Dar Novel By Irsa Rao NovelR50460 Dar Novel (Episode 12)

Dar Novel By Irsa Rao

“تم بتاؤ۔۔۔تم نے شادی کیوں نہیں کی اب تک؟”
جواد سوال کیا۔۔۔۔
بس تم جیسا نہیں ملا نا۔۔۔۔” زینب نے منہ بنا کر کہا۔۔۔۔
“چائے۔۔۔۔” زارا جو ٹرے پکڑے کھڑی تھی۔۔۔۔
زینب کا جواب سن اندر تک سلگھ گئی۔۔۔۔
“تو اب کون سی دیر ہوگئی۔۔۔۔چلو کرتے ہیں شادی۔۔۔۔”
جواد نے زارا کو جلانے کے لیے تیلی پھینکی۔۔۔۔
“زارا سن رہی ہو۔۔۔۔تمہارا ہسبی ڈ مجھے لائن مار رہا ہے” زینب نے ہنستے ہوئے کہا۔۔۔۔
زارا بدلے میں مسکرا دی۔۔۔۔
“وہ۔۔۔۔مجھے اپنے گھر جانا تھا۔۔۔۔آپ چھوڑ آئیں گے۔۔۔۔؟”
زارا نے زبردستی کی مسکراہٹ سجائی۔۔۔۔
اصل میں تو وہ اسے زینب کے پاس بیٹھنے دینا نہیں چاہتی تھی۔۔۔۔
“تم۔۔۔ڈرائیور کے ساتھ چلی جاؤ”
جواد نے لاپرواہی سے جواب دیا اور چائے کا کپ اٹھا کر سپ لینے لگا۔۔۔۔
زارا بنا کچھ کہے وہاں سے چلی گئی۔۔۔۔
❤️❤️❤️❤️❤️
“گھر جا رہی ہو؟” طاہرہ بیگم نے اسے تیار دیکھ سوال کیا۔۔۔۔
“جی۔۔۔۔” وہ مسکرائی
“جواد کہاں ہے؟” وہ یہاں وہاں دیکھنے لگی۔۔۔
“وہ لان میں ہیں۔۔۔۔میں ڈرائیور کے ساتھ جارہی ہوں”
زارا نے بے دلی سے جواب دیا۔۔۔
“کیوں؟ جواد کیوں نہیں جارہا؟”
وہ حیرانگی سے پوچھنے لگی۔۔۔۔
“وہ بزی ہیں۔۔۔۔اسی لیے میں نے سوچا میں خود ہی چلی جاؤں”
وہ سنجیدگی چھپائے مسکرانے لگی۔۔۔۔
پھر باہر کی جانب بڑھ گئی۔۔۔۔
❤️❤️❤️❤️❤️
“ویسے جواد۔۔۔تمہیں زارا کے ساتھ جانا چاہیے تھا”
زینب نے کہا۔۔۔۔
“ہمم۔۔۔۔” جواد کے پاس شاید جواد ہی نہیں تھا۔۔۔۔
“تم دونوں کا جھگڑا ہوا ہے؟” زینب نے پھر پوچھا ۔۔۔
“چھوڑو یار زینی کوئی اور بات کرو”
وہ بات کو پلٹنے لگا۔۔۔۔
“تم شیئر کر سکتے ہو جواد۔۔۔” وہ گہری نظروں سے اسے دیکھنے لگی۔۔۔
“ارے نہیں ۔۔ایسا کچھ نہیں جیسا تم سمجھ رہی ہو۔۔۔۔”
جواد نے اسے ٹوکا
“تو پھر کیسا ہے بتاؤ۔۔۔۔؟ صبح سے دیکھ رہی ہوں۔۔۔دونوں ایک دوسرے سے اکھڑے ہوئے ہو۔۔۔۔”
زینب نے نظر گہری کی۔۔۔۔
“ہاں۔۔۔۔بس ایسے ہی ناراضگی ہے بس۔۔۔۔”
وہ آخر کہ ہی بیٹھا ۔۔۔
“کم آن یار۔۔۔۔ابھی تو نئی نئی شادی ہوئی ہے تمہاری۔۔۔اور تم دونوں ہو کہ۔۔۔۔۔”
زینب نے ان دونوں پر رشک کرتے ہوئے کہا۔۔۔
اور وہ سوچ میں پڑ گیا۔۔۔۔
“اچھا چھوڑو یہ سب موڈ ٹھیک کرو۔۔۔۔باہر چلتے ہیں۔۔۔”
زینب نے آئیڈیا آتے ہی عمل کرنا چاہا۔۔۔۔
“نہیں یار۔۔۔موڈ نہیں ہے” جواد نے اکتا کر کہا
“جواد۔۔۔اٹھو۔۔۔۔بس پیزا لا کر واپس آجائیں گے۔۔۔اٹھو”
وہ زبردستی کرنے لگی۔۔۔
“تو آرڈر کردیتا ہوں نا” جواد نے فوراً جان چھڑانی چاہی۔۔۔
“نہیں نا۔۔۔ہم چلیں گے۔۔اٹھو۔۔۔۔” وہ اسے اٹھاتی اپنے ساتھ لے گئی۔۔۔۔
❤️❤️❤️❤️❤️
” عماد کارڈز لکھنے والی لڑکی مجھے سمجھ رہا تھا؟”
وہ بڑبڑائی
ہاتھ اسٹیئرنگ پر جمائے ٹھنڈے پڑ چکے تھے۔۔۔
دماغ بار بار الجھ رہا تھا۔۔۔
“مطلب۔۔۔عماد مجھے زارا سمجھ کر محبت کررہا ہے”
زوہا نے گاڑی اسٹارٹ کی۔۔۔۔
“اس نے تو ہم دونوں کو نہیں دیکھا تھا۔۔۔۔اور ماسک بھی تو Z کا تھا۔۔۔۔”
اسے جیسے سمجھ آیا۔۔۔۔
“مجھے زارا سے بات کرنی ہوگی۔۔۔۔
❤️❤️❤️❤️❤️
“کیسے ہیں آپ۔۔۔۔؟” زارا نے عظیم صاحب کے سینے سے لگتے ہوئے پوچھا ۔۔۔
“میں تو بلکل ٹھیک ہوں۔۔۔۔میری بیٹی کیسی ہے۔۔۔۔یاد کیا مجھے؟”
عظیم صاحب نے محبت سے پوچھا۔۔۔۔
وہ گردن اٹھا کر انہیں دیکھنے لگی۔۔۔
“میں اپنے ابا کو بھول سکتی ہوں؟”
زارا نے ان کا گال چوما۔۔۔
“ہاں ماں کو تو بھول سکتی ہو نا”
روبینہ بیگم چائے کی ٹرے ہاتھ میں لیے اندر آئی۔۔۔
زارا ان کی بات پر ہنس دی۔۔۔
“جواد نہیں آیا تمہارے ساتھ؟” وہ پوچھنے لگی۔۔۔
“نہیں۔۔۔ہر کوئی مطلب پورا ہونے تک ہی اچھا ہوتا ہے بس”
زارا نے چائے کا کپ اٹھایا۔۔۔
“نہیں بیٹا۔۔۔جواد ان میں سے نہیں۔۔۔۔وہ روز فون کرتا ہے۔۔۔تمہارے ابا کی طبیعت پوچھتا ہے۔۔۔جب تم لوگ گھومنے گئے تھے۔۔۔تب بھی اس نے فیکٹری سے کوئی بندہ بھیج دیا تھا۔۔۔۔تمہارے ابا کا چیک اپ کروانے کے لیے”
روبینہ بیگم نے تفصیلات بیان کی۔۔۔
جسے سن کر اس کا ہونٹوں تک جاتا کپ رکا۔۔۔۔
“تمہیں نہیں بتایا؟” عظیم صاحب نے زارا سے سوال کیا۔۔۔۔
زارا نے نفی میں سر ہلایا ۔۔۔
“تو اس سے زیادہ بڑھا پن کیا ہوگا۔۔۔کہ تمہارے ابا کا خیال رکھ رہا ہے۔۔۔علاج کروا رہا ہے۔۔۔اور تم پر جتا بھی نہیں رہا۔۔۔۔”
روبینہ بیگم نے سمجھاتے ہوئے کہا۔۔۔
وہ سوچوں میں گم ہونے لگی۔۔۔
“میرا بچہ۔۔۔شادی بہت مضبوط رشتہ ہے۔۔۔۔بد گمانیوں کو دل میں پال کر نہیں گزارتے۔۔۔۔دل سے اپنانا ہے وہاں سب کو تم نے۔۔۔اپنے ابا کو ان کے سامنے شرمندہ نا ہونے دینا”
عظیم صاحب نے اس کے سر پر شفقت بھرا ہاتھ رکھا ۔۔۔۔
زارا ان کے گلے لگ سوچ میں ڈوب رہی تھی۔۔۔
❤️❤️❤️❤️❤️
عماد نے کمرے میں آتے ہی پاس پڑی چیئر پر لات ماری۔۔۔۔
آنکھیں ضبط سے سرخ ہوچکی تھی۔۔۔
(مجھے تمہارے ساتھ اپنا سکینڈل بنوانے کا کوئی شوق نہیں ۔۔۔۔۔)
عماد کے کانوں سے جملہ ٹکرایا۔۔۔۔
(میں نے نہیں کہا تھا مجھ سے محبت کرو۔۔۔۔)
وہ خود کو آئینے میں دیکھ رہا تھا۔۔۔۔
زوہا کا حقارت بھرا تھپڑ اس کے گال کو سرخ کرگیا تھا۔۔۔
آنکھ سے آنسوں نکلنے کو بے تاب تھے۔۔۔
اس نے پوری قوت سے ہاتھ میں پکڑا گٹار زمین پر دے مارا۔۔۔۔
ڈریسنگ پر رکھا سارا سامان اس کے غصے کی نظر ہوچکا تھا۔۔۔۔
مگر غصہ کم ہونے کا نام نہیں لے رہا تھا۔۔۔۔
❤️❤️❤️❤️❤️
(وہ روز فون کرتا ہے۔۔۔تمہارے ابا کی طبیعت پوچھتا ہے۔۔)
زارا گاڑی میں بیٹھی کھڑکی سے باہردیکھ رہی تھی۔۔۔
زارا کو شدت سے احساس ہوا۔۔۔۔کہ جواد ایک اچھا انسان ہے۔۔۔اور شاید وہ اب اس کے ساتھ غلط رویہ اختیار کر رہی ہے۔۔۔۔
“وہ میرے پیرینٹس کا اتنا خیال کر رہا ہے۔۔۔اور میں۔۔۔۔”
وہ دل ہی دل میں شرمندہ ہوئی۔۔۔
پھولوں کی دکان پر اس نے گاڑی رکوائی۔۔۔۔
اور ایک خوبصورت سا بکے خریدا۔۔۔۔
وہ گھر جاکر جواد کا شکریہ ادا کرنا چاہتی تھی۔۔۔۔
ان احسانوں کا جو اس نے پوشیدہ رکھے۔۔۔اور کبھی جتائے بھی نہیں۔۔۔۔
“مام کہاں ہے؟” وہ گھر آتے ہی ملازمہ سے پوچھنے لگی۔۔۔۔
“وہ تو جی۔۔۔اپنی کسی دوست کے گھر گئی ہیں۔۔۔۔”
ملازمہ نے جواب دیا ۔۔۔
“اچھا۔۔۔اور جواد۔۔۔۔کہاں گئے؟” وہ یہاں وہاں دیکھتے پوچھنے لگی۔۔۔۔
“وہ تو زینب بی بی کے ساتھ گئے ہیں باہر۔۔۔۔”
ملازمہ کے بتانے پر اس کا موڈ آف ہوا۔۔۔۔
تب ہی اسے کچھ گرنے کی آواز آئی۔۔۔۔
زارا نے پلٹ کر دیکھا ۔۔۔عماد کے کمرے سے سامان گرنے کی آواز آرہی تھی۔۔۔۔
“یہ شور کیسا ہے؟” وہ چونکی۔۔۔۔
“آپ مت جائیں۔۔۔۔۔عماد بابا غصے میں ہیں بہت”
ملازمہ نے زارا کے بڑھتے قدم دیکھ کہا۔۔۔۔
“عماد۔۔۔۔اوپن دا ڈور۔۔۔۔۔”
زارا نے دستک دی۔۔۔۔
مگر اندر سے کوئی آواز نہیں آئی ۔۔۔
زارا کو فکر ہونے لگی۔۔۔
“عماد۔۔۔میری بات سنیں۔۔۔۔”
اس نے بار بر دستک دی۔۔۔۔
“جی۔۔۔” وہ سرخ چہرہ لیے دروازہ کھول کر کہنے لگا۔۔۔۔
“آپ ٹھیک ہو۔۔۔۔؟” زارا نے سوال کیا۔۔۔۔
تبھی اندر سے فون بجنے کی آواز آئی۔۔۔۔اور عماد پلٹ کر فون اٹھانے گیا۔۔۔۔
زارا نے اندر کا جائزہ لینا چاہا۔۔۔۔
اندر ہر طرف سامان بکھرا ہوا تھا۔۔۔۔
فرش پر پھیلی ہر چیز اپنی بے قدری پر رو رہی تھی۔۔۔۔
“عماد کیا ہوا ہے۔۔۔۔؟” وہ اندر گئی۔۔۔۔
“آپ جائیں یہاں سے” وہ بنا پلٹے تلخ لہجے میں کہنے لگا۔۔۔
جس کا زارا پر کوئی اثر نہیں ہوا۔۔۔
“مگر ہوا کیا ہے۔۔۔۔۔میں۔۔۔۔۔” وہ اپنی بات پوری نہیں کرپائی تھی۔۔۔۔
“جائیں۔۔۔۔۔۔” وہ پوری قوت سے چلایا۔۔۔۔
عماد نے سائیڈ ٹیبل پر رکھا گلاس آواز اٹھا کر زور سے زمین پر پھینکا۔۔۔۔
زمین پر گرتے ہی کانچ کا ایک ٹکڑا اچھلا اور زارا کے ماتھے کو زخمی کرگیا۔۔۔۔
“آہ۔۔۔۔۔” زارا نے کراہ کر ہاتھ سے ماتھے کو چھوا۔۔۔۔۔
خون سے ہاتھ تر ہوا۔۔۔۔
“زارا۔۔۔۔۔” جواد جو باہر سے ابھی آیا تھا۔۔۔شور کی آواز سن کمرے میں آیا۔۔۔۔
“زارا۔۔۔۔اوہ مائے گاڈ۔۔۔۔۔”زارا کے ماتھے سے بہتا خون دیکھ جواد گھبرایا ۔۔۔۔
عماد خاموش کھڑا دیکھ رہا تھا۔۔۔۔
❤️❤️❤️❤️❤️❤️
“تم ہر بار ایسا کرتے ہو”
طاہرہ بیگم نے عماد کو گھورا۔۔۔
“مام۔۔۔میں سچ کہ رہا ہوں۔۔۔۔میں نے نہیں مارا تھا ان کو۔۔۔۔”
عماد نے صفائی دینی چاہی۔۔۔۔
“انجانے میں بھی تمہیں اپنی ہی بھابھی ملی تھی مارنے کے لیے۔۔۔۔”
وہ جھلائی۔۔۔۔
“مام۔۔۔۔” وہ کے اچارگی سے پکارنے لگا۔۔۔۔
“شٹ اپ۔۔۔۔۔جاؤ یہاں سے تم۔۔۔۔”
وہ چلائی۔۔۔
عماد اٹھ کر باہر نکل گیا۔۔۔
❤️❤️❤️❤️❤️❤️
“عماد۔۔۔۔۔عماد۔۔۔۔۔” وہ غصے سے سیڑھیاں اترتا نیچے آیا۔۔۔۔
اور تیزی سے اس کے کمرے کی جانب بڑھ گیا۔۔۔۔
“عماد ۔۔۔۔” جواد اس کے کمرے کا دروازہ کھول اندر آیا۔۔۔۔
مگر کمرے میں وہ موجود نہیں تھا۔۔۔۔
جواد دانت پیس کر رہ گیا۔۔۔۔
وہ مڑ کر جانے ہی لگا تھا کہ اس کا کسی چیز پر پاؤں پڑا اور وہ تڑمڑا کر رہ گئی۔۔۔۔
جواد نے نیچے دیکھا۔۔۔وہ رسٹ واچ تھی۔۔۔۔
جو جواد کا پاؤ پڑنے سے ہلکی سی ٹوٹ چکی تھی۔۔۔
کمرا پورا بکھرا ہوا تھا۔۔۔۔جواد نے جھک کر گھڑی اٹھائی۔۔۔
تبھی اس کی نظر سامنے پڑے کچھ کارڈز پر پڑی۔۔۔۔
جواد نے فوراً آگے بڑھ کر انہیں اٹھایا۔۔۔۔
اور انہیں پڑھ کر وہ کافی حد تک عماد کی اس حرکت کی وجہ سمجھ چکا تھا۔۔۔۔
❤️❤️❤️❤️❤️
وہ جب کمرے میں آیا تو زارا بیڈ کے قریب کھڑی تھی۔۔۔
سر پر پٹی بندھی تھی۔۔۔۔ہلکی ہلکی سوجن آنکھوں کو گھیرے ہوئے تھی۔۔۔
“کیا ہوا ہے۔۔۔؟ کہاں جارہی ہو؟” جواد اس کی جانب بڑھا۔۔۔
“کہیں نہیں۔۔۔” وہ نارمل تھی۔۔۔
“تو تم اٹھی کیوں بیڈ سے؟” وہ ٹوکنے لگا۔۔۔۔
فکر اس کے لہجے سے ظاہر تھی۔۔۔
“میں بس۔۔۔۔۔واش روم۔۔۔۔۔” وہ اس کی فکر نوٹس کرتے ہوئے کہتے کہتے رکی۔۔۔
“ہاں تو مجھے آواز دیتی۔۔۔” وہ اسے بازو سے تھامنے لگا۔۔۔
“میرے سر پر چوٹ ہے پاؤں میں نہیں”
زارا نے گردن موڑ کر اسے گھورا۔۔۔۔
“اوہ۔۔۔ہاں۔۔۔خیر آرام کرو۔۔۔کوئی کام ہو تو مجھے پکار لیا کرو۔۔۔۔”
جواد نے ہدایت کی۔۔۔۔۔۔۔
“میں ٹھیک ہوں۔۔۔۔” زارا اس کی فکرمندی پر مسکرائی۔۔۔
❤️❤️❤️❤️❤️❤️
“زارا یہ کیا کیا تم نے؟” وہ لان میں کھڑی یہاں وہاں چکر لگا رہی تھی۔۔۔
“کاش زارا تھوڑا انتظار کرلیتی۔۔۔۔”
زوہا بڑبڑائی۔۔۔۔
پھر فون اٹھا کر جواد کا نمبر ڈائل کیا۔۔۔۔
وہ زارا سے بات کرنا چاہتی تھی۔۔۔۔
مگر مسلسل فون بجنے پر بھی کال رسیو نہیں ہوئی۔۔۔
“میرا زارا سے بات کرنا بہت ضروری ہے۔۔۔۔”زوہا گہری سوچ میں پڑ گئی۔۔۔
❤️❤️❤️❤️❤️❤️
وہ آرام کر کر کے تھک چکی تھی۔۔۔۔پورا دن گزر گیا تھا۔۔۔
وہ اب بور ہونے لگی تھی۔۔۔۔
سر اس قدر بھاری تھا۔۔۔ مانو پتھر رکھ دیے گئے ہوں۔۔۔۔
زارا اٹھ کر کھڑکی کے قریب آئی۔۔۔
سامنے گیٹ سے اس نے عماد کی گاڑی اندر آتے دیکھی۔۔۔
“میں نے کبھی عماد کو جاننے کی کوشش نہیں کی۔۔۔۔بس خوامخواہ ایک وہم کو دل میں جگہ دے دی۔۔۔۔”
وہ دل ہی دل میں کہنے لگی۔۔۔
زارا کی نظر اسی پر تھی۔۔۔وہ گاڑی سے نکل کر اندر کی جانب بڑھ گیا ۔۔۔
تبھی پیچھے سے کھنکھارنے کی آواز پر وہ چونکی۔۔۔
اور مڑ کر جواد کو دیکھنے لگی۔۔۔
جو ہاتھ میں گلاس لیے کھڑا تھا۔۔۔۔
“یہ لو۔۔۔۔جلدی سے پی لو”
وہ قریب آکھڑا ہوا۔۔۔
اور گلاس اس کی طرف بڑھایا۔۔۔
“یہ۔۔۔۔۔” زارا گلاس کو عجیب نظروں سے دیکھ رہی تھی۔۔۔
“یہ ہلدی والا دودھ ہے۔۔۔۔دیکھنا سر درد رفو چکر ہوجائے گا”
جواد نے تفصیل دی۔۔
“یہ میں نہیں پیتی۔۔۔۔مجھے پسند نہیں”
وہ برا سا منہ بنا کر آکر دوبارا بیڈ پر بیٹھ گئی۔۔۔
“پینا تو پڑے گا۔۔۔۔”
جواد بھی اس کے قریب آ بیٹھا۔۔۔
“کوئی زبردستی ہے۔۔۔۔؟” وہ پوچھنے لگی۔۔۔
“جو بھی سمجھ لو۔۔۔۔”جواد نے ہاتھ جھاڑے۔۔۔۔
زارا ناسمجھی سے اس کی ڈھٹائی کو دیکھنے لگی۔۔۔
“تم ہم سے ناراض ہوسکتی ہو۔۔۔حق ہے تمہارا۔۔۔۔مگر زارا۔۔۔عماد کی طرف سے میں معافی مانگتا ہوں۔۔۔۔وہ تھوڑا بگڑا ہوا ہے۔۔۔سب میرا قصور ہے۔۔۔۔مام ٹھیک کہتی ہیں۔۔۔میں نے ہی اسے سر پر بٹھا لیا ہے۔۔۔۔جو وہ ایسا ہوگیا۔۔۔”
جواد نے شرمندگی سے کہا۔۔۔
زارا خاموشی سے اسے دیکھ رہی تھی۔۔۔
“میں سمجھاؤں گا اسے۔۔۔انفیکٹ ڈانٹوں گا۔۔۔۔وہ بھی ایکسکیوز کرے گا تم سے۔۔۔۔وہ دل کا برا نہیں ہے۔۔۔بس غصے کا تیز ہے۔۔۔۔پلیز زارا۔۔۔۔اس کی اس حرکت کو معاف کردو۔۔۔۔”
جواد نے گزارش کی۔۔۔
“آپ کو معافی مانگنے کی ضرورت نہیں۔۔۔۔بلکہ عماد سے بھی کچھ کہنے کی ضرورت نہیں۔۔۔میں ٹھیک ہوں۔۔۔کسی سے بھی ناراض نہیں ہوں۔۔۔سچی۔۔۔”
زارا نے اطمینان دلوایا۔۔۔۔
جواد اس کو دیکھ کر رہ گیا۔۔۔
کہ اتنا سب ہونے کے بعد بھی اس کا دل صاف ہے۔۔۔
❤️❤️❤️❤️❤️
“ارے تم نیچے کیوں آگئی بیٹا۔۔۔۔” طاہرہ بیگم نے اسے سیڑھیاں اترتے دیکھ کہا۔۔۔
آنٹی۔۔۔میں ٹھیک ہوں۔۔۔۔” زارا نے خوش دلی سے کہا۔۔۔
“اچھا بیٹھو۔۔۔ناشتہ کرو۔۔۔۔” انہوں نے پیار سے کہا ۔۔۔
“نہیں بس جوس پیوں گی۔۔۔۔”
زارا نے گلاس اٹھاتے ہوئے کہا ۔۔۔
“میں دیتی ہوں۔۔۔بیٹھو۔۔۔۔”
وہ محبت سے کہنے لگی۔۔۔
“زارا بیٹا۔۔۔کل جو بھی ہوا۔۔۔اچھا نہیں ہوا۔۔۔۔جس کی وجہ سے میں تم سے بہت شرمندہ ہوں۔۔۔۔”وہ جوس گلاس میں انڈیلنے لگی۔۔۔۔
“وہ ایسا ہی ہے۔۔۔ضدی۔۔۔بگڑا ہوا۔۔۔۔میں بس تمہیں اتنا ہی سمجھاؤں گی۔۔۔کہ کچھ بھی ہو۔۔۔۔تم عماد کے کمرے میں نہیں جاؤ گی۔۔۔۔”
وہ سنجیدگی سے کہنے لگی۔۔۔
“مگر میں صرف۔۔۔۔” وہ اپنی صفائی میں کچھ کہتی مگر انہوں نے ان سنی کردی۔۔۔
“میں نہیں چاہتی۔۔۔دوبارا ایسا ہو۔۔۔۔یا بھائیوں میں کسی بھی قسم کا اختلاف پیدا ہو۔۔۔۔سمجھ رہی ہو نا؟” طاہرہ بیگم نے سمجھانا چاہا…
زارا اثبات میں سر ہلا گئی۔۔۔۔