Dar Novel By Irsa Rao

“لی لی….اٹھو بیٹا نو بج گئے۔۔۔۔۔”
روبینہ بیگم نے بکھرے کمرے کو دیکھتے ہی آواز لگائی۔۔۔۔
“امی آج دیر سے جانا ہے مجھے۔۔۔۔” اس نے نیند میں ڈوبی آواز میں کہا۔۔۔۔
“پھر تمہارے ابا چلے جائیں گے دفتر۔۔۔۔کیسے جاؤ گی یونیورسٹی”
انہوں نے فکر مندی سے پوچھا۔۔۔
“امی۔۔۔زوہا پک کرلے گی مجھے۔۔۔۔آپ فکر نہیں کریں۔۔۔۔”
وہ کروٹ بدلتے ہوئے کہنے لگی۔۔۔
“اچھا اٹھ کر ناشتہ تو کرلو۔۔۔۔”
انہوں نے صوفے پر پڑے کپڑے اٹھاتے ہوئے کہا۔۔۔جو وہ رات کو عادتاً پھینک کر سوئی تھی۔۔۔۔
اور ہمیشہ کی طرح وہ سب روبینہ بیگم ہی سمیٹ رہی تھی۔۔۔
“امی یار۔۔۔۔ساری نیند خراب کردیتی ہیں آپ۔۔۔۔سکون سے سونے بھی نہیں دیتی آپ۔۔۔۔”
وہ جھنجھلا کر اٹھی۔۔۔ اور کمبل پھینک پیر پٹختی واش روم کی جانب بڑھ گئی۔۔۔
❤️❤️❤️❤️❤️
“مام۔۔۔۔مام۔۔۔۔۔” وہ ڈریسنگ کی جانب دیکھ غصہ سے بھر اٹھا۔۔۔۔
پھر جلدی سے کمرے سے باہر نکلا۔۔۔۔
“مام۔۔۔۔۔” اس نے پھر پکارا۔۔۔
طاہرہ بیگم جو کچن میں ملازمہ کے ساتھ کھڑی اسے کھانے کی تیاری کے بارے میں سمجھا رہی تھی۔۔۔
اس کی آواز سن چونکی۔۔۔
“ایک تو یہ لڑکا مجھے پریشان کر کے رکھتا ہے”
وہ بڑبڑاتی باہر نکلی۔۔۔۔
“کیا ہوا عماد کیوں چلا رہے ہو صبح صبح۔۔۔۔۔۔؟”
انہوں نے باہر آتے ہی پوچھا۔۔۔
“میری ڈریسنگ پر چینل کا پرفیوم رکھا تھا مگر اب وہ وہاں نہیں ہے۔۔۔۔۔”
عماد نے سنجیدگی سے کہا۔۔۔
“پرفیوم۔۔۔۔۔ہاں۔۔ہاں وہ صفیہ بی سے ٹوٹ گیا تھا کل۔۔۔۔۔”
انہوں نے یاد آتے ہی بتایا۔۔۔۔
“ٹوٹ گیا۔۔۔واٹ نانسینس۔۔۔۔۔صفیہ بی۔۔۔صفیہ بی۔۔۔۔”
وہ چلانے لگا۔۔۔
اور کا پارہ اور ہائی ہوگیا تھا۔۔۔
“عماد۔۔۔۔وہ صرف ایک پرفیوم تھا۔۔۔۔زیادہ ڈرامہ کرئیٹ کرنے کی ضرورت نہیں ہے۔۔۔”
انہوں نے سمجھاتے ہو کہا۔۔۔۔
کیوں کہ وہ سمجھ چکی تھی کہ اب وہ صفیہ بی سے بدتمیزی کرے گا۔۔۔
“جی چھوٹے صاحب۔۔۔۔” صفیہ بی فوراً بھاگی ہوئی آئی
“آپ نے میرا پرفیوم توڑ دیا اور بتانا تک گوارا نہیں کیا۔۔پتا بھی ہے کتنا مہنگا پرفیوم تھا وہ۔۔۔۔۔”
عماد نے تلخ لہجے میں کہا۔۔۔
صفیہ بی سر جھکائے کھڑی تھی۔۔۔
“عماد۔۔۔۔انہوں نے اسی وقت مجھے بتا دیا تھا۔۔۔اور غلطی کسی سے بھی ہوسکتی ہے”
طاہرہ بیگم نے عماد کو تلخ لہجے میں ٹوکا۔۔۔۔
“وہ باہر کا پرفیوم تھا مام۔۔۔بھائی نے مجھے لاکر دیا تھا”
عماد کے سرخ چہرے پر غصہ ابھی بھی تھا۔۔۔
“تو میں ہی دوبارا بھی لا کر دوں گا اپنے بھائی کو”
پیچھے سے آتی آواز پر وہ لوگ پلٹے۔۔۔
وہ بلیک تھری پیس میں بالوں کو ترتیب سے بنائے۔۔۔۔۔۔ہاتھ میں چمکتی گھڑی پہنے۔۔۔ایک ادا سے چلتا آرہا تھا۔۔۔
چہرے پر چشمے کے ساتھ بلا کی معصومیت تھی۔۔۔
“جواد بیٹا۔۔۔۔۔تم کب آئے؟” طاہرہ بیگم نے آگے بڑھ کر گلے سے لگایا۔۔۔۔
“ابھی جب آپ میرے چھوٹے بھائی کو ڈانٹ رہی تھی۔۔۔۔”
عماد سے ملتے ہوئے اس نے محبت بھری نظروں سے اسے دیکھا۔۔۔
“تمہارے لاڈ پیار نے ہی اسے بگاڑا ہے۔۔۔۔ایک پرفیوم کے ٹوٹنے پر صفیہ بی سے بدتمیزی کر رہا ہے”
وہ ابھی بھی غصہ میں تھی۔۔۔
“بھائی وہ میرا فیورٹ پرفیوم تھا”
وہ شرمندہ ہوا۔۔۔
“میں ہر وہ چیز تمہارے ودموں میں لا کر رکھ دیتا جو تمہیں پسند ہے۔۔۔ایک بار بتاتے تو صحیح۔۔۔۔مگر تم نے صفیہ بی بدتمیزی کر کے ٹھیک نہیں کیا۔۔۔۔معافی مانگو ان سے۔۔۔۔”
اس کی آنکھوں میں اور لہجے میں جتنی محبت تھی اتنی سنجیدگی تھی۔۔۔۔
عماد نے اثبات میں سر ہلایا۔۔۔۔
❤️❤️❤️❤️❤️
“تو مجھے بتائے گی اتنا موڈ خراب کیوں ہے تیرا۔۔۔۔؟”
زوہا نے ڈرائیونگ کرتے ہوئے برابر بیٹھی زارا کی جانب دیکھا۔۔۔
“یار میں اپنا رہن سہن دیکھتی ہوں۔۔۔گھر دیکھتی ہوں سوچتی ہوں وہ مجھ جیسی غریب لڑکی سے بات تک ہی نہیں کرے گا۔۔۔۔محبت بہت دور کی بات ہے”
زارا نے افسردگی سے کہا۔۔۔
“کیوں تجھ میں کیا کمی ہے۔۔۔۔اتنی خوبصورت تو ہے۔۔۔۔”
زوہا نے خوش دلی سے تعریف کی۔۔۔
“تم لوگوں کی طرح پیسہ اور اسٹیٹس نہیں ہے۔۔۔میرے ابا ایک فیکٹری میں ملازم ہیں۔۔۔۔۔کوئی بھلا مجھ جیسی مڈل کلاس لڑکی سے کیوں محبت کرے گا”
وہ دکھ بھرے لہجے میں کہنے لگی۔۔۔
“ہر چیز پیسہ اور اسٹیٹس ہی نہیں ہوتی۔۔۔۔محبت یہ سب نہیں دیکھتی۔۔۔۔اور فضول کی باتیں مت کیا کر تو۔۔۔۔۔”
زوہا نے اکتاہٹ بھرے لہجے میں کہا۔۔۔
پھر اپنے پرس سے ایک رنگین کارڈ نکالا۔۔۔
“یہ کیا ہے؟” وہ حیران ہوئی۔۔۔
“اس میں تو اپنے دل کی بات لکھ اور اسے دے کر آ۔۔۔۔”
زوہا نے پین اور کارڈ اس کی جانب بڑھایا۔۔۔
“کیا؟ پاگل ہوگئی ہے۔۔۔۔وہ میرے منہ پر مارے گا۔۔۔۔کتنی لڑکیاں مرتی ہوں گی اس پر”
زارا بوکھلائی۔۔۔
“لیکن وہ تجھ پر مرے گا۔۔۔۔گارنٹی ہے۔۔۔۔بس تو وہی کر جو میں کہ رہی ہوں۔۔۔۔”
زوہا نے اسے کارڈ زبردستی تھمایا۔۔۔
زارا نے کارڈ تو پکڑتے ہوئے بیچارگی سے اسے دیکھا۔۔۔
❤️❤️❤️❤️❤️
“صفیہ بی۔۔۔۔”وہ چائے کی ٹرے ٹیبل پر رکھ کر جانے ہی لگی تھی کہ جواد نے پکارا۔۔۔۔
“جی صاحب۔۔۔” وہ رکی۔۔۔
“کتنی بار کہا ہے صفیہ بی۔۔۔جواد کہا کریں۔۔۔آپ ملازمہ نہیں ہیں ہمارے گھر کا حصہ ہیں۔۔۔۔”
جواد نے مسکرا کر انہیں دیکھا۔۔۔
“یہ تو آپ کا پیار ہے بیٹا”
وہ ادب سے کہنے لگی۔۔۔
جواد نے پاس بیٹھے عماد کی جانب دیکھا۔۔۔
“صفیہ بی ایم سوری۔۔۔مجھے آپ سے بدتمیزی نہیں کرنی چاہیے تھی۔۔۔۔مگر آپ تو جانتی ہیں نا۔۔۔مجھے غصہ میں کچھ بھی یاد نہیں رہتا۔۔۔۔پلیز معاف کردیں۔۔۔”
عماد اٹھ کر ان کے پاس گیا۔۔۔۔
“نہیں نہیں بیٹا مجھے برا نہیں لگا۔۔۔میری غلطی تھی۔۔۔۔”
وہ شرمندہ ہوئی۔۔۔
“پھر بھی صفیہ بی اسے بدتمیزی کرنے کا حق نہیں وہ بھی آپ سے۔۔۔۔یہ چھوٹا ہے نا کچھ بھی بول دیتا ہے آپ دل پر مت لیجیئے گا۔۔۔”
طاہرہ بیگم نے صفیہ بی جانب دیکھتے ہوئے کہا۔۔۔
“نہیں بیگم صاحبہ جتنی عزت مجھے اس گھر نے دی ہے شاید ہی کوئی دیتا۔۔۔۔یہ میرے ہاتھوں میں بڑا ہوا ہے۔۔۔میں برا کیوں مانوں گی۔۔۔۔اللہ خوش رکھے آپ لوگوں کو۔۔۔”
وہ دعائیں دیتی وہاں سے چلی گئی۔۔۔
“دیکھا تم نے کتنی دعائیں دی انہوں نے ہمیں۔۔۔ہم بچپن سے انہیں دیکھتے آرہے ہیں۔۔۔بابا بھی بہت عزت کرتے تھے ان کی۔۔۔ہمیں بھی کرنی چاہیے نا۔۔۔۔”
جواد نے پیار سے عماد کے کاندھوں پر ہاتھ پھیلایا۔۔۔۔
“جی بھائی۔۔۔۔”
عماد مسکرایا۔۔۔۔پھر بیگ کاندھے پر ڈالتا اٹھ کھڑا ہوا۔۔۔
“میں چلتا ہوں بھائی یونیورسٹی کے لیے دیر ہورہی ہے۔۔۔۔شام میں ملتے ہیں۔۔۔”
وہ ہاتھ میں بندھی گھڑی کو دیکھتے ہوئے کہنے لگا۔۔۔
اور باہر کی جانب بڑھ گیا۔۔۔
❤️❤️❤️❤️❤️
“اب یہ کارڈ تو نے خود جا کر اسے دینا ہے۔۔۔۔”
زوہا نے گاڑی سے اترتے ہوئے کہا۔۔۔
“زوہا میں نہیں دے سکتی پلیز۔۔۔۔”
زارا کو بہت عجیب لگ رہا تھا۔۔۔
“یار کچھ نہیں ہوتا۔۔۔۔تو چل۔۔۔۔” وہ اس کا ہاتھ پکڑتے اسے کھینچتے ہوئے یونیورسٹی کے اندر لے گئی۔۔۔
“اللہ کرے وہ آج یونیورسٹی آیا ہی نا ہو۔۔۔۔”
زارا نے گھبراتے ہوئے دعا کی۔۔۔۔
“لیکن وہ تو آگیا۔۔۔سامنے دیکھ”
زوہا نے اشارہ کیا۔۔۔۔
وہ بلیک جینس پر وائٹ ٹی شرٹ۔۔۔لیدھر کی جیکٹ کے ساتھ وائٹ جوگرز اٹھاتا اپنی ہی دھن میں آرہا تھا۔۔۔۔
“موقع اچھا ہے اکیلا ہے۔۔۔۔دے کر آ۔۔۔جلدی۔۔۔۔”
زوہا نے سمجھاتے ہوئے کہا۔۔۔
“مجھے نہیں جانا زوہا۔۔۔۔یہ صحیح نہیں ہے۔۔۔۔”
وہ گھبرانے لگی۔۔۔۔
“جا۔۔۔۔۔” زوہا نے اسے دھکا دیا۔۔۔۔
“ایک منٹ یہ پہن لے۔۔۔۔۔” زوہا نے اپنے بیگ سے ایک بلیک ماسک نکالا اور اس کی جانب بڑھا دیا۔۔۔۔جس پر بہت ہی خوبصورتی سے Z لکھا تھا۔۔۔
زوہا کے پاس تو جانے ایسے کتنے ماسک تھے۔۔۔۔
یہ بات زارا بھی جانتی تھی کہ اس پر پردے کو لے کر کوئی روک ٹوک نہیں۔۔۔
مگر بھی زوہا صاحبہ نے ماسک کو فیشن بنایا ہوا تھا۔۔۔وہ جس کلر کا ڈریس پہنتی اسی کلر کا ماسک لگاتی۔۔۔۔
زارا نے اپنی گھبراہٹ کو دیکھتے ہوئے فوراً ماسک پہنا۔۔۔۔
اور آگے بڑھ گئی۔۔۔
وہ چلتا ہوا اس کے قریب ہی آرہا
اس کی دل کی دھڑکن مزید بڑھ گئی تھی۔۔۔
“میں کلاس میں ویٹ کر رہی ہوں تمہارا۔۔۔۔۔”
زوہا اواز لگا کر کہا۔۔۔۔مڑ کر کلاس کی جانب بڑھ گئی۔۔۔۔
❤️❤️❤️❤️❤️
“ابھی تم لاہور سے آئے ہو۔۔۔۔۔اور اب فیکٹری جانے کی بات کر رہے ہو۔۔۔۔آرام کرلو تھوڑا”
طاہرہ بیگم نے اسےسمجھانا چاہا۔۔۔
وہ ان کی بات پر مسکرایا۔۔۔
“مام۔۔۔ارجنٹ ہے۔۔۔ورنہ نہیں جاتا۔۔۔۔”
اس نےگلے ملتے ہوئے ان کی پیشانی پر پیار کیا۔۔۔
وہ جانتا تھا اس کی ماں کو اس کی کتنی فکر رہی ہے۔۔۔۔
“ساری زمہ داری سپنے کاندھوں پر ڈالی ہوئی ہے۔۔۔۔کچھ عماد جو بھی سمجھایا کرو۔۔۔اب وہ بچہ نہیں رہا۔۔۔۔خیر سے انجینئرنگ کا لاسٹ ایئر چل رہا ہے اس کا”
انہوں نے سنجیدگی سے کہا۔۔۔۔
وہ چاہتی تھی اب جواد کی زمہ داریاں بھی بٹ جائیں۔۔۔تا کہ تھوڑا اسے آرام اور سکون کرنے کا وقت مل جائے۔۔۔
“پڑھائی تو پوری کرلے مام۔۔۔پھر اسے کام ہی کرنا ہے۔۔۔ابھی وہ چھوٹا بھی ہے۔۔۔۔”
جواد نے مظلوم سا منہ بنایا۔۔۔
“کوئی بچہ نہیں ہے۔۔۔۔تم نے بگاڑا ہوا ہے بس اسے۔۔۔۔میں تمہاری شادی کے بارے میں سوچ رہی ہوں اور تمہارے پاس وقت ہی نہیں۔۔۔۔”
انہوں نے خفگی سے کہا۔۔۔
“مام کرلوں گا شادی کیا جلدی ہے۔۔۔۔”
وہ کوٹ پہنتے ہوئے کہنے لگا۔۔۔
“اپنی عمر دیکھی ہے تیس سے اوپر ہوگئی ہے۔۔۔۔یہی عمر ہے شادی کی بس۔۔۔۔کوئی پسند ہے تو بتا دو۔۔۔۔ورنہ میں دیکھتی ہوں۔۔۔”
انہوں نے فیصلہ سنایا۔۔۔۔
“کوئی پسند آئے گی تو بتا دوں گا۔۔۔۔۔آپ فکر نہیں کریں۔۔۔۔”
وہ ہنس کر کہتا باہر کی جانب بڑھ گیا۔۔۔۔
❤️❤️❤️❤️❤️
“ایکسکیوز می” وہ برابر سے گزرنے ہی لگا تھا کہ آواز پر رکا۔۔۔
“یس۔۔۔۔” اس نے دیکھا سامنے ایک لڑکی ماسک پہنے کھڑی تھی۔۔۔۔جس پر نفاست سے Z لکھا تھا۔۔۔۔
وہ بڑی بڑی آنکھیں پھاڑے اسے ہی دیکھ رہی تھی۔۔۔
کھلے بال فضا میں لہرا رہے تھے۔۔۔۔
“وہ۔۔۔وہ۔۔مجھے آپ۔۔۔آپ سے کچھ بات کرنی تھی۔۔۔۔”
اس نے گھبراتے ہوئے کہا۔۔۔۔
اس کے ہاتھ پاؤں کانپ رہے تھے مانو ان سے جان نکلنے والی ہے۔۔۔۔
“شور۔۔۔کہیں۔۔۔کیا بات کرنی ہے”
وہ پرسکون ہوا۔۔۔۔
“وہ۔۔۔میں۔۔۔یہ پڑھ لیجیئے گا۔۔۔۔”
جب کچھ بولنے کی ہمت نہیں ہوئی تو اس نے جلدی سے اس کی جانب کارڈ بڑھایا۔۔۔۔
عماد نے خاموشی سے کارڈ تھام لیا۔۔۔۔وہ اس کے لہجے اور حرکت سے بہت حیران تھا۔۔۔۔
کارڈ دیتے ہی وہ ایسے بھاگی کہ مڑ کر بھی نہیں دیکھا۔۔۔۔
❤️❤️❤️❤️❤️
“میں ایک سال سے آپ کو دیکھتی، آپ کو سوچتی ہوں۔۔۔مجھے نہیں پتا مجھے آپ میں ایسا کیا نظر آیا۔۔۔۔مگر مجھے جب آپ نظر آتے ہیں تو کچھ نظر نہیں آتا۔۔۔۔نام نہیں لکھوں گی۔۔۔کیوں کہ میں بدنامی سے ڈرتی ہوں۔۔۔۔صرف اپنی نہیں آپ کی بھی۔۔۔۔”
وہ کارڈ ہاتھ میں لیے بیٹھا تھا۔۔۔۔
“دکھنے میں کیسی تھی۔۔۔؟”
ذیشان نے پوچھا۔۔۔
“کون تھی وہ؟”
ہادی نے پوچھا۔۔۔۔
“یار مجھے کیا پتا۔۔۔میں نے خود پہلی بار دیکھا تھا”
عماد نے ان کے سوالوں سے تنگ آکر کہا
“اپنی کلاس کی تھی۔۔۔۔؟” فخر نے یک دم تجسس سے پوچھا۔۔۔
اور تینوں نے بیک وقت اسے اس کے سوال پر گھورا۔۔۔۔
“یار میں بس پوچھ رہا ہوں”
وہ انہیں گھورتا دیکھ صفائی دینے لگا۔۔۔۔
“اس کا نام فخر ہے مگر مجال اگر کبھی کسی نے اس پر فخر کیا ہو۔۔۔۔۔”
ہادی نے فوراً ہنس کر کہا۔۔۔
“ایسا بھی اب کیا پوچھ لیا میں نے؟”
وہ خفا ہوا۔۔۔
“ابے سالے وہ کہ رہا ہے پہلی بار دیکھا ہے۔۔۔تو اپنی کلاس کی کیسے ہوسکتی ہے۔۔۔۔ظاہر سی بات ہے کسی اور ڈیپارٹ کی ہوگی۔۔۔۔”
ذیشان نے تفصیل سے سمجھایا۔۔۔
“اوہ ہاں۔۔۔۔ویسے دکھنے میں کیسی تھی؟”
بات سمجھ آتے ہی اس نے دوسرا سوال کیا۔۔۔
“پتا نہیں ماسک پہنا تھا اس نے”
عماد نے کنفیوژن بھرے لہجے میں جواب دیا۔۔۔
“چل چھوڑ۔۔۔۔یار۔۔۔۔”
ہادی نے کہا۔۔۔
“ایسے کیسے۔۔۔۔بچیاں چھوڑی تھوڑی نا جاتی ہیں۔۔۔۔کیوں عماد؟”
ذیشان نے ہنس کر کہا۔۔اور تالی کے لیے ہاتھ بڑھایا ہی تھا کہ عماد اگنور کرتا اٹھ کھڑا ہوا۔۔۔۔۔
“میں جارہا ہوں کلاس میں تم لوگوں کو چلنا ہے تو چلو۔۔۔۔”
وہ بیگ کاندھے پر لٹکاتا کہنے لگا اور وہ لوگ بھی اس کے پیچھے اٹھ کھڑے ہوئے۔۔۔
❤️❤️❤️❤️❤️
“کیا ہوا؟”
زوہا نے اس کی گھبراہٹ دیکھ پوچھا۔۔۔۔
“آئی ول کل یو؟” وہ بک اٹھا کر زوہا کی جانب بھاگی۔۔۔۔
زوہا پھرتی کھا کر بھاگی۔۔۔۔
“ہوا کیا ہے۔۔۔۔بتائے گی۔۔۔”
زوہا ڈائس کے گرد چکر لگا رہی تھی۔۔۔۔
“پتا نہیں وہ کیا سوچ رہا ہوگا۔۔۔اس نے کسی کو بتا دیا تو میرا کیا ہوگا؟”
وہ پریشانی میں سیٹ پر آ بیٹھی۔۔۔
“ارے کچھ نہیں ہوتا میں ہوں ںا”
زوہا بھی اس کے قریب آبیٹھی۔۔۔
“تیری باتوں میں آکر میں نے وہ کارڈ لکھا۔۔۔۔یہ میں نے کیا کردیا۔۔۔ابا کو پتا لگا مجھے مار دیں گے۔۔۔۔”
وہ سچ میں پریشان تھی چہرے مانوں لٹھے کی مانند سفید پڑ چکا تھا۔۔۔۔
“ابا کو کون بتائے گا۔۔۔۔دیکھ نا تونے کارڈ پر اپنا نام لکھا۔۔۔نا اس نے تجھے دیکھا۔۔۔۔تو کیسے پتا لگے گا کون ہے تو”
زوہا نے سمجھاتے ہوئے کہا۔۔۔
بات سمجھ آنے پر زارا کی پریشانی ختم تو نہیں ہوئی ہاں مگر کمی آگئی تھی۔۔۔
کہ شکر ہے اس نے ماسک لگا لیا تھا۔۔۔۔
❤️❤️❤️❤️❤️
“مشینیں رکنی نہیں چاہیے۔۔۔۔یہ آڈر ہمیں تین دن میں پورا کرنا ہے۔۔۔۔”
جواد ساتھ چلتے رفیق صاحب کو حکم دے رہے تھے۔۔۔۔
وہ فائل ہاتھ میں لیے ان کے ساتھ ساتھ چل رہے تھے بلکے ان کے ہر حکم کو ذہن نشین بھی کر رہے تھے۔۔۔
کیونکہ وہ جانتے تھے۔۔۔۔عبدل جواد غنی جتنا خوش اخلاق اور نیک انسان تھا۔۔۔۔اصولوں کا اتنا ہی پکا تھا۔۔۔۔
اس کے غصے سے وہ اچھی طرح واقف تھے۔۔۔۔
اسے اپنے کام میں زرا سی بھی لاپرواہی پسند نہیں تھی۔۔۔
“ورکرز کو کہیں اوور ٹائم کریں۔۔۔لیکن آڈر وقت پر مکمل ہونا چاہیے۔۔۔سمجھ رہے ہیں نا؟۔”
جواد نے بات مکمل کرتے ہی مڑ کر انہیں دیکھا۔۔۔۔
“یس سر۔۔۔۔۔” انہوں نے ادبا کہا۔۔۔۔
“رفیق سر وہ لوم مشین مسئلہ کر رہی ہے۔۔۔۔”
جواد صاحب کے جاتے ہی سپروائیزر نے آکر رفیق صاحب کو بتایا۔۔۔۔
“صاحب تو گھر گئے ہیں۔۔۔۔چلو ٹھیک ہے میں انہیں بتا دیتا ہوں۔۔۔۔تم الیکٹریشن ڈپارٹمنٹ کو انفارم کردو۔۔۔۔پتا تو چلے مسئلہ کیا ہے”
رفیق صاحب کہتے آگے بڑھ گئے۔۔۔۔
❤️❤️❤️❤️❤️
“امی آج ابا لینے نہیں آئے مجھے۔۔۔۔؟”
زارا نے بیگ صوفے پر رکھا اور ٹیک لگا کر بیٹھ گئی۔۔۔۔
“ہاں وہ فون آیا تھا ان کا فیکٹری میں کام زیادہ ہے آج کل تو دیر ہوجائے گی انہیں۔۔۔۔”
روبینہ بیگم نے اس کا بیگ اٹھاتے ہوئے کہا۔۔۔۔
“ابا بھی بیچارے پھنس گئے۔۔۔۔اتنا کام کرتے ہیں۔۔۔۔بس ایک بار میری جاب لگ جائے پھر دیکھنا آپ امی۔۔۔۔ابا کا بیٹا بن کر دکھاؤں گی میں۔۔۔۔”
وہ فخریہ انداز میں کہنے لگی۔۔۔۔
“پہلے بیٹی تو بن جاؤ۔۔۔۔سارا گھربکھیر کر رکھتی ہو تم۔۔۔۔میں اکی کرنے والی۔۔۔۔تھوڑا گھر کے کاموں میں بھی حصہ لیا کرو۔۔۔۔کل کو شادی بھی ہونی ہے تمہاری۔۔۔۔”
ہمیشہ کی طرح ان کی سوئی وہیں اٹکی تھی
“اف امی آپ روز ایک ہی بات کر کر کے بور نہیں ہوتی۔۔۔۔؟”
زارا شرارتی انداز میں کہا۔۔۔۔
“ہاں تمہیں تو فضول ہی لگیں گی میری بات۔۔۔۔”
انہوں نے چڑ کر جواب دیا۔۔۔۔
“اچھا چھوڑیں کھانے میں کیا بنا ہے۔۔۔۔بہت بھوک لگ رہی ہے مجھے۔۔۔۔”
وہ کہتی کچن کی جانب بڑھ گئی۔۔۔