Dar Novel By Irsa Rao NovelR50460 Dar Novel (Episode 13)

Dar Novel By Irsa Rao

“کھانا کھایا تم نے؟” اس نے کمرے میں آتے ہی پوچھا۔۔۔۔
“جی کھا لیا” زارا نے مختصر کہا۔۔۔۔
“سوری میں کام سے چلا گیا تھا۔۔۔۔اصل میں فیکٹری کو ٹائم نہیں دے پارہا تھا کچھ دن سے تو۔۔۔۔”
وہ صفائی دینے لگا۔۔۔۔
“کوئی بات نہیں۔۔۔۔” زارا ہلکا سا مسکرائی۔۔۔
وہ بیڈ کے قریب آکھڑا ہوا۔۔۔
زارا یک ٹک اسے دیکھ رہی تھی۔۔۔
” میڈیسن کھالو”
جواد نے ڈرار سے میڈیسن نکالی۔۔۔
زارا مسکرا دی۔۔۔۔
❤️❤️❤️❤️❤️
“ہے عماد۔۔۔۔۔ایسے کیوں بیٹھے ہو؟”
وہ سر کو دونوں ہاتھوں سے تھامے بیٹھا تھا۔۔۔۔
جب زینب پاس آ بیٹھی۔۔۔
“کچھ نہیں ایسے ہی۔۔۔۔” وہ سیدھا ہوا۔۔۔
“پریشان ہو؟” زینب کی بات پر عماد نے اسے دیکھا۔۔۔
پھر اثبات میں سر ہلا دیا۔۔۔
“ہممم۔۔۔۔کیوں؟” وہ پوچھ بیٹھی۔۔۔
“سب ناراض ہیں مجھ سے۔۔۔۔میں نے حرکت ہی ایسی کی ہے۔۔۔۔پتا نہیں مجھے غصے میں کیا ہوجاتا ہے۔۔۔۔”
وہ اپنے آپ سے تنگ تھا۔۔۔
اس کے لہجے میں خود کے لیے بیزاری تھی ۔۔
“تو ایک کام کرو۔۔۔۔جا کر۔۔۔زارا سے معافی مانگ لو۔۔۔سب ٹھیک ہوجائے گا”
زینب نے اسے مشورہ دیا۔۔۔
“ہاں۔۔۔۔” وہ بھی راضی تھا۔۔۔
“تو چلو۔۔۔۔” وہ اٹھ کھڑی ہوئی ۔۔۔
“اس وقت۔۔۔۔؟” وہ حیران ہوا۔۔۔
“ہاں ۔۔ابھی ٹائم ہی کتنا ہوا ہے۔۔۔۔ابھی تو جواد گھر آیا ہے۔۔۔جاگ ہی رہے ہوں گے وہ لوگ۔۔۔آؤ”
وہ اسے زبردستی ساتھ لے گئی۔۔۔۔
❤️❤️❤️❤️❤️
“کتنا خیال رکھتا ہے میرا۔۔۔۔” وہ دل میں سوچ مسکرائی۔۔۔۔
نظریں سامنے صوفے پر لیٹے جواد پر تھی۔۔۔۔
جو موبائل چلانے میں مصروف تھا۔۔۔
“شاید جواد میں ہر وہ خوبی ہے۔۔۔جو ایک لڑکی کو اپنے لائف پارٹنر میں چاہیے ہوتی ہے۔۔۔۔”
وہ یک ٹک اسے ہی دیکھ رہی تھی۔۔۔
وہ شخص آہستہ آہستہ اس کے دل میں گھر کر رہا تھا۔۔۔۔
جسے وہ چاہتے ہوئے بھی روک نہیں پا رہی تھی۔۔۔
موبائل چلاتے چلاتے جانے جواد کی کب آنکھ لگ گئی۔۔۔
اور زارا بنا پلکیں جھپکے اسے ہی دیکھ رہی تھی۔۔۔۔ناجانے کتنی دیر سے۔۔۔
تبھی دورازے پر دستک ہوئی۔۔۔۔اور اس کی سوچوں کا تسلسل ٹوٹا۔۔۔۔
زارا جلدی سے اٹھ کھڑی ہوئی۔۔۔کہ جواد کی نیند میں خلل پیدا نا ہو۔۔۔
جواد اسی طرح بے سدھ سورہا تھا۔۔۔۔
زارا نے ایک نظر اس پر ڈالی پھر آگے بڑھ کر دروازہ کھول دیا۔۔۔۔۔
سامنے ہی اسے عماد کا چہرہ دکھائی دیا۔۔۔۔
وہ حیرانگی سے دیکھنے لگی۔۔۔۔
“عماد۔۔۔۔آپ اس وقت۔۔۔؟” وہ ناسمجھی سے پوچھنے لگی ۔۔۔
“ہاں۔۔۔کیوں اس وقت ہم نہیں آسکتے۔۔۔۔” پیچھے سے زینب نے کہا۔۔۔۔
“جواد کہاں ہے۔۔۔؟۔”پھر بنا پوچھے زارا کے برابر سے نکل کر کمرے کے اندر داخل ہوگئی۔۔۔۔
مگر اندر آتے ہی زینب ٹھٹکی۔۔۔اس کی نظر صوفے پر سوئے جواد پر تھی۔۔۔
“وہ۔۔۔۔وہ سورہے ہیں۔۔۔میں اٹھا دیتی ہوں ۔۔۔۔” زارا کی جیسے چوری پکڑی گئی ہو ۔۔۔
“جواد۔۔۔۔۔” زارا نے صوفے پر سوئے جواد کو پکارا۔۔۔۔
مگر وہ شاید گہری نیند سورہا تھا ۔۔۔
زارا نے شرمندگی سے پلٹ کر دیکھا۔۔۔۔
زینب سوالیہ نظروں سے انہیں دیکھ رہی تھی۔۔۔۔
“زینی۔۔۔۔چلو۔۔۔ہم بعد میں آئیں گے” عماد جو چپ چاپ کھڑا تھا۔۔۔۔فورًا سے شرمندہ ہوا۔۔۔۔
اور کمرے سے باہر نکل گیا۔۔۔۔
زینب بھی بنا کچھ کہے باہر چلی گئی۔۔۔۔
ان کے جاتے ہی زارا نے دروازہ بند کیا۔۔۔۔
دل زور زور سے دھک دھک کر رہا تھا۔۔۔۔
❤️❤️❤️❤️❤️❤️
“عماد مجھے کچھ گڑبڑ لگ رہی ہے ۔۔۔” زینب نے سیڑھیاں اترتے ہوئے عماد کو دیکھا۔۔۔
“غلطی ہماری ہے۔۔۔ہمیں اس وقت ان کے روم میں نہیں جانا چاہیے تھا۔۔۔۔”
عماد دل ہی دل میں شرمندہ تھا۔۔۔۔
“اس سے کیا ہوتا۔۔۔۔ہم یہ نہیں جان پاتے کہ جواد اور زارا کے بیچ۔۔۔۔۔”
زینب اپنی بات پوری کرتی اس سے پہلے ہی عماد نے ٹوکا۔۔۔۔
“پلیز زینی۔۔۔۔یہ ان کا آپس کا مسئلہ ہے۔۔۔۔ہمیں ڈسکس کرنے کی بھی ضرورت نہیں۔۔۔۔”
عماد نے سنجیدگی سے کہا ۔۔۔
اور اپنے کمرے کی جانب بڑھ گیا۔۔۔۔
❤️❤️❤️❤️❤️
“کیا بھابھی اور بھائی خوش نہیں ساتھ؟” اس کے ذہن میں سوال امڑا۔۔۔۔
“لیکن یہ بھی تو ہوسکتا ہے ان کے بیچ جھگڑا ہوا ہو ۔۔۔اور جھگڑا تو ہر رشتے میں ہوتا ہے۔۔۔۔”
اس کے ذہن نے خود ہی جواب دیا۔۔۔۔
“یہ زینی پتا نہیں کیا کیا بولتی ہے۔۔۔۔۔اوف۔۔۔۔۔”وہ اوندھے منہ لیٹا سوچنے میں مصروف تھا ۔۔۔
کہ دستک کے ساتھ دروازہ کھلا۔۔۔۔
اس نے گردن موڑ کر دیکھا۔۔۔۔
طاہرہ بیگم اس پاس آبیٹھی۔۔۔۔
“مام۔۔۔۔۔” وہ سیدھا ہوا۔۔۔۔
“کیا روگ لگایا ہوا ہے تم نے خود کو۔۔۔۔؟”
انہوں کرختگی سے کہا۔۔۔۔
“واٹ ڈو یو مین مام”؟” وہ سوال کرنے لگا۔۔۔
“تو تمہیں نہیں پتا میں کس بارے میں بات کر رہی ہوں؟” وہ الٹ سوال کرنے لگی۔۔۔
“نہیں ۔۔۔۔” وہ حیران تھا۔۔۔
“اوکے فائن۔۔۔۔تو پھر میں ڈائیریکٹ پوچھتی ہوں۔۔۔۔”
وہ سنجیدہ تھی۔۔۔۔
“پلیز۔۔۔۔۔” وہ پرسکون ہونا چاہتا تھا ۔۔۔
“کون ہے وہ لڑکی۔۔۔۔؟” طاہرہ بیگم کے سوال پر وہ چونکا۔۔۔۔
عماد کے پاس اب الفاظ ختم ہوگئے تھے۔۔۔۔
❤️❤️❤️❤️❤️
صبح کا موسم کافی سرد تھا۔۔۔۔اوس کی وجہ سے ہر طرف نمی محسوس ہورہی تھی۔۔۔۔
ہلکی سی ہوا چل رہی تھی۔۔۔۔
وہ چائے کا کپ تھامے لان میں ٹہل رہا تھا۔۔۔۔
“نیند پوری ہوگئی تمہاری۔۔۔۔۔؟” زینب اس کے برابر آکھڑی ہوئی۔۔۔۔
“ہاں۔۔۔۔بس ابھی تھوڑی دیر پہلے اٹھا ہوں۔۔۔۔”
وہ زینب کو دیکھ مسکرایا ۔۔۔
“کمال ہے۔۔۔جلدی اٹھ گئے۔۔۔لگتا ہے ٹھیک سے نیند نہیں آئی۔۔۔۔”
وہ طنزیہ پوچھنے لگی۔۔۔۔
“میں ہمیشہ جلدی اٹھتا ہوں زینی۔۔۔۔۔تم جانتی ہو مجھے۔۔۔۔” وہ نارمل تھا
“ہاں میں تمہیں اور تم مجھے بہت اچھے سے جانتے اور سمجھتے ہیں ۔۔۔” زینب نے جواب دیا۔۔۔۔
اس کے جواب پر جواد مسکرایا۔۔۔۔
“پتا ہے جواد۔۔۔مجھے ہمیشہ سے لگتا تھا۔۔۔۔کہ تم جب بھی شادی کرو گے۔۔۔۔شاید مجھے کنسیڈر کرو گے۔۔۔۔مگر ایسا نہیں ہوا۔۔۔۔تم نے شادی کرنے میں بہت جلدی کردی۔۔۔”
زینب نے اسے گہری نظروں سے دیکھا۔۔۔۔
وہ جو چائے کا کپ لبوں تک لے جانے والا تھا اس کی بات پر حیرانی سے اسے دیکھنے لگا۔۔۔۔کہ شاید وہ مزاق کر رہی ہے۔۔۔مگر اس کے چہرے کے تاثرات صاف بتا رہے تھے کہ وہ سنجیدہ ہے۔۔۔۔
“زینی۔۔۔کم آن۔۔۔۔میں نے تمہیں کبھی اس نظر سے نہیں دیکھا۔۔۔۔” وہ روہانسی ہوا۔۔۔۔
“تو دیکھنا چاہیے تھا نا۔۔۔۔شاید تم پرپوز کرتے اور میں تمہارے نکاح میں ہوتی۔۔۔۔پہل میں بھی کرلیتی۔۔۔مگر مجھے اندازہ نہیں تھا۔۔۔۔کہ تم کسی اور لڑکی کو پسند کرلو گے۔۔۔۔”
زینب اپنے دل کی بات اس سے شیئر کیے بنا رہ نا سکی۔۔۔
“زینی۔۔۔۔میں زارا کو پسند نہیں کرتا اس سے محبت کرتا ہوں۔۔۔۔اور شاید کرتا رہوں گا”جواد نے چائے کا کپ ٹیبل پر رکھا۔۔۔۔
“یہ جانتے ہوئے کہ اسے تم سے محبت نہیں کرتی؟” وہ جوال کربیٹھی تھی اس کا جواب تو شاید جواد کے پاس بھی نہیں تھا۔۔۔۔
“تم کیوں لگتا ہے کہ وہ مجھ سے محبت نہیں کرتی۔۔۔۔؟” وہ نظریں چرانے لگا ۔۔۔
“اس کا ثبوت میں رات دیکھ چکی ہوں ۔۔۔” زینب کی بات پر جواد نے آبرو سکیڑی۔۔۔۔
“تم مان کیوں نہیں لیتے۔۔۔تم دونوں میں کچھ بھی نارمل نہیں۔۔۔۔اگر ہوتا تو تم صوفے پر نہیں سورہے ہوتے۔۔۔۔۔” زینب نے گہری چوٹ کی۔۔۔۔
“ابھی بھی کچھ نہیں بگڑا جواد۔۔۔۔اگر تم زارا کو چھوڑ دو۔۔۔تو میں اب بھی تم سے شادی کرنے کے راضی ہوں۔۔۔۔”
زینب نے اعتماد دلوانے کی بے جاں کوشش کی۔۔۔
“زینی۔۔۔اسٹاپ اٹ۔۔۔۔پلیز۔۔۔۔میں زارا کو کبھی نہیں چھوڑ سکتا۔۔۔۔” جواد بھڑکا۔۔۔۔
“جواد بات کو سمجھو۔۔۔وہ تم سے محبت نہیں کرتی۔۔۔تم کرتے ہو بس۔۔۔۔یک طرفہ محبت کب تک نبھاؤ گے۔۔۔۔؟” زینب نے تلخ لہجے میں کہا۔۔۔۔
“میں ساری زندگی نبھاؤں گا۔۔۔۔وہ نہیں کرتی نہ کرے۔۔۔میں کرتا رہوں گا ۔۔۔اور ہمارے رشتے کو چلانے کے لیے میری محبت کافی ہے۔۔۔۔۔سمجھی۔۔۔۔” وہ اسے انگلی دکھاتا وہاں سے چلا گیا۔۔۔۔
❤️❤️❤️❤️❤️
(میں ساری زندگی نبھاؤں گا۔۔۔۔)
(وہ نہیں کرتی نہ کرے۔۔۔میں کرتا رہوں گا ۔۔۔اور ہمارے رشتے کو چلانے کے لیے میری محبت کافی ہے۔۔۔۔۔سمجھی)
آنکھیں موندے وہ راکنگ چیئر پر جھول رہی تھی۔۔۔۔
(میں زارا کو پسند نہیں کرتا اس سے محبت کرتا ہوں۔۔۔۔اور شاید کرتا رہوں گا)
الفاظ اس کے کانوں کو چیرتے ہوئے جارہے تھے۔۔۔۔
دو آنسوں بند آنکھوں سے بہ نکلے۔۔۔۔
“زارا۔۔۔۔۔” تبھی دروازہ کھول جواد اندر داخل ہوا۔۔۔۔
زارا نے جھٹ ہتھیلی کی پشت سے آنسوں صاف کیے اور اٹھ کھڑی ہوئی۔۔۔۔
“زارا کل زینی آئی تھی روم میں۔۔۔۔۔؟” وہ پوچھنے لگا۔۔۔۔
زارا نے خاموشی سے اثبات میں سر ہلایا۔۔۔۔
“تو تم نے مجھے جگایا کیوں نہیں۔۔۔۔۔مجھے بتایا تک نہیں تم نے”
وہ لاچارگی سے کہنے لگا ۔۔۔
“آپ سورہے تھے۔۔۔آپ کی نیند خراب ہوجاتی۔۔۔۔۔”
زارا نے معصومیت سے کہا۔۔۔
“زارا۔۔۔۔تم پاگل ہو ۔۔۔۔اس نے مجھے صوفے پر دیکھ لیا۔۔۔پتا بھی ہے ہے وہ کیا سوچ رہی ہے ۔۔۔۔تم پہلے ہی بتا دیتی تو میں کوئی بہانہ ہی سوچ لیتا۔۔۔۔”
وہ اس کی اس حرکت پر ماتم منانے کو تیار تھا۔۔۔۔
“ایم سوری۔۔۔۔۔” زارا نے فوراً کہا ۔۔۔۔
آنسوں پھر سے آنکھوں سے روا ہوگئے۔۔۔۔
“زارا۔۔۔۔رو کیوں رہی ہو؟” وہ اسے روتا دیکھ تڑپ کر پوچھنے لگا۔۔۔۔
“نہیں کچھ نہیں۔۔۔۔” زارا نے آنسوں صاف کیے۔۔۔۔
“زارا۔۔۔۔۔ہوا کیا ہے؟”وہ مڑ کر جانے ہی لگی تھی کہ جواد نے اس کا ہاتھ پکڑا۔۔۔۔
وہ بنا کچھ کہے اس کے گلے لگ کر زوروں سے رونے لگی ۔۔۔۔
“مجھے ابا کے پاس جانا ہے۔۔۔۔۔پلیز” وہ روتے روتے کہنے لگی۔۔۔۔
جواد کی دھڑکن تیز ہوگئی تھی۔۔۔۔
وہ اس کی فرمائش سن ہلکے سے مسکرا اٹھا۔۔۔۔
❤️❤️❤️❤️❤️
“ابا اگر کسی کو پہنچاننے میں ہم سے غلطی ہوجائے۔۔۔۔اور اسے جاننے سے پہلے ہی ہم اس کا دل دکھا دیں تو کیا اس کی معافی ہے؟”
وہ عظیم صاحب کی گود میں سر رکھے کہنے لگی۔۔۔
“بلکل ہے میرا بچہ۔۔۔۔کیوں کہ ہم نے اس کا دل انجانے میں دکھایا۔۔۔۔تو ہمیں معافی بھی ملنی چاہیے۔۔۔۔”
انہوں نے اس کے سر پر ہاتھ پھیرا۔۔۔۔
“سچی ابا۔۔۔معافی مل جائے گی؟”
وہ بے یقینی سے پوچھنے لگی۔۔۔
“ہاں۔۔۔مگر معافی تب ہی ملتی ہے جب معافی مانگی جائے۔۔۔۔۔”
انہوں نے اس کا چہرہ پڑھتے ہوئے کہا۔۔۔۔
زارا نے حیرانگی سے نہیں دیکھا۔۔۔۔
انہوں نے اثبات میں سر ہلایا۔۔۔۔
❤️❤️❤️❤️❤️❤️
“ابے اٹھ جا۔۔۔۔۔” ہادی نے اس کا کمبل کھینچا۔۔۔۔
“تو جا یار۔۔۔میرا موڈ نہیں ہے۔۔۔۔” وہ اسی طرف منہ پھیرےلیٹا تھا۔۔۔۔
“عماد اٹھ نا۔۔۔۔تجھے پتا ہے فضا کا۔۔۔۔برا منا کر بیٹھ جائے گی پھر۔۔۔۔”
ہادی نے منت کی۔۔۔
“تو تیری سیٹنگ ہے۔۔۔ تو جا۔۔۔۔” وہ پھیکے سے انداز میں گویا ہوا۔۔۔
“وہ تیری دوست بھی ہے۔۔۔۔تو کب تک اپنے دوستوں کو اگنور کرے گا”
وہ روہانسی ہوا۔۔۔۔
“میں نے کسی کو اگنور نہیں کیا” وہ مڑ کر کہنے لگا۔۔۔۔
“کر رہا ہے۔۔۔۔ایک لڑکی پر دنیا ختم تو نہیں ہوجاتی۔۔۔۔اپنے ارد گرد کے لوگوں پر بھی دھیان دے”
ہادی سنجیدہ ہوا۔۔۔۔
“زیادہ اموشنل مت ہو۔۔۔چل رہا ہوں۔۔۔۔دس منٹ رک فریش ہوکر آتا ہوں”
وہ کہتے ساتھ اٹھا اور واش روم کی جانب بڑھ گیا۔۔۔۔
❤️❤️❤️❤️❤️
“وہ میں۔۔۔۔وہ۔۔۔۔” زارا کی زبان اس کا ساتھ نہیں دے رہی تھی ۔۔۔۔
“کچھ بولو گی۔۔۔۔؟” جواد نے فون کان سے لگائے۔۔۔۔کاندھے سے اٹیچ کیا۔۔۔۔
اور دونوں ہاتھوں سے لیپ ٹاپ گود میں رکھ آن کرنے لگا۔۔۔۔
“وہ۔۔۔۔ایم سوری ۔۔۔”
زارا نے جھٹ کہا۔۔۔۔
“سوری۔۔۔؟” وہ رکا۔۔۔۔
“ہاں۔۔۔۔معاف کردو گے؟” وہ پوچھنے لگی۔۔۔
“مگر پتا تو چلے کس چیز کی معافی مانگ رہی ہو؟”
وہ حیرانگی سے سوال کرنے لگا۔۔۔
“پتا نہیں۔۔۔۔” زارا کے پاس وجہ۔ ہیں تھی۔۔۔
“یہ کیا بات ہوئی۔۔۔بتاؤ”
وہ زور دینے لگا۔۔۔
چھوڑیں۔۔۔۔مجھے لینے کب آئیں گے؟” وہ آخر کو پوچھ بیٹھی۔۔۔
اس کی بات سن جواد کے لبوں پر مسکان پھیلی۔۔۔
“تم کہو تو ابھی آجاؤں؟” جواد نے شرارتی انداز میں کہا۔۔۔۔
“ہاں آجائیں” وہ مسکرائی۔۔۔
“سوچ لو۔۔۔۔میں آ بھی جاؤں گا” وہ کہنے لگا۔۔۔
“آجائیں۔۔۔میرا دل نہیں لگ رہا۔۔۔میں آپ کے پاس آنا چاہتی ہوں ۔۔۔۔”
وہ شرماتے ہوئے کہنے لگی۔۔۔
“مم۔۔۔۔میرے پاس۔۔۔۔۔تم مزاق کر رہی ہو؟” وہ بے یقینی سے فون ہاتھ میں لیے سیدھا ہوا۔۔۔۔
“نہیں۔۔۔اب نہیں۔۔۔۔میں کل انتظار کروں گی” وہ محبت بھرے لہجے میں کہنے لگی۔۔۔
اور فون بند کردیا۔۔۔۔
جواد نے ہاتھ میں پکڑے فون کو دیکھا۔۔۔۔
ہونٹوں کو ایک خوشی کی لہر چھو رہی تھی۔۔۔۔
❤️❤️❤️❤️❤️
“آج کل یونیورسٹی نہیں آرہا تو۔۔۔۔؟” عادل نے ڈرنک اس کی جانب بڑھائی۔۔۔۔
“نہیں یار۔۔۔۔بوسٹر ہے تو دے” عماد نے ڈرنک کی جانب دیکھتے ہوئے کہا۔۔۔۔
“لسن۔۔۔۔۔ون بوسٹر۔۔۔۔۔” عادل نے پاس کھڑے ویٹر کو آرڈر دیا۔۔۔۔
“بس یار دل نہیں کرتا اب۔۔۔۔”
اس نے بے دلی سے کہا۔۔۔۔
“نیکسٹ منتھ فائنل ایگزامز ہیں۔۔۔۔” عادل نے یاد دہانی کروائی۔۔۔
“آئی نو۔۔۔۔میں گھر پر ہی تیاری کرلوں گا” اس نے بوسٹر کی بوتل سے دو گھونٹ منہ میں ڈالے۔۔۔
“ہممم فائن۔۔۔چل آجا فضا کے پاس چلتے ہیں۔۔۔” عادل نے اس کا دل بدلنا چاہا۔۔۔۔
❤️❤️❤️❤️❤️
“زارا اٹھ جاؤ۔۔۔۔۔” روبینہ بیگم آواز لگاتی جیسے ہی کمرے میں داخل ہوئی۔۔۔۔
ان کے حواس باختہ ہوئے۔۔۔۔
کمرہ بلکل صاف ستھرا تھا۔۔۔ہر چیز اپنی جگہ پر تھی۔۔۔
اور زارا پہلے سے ہی اٹھی ہوئی تھی۔۔۔۔
اور خود کو آئینے میں دیکھ تیار ہورہی تھی۔۔۔
روبینہ بیگم کو اپنی آنکھوں پر یقین نہیں آیا۔۔۔۔
وہ جسے ہمیشہ انہوں نے یونیورسٹی کے بھی منت کر کے ڈانٹ ڈپٹ کر کے اٹھایا تھا۔۔۔
شادی کے بعد اتنی بدل گئی تھی۔۔۔۔
کہ ان کے اٹھانے سے بھی پہلے اٹھ گئی تھی۔۔۔
“تم اتنی جلدی کیسے اٹھ گئی۔۔۔۔؟” وہ حیرانگی سے پوچھنے لگی۔۔۔
ہاں۔۔۔امی وہ جواد آئیں گے نا مجھے لینے۔۔۔۔پہلے ہمیں لنچ پر جانا ہے۔۔۔پھر شاپنگ اور پھر گھر۔۔۔۔”
وہ خوشی خوشی اپنا پلان بتا رہی تھی۔۔۔
“ارے واہ ۔۔۔ماشاءاللہ۔۔۔میری بیٹی کی خوشیوں کو نظر نا لگے۔۔۔۔”
وہ مسکراتی اس کے صدقے اتارنے لگی ۔۔۔
❤️❤️❤️❤️❤️
وہ بالوں کو خشک کرتا آئینے کے سامنے آکھڑا ہوا۔۔۔۔
پھر مسکرا کر خود کو دیکھنے لگا۔۔۔۔
کوئی خیال آتے ہی وارڈ روب کی جانب بڑھا۔۔۔۔
ریک سے جینس نکالی۔۔۔۔پھر اوپر ہینگر سے وائٹ شرٹ نکال کر خود پر لگا کر آئینے میں دیکھنے لگا۔۔۔۔
(میں آپ کے پاس آنا چاہتی ہوں)
وہ سوچ کر مسکرایا۔۔۔۔
بلو جنس پر وائٹ شرٹ پہنے وہ واقع پر کشش لگ رہا تھا۔۔۔۔
اس نے بلو ویلویٹ کے کوٹ میں ہاتھ ڈال اسے زیب تن کیا۔۔۔۔
پھر ڈریسنگ سے پرفیوم اٹھایا اور گردن کے گرد اسپرے کرنے لگا۔۔۔۔
(آجائیں۔۔۔میرا دل نہیں لگ رہا)
اسے کانوں میں رس گھلتا محسوس ہوا۔۔۔۔
“تو فائنلی۔۔۔۔تمہیں مجھ سے محبت ہو ہی گئی۔۔۔مس۔۔۔۔سوری۔۔۔مسسز جواد۔۔۔۔۔”
وہ درستگی کرتا ہنس پڑا۔۔۔۔
اسے آج دنیا کی ہر چیز اس خوشی کے آگے بے معنی لگ رہی تھی۔۔۔۔
بے تابی تھی تو بس زارا سے ملنے کی ۔۔۔
❤️❤️❤️❤️❤️❤️
“کہاں جارہے ہو بیٹا؟”
طاہرہ بیگم اسے تیار دیکھ پوچھنے لگی۔۔۔
“مام۔۔۔وہ میں زارا کو لینے جارہا ہوں۔۔۔۔”
وہ خوش دلی سے کہنے لگا۔۔۔
“اوہ۔۔۔اوکے۔۔۔۔کب تک واپس آو گے؟” وہ اسے خوش دیکھ پوچھنے لگی۔۔۔
“بس شام تک۔۔۔۔۔” وہ مسکرایا۔۔۔۔
پھر باہر کی جانب بڑھ گیا۔۔۔۔۔
❤️❤️❤️❤️❤️
“کیسے ہو بیٹا؟” روبینہ بیگم نے اسے چائے کا کپ تھماتے ہوئے پوچھا۔۔۔
“ٹھیک ہوں۔۔۔۔آپ بتائیں۔۔۔۔آپ کی طبیعت ٹھیک ہے؟” اس نے پاس بیٹھے عظیم صاحب کی جانب دیکھا۔۔۔۔
“شکر ہے مالک کا۔۔۔۔۔جس نے مجھے تم جیسا بیٹا دیا۔۔۔۔۔”
وہ خوش تھے۔۔۔۔
جواد مسکرایا۔۔۔۔
“زارا چلیں۔۔۔۔۔” جواد نے روبینہ بیگم کے پاس بیٹھی زارا کی جانب دیکھ سوال کیا۔۔۔۔
“ابھی تو آئے ہو بیٹا کھانا کھا کر جانا۔۔۔۔۔” روبینہ بیگم نے محبت سے کہا۔۔۔۔
“نہیں۔۔۔بہت شکریہ۔۔۔۔پھر کبھی صحیح ۔۔۔تھوڑا کام ہے”
اس نے زارا کی جانب دیکھ اشارہ کیا۔۔۔۔
زارا جلدی سے اپنا پرس اٹھانے کمرے کی جانب بڑھ گئی۔۔۔۔
اور وہ لوگ یہاں وہاں کی باتیں کرنے لگے۔۔۔
❤️❤️❤️❤️❤️
“تم یونیورسٹی کیوں نہیں جارہے؟” طاہرہ بیگم نے ناشتہ کرتے عماد کو ٹوکا۔۔۔۔
“دل نہیں کرتا۔۔۔۔” وہ مختصر کہتا جوس گاس میں انڈیلنے لگا۔۔۔۔
“پڑھائی کرنی ہے۔۔۔۔دل اور دماغ دونوں کو راضی کرلو۔۔۔۔”
وہ حاکمانہ انداز میں کہنے لگی ۔۔۔
“مام۔۔۔۔۔پلیز۔۔۔۔” وہ اکتا کر نیپکین پھینکتا اٹھ کھڑا ہوا ۔۔۔
صاف ظاہر تھا اس کا موڈ خراب ہوچکا تھا۔۔۔۔
“عماد ۔۔۔۔عماد ” ان کے پکارنے پر بھی وہ بنا رکے انہیں اگنور کرتا اپنے کمرے کی جانب بڑھ گیا۔۔۔۔
❤️❤️❤️❤️❤️
وہ دونوں خاموشی سے کھانا کھا رہے تھے۔۔۔۔
دل میں بہت کچھ تھا۔۔۔۔مگر شاید زبان ساتھ نہیں دے رہی تھی۔۔۔
“اچھے لگ رہے ہو آج۔۔۔۔” زارا نے چپی کو توڑا۔۔۔۔
جواد نے سر اٹھا کر اسے دیکھا۔۔۔۔
“پہلے بھی لگتا تھا۔۔۔تم نے کبھی دھیان نہیں دیا”
جواد نے اترا کر کہا۔۔۔
زارا کھلکھلا کر ہنس دی۔۔۔۔
“اب سارا دھیان آپ پر ہی ہوگا۔۔۔” زارا نے اس کی آنکھوں میں دیکھتے ہوئے کہا۔۔۔
“کہیں میں خواب تو نہیں دیکھ رہا؟” جواد نے شرارت بھرے لہجے میں پوچھا۔۔۔۔
“یہ حقیقت ہے جناب۔۔۔۔” زارا نے اس کے ہاتھ پر ہاتھ رکھا۔۔۔۔
جواد کا دل چاہا وہ یہ لمحہ کہیں قید کرلے۔۔۔۔
جو محبت وہ زرا سے کرتا تھا۔۔۔۔آج اسے اس کی آنکھوں میں بھی دکھائی دے رہی تھی۔۔۔۔
❤️❤️❤️❤️❤️
شام کا وقت ہو چلا تھا۔۔۔آسمان پر بادل چھائے تھے۔۔۔۔
سرد ہوا ٹھنڈ میں مزید اضافہ کر رہی تھی۔۔۔۔
جواد نے گاڑی گیٹ کے سامنے روکی۔۔۔۔
“آپ نہیں چلیں گے؟” زارا نے ناسمجھی سے پوچھا۔۔۔
“تم چلو۔۔۔میں بس تھوڑی دیر میں آیا۔۔۔ایک کام ہے”
جواد نے محبت بھر لہجے میں بتایا۔۔۔۔
زارا اثبات میں سر ہلاتی گاڑی کا دروازہ کھول باہر نکل گئی۔۔۔۔
“زارا۔۔۔۔۔” جواد نے اسے پکارا۔۔۔۔
“جی۔۔۔۔۔” زارا نے مڑ کر دیکھا۔۔۔۔
“کیا تم میرا انتظار کرو گی؟” وہ پوچھنے لگا۔۔۔۔
“شدت سے” اس کے سوال پر زارا مسکرائی۔۔۔۔
اور مختصر جواب دیتی اندر بڑھ گئی۔۔۔۔