Khamoshiyaan by Sidra Sheikh Season 2 readelle50015 Episode 19

آج بہت سالوں کے بعد جہانگیر عالم نے اپنے والد کے اِس عالیشان مینشن میں قدم رکھا تھا۔۔۔
۔
“ٹوٹی ہوئی جیسے دیواریں۔۔۔۔رو کے کسی کو پُکارے۔۔۔۔
ہم بھی تو پتا پتا ٹوٹے ویسے ہی۔۔۔۔۔ظالم ہواؤں سے ہارے۔۔۔۔۔۔”
۔
اندر سے بہت ہنسی خوشی کی آوازیں آرہی تھی جیسے کوئی فنگشن چل رہا ہو۔۔۔جہانگیر صاحب نے اپنا چہرہ صاف کر لیا تھا۔۔۔۔
اور تیز طوفان کی طرح اندر داخل ہوئے تھے۔۔۔۔
آج انہیں صغیر عالم کا سامنا کرنا تھا۔۔۔جو بہت بڑی وجہ تھے انکی بیٹی کے اورفینیج میں زندگی گزارنے کے۔۔۔۔۔
۔
“جہان۔۔۔۔”
“اسلام وعلیکم ماں۔۔۔۔”
جہانگیر صاحب اپنی ماں کے گلے لگے تھے جو رو رہی۔۔۔۔
“بھائی صاحب۔۔۔۔آپ آ گئے۔۔۔مجھے یقین تھا آپ آئیں گے۔۔۔ لیجیئے منہ میٹھا کیجیئے۔۔۔ہم نے صالحہ کی بات پکی کر دی ہے۔۔۔”
جہانگیر کے چھوٹے بھائی نے مٹھائی کی پلیٹ آگے بڑھائی تھی۔۔۔سب کے چہروں پر بہت خوشی آگئی تھی۔۔۔۔
“جہان میرے بچے۔۔۔تم آگئے۔۔”
صغیر عالم آگے بڑھے تھے اپنے بڑے بیٹے کو گلے لگانے کے لیے۔۔۔۔
“وہیں رک جائیے ڈیڈ۔۔۔آپ کو خوشی ہوئی مجھے دیکھ کر۔۔۔۔اور مجھے نفرت ہو رہی ہے آپ کو دیکھ کر۔۔۔۔”
سب اپنی اپنی جگہ کھڑے ہوگئے تھے۔۔۔۔
“جہان یہ تم اپنے ڈیڈ سے کیسے بات کر رہے ہو۔۔۔”
“ماں۔۔۔جس انسان کے لیے جس انسان کی خوشی کے لیے میں نے اپنی محبت کو ٹھکرادیا۔۔۔اپنی بیوی کو طلاق دے دی۔۔۔اپنے بچے کو اپنانے سے انکار کر دیا۔۔۔۔ صرف انکی خوشی کے لیے۔۔۔پوچھئے اِن سے کیوں میرے جانے کے بعد اس لڑکی کو نہیں بخشا انہوں نے۔۔۔۔پوچھئے اپنے شوہر سے۔۔۔۔”
جہانگیر عالم کی آنکھوں میں آنسو دیکھ کر جہانگیر صاحب کے تینوں بھائیوں کے ساتھ ساتھ انکے بچے اور انکی بیویاں بھی شوکڈ ہوگئی تھیں۔۔۔
۔
“جہانگیر میں نے ایسا کچھ نہیں کیا۔۔۔۔”
صغیر عالم کا ہاتھ جھٹک دیا تھا جہانگیر صاحب نے۔۔۔۔۔
“جھوٹ ڈیڈ۔۔۔۔اور جھوٹ۔۔۔۔آپ نے اس مجبور بے سہارا میری سابقہ بیوی کو نا صرف اسکے کرائے کے گھر سے نکلوا دیا۔۔۔اور اسکی نوکری بھی چھین لی۔۔۔۔۔”
جہانگیر کی آواز بہت اونچی ہوگئی تھی۔۔۔سب ڈر گئے تھے۔۔۔۔ صغیر عالم بھی۔۔۔۔
“بھائی صاحب آپ بیٹھ جائیں ہم۔۔۔۔”
“تم تو دور رہو مجھ سے۔۔۔۔ میں نے ایک درخواست کی تھی تم سے۔۔۔۔
لاکھوں روپے تمہیں بھجوائے تھے تاکہ تم آنئیشا کو دے دیا کرو۔۔۔۔تم نے کیا کیا۔۔۔۔؟؟؟؟”
اپنے چھوٹے بھائی کو خود سے پیچھے کردیا۔۔۔دھکا دے دیا تھا انکو۔۔۔۔
“جہان میرے بچے دیکھو سب بچے سن رہے ہیں ابھی۔۔۔۔”
“ہاں سب بچے۔۔۔آپ کے تینوں بیٹوں کے بچے۔۔۔۔پر میرا کیا ماں۔۔۔؟؟؟”
انکی آنکھیں پھر سے بھر آئی تھی۔۔۔۔
اور سب کی آنکھیں بھیگ گئیں تھیں جہانگیر کی آواز میں اتنا درد تھا
“آپ لوگوں کے خواب پورے کرتے کرتے میرے خواب چکنا چور ہوگئے میرے ہاتھوں سے۔۔۔۔
میری بیوی میری بچی۔۔۔۔آپ جانتی ہیں اِن کو پتا تھا وہ میری بیٹی ہے میرا خون ہے۔۔۔انہوں نے پھر بھی ان دونوں کو اس گھر سے نکلوا دیا۔۔۔
اور یہ میرا چھوٹا بھائی جس پر خود سے زیادہ یقین کیا۔۔۔یہ لالچی نکلا۔۔۔۔جو پیسے میری بچی کی زندگی سنوار سکتے تھے۔۔۔یہ اپنی اولاد کو کھلاتا رہا۔۔۔۔۔”
جہانگیر صاحب کے لہجے میں اتنی حقارت تھی کی انکے چھوٹے بھائی نے شرمندگی سے اپنا سر جھکا لیا تھا۔۔۔۔”
“سرمد یہ بات سچ ہے۔۔۔۔”
انکی ماں نے آگے بڑھ کر اپنے چھوٹے بیٹے سے پوچھا تھا۔۔۔۔
“وہ۔۔۔ماں۔۔۔۔ڈیڈ نے منع کردیا تھا وہ سمجھتے تھے وہ بچی ناجائز۔۔۔۔”
انکی ماں نے ایک زور دار تھپڑ مار دیا تھا اپنے چھوٹے بیٹے کو۔۔۔۔
“تیری ہمت کیسے ہوئی میری بیٹی کو یہ کہنے کی۔۔۔۔ میری جائز اولاد ہے وہ۔۔۔۔ سنا تو نے۔۔۔۔۔۔
اور آپ صغیر عالم۔۔۔۔ اب سکون ہے۔۔۔ دیکھیں آپ کے بڑے بیٹے کی اولاد کو سب ناجائز کہہ رہے۔۔۔شرم ہے تھوڑی سی۔۔۔۔؟؟ یا مر گئی ہے۔۔۔؟؟”
“وہ روتے ہوئے بیٹھ گئے تھے جب انکے دل میں درد شروع ہوگیا تھا۔۔۔
“جہان۔۔۔۔”
“جہانگیر۔۔۔۔۔”
“بھائی صاحب۔۔۔۔”
سب انکی طرف جھکے تھے پریشانی سے۔۔۔پر صغیر عالم ابھی بھی وہیں کھڑے تھے۔۔۔۔
“ٹھیک ہوں پیچھے ہوجائیے آپ سب نفرت ہو رہی مجھے آپ سب سے۔۔۔
ماں۔۔۔آپ اور آپ کے شوہر ہمیشہ کہتے رہے شادی کر لو میرے بچے دیکھنے کو ترس رہے ہیں آپ لوگ۔۔۔۔پر آپ کے شوہر کو پتا تھا میری پانچ سال کی بیٹی ہے۔۔۔۔
انہوں نے اس بچی کو اسکی ماں کے ساتھ اس گھر سے نکلوا دیا۔۔۔”
بات کرتے کرتے پھر رک گئے تھے وہ انہیں پھر سے درد ہورہا تھا۔۔۔
“جہان بس کمرے میں چلو۔۔۔۔”
“نہیں ماں۔۔۔آپ جانتی ہیں۔۔۔میری بیٹی نے 17 سال اس اورفینیج میں گزارے۔۔۔۔
آپ جانتی ہیں جب لندن میں مجھے ایمرجنسی آپریشن کا کہا گیا۔۔۔تو سامنے خون میں لت پت میری بیٹی تھی۔۔۔اور میں۔۔۔میں اسے نہیں پہچان پایا۔۔۔۔۔
میں نے جسے آڈؤپٹ کیا وہ میری بیٹی نکلی۔۔۔۔۔ میری بد نصیب بیٹی۔۔۔
سرمد تجھے میں کبھی معاف نہیں کروں گا۔۔۔تم لوگوں کے بچے یہاں عیش عشرت میں پلے بڑے ہوئے۔۔۔ اور وہ میری بیٹی۔۔۔
ماں دنیا کی امیری نے۔۔۔ظالموں کے ظلموں نے نوچ کھایا میری بچی کو۔۔۔۔”
ماں جیسے ہی پاس بیٹھی تھی اپنے بیٹے کے بیٹے سے برداشت نہیں ہوا اور روتے ہوئے ماں کے گلے لگ گئے تھے ایک ٹوٹے ہارے لُٹے ہوئے شخص کی طرح۔۔۔۔
“جہانگیر۔۔۔بیٹا میں نے اسکے بعد ان لوگوں کو ڈھونڈنے کی بہت کوشش کی تھی۔۔۔تم۔۔۔۔”
صغیر صاحب پاس بیٹھ گئے تھے جب انہوں نے جہانگیر کے کندھے پر ہاتھ رکھا تو جہانگیر صاحب نے انکی آنکھوں میں آنکھیں ڈالے دیکھا تھا۔۔۔
“وہ میری محبت آپ کی ظالم دنیا سے تنگ آگئی تھی۔۔۔میرے پیچھے اپنا گھر اپنی تعلیم اپنی فیملی وہ پہلے ہی چھوڑ چکی تھی۔۔۔۔
آپ کے وہ گناہ کے بعد اس نے دوسری شادی کر لی تھی۔۔۔۔ چلی گئی تھی یہاں سے بہت دور۔۔۔ آپ جانتے ہیں اسکے دو بچے ہیں۔۔۔اسکا شوہر مرد ہے میرے جیسا نہیں۔۔۔وہ بہت خوش ہے۔۔۔۔اور میں۔۔۔ میں خالی ہاتھ ہوں۔۔۔
یہ ڈاکٹری یہ ڈگریاں یہ دولت شہرت کسی کام کی نہیں۔۔۔۔ مجھے تو اب زندہ رہنے کا بھی کوئی حق نہیں ڈیڈ۔۔۔آپ کا شکریہ۔۔۔۔
پر۔۔۔۔میں اب اس خاندان میں دوسرا جہانگیر بننے نہیں دوں گا کسی کو۔۔۔۔ جو میرے ساتھ ہوا وہ کسی اور کے ساتھ نہیں ہونا چاہیے۔۔۔۔
اور آپ صغیر عالم۔۔۔۔ اب آپ کے چار نہیں تین بیٹے ہیں۔۔۔ میں جا رہا ہوں۔۔”
جس طوفان کی طرح وہ آۓ تھے اسی طرح واپس بھی چلے گئے تھے وہاں سے۔۔۔۔
۔
“ڈیڈ سنبھالے خود کو۔۔۔۔”
صغیر صاحب کو گرتے ہوئے پکڑ لیا تھا انکے تینوں بیٹوں نے
“صغیر آپ نے کبھی جہانگیر کی شادی کا نہیں بتایا تھا۔۔۔ہمیشہ یہ بتایا کو لڑکی ہے۔۔۔آپ نے کس قدر جھوٹ بولے مجھ سے بھی۔۔۔۔اور سرمد تم نے اچھا نہیں کیا بیٹا۔۔۔۔اتنا بڑا دھوکا۔۔۔۔۔”
وہ وہاں سے جانے لگی تھیں۔۔۔پر صغیر کی بات سن کر رک گئی تھیں۔۔۔
۔
“ڈیڈ۔۔۔”
جہانگیر کی بیٹی سے ملنا ہے مجھے پلیز بچوں۔۔۔۔جہانگیر کی اولاد دیکھنی ہے مجھے۔۔۔۔میری آخری خواہش سمجھ کر پورا کردو اسے۔۔۔۔”
انکا چہرہ بھی بھر گیا تھا انکے آنسوؤں سے۔۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
شاہ حویلی۔۔۔۔۔۔۔
۔
۔
تو آتا ہے سینے میں۔۔۔جب جب سانسیں بھرتی ہوں۔۔۔
تیرے دل کی گلیوں سے۔۔۔میں ہر روز گزرتی ہوں۔۔۔
۔
۔
“آپ اتنا وزن کیسے اٹھائے گے۔۔۔؟؟ میں آپ کے ساتھ رکھوا دیتا ہوں۔۔۔۔”
ولید نے ملازم کو روک دیا تھا اور وزنی چیزیں اٹھانے سے۔۔۔۔حورعین اوپر روم کی ونڈو سے دیکھ رہی تھی سب۔۔۔۔۔
۔
“ہوا کے جیسے چلتا ہے تو۔۔۔
میں ریت جیسے اڑتی ہوں۔۔۔۔
کون تجھے یوں پیار کرے گا۔۔۔جیسے میں کرتی ہوں۔۔۔”
۔
“چھوٹے سائیں آپ کے بازو پر اگے ہی چوٹ آئی ہے۔۔۔۔”
“ارے کچھ نہیں ہوتا۔۔۔”
ولید نے گاڑی سے سمان نکالنا شروع کردیا تھا۔۔۔۔۔
۔
“میری نظر کا سفر۔۔۔تجھ پہ ہی آکے رکے۔۔۔۔
کہنے کو باقی ہے کیا۔۔۔۔کہنا تھا جو کہہ چکی۔۔۔۔”
۔
ولید کی نظر جب اچانک سے اوپر کو اٹھی تو حورعین پردے کے پیچھے چھپ گئی تھی۔۔۔۔۔
۔
“میری نگاہیں۔۔۔ہے تیری نگاہوں پہ۔۔۔۔۔
تجھے خبر کیا بے خبر۔۔۔۔۔۔۔۔”
۔
“ولید شاہ کا ایک اور روپ۔۔۔۔ کیا یہ میرا اینجل ہے۔۔۔۔؟؟؟”
حورعین کی نظروں میں بے یقینی سی تھی۔۔۔اِس طرح ملازموں کے ساتھ کام کرتے دیکھ کر۔۔۔۔۔
۔
“میں تجھ سے ہی چھپ چھپ کر۔۔۔۔تیری آنکھیں پڑھتی ہوں۔۔۔۔
کون تجھے یوں پیار کرےگا۔۔۔۔جیسے میں کرتی ہوں۔۔۔۔”
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
“ماما۔۔۔۔پلیز آج ہم نے باہر جانا ہے۔۔۔۔۔”
“عاشی بابا ساتھ جارہے ہیں نا۔۔۔میری ضروری میٹنگ ہے۔۔۔۔”
“نوو مطلب نووو۔۔۔۔آپ حویلی سے باہر نہیں جائیں گی۔۔۔۔”
ارش نے حور کی فائلز پکڑ لی تھی۔۔۔۔۔اور حورعین کی نظریں سیدھا ولید پر گئی تھی جو اخبار کے پیچھے اپنا منہ چھپا چکا تھا۔۔۔۔
“ماما۔۔۔۔”
“اوکے میں حویلی سے باہر نہیں جا سکتی نا۔۔۔؟ یہیں میٹنگ کر لیتی ہوں۔۔۔اب ٹھیک ہے۔۔۔؟؟؟”
دونوں بچوں کا منہ کھل گیا تھا اور ایک گھنٹے کے بعد حورعین کے آفس کے کچھ سٹاف ممبرز اور جس کمپنی کے ساتھ میٹنگ تھی انکے تین لوگوں کے ساتھ میٹنگ شروع ہوگئی تھی۔۔۔
حورعین کی انسٹرکشن کے بعد کسی نے ابھی تک ڈسٹرب نہیں کیا تھا۔۔۔
۔
“بابا اب تو دو گھنٹے ہوگئے۔۔۔ماں کب فری ہوں گی۔۔۔؟؟”
“بچوں ماں نے کتنے غصے سے دیکھا مجھے میں ہی جانتا ہوں اب مجھے تو نا ہی شامل کرو۔۔۔۔”
“ہاہاہاہا بابا ڈریں تو نا ماما سے۔۔۔بھیا مجھے ایک آئدیا آیا ہے۔۔۔۔”
عاشی نے ارش اور ولید کے کان میں کچھ کہا۔۔۔۔
“ہاہاہاہا۔۔۔بےبی ڈول سہی کہتی بچوں تم دونوں بہت شیطان ہو رہے ہو۔۔۔”
ولید بہت زیادہ ہنسنے لگا تھا۔۔۔۔
دونوں بچوں جلدی سے اٹھ کر اس روم میں چلے گئے تھے جہاں وہ میٹنگ ہو رہی تھی۔۔۔
“اور اِسی طرح کے اولڈ ایج ہومز ہم دوسرے شہروں میں بنانا چاہتے ہیں۔۔۔
آپ کی کمپنی کا یہ پروجیکٹ ہمیں بہت پسند آیا ہے۔۔۔اور۔۔۔”
حورعین بات کرتے کرتے رک گئی تھی جب روم کا دروازہ کھلا تھا۔۔۔ارش اور عاشی ولید کا ہاتھ پکڑے اندر لے آۓ تھے۔۔۔۔
حور دونوں بچوں کو اشارہ کر رہی تھی باہر جانے کا پر دونوں نے اگنور کردیا تھا پوری طرح سے حور کو۔۔۔۔
“ماما شادی سے پہلے آپ بابا کو اینجل بُلاتی تھیں۔۔۔؟؟”
عاشی کی اس بات پر ولید بھی بہت شوکڈ ہوگیا تھا۔۔۔
حورعین کا چہرہ دیکھ کر تو اور زیادہ۔۔۔۔
“عاشی بیٹا باہر یہ سب کہنے کا تو نہیں بولا تھا آپ نے۔۔۔”
اور اس بار ولید شاہ کو بھی اگنور کر کے بچے سامنے بیٹھے سٹاف کے پاس جا کر بیٹھ گئے تھے حور کے سامنے۔۔۔۔
“ماں آپ ابھی شاہ جی کیوں بُلاتی ہیں۔۔۔اینجل کیوں نہیں۔۔۔؟؟ “
ممبرز اپنی اپنی ہنسی کنٹرول کر رہے تھے حور چپ بیٹھی تھی اور ولید کو دیکھ رہی تھی۔۔۔
“بابا آپ بھی ماں کے ساتھ آکر بیٹھ جائیں۔۔۔۔”
ارش نے اٹھ کر ولید کا ہاتھ پکڑ کر حور کے ساتھ بیٹھا دیا تھا۔۔۔۔
“ارش۔۔۔عاشی بیٹا ابھی میں ضروری میٹنگ میں ہوں پلیز۔۔۔۔”
حور نے بہت آہستہ سے زبردستی کی مسکان منہ پر لاۓ ارش اور عاشی کی طرف دیکھا تھا۔۔۔۔
“ماما ہم ابھی چلے جائیں گے۔۔۔پہلے آپ بتائیے آپ اینجل کہتی تھی بابا کو۔۔۔۔؟؟؟”
“ارش۔۔۔۔”
“بابا آپ بھی بےبی ڈول بُلاتے ہیں ماما کو۔۔۔؟؟ “
“ہاؤ رومینٹک نا۔۔۔۔آپ سب کو بھی لگتا ہے نا۔۔۔؟؟؟”
عاشی نے وہاں بیٹھے سب لوگوں سے پوچھا تھا۔۔۔۔۔
“ہاہاہاہا۔۔۔۔۔ہاں بیٹا ہمیں بھی لگتا ہے۔۔۔۔”
“اچھا ماں آپ شاہ جی کیوں کہتی ہیں کبھی کبھی۔۔۔؟ بابا زیادہ اچھے لگتے ہیں۔۔۔؟؟”
“ارش بیٹا۔۔ماں کے کانوں سے دھواں نکل رہا ہے۔۔۔۔”
ولید نے بہت ہلکی آواز میں کہا تھا جو سب سن رہے تھے۔۔۔۔
“ماما آپ غصہ تو نہیں ہورہی نا۔۔۔؟؟ آپ نے بابا کو بھی ڈرا کر رکھا ہوا۔۔۔”
“وٹ عاشی۔۔۔میں نہیں ڈرتا۔۔۔۔اور ابھی بھی بُلاتا ہوں بےبی ڈول کے نام سے۔۔۔
تمہاری ماں بلکل ڈول جیسی ہیں۔۔۔ریڈ ریڈ نوز۔۔۔۔ چھوٹی چھوٹی آنکھیں۔۔جو اب بڑی بڑی لگ رہی مجھے۔۔۔۔۔
سندر لمبے لمبے بال۔۔۔جو کیوں بکھرے بکھرے لگ رہے غصے سے مجھے۔۔۔۔
اور تمہاری ماما مجھے اینجل ابھی بھی بُلاتی ہیں۔۔۔پر ہمارے روم میں۔۔۔
اور تمہاری ماما کی لال گلابی گال کا بتانا تو بھول گیا۔۔۔۔
اور بچوں اب بھاگ جانا چاہیے۔۔۔۔۔۔۔”
ولید دونوں بچوں کو اٹھا کر روم سے باہر بھاگ گیا تھا۔۔۔۔
باہر مہرالنساء اور ملازم ہنس رہے تھے۔۔۔۔اور اندر سٹاف اور آفس ممبرز۔۔۔۔اور ان کے درمیان غصے اور شرم سے لال ہوتی حورعین۔۔۔۔
“تم تینوں کو اچھا سبق سکھاؤں گی کل آرہے ہیں نا تمہارے فرینڈز۔۔۔۔”
حورعین نے قسم لی تھی۔۔۔۔۔۔
“ہاہاہاہا۔۔۔۔۔ بہت پیارے بچے ہیں آپ کے۔۔۔۔”
“ہاہاہاہا۔۔۔۔۔حور میم۔۔۔ہاہاہاہا۔۔۔۔۔ بچے بہت شرارتی ہیں۔۔۔”
مائرہ سب سے زیادہ ہنس رہی تھی۔۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
“پر بیٹا ان کلرز کا کیا کرو گی۔۔۔۔بس آپ مجھ پر چھوڑ دیں ماں۔۔۔ان تینوں کو مزہ چکھا کر رہوں گی۔۔۔۔۔”
“ہاہاہاہا۔۔۔۔بیسٹ آف لک بھابھی۔۔۔۔۔اور پلیز ولید بھیا کو بھی زرا سبق چکھائیے گا۔۔۔۔”
ثمرین نے وہ کلرز حور اور ولید کے کمرے میں لا کت رکھ دیئے تھے۔۔۔۔
اور دونوں وہاں سے چلی گئی تھی۔۔۔۔
۔
۔
“حورعین۔۔۔بےبی ڈول۔۔۔۔دروازہ تو کھولو۔۔۔۔”
پر حورعین نے بیڈروم کا دروازہ اندر سے لاک کردیا تھا۔۔۔۔
“ہاہاہاہا سو سوری بابا۔۔۔۔۔”
“ہاہاہاہا۔۔۔۔بابا سوری۔۔۔۔۔”
“بابا کے بچوں ہنس رہے ہو ابھی بتاتا ہوں۔۔۔۔۔”
ولید ہنستے ہوئے انکے کمرے میں چلا گیا تھا۔۔۔۔۔
۔
۔ رات کے دو بجے۔۔۔حورعین دبے پاؤں بچوں کے روم میں آئی تھی۔۔۔
اور بہت آرام سکون سے وہ کلر پینٹ ان تینوں کے چہروں پر لگا کر اچھی خاصی پینٹنگ کر دی تھی۔۔۔۔
اور پھر اسی طرح سے واپس اپنے روم میں آ گئی تھی۔۔۔۔
اسے پتا تھا صبح سنڈے ہے اور بچوں کے کلاس فیلو صبح لازمی انہیں لینے آئیں گے۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
“بابا جلدی اٹھ جائیے ہم آپ کو اپنے فرینڈز سے ملواتے ہیں۔۔۔۔۔”
“ہممم۔۔۔۔۔”
ولید تکیے میں منہ چھپائے پھر سے سو گیا تھا اور اور بچے نیچے بھاگ گئے تھے۔۔۔۔پہلے عاشی اور پھر ارش۔۔۔۔۔۔۔
“ہاہاہاہا۔۔۔۔۔ عاشی تمہیں تو سکول کے سٹیج پلے میں حصہ لینا چاہئے چڑیل لگ رہی۔۔۔۔”
“ہاہاہاہا۔۔۔۔ارش تم تو ایک ریڈ نوز لگا لو بس۔۔۔۔۔”
“ہاہاہاہا۔۔۔۔ماں حورعین بھابھی نے کمال کی پینٹنگ کی ہے۔۔۔۔”
“ہمیں کوئی بتاۓ گا کیا ہوا۔۔۔؟؟”
ارش نے سب سے پوچھا سب پاگلوں کی طرح ہنس رہے تھے۔۔۔۔
“بھیا یہ کیا ہے۔۔۔۔۔”
عاشی نے ارش کے منہ کی طرف دیکھ کر پوچھا۔۔۔۔”
“عاشی یہ کیا لگایا ہوا ہے۔۔۔؟؟”
دونوں ایک دوسرے کی طرف دیکھ رہے تھے۔۔۔۔
“ہاہاہاہا۔۔۔۔بچوں شیشے کے سامنے مت جانا۔۔۔۔”
“دادو ایسا کیا ہوا۔۔۔؟؟”
اور دونوں جب بڑے سے شیشے کے سامنے گئے دونوں کے منہ سے ایک ہی چیخ نکلی تھی
۔
“بابا۔۔۔۔۔۔”
اور اوپر ولید جلدی سے اٹھ گیا تھا اور بھاگتے ہوئے نیچے آیا تھا۔۔۔۔
وہاں اوپر حورعین چھپ کت ایک کارنر پر اپنے موبائل میں سب ریکارڈ کر رہی تھی ہنستے ہوئے۔۔۔۔۔
“کیا ہوا بچوں۔۔۔۔۔؟؟؟؟”
“ہاہاہاہا۔۔۔۔۔۔”
اس بار ولید کا چہرہ دیکھ کر وجاہت شاہ کے ہنسنے کی آواز گونجی تھی اور پھر ملازم۔۔۔۔اور پھر مہرالنساء۔۔۔اور بچوں کے ہنسنے کی آوازیں۔۔۔۔۔
“یہ سب کس نے کیا بچوں۔۔۔؟؟ “
ولید کو اپنے چہرے کا ابھی بھی نہیں پتا چل رہا تھا۔۔۔
“بابا۔۔۔۔”
“یہ سب مجھے دیکھ کر اشارے کیوں کر رہے ہیں بچوں۔۔۔؟؟؟”
“بابا یہاں آکر دیکھیں۔۔۔۔”
ولید نے جب شیشے کی طرف دیکھا تو ولید کی چیخ سنائی دی تھی سب کو۔۔۔۔۔۔
“آہ۔ہ۔ہ۔ہ۔۔۔۔۔۔۔۔”
“ہاہاہاہا۔۔۔۔۔۔ڈریکولا لگ رہے ہیں شاہ آج تو۔۔۔کیوں بچوں۔۔۔۔؟؟؟”
حورعین ابھی بھی سب ریکارڈ کر رہی تھی۔۔۔۔
“ہاہاہاہا۔۔۔جی آنٹی۔۔۔۔۔۔”
“ہاہاہاہا۔۔۔۔۔بھابھی۔۔۔بھیا کو ڈریکولا ہی کیوں بنایا۔۔۔۔؟؟؟”
“ہاہاہاہا۔۔۔ثمرین آپی آپ کا بھائی نا مجھے ہوبا ہو وہی لگتے ہیں۔۔۔خون پینے والے ڈریکولا۔۔۔۔اور یہ ہماری چھوٹی سی چڑیل۔۔۔۔ اور یہ میرے چھوٹے جن۔۔۔۔”
حور نے بچوں اور ولید کو اور تنگ کرتے ہوئے کہا تھا۔۔۔۔۔
تینوں کے چہرے غصے سے لال پیلے ہو رہے تھے۔۔۔۔
“ہاہاہاہا ماں آپ کو نہیں لگ رہا دھواں نکل رہا ہے ان تینوں کے چہروں سے۔۔۔۔؟؟؟”
“ہاہاہاہا۔۔۔۔ہاں لگ تو ایسا ہی رہا ہے۔۔۔۔۔”
“ہاہاہاہا۔۔۔چھوٹے شاہ جی کل مجھے حویلی سے باہر جانے سے روکا تھا نا۔۔۔؟؟
اب تم تینوں نے کم سے کم ایک ہفتہ تو اپنے کمروں سے باہر نہیں نکل پانا۔۔۔ہاہاہاہا۔۔۔کل والی میٹنگ آج ہے میری۔۔۔باۓ۔۔۔۔۔”
حورعین دونوں بچوں کو بوسہ دے کر جانے لگی تھی کہ ولید نے ہاتھ پکڑ لیا تھا۔۔۔۔
“بےبی ڈول اپنے اِس بِیسٹ کو کوئی بوسہ نہیں۔۔۔؟؟؟؟”
ولید شاہ ایک بار پھر کامیاب ہوگیا تھا حورعین کے گال سرخ کرنے میں۔۔۔
“ہاہاہاہا۔۔۔۔یوووو بابا سائیں۔۔۔۔گریٹ۔۔۔۔”
ارش نے ولید کو اونچی آواز میں کہا تھا۔۔۔۔
“میں بس ڈریکولا لگ رہا ہوں کاٹوں گا نہیں بےبی ڈول۔۔۔۔”ابھی کے لیے”
ولید نے بہت ہلکی آواز میں کہہ کر حورعین کے ماتھے پر بوسہ دیا تھا۔۔۔۔
۔
“ہاہاہاہا۔۔۔ماں آپ کو دیر نہیں ہو رہی۔۔۔۔؟؟؟”
اور حورعین جلدی سے وہاں سے چلی گئی تھی۔۔۔۔۔
۔
“آپ لوگ بھی جائیں اب۔۔۔۔ہم آج کا پروگرام کینسل کر رہے ہیں۔۔”
عاشی کہہ کر چلی گئی تھی غصے سے۔۔۔۔۔
“ہاہاہاہا۔۔۔۔۔افف توبہ۔۔۔۔۔”
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
کچھ دن بعد۔۔۔۔۔
۔
۔
“ولید بچوں کے سامنے میں نے جانے کے لیے ہاں کہا تھا۔۔۔اب بتا دیجیئے ہم کہاں جا رہے ہیں۔۔۔۔”
“بس پہنچ گئے بےبی ڈول۔۔۔۔۔”
حورعین نے بنا جواب دیئے آنکھیں بند کر لی تھی۔۔۔۔اور ونڈو پر سر رکھ لیا تھا۔۔۔۔۔
اور جب گاڑی ایک جانی پہچانی جگہ پر رکی تو حورعین کی آنکھیں کھل گئی تھی۔۔۔۔
اور اس نے۔ولید کی طرف دیکھا جو بہت خوشی سے اترا تھا۔۔۔۔
“ولید۔۔۔۔”
“ششش ابھی اور سرپرائز باقی ہے۔۔۔۔۔”
ولید حورعین کا ہاتھ پکڑے اپارٹمنٹ کے اندر لے گیا تھا جو کینڈلز کے ساتھ سجایا گیا تھا۔۔۔ہر ایک کونا روشن تھا۔۔۔۔
ولید نے حورعین کا ہاتھ اس کمرے میں جا کر چھوڑا تھا جو کمرہ انکا تھا انکی چھوٹی سی دنیا۔۔۔۔
ولید شاہ کو نہیں پتا تھا اس نے جانے انجانے میں آج پھر سے وہ زخم تازہ کر دیئے تھے۔۔۔۔وہ تو حورعین کو پھر سے اچھی یادیں دینا چاہتا تھا پر آج اس نے ایک اور تکلیف میں ڈال دیا تھا۔۔۔۔۔
“حورعین تمہیں یاد ہے یہ وہ کمرہ ہے جہاں ہماری چھوٹی سی دنیا کا سفر شروع ہوا تھا۔۔۔۔”
ولید نے پیچھے سے حورعین کو اپنی آغوش میں لیا تھا۔۔۔۔۔
۔
۔
“تم کامیاب ہوگئے ایک بار پھر سے تم نے مجھے وہیں لاکر کھڑا کردیا ولید شاہ۔۔۔۔ہمارے رشتے کو وہیں لاکر کھڑا کردیا۔۔۔۔۔۔”
“حور۔۔۔حورعین۔۔۔۔میں۔۔میرا مطلب تمہیں ٹھیس پہنچانے کا نہیں میں چاہتا تھا اِس جگہ۔۔۔۔”
“اِس جگہ کیا ہاں۔۔۔؟ اِس جگہ مجھے کچھ نہیں دیا۔۔۔۔بس لیا ہے۔۔۔
اِس کمرے نے سب چھین لیا مجھ سے تم نے سب چھین لیا۔۔۔۔۔”
“حورعین۔۔۔۔۔”
ولید نے ایک بار پھر دے آگے ہاتھ بڑھانے کی کوشش کی پر حورعین پھر سے پیچھے ہوگئی تھی۔۔۔۔
“تم میں اور حاشر میں پتا ہے کیا فرق ہے۔۔۔؟ حاشر نے عورت کی عزت کو سانجھا سمجھا۔۔۔ چاہے اپنی تھی یا پرائی۔۔۔۔۔”
اِس بات پر ولید کو غصہ آگیا تھا۔۔۔۔۔
اس نے پیچھے منہ کرلیا تھا کسی اور مرد کا نام اپنی بےبی ڈول۔۔۔اپنی بیوی کے منہ سے سن کر اسے بہت غصہ آیا تھا۔۔۔
“منہ کیوں پھیر لیا ولید شاہ۔۔۔؟ بُرا لگ رہا ہے میں کسی اور کا نام لے رہی ہوں۔۔۔؟
تمہیں پتا ہے حاشر سے میری پہلی اور آخری لڑائی کب اور کس بات پر ہوئی تھی۔۔۔؟
“حلالہ” پر۔۔۔۔ حاشر کو لگ رہا تھا میں نے حلالے کے لیے شادی کی۔۔۔۔
حاشر کو تب تو پتا بھی نہیں تھا کہ کتنی اذیتیں برداشت کی تھی میں نے۔۔۔۔
اور جانتے ہو۔۔۔جب میں نے انکار کیا تو اگلی بات نہیں کی تھی کہا تھا مجھ پر یقین ہے انہیں۔۔۔۔۔ شوہر ایسے ہوتے ہیں ولید۔۔۔۔ بیوی سے سوال کر لینا شوہر کا حق ہے۔۔۔۔اور جواب پر یقین کرنا فرض ہو جاتا ہے۔۔۔۔
تم نے کبھی ایسا یقین کیا تھا۔۔۔۔؟؟؟ تم نے بیوی تو سمجھا نہیں تھا۔۔۔۔
شادی سے پہلے اپنے بھائی کی رکھیل سمجھتے رہے۔۔۔۔شادی کے بعد اپنی رکھیل۔۔۔۔۔”
۔
ولید نے حورعین کے کندھوں پر ہاتھ رکھ کر اسی شیشے کی ونڈو کے ساتھ اسکا وجود لگا دیا تھا جہاں وہ کھڑی تھی۔۔۔۔
ولید شاہ کی آنکھوں میں غصے کی انتہا تھی اور اسکی گرفت اور مظبوط ہوگئی تھی حور کے دونوں کندھوں پر۔۔۔۔
اور اسی مظبوطی کے ساتھ جب اس نے حور کو اپنے بہت قریب کیا تو اسے لگ رہا تھا اسکے قدم زمین سے اٹھ گئے تھے۔۔۔۔جس طرح ولید نے اسکا چہرہ اپنے چہرے کے پاس کیا تھا۔۔۔۔۔
۔
“میں ایک غافل انسان تھا۔۔۔۔وہ انسان جو اپنے پیدا کرنے والے کو بھولا ہوا تھا وہ غافل انسان جس نے نماز چھوڑ دی تھی جو گناہ کرتا تھا۔۔۔۔۔
حورعین جو انسان اپنے رب کو بھول گیا تھا۔۔۔۔وہ تمہارے پیار کا محبت کا ہمارے رشتے کا کیا مان رکھتا۔۔۔کیا بھرم رکھتا۔۔۔۔؟
میں۔۔۔۔ کیسے تم سے وفاداری نبھاتا میں تو خود کے ساتھ بے وفائی کرتا آیا ہوں۔۔۔اپنے ضمیر کے ساتھ اپنے وجود کے ساتھ۔۔۔۔
میں کیسے تم سے شادی کے بعد بدل جاتا۔۔۔۔؟؟؟
افسانوں کی دنیا میں عاشق بدل جاتے ہیں دنوں میں ہفتوں میں۔۔۔ یہاں صدیاں لگ جاتی ہیں میری جان۔۔۔۔۔
مجھے دیکھ لو۔۔۔۔اتنے سال ہمارے رشتے میں بدلنا چاہتا تھا۔۔۔۔پر بد سے بدتر ہوتا گیا تمہاری جدائی میں۔۔۔۔۔
اتنے سالوں کا غافل انسان کیسے اتنی جلدی بدل سکتا تھا۔۔۔۔؟؟؟
وہ حاشر۔۔۔جو اب نہیں ہے۔۔۔پر تمہاری نظروں میں اسکی عزت ہے۔۔۔۔
اور جو میں تمہارے سامنے کھڑا ہوں میں ہو کر بھی نہیں ہوں۔۔۔۔۔”
اس کی آنکھ سے نکلتے آنسو۔۔۔حورعین کے رخسار پر گر رہے تھے۔۔۔۔
حور کی آنکھیں بند ہوگئی تھیں۔۔۔۔۔
“تم جانتی ہو۔۔۔تم سے تب مجھے جنون کی حد تک محبت تھی۔۔۔۔
اب محبت کی حد تک محبت ہوگئی ہے حورعین۔۔۔۔”
۔
“اب میں اللہ سے دعا مانگتا ہوں ہماری محبت میں کوئی آزمائش نا آئے۔۔۔
اب میں جدائی سے ڈرتا ہوں۔۔۔۔
اب میں ہمارے رشتے کو رسوا ہونے نہیں دوں گا۔۔۔۔”
ولید نے آنکھیں بند کر کے حور کے ماتھے پر اپنے لب رکھ دئیے تھے۔۔۔۔۔
دونوں کے آنسوؤں سے انکے چہرے بھیگ گئے تھے۔۔۔۔۔
۔
“تمہیں کتنا روکتی رہی میں ولید۔۔۔۔تمہارے آگے ہاتھ جوڑتی رہی دوہائیاں دیتی رہی ولید تم نے اپنی بِیسٹ سائیڈ دکھا دی تھی مجھے۔۔۔۔ ولید قیامت تھی وہ رات جو تمہارے جانے کے بعد گزاری میں نے۔۔۔مجھے کیوں حدید کے ساتھ موت نہیں آئی کیوں میرا قتل نہیں کیا تم نے۔۔۔۔۔؟؟؟”
حورعین ولید کا کالر پکڑے نیچے گرتی گئی تھی اسکی شرٹ پھٹتی گئی تھی وہاں سے۔۔۔۔
اِتنی اذیت ولید شاہ تمہاری محبت میں اتنا درد تمہیں پانے کے بعد۔۔۔۔
مجھے پتا ہوتا تو کبھی چاہت نا کرتی تمہاری۔۔۔
یہ بےبی ڈول دور چلے جاتی تم سے۔۔۔۔ اتنی تکلیف۔۔۔۔۔
ولید میں تمہاری جگہ ہوتی تو آگ لگا دیتی اس کمرے کو۔۔۔۔۔
تم کیا سمجھتے ہو۔۔۔کمرے سجا دینے سے دیواروں کے رنگ بدل دینے سے تم ماضی بُھلا دو گے۔۔۔۔
ولید زخم آج بھی تازہ ہیں۔۔۔ تم نے کیا یاد دلا دیا مجھے۔۔۔اب کیسے گزارا کروں گی تمہارے اس چہرے کو دیکھ کر۔۔۔۔”
ولید شاہ وہاں پتھر کی طرح کھڑا تھا۔۔۔۔
گزارا لفظ سے وہ اور زیادہ ہرٹ ہوا تھا۔۔۔۔
اسے لگ رہا تھا حورعین اسے پھر سے اپنا رہی ہے پر۔۔۔۔
وہ تو گزارا کر رہی تھی ابھی تک۔۔۔۔
“حورعین ایک چھوٹی سی کوشش کی تھی۔۔۔۔ بس اس اپارٹمنٹ میں لانے کا مقصد تھا پرانی یادیں بھلا کت نئی یادیں بنائیں ہم۔۔۔۔۔”
ولید بھی وہیں پاس زمین پر بیٹھ گیا تھا۔۔۔۔
“پرانی یادیں۔۔۔۔ولید شاہ یہ کمرے میں مجھ پر جو ظلم تم نے کیا وہ کبھی پرانا نہیں ہوا۔۔۔کبھی پرانا نہیں ہوگا سنا تم نے۔۔۔۔مرد ہو نا اس لیے فار گیو اینڈ فار گیٹ تم لوگوں کے لیے آسان ہوتا ہوگا۔۔۔پر ہم۔۔۔۔
ولید ایک ہی جگہ زخم پر زخم دیئے ہیں تم نے مجھے۔۔۔۔ ایک ہی جگہ۔۔۔۔
میرے دل پر۔۔۔۔۔۔”
ولید شاہ کی روح کانپ گئی تھی حورعین کی نظریں میں درد اور نفرت دیکھ کر۔۔۔۔۔
۔
“سجنا نے پھول ماریا۔۔۔۔میری روح فلک تک روئی۔۔۔۔
لوگوں کے پتھروں کی۔۔۔۔مینوں پِیر زرا وی نا ہوئی۔۔۔۔۔”
۔
“بےبی ڈول بہت کوشش کر رہا ہوں۔۔۔ یا اللہ کیسے یقین دلاؤں اِسے کتنا پیار کرتا ہوں اِسے۔۔۔۔ کتنا تڑپا ہوں اِسکے لیے۔۔۔۔کیسے بتاؤں جو گناہ ہوگئے ہیں مجھ سے وہ مجھے سونے نہیں دیتے راتوں کو۔۔۔۔”
ولید کی نظریں جھک گئی تھیں۔۔۔۔حورعین بہت خاموشی سے دیکھ رہی تھی اسے۔۔۔۔
“تم کیسے یقین دلا سکتے ہو ولید۔۔۔۔نینا کے ساتھ تمہارے تعلقات نے میرا تم پر ہر یقین توڑ دیا تھا۔۔۔۔
ولید بہت گناہ کئیے ہیں تم نے۔۔۔۔اور مجھے واپس پانے کے لیے پتا نہیں کتنے پوشیدہ گناہ کر چکے ہو۔۔۔۔”
حور نے حاشر کی موت کی بات بھی اِنڈائریکٹلی کردی تھی۔۔۔۔
“حورعین میں صرف اتنا کہنا چاہتا ہوں۔۔۔میں اپنی گناہوں کی دنیا سے باہر آنا چاہتا ہوں۔۔۔تمہارے لیے اپنے لیے ہمارے بچوں کے لیے۔۔۔۔پلیز میرا ہاتھ پکڑ کر مجھے باہر آنے میں میری مدد کرو۔۔۔۔ بار بار میرے منہ پر میرے کردہ گناہ مارو گی تو میں بھٹک جاؤں گا واپس انہیں اندھیروں میں
ان گناہ کے راستے پر میں پھر سے وہ ظالم جابر ولید شاہ بن جاؤں گا مجھے واپس نا دھکیلو وہاں۔۔۔۔”
“اور جو میں تکلیف میں ہوں ولید۔۔۔؟ جو میں نے برداشت کیا اسکا کیا ولید۔۔۔؟ اپنے آپ سے پوچھو اس اپارٹمنٹ میں لانے سے مجھے اور تکلیف نہیں دی تم نے۔۔۔؟؟؟”
دونوں کی آنکھوں میں آنسو تھے۔۔۔۔
“میں ہوں نا بےبی ڈول میں کوئی کمی نہیں چھوڑوں گا۔۔۔تم ایک دن مجھے معاف کردو گی۔۔۔۔دیکھ لینا حورعین سب ٹھیک ہوجائے گا ایک دن تمہاری نفرت بھی محبت میں بدل جاۓ گی۔۔۔۔مجھے میرے اللہ پر یقین کامل ہے ایک دن تمہارا دل پگھل جائے گا۔۔۔ تمہیں جو تکلیف میں نے دی ہے اسے میں دور کروں گا تم دیکھ لینا اپنی آخری سانس تک کوشش۔۔۔۔”
حورعین نے ولید کے ہونٹوں پر اپنی انگلیاں رکھ دی تھی
“تم میری موت سے ڈرتی بہت ہو بےبی ڈول۔۔۔مجھے کیوں ایسا لگنے لگا ہے میری آنکھیں بند ہونے سے کچھ دیر پہلے تم مجھے معاف کردو گی۔۔۔۔؟؟؟”
“بس ولید۔۔۔۔”
حور اٹھ گئی تھی وہاں سے۔۔۔۔ وہ جیسے ہی وہاں سے اٹھی تھی اس بستر پر اسکی نظر پڑی تھی۔۔۔اور وہ بیڈ کی اسی جگہ پر بیٹھ گئی تھی۔۔۔ اس نے بیڈ شیٹ پر ہاتھ رکھا تھا جیسے محسوس کرنے کی کوشش کر رہی تھی کچھ۔۔۔۔
“ولید۔۔۔۔اس کمرے کی چیزیں۔۔۔۔؟؟؟ اس بیڈ کی بیڈ شیٹ۔۔۔؟؟؟”
ولید نے بھری ہوئی آنکھیں بند کر کے منہ پھیر لیا تھا۔۔۔۔
“وہ چیزیں نہیں ہیں حورعین۔۔۔۔”
“جھوٹ نا بولیں۔۔۔میں جانتی ہوں آپ کے پاس ہیں۔۔۔پلیز کہاں ہیں۔۔۔۔”
بہت گہرا سانس بھرنے کے بعد ولید نے سامنے الماری کا دروازہ کھولا تھا اور ایک کونے میں محفوظ ایک شاپنگ بیگ نکالا تھا جس میں وہ بیڈ شیٹ تھی۔۔۔۔
ولید کے ہاتھ سے چھین کر وہ شیٹ حورعین نے وہ اپنے سینے سے لگا لی تھی۔۔۔۔
اور بیٹھ گئی تھی نیچے بیڈ کے ساتھ ٹیک لگا کر۔۔۔۔۔
اور دوسری طرف ولید بیٹھ گیا تھا ٹیک لگا کر۔۔۔۔۔
۔
“ولید کوشش سے سب ٹھیک نہیں ہوتا۔۔۔تم نے اچھا کرنے کا سوچا اور کتنا پیچھے پہنچا دیا ہمیں اور ہمارے رشتے کو۔۔۔۔”
حورعین نے روتے ہوئے کہا تھا۔۔۔۔
“مجھے ابھی بھی یقین ہے ہم دونوں نے ایک دوسرے سے بات کی ہے آج اس جگہ بیٹھ کر ہمارے رشتے میں دوریاں ختم ہوں گی آج کے بعد حورعین۔۔۔۔”
۔
۔
وہ رات ایسے بیٹھ کر رو کر گزاری تھی ان دونوں نے۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
ولید کو پھر سے لگا تھا کل رات اپارٹمنٹ میں انکی دوریاں کم کردے گی پر حورعین صبح سے ولید کو اگنور کر اسے پھر سے غلط ثابت کردیا تھا۔۔۔
۔
۔
“بےبی۔۔۔۔حورعین بارش ہورہی ہے۔۔۔۔تمہیں ابھی اِس موسم میں نہیں نکلنا چاہیے”
ولید نے راؤ کو ایک نظر غصے سے دیکھا تھا۔۔جو مائرہ کے ساتھ وہاں سے چلا گیا تھا گاڑی میں۔۔۔
“تم بار بار مجھ پر حکم چلانے کیوں آجاتے ہو۔۔۔؟؟؟ ولید شاہ پلیز میری زندگی میں اپنے فیصلے مسلط نا کرو مجھ پر۔۔۔۔”
حورعین نے دوسری سائیڈ سے جانے کی کوشش کی پر ولید نے وہاں سے بھی راستہ روک لیا تھا۔۔۔۔
“شہر سے باہر جا رہی ہو نا کسی کو بتایا نا مجھ سے پوچھا تم نے۔۔۔اور اتنے دن کے لیے حورعین۔۔۔؟ بچے کیسے رہیں گے۔۔۔میں کیسے رہوں گا۔۔۔؟؟؟”
ولید کے منہ پر وہ بات آہی گئی تھی جس کے لیے وہ نہیں چاہتا تھا حور دور جاۓ۔۔۔چاہے کچھ دن کے لیے ہی کیوں نہ۔۔۔۔۔
ولید کی نظروں میں دیکھ کر حورعین کی نظریں اور پاؤں رک گئے تھے وہی۔۔۔
اس اپارٹمنٹ سے واپس آنے کے بعد وہ پہلے سے زیادہ ضدی اور کڑوی ہوگئی تھی۔۔۔
کچھ سیکنڈ ولید کی آنکھوں میں دیکھنے کے بعد وہ پیچھے ہوگئی تھی۔۔۔اور ولید یہ سمجھ رہا تھا کہ وہ رک گئی ہے پر ایسا نہیں تھا۔۔۔۔
“بچے چار سال میرے بغیر رہے ہیں ولید۔۔۔۔اور تم۔۔۔؟ تم تو میرے ساتھ ہو کر بھی ساتھ نہیں رہے میرے۔۔۔ تمہیں تو عادت ہے میرے بغیر رہنے کی ورنہ تم کسی دوسری عورت کے پیچھے طلاق نا دیتے مجھے۔۔۔۔۔”
حورعین یہ کہہ کر جلدی سے گاڑی میں جاکر بیٹھ گئی تھی جس کا دروازہ راؤ پہلے ہی کھول کر کھڑا تھا۔۔۔۔۔
۔
“ڈیم اِٹ۔۔۔۔۔۔”
ولید نے جتنی زور سے گاڑی کے بونٹ پر مکا مارا تھا حور نے گاڑی میں بیٹھے پیچھے مڑ کر ضرور دیکھا تھا۔۔۔۔اور پھر غصے سے راؤ کو ڈرائیونگ کا کہہ دیا تھا۔۔۔۔
“ولید شاہ کبھی نہیں بدل سکتا۔۔۔۔”
حورعین نے خود سے کہا تھا ولید کا غصہ دیکھ کر۔۔۔۔۔
اور ایک تیز طوفان کی طرح اسکی سائیڈ کا دروازہ کھلا تھا۔۔۔
ولید شاہ نے کندھے سے پکڑ کر حورعین کو اپنی طرف کھینچا تھا
“ولید۔۔۔۔تم۔۔۔۔”
ولید شاہ کے ہونٹوں نے آگے بولنے کا موقع نہیں دیا تھا حورعین کے لبوں کو۔۔۔۔
“اب مسز ولید شاہ تم جا سکتی ہو۔۔۔ بچوں کو سمجھا کر میں بھی تمہارے پیچھے آجاؤں گا۔۔۔۔”
ولید نے حور کے ماتھے پر بوسہ دیا تھا جو ابھی بھی شوکڈ تھی ولید کے اِس بولڈ موو سے۔۔۔۔”آئی ہیٹ یو ولید شاہ۔۔۔۔”
“ہاہاہاہا آئی لو یو ٹو شاہ کی جان۔۔۔۔”
ولید نے گاڑی کا دروازہ پھر سے کھول دیا تھا۔۔۔۔
اور حورعین جلدی سے بیٹھ کر دروازہ لاک کر چکی تھی اب۔۔۔
۔
۔
“حورعین۔۔۔۔۔کیسے یقین دلاؤں اپنی محبت کا۔۔۔۔۔؟؟؟”
گاڑی جب پاس سے گزری تو بارش اور تیز ہوگئی تھی۔۔۔۔
ولید کو ابھی بھی یہی لگ رہا تھا حور نہیں جاۓ گی شہر سے باہر میٹنگ کے لیے۔۔۔۔۔
۔
۔
بارش کی برستی بوندوں نے،،،،جب دستک دی دروازے پر
محسوس ہوا تم آئے ہو،،،،انداز تمھارے جیسا تھا
۔
ہوا کے ہلکے جھونکے کی،،،،،جب آہٹ پائی کھڑکی پر
محسوس ہوا تم گزرے ہو،،،،،احساس تمھارے جیسا تھا
۔
میں نے گرتی بوندوں کو،،،جو روکنا چاہا ہاتھوں پر
ایک سرد سا پھر احساس ہوا،،،،وہ لمس تمھارے جیسا تھا
۔
تنہا میں چلا پھر بارش میں،،،،تب ایک جھونکے نے ساتھ دیا
میں سمجھا تم ہو ساتھ میرےوہ ساتھ تمھارے جیسا تھا
۔
پھر رک گئ وہ بارش بھی،،،رہی نہ باقی آھٹ بھی
میں سمجھا مجھے تم چھوڑ گئ،،،،انداز تمھارے جیسا تھا
۔
۔
“میں میری آخری سانس تک کوشش کروں گا بےبی ڈول۔۔۔۔”
۔
۔