نیا دن شروع ہوچکا تھا فاطمہ واشروم سے فریش ہوکر آئی تو بیڈ کی جانب دیکھا جہاں عالم ابھی تک سویا ہوا تھا فاطمہ چلتی اُس کے پاس آئی اُس نے کبھی سوچا نہیں تھا وہ اُس کے لیے اتنا ضروری ہوجائے گا عالم کم عرصے میں اُس کے جینے کی وجہ بن گیا تھا فاطمہ جس نے پیدا ہوتے ہی بس اپنی نانو کا چہرہ دیکھا تھا جو اُس کے بارہ سال کے ہوتی ہی یہ دنیا چھوڑ کر چلی گئ تھی اُس کے بعد وہ ہاسٹل رہنے لگی تھی جہاں کبھی اُس کی زندگی میں پیار کرنے والا خیال کرنے والا نہیں تھا وہی اچانک سے عالم اُس کی زندگی معجزاتی طور پہ آیا تھا اُس کی بے رنگ زندگی میں اپنی محبت کے رنگ بھرے تھے اب اگر وہ اُس سے الگ ہونے کا سوچتی بھی تو دل بند ہوتا محسوس ہوتا عالم ہر چیز پہ اس سے برتر تھا دولت پہ ذہانت میں خوبصورت میں ورنہ وہ تو ایک عام شکل وصورت کی مالک تھی عالم جیسا انسان اُس کو خود سے زیادہ چاہ سکتا ہے یہ تو اُس نے کبھی خواب میں بھی نہ سوچا تھا جب کی وہ ایک عام شکل کی ہے یہ بات کبھی عالم نے محسوس نہیں کروائی تھی وہ جس نظر سے اُس کو دیکھتا وہ خود کو سب سے زیادہ خود کو خوشقسمت تصور محسوس کرتی اپنا آپ معمولی نہیں بلکہ بہت خاص محسوس ہوتا عالم کا وجیہہ چہرہ دیکھ کر وہ دور کہیں ماضی میں کھوگئ تھی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آداب۔عالم گراوٴنڈ کے پاس بنی سیڑھیوں پہ بیٹھی فاطمہ سے کہا

تسلیم۔جواب فاطمہ کے بجائے اُس کی دوست حرا نے دیا تھا جس پہ عالم ٹھنڈی سانس بھرتا رہ گیا۔

میری کلاس کا وقت ہوگیا ہے۔فاطمہ اتنا کہتی اپنی کتابیں سمیٹ کر جانے لگی تو عالم بھی بیگ کاندھے پہ ڈالتا اُس کے پیچھے گیا۔

وائے یو اگنور می۔عالم اُس کے ہمقدم ہوتا بولا

میں کیوں تمہیں اگنور کروں گی۔فاطمہ نے اُلٹا اُس سے سوال داغا۔

یو نو اے لو یو اُس کے باوجود بھی اتنا پھیکا رویہ تمہارا میرے ساتھ۔عالم نے جیسے شکوہ کیا تو فاطمہ کے قدموں کو بریک لگی۔

یو لو می سیریسلی۔فاطمہ نے مذاق اُڑانے والے لہجے میں کہا عالم سنجیدگی سے اُس کو دیکھنے لگا۔

عالم تمہیں مجھ سے محبت یہ تمہارا کہنا ہے میں تمہاری محبت پہ لبیک کہوں جس کی دن میں پانچ سے چھ گرل فرینڈز بدلتی رہتی ہیں تمہاری محبت جس کی محبت بن بادل برسات کی طرح ہے تو سوری ٹو سے میں اُن لڑکیوں کی طرح نہیں جو تمہاری وقت گُزاری کا سامان بنتی ہے۔فاطمہ سپاٹ انداز میں بولی

میں مانتا ہوں میری زندگی میں بہت لڑکیاں آچُکی ہے پر میں نے کبھی اُن سے یہ نہیں بولا کے مجھے اُن سے محبت ہے تمہیں ہربار کہتا ہوں کیونکہ مجھے تم سے سچ میں محبت ہے تم یقین کیوں نہیں کرتی۔عالم بے بسی سے بولا

میں اب بھی یہی کہوں گی میں تمہاری جال میں نہیں آؤں گی۔فاطمہ منہ موڑ کر بولی

جال میں نہ آؤ میرے نکاح میں آجاؤ۔عالم گہری مسکراہٹ سے کہا تو فاطمہ نے اُس کو گھورا

ایک بات بتاؤ تمہیں یہ باتیں کرنے کے لیے میں ہی ملی تھی جس کے آگے پیچھے نہیں جو ہر لحاظ سے تم سے پیچھے ہے میں کیسے مان لوں کے تمہیں مجھ سے پیار ہے مجھ میں ہی کیا عام شکل کی مالک ہے ہوں جب کی حسین سے حسین لڑکیاں تم پہ فدا ہے۔فاطمہ نے جواب طلب کیا۔

مجھ پہ کون فدا ہے کون پاگل ہے مجھے اُس سے کوئی سروکار نہیں میرا دل تمہارا طلبگار ہے تمہاری توجہ تمہاری محبت چاہتا ہے تمہارے آگے پیچھے میں ساری عمر چلنے کو تیار ہوں بس ایک دفع تم میرا ہاتھ تھام لو قسم مجھے میری محبت کی کبھی تمہیں مایوس نہیں کروں گا رہی ہے بات تم میں کیا ہے اور شکل کی بات تو مت کرو جن سے محبت ہوتی ہے وہ ہمارے لیے خاص سے خاص ہوتا ہے تم میرے لیے کیا ہو میں لفظوں میں بیان نہ کرپاؤ پر اگر تم کبھی جاننا چاہو تو میرے دل پہ ہاتھ رکھ لینا کیا پتا تب میری محبت پہ تمہیں ایمان آجائے۔عالم اُس کا ہاتھ پکڑ کر اپنے دل کے مقام پہ رکھتا بولا فاطمہ گھبرا کر جلدی سے اپنا ہاتھ کھینچ کر کلاس کی جانب جانے لگی عالم کی نظروں نے دور تک اُس کا پیچھا کیا تھا جس کی تپش فاطمہ محسوس کرسکتی تھی۔