Khamoshiyaan by Sidra Sheikh Season 2 readelle50015 Episode 11

ہاہاہاہا۔۔۔۔۔ ولید شاہ کا چہرہ دیکھنے والا تھا۔۔۔”
اور وہ گارڈ سنسان سڑک پر ہنستے ہوۓ جارہا تھا فون پر بات کرتے ہوئے۔۔۔۔
“نہیں میڈم اسے شک ہو بھی جائے تو کچھ نہیں بگاڑ سکتا وہ میرا۔۔۔۔
بس اس کے بچوں کو مرنے سے اب کوئی نہیں بچا سکتا اب تو انکا مسیحا بھی راستے سے ہٹا دیا ہم نے۔۔۔۔۔۔”
اور اسے کسی اور کے چلنے کی آواز آنا شروع ہوگئی تھی۔۔۔۔
“کون۔۔۔۔”
“ولید شاہ۔۔۔۔۔”
ولید نے گن اسکی طرف کی تھی۔۔۔۔۔
“ولید۔۔۔۔”
اور وہ اپنے گھٹنوں پر گر گیا تھا۔۔۔۔۔اسکی چیخ بہت دور تک گئی تھی۔۔۔۔
“فون۔۔۔۔”
اس نے ایک ہاتھ اپنی ٹانگ پر رکھا ہوا تھا درد کی شدت اتنی تھی۔۔۔۔۔
“میرے بچوں کو ٹارگٹ کر کے اچھا نہیں کیا۔۔۔تم جو کوئی بھی ہو۔۔۔۔
ولید شاہ کے دشمنوں کی زندگی بہت چھوٹی ہوجاتی ہے۔۔۔۔۔”
ولید نے فون پر بات کرتے ہوئے کہا تھا۔۔۔۔۔
“ہاہاہاہا۔۔۔۔ولید۔۔۔۔۔میری جان۔۔۔۔۔”
“نینا بہت غلطی ہوگئی تمہیں چھوڑ دیا۔۔۔۔۔”
“ہاہاہاہا ولید فکر نا کرو۔۔۔تمہاری فیملی کو چھوڑ کت میں کوئی غلطی نہیں کروں گی۔۔۔۔۔”
“حاشر کو مار کر تم نے آخری غلطی کی تھی اپنی زندگی کی۔۔۔۔اسکا قصور کیا تھا۔۔۔”
ولید نے اپنی آنکھیں بند کر لی تھیں حاشر کے نام پر۔۔۔۔
“تمہارے بچوں کا محافظ بننا اسکی غلطی تھی۔۔۔۔۔”
“نینا۔۔۔۔۔۔تمہیں ولید شاہ سے کوئی نہیں بچا پاۓ گا۔۔۔۔۔”
ولید نے فون وہیں مار کر تور دیا تھا۔۔۔۔
اور پھر وہاں پڑے اس انسان کو کالر سے پکڑ لیا تھا۔۔۔۔۔
“جتنے تو نے اذیت دینی تھی میرے بچوں اور انکی ماں کو تو نے دے دی۔۔۔
اب اذیت کیا ہوتی ہے میں تجھے بتاؤں گا۔۔۔۔۔”
ولید اسے گھسیٹتے ہوئے اپنی گاڑی تک لے گیا تھا۔۔۔۔۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
آنئیشا۔۔۔۔۔تم نے کہا تھا وہ بچی تم سے کھو گئی تھی۔۔۔۔۔پر حورعین۔۔۔؟؟؟
آنیشا خاموش کھڑی کسی پتھر بنے انسان کی طرح سن رہی تھیں۔۔۔۔
“جھوٹ بولا تھا میں نے۔۔۔۔۔”
وہ نہیں کھوئی تھی۔۔۔میں نے اسے گنوا دیا تھا باجی۔۔۔”
آنئیشا بیڈ پر بیٹھ گئیں تھیں۔۔۔
“نیشا۔۔پلیز ٹھیک سے بتاؤ۔۔۔دیکھو۔۔میں جانتی ہوں جب تمہیں ہم سب کی ضرورت تھی ہم ساتھ نہیں تھے۔۔۔پر اب تم اکیلی نہیں ہو۔۔۔۔”
شازیہ بیگم جیسے ہی آنئیشا کے پاس بیٹھی تھیں آنئیشا اٹھ گئیں تھیں۔۔۔۔
“ہاہاہا۔۔۔واہ۔۔۔آج آپ ساتھ ہیں۔۔۔تب کہاں تھیں جب میں اپنی بیٹی کے ساتھ پناہ لینے آئی تھی۔۔۔؟ آپ نے کس طرح نکال دیا تھا۔۔۔ اسی گھر کے دروازے سے دھتکار دیا تھا۔۔۔
حورعین کو دھکا دیا تھا آپ نے۔۔۔۔
آپ نے میری بیٹی کو ناجائز کہا تھا باجی۔۔۔۔”
شازیہ نے اپنے منہ پر ہاتھ رکھ لیا تھا روتے ہوئے۔۔۔
“پر باجی۔۔۔وہی ناجائز لڑکی آج آپ کی بہو ہے۔۔۔ باجی۔۔۔ آپ جانتی ہیں۔۔۔حورعین کو میں نے اورفینینج میں چھوڑ دیا تھا۔۔۔۔
اِس گھر سے جانے کے بعد تنگ آگئی تھی میں۔۔۔ میں نے اُسے بوجھ سمجھ کر اسے رات کے اندھیرے میں چھوڑ دیا تھا ایک اورفینینج کے باہر۔۔۔۔”
“وٹ۔۔۔؟؟ خدا کا واسطہ ہے کہہ دو یہ جھوٹ ہے۔۔آنئیشا۔۔۔”
دو بہنوں کے رونے کی آوازیں گونج رہیں تھیں اس کمرے میں۔۔۔
پر وہاں کوئی اور بھی تھا۔۔۔۔وہ انسان جس کی بات اندر ہورہی تھی۔۔۔
“کاش یہ جھوٹ ہوتا۔۔۔آپ جانتی ہیں حاشر کے نکاح والے دن اپنی بیٹی کا پتا چلا مجھے۔۔۔
اور اسکے دو بچےبھی ہیں۔۔۔ارش عاشی۔۔۔”
آنئیشا کی آواز میں بہت درد تھا۔۔۔
“آنئیشا۔۔حاشر ہمیشہ کہتا تھا ماں حورعین کے ساتھ جو ہوا وہ کوئی ڈیزرو نہیں کرتا
بہت روتا تھا۔۔۔کہتا تھا ہم قرض دار ہیں حورعین کے۔۔۔ مجھے نہیں سمجھ آتی تھی کیسے۔۔؟
وہ ہمارے کئیے کی معافی مانگتا رہا اور ہم۔۔۔؟؟ کیسے سامنا کروں گی۔۔؟؟
آنئیشا۔۔۔حاشرکے جانے سے کچھ ویسا نہیں رہا۔۔۔۔”
وہ ٹوٹ کر رونے لگی تھی اپنے بیٹے کی یاد نے ایک بار پھر توڑ دیا تھا انہیں۔۔
“آپ جانتی ہیں۔۔۔وہ اب مجھ سے بات بھی نہیں کرنا چاہتی۔۔۔
آج اُس نے نور کو دیکھ لیا۔۔۔باجی۔۔۔آج اس کی آنکھوں میں میرے لیے نفرت نہیں میں نے گہرا درد دیکھا ہے۔۔۔
اسے تو یقین نہیں آرہا تھا میری کوئی بیٹی بھی ہوسکتی ہے۔۔۔ میں کیسی ماں تھی۔۔۔
مجھے تو یہ بھی نہیں پتا کیسے گزارے اس نے یہ سال۔۔ اسے جب اس انجان جگہ چھوڑا تھا اسے تو سمجھ بوجھ ہی نہیں تھی باجی۔۔۔ کیسی ماں ہوں۔۔۔؟”
دونوں بہنیں ایک دوسرے کے گلے لگ کر رونے لگی تھیں۔۔۔اور باہر وہ معصوم۔۔۔
اسکی غلطی کیا تھا اسکے ساتھ جو اب تک ہوا۔۔۔ وہ بیچاری تو جواب مانگتی رہ گئی۔۔۔
اور اب جب زندگی نے اسکی جھولی میں وہ انسان کی محبت ڈالی تو اس انسان کو چھین لیا
“ولید شاہ ” نے۔۔۔۔
“ولید تمہیں وہاں چوٹ پہنچاؤں گی جہاں تمہیں ذیادہ درد ہوگا۔۔۔۔
میرا وعدہ ہے۔۔۔”
۔
“حورعین بنا کوئی آہٹ کئے وہاں سے واپس اپنے کمرے میں چکی گئی تھی۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔
۔
۔
“یہ آخری بار پوچھ رہا ہوں۔۔۔”
“مجھے نہیں پتا۔۔۔مجھے معاف کردیں پلیز ولید بھائی۔۔۔”
“ایک بار اور بلٹ اسے پڑتی ہے وہ اپنے گھٹنوں پر بیٹھ گیا تھا۔۔۔
“بھائی۔۔؟؟ صاحب بول۔۔۔باسٹڑڈ۔۔۔کب سے میرے بچوں کو فولو کر رہا تھا۔۔۔؟؟”
ولید کی پوری شرٹ پسینے سے بھر گئی تھی۔۔۔
اتنے سالوں کے بعد آج اِس فارم ہاؤس آنا پڑا تھا اسے۔۔۔
“سر۔۔۔جب آپ باہر جانا چاہتے تھے اس سے کچھ ہفتے پہلے۔۔۔۔”
“آہ۔۔۔۔”
ایک بار اور اسکی چیخ کی آواز اس اندھیرے بھرے کمرے میں گونجی تھی۔
“ایگزٹ ٹائم بتا۔۔۔کتنے مہینے۔۔؟؟”
“سر۔۔۔ایک سال ہوگیا۔۔۔”
اور ولید نے وہ بلٹ چھوڑ کر اسکے بالوں سے اوپر اٹھا لیا تھا۔۔۔۔
“اتنے ٹائم سے۔۔۔؟ اتنے وقت سے دماغی طور پر میرے بچوں کو معذور کر رہا تھا تو۔۔۔
بتا کوئی ڈیمیج کیا تھا۔۔؟؟ کوئی فیزیکل ہارم دیا تھا۔۔؟؟ حورعین کو۔۔؟؟”
“سر۔۔۔۔”
ایک اور مکے سے وہ نیچے گر گیا تھا۔۔۔
“جلدی بتا۔۔۔۔”
“سر۔۔۔پہلے۔۔آپ کے بیٹے کو۔۔اسکے سکول میں گرایا تھا۔۔۔جس سے اسکے بازو میں گہری چوٹ آئی تھی۔۔۔۔پھر۔۔۔آپ کی بیٹی کو گھر میں سیڑھیوں سے۔۔۔
آپ کی۔۔بیوی۔۔۔میرا مطلب ہے۔۔۔حور میڈم کو بار بار وارننگ دی جاتی تھی۔۔۔وہ کسی کو نا بتائیں خاص کر آپ کو۔۔۔
پر۔۔۔ پر آپ کے آفس جاکر اُنہوں نے اچھا نہیں کیا تھا۔۔۔لیکن۔۔۔آپ نے اُن کی بات نا سن کر ہمارے بوس کا غصہ ٹھنڈا کر دیا تھا۔۔۔”
ولید نے جس شدت سے اسے کک ماری تھی وہ سامنے دیوار پر جا کے لگا تھا۔۔۔”
“باسٹرڈ۔۔۔۔نینا۔۔۔میں تمہیں چھوڑوں گا نہیں۔۔۔”
“سر۔۔۔آپ اگر مجھے زندہ چھوڑ دیں گے تو میں ایک اور اہم بات بتاؤں گا آپ کو۔۔۔”
ولید باہر جاتے ہوئے رک گیا تھا۔۔۔
“تو جس حالت میں ہے تیری جرات ہے کوئی شرط رکھنے کی۔۔۔؟؟”
دروازہ کھنلے پر باہر سے ولید کے گارڈز آگئے تھے۔۔۔۔
“سب گارڈز جن کی ڈیوٹی تھی بچوں کو دیکھنے کی حورعین کو دیکھنے کی سب کو ابھی بلاؤ۔۔۔”
“جی سر۔۔۔آپ بیٹھ جائیے۔۔۔۔”
وہ لوگ جلدی سے کرسی لیکر آگئے تھے کمرے میں جس پر ولید بیٹھ گیا تھا۔۔۔
“چل بتا اب۔۔۔تجھ پر رحم کرنا نا کرنا بعد میں سوچوں گا۔۔۔۔”
“وہ۔۔۔ڈاکٹر نینا اکیلی نہیں ہے۔۔۔اسکے ساتھ ایک اور شخص بھی ہے۔۔۔”
اور ولید اٹھ کھڑا ہوا تھا۔۔۔
“کیا کہا تو نے۔۔۔؟؟ کوئی آدمی۔۔؟؟ کون۔۔۔نام بتا۔۔۔پہچان سکتا ہے اسے۔۔۔؟؟”
“نہیں سر۔۔لیکن نینا کے پیچھے کوئی اور ہے۔۔۔
اور اسی نے اس لڑکے کو خرید لیا تھا جو حاشر کا دوست تھا محسن۔۔۔۔”
ولید کے ہاتھ نہیں رکے تھے پھر۔۔۔۔
باقی کے گارڈز جو ابھی ابھی آۓ تھے ولید کو اس طرح دیکھ کر وہ بھی ڈر گئے تھے۔۔۔۔۔
“تم لوگوں میں سے کون کون تھا جس کی ڈیوٹی تھی بچوں کی حفاظت کرنے کی۔۔۔۔؟؟؟”
ولید نے اپنی گن اٹھا لی تھی۔۔۔۔
“سر۔۔۔۔ہم چار لوگوں کی تھی۔۔۔۔۔”
“تم چاروں آگے آجاؤ۔۔۔۔اور پہچانو اِسے۔۔۔۔؟؟؟”
“سر۔۔یہ بھی ہوتا تھا ہمارے ساتھ۔۔۔۔”
اور اس جواب پر ولید کے ایک مکے سے وہ گارڈ نیچے گر گیا تھا۔۔۔۔
“تمہاری کمپنی کو لاکھوں روپے مہینے کے دیتا رہا تم لوگوں کو عیاشی کے لیے گھر گاڑی مہنگے سوٹ کھانا سب دیا۔۔۔بدلے میں تم لوگوں نے کیا دیا۔۔۔؟
تمہاری ناک کے نیچے یہ رہا تم لوگوں کے ساتھ۔۔۔۔باسٹرڈ۔۔۔یہ میرے بچوں کو ڈراتا رہا اور کسی کو خبر نا ہوئی۔۔۔۔۔؟؟؟”
ولید کا غصہ ہر اس شخص پر اترا تھا جو اس وقت اس کمرے میں تھا۔۔۔۔۔
۔
۔
“ہر بار ناکام کیوں ہوجاتا ہوں میں۔۔۔۔؟؟؟”
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
“عدیل۔۔۔۔”
“ہمممم۔۔۔ملائکہ تمہیں کتنی بار کہا ہے ویل چئیر پر لگے بٹن کو پریس کر دیا کرو تم کیوں اپنے ہاتھوں سے محنت کرتی ہو۔۔۔۔؟؟؟”
عدیل ملائکہ کے سامنے بیٹھ گیا تھا۔۔۔۔۔
“دل کر رہا تھا آج اپنے ہاتھوں کا استعمال کروں۔۔۔۔تم مجھے کچن تک چھوڑ دو گے۔۔۔۔۔؟؟؟”
“ہاہاہاہا۔۔۔اب اتنے پیار سے کہو گی تو کیسے چھوڑوں گا۔۔۔۔؟؟”
عدیل نے اسے آنکھ مارتے ہوئے کہا تھا۔۔۔۔۔
“ہاہاہاہا۔۔۔۔بےشرم۔۔۔۔”
“کچن میں کرنا کیا ہے۔۔۔؟ ملازمہ کس لیے ہے اگر روز تم ہی کام کرو گی تو۔۔۔۔”
ملائکہ کے چہرے پر ختم نا ہونے والی مسکان تھی۔۔۔عدیل کو اتنی فکر کرتے دیکھ وہ بہت خوش اور مطمئن تھی۔۔۔۔۔۔
اسے کیا پتا تھا ایک بھیانک سازش تھی عدیل شاہ کی اس سب کے پیچھے۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
کچھ دن بعد۔۔۔۔
حورعین نے پوری طرح اپنے آپ کو اس کمرے میں بند کرلیا تھا جو اس نے حاشر کے ساتھ کبھی شئیر کیا تھا۔۔۔۔
اس دن آنئیشا اور شازیہ بیگم کی باتوں نے حور کو پتھر بنا دیا تھا اور اب وہ وہسے ہی رہنا چاہتی تھی۔۔۔۔۔
کتنی بار شازیہ بیگم نے اس کی خاموشی کی وجہ پوچھنا چاہی پر وہ ہر بار بات نا کرنے کا بہانہ ڈھونڈ لیتی تھی۔۔۔۔۔
بچے بھی اسکے پاس ہوتے تھے۔۔۔۔ اور ولید شاہ کو اس دن کے بعد اس نے نہیں دیکھا تھا۔۔۔۔اور وہ ولید شاہ کو دیکھنا بھی نہیں چاہتی تھی۔۔۔
وہ ولید کو سزا ساری دنیا کے سامنے دینا چاہتی تھی حاشر کے قتل نے ولید کا چہرہ واضح کردیا تھا۔۔۔۔اسے اب سمجھ آگئی تھی ولید شاہ اپنی ذات کا انسان ہے۔۔۔۔انسان بھی نہیں جانور ایک حیوان۔۔۔۔۔
۔
“حورعین بیٹا۔۔۔۔”
حورعین جاۓ نماز بند کر رہی تھی جب شازیہ بیگم کھانے کی پلیٹ لائی تھیں۔۔۔۔۔۔
“مجھے بھوک نہیں ہے آنٹی۔۔۔۔۔”
“ہمم ماں سے اب آنٹی۔۔۔۔حاشر کے جانے کے بعد تم بھی نظریں پھیر لینا چاہتی ہو۔۔۔۔۔؟؟؟”
وہ بہت افسردہ ہوگئیں تھیں۔۔۔۔
“نظریں تو آپ نے پھیریں تھیں۔۔۔۔میں بس بچی ہوئی عزت بچا رہی ہوں۔۔۔”
حور کے سٹریٹ جواب سے شازیہ بیگم بہت شوکڈ ہوگئی تھی۔۔۔۔۔
“حور۔۔۔بیٹا تم۔۔۔۔”
“سب سن لیا تھا۔۔۔۔آپ دونوں بہنوں کی باتیں۔۔۔۔اور وہ ناجائز لفظ۔۔۔۔
پر ایک بات بتاؤں۔۔۔۔۔ یہ لفظ ایک نیا ٹائٹل تھا ان تمام ٹائٹلز کی فہرست میں جو مجھے لوگوں نے دئیے۔۔۔مجھے اپنوں نے دئیے۔۔۔۔
آپ سب کو صرف اس پانچ سال کی بچی سے مسئلہ تھا نا۔۔۔۔؟؟؟؟
وہ بچی بُری تھی۔۔۔پانچ سال کی بچی بھلا کیسے اتنی بُری ہوگئی کہ اسکی سگی خالہ نے اسے کا وجود ناجائز بنا دیا۔۔۔۔
اسکی سگی ماں نے اسے ٹھکرا دیا۔۔۔۔۔”
شازیہ نے حور کے آگے ہاتھ جوڑ دیئے تھے۔۔۔۔
“حورعین۔۔۔۔وہ غصہ تھا میرا۔۔۔میری بچی یقین کرو میں اس لمحے بولے گئے لفظوں پر آج تک پچھتا رہی ہوں۔۔۔۔۔
حاشر اگر یہاں ہوتا تو تمہیں میری گواہی دیتا۔۔۔۔ وہ آنئیشا کو منانے باہر کے ملک تک جاتا تھا۔۔۔عدنان نے آنئیشا سے یہاں تک کہہ دیا تھا کہ وہ بچی ہمیں دے دیں۔۔۔۔
ہماری تربیت ایسی نہیں تھی کہ بچوں کو گھر سے باہر چھوڑ دیا جاتا۔۔۔۔
اس وقت ہم غصے میں تھے۔۔۔میں ناراض تھی۔۔۔۔مجھے معاف کردو۔۔۔۔۔”
انکے جڑے ہاتھوں پر حور نے اپنے ہاتھ رکھ دئیے تھے۔۔۔۔
“کسی کو معاف کرنا میرے بد میں نہیں آنٹی۔۔۔۔بس معاف کر کرکے تھک گئی ہوں میں۔۔۔۔ میں اس گھر میں بھی نہیں رہنا چاہتی جہاں مجھے کبھی اپنایا نہیں گیا تھا۔۔۔۔۔
حاشر وہ واحد انسان تھے جنہوں نے بنا مطلب کے مجھے سہارا دیا اپنا نام دیا۔۔۔۔۔
اور میرا آپ سے وعدہ ہے جس نے حاشر کو ہم سے چھینا ہے وہ بھی زیادہ دیر تک بچ نہیں پاۓ گا۔۔۔۔۔”
حور کی یہ باتیں سن کر شازیہ اور شوکڈ ہوگئی تھیں انہیں عدنان نے بتا دیا تھا حاشر کو کسی نے سوچی سمجھی سکیم کے تحت مارا۔۔۔۔
پر حور کی باتوں سے وہ یہ تو جان گئی تھی کہ وہ جو کوئی بھی حور کو پتا ہے اسکا۔۔۔۔۔
“اگر تمہیں پتا ہے وہ کون ہے تو پولیس کو کیوں نہیں بتایا بیٹا۔۔۔۔؟؟ حاشر کا قاتل باہر کھلا گھوم رہا ہے اور تم خاموش ہو۔۔۔۔”
انکی آواز میں مایوسی اور غصہ تھا۔۔۔۔
“آپ کو کیا لگتا ہے پولیس اسکا کچھ بگاڑ سکے گی۔۔۔۔؟؟؟
اسے سزا نہیں شکست ملنی چاہیے اسی کے طریقے سے اسی کے انداز سے۔۔وہ تب سمجھے گا۔۔۔۔اپنے گناہوں کو تسلیم کرے گا۔۔۔۔”
حورعین کی باتوں میں شدت تھی بدلہ لینے کی۔۔۔۔
وعدہ تھا اپنی کہی بات کو پورا کرنے کا۔۔۔۔۔
“تم کیا بات کر رہی ہو بیٹا۔۔۔۔؟؟؟ تم کسی بھی ایسے کام میں نہیں پڑو گی۔۔۔۔پلیز بیٹا ہم حاشر کو کھو چکے ہیں تمہیں کھونا نہیں چاہتے۔۔۔۔۔”
شازیہ بیگم نے اسے اپنے سینے سے لگا لیا تھا۔۔۔اور حورعین جو ابھی تک نہیں روئی تھی کسی کے سامنے اب بکھر گئی تھی۔۔۔۔۔ انکی آغوش میں جنہوں نے بہت سال پہلے اس بچی کو اپنے سینے سے نہیں لگایا تھا۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
شاہ حویلی۔۔۔۔۔۔۔
۔
۔
بابا آپ کام پر بیزی ہیں ہم واپس جائیں حاشر انکل کے گھر۔۔۔۔۔؟؟”
دونوں بچوں نے ایک ساتھ پوچھا تھا۔۔۔۔
“ارش کے بچے ابھی بتاتا ہوں۔۔۔ولید شاہ کو دھمکی۔۔۔۔۔”
ولید اپنی فائل چھوڑ کر دونوں کے پیچھے بھاگا تھا۔۔۔۔۔
بابا اگر آپ ہمیں نا ڈھونڈ پاۓ تو آج ہم باہر جائیں گے پکا۔۔۔؟؟؟”
“اگر ڈھونڈ لیا تو۔۔۔؟؟؟”
تینوں بھاگتے ہوئے رک گئے تھے
“اگر ڈھونڈو گے تب نا بابا۔۔۔۔”
عاشی نے بہت کنفیڈنٹ ہوکر کہا تھا۔۔۔۔۔
“ہاہاہاہا۔۔۔اوکے بچے۔۔۔۔”
“ایسے نہیں دس تک گنے۔۔۔۔اور پھر آنکھوں پر ہاتھ رکھے۔۔۔۔۔”
ڈائننگ ٹیبل پر بیٹھے باقی سب بہت حیران نظروں سے دیکھ رہے تھے خاص کر ایان۔۔۔۔
۔
“اوکے میں دس تک گن رہا۔۔۔۔ایک دو۔۔۔۔۔”
ولید نے آنکھیں بند کر لی تھیں۔۔۔۔پر وہ انگلی ہٹا کر دیکھنے کی کوشش کر رہا تھا۔۔۔۔
“بابا۔۔۔۔چیٹنگ تو نا کریں اب۔۔۔صاف صاف ہار مان جائیں نا بچوں سے۔۔۔”
“ہاہاہاہا۔۔۔۔۔ بچوں اوکے سوری۔۔۔۔اب آنکھیں بند ہیں۔۔۔اور ولید شاہ نہیں ہارتا۔۔۔۔”
ولید نے بچوں کو تنگ کرتے ہوئے کہا تھا۔۔۔اسے بچوں کو چھیڑنے کا بہت مزہ آرہا تھا پچھلے کچھ دنوں سے وہ ایسے ہی کر رہا تھا۔۔۔۔
تاکہ بچوں کا دھیان ایک انسان سے ہٹ سکے جس کے نا ہونے کے باوجود وہ بچوں کی ہر بات میں تھا۔۔۔۔۔
حاشر عدنان احمد۔۔۔۔۔
۔
“بابا دس تک گننے کے بعد آجائیے گا۔۔۔۔۔”
اور دونوں بچے وہاں سے بھاگ گئے تھے۔۔۔۔۔
دونوں ہی کنفیوز تھے۔۔۔اور ایک اوپشن سٹڈی کا دروازہ کھولا دیکھ کر وہ اندر داخل ہوگئے تھے اور دونوں نے دروازہ بند کر لیا تھا۔۔۔۔
پر دو قدم آگے بڑھ کر دیکھا تو وجاہت شاہ سامنے کرسی پر بیٹھے ہوۓ تھے۔۔۔۔
“اووہ سو سوری۔۔۔۔ہم تو بابا سے چھپ رہے تھے۔۔۔۔۔”
ارش اور عاشی باہر جانے لگے تھے کہ وجاہت شاہ کی آواز سے رک گئے تھے۔۔۔چھپے بغیر واپس جارہے۔۔۔؟
جلدی سے چھپ جاؤ یہاں آکر۔۔۔۔۔تمہارے بابا بھی یہی چھپتے تھے ۔۔۔۔”
اور وجاہت صاحب نے بہت پیار سے ٹیبل کی طرف اشارہ کیا تھا۔۔۔۔۔
اور دونوں بچے ہنستے ہوئے چھپ گئے تھے وہاں۔۔۔۔۔
۔
“ارش عاشی بچوں سچی میں چھپ گئے ہو میں نے تو مذاق کیا تھا۔۔۔۔”
ولید سٹڈی میں داخل ہوگیا تھا۔۔۔۔۔
“ولید شاہ۔۔۔۔تمہیں پتا ہے کام کر رہا ہوں میں اور تم چلا کر مجھے ڈسٹرب کررہے ہو۔۔۔۔”
“پر بابا۔۔۔۔۔”
“شٹ اپ۔۔۔۔جاؤ اب۔۔۔بچے یہاں نہیں ہیں۔۔۔”
ولید کو الٹا ڈانٹ کر وہاں سے جانے کا کہہ دیا تھا۔۔۔۔اور ولید وہاں سے جانے بھی والا تھا پر بچوں کی ہنسنے کی آواز سے وہ رک گیا تھا اور اپنے بابا کی طرف دیکھا تھا جو ابھی بھی سخت منہ بنائے کھڑے تھے۔۔۔۔۔
“بابا۔۔۔بچوں کو تو میں ڈھونڈ لوں گا۔۔۔۔۔پر آپ نے بچوں کی جو شکایت لگائی تھی کہ بچے کہنا نہیں مانتے۔۔۔۔ بدتمیز ہوگئے ہیں۔۔۔آج دونوں بچوں کی کلاس لوں گا۔۔۔۔۔”
ولید کے جھوٹ پر وجاہت کا منہ کھل گیا تھا۔۔۔۔۔
“وٹ دادو۔۔۔آپ نے شکایت لگائی۔۔۔۔؟؟؟”
عاشی اپنی چھپی ہوئی جگہ سے نکل کر سامنے آکر کھڑی ہوگئی تھی۔۔۔۔
“دادو۔۔۔۔آپ کا کہنا کب نہیں مانا ہم نے۔۔۔۔؟؟؟”
دونوں بچے کمر پر ہاتھ رکھے وجاہت صاحب کے سامنے کھڑے تھے۔۔۔۔۔
“ارے۔۔۔نہیں بچوں۔۔۔میں نے کب شکایت لگائی۔۔۔۔؟؟؟”
وجاہت صاحب نے گھبرا کر ولید کی طرف غصے سے دیکھا تھا۔۔۔۔۔
“ہاہاہاہا۔۔۔۔پکڑ لیا۔۔۔۔۔۔”
ولید نے ہنستے ہوئے دونوں بچوں کو اپنی گود میں اٹھا لیا تھا۔۔۔۔۔
“بابا چیٹنگ کی۔۔۔۔”
“ہاہاہاہا نہیں بچوں۔۔۔۔۔میں جیت گیا ہوں۔۔۔۔۔”
وجاہت صاحب ابھی بھی اسی جگہ کھڑے تھے۔۔۔۔۔
“دادو آپ کی وجہ سے پکڑے گئے ہیں بعد میں حساب لیں گے آپ سے۔۔۔۔۔”
ارش نے خفا ہوکر کہا تھا پر اسکی بات سے ولید شاہ اور زیادہ ہنس دیا تھا۔۔۔۔
“ہاہاہاہا۔۔۔۔۔بابا انکا حساب بہت خطرناک ہوتا ہے۔۔۔۔۔”
ولید یہ کہہ کر بچوں کو وہاں سے لے گیا تھا۔۔۔۔۔۔
۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
۔
“ایم سو سوری مس آنئیشا پر حور میم آفس نہیں ہوتی وہ۔۔۔۔”
“میں حورعین سے نہیں تم سے ملنے آئی ہوں کچھ پوچھنا چاہتی تھی۔۔۔۔”
آنئیشا ڈیسک کے سامنے والی کرسی پر بیٹھ گئی تھیں۔۔۔۔
“ہممم ایم سوری میں کچھ سمجھی نہیں۔۔۔۔”
“تم حورعین کی پرسنل اسسٹنٹ ہو پچھلے چار سالوں سے۔۔۔؟؟
دیکھو مجھے غلط نا سمجھنا۔۔۔پر حورعین کے بارے میں جاننا میرا حق ہے پلیز۔۔۔”
“آپ ہیں کون۔۔۔۔؟؟؟”
مائرہ نے پیپرز ٹیبل پر رکھ دئیے تھے۔۔۔۔۔
“میں۔۔۔۔میں حورعین کی ماں ہوں۔۔۔۔”
“اوووہ۔۔۔۔وہ آپ ہی ہیں جنہوں نے اپنی پانچ سال کی بیٹی کو اس اورفینیج کے باہر چھوڑا تھا۔۔۔۔؟؟؟”
مائرہ کرسی سے اٹھ گئی تھی غصے میں۔۔۔۔۔
اور اب آنئیشا کو یقین ہوگیا تھا کہ وہ سہی انسان کے پاس آئی ہیں۔۔۔یہ انہیں حورعین کے بارے میں سب تفصیل سے بتائیں گی۔۔۔۔
پر وہ نہیں جانتی تھیں کہ حورعین کی اب تک کی زندگی کے بارے میں جان کر انکا اگلا سانس لینا مشکل ہوجاۓ گا۔۔۔۔۔
۔
“بیٹا پلیز۔۔۔۔”
“بیٹا نا کہیں۔۔۔۔آپ اپنے خون کو نا اپنا سکی آپ کے منہ سے یہ لفظ اچھے نہیں لگتے۔۔۔۔۔۔”
“دیکھو میں بس جاننا چاہتی ہوں۔۔۔۔”
“آپ جاننا چاہتی ہیں۔۔۔۔آپ کی بیٹی کو اسکی شادی والے دن کڈنیپ کیا گیا تھا کیسے۔۔۔؟
آپ جاننا چاہتی ہیں 18 سال کی عمر میں کیسے اس دنیا کے مظالم کا نشانہ بنی تھی وہ۔۔۔؟ چھوٹی عمر میں شادی اور پھر دو بچے۔۔۔۔۔
آپ جاننا چاہتی ہیں آپ کی بیٹی کو کیا ٹیگ دیا گیا تھا۔۔۔؟؟ “رکھیل کا۔۔۔
آپ جانتی ہیں۔۔۔۔کس طرح اسے اسکے شوہر نے گھر سے باہر نکال دیا تھا۔۔۔۔ اس پر الزام لگا کر۔۔۔۔۔
ہر بار غریب کہہ کر بے عزت کیا گیا تو کبھی رکھیل کہہ کر۔۔۔۔۔
شوہر جس کو ہر بار موقع دیا اس نے بھی دھوکا دیا۔۔۔۔۔
اور آپ جانتی ہیں آخری زخم کب لگا تھا۔۔۔۔؟؟؟
جب اپنی اولاد نے عدالت میں آپ باپ کے ساتھ جانے کا کہا تھا۔۔۔۔۔
یہ جاننا چاہتی ہیں۔۔۔؟؟؟؟
اور گہرائی سے جاننا چاہتی ہیں تو یہ ہے انکی فائل۔۔۔جس کے بارے میں خود وہ بھی نہیں جانتی۔۔۔۔۔۔پڑھ لیجیئے۔۔۔۔اور پھر بتائیے گا کیا ملا اپنے خون کو اس طرح زلیل و رسوا کروا کر۔۔۔۔۔۔۔”
مائرہ وہاں سے چلی گئی تھی وہ فائل دے کر۔۔۔۔۔
اور آنئیشا وہیں بیٹھ گئیں تھیں۔۔۔۔۔
فائل میں ہر نیا صفحہ انہیں ایک درد دے رہا تھا انکے آنسو فائل کو بھگو رہے تھے۔۔۔۔۔
حورعین کا اس کوٹھے سے لیکر اس اپارٹمنٹ میں قیامت بھری وہ رات اور وہ کورٹ سے لیکر وہ ایکسیڈینٹ۔۔۔۔
ہر ایک بات کا زکر تھا۔۔۔۔۔
ابورشن ڈائیورس۔۔۔۔۔ اور اڈوپشن پیپرز دیکھ کر آنئیشا کی سانسیں رک گئی تھیں۔۔۔۔
۔
“ما۔۔۔۔مائرہ۔۔۔یہ جہانگیر عالم۔۔۔۔۔؟؟؟”
آنئیشا کی آواز سے مائرہ اندر آگئی تھی۔۔۔۔۔
“یہ جہانگیر عالم آڈوپٹڈ فادر ہے مس حورعین کے اور دماغی ڈاکٹر بھی ہیں۔۔۔مس حورعین بہت ٹائم تک ڈپریشن میں رہی تھیں۔۔۔۔
اور۔۔”
آنئیشا نے اپنے دل پر ہاتھ رکھ لیا تھا۔۔۔۔۔اور وہیں گر گئیں تھیں وہ۔۔۔۔۔
۔
۔
آنکھیں بند کرنے سے پہلے انکے ہونٹوں پر ایک ہی نام تھا حورعین کا۔۔۔۔۔
۔