Rooh E Ishq By Hussny Kanwal Readelle50267 Rooh E Ishq (Episode 12) 2nd Last Episode

Rooh E Ishq By Hussny Kanwal

اس کی چیخ پوری حویلی میں گونجی تھی۔۔۔۔

عبدالمنان بے حواسی میں بھاگتا ہوا کمرے میں پہنچا۔۔۔۔وہ اوندھے منہ پڑی تھی۔۔۔۔سر سے خون نکل رہا تھا۔۔۔۔

”بچی۔۔۔“عبدالمنان کے اوسان خطا ہوۓ تھے ۔۔۔۔

وہ بھاگتا ہوا آکر اسے سیدھا کرتا ہے۔۔۔

اس لمحے شازمہ بےجان گڑیا کی مانند تھی۔۔۔منہ سے بھی خون نکل رہا تھا۔۔۔

”بچی۔۔۔بچی آنکھیں کھولو۔۔۔۔۔بچی۔۔“اس کے چہرے پر ہلکے ہلکے ہاتھ سے تھپ تھپاتے ہوۓ اٹھانے کی کوشش کرتا ہے۔۔۔جو نعمان اور باقی سب کو بے سود لگ رہی تھی۔۔۔۔

”عبدالمنان سمبھالو خود کو۔۔۔۔۔اس کے سر سے بہت خون بہہ رہا ہے۔۔۔اگر اسے ہسپتال نہیں پہنچایا ۔۔۔تو یہ مر ۔۔۔“نعمان ابھی اس کے کندھے پر اپنا بھاری سہ ہاتھ رکھتے ہوۓ بول ہی رہا تھا۔۔۔کے عبدالمنان سخت لہجے میں چیخ کر کہتا ہے۔۔۔

”کچھ نہیں ہوگا اسے۔۔۔سمجھا۔۔۔۔“

وہ فورا اسے باہوں میں بھر کر باہر کی جانب لے کر تیزی سے دوڑتا ہے۔۔۔

”ڈاکڑ ڈاکڑ “وہ ہسپتال میں چیختا ہوا داخل ہوا۔۔۔اس کے کپڑوں اور ہاتھوں پر خون لگا ہوا تھا۔۔۔۔چہرے پر غم و غصہ جھلک رہا تھا۔۔۔۔

”میں اس لٸے اسے حویلی لے جانا نہیں چاہتا تھا۔۔۔۔۔سب میری غلطی ہے۔۔۔نہ میں اسے لے کر جاتا نہ یہ سب اس کے ساتھ ہوتا۔۔۔۔“عبدالمنان بیٹھ کر خود کو کوسے جارہا تھا۔۔۔۔۔

”شہاب صاحب ۔۔۔قاسم اور شازمہ کی فیملی بھی ہسپتال آن پہنچی تھی۔۔۔۔۔۔

”کیا ہوا تھا شازمہ کے ساتھ؟؟۔۔“سب کے ذہن میں یہی سوال تھا۔۔۔

عبدالمنان نے دیوار سے سر ٹکاکر آنکھیں بند کرلیں تھیں۔۔۔

شازمہ کا معصوم و دل فریب چہرہ آنکھوں میں گھوم رہا تھا۔۔۔

کبھی ہنستی ہوٸی اس کی چھبی نظر آتی۔۔۔تو کبھی چیختی ہوٸی۔۔۔۔

کبھی روتی ہوٸی چھبی نظر آتی تو کبھی غراتی ہوٸی۔۔۔۔

شازمہ کا تو ہر رنگ ہی بھایا تھا اس کے دل کو۔۔۔۔۔

وہ اپنے ہاتھوں کو دیکھنے لگا۔۔۔جس پر اس بھولی بھالی نازک سی لڑکی کا خون لگا تھا۔۔۔۔۔

شہاب صاحب کی نگاہ عبدالمنان پر ٹکی تھی۔۔۔وہ علم رکھتے تھے کے یہ وقت اس پر بڑا بھاری ہے۔۔۔

مانا منہ سے ایک اف تک ادا نہیں کی ہے۔۔۔پر دلی طور پر پارے پارے ہوچکا ہے۔۔۔۔

”او۔نو۔۔۔۔“۔نعمان سر پکڑ کر بولا۔۔جب اسے خبر ملی۔۔۔کے حویلی میں رپورٹرز کی ٹیم پہنچ گٸی ہے۔۔۔۔

”عبدالمنان ۔۔۔سب ختم ہوگیا یار۔۔۔۔فلم روکنی پڑے گی اب۔۔۔۔“نعمان کو اس وقت بھی اپنی فلم کی پڑی تھی۔۔۔

عبدالمنان کا خون کھول گیا تھا اس کی بات سن۔۔۔

”بچی جان کی بازی لڑ رہی ہے۔۔اور تجھے فلم کی پڑی ہے۔۔۔۔۔اتنا خودغرض مت بن نعمان کے نفرت ہونے لگے مجھے تجھ سے۔۔۔“وہ کدورت بھری نظروں سے نعمان کو دیکھ بولا۔۔۔۔

ہر گزرتے لمحے کے ساتھ اس کا حوصلہ ٹوٹتا جارہا تھا۔۔۔۔

”کچھ نہیں ہوگا آپی کو۔۔۔آپ فکر نہ کریں مانی “ایک چھوٹا سہ بچہ عبدالمنان کے پاس آکر بیٹھا تھا۔۔۔اس کے ہاتھ پر ہاتھ رکھ کر ۔۔۔۔بڑے پیار سے دلاسہ دینے لگا۔۔۔

”بلکل۔۔۔کچھ نہیں ہوگا اسے۔۔۔ویسے بھی حُسنِ کنول اتنی بے رحم راٸٹر نہیں ہیں۔۔۔۔“اس کے کہتے ہی راٸٹر کے چہرے پر مسکراہٹ بکھر آٸی تھی۔۔۔جبکے وہ بچہ الجھی نگاہ سے عبدالمنان کا چہرہ تک رہا تھا۔۔۔۔

”ڈاکڑ ۔۔۔میری بچی ٹھیک تو ہے ناں ؟؟“شازمہ کی والدہ روتے ہوۓ استفسار کرنے لگیں۔۔۔۔

”سوری ۔۔۔ شی حیس برین ہیمرج ۔۔۔ناؤ ۔۔شی از ان آ کوما ڈیو ٹو آ ہیڈ انجری ۔۔۔“ڈاکڑ کے کہتے ہی عبدالمنان پر سکتے کی کیفیت طاری ہوگئی تھی۔۔۔

”یہ کیا بول رہے ہیں ؟؟“شازمہ کی والدہ انگریزی زبان سے ناآشنا تھیں۔۔۔وہ پلٹ کر اپنے ہسبینڈ سے پوچھنے لگیں۔۔۔جو اس لمحے بڑی مشکل سے اپنے آنسو و جذبات کو بکھرنے سے روک رہے تھے۔۔۔۔

”انٹی ۔۔۔مس شازمہ کے سر پر کافی گہری چوٹ آنے کے سبب وہ coma میں چلی گٸی ہیں۔۔۔۔“قاسم نے بڑی مشکل سے یہ جملہ ادا کیا تھا۔۔۔

یہ سنتے ہی شازمہ کی والدہ چیخ چیخ کر اپنی جوان بیٹی کے لٸے رونا شروع ہوگٸیں۔۔۔۔

ان کے تڑپ دیکھی نہ جاتی تھی۔۔۔لوگوں کا کلیجہ منہ کو آ رہا تھا۔۔۔۔

جب عبدالمنان ہسپتال کے کمرے میں داخل ہوا۔۔۔تو شازمہ بے ست آنکھیں بند کرۓ لیٹی نظر آرہی تھی۔۔۔

سر پر سفید پٹی بندھی ہوٸی تھی۔۔۔۔۔اس کے خوبصورت گلاب کی پنکھڑیوں جیسے ہونٹ ۔۔۔۔کافی اونچاٸی سے گرنے کے سبب پھٹ گٸے تھے۔۔۔۔

بہت کوشش کی ۔۔۔کے نہ روۓ۔۔۔۔پر اسے دیکھتے ہی آنکھوں سے آنسوں بے اختیار جاری ہوگٸے۔۔۔

یہ دل کو خبر تھی کے وہ اچھی لگتی ہے۔۔۔۔پر کتنی اچھی لگتی ہے۔۔۔یہ وقت نے بتایا۔۔۔۔۔

شازمہ کا علاج شہاب صاحب نے اپنے ذمہ لے لیا تھا ۔۔۔۔

فلم کی شوٹنگ تین چار مہینوں تک بند رہی۔۔۔۔پھر نعمان نے نٸی لوکیشن تلاش کر لی۔۔۔۔

پولیس اور رپورٹرز دونوں ہی ناکام ہوۓ تھے شازمہ ، وقاص اور امریکی باشندے کے کیس کو سلجھانے میں۔۔۔۔

****–—******

”کیسی ہو ڈارلنگ ؟؟۔۔۔اففف ۔۔ہر روز کی طرح وہی خاموشی۔۔۔تھکتی نہیں ہو کیا ؟؟۔۔۔اس طرح بیڈ پر لیٹے لیٹے۔۔۔۔میں تمھاری جگہ ہوتا تو اب تک تو اٹھ کر بھاگ چکا ہوتا۔۔۔۔“وہ روزانہ کی طرح 9 بجتے ہی آن پہنچا تھا۔۔۔۔۔۔شازمہ کو دیکھ مسکراتے ہوۓ کہنے لگا۔۔۔۔

پورے دن شازمہ کی چھوٹی بہن ہسپتال میں رہتی۔۔۔۔اور رات میں عبدالمنان۔۔۔۔۔۔۔

چار مہینے گزر چکے تھے اسے بے جان گڑیا کی طرح بیڈ پر لیٹے لیٹے۔۔۔۔

”دیکھو میں کیا لایا ہوں۔۔۔ لوو اسٹوری۔۔۔میں نے سنا ہے ۔۔لڑکیوں کو بہت پسند ہوتی ہیں۔۔۔۔۔۔دل میں خیال آیا ۔۔۔شاید تمھیں بھی آجاۓ۔۔۔اس لٸے لے آیا۔۔۔جلدی بتاٶ سنو گی؟؟۔۔۔۔ ویسے بہت لکی ہو تم۔۔۔ہر کسی کو مجھ جیسے ہینڈسم سے لوو اسٹوری سنے کا موقع نہیں ملتا۔۔۔اب تم ڈبل مزے لو۔۔۔ایک اسٹوری کے۔۔۔دوسرا مجھے تاڑنے کے۔۔۔۔چوری چوری جتنا چاہے مجھے تاڑ سکتی ہو۔۔۔۔میں بلکل مائنڈ نہیں کروں گا ۔۔“وہ شوخی سے اس کے چہرے کے قریب آکر بولا۔۔۔۔

چار مہینے ہو گئے تھے۔۔۔اس کے منہ سے اپنے لٸے ٹھرکی نہیں سنا تھا۔۔۔

”اس طرح کب تک رہو گی؟؟۔۔۔۔میں ترس رہا ہوں تمھارے منہ سے ٹھرکی سننے کے لٸے۔۔۔۔اور ہمارا مقابلہ ۔۔۔۔وہ بھی تو باقی ہے۔۔۔۔۔میرے پانچ اور تمھارے چار۔۔۔۔۔“عبدالمنان نہایت رنجیدہ ہوکر اس کے خوبصورت چہرے پر اپنا ہاتھ رکھتے ہوۓ گویا ہوا۔۔۔۔آپجان کر غلط نتیجہ بیان کر رہا تھا۔۔۔۔

خواہش تھی ۔۔۔کےوہ جلدی سے اٹھ کر لڑۓ۔۔۔اور کہے۔۔۔”کوٸی نہیں جھوٹے۔۔۔۔میرے پانچ اور تمھارے چار ہیں۔۔۔“۔۔۔۔۔۔۔پر وہ تو خاموش تھی ہر روز کی طرح۔۔۔۔۔

گرم پانی سے اس کا خوبصورت چہرہ صاف کیا۔۔۔”اففف ۔۔۔تمھارے ہاتھ کتنے نرم و ملاٸم ہیں ۔۔۔۔“وہ ہاتھوں کو گرم پانی کے ٹاول سے صاف کرتے ہوۓ شرارت سے کہنے لگا۔۔۔۔پر جواب میں خاموشی دیکھ اسکا دل بھر آیا تھا۔۔۔۔

”بچی ۔۔۔۔کب اٹھو گی ؟؟۔۔۔۔۔“وہ شازمہ کا نازک ہاتھ اپنے دونوں ہاتھوں سے تھام کر پیشانی پر لگا کر رونے لگا۔۔۔۔

”کھانا کھانے کا ارادہ ہے یا رو رو کر ہی پیٹ بھرنا ہے ؟؟“قاسم کی آواز پر اس نے اپنا چہرہ اٹھاکر اس کی جانب دیکھا۔۔۔۔

”تم کھانا کیوں لاۓ؟؟۔۔۔“عبدالمنان اپنے آنسو صاف کرتے ہوۓ ۔۔۔ابرو اچکاکر پوچھنے لگا۔۔۔۔

”وہ ۔۔۔۔میں مس شازمہ سے ملنے آرہا تھا۔۔۔تو دادا جان نے کہا یہ بھی لے جاٶ ۔۔۔اس لٸے لے آیا۔۔۔“وہ سرسری سہ اسے دیکھ کر کھانے کا باکس ٹیبل پر رکھنے لگا۔۔۔۔

”ویسے ۔۔۔۔۔تمھیں نہیں لگتا۔۔۔تمھیں مجھ سے کھانا کھانے کا پوچھنا چاہے“قاسم اسے اکیلے اکیلے کھانا کھاتا دیکھ ٹوکتے ہوۓ بولا۔۔۔۔

”نہیں“وہ سپاٹ سہ جواب دے کر ۔۔پھر سے کھانے میں مگن ہوگیا۔۔۔

”دادا جان نے کہا تھا ۔۔۔دونوں بھاٸی ساتھ کھا لینا۔۔۔اس لٸے میں کھانا لے کر ڈائریکٹ ہسپتال آگیا۔۔۔“قاسم منہ لٹکاکر اسے شکوۓ بھری نظروں سے دیکھتے ہوۓ بولا۔۔۔

”بوڑھے بابا کی کیا ہے ۔۔۔وہ تو کچھ بھی بولتے رہتے ہیں۔۔“وہ لاپرواہی سے بولا۔۔۔۔

”واہ ۔۔۔کیا مزے دار کھانا بنایا ہے ۔۔واہ۔۔“عبدالمنان قاسم کو تنگ کرنے کی نیت سے خوب کھانے کی تعریفیں کر رہا تھا

”حد ہے۔۔۔کیا تھوڑا سہ اپنے بھاٸی کے ساتھ شیٸر نہیں کرسکتے ؟؟“قاسم کے منہ میں پانی آرہا تھا۔۔۔اسے مزے سے کھانا کھاتا دیکھ۔۔۔

”نہیں۔۔۔“وہ مسکراتے ہوۓ ۔۔۔

”اب تو میں بھی کھا کر رہوں گا“قاسم زبردستی اس کا چمچہ چھین کر کھانا شروع ہوگیا تھا۔۔۔۔

”ہمم۔۔۔واقعی مزے دار ہے ۔۔۔یہ لو“قاسم چمچہ واپس اس کی جانب بڑھانے لگا۔۔۔

”تم ہی کھا لو اب۔۔۔۔میری بھوک مر گٸی۔۔۔“وہ منہ بگاڑتے ہوۓ کہنے لگا۔۔۔

”او۔کے۔۔۔“وہ کندھے اچکاکر۔۔۔۔ لاپرواہی سے کہتے ہوۓ۔۔۔ کھانے میں مگن ہوگیا۔۔۔۔۔۔

”سر پلیز آپ دونوں باہر جاٸیں۔۔۔۔ مجھے پیشنٹ کے کپڑے چینج کرنا ہے“نرس نے آکر کہا تو دونوں فورا ہی باہر کی جانب چل دیے۔۔۔

”ایک بات تو بتاٶ۔۔۔کیا تم نے کبھی کچھ کہا تھا مس شازمہ سے میرے بارے میں؟؟“وہ تجسس سے اپنے برابر میں چلتے ہوۓ عبدالمنان کو دیکھ پوچھنے لگا۔۔۔

”تم اتنے امپورٹنٹ نہیں ہو کے ہر کوٸی تمھارے بارے میں ہی باتیں کرتا رہے۔۔۔“

”پر ۔۔۔میں نے محسوس کیا تھا۔۔۔وہ جس طرح اسٹارٹ میں ملی تھیں۔۔۔اور باتیں کر رہی تھیں۔۔۔اس طرح پھر کبھی نہیں کی۔۔۔ایک کھیچاٶ سہ محسوس کرتا تھا میں ۔۔۔جیسے بھاگ رہی ہوں مجھ سے “قاسم کے کہتے ہی عبدالمنان کے لبوں پر پُراسرار مسکراہٹ بکھر آٸی۔۔۔۔

”تم نے کچھ کہا ہے ناں مس شازمہ سے ؟؟۔۔۔اس لٸے مسکرا رہے ہو ناں تم ؟؟“وہ ابرو اچکاکر ۔۔۔

”زیادہ کچھ نہیں کہا تھا۔۔۔بس چھوٹا سہ جھوٹ کہا تھا۔۔۔“

”اور وہ کیا ؟؟“

” کے تم پلے بوائے ہو“اس کے کہتے ہی قاسم کا شاکڈ کے مارے منہ کھلا تھا۔۔۔

”کیا؟؟۔۔۔تم نے ان سے کہا کے میں پلے بوائے ہوں؟؟؟۔۔۔۔“وہ اپنا سر پکڑ بولا۔۔۔”میں نے تو آج تک ایک لڑکی بھی نہیں پٹاٸی۔۔۔۔اور تم نے مجھے پلے بواۓ بنا ڈالا۔۔۔۔اور وہ بھی مس شازمہ کے سامنے ۔۔۔تم نہایت کمینے ہو مانی“وہ دانت پیستے ہوۓ ابھی اس کی جانب بڑھا ہی تھا۔۔۔۔کے عبدالمنان نے یہ کہتے ہوۓ دوڑ لگا دی ” محبت اور جنگ میں سب جائز ہے بیٹا۔۔“

”میں تمھیں چھوڑوں گا نہیں مانی۔۔۔تم نے میری محبت کو بدگمان کیا ہے مجھ سے“وہ پیچھے بھاگتے ہوۓ بولا

”ارے ۔۔۔میں تجھے دوسری پٹانے میں مدد کردوں گا ۔۔۔تو فکر نہ کر “عبدالمنان مدد کی آفر دیتے ہوۓ آگے آگے بھاگ رہا تھا۔۔۔۔

ہسپتال کے پورے گارڈن میں وہ دونوں بھاٸی بھاگتے پھر رہے تھے۔۔۔

”بس ۔۔۔اب اور نہیں بھاگا جاتا۔۔۔۔۔۔۔“قاسم تھک کر بینچ پر بیٹھ گیا تھا۔۔۔عبدالمنان بھی پھولے پھولے سانس کے ساتھ اس کے برابر میں ہی آکر ٹک گیا۔۔۔۔

عبدالمنان قاسم کی حالتِ غیر دیکھ ابھی مسکرا ہی رہا تھا

کے قاسم أچانک۔۔۔۔ اس کے سینے سے آ لگا۔۔۔۔۔

”شکریہ بھاٸی۔۔۔۔میں ہمیشہ سے تمھارے گلے لگنا چاہتا تھا۔۔۔تمھیں بتانا چاہتا تھا کے ڈیڈ دلی ہی دل بہت محبت کرتے ہیں تم سے۔۔۔بس تمھاری ماں کا دیا زخم تازہ ہوجاتا ہے تمھیں دیکھتے ہی ۔۔۔اس لٸے دور بھاگتے ہیں ۔۔۔۔وہ کبھی میری ماں کو وہ محبت دے ہی نہ سکے ۔۔۔جس کی وہ حقدار تھیں۔۔۔اس لٸے میں بہت نفرت کرتا تھا تم سے۔۔۔پر یہاں آکر جب تم سے ملا۔۔۔۔اور تمھاری حالت دیکھی ۔۔۔اور دادا جان کی بات سنی ۔۔۔تو احساس ہوا وہ ٹھیک کہ رہے ہیں۔۔۔۔۔تمھارے ساتھ ناانصافی ہورہی ہے۔۔۔تمھیں کسی اور کے گناہ کی سزا دی جارہی ہے۔۔۔۔پتا ہے بچپن میں بڑے لڑکے جب مجھے مارتے تو میں ہمیشہ خواہش کرتا کے میرا بڑا بھاٸی ہوتا ۔۔۔جو ان سے میرے خاطر لڑتا۔۔۔“قاسم نہایت گرم جوشی سے اس کے سینے لگا ہوا تھا۔۔۔اور روہانسہ آواز میں اپنے بڑے بھاٸی سے محبت کا اظہار کر رہا تھا۔۔۔۔۔

ایک دو لمحوں کے لٸے تو عبدالمنان شاکڈ ہوگیا تھا۔۔۔اس کے اچانک گلے لگنے کے سبب۔۔۔۔۔”بھاٸی“ یہ وہ خوبصورت رشتہ تھا۔۔۔جس کی کبھی خواہش تک نہیں کر سکا تھا وہ بیچارہ۔۔۔کیونکے بہن بھاٸی کی خواہش بچے اپنے ماں باپ سے کرتے ہیں۔۔۔۔پر اس بیچارے کے تو والدین ہی نہیں تھے۔۔۔۔وہ کس سے کہتا کے مجھے بہن بھاٸی چاہیں۔۔۔مجھے بھی ایک بہن چاہیے جس کی چوٹی پکڑ کر کھینچوں۔۔۔۔۔ایک بھاٸی جس کے ساتھ اپنا ہر دکھ درد شیٸر کرسکوں۔۔۔۔جسے بتا سکوں ۔۔۔بہت ٹوٹا ہوا ہوں اندر سے۔۔۔۔۔بہت بکھر گیا ہوں۔۔۔۔اب اور سہا نہیں جاتا۔۔۔۔جس کے سینے سے لگ کر دل بھر کر رو سکوں۔۔۔اس کا کندھا میرے آنسوں خاموشی سے اپنے اندر سمو لے۔۔۔۔۔جس سے کہوں ۔۔۔۔۔ڈیڈ سے میری سفارش کرو ناں ۔۔کہو ناں ان سے۔۔۔۔میری کوٸی غلطی نہیں ہے۔۔۔پھر مجھے سزا کیوں؟؟۔۔۔۔

عبدالمنان کی آنکھوں میں آنسوں موتی کی طرح چمک رہے تھے۔۔۔۔

اس محبت کے ترسے ہوۓ شہزادے نے فورا ہی قاسم کو اپنے حصار میں جکڑ لیا۔۔۔۔

”بھاٸی ۔۔۔۔۔فکر نہ کرو۔۔۔میں بہت جلد ڈیڈ کو منا لوں گا ۔۔تمھارا حق تمھیں ضرور دلواٶں گا۔۔۔۔۔۔۔۔۔اور انھیں احساس بھی دلاٶں گا۔۔۔کے غلط کرتے آۓ ہیں وہ آج تک تمھارے ساتھ۔۔۔تم دیکھنا۔۔۔“قاسم گلے سے ہٹ کر اپنے بھاٸی کا ہاتھ تھامتے ہوۓ بولا۔۔۔

”بس کریں حُسنِ کنول۔۔۔کتنا سینٹی کریں گی۔۔۔۔۔۔۔افففف۔۔۔۔۔۔آج آخری ایپیسوڈ ہے۔۔۔اس کا مطلب یہ نہیں کے مجھے رولا رولا کر اندھا ہی کر دیا جاۓ۔۔۔“وہ آنسوں صاف کرتے ہوۓ ۔۔۔۔۔اوپر کی جانب دیکھ ۔۔۔۔شکوہ کرنے لگا۔۔۔۔۔۔

جس پر قاسم ناسمجھی سے مسکراتے ہوۓ۔۔۔۔۔”کیا بول رہے ہو؟؟۔۔۔۔ذہنی توازن ہل گیا ہے کیا ؟؟“

”پگلے تم نہیں سمجھو گے۔۔۔یہ راٸٹر اور میری آپس کی باتیں ہیں“وہ پُراسرار مسکراہٹ لبوں پر سجاۓ بولا۔۔۔۔

*****—-—–****

اس نے اپنا کمرہ پورا بکھیر دیا تھا۔۔۔۔۔پر اس کی امپورٹنٹ فائل مل کر ہی نہیں دے رہی تھی۔۔۔۔۔۔”کہیں حویلی میں تو نہیں رہ گٸی۔۔اففف۔۔۔ عبدالمنان۔۔۔۔کوٸی کام تو ٹھیک کر لیا کرٶ۔۔۔۔یار ۔۔۔۔بچی۔۔۔۔۔کب ٹھیک ہوگی تم؟؟۔۔۔۔۔۔اس عبدالمنان نامی بلا کو صرف تم ہی سمبھال سکتی ہو۔۔۔۔۔۔“وہ اپنا سر پکڑے دوہایاں دے رہا تھا۔۔۔۔۔

شازمہ عرف بچی کا ذکر تو تسبیح کی طرح کرتا تھا۔۔۔ہر وقت ہر گھڑی۔۔۔۔۔۔کوٸی لمحہ نہ ہوتا تھا جب اس کے لبوں پر بچی کا ذکر نہ آتا ہو۔۔۔۔۔

وہ حویلی چل دیا تھا۔۔۔۔اپنی امپورٹنٹ فائل ڈھونڈنے۔۔۔۔

اس کے حویلی میں قدم رکھتے ہی حمنہ کو اسکے آنے کی آہٹ محسوس ہو گئی تھی۔۔۔۔

عبدالمنان ڈاٸریکٹ اپنے کمرے کی جانب بڑھا۔۔۔۔۔جہاں فلم میکنگ کے دوران وہ مقیم تھا۔۔۔۔۔

شازمہ والے حادثے کے بعد وہ آج پہلی بار حویلی آیا تھا۔۔۔۔

کمرے میں داخل ہوتے ہی اس نے لاٸٹ اون کی۔۔۔۔۔اس کمرے میں شازمہ کی یادیں بسی تھیں۔۔۔۔کہیں وہ لڑتی ہوٸی نظر آرہی تھی۔۔۔تو کہیں چیخ چیخ کر جگاتے ہوئے۔۔۔۔

دل کمرے میں آتے ہی رنجیدہ ہوگیا۔۔۔۔

”کاش ۔۔۔میں نے تمہاری اور نعمان کی بات مان لی ہوتی۔۔۔۔۔کاش۔۔۔صد کروڑ کاش۔۔۔۔۔۔تو آج بچی تم میرے ساتھ ہوتیں۔۔۔“وہ بیڈ پر بیٹھ کر رونے لگا۔۔۔۔۔

شازمہ کا دکھ اسے ہر دکھ و غم سے پرے کر گیا تھا۔۔۔۔۔۔

”تم دنیا کے واحد مرد ہو عبدالمنان ۔۔۔جس نے حمنہ کو دیکھا ہے۔۔۔۔زرمین کہتی تھی۔۔۔۔جو مجھے دیکھ لے ۔۔۔وہ پانی نہ مانگے۔۔۔۔اتنی حسین ہوں میں۔۔۔۔اثر تو تم پر بھی دیکھا ہے میں نے اپنے حسن کا۔۔۔۔مجھے یقین ہے اب کے جب میں تمھاری دلی خواہش کا روپ لوں گی تو وہ میں خود ہوں گی۔۔۔۔۔۔۔تمھاری ماں نہیں۔۔۔۔۔اور پھر تم مجھے اپنی مردوں والی حیوانیت دیکھاٶ گے۔۔۔۔۔۔جیسے تم سب مرد ہوتے ہو ۔۔۔۔۔جیسے آیان تھا۔۔۔۔“وہ عبدالمنان کو گھورتے ہوۓ ہمکلام ہوٸی۔۔۔۔۔اس کے چہرے پر ایک طنزیہ مسکراہٹ نمودار ہوئی تھی۔۔۔۔۔۔

اس نے مسکراتے ہوۓ آج پھر عبدالمنان کی دلی خواہش کا روپ لیا۔۔۔۔اسے اپنے قیامت خیز حسن پر پورا یقین تھا۔۔۔۔

پر اگلے ہی لمحے وہ خود حیرت کے غوطے کھانے لگی۔۔۔

کیونکے وہ شازمہ کے روپ میں بدل گٸی تھی۔۔۔۔

”رو کیوں رہے ہو مانی ؟؟“اس کی آواز کانوں میں رس گھولتی ہوئی محسوس ہورہی تھی۔۔۔۔عبدالمنان کے کندھے پر اپنا نازک ہاتھ رکھ ۔۔۔۔بڑی محبت سے استفسار کرنے لگی۔۔۔۔

”بچی ۔۔۔یہ واقعی ؟؟۔۔تم۔؟؟؟۔۔۔کیسے؟؟۔۔۔مطلب؟؟۔۔۔“خوشی کے مارے۔۔۔ ایک دو ثانیوں کے لٸے تو اسے گمان ہوا۔۔۔سانسیں ہی رک جاٸیں گی۔۔۔۔۔۔بے یقینی سے اس کے خوبصورت رخسار پر ہاتھ رکھ کپکپی زبان سے الفاظ ادا کر رہا تھا۔۔۔۔

چھ مہینے بعد وہ دلربا آج سامنے بیٹھی تھی۔۔۔۔آنکھیں تو پہلے ہی ابدیدہ تھیں۔۔۔اسے دیکھتے ہی جھر جھر آنکھوں سے آنسوں رواں ہوگٸے۔۔۔۔

حمنہ کی کشش اسے اپنی جانب تیزی سے کھینچ رہی تھی۔۔۔

ایک عجیب سہ سحر عبدالمنان کو اپنی گرفت میں لے رہا تھا۔۔۔۔۔۔۔

حمنہ بہکانے کی نیت سے آٸی تھی۔۔۔وہ بھی دلربا کی صورت میں۔۔۔۔۔

”بچی۔۔۔۔تم واقعی ٹھیک ہوگٸیں؟؟۔۔۔۔۔مجھے اپنی آنکھوں پر یقین نہیں آرہا۔۔۔۔“وہ مسرت بھرے لہجے میں۔۔۔۔ اسکے رخسار پر ہاتھ رکھے۔۔۔۔ ابھی بھی ۔۔۔۔بے یقینی سی کیفیت میں بول رہا تھا۔۔۔۔

”یقین نہیں آرہا ۔۔۔۔تو چھو کر دیکھ لو۔۔۔“اس کا لب و لہجہ نہایت دلکش ۔۔۔۔وہ اپنے حسین ہونٹوں کو عبدالمنان کے ہونٹوں کے قریب لاکر محبت سے چور لہجے میں گویا ہوٸی۔۔۔۔

عبدالمنان اس کے سحر میں بندھا تھا۔۔۔۔۔

وہ حسین دلربا اپنے حسین ہونٹ مزید قریب لانے لگی۔۔۔۔تو عبدالمنان چونک کر پیچھے ہٹا ۔۔۔۔

”تم میری شازمہ نہیں۔۔۔۔۔وہ بہت پاکیزہ کردار کی مالکن ہے۔۔۔۔۔“

”میں شازمہ ہی ہوں۔۔۔۔میں محبت ہوں تمھاری۔۔۔۔دیکھو میری آنکھوں میں ۔۔۔۔۔“یہ پہلی بار تھا کے اس کا سحر ٹوٹ گیا تھا۔۔۔۔پر وہ ابھی بھی پیچھے نہیں ہٹی ۔۔۔۔عبدالمنان کے قریب آکر اسے مدہوش کرنے لگی۔۔۔۔

”مانا تم میری محبت ہو۔۔۔۔پر میں ایک مسلمان ہوں۔۔۔۔اور حرام اور حلال کی تمیز جانتا ہوں۔۔۔۔۔میری ڈارلنگ جہاں میں نے اتنا صبر کیا ہے ۔۔۔وہاں کچھ دن اور صحیح۔۔۔۔پر پہلے نکاح کروں گا تم سے۔۔۔۔اعلانیہ دنیا کو بتاٶں گا تم میری ہو۔۔۔۔پھر تمھیں چھونے کی گستاخی کروں گا ۔۔۔۔وہ بھی پورے حق سے۔۔۔۔۔۔۔۔ابھی نہیں۔۔۔۔“عبدالمنان نے مسکراتے ہوۓ جواب دیا۔۔۔۔

”ہم دونوں اکیلے ہیں۔۔۔۔کسی کو پتا نہیں چلے گا ۔۔۔“یہ کہتے ہوۓ وہ پھر ایک بار قریب آنے لگی۔۔۔۔

اس نے عبدالمنان کے گالوں پر اپنا دہکتا ہوا ہاتھ مس کیا تو پورے وجود میں سنسنی برقی روح کی طرح پھیل گٸی۔۔۔۔

”نہیں۔۔۔۔میرا خدا میرے ساتھ ہے۔۔۔۔میرا خدا مجھے دیکھتا ہے۔۔۔۔میرا خدا میرا گواہ ہے “عبدالمنان نے اس کا ہاتھ بڑے پیار سے اپنے چہرے سے ہٹا دیا۔۔۔۔

بس ان جملوں کا سننا تھا ۔۔۔وہ اپنے اصلی روپ میں آگٸی۔۔۔۔

”تم واقعی بہت الگ ہو عبدالمنان ۔۔۔۔۔تم جیسا مرد نہیں دیکھا میں نے آج تک۔۔۔۔۔تمھارا خدا پر یقین مجھے اور میری سوچ کو شکست دے گیا۔۔۔۔تم نے جو جملے کہے ۔۔۔۔۔وہ بلا کی تاثیر اپنے اندر سموۓ ہوۓ ہیں۔۔۔۔۔ان جملوں کو فقط منہ سے ادا تو بہت لوگ کرتے ہیں۔۔۔پر ان جملوں پر پکا ایمان لاکھوں میں ایک کا ہوتا ہے۔۔۔۔۔“حمنہ نے عش بھری نظروں سے عبدالمنان کو دیکھ کہا۔۔۔۔

جو ابھی تک اسے پھٹی پھٹی نگاہوں سے تک رہا تھا۔۔۔۔

”کاش تمھارے جیسا مرد میری زرمین کو مل جاتا ۔۔۔کاش۔۔۔تو آج وہ زندہ ہوتی“حمنہ کے حسرت بھرے لہجے میں کہتے ہی عبدالمنان الجھ کر اسے دیکھنے لگا۔۔۔۔

”۔۔۔۔تم زرمین نہیں ہو یہ تو میں جانتا ہوں۔۔۔پر ۔۔۔۔تم ہو کون ؟؟۔۔۔۔اور تم نے شازمہ پر حملہ کیوں کیا ؟؟۔۔۔۔۔“عبدالمنان کھڑے ہوکر ۔۔۔۔غصے سے استفسار کرنے لگا۔۔۔۔

”شاید اس لٸے کیونکے وہ تم سے لڑٸی تھی۔۔۔۔ہے ناں؟؟؟۔۔۔تو یار۔۔۔۔اس دن بتایا تھا میں نے تمھیں۔۔۔وہ بچی ہے۔۔۔۔بہت بھولی سی ہے وہ۔۔۔۔بہت نادان۔۔۔۔۔۔۔تمھارے ہاتھ نہیں کانپے ؟؟۔۔۔۔تمھیں ترس نہیں آیا اس پر؟؟۔۔۔۔ایک بار جاکر دیکھو ہسپتال میں۔۔۔۔وہ کیسے چھ مہینوں سے بے جان گڑیا کی طرح بیڈ پر لیٹی ہے ۔۔۔۔“عبدالمنان جذباتی ہوکر شعلہ بار نگاہوں سے اسکے وجود کو تکتے ہوۓ سوال کر رہا تھا۔۔۔۔

”کوٸی زرمین کی چیزوں کو ہاتھ لگاۓ مجھے بلکل پسند نہیں۔۔۔اور شازمہ نے تو بغیر اجازت پوری ڈاٸری پڑھ لی تھی۔۔۔۔تو اسے تو سزا ملنی ہی تھی۔۔۔۔“

”ڈاٸری ؟؟۔۔۔۔۔کون سی ڈاٸری ؟؟“وہ الجھ کر ۔۔۔

”میری زرمین کی ڈاٸری ۔۔۔“حمنہ نہایت سخت لہجہ میں جتاتے ہوۓ گویا ہوٸی۔۔۔۔

”یہ زرمین آخر ہے کون ؟؟؟۔۔۔“عبدالمنان کی پیشانی پر بل نمودار تھے۔۔۔۔

”میری بچپن کی سہیلی۔۔۔میری واحد ساتھی۔۔۔۔میری جان۔۔۔۔میری محبت۔۔۔۔میرا سب کچھ۔۔۔۔جسے آیان نے اپنے لالچ اور حوس کا نشانہ بناکر بے دردی سے قتل کر دیا۔۔۔۔“وہ تڑپ کر بولی۔۔۔اس کی آنکھیں سفید ہوگٸیں تھیں۔۔۔۔چہرہ سرخ انگارے کی طرح لال۔۔۔۔

عبدالمنان گھبرا کر ایک دو قدم پیچھے ہٹا ۔۔۔۔” تم تو وہی ہو۔۔۔ جو اکثر میرے خوابوں میں آتی ہے۔۔۔“ اس کے منہ سے بے ساختہ نکلا۔۔۔۔

”ہاں۔۔۔۔خواب ایک الگ دنیا ہے۔۔۔۔۔جہاں پابندی نہیں ہے کوٸی۔۔۔۔“وہ کھوۓ کھوۓ انداز میں بولی۔۔۔۔

”آیان کون ہے؟؟۔۔۔اور اس نے کیوں مارا زرمین کو ؟؟۔۔۔۔۔تم کیوں مجھے مزید الجھاۓ جارہی ہو؟؟۔۔۔۔“اس کی باتیں عبدالمنان کو مزید الجھا رہی تھیں۔۔۔۔

”یہ لو۔۔۔۔تمھارے ہر سوال کا جواب اس میں ہے “اس نے عبدالمنان کی پلک جھپکنے سے قبل ہی ایک ڈاٸری اس کے ہاتھ میں پکڑا دی تھی۔۔۔۔یہ زرمین کی ڈاٸری تھی۔۔۔۔جو بغیر اجازت شازمہ نے پڑھ لی تھی۔۔۔۔

”25 جنوری کے آگے تو ڈاٸری لکھی ہی نہیں گٸی ہے۔۔۔۔۔کیا اسے قتل ؟؟“عبدالمنان بولتے بولتے رک گیا تھا۔۔۔۔

”ہاں۔۔۔۔تم نے ٹھیک اندازہ لگایا۔۔۔۔25 جنوری کی رات ہی وہ بھیانک رات تھی۔۔۔۔۔

اس رات میری اور اس کی لڑاٸی ہوٸی تھی۔۔۔میں غصے میں آکر اسے اکیلا چھوڑ کر چلی گٸی۔۔۔۔مجھے کیا خبر تھی ۔۔۔یہ میری سب سے بڑی غلطی ہوگی۔۔۔نمرہ بیگم نے اسے کمرے میں بند کر رکھا تھا۔۔۔۔اور آیان کو واپس جانے کا حکم صادر کر دیا ۔۔۔۔اس نے نمرہ بیگم سے کہا کے وہ آج رات ہی چلا جاۓ گا۔۔۔۔لیکن وہ لاہور پہنچتے ہی سب کو زرمین کی حقیقت بتا دے گا۔۔۔۔۔

نمرہ بیگم جائیداد کے لالچ میں اندھی ہو چکی تھیں۔۔۔۔۔انھیں اپنی بیٹی سے بھی کہیں زیادہ جاٸیداد عزیز تھی۔۔۔۔۔

آیان کی دھمکی سنتے ہی انھیں اپنے ہاتھ سے جاٸیداد جاتی ہوٸی نظر آٸی۔۔۔۔

آیان نے مکاری سے کام لیتے ہوۓ نمرہ بیگم کو اعتماد میں لیا۔۔۔۔کے بس اسے زرمین سے ایک بار ملنے دیں۔۔۔۔وہ بہت محبت کرتا ہے اس سے۔۔۔۔وہ آخری بار مل کر ۔۔۔خاموشی سے یہاں سے چلا جاۓ گا۔۔۔اور پھر کبھی لوٹ کر نہیں آۓ گا۔۔۔۔ ساتھ ساتھ زرمین کی حقيقت بھی اپنے سینے میں راز کی طرح دفن کر لے گا۔۔۔۔۔۔

نمرہ بیگم کو یہ سودا ہر طرح سے اپنے فاٸدے کا لگا۔۔۔۔ان کی نظر میں صرف ایک ملاقات ہی تو تھی۔۔۔۔۔

انھوں نے اس بھیڑیے کو زرمین سے ملنے دیا۔۔۔۔

میری زرمین اس کے ناپاک ارادے نہیں سمجھ سکی۔۔۔۔۔

اس نے پہلے تو بے دردی سے اسے اپنی حوس کا نشانہ بنایا۔۔۔۔

اس کی عزت تار تار کرنے کے بعد بڑی بے دردی سے اس کا گلا گھونٹ دیا۔۔۔۔۔اس کی بے جان لاش کو کمرے بیڈ پر لیٹا کر اس پر کمبل ڈال کر راتوں رات فرار ہوگیا۔۔۔۔۔

وہ مجھ سے کتنی بھی ناراض ہو ۔۔۔لیکن اس ناراضگی کے ساتھ کبھی سوتی نہیں تھی۔۔۔۔۔اسے سوتا دیکھ میں نے فورا کمبل ہٹایا ۔۔۔۔۔۔اس کے منہ کو دوپٹے سے بندھا اور کپڑوں کو پھٹا دیکھ۔۔۔۔میں بےحواسی کے عالم میں چیخ چیخ کر اسے اٹھانے لگی۔۔۔۔پر وہ نہیں اٹھی۔۔۔۔

نمرہ بیگم اس دولت کے لالچ میں اپنی بیٹی سے بھی ہاتھ دھو بیٹھیں۔۔۔۔۔“وہ روہانسہ لہجے میں بتاکر زمین پر گر گٸی۔۔۔۔۔

”تو نمرہ بیگم نے پولیس رپورٹ نہیں کروائی؟؟“۔۔۔

”سب کروایا۔۔۔۔۔۔۔۔لیکن عابد نے پیسے کھلا کر سارے معاملات حل کر لٸے۔۔۔۔۔۔۔ساری جاٸیداد ان کے پلین کے مطابق آیان کو مل گٸی۔۔۔۔“۔۔۔۔

”تو تم آیان کی سزا ۔۔۔ دوسرے بے قصور لوگوں کو کیوں دے رہی ہو؟؟“عبدالمنان کے پوچھتے ہی وہ بھپر کر اٹھی۔۔۔

”وہ بےقصور نہیں تھے۔۔۔۔حوس تھی ان کی آنکھوں میں۔۔۔۔۔۔۔وہی حوس جو آیان کی آنکھوں میں تھی۔۔۔۔۔۔اس لٸے میں نے انھیں ایسی حالت میں پہنچا دیا۔۔۔۔جس میں نہ وہ جی سکیں۔۔۔ نہ وہ مر سکیں۔۔۔“لمحہ لمحہ حمنہ کے چہرے کے تاثرات بدل رہے تھے۔۔۔۔۔

”اووو۔۔۔تو یہ مجھے seduce کرنے کی کوشش کرتی تھی۔۔۔۔۔“عبدالمنان خود سے ہم کلام ہوا۔۔۔۔

”تم کب تک کرنے والی ہو یہ سب ؟؟“وہ سنجیدگی سے اس کی آنکھوں میں جھانکتے ہوۓ استفسار کرنے لگا۔۔۔۔

”جب تک میں زرمین کے قاتل کو بےدردی سے مرتا ہوا نہ دیکھ لوں“

”تو مار کر ختم کرٶ۔۔۔۔ویسے بھی اس جیسے درندوں کو زندہ رہنے کا کوئی حق نہیں۔۔۔“

”میں قسم میں بندھی ہوں۔۔۔۔۔“وہ جتاتے ہوۓ بولی۔۔۔۔

”انسان تو انسان۔۔۔۔یہاں تو جنوں میں بھی علم کی کمی ہے۔۔۔۔“وہ سر جھٹک ۔۔۔۔منہ بسور کر بولا۔۔۔۔

”کیا مطلب؟؟“وہ الجھی تھی۔۔۔۔

” اللہ عزوجل کی ذات و صفات کے علاوہ کسی کی قَسم کھانا مکروہ ہے اور اس طرح کی قَسم کھانے پر کسی قِسم کا کفارہ لازم نہیں۔۔۔۔۔البتہ گناہ ضرور ہے۔۔۔۔سمجھیں ۔۔۔یا سمجھاٶں“وہ دونوں ہاتھ فولٹ کر ۔۔۔۔ابرو اچکاکر اشارتًا جو کہنا چاہتا تھا۔۔۔وہ سمجھ چکی تھی۔۔۔۔

”پر میں اس حویلی سے ہاہر نہیں جاسکتی۔۔۔۔“

”وہ کیوں؟؟“

”کیونکے میں نے وعدہ کیا تھا زرمین سے۔۔۔۔جب تک اس آیان کو اسی حویلی میں نہ مار دوں۔۔۔۔۔۔میں یہاں سے کہیں نہیں جاٶں گی۔۔۔۔“وہ ایک ایک لفظ چباچباکر گویا ہوٸی۔۔۔۔

”ٹھیک ہے۔۔۔۔تو میں لے آتا ہوں اسے یہاں۔۔۔۔۔۔“وہ بھرم سے بولا۔۔۔۔”وہ کمینہ دنیا کے کسی بھی کونے میں کیوں نہ ہو۔۔۔۔میں اسے یہاں لے آٶں گا۔۔۔۔“

*****––*****

آیان کو تلاش کرنے میں عبدالمنان نے دن رات ایک کر دیۓ۔۔۔

آخر کار اس کی محنت رنگ لاٸی۔۔۔۔اور اسے اطلاع ملی کے آیان اپنی فیملی کے ساتھ چین میں رہ رہا ہے۔۔۔۔۔وہاں اس کی اپنی ایک بہت بڑی کمپنی ہے۔۔۔۔

عبدالمنان نے شہاب صاحب سے مدد طلب کی۔۔۔۔

ایک بہت بڑی پارٹی اورگنایز کرواٸی۔۔۔جس میں ملکی اور غیر ملکی تمام بڑے بزنس مین۔۔۔۔ ایکٹر ایکٹریس۔۔۔۔۔ سیاستدان۔۔۔۔۔ اور دوسری بہت سی فیلڈز سے تعلق رکھنے والے افراد کو مدعو کیا گیا ۔۔۔۔۔

اس دعوت میں اس نے آیان کو بھی مدعو کیا۔۔۔۔

”تمھیں لگتا ہے وہ آۓ گا؟؟“نعمان ابرو اچکاکر تجسس سے پوچھنے لگا۔۔۔۔

”پتا نہیں۔۔۔۔یار۔۔۔۔میرے پاس کوٸی دوسرا راستہ نہیں تھا اسے پاکستان بلانے کا۔۔۔۔دعا کر آجاۓ۔۔۔۔“عبدالمنان دروازے پر نگاہ ٹکاۓ ناجانے کب سے کھڑا تھا۔۔۔۔

”کوٸی اطلاعات ہیں ۔۔۔کسی ہوٹل میں اس کے رکنے کی ؟؟“

”نہیں۔۔۔۔“عبدالمنان منہ بسور کر نفی کرنے لگا۔۔۔۔۔

”پھر تو بھول جا ۔۔۔کے وہ کمینا آۓ گا۔۔۔۔“نعمان کندھے پر تھپ تھپاتے ہوۓ ابھی بول ہی رہا تھا۔۔۔۔کے عبدالمنان کا چہرہ اچانک اسے کھلتا ہوا نظر آیا۔۔۔۔

” یہ اچانک تو کشمیر کی کلی بن کر کیوں مسکرا رہا ہے ؟؟؟“وہ ناسمجھی سے اس کا چہرہ تکتے ہوۓ بولا۔۔۔۔

”سامنے دیکھ۔۔۔۔۔شکار آگیا ہے۔۔۔۔چل۔۔۔لگ جا کام پر ۔۔۔“عبدالمنان کے چہرے پر پُراسرار مسکراہٹ بکھر آٸی تھی۔۔۔۔

نعمان نے ویٹر کے ڈریس میں آکر ۔۔۔اس کے مہنگے کوٹ پر آپجان کر جوس گرا دیا۔۔۔۔جس کی وجہ سے وہ نعمان پر خوب بھڑکا۔۔۔۔

”چھوڑیں اسے۔۔۔آپ میرے ساتھ واش روم چل کر صاف کرلیں اپنے کورٹ کو۔۔۔“عبدالمنان نے پیاری سی مسکراہٹ لبوں پر سجائے کہا۔۔۔۔جس پر وہ فورا اپنا کورٹ جھاڑتے ہوۓ اس کے ساتھ واش روم چل دیا۔۔۔۔۔۔

واش روم میں داخل ہوتے ہی عبدالمنان نے اسے بےہوشی کی دوا سنگھا کر بےہوش کردیا۔۔۔۔۔

”ہوگیا ؟؟“نعمان نے ہلکا سہ دروازہ نوک کر کے پوچھا۔۔۔۔

” مشن بےہوش کمپلیٹ۔۔۔۔۔اب بس حویلی پہچانا ہے اس کمینے کو ۔۔۔“وہ دونوں اسے کالے رنگ کے بیگ میں ڈال کر سب کی نظروں سے بچاتے ہوۓ حویلی پہنچے۔۔۔

”کیا ہوا ؟؟۔۔۔۔چل اندر؟؟۔۔۔“نعمان کے قدم حویلی کے دروازے پر ہی رک گئے تھے۔۔۔۔

”ن۔۔۔نہ۔۔نہں ۔۔نہیں ۔۔۔شکریہ۔۔۔تو جا۔۔۔“نعمان پر پھر سے خوف کا دورہ پڑا تھا۔۔۔۔

”چل ناں۔۔۔۔ڈر کیوں رہا ہے؟؟۔۔۔۔میں ہوں ناں“عبدالمنان کے پراعتماد لہجے میں کہتے ہی ۔۔۔

”ابے چل ۔۔۔۔زیادہ شاہ رخ خان نہ بن۔۔۔۔میں ہوں ناں۔۔۔“۔۔وہ عبدالمنان کی نقل اتارتے ہوۓ بولا۔۔۔

”تیری وہ حمنہ ذرا سی غلطی پر جان لے لیتی ہے۔۔۔۔۔میں نہیں جانے والا اندر۔۔۔۔“نعمان نے صاف انکار کیا تھا۔۔

”ٹھیک ہے یار۔۔۔۔آج دیکھ لی تیری دوستی “وہ منہ لٹکاۓ نعمان کو ایموشنل بلیک میل کرنے لگا۔۔۔۔

”مجھے ایموشنل بلیک میل مت کیا کر“وہ گھورتے ہوۓ بولا۔۔۔۔

”کیوں؟؟“عندالمنان معصومانہ چہرہ بناکر ۔۔۔

”کیونکے میں ہو جاتا ہوں۔۔۔“وہ پاٶں پٹکتے ہوۓ بولا۔۔۔۔جس پر عبدالمنان دبی دبی ہنسی ہنسنے لگا۔۔۔۔

جب آیان کو ہوش آیا۔۔۔۔تو وہ ایک کرسی سے بندھا ہوا تھا۔۔۔

ہر طرف اندھیرا ہی اندھیرا نظر آرہا تھا اسے۔۔۔۔

اچانک اندھیرے کو چیرتی ہوئی اسے زرمین اپنی جانب آتی ہوٸی نظر آئی۔۔۔۔

”تم۔۔۔۔تم۔۔۔زر۔۔۔۔زرمین؟؟۔۔یہ ۔۔۔۔کیسے۔۔۔کیسے ؟؟۔۔۔“حمنہ زرمین کے روپ میں اس کے سامنے خراماں خراماں سیڑھیاں اترتی ہوٸی آرہی تھی۔۔۔۔

اس کے اوسان خطا ہوگٸے۔۔۔۔23 سال بعد زرمین کو اپنی آنکھوں کے سامنے زندہ دیکھ۔۔۔۔۔۔

”تم۔۔۔تم۔۔۔کیسے زندہ ہوسکتی ہو؟؟؟۔۔۔۔میں۔۔۔۔میں نے تم۔۔۔تمھیں خود اپنے ہاتھوں سے مارا تھا۔۔۔تم کیسے زندہ ہو؟؟۔۔“آیان حواس و طاقت مجتمع کر کے پوچھنے لگا۔۔۔۔

”کیوں دھوکا دیا مجھے ؟؟۔۔۔۔۔کیوں مجھے جھوٹے خواب دیکھاۓ؟؟۔۔۔۔کیوں میری معصومیت سے فاٸدہ اٹھایا؟؟۔۔۔۔کیوں؟؟“وہ شعلہ بار نگاہوں سے اس کے وجود کو تکتے ہوۓ ۔۔۔۔چنگھاڑ کر بولی۔۔۔۔۔

پوری حویلی اس کی آواز سے گونج اٹھی تھی۔۔۔۔

”میں نے اندھا یقین کیا تھا تمھاری محبت پر۔۔۔۔تمھاری خاطر میں اپنی ماں تک سے لڑ گئی۔۔۔۔اور تم ۔۔۔۔تم میری عزت تار تار کر کے۔۔۔۔ مجھے بےدردی سے مار کر بھاگ گٸے۔۔۔۔تمھیں کیا لگا تھا۔۔۔۔تم گناہ کر کے بچ جاٶ گے؟؟۔۔۔۔۔تمھاری کوٸی پکڑ نہیں ہوگی ؟؟۔۔۔۔۔۔تم ایک درندے ہو آیان۔۔۔۔۔اور تم جیسے درندوں کو جینے کا کوٸی حق نہیں۔۔۔“حمنہ گرج دار آواز میں کہ کر اس کی جانب بڑھنے لگی۔۔۔۔

وہ خوف و دہشت کے مارے تیزی سے بھاگنے لگا۔۔۔۔لیکن وہ اندھیرے میں جہاں بھی جاتا ۔۔۔۔خود سے پہلے زرمین کو پاتا۔۔۔۔۔

”کیوں بھاگ رہے ہو آیان؟؟۔۔میرے پاس آٶ“وہ دونوں ہاتھوں سے۔۔۔۔ بڑے پیار سے اپنی جانب بلا رہی تھی ۔۔۔۔

”ن۔۔نی۔۔نہیں۔۔۔“وہ چیختا ہوا اپنی جان بچانے کے لٸے بھاگے چلا جارہا تھا۔۔۔

وہ پسینوں سے شرابور ہوچکا تھا۔۔۔۔سانسیں بھاگ بھاگ کر پھول چکی تھیں۔۔۔۔مارے خوف و دہشت کے ہر لمحہ جان نکل رہی تھی۔۔۔۔۔

”آیان آجاٶ۔۔۔۔اپنی زرمین کے پاس آٶ۔۔۔۔میں تمھیں لینے آٸی ہوں۔۔۔۔۔آجاٶ ناں“وہ محبت سے چور لہجے میں اسے مسلسل پکار لگا رہی تھی۔۔۔۔

اچانک آیان کو اپنا پاٶں ایک انجانی گرفت میں محسوس ہوا۔۔۔۔۔۔جو اسے مضبوطی سے کھینچتے ہوئے زرمین کے پاس لے جارہی تھا۔۔۔۔

”چھوڑ دو مجھے۔۔۔۔معاف کردو زرمین۔۔۔۔مجھے معاف کردو۔۔۔ ۔۔۔۔ جاٸیداد کے لالچ نے اندھا کر دیا تھا مجھے۔۔۔۔۔میں سچ کہتا ہوں۔۔۔۔۔میں نے بہت محبت کی تھی تم سے۔۔“بس اس کا اتنا کہنا تھا کے حمنہ بھڑک اٹھی۔۔۔۔

”اپنی درندگی کو محبت کا نام مت دو “اس نے آیان کو ہوا میں الٹا لٹکا دیا تھا۔۔۔۔۔

”آہہہہہہہہہہہ”آیان کی چیخوں سے پوری حویلی گونج رہی تھی۔۔۔۔حمنہ کو اسکی چیخیں سکون پہنچا رہی تھیں۔۔۔۔

”آیان۔۔۔۔خون کے بدلے خون۔۔۔۔۔میں خون سے کم کسی بات پر راضی نہیں۔۔۔۔تمھیں دنیا کی عدالتوں نے چھوڑ دیا۔۔۔۔پر میں نہیں چھوڑنے والی۔۔۔۔“اس نے کہتے ہی آیان کے لٹکے ہوۓ وجود کو وہاں رکھی شیشے کی میز پر بلندی سے پھینک دیا۔۔۔۔

اس کے زور سے گرتے ہی ۔۔۔۔زور دار چیخ کی آواز بلند ہوٸی۔۔۔۔

حمنہ کا بدلہ ابھی پورا نہیں ہوا تھا کیونکہ اس کی سانسیں چل رہی تھیں۔۔۔۔۔

حمنہ نے ایک بار پھر اسے ہوا میں بلند کیا۔۔۔۔اس بار وہ حویلی کی چھت سے لگا ہوا تھا۔۔۔۔۔جو تقریبا چار منزلہ اونچاٸی تھی۔۔۔۔

آیان خون نم خون ہورہا تھا۔۔۔۔

حمنہ کے ایک اشارے سے وہ دو تین لمحوں میں زمین پر آگرا تھا۔۔۔۔اس کے جسم کی ہڈیاں اتنی اونچائی سے گرنے کے سبب ٹوٹ گئی تھیں۔۔۔۔

”دیکھو زرمین۔۔۔۔تمھاری حمنہ نے آج تمھارے قاتل سے تمھاری ہر تکلیف کا بدلہ لے لیا۔۔۔۔۔۔۔آج میں نے اپنا وعدہ پورا کردیا۔۔ ۔۔۔دیکھو۔۔۔۔تمھارا قاتل آج اسی حویلی میں مرا پڑا ہے۔۔۔۔اور اس پر تو کوٸی رونے والا بھی نہیں۔۔۔۔“حمنہ خوشی و غم کی ملی جھلی کیفیت میں گرفتار تھی۔۔۔۔۔۔وہ زرمین کو یاد کر کے بےتحاشہ رو رہی تھی۔۔۔۔۔

”حمنہ ۔۔۔۔۔اٹھو۔۔۔۔“عبدالمنان کے کہتے ہی ۔۔۔۔وہ اپنے بکھرے ہوۓ جذبات پر قابو پا کر کھڑی ہوئی۔۔۔۔۔

”اب اس کا کیا کرنا ہے ؟؟۔۔۔۔“وہ فکرمند ہوکر پوچھنے لگا۔۔۔۔۔

”تم دونوں فکر مت کرٶ۔۔۔۔۔اس کی لاش بھی کسی کو نہیں ملے گٸ۔۔۔۔“حمنہ کے غرا کر کہتے ہی نعمان ڈر کے مارے عبدالمنان کے پیچھے کھڑا ہوگیا۔۔۔۔

اس کے ڈر کر پیچھے چھپتے ہی عبدالمنان کو شازمہ کی یاد آئی تھی۔۔۔۔جس پر وہ ہلکا سہ مسکرا دیا۔۔۔

”اس کا کنفیشن ہم ان۔نون آٸی ۔ڈی سے نیٹ پر چلا دیں گے۔۔۔۔تاکے دنیا کو بھی اس معزز بزنس مین کی حقیقت کا پتا چلے“عبدالمنان کے کہتے ہی وہ اثبات میں سر ہلانے لگی۔۔۔

”چلو ۔۔۔مبارک ہو ۔۔۔۔آج سے تم زرمین سے کیے وعدے سے آزاد ہو۔۔۔۔۔“عبدالمنان مسکرا کر مبارکباد دینے لگا۔۔۔۔۔

”شکریہ۔۔۔۔عبدالمنان“

”کس بات کا؟؟“

”مجھے بتانے کے لٸے۔۔۔ کے ہر مرد برا نہیں ہوتا۔۔۔۔۔۔“حمنہ کی آنکھوں میں عبدالمنان کو دیکھتے وقت حسرت جھلک رہی تھی۔۔۔۔۔۔

”بہت خوش نصیب ہے بچی۔۔۔۔۔“حمنہ نے حسرت بھرے لہجے میں کہا۔۔۔۔۔۔

”کیوں؟؟“عبدالمنان الجھ کر پوچھ بیٹھا۔۔۔۔۔۔

”کیونکے وہ انسان ہے۔۔۔۔“اس کے کہتے ہی نعمان مزید الجھن میں پڑ گیا۔۔۔۔۔جبکے عبدالمنان سمجھ گیا تھا کے وہ کیا کہنا چاہ رہی ہے۔۔۔۔۔

”وہ کیا بول رہی تھی کچھ سمجھ آیا۔۔۔تجھے آیا ؟؟؟۔۔۔“نعمان نے باہر آتے ہی استفسار کیا۔۔۔۔۔

” وہ جنی ہے۔۔۔۔ مجھ سے نکاح نہیں کر سکتی۔۔۔ جبکے شازمہ انسان ہے۔۔۔وہ کر سکتی ہے۔۔۔۔بس اس لٸے وہ شازمہ کو خوش نصیب کہ رہی تھی۔۔۔“عبدالمنان نے تیزی سے جواب دیا۔۔۔۔۔

”کیوں؟؟۔۔۔۔جن اور انسان نکاح نہیں کرسکتے ؟؟“نعمان نے بھولہ سہ چہرہ بناۓ سوال کیا۔۔۔۔

”کیوں تجھے کرنا ہے ؟؟“عبدالمنان شوخی سے استفسار کرنے لگا۔۔۔۔

”ابے چل۔۔۔۔۔ میں تو بس انفارمیشن کے لئے پوچھ رہا تھا“وہ ڈر کر تیزی سے نفی میں گردن کو جمبش دیتے ہوۓ بولا۔۔۔۔۔

”انفارميشن کے لٸے جاننا چاہتا ہے تو بتا دیتا ہوں۔۔۔۔۔نکاح کے چند شراٸط ہوتے ہیں۔۔۔۔ زنا کرنے والا بالغ ہو۔۔۔۔۔۔عاقل ہو۔۔۔۔۔۔مسلمان ہو۔۔۔۔۔۔مختار ہو۔۔۔۔۔عورت سے کیا ہو۔۔۔۔۔زنا کرنے میں کوٸی شبہ نہ ہو۔۔۔۔۔۔۔۔عورت زندہ ہو۔۔۔۔۔۔۔۔۔“

نعمان سنتے ہی۔۔۔”اووووو۔۔۔۔۔“

”اوو کرنا بند کر۔۔۔۔اور مجھے ہسپتال چھوڑ۔۔۔۔میری بچی میرا انتظار کر رہی ہوگی“وہ مسکراتے ہوۓ کار میں بیٹھا تھا۔۔۔۔۔…..