی تھی تم جلدی سوگئے تھے۔۔۔”
وہ گلہ کرنے لگی۔۔۔
“ہاں سو سوری یار۔۔۔میری طبیعت ٹھیک نہیں تھی۔۔۔۔”
وہ معذرت کرنے لگا۔۔۔
“چلو اب میں آگئی ہوں نا ٹھیک ہوجاؤ گے۔۔۔۔”
وہ اترا کر کہنے لگی۔۔۔
“کچھ کھایا تم نے؟” وہ فکرمندی سے کہنے لگی۔۔۔
“نہیں دل نہیں یار۔۔۔۔” وہ منہ بنا کر کہنے لگا۔۔۔۔
زینب نے پلٹ سے پیچھے کھڑی زارا کو دیکھا۔۔۔۔
“اوپس۔۔۔۔ایم سو سوری۔۔۔۔میرا دھیان نہیں رہا۔۔۔”
وہ شرمندہ ہوتی اٹھ کھڑی ہوئی۔۔۔
“ایم زینب۔۔۔جواد کی کزن۔۔۔۔”
وہ اس سے خوش دلی سے گلے میں ملی۔۔۔۔
“اور تم۔۔۔۔شادی پر بھی نہیں بلایا” وہ سامنے سے ٹرے اٹھاتی کہنے لگی۔۔۔
“تم نے ویسے بھی ڈرامے ہی کرنے تھے۔۔۔۔”
جواد نے شرارت سے کہا۔۔۔
“یہ کھاؤ جلدی۔۔۔۔” اس نے جواد کے منہ میں انڈہ ڈالتے ہوئے کہا۔۔۔۔
جسے ناچاہتے ہوئے بھی جواد کو کھانا پڑا۔۔۔
وہ دونوں باتوں میں اس قدر مصروف ہوگئے تھے۔۔۔
پاس کھڑی زارا کو اپنا وجود فضول لگنے لگا۔۔۔۔
اور وہ پیر پٹختی باہر نکل گئی۔۔۔۔
❤️❤️❤️❤️❤️
سامنے کیفیٹیریا میں لڑکیوں کے شور کی آواز گونج رہی تھی۔۔۔۔
وہ سامنے ٹیبل پر بیٹھا دیکھ رہا تھا۔۔۔۔
“زوہا کی برتھ ڈے ہے” فضا نے عماد کی جانب دیکھتے ہوئے کہا۔۔۔
“زوہا کی۔۔۔۔۔” عماد مسکرایا ۔۔۔
“تم نے مجھے پہلے کیوں نہیں بتایا تھا۔۔۔۔۔” عماد اٹھ کھڑا ہوا۔۔۔۔
“فکر مت کرو تم سے وہ بیسٹ ویشیز بھی لینا گوارا۔ ہیں کرے گی”
فضا نے بے دلی سے کہا۔۔۔۔
عماد اس کی بات پر اسے دیکھ کر رہ گیا۔۔۔۔
“تو بیٹھ جا واپس۔۔۔۔۔” ہادی نے برا سا منہ بنا کر کہا۔۔۔
“تو اٹھ۔۔۔جلدی۔۔۔جلدی”
وہ ہادی کو زبردستی لے گیا۔۔۔۔
❤️❤️❤️❤️❤️
(ہیپی برتھ ڈے میری بچی۔۔۔۔۔)
زارا نے اس کے گال نوچتے ہوئے کہا۔۔۔۔
(آہ۔۔۔۔میری ماں تھینک یو۔۔۔۔)
زوہا نے گال سہلاتے ہوئے کہا ۔۔
(میری دوست جیئے ہزاروں سال۔۔۔میرے ساتھ۔۔۔۔)
زارا نے اسے گلے ملتے ہوئے پیار سے کہا۔۔۔۔
(تیرے ساتھ۔۔۔تو کیا شادی نہیں کرے گی۔۔۔۔؟)
زوہا نے شرارت بھرے لہجے میں پوچھا۔۔۔۔
(کروں گی نا تیرے دیور کے ساتھ۔۔۔۔دونوں ایک گھر میں شادی کریں گے۔۔۔۔کتنا مزہ آئے گا)
زارا نے خوشی سے کہا۔۔۔۔
(پھر اپنی ساس نندوں کا کیا ہوگا کالیا)
زوہا نے بھاری آواز کرتے ہوئے اترا کر کہا ۔۔
اور دونوں کا قہقہہ بلند ہوا ۔۔۔
زوہا نے جھٹ آنکھ کھولی۔۔۔۔
زوہا کے کانوں میں الفاظ گونج رہے تھے۔۔۔۔
زارا اور اس کی وہ مستیاں بہت پیچھے رہ گئی تھیں۔۔۔
زوہانے جلدی سے اپنا فون اٹھایا۔۔۔مگر نا ہی تو وہاں کوئی میسج تھا۔۔۔نہ کال۔۔۔۔زوہا کی آنکھوں سے آنسوں گرنے لگے۔۔۔۔
وہ زارا کو بہت مس کر رہی تھی۔۔۔۔
❤️❤️❤️❤️❤️
وہ بیڈ پر بیٹھا لیپ ٹاپ چلانے میں مصروف تھا۔۔۔کہ اس کا فون شور مچانے لگا۔۔۔۔
اس نے ہاتھ بڑھا کر فون اٹھایا۔۔۔۔
اور کال رسیو کرتے ہی کان سے لگایا۔۔۔۔
“ہیلو۔۔۔کون؟۔” آواز سنتے ہی اس نے پوچھا۔۔۔۔
“زوہا۔۔۔۔زارا کی فرینڈ۔۔۔۔آپ کو یاد ہوگا اس دن۔۔۔”
وہ یاد دہانی کروانے ہی لگی تھی کہ جواد نے بات کاٹی۔۔۔
“جی جی۔۔۔۔مجھے یاد ہے ۔۔۔کیسی ہیں آپ؟” جواد نے رسمً پوچھا ۔۔۔
“ایم فائن۔۔۔۔کیا میں زارا سے بات کرسکتی ہوں۔۔۔۔؟”
زوہا نے سوال کیا۔۔۔۔
جواد نے یہاں وہاں دیکھا مگر وہ کمرے میں نہیں تھی۔۔۔۔
“فلحال وہ یہاں نہیں ہے۔۔۔میں کال بیک کرتا ہوں آپ کو۔۔۔۔”
جواد نے کہ کر فون بند کیا۔۔۔۔
اور کمرے سے باہر نکل گیا۔۔۔۔
❤️❤️❤️❤️❤️
“میں نے ناشتہ دیا تو کھایا نہیں۔۔۔۔اور اب اس کے ہاتھ سے کھا لیا۔۔۔۔”
زارا بڑبڑائی۔۔۔
“پرا نہیں کیا سمجھتا ہے خود کو۔۔۔۔آئیندہ میں بناؤں گی بھی نہیں کچھ۔۔۔۔”
وہ خود سے بات کر رہی تھی۔۔۔۔
جواد جو پیچھے کھڑا اس کی بڑبڑاہٹ سن رہا تھا۔۔۔۔تیز آواز میں کھنکھارتے ہوئے قریب آیا۔۔۔۔
“آپ۔۔۔۔” زارا نے پلٹ کر دیکھا اور اس کے سانس خشک ہوئے۔۔۔۔
“تمہاری دوست کی کال آئی تھی ۔۔۔بات کرلینا”
جواد نے فون اس کی جانب بڑھایا۔۔۔۔
جسے اس نے خاموشی سے تھام لیا۔۔۔۔
جواد اس کی آنکھوں میں دیکھتا۔۔۔۔پلٹ گیا۔۔۔۔
وہ ساکت کھڑی اسے ہی دیکھ رہی تھی۔۔۔۔
❤️❤️❤️❤️❤️
“ہیپی برتھ ڈے ٹو یو۔۔۔ہیپی برتھ ڈے ڈیئر زوہا۔۔۔۔۔”
سب نے بیک وقت اسے دیکھتے ہوئے کہا۔۔۔۔
“تھینک یو” زوہا نے انہیں دیکھتے ہوئے مسکرا کر کہا۔۔۔
“ہیپی برتھ ڈے زوہا۔۔۔۔۔” فضا نے آگے بڑھ کر اسے وش کیا۔۔۔۔
“تھینک یو۔۔۔۔” زوہا نے جواباً کہا۔۔۔۔
“اس دن کے لیے ایم سوری یار۔۔۔۔” فضا نے پیار سے کہا۔۔۔۔
“نو اٹس اوکے۔۔۔۔” زوہا نے اس کی جانب دیکھتے ہوئے کہا ۔۔۔
“تو پھر چلو۔۔۔تمہارے لیے سرپرائز ہے۔۔۔۔”
وہ اس کا ہاتھ تھام اسے سیڑھیوں کی جانب لے جانے لگی۔۔۔
❤️❤️❤️❤️❤️
وہ جیسے ہی کمرے میں آیا زارا کے فون پر اس کی نظر پڑی جو مسلسل بج رہا تھا۔۔۔۔
جواد نے آگے بڑھ کر فون اٹھایا۔۔۔۔
مگر تب تک فون بند ہوچکا تھا ۔۔۔
جواد نے کال لاگ سے چیک کی تو سامنے ہی عماد کا نمبر دیکھ اسے حیرانی ہوئی۔۔۔۔
اتنی رات گئے عماد نے اسے کال کیوں کی تھی۔۔۔۔؟
سوال اس کے دماغ کو چھو کر گزرا۔۔۔۔
پھر اس نے فون بند کر واپس رکھ دیا۔۔۔۔
اور اپنے بستر پر بیٹھ گیا۔۔۔۔
❤️❤️❤️❤️❤️
جیسے ہی دروازہ کھلا سامنے ہی دیوار پر بڑا بڑا زوہا کا نام لکھا تھا۔۔۔۔
اس کے اندر قدم رکھتے ہی دھماکے سے پوپرز کے پھوٹنے کی آواز اس کے کانوں میں گونجی۔۔۔
برتھ ڈے ٹون گٹار پر گنگنا رہی تھی۔۔۔۔
سامنے کرسی پر بیٹھا شخص گٹار کا ماہر معلوم ہورہا تھا۔۔۔۔
مگر اس کی پشت ہی نظر آرہی تھی۔۔۔کیوں کہ اس کا منہ دیوار کی سائیڈ تھا۔۔۔۔
ٹون اس کے کانوں میں مانو رس گھول رہی تھی۔۔۔۔
زوہا کے چہرے پر مسکراہٹ پھیلی۔۔۔۔
وہ چلتی ہوئی اندر داخل ہوئی۔۔۔۔
جیسے ہی عماد نے پلٹ اس کی جانب دیکھ دیکھا۔۔۔۔
زوہا کے چہرے کے رنگ فک ہوگئے۔۔۔۔
مسکان چہرے سے اڑ چکی تھی۔۔۔چہرہ سرخ پڑ چکا تھا۔۔۔۔
“تیری بے رخی سے ہار کر۔۔۔۔چاہا بہت تجھے بھول جاؤں۔۔۔تجھے بھولنے کا سوچوں بھی تو دھڑکنیں احتجاج کرتی ہیں۔۔۔”
وہ اس کے کان کے پاس سرگوشی کرنے لگا۔۔۔۔
“عماد۔۔۔۔۔اسٹاپ اٹ۔۔۔” وہ سنجیدگی سے کہنے لگی۔۔۔۔
“زوہا پلیز اب بس کردو۔۔۔کیا تمہیں میری محبت نظر نہیں آتی۔۔۔۔؟” اس نے زوہا کے سامنے آکر کہا۔۔۔۔
“میں جارہی ہوں” وہ پلٹ کر جانے ہی لگی تھی کہ عماد نے اس کا ہاتھ مضبوطی سے پکڑا۔۔۔۔
“میرا ہاتھ چھوڑو۔۔۔۔” وہ غراہٹ بھرے لہجے سے کہنے لگی۔۔۔۔
“نہیں۔۔۔۔زوہا تم ایسے نہیں جاسکتی۔۔۔۔پلیز۔۔۔۔”
عماد نے منت کی۔۔۔
“آئی سیڈ لیو می۔۔۔۔” زوہا نے آؤ دیکھا نا تاؤ۔۔۔ایک زوردار تھپڑ عماد کے گال پر جھڑ دیا۔۔۔۔
سب ہی کھڑے انہیں دیکھ رہے تھے ۔۔۔
مگر زوہا کو کسی کی پرواہ نہیں تھی۔۔۔
“ایک منٹ۔۔۔۔۔” وہ جانے ہی لگی تھی ہادی کی آواز پر رکی۔۔۔
“تم خود کو سمجھتی کیا ہو۔۔۔۔بہت بڑی توپ ہو تم۔۔۔اس تھپڑ کا بہت اچھا جواب دے سکتا ہے یہ۔۔۔۔مگر جانتی ہو یہ کیوں چپ ہے۔۔۔کیوں کہ تم سے محبت کرتا ہے۔۔۔۔”
ہادی کاٹ دار لہجے میں زوہا کا ضمیر جگانا چاہا ۔۔۔
زوہا خاموش تھی۔۔۔۔مگر چہرے پر ابھی بھی بے رخی پھیلی تھی۔۔۔۔
“جب تمہیں اس کی محبت نہیں چاہیے تھی۔۔۔تو کیوں اس کے جذبات کے ساتھ کھیلا تم نے کیوں۔۔۔۔وہ کارڈز وہ گفٹس۔۔۔۔وہ بار بار محبت کا اظہار۔۔۔سب بھول گئی تم۔۔۔۔”
ہادی کا غصہ کم ہونے کا نام نہیں لے رہا تھا۔۔۔۔
“کارڈز۔۔۔۔۔؟” وہ چونکی۔۔۔۔
“ہادی لیو اٹ۔۔۔۔۔”
عماد نے اپنا گٹار اٹھایا اور باہر نکل گیا۔۔۔۔
مگر زوہا کے حواسوں پر بس ایک ہی بات رقص کر رہی تھی۔۔۔۔
جو ہادی نے کہی تھی۔۔۔۔