Dar Novel By Irsa Rao NovelR50460 Dar Novel (Episode 16)

Dar Novel By Irsa Rao

“”آپ کہیں جا رہے ہیں؟”
زارا نے اسے آئینے کے سامنے کھڑے بال بناتے دیکھ پوچھا۔۔۔۔
“ہممم۔۔۔۔۔” اس نے ہلکے سے کہا۔۔۔۔
“میں بھی چلوں۔۔۔۔؟” زارا نے ہلکی سی مسکان سجائے اسے دیکھا۔۔۔
وہ اس کی بات سن پلٹا۔۔۔۔
“میں کہیں گھومنے نہیں جارہا۔۔۔کام سے جارہا ہوں۔۔۔۔اور میرے پاس اتنا ٹائم نہیں کہ تمہیں گھماتا پھروں۔۔۔۔”
اس نے بے رخی سے جواب دیا اور دوبارا پلٹ کر سامنے رکھا پرفیوم خود پر چھڑکنے لگا۔۔۔۔
زارا کی آنکھوں میں نمی اترنے کو تھی۔۔۔۔
اسے جواد کا رویہ بہت برا لگا تھا۔۔۔۔
وہ بنا کچھ کہے پلٹ گئی۔۔۔۔
❤️❤️❤️❤️❤️
“زینی تم بھی مجھ سے ناراض ہو؟”
طاہرہ بیگم نے سامنے بیٹھی زینب کو دیکھا۔۔۔۔
“نہیں پھوپھو۔۔۔۔میں کیوں ناراض ہونے لگی۔۔۔۔اور آپ مام کی باتوں کو سیریس نہیں لیا کریں۔۔۔۔وہ کچھ بھی بول دیتی ہیں”
زینب نے معذرت کی۔۔۔۔
“ٹھیک ہے۔۔۔پھر آج کا کھانا تم یہاں کھا کر جاؤ گی۔۔۔”
انہوں نے پیار سے کہا۔۔۔۔
“جو حکم۔۔۔۔” زینب نے یک دم خوش دلی سے کہا۔۔۔۔
❤️❤️❤️❤️❤️
“کچھ آرڈر کریں۔۔۔۔” کافی دیر کی خاموشی کے بعد زوہا نے کہا۔۔۔۔
“ہاں۔۔۔۔کیا کھاؤ گی؟” عماد نے سوال کیا۔۔۔۔۔
“مغلئی۔۔۔۔۔۔مجھے بہت پسند ہے”
زوہا نے مسکرا کر بتایا۔۔۔۔
“اوہ۔۔۔اوکے۔۔۔۔۔”
عماد بھی مسکرایا۔۔۔۔
❤️❤️❤️❤️❤️
“پھوپھو اب میں چلتی ہوں۔۔۔۔مجھے ایک فرینڈ کے گھر بھی جانا ہے”
زینب نے چائے کا کپ رکھتے ہوئے کہا۔۔۔۔
“ارے جواد بھی آگیا”
طاہرہ بیگم نے اندر آتے جواد کو دیکھ کہا۔۔۔۔
“ہیلو زینی۔۔۔کیسی ہو؟”
جواد نے مسکرا کر پوچھا۔۔۔۔
“میں فٹ۔۔۔تم بتاؤ۔۔۔سب سیٹ؟” زینب نے بھی خوش دلی سے پوچھا۔۔۔۔
“ایک دم سیٹ”
جواد نے جواب دیا۔۔۔۔
“جواد تم اسے اس کی فرینڈ کے گھر چھوڑ آؤ۔۔۔اسے میں اپنے ساتھ لے آئی تھی صبح”
طاہرہ بیگم نے کہا۔۔۔۔
“ہمم۔۔۔ٹھیک ہے۔۔۔میں فریش ہوکر آتا ہوں بس۔۔۔۔”
وہ مسکرا کر کہتا سیڑھیاں چڑھتا اوپر چلا گیا۔۔۔۔
زارا جو ان کی باتیں سن چکی تھی۔۔۔فورا اوپر گئی۔۔۔۔
“آپ منع کردیں۔۔۔۔آپ نہیں جائیں گے”
زارا نے کمرے میں آتے ہی کہا۔۔۔۔
“کیا مطلب۔۔۔۔؟” وہ جو شوز اتارنے میں مصروف تھا اس کی بات سن چونکا۔۔۔۔
“جواد۔۔۔۔مم۔۔۔مجھے آپ کا زینب کے ساتھ۔۔۔۔مجھے نہیں پسند بس۔۔۔پ منع کردیں۔۔۔۔”
زارا نے قریب آکر کہا۔۔۔۔
تمہارا دماغ خراب ہوگیا ہے”
وہ اسے اگنور کرتا اٹھ کھڑا ہوا۔۔۔۔
“کیا آپ میری ایک بات بھی نہیں مان سکتے؟”
زارا نے سنجیدگی سے پوچھا۔۔۔۔
“نہیں۔۔۔۔سن لیا تم نے۔۔۔۔”
وہ تلخ لہجے میں کہتا مڑ گیا۔۔۔۔
زارا کی آنکھوں میں نمی اتری۔۔۔۔
“اور ایک بات۔۔۔۔میں اب تمہاری مرضی کے مطابق نہیں زندگی گزاروں گا۔۔۔۔سمجھی۔۔۔۔”
وہ سختی سے کہنے لگا۔۔۔۔
“آپ کو ہو کیا گیا ہے۔۔۔۔آپ اتنے روڈ نہیں تھے ۔۔پہلے تو میری ہر بات آپ کو اچھی لگتی تھی۔۔۔۔اور اب”
زارا نے آنسوؤں کو پرے دھکیلتے ہوئے افسردگی سے پوچھا۔۔۔۔
جواد نے لمحہ بھر اسے دیکھا۔۔۔پھر بنا کوئی جواب دیے باہر نکل گیا۔۔۔۔
دو آنسوں زارا کے گال کو بھگو گئے۔۔۔۔
❤️❤️❤️❤️❤️
“تھینک یو۔۔۔۔” عماد نے ڈرائیونگ کرتی زوہا کو دیکھا۔۔۔۔
“کس لیے؟” وہ سامنے دیکھ رہی تھی۔۔۔۔
“تم نے مجھے اتنا ٹائم دیا”
وہ فارمل ہوا۔۔۔۔
“تھینک یو نہیں چاہیے۔۔۔۔ساتھ چاہیے۔۔۔دو گے؟”
زوہا نے اسے دیکھا۔۔۔۔
“واٹ۔۔۔۔مطلب۔۔۔۔تم۔۔۔۔”
عماد کو جیسے یقین نا آیا ہو۔۔۔۔۔
“ہاں۔۔۔۔زندگی بھر میرے نخرے اٹھانے پڑے گے”
زوہا نے مسکرا کر کہا۔۔۔۔۔
“ڈن۔۔۔۔۔تھینک یو تھینک یو۔۔۔تھینک یو سو مچ۔۔۔۔۔”
وہ بہت خوش تھا۔۔۔۔۔
زوہا اس کی خوشی کو بس دیکھتی رہ گئی۔۔۔۔۔
❤️❤️❤️❤️❤️
“مجھے کیا ہوگیا تھا۔۔۔کیوں میں نے جواد سے جھگڑا کیا”
وہ صوفے سے ٹیک لگائے سوچنے لگی۔۔۔
“وہ ناراض ہیں۔۔۔مجھے معافی مانگنی چاہیے”
وہ خود کلامی کرنے لگی۔۔۔۔
پھر سیدھی ہوئی۔۔۔۔
“سوری جواد۔۔۔مجھے اعتبار کرنا چاہیے۔۔۔۔اب میں کبھی کبھی کسی چیز سے آپ کو نہیں روکوں گی۔۔۔۔”
وہ ہلکا سا مسکرائی۔۔۔۔اور اٹھ کھڑی ہوئی
“حلیمہ بی۔۔۔۔کیا بن رہا ہے۔۔۔۔؟”
وہ کچن میں آئی
“آج پلاؤ بنارہی ہوں۔۔۔۔جواد بیٹے کو بہت پسند ہے”
انہوں نے خوش دلی سے بتایا۔۔۔۔
“اچھا۔۔۔حلیمہ بی۔۔۔۔آج۔۔۔میں بناؤں؟”
زارا نے محبت سے گزارش کی۔۔۔۔
“جیسی آپ کی مرضی ۔۔۔میں مدد کردوں گی۔۔۔”
وہ بھی مسکرائی ۔۔۔
❤️❤️❤️❤️❤️
“حلیمہ بی۔۔۔۔۔” اس نے گھر میں آتے ہی آواز لگائی۔۔۔۔
“جی۔۔۔۔۔” وہ آکھڑی ہوئی۔۔۔
“سب کہاں ہیں؟” اس نے یہاں وہاں دیکھ سوال کیا۔۔۔۔
“بیگم صاحبہ تو اپنے روم میں ہیں۔۔۔۔جواب بیٹا زینب بی بی کو چھوڑنے گئے ہیں۔۔۔۔”
انہوں نے جواب دیا۔۔۔
“اور بھابھی؟” وہ پھر سے پوچھنے لگا۔۔۔۔
“وہ کچن میں ہیں۔۔۔۔جواد بیٹا کے لیے پلاؤ بنارہی ہیں”
انہوں نے مسکرا کر بتایا۔۔
جوابا عماد بھی ہنس دیا۔۔۔۔
❤️❤️❤️❤️❤️
“بھابھی بھابھی تھینک یو سو مچ”
عماد نے اس کے دونوں ہاتھوں کو تھام کر خوشی سے کہا۔۔۔۔
“تھینک یو کس لیے؟”
زارا ہاتھ چھڑوائے۔۔۔۔
“پتا ہے زوہا نے فائنلی مجھے ہاں کردی۔۔۔اس نے خود مجھے کال کی تھی۔۔۔۔مجھے ملنے کے لیے بلایا۔۔۔۔”
عماد نے خوش دلی سے بتایا۔۔۔۔
“اچھا پھر آپ گئے تھے؟”
زارا نے کھیر میں چمچ چلاتے ہوئے پوچھا۔۔۔۔
“ہاں نا…ہم نے ساتھ لنچ کیا۔۔۔خوب ساری باتیں کی۔۔۔۔پھر اس نے اپنی گاڑی میں مجھے ڈراپ کیا۔۔۔۔”
عماد نے پاس رکھی کٹی ہوئی سلاد سے گاجر اٹھا کر منہ میں ڈالی۔۔۔۔
“یہ تو اچھی بات ہے”
زارا نے بنا اس کی جانب دیکھے مصروفیت سے کہا۔۔۔۔
“اس سے بھی اچھی بات ہے۔۔۔اس نے مجھے ہاں کردی ہے۔۔۔اب بس مام اور بھائی کو منا کر رشتہ بھیجنا ہے۔۔۔۔”
عماد نے ہنس کر کہا۔۔۔
زارا مسکرائی۔۔۔
“بس اب آپ دیورانی لانے کے بارے میں سوچیں۔۔۔۔اور”
وہ اپنی بات پوری کرتا اس سے پہلے ہی زارا کے منہ سے چیخ نکلی۔۔۔۔
“بھابھی۔۔۔۔دکھائیں مجھے۔۔۔۔”
عماد قریب آیا۔۔۔۔
“زیادہ نہیں جلا۔۔۔۔”
زارا جو جلن کی وجہ سے اپنے ہاتھ کو دیکھ رہی تھی۔۔۔۔
عماد کی فکر پر اسے دیکھنے لگی۔۔۔۔
“دیکھ کر کام کیا کریں نا”
عماد فریج سے ٹیوب نکال کر اس کے ہاتھ پر لگانے لگا۔۔۔۔
زارا کی جلن اب کم ہونے لگی تھی۔۔۔۔
کچن کے دروازے پر کھڑا جواد یہ منظر دیکھ اندر تک سلگھ گیا۔۔۔۔
چہرے پر کئی رنگ چڑھے اور اترے۔۔۔۔
وہ ضبط سے مٹھی بھینچتا۔۔۔۔وہاں سے نکل گیا۔۔۔۔
❤️❤️❤️❤️❤️
“آپ کب آئے؟” زارا نے روم میں داخل ہوتے ہی کہا۔۔۔۔
وہ بیڈ کراؤن سے ٹیک لگائے موبائل چلا رہا تھا اس کی بات پر نظر اٹھا کر اسے دیکھا۔۔۔۔
“آپ فریش ہوکر آجائیں۔۔۔۔میں کھانا لگواتی ہوں”
کوئی جواب نا پاکر زارا نے پھر مسکرا کر کہا۔۔۔۔
اس نے اثبات میں سر ہلایا۔۔۔۔۔
“پتا ہے میں نے آج خود آپ کے لیے پلاؤ بنائی ہے۔۔۔۔حلیمہ بی نے بتایا آپ کو بہت پسند ہے پلاؤ”
زارا نے خوش دلی سے بتایا
“حلیمہ بی نے غلط بتایا ہے۔۔۔۔”
وہ اٹھ کھڑا ہوا۔۔۔۔۔پھر چل کر اس کے قریب آیا۔۔۔۔
“مجھے پلاؤ بلکل نہیں پسند”
جواد نے گھورتے ہوئے کہا۔۔۔۔
زارا کا یک دم منہ اترا۔۔۔۔۔مسکراہٹ غائب ہوگئی۔۔۔۔
“آپ مزاق کر رہے ہیں نا؟” وہ اس کا رویہ اگنور کرنا چاہتی تھی۔۔۔۔
“نہیں۔۔۔” اس نے سنجیدگی سے نفی میں گردن ہلائی۔۔۔۔
“اچھا۔۔۔۔پھر آپ کو کیا پسند ہے۔۔۔۔؟ میں وہ بنا دوں گی۔۔۔”
زارا نے پھر محبت بھری نظروں سے اسے دیکھتے ہوئے کہا۔۔۔۔
“کچھ نہیں”
وہ کہ کر جانے ہی لگا تھا کہ زارا نے ہاتھ اڑا کر اسے جانے سے روکا۔۔۔۔
“آپ ناراض ہیں نا مجھ سے۔۔۔۔؟ “
زارا نے پوچھا۔۔۔۔
وہ اسے دیکھ کر رہ گیا۔۔۔۔
“پلیز مجھے معاف کردیں۔۔۔ایم سوری۔۔۔۔میں آئیندہ کبھی بھی آپ سے جھگڑا نہیں کروں گی۔۔۔۔”
زارا نے اپنے کانوں کو ہاتھ لگایا۔۔۔۔۔
جواد کو وہ اس وقت کسی معصوم بچی سے کم نہیں لگی تھی۔۔۔۔۔اس کا شفاف اور خوبصورت چہرہ اسے اپنی جانب کھینچنے کے لیے کافی تھا۔۔۔۔۔
“آپ کو پتا ہے جب سے آپ ناراض ہوکر گئے ہیں نا میرا دل نہیں لگ رہا تھا ۔۔۔۔میرا دل کیا بس آپ آجائیں اور میں آپ مناؤں پیار سے۔۔۔۔۔”
وہ اس کا ہاتھ تھام کر کہنے لگی۔۔۔۔
آنکھیں تیزی سے بھر آئیں۔۔۔۔
“اٹس اوکے۔۔۔۔” جواد نے پنا ہاتھ چھڑوانا چاہا کہ زارا کے ہاتھ پر نظر پڑی۔۔۔۔جو کافی جلا ہوا تھا۔۔
“زیادہ نہیں ہے۔۔۔چھوڑیں۔۔۔”
زارا نے اسے ہاتھ کو دیکھتے پایا تو دھیان بھٹکایا
وہ اس کی آنکھوں میں اترتی نمی دیکھنے لگا۔۔۔
پلاؤ کھائیں گے نا اب؟”زارا نے شرارت بھرے لہجے میں پوچھا
“ایک شرط پر۔۔۔”جواد اس کی بات پر مسکرایا۔۔۔۔۔
“وہ کیا؟” وہ پوچھنے لگی ۔۔۔
“تم دوبارا کھانا نہیں بناؤ گی”
جواد نے فکرمندی سے کہا۔۔۔
جو بھی تھا وہ اس سے ناراض نہیں رہ سکتا تھا۔۔۔۔۔
“ہمممم۔۔۔۔۔پھر میں آپ کو منانے کے لیے اچھی اچھی ڈشز کیسے بناؤں گی؟”
وہ ہنس کر پوچھنے لگی۔۔۔۔
“تم مجھے ناراض ہی مت کرنا”
جواد نے اسے دیکھا۔۔۔۔
“ڈن۔۔۔۔” وہ اس کے گلے لگی۔۔۔۔اور جواد سب ناراضگی بھول مسکرا اٹھا۔۔۔۔
❤️❤️❤️❤️❤️
“آج تو پلاؤ زارا بیٹی نے بنائی ہے۔۔۔۔۔”
حلیمہ بی نے کھانے لگاتے ہی کہا۔۔۔۔
“کیوں؟ تمہیں کیا ضرورت تھی بیٹا کچن میں جانے کی”
طاہرہ بیگم نے زارا کو ٹوکا۔۔۔۔
“ایسے ہی مام۔۔۔۔بس آج دل کیا تو بنا لی۔۔۔۔”
زارا مسکرائی۔۔۔۔
پھر پلیٹ میں پلاؤ ڈالی اور جواد کی طرف رکھ دی۔۔۔۔
جواد نے اسے مسکرا کر دیکھا۔۔۔۔۔
پھر چمچ اٹھا کر منہ میں ڈالی۔۔۔
اور یک دم وہ سن ہوا۔۔۔۔۔
“کیسی بنی ہے؟” زارا نے پوچھا۔۔۔۔
“بہت اچھی ہے۔۔۔۔۔” جواد مسکرایا۔۔۔۔۔
اور دوسری چمچ بھی منہ میں ڈالی۔۔۔۔
“آپ بھی لیں نا مام۔۔۔۔” زارا نے طاہرہ بیگم کی جانب دیکھا۔۔۔۔
“نہیں بیٹا میں چاول نہیں کھاتی۔۔۔۔میرا پرہیز ہے”
وہ جواب دے کھانا کھانے میں مصروف ہوگئی۔۔۔۔
“بھابھی مجھے ڈال کر دیں نا”
عماد نے زارا کو مخاطب کیا۔۔۔۔
“ہاں۔۔۔۔۔” زارا نے جلدی سے پلیٹ میں ڈالی اور عماد کی جانب بڑھائی۔۔۔۔
“نہیں۔۔۔۔۔عماد تم یہ نہیں کھاسکتے”
جواد نے فوراً ٹوکا۔۔۔۔
“کیوں بھائی؟”
وہ حیران ہوا۔۔۔
طاہرہ بیگم بھی رک کر اسے دیکھنے لگی۔۔۔۔
“کیوں؟ کیونکہ یہ میرے لیے بنی ہے۔۔۔۔اسے میں ہی کھاؤں گا”
جواد نے اترا کر کہا۔۔۔۔
“ٹھیک ہے بھائی۔۔۔مگر تھوڑی سی تو کھاسکتے ہیں نا۔۔۔”
عماد نے کہتے ہی منہ میں چمچ ڈالی۔۔۔۔
اور اس کے چہرے کے زاویے تیزی سے بدلے۔۔۔۔
عماد نے جواد کی جانب دیکھا۔۔۔۔
جو سر جھکائے اپنی پلیٹ کو دیکھ رہا تھا۔۔۔۔
“اچھی۔۔۔اچھی ہے بھابھی”
عماد نے مسکرا کر کہا۔۔۔۔
“زارا نے اپنے لیے پلیٹ میں نکال چاہا کہ جواد نے اس کا ہاتھ پکڑا۔۔۔۔
“تم روٹی کھاؤ”
جواد نے کہا
“کیوں؟” وہ چونکی۔۔۔۔
“میں نے کہا نا۔۔۔۔پلاؤ بس میں کھاؤں گا”
جواد نے فوراً کہا۔۔۔۔
“جواد اسٹاپ اٹ۔۔۔۔تم ایسے تو نہیں تھے۔۔۔جیسی حرکت کر رہے ہو آج”
طاہرہ بیگم نے ڈانٹ لگائی۔۔۔۔
“نہیں۔۔۔اٹس اوکے۔۔۔۔۔میں روٹی کھا لیتی ہوں۔۔۔۔”
زارا نے چپ چاپ سالن ڈال کھانا شروع کردیا۔۔۔۔۔
عماد جو ہنسی روکنے کی کوشش کر رہا تھا اٹھ کھڑا ہوا۔۔۔۔
“کیا ہوا بیٹھو نا عماد۔۔۔۔اور دوں؟” زارا نے پوچھا۔۔۔۔
“نہیں نہیں۔۔۔۔۔تھینک یو۔۔۔۔۔یہ بھائی کو ہی کھلائیں”
عماد نے مسکرا کر جواد کی جانب دیکھا۔۔۔۔جو چپ چاپ کھا رہا تھا۔۔۔۔
❤️❤️❤️❤️❤️
“آپ کو پلاؤ واقع اچھی لگی تھی؟”
زارا نے سینے پر ہاتھ باندھے اسے گہری نظروں سے دیکھا ۔۔۔۔
“ہاں۔۔” اس نے مختصر جواب دیا
اور موبائل میں گم ہوگیا
“آپ کو وہ زبردستی کھانے کی ضرورت نہیں تھی ۔۔۔”
زارا اس کے پاس بیٹھی۔۔۔۔
وہ اس کی بات سن نظر اٹھا کر اسے دیکھنےگا
“میں نے زبردستی نہیں کھایا۔۔۔خوشی سے کھایا ہے”
وہ مسکرا کر صفائی دینے لگا۔۔۔۔
“ایسا کھانا کوئی خوشی سے کیسے کھا سکتا ہے؟”
وہ سوالیا نظروں سے کہنے لگی ۔۔۔
“جو محبت کرتا ہے وہ زہر بھی کھا سکتا ہے”
وہ گہری نظروں سے کہنے لگا۔۔۔۔
“اتنی محبت مت کرو مجھ سے”
وہ سنجیدہ تھی۔۔۔۔
“میرا حق ہے۔۔۔۔تم پر تمہاری محبت پر۔۔۔اور۔۔۔اور اس محبت میں کسی کی شرکت میں برداشت نہیں کرسکتا”
وہ روہانسی ہوا۔۔۔
“مطلب۔۔۔؟” وہ حیران ہوئی۔۔۔۔
“میں چاہتا ہوں جتنی محبت میں تم سے کرتا ہوں۔۔۔تم بھی اتنی ہی محبت کرو۔۔۔۔”
وہ اس کے گرد بازوں پھیلاتا کہنے لگا۔۔۔
“میں آپ کو کیسے بتاؤں میں آپ کو اس سے بھی زیادہ محبت کرتی ہوں۔۔۔۔میرے دل پر میرے، دماغ پر ،میری ہر سانس پر بس آپ کا نام ہے”
وہ دل میں عہد کرتی اس کے سینے پر سر رکھ گئی۔۔۔۔
❤️❤️❤️❤️❤️
“ارے نہیں مسز فیصل۔۔۔بس شادی کی ہی سادگی میں تھی۔۔۔ورنہ آپ کو کیسے بھول سکتے ہیں”
طاہرہ بیگم نے کہا
اچھا۔۔۔بہو کہاں ہے آپ کی؟” دروازے پر کھڑی زارا سوال۔سنتے ہی اندر داخل ہوئی۔۔۔۔
“اسلام وعلیکم”
زارا نے سلام کیا۔۔۔۔
“وعلیکم السلام بہت خوبصورت بہو لائی ہو۔۔۔۔”
تعریف سن زارا مسکرائی۔۔۔
“بابا کیا کرتے ہیں بیٹا تمہارے؟”
ان میں ایک عورت سے سوال کیا۔۔۔۔
“جی۔۔۔۔وہ۔۔۔۔”
اس سے پہلے زارا کوئی جواب دیتی۔۔۔۔جواد اندر داخل ہوا۔۔۔۔
“اس سے کیا فرق پڑتا ہے آنٹی۔۔۔۔”
جواد نے فوراً کہا
“ایکسکیوز می۔۔۔۔” زارا اٹھ کر باہر نکل گئی۔۔۔۔
“بہت فرق پڑتا ہے بیٹا۔۔۔۔مڈل کلاس لڑکیوں کو کتنا بھی اپنے سانچے میں ڈھال لو۔۔۔۔ناکام رہو گے۔۔۔۔”
اس عورت نے جواب دیا۔۔۔۔۔
جواد کوئی جواب دیتا اس سے پے ہی طاہرہ بیگم نے اس کے بازو پر ہاتھ رکھ اسے روکا۔۔۔۔
❤️❤️❤️❤️❤️
“تمہیں کون سا کلر پسند ہے؟”
پیچھے کھڑے عماد نے سوال کیا۔۔۔۔
وہ جو ڈریس دیکھنے میں مصروف تھی۔۔۔اس کے سوال پر مڑ کر اسے دیکھا
“بلو۔۔۔۔۔” اس نے مسکرا کر کہا۔۔۔۔
اور دوبارہ اسٹینڈ سے ڈریس نکا نکال کر جائزہ لینے لگی۔۔۔۔
“مجھے لگا گرین ہوگا”
عماد نے فوراً کہا
“اور تمہیں ایسا کیوں لگا”
وہ مصروفیت سے بنا مڑے پوچھنے لگا۔۔۔
“کیونکہ جو کلر فل کارڈز تم مجھے بھیجتی تھی۔۔۔موسٹلی۔۔۔گرین ہوتے ہوتے تھے۔۔۔۔”
عماد کی بات سن اس کے ہاتھ تھم گئے۔۔۔۔
اس نے مڑ کر عماد کو دیکھا۔۔۔۔
جو اسے ہی دیکھ رہ تھا۔۔۔
❤️❤️❤️❤️❤️
“یہ حقیقت ہے جواد۔۔۔۔لوگ تو باتیں بناتے ہیں۔۔۔تم کب تک جھگڑو گے۔۔۔۔”
طاہرہ بیگم نے کہا۔۔۔۔
“تو بناتے رہیں مجھے فرق نہیں پڑتا۔۔۔۔”
جواد نے سنجیدگی سے کہا
“اگر تم زینی سے شادی کرتے تو شاید یہ سب سننے کو نہ ملتا”
طاہرہ بیگم نے روکھے انداز میں کہا۔۔۔
“مام۔۔۔یہ آپ کیسی باتیں کر رہی ہیں۔۔۔۔زارا کسی لحاظ سے زینی سے کم نہیں۔۔۔۔پیسہ ہی سب کچھ نہیں ہوتا”
جواد نے اکتا کر جواب دیا۔۔۔۔
“میں نے زارا کو پوائنٹ نہیں کیا۔۔۔وہ اچھی ہے۔۔۔اس میں کوئی ڈاؤٹ نہیں۔۔۔۔میں نے صرف جنریلی بات کی ہے۔۔۔۔”
طاہرہ بیگم نے اپنی صفائی دی۔۔۔۔
“مام۔۔۔۔جو بھی تھا۔۔۔آپ کو زینی اور زارا کو کمپیر کرنے کی ضرورت نہیں۔۔۔۔زارا میری پسند ہے۔۔۔میری محبت ہے۔۔۔۔کیا یہ کافی نہیں آپ کے لیے؟”
وہ افسردگی سے کہتا بنا ان کا جواب سنے باہر نکل گیا۔۔۔۔
❤️❤️❤️❤️❤️❤️
“میں اپنی مام کو بھیجوں تمہارے گھر؟”
عماد نے کافی کا مگ ہاتھ میں لیا۔۔۔
“اتنی جلدی کیا ہے؟”
زوہا نے پوچھا
“محبت بڑھنے کے ساتھ اب بے چینی بھی ہے۔۔۔۔بس میں چاہتا ہوں جلدی سے شادی ہوجائے بچے ہوجائیں۔۔۔اور ہم بوڑھے ہوجائیں۔۔۔۔”
عماد نے سادگی سے اپنا پلان بتایا۔۔۔۔
اس کی بات سن زوہا قہقہہ لگ کر ہنسی۔۔۔۔
اور ہنستی ہی چلی گئی۔۔۔۔
عماد اسے ہنستا دیکھ ایک خوشی محسوس کر رہا تھا جو اس نے پہلے کبھی نہیں کی تھی۔۔۔
وہ چاہتا تھا یہ وقت تھم جائے اور وہ اس منظر کو اپنی آنکھوں قید کرلے۔۔۔
❤️❤️❤️❤️❤️
“بھابھی۔۔۔۔بھابھی۔۔۔۔”
وہ جو بال سنوارنے میں مصروف تھی عماد کی آواز سن اس نے بیڈ پر رکھا اپنا دوپٹہ اٹھایا۔۔۔۔
“ارے بھابھی کب سے ڈھو نڈ رہا ہوں آپ کو۔۔۔۔”
وہ اندر داخل ہوا۔۔۔۔
“کیوں۔۔۔خیریت؟”
وہ حیرانی سے پوچھنے لگی۔۔۔۔
“یہ گفٹ لایا تھا آپ کے لیے”
وہ پیکٹ بیڈ پر رکھ گرنے کے انداز میں بیٹھا۔۔۔۔
“میرے لیے کیوں؟”
وہ پوچھنے لگی۔۔۔۔
“ارے وہ زوہا کو لے گیا تھا شاپنگ پر۔۔۔۔اور ایسا ہوسکتا ہے کہ وہ آپ کے لیے کچھ پسند نہ کرے۔۔۔۔یہ ڈریس اسی نے پسند کیا ہے۔۔۔۔”
عماد بیڈ پر لیٹ سائیڈ ٹیبل سے کتاب اٹھا کر دیکھنے لگا۔۔۔۔
“نہیں میں یہ نہیں لے سکتی”
زارا نے ڈریس کا جائزہ لیا۔۔۔۔
“لے لیں بھابھی ورنہ اس نے مجھے نہیں چھوڑنا۔۔۔۔”
عماد نے ہنس کر کہا۔۔۔۔
تبھی اس کے فون پر بپ سنائی دی۔۔۔۔
اس نے فون چیک کیا۔۔۔اور جھٹ اٹھ کھڑا ہوا۔۔۔
“اچھا بھابھی زوہا میرا ویٹ کر رہی ہے”
وہ کہتا کمرے سے باہر نکل گیا۔۔۔۔
❤️❤️❤️❤️❤️
“ڈریس کیسا لگا اسے؟”
زوہا نے پوچھا
“پتا نہیں دیکھا ہی کہاں انہوں نے”
عماد کے جواب پر وہ چونکی۔۔۔
“کیوں؟ ” زوہا نے فوراً پوچھا
“پتا نہیں۔۔لینے سے بھی منع کر رہی تھی۔۔۔۔میں زبردستی دے آیا”
عماد نے ڈرار سے بائک کی چابی نکالتے ہوئے کہا
“تم نے بتایا نہیں ہوگا نا کہ میں نے دیا ہے”
وہ ٹوکنے لگی۔۔۔
“اوہ۔۔۔پیسے تو میرے خرچ ہوئے تمہارا نام کیوں لوں گا میں؟”
وہ شرارت بھرے لہجے میں پوچھنے لگا۔۔۔۔
“لیا تو میں نے تھا نا۔۔۔۔تمہیں تو خیال بھی نہیں آیا تھا”
زوہا نے احساس دلوانا چاہا۔۔۔
“چلو کوئی بات نہیں۔۔۔تمہارا تو خیال کرتا ہوں نا”
عماد نے بائک میں چابی لگاتے ہوئے مسکرا کر کہا۔۔۔
“ہاں میرا تو کرتے ہو۔۔۔۔۔”
زوہا مسکرائی۔۔۔
تبھی اسے شور کی آواز آئی۔۔۔
“عماد تم باہر ہو۔۔۔؟” وہ پوچھنے لگی۔۔۔
“ہاں۔۔۔بائک پر”
اس نے جواب دیا
“تو بات کیوں کر رہے ہو۔۔۔۔؟ پاگل ہو۔۔۔۔؟ فری ہوکر بات کرتے ہیں اوکے۔۔۔”
زوہا نے ڈانتے ہوئے کہا۔۔۔۔
عماد زور سے ہنسا۔۔۔
“تم جب میری ایسے فکر کرتی ہو نا تو مجھے ایسا لگتا ہے جیسے میں تمہارے لیے بہت اہم ہوں۔۔۔۔اور یہ جو خوشی ہے نا۔۔۔۔۔ سب سے پیاری ہے”
عماد نے محبت بھرے لہجے میں کہا۔۔۔۔
زوہا کو ایسے لگا جیسے وہ اس کی باتوں میں کھو سی گئی ہو۔۔۔۔اس کا دل زور سے دھڑکا تھا۔۔۔
ہاں ساتھ رہتے رہتے شاید اسے وہ اچھا لگنے لگا تھا۔۔۔۔