Rooh E Ishq By Hussny Kanwal Readelle50267 Rooh E Ishq (Episode 11)

Rooh E Ishq By Hussny Kanwal

”تم نے مجھ سے جھوٹ بولا تھا ۔۔۔مس شازمہ تمھاری منگیتر نہیں ہیں۔۔۔“قاسم آفس میں دھڑلے سے گھسا چلا آیا تھا۔۔۔۔وہ دونوں ہاتھ میز پر جماکر عبدالمنان کو گھورتے ہوۓ بولا۔۔۔۔

”میں ابھی دادا جان سے بات کر کے آرہا ہوں۔۔۔تم نے مجھ سے جھوٹ کیوں کہا ؟؟“وہ عبدالمنان پر دھاڑتے ہوۓ استفسار کرنے لگا۔۔۔۔

”کچھ بول کیوں نہیں رہےتم ؟؟“جہاں قاسم غصے سے پاگل ہوۓ جارہا تھا۔۔۔وہیں عبدالمنان نہایت پُرسکون بیٹھ کر اپنے سیل میں مصروف تھا۔۔۔۔

”میں کچھ پوچھ رہا ہوں؟؟۔۔۔کانوں میں ہڑتال ہے کیا ؟؟“قاسم کافی بلند آواز میں چیخنے لگا تھا۔۔۔مگر عبدالمنان کے کانوں پر تو جوں تک نہیں رینگ رہی تھی۔۔۔۔۔

”بھوکتا رہ بیٹا۔۔۔۔میں نہیں سننے والا۔۔۔“عبدالمنان اس کا پارہ ہاٸی ہوتا دیکھ زیرِ لب مسکراء رہا تھا۔۔۔۔۔

”سر۔۔۔۔۔فرح سر “قاسم کا سیل رنگ ہوا ۔۔۔تو وہ عبدالمنان کے سامنے ہی کال ریسیو کر کے بات کرنے لگا۔۔۔۔کال پر فرح صاحب کا پرسنل سیکرٹری تھا۔۔۔۔جس کی آواز نہایت پریشان معلوم ہو رہی تھی۔۔۔۔۔

”کیا ہوا ؟؟۔۔۔۔اتنے گھبراۓ ہوۓ کیوں ہو ؟؟“

”سر۔۔۔فرح سر کا ایکسیڈنٹ ہوگیا ہے۔۔۔۔سر سے کافی خون بہ چکا ہے۔۔۔ڈاکڑ کوٸی جواب نہیں دے رہے۔۔۔“یہ دل ہلادینے والی خبر سنتے ہی قاسم کی آنکھیں بھر آٸیں تھیں۔۔۔

”ڈیڈ کا ایکسیڈنٹ کیسے ہوا؟؟“ اس کے روہانسہ آواز میں پوچھتے ہی عبدالمنان کے کان کھڑے ہوئے تھے۔۔۔۔

”کیا فرح کا ایکسیڈنٹ ؟؟؟“عبدالمنان ایک دو ثانیوں کے لٸے تو سکتے میں چلا گیا تھا۔۔۔۔

”میں بس ابھی آرہا ہوں ۔۔۔تم ہسپتال کا ایڈریس سینڈ کرو“قاسم یہ کہتے ہوۓ تیزی سے باہر کی جانب چل دیا۔۔۔۔۔

”عبدالمنان ۔۔۔عبدالمنان ۔۔۔تم ٹھیک تو ہو؟؟“شہاب صاحب اس کی حساس طبیعت سے واقفیت رکھتے تھے۔۔۔۔۔وہ سب سے پہلے یہ خبر سنتے ہی عبدالمنان کے پاس آۓ۔۔۔

”دادا جان۔۔۔“بس شہاب صاحب کا پوچھنا تھا کے وہ بچوں کی طرح ان سے گلے لگ کر بلک بلک کر رونے لگا۔۔۔۔

”کچھ نہیں ہوگا فرح کو۔۔۔۔۔۔تم ڈرو مت ۔۔۔۔“شہاب صاحب اس کی کمر سہلاتے ہوۓ حوصلہ دے رہے تھے۔۔۔

”میں پھر سے انھیں نہیں کھونا چاہتا۔۔۔میں مانتا ہوں مجھے نفرت ہے ان سے۔۔۔۔۔پر اس نفرت کا میری بچپن سے لے آج تک کی محبت سے کوٸی موازنہ نہیں۔۔۔۔۔“وہ روتے ہوۓ اپنے دادا کو حالِ دل سنارہا تھا۔۔۔۔

وہ بھی مسلسل رو رہے تھے۔۔۔۔”کہا ناں میں نے۔۔۔کچھ نہیں ہوگا اسے۔۔۔۔ابھی تو اس نے تمھیں اپنا بیٹا مانا ہے۔۔۔۔اور تمھیں تمھارا حق دینا ہے۔۔۔۔“وہ اسے بکھرنے نہیں دے رہے تھے۔۔۔۔۔

”ہسپتال چلو گے ؟؟شہاب صاحب کے کہتے ہی وہ اثبات میں سر ہلانے لگا۔۔۔۔

وہ اپنے دادا کے سینے سے لگ کر رونے کے بعد اب کافی بہتر محسوس کررہا تھا۔۔۔۔

”مجھے لگتا تھا۔۔۔اپنی دادی کے انتقال کے بعد میرا عبدالمنان بڑا ہوگیا۔۔۔پر آج لگ رہا ہے۔۔۔وہ تو ابھی تک چھوٹا مانی ہی ہے۔۔۔جو ذرا ذرا سی بات پر اپنے دادا کے گلے لگ کر رونے لگتا تھا“شہاب صاحب بڑی شفقت و محبت اس پر نچھاور کرتے ہوۓ گویا ہوۓ۔۔۔۔

”جی نہیں۔۔میں بڑا ہوگیا ہوں۔۔۔۔بس تھوڑا دل بھر آیا تھا “وہ اپنا بھرم قائم رکھتے ہوئے بولا۔۔۔۔

”میرے ساتھ ہسپتال چلو گے ؟؟“شہاب صاحب کے پوچھتے ہی وہ اثبات میں سر ہلانے لگا۔۔۔۔۔

دونوں ہسپتال پہنچے۔۔۔۔۔

شہاب صاحب پیچھے چل رہے تھے اور عبدالمنان آگے آگے۔۔۔۔

قاسم کی جیسے ہی نگاہ عبدالمنان پر پڑی وہ اپنے جذبات پر قابو نہ رکھ سکا۔۔۔۔

”ڈیڈ کی حالت بہت سیرس ہے مانی“وہ روتے ہوۓ عبدالمنان کے سینے سے آلگا تھا۔۔۔۔

ساری نفرت و دشمنی بھول ۔۔۔۔۔قاسم اپنے بڑے بھاٸی کے سینے سے لگا ہوا تھا۔۔۔۔

”میں ڈیڈ کو نہیں کھو سکتا مانی۔۔۔۔ ان کے علاوہ میرا دنیا میں کوئی نہیں ہے۔۔۔۔۔مما کو تو پہلے ہی کھو چکا ہوں۔۔۔اب ڈیڈ کو کھونے کی ہمت نہیں ہے مجھ میں۔۔۔۔“شازمہ کے بعد ۔۔۔۔۔۔قاسم پہلا تھا جو اس کی کشادہ سینے سے لگ کر بلک بلک کر رو رہا تھا۔۔۔۔قاسم کا غم اپنے غم کے متشابہ دیکھ ۔۔۔وہ بھی رونے لگا۔۔۔۔

ہاتھ کپکپا رہے تھے قاسم کی کمر پر رکھتے وقت۔۔۔۔

”میں بھی“فقط اتنے ہی الفاظ زبان سے ادا ہوسکے۔۔۔۔

”میری ان بوڑھی آنکھوں نے اس لمحے کا ناجانے کب سے انتظار کیا ہے۔۔۔پر آج یہ لمحہ آیا بھی تو کسطرح“شہاب صاحب اپنے دونوں پوتوں کو ایک ساتھ دیکھ جذبات میں بہ گٸے تھے۔۔۔۔

”ڈاکڑ اب ان کی کنڈیشن کیسی ہے؟؟“ڈاکڑ کے آتے ہی قاسم اور عبدالمنان دونوں ہی بےصبرے ہوکر پوچھنے لگے۔۔۔۔

” کانگریچولیشن ۔۔۔۔اٹس آؤٹ آف ڈینجر ناؤ ۔۔۔۔۔سو ریلیکس “ڈاکڑ کے کہتے ہی۔۔۔مانو دونوں بھاٸیوں کی جان میں جان آٸی تھی۔۔۔

”مانی۔۔۔سنا تم نے۔۔۔۔“شہاب صاحب اور عبدالمنان دونوں ہی برابر برابر میں کھڑے تھے۔۔۔۔مگر قاسم خوشی سے جھوم کر پہلے عبدالمنان کے گلے لگا۔۔۔۔

کہنے کو تو معمولی سی بات تھی۔۔۔مگر عبدالمنان کے دل پر لگی تھی۔۔۔۔اس نے بھی قاسم کو بڑی گرم جوشی سے گلے لگایا۔۔۔۔

”آپ میں سے قاسم کون ہیں ؟؟۔۔۔ان کا نام پیشنٹ بار بار پکار رہے ہیں۔۔۔۔پلیز وہ اندر آجاٸیں“نرس کے اعلانیہ کہتے ہی قاسم فورا اس کے ساتھ چلا گیا ۔۔۔۔جبکے عبدالمنان کا دل پارے پارے ہوا ۔۔۔۔۔

”کاش ۔۔۔آپ میرا بھی نام کبھی پکاریں“ایک آہ نکلی تھی دل سے۔۔۔۔۔

ایک آنسوں پلک سے خود بہ خود جھلکا تھا۔۔۔۔وہ منہ موڑ تیزی سے چل دیا۔۔۔۔

”کہاں جارہے ہو ؟؟۔۔۔۔فرح سے نہیں ملو گے ؟؟“شہاب صاحب آواز دیتے رہے۔۔۔مگر اس نے پلٹ کر کوٸی جواب نہ دیا۔۔۔۔

”ہیلو۔۔۔مس شازمہ ۔۔۔۔۔۔آپ عبدالمنان کو فون کریں اور پوچھیں وہ کہاں ہے؟؟۔۔۔۔۔۔“شہاب صاحب نے فورا ہی شازمہ پر حکم صادر کیا۔۔۔

”جی سر۔۔۔۔۔۔“

”اور سنیں ۔۔۔۔اسے اکیلے مت چھوڑیے گا۔۔۔۔“

”کیوں ؟؟۔۔۔۔کچھ ہوا ہے کیا؟؟“شازمہ پریشان ہوکر استفسار کرنے لگی۔۔۔شہاب صاحب نے اسے پورا واقعہ بیان کردیا۔۔۔۔

”آپ فکر نہ کریں بوڑھے۔۔۔“اس کی زبان روانگی میں پھنسل گٸی تھی۔۔۔جس پر اس نے اپنی زبان دانتوں میں دبا کر آنکھیں زور سے میچیں۔۔۔۔

”میرا مطلب سر ۔۔۔“وہ بگڑی ہوئی بات بنانے کی کوشش کرنے لگی۔۔۔۔۔

”عبدالمنان کی صحبت کا آپ پر بڑا برا اثر پڑا ہے۔۔۔پر کیا کرسکتے ہیں۔۔۔خیر۔۔۔۔“شہاب صاحب مانو غصہ پی رہے تھے۔۔۔انھوں نے ایک ایک لفظ چبا چبا کر ادا کیا تھا۔۔۔۔۔

”سوری سر۔۔۔۔“وہ شرمساری سے گویا ہوٸی۔۔۔

*****——-** ****

”کہاں ہو مانی ؟؟۔۔۔“شازمہ چالیس سے زاٸد مس کال دے چکی تھی۔۔۔۔پر وہ ریسیو نہیں کر رہا تھا۔۔۔۔۔

”کیا مسٸلہ ہے ؟؟؟؟۔۔۔۔کیوں کال پر کال مارے جارہی ہو؟؟۔۔۔۔“وہ غصے سے بولا۔۔۔۔

”کیوں۔۔۔۔ ۔۔۔کیون۔۔ کیونکہ کھانا تیار ہے ۔۔۔“اس کی غصیلی آواز سن وہ بوکھلا کر بولی۔۔۔۔

”مجھے بھوک نہیں ہے۔۔۔“

”کیوں؟؟“

”بس نہیں ہے۔۔۔تو نہیں ہے۔۔۔“وہ سخت لہجے میں جواب دینے لگا۔۔۔۔

”اچھا بابا۔۔۔غصہ کیوں ہورہے ہو مجھ بیچاری بھولی بھالی لڑکی پر “وہ معصومانہ انداز میں۔۔۔۔

”ہوگیا ؟؟۔۔یا کچھ اور کہنا ہے ؟؟“اس نے بےزاری سے کہا۔۔۔

”ہاں کہنا ہے۔۔۔“

”تو کہو جلدی“عبدالمنان جھنجھلاتے ہوۓ۔۔۔۔

”کہاں ہو ؟؟۔۔۔۔۔“وہ فکرمند لہجے میں ۔۔۔۔۔

”حویلی جارہا ہوں کام کے سلسلے میں۔۔۔نعمان کی کال آٸی تھی۔۔۔۔اور ہاں۔۔کان کھول کر سن لو۔۔۔۔۔۔۔تمھیں آنے کی کوٸی ضرورت نہیں۔۔۔۔۔۔“وہ سخت انسٹرکشن دیتے ہوئے گویا ہوا۔۔۔

”کیوں ؟؟۔۔۔۔میں کیوں نہیں آسکتی وہاں؟؟۔۔۔۔“وہ اپنی کمر پر ہاتھ ٹکاکر۔۔۔۔۔ ابرو اچکاکر پوچھنے لگی۔۔۔

”کیونکے میں نہیں چاہتا ۔۔۔۔“

”یہ کیا بات ہوٸی بھلا۔۔۔۔اور اپنی تو تم چھوڑ ہی دو۔۔۔تم تو مجھے جاب پر بھی رکھنا نہیں چاہتے تھے۔۔۔“وہ احتجاج بلند کررہی تھی۔۔۔۔

”بچی۔۔۔۔ایسی بات نہیں ہے۔۔۔۔“اس کے لہجے میں اب تھوڑی نرمی جھلک رہی تھی۔۔۔۔

”تو پھر کیسی بات ہے ۔۔۔بتاٶ مجھے “شازمہ کا پارہ ہاٸی ہونے لگا۔۔۔۔

”میں نہیں چاہتا ۔۔۔تمھارا اور زرمین کا دوبارا سامنا ہو۔۔۔۔“اس کے سنجیدگی سے کہتے ہی شازمہ بھپر اٹھی۔۔۔۔

”اوووو۔۔۔تو یہ کہو ناں۔۔۔۔اپنی محبوبہ سے ملنے جارہے ہو ۔۔۔“وہ طنزیہ بولی۔۔۔

”افففف۔۔۔۔میری محبوبہ؟؟۔۔۔۔کون ؟؟۔۔۔وہ زرمین؟؟۔۔۔۔دماغ خراب ہوگیا ہے کیا؟؟۔۔۔۔۔“وہ الجھ کر کہنے لگا۔۔۔۔

”بس رہنے دو۔۔۔۔زیادہ سیدھے بنے کا ناٹک مت کرٶ۔۔۔۔“اس نے جل کر کال کاٹ دی تھی۔۔۔

”ہیلو۔۔۔ہیلو۔۔۔بچی۔۔۔۔کال کاٹ دی۔۔۔۔۔“ وہ منہ بسور کار ڈراٸف کرتے ہوۓ بولا۔۔۔۔

”ہیلو“عبدالمنان نے کار ساٸیڈ میں روک کر۔۔۔دوبارا کال ملاٸی ۔۔۔۔۔

”کیا کام ہے ؟؟؟۔۔۔۔جلدی بولو؟؟“

”تیار ہوجاٶ ۔۔۔میں لینے آرہا ہوں۔۔۔“

”کیوں؟؟۔۔۔تمھاری محبوبہ کو برا نہیں لگے گا؟؟۔۔۔۔میرا تمھارے ساتھ ہونا“وہ جلے جلے انداز میں بولی۔۔۔۔

”ڈارلنگ ۔۔۔۔تمھیں نہیں لگ رہا ۔۔۔۔تم آج مجھ سے بیویوں کی طرح لڑ رہی ہو۔۔۔۔اور میں مظلوم شوہروں کی طرح تمھیں منا رہا ہوں۔۔۔سو پلیز بچی۔۔۔۔میری بیوی کی طرح ایکٹ کرنا بند کرٶ۔۔۔۔۔۔۔۔“

”میں تمھاری بیوی کی طرح ایکٹ نہیں کر رہی “شازمہ خاصہ زور دیتے ہوۓ نفی کرنے لگی ۔۔۔۔

”اچھا تو پھر محبوبہ کا طعنہ کیوں دے رہی ہو؟؟؟۔۔۔تمھیں کیا فرق پڑتا ہے میں کہیں بھی جاٶں ۔۔۔کسی سے بھی ملوں۔۔۔۔“

”اچھا بابا ۔۔۔غلطی ہوگٸی۔۔۔۔اب نہیں بولوں گی کچھ بھی۔۔۔تم چاھے اس جنی سے ملو یا اس یسرا سے یا پھرکسی اور چڑیل سے۔۔۔۔“وہ تپے تپے انداز میں سیل پر چیختے ہوۓ بولی۔۔۔

”اففف ۔۔۔چیخ کیوں رہی ہو ؟؟؟۔۔۔۔بہرا نہیں ہوں میں۔۔۔“عبدالمنان اس کے چیختے ہی airpods کانوں سے ہٹاتا ہے۔۔۔

”تم اس جنی کے ہی قابل ہو۔۔۔خدا کرۓ ۔۔۔۔۔وہ تمھارا سارا خون پی جاۓ۔۔۔بلکے تمھیں زمین پر پٹک پٹک کر مارے۔۔۔۔“وہ دانت کچکچاتے ہوۓ مسلسل بدعاٸیں دیے جا رہی تھی۔۔۔۔

جسے سن عبدالمنان اب محظوظ ہونے لگا تھا۔۔۔۔چہرے پر پیاری سی مسکراہٹ بھی بکھر آٸی۔۔۔۔عبدالمنان نے سر جھٹکتے ہوۓ کار موڑ لی تھی۔۔۔۔

”پہلی بات وہ جنی ہے ڈریکولا نہیں۔۔۔جو خون پیے گی میرا۔۔۔۔اور دوسرا ۔۔۔“وہ کار ڈراٸف کرتے ہوۓ ابھی بول ہی رہا تھا۔۔۔کے شازمہ تیزی سے بات کاٹ گٸی۔۔۔۔

”اوو۔۔۔دیکھو تو ذرا ۔۔۔ کیسے وکالت ہو رہی ہے اپنی محبوبہ کی ۔۔۔“وہ منہ بسور بولی۔۔۔۔

”جو فیکٹ ہے وہی بیان کر رہا ہوں۔۔۔۔ ڈریکولا خون پیتے ہیں جنیاں نہیں۔۔۔“

”کیوں؟؟۔۔۔۔تمھیں میسج کر کے بتایا تھا انھوں نے ؟؟۔۔۔کے عبدالمنان جانی ہم خون نہیں پیتے “شازمہ آخری جملہ کافی لہک کر ادا کررہی تھی ۔۔۔۔ جس پر عبدالمنان کا ہنسی کنٹرول کرنا مشکل ہوگیا تھا۔۔۔۔

” میسج کی کس کو ضرورت ہے۔۔۔۔ میرا پرسنل ایکسپیرینس ہے۔۔۔۔میں آج کل ایک چڑیل کے ساتھ رہ رہا ہوں۔۔۔۔اور وہ خون نہیں پیتی۔۔۔۔بس دماغ کھاتی ہے“عبدالمنان کی حسِ شرارت پھڑکی تھی۔۔۔۔اس کے کہتے ہی شازمہ نے دانت پیسے ۔۔۔۔۔۔۔

”تم نے مجھے چڑیل کہا۔۔۔مانی کے بچے۔۔۔۔۔۔تم سامنے آٶ میرے۔۔۔۔میں تمھارا خون کردوں گی۔۔۔۔۔۔بڑے آۓ اپنی جنی کی وکالت کرنے والے“ اس کا ٹمپریچر اب آسمانوں سے باتیں کر رہا تھا۔۔۔۔۔عبدالمنان نے تپانے کا پورا پورا فرض ادا کیا ۔۔۔شازمہ اب اس پر خوب برس رہی تھی۔۔۔اس بات سے بےخبر کے۔۔۔۔۔وہ دبے پاٶں اس کے پیچھے آکر کھڑا ہوگیا ہے۔۔۔۔۔۔۔۔

” میں وکالت نہیں کر رہا۔۔۔سچ بیان کر رہا ہوں۔۔۔ہاں کچھ لوگوں سے یہ سچ ہضم نہیں ہورہا ۔۔۔وہ الگ بات ہے۔۔۔۔“وہ طنزیہ جواب دینے لگا۔۔۔۔

”شکل ہے تمھاری سچ بولنے والی ۔۔۔۔بڑے آۓ“وہ منہ بسور کر بولی۔۔۔۔

”ہاۓۓۓ۔۔۔اتنی پیاری شکل تو ہے میری۔۔۔۔لگتا ہے تم نے کبھی غور سے نہیں دیکھا۔۔۔۔کوٸی بات نہیں اب دیکھ لو۔۔۔“یہ کہتے ہی وہ سر کٹے کی طرح اچانک سے شازمہ کے آگے اپنا سر لے آیا۔۔۔وہ بری طرح چونک کر چیخی۔۔۔”آآآآآآ“

”کیا ہوا میم ؟؟“وہ اتنی زور سے چیخی تھی کے باہر کے گارڈز بھی اندر آگٸے تھے۔۔۔

بیچارے عبدالمنان کے تو کان ہی سُن ہوگٸے تھے۔۔۔”اللہ کی بندی۔۔۔کیوں میرے نازک کانوں کی سماعتوں پر اتنا ظلم ڈھاتی ہو؟؟؟۔۔۔۔“وہ اپنے کان میں انگلی ڈال کر ہلاتے ہوۓ شازمہ کو دیکھ منہ بسور گویا ہوا۔۔۔۔

”تمھیں کانوں کی سماعت کی پڑی ہے۔۔۔میرا جو ہارٹ فیل ہوجانا تھا وہ ۔۔۔“وہ اپنے دھڑکتے ہوۓ دل پر ہاتھ رکھ بولی۔۔۔۔ جو ابھی تک قابو میں نہیں آرہا تھا۔۔۔۔۔

”اچھا چلو ۔۔۔میں لینے آیا ہوں “عبدالمنان کے کہتے ہی وہ منہ موڑ کر کھڑی ہوگٸی۔۔۔

”اب یہ کیا بچگانہ حرکت ہے ؟؟؟۔۔۔۔چلو ۔۔۔“

”میں نہیں جانے والی تمھارے ساتھ ۔۔۔“وہ دونوں ہاتھ فولٹ کر خفگی بھرے لہجے میں گویا ہوٸی۔۔۔۔

”ٹھیک ہے مت جاٶ۔۔۔“عبدالمنان لاپرواہی سے کہتے ہوۓ سیل نکال کر ۔۔۔

”ہیلو۔۔۔ہاں بوڑھے بابا“جیسے ہی شازمہ کے کانوں سے بوڑھے بابا کے الفاظ ٹکراۓ ۔۔۔وہ فورا منتی انداز میں اس کے پاس آکر ۔۔۔۔آنکھوں کے اشارے سے نفی کرنے لگی۔۔۔۔

”نہیں۔۔۔بس یہ پوچھنے کے لٸے فون کیا تھا۔۔۔کے کب تک آٸیں گے آپ ۔۔۔۔اچھا۔۔۔چلیں ٹھیک ہے۔۔۔اللہ حافظ “وہ سیل جیب میں رکھ۔۔۔فاتحانہ نظر شازمہ پر ڈالتے ہوۓ باہر جانے لگا۔۔۔۔

”کمینا ۔۔۔۔ہر بار میری مجبوری سے فاٸدہ اٹھاتا ہے۔۔۔“وہ ابھی روتو سہ منہ بناکر بڑبڑا ہی رہی تھی۔۔۔۔کے عبدالمنان اس کی جانب موڑ کر۔۔۔

”کیا ہوا؟؟۔۔۔۔۔چلو۔۔۔یا کروں بوڑھے بابا کو فون؟؟“وہ دکھتی رگ پکڑ کر۔۔۔۔۔بیچاری بھولی بھالی شازمہ کو تکنی کا ناچ ناچا رہا تھا۔۔۔۔

” زہر لگ رہے ہو تم مجھے “وہ غراتے ہوۓ اس کے پاس پاٶں پٹکتی ہوٸی آکر بولی۔۔۔۔

”تو تم مجے کون سہ شہد لگتی ہو۔۔۔۔چلو۔۔۔“وہ اس کے غصے کو خاطر میں نہ لاتے ہوۓ۔۔۔۔۔ چابی اچھالتے ہوئے خوشی خوشی آگے چل رہا تھا۔۔۔۔جبکے وہ روتو سہ چہرہ بناۓ پاٶں پٹکتی ہوٸی پیچھے آرہی تھی۔۔۔۔

*****——-******

وہ کافی دیر سے چیٸر پر ٹیک لگاۓ بیٹھی تھی۔۔۔۔۔۔سب اپنے اپنے کاموں میں مصروف نظر آرہے تھے۔۔۔۔

”کیا ہوا ؟؟۔۔۔“عبدالمنان کی نظریں کام کے ساتھ ساتھ اس پر بھی ٹکی ہوئیں تھیں۔۔۔۔وہ برابر میں چیٸر لگاتے ہوۓ ابرو اچکاکر حال دریافت کرنے لگا۔۔۔۔

”کچھ نہیں۔۔۔۔بور ہو رہی ہوں ۔۔۔“وہ منہ لٹکاۓ بولی۔۔۔

”تو موباٸل میں گیم کھیل لو “ اس کے کہتے ہی وہ نفی میں گردن ہلانے لگی۔۔۔۔

”میرا دل نہیں چاہ رہا۔۔“

”بس تھوڑی دیر اور۔۔۔۔۔پھر ہم چلتے ہیں۔۔۔۔۔او۔کے بچی۔۔۔“وہ پیار سے گال کو سہلاتے ہوۓ کھڑا ہوگیا۔۔۔۔اس بات سے بے خبر کے اس کے لمس کے چھوتے ہی شازمہ کا دل زور زور سے دھڑکنے لگا تھا۔۔۔۔وہ فدا فدا نظروں سے عبدالمنان کو تکنے لگی۔۔۔۔۔

اس کی نظر اچانک بھاری بھرکم سامان پکڑے ہوئے چوکیدار بابا پر پڑی۔۔۔۔وہ فورا ان کی مدد کرنے کے لٸے اٹھی۔۔۔

”لاٸیں بابا ۔۔۔تھوڑا سامان میں اٹھالوں ۔۔۔“شازمہ نے ان کے ہاتھ سے آدھے سے زیادہ سامان لے لیا تھا۔۔۔

”لو بیٹا چابی۔۔۔۔۔۔پہلی منزل پر راٸٹ سائیڈ پر جو کمرہ ہے۔۔۔یہ سارا سامان اس میں رکھ دو ۔۔۔۔۔“شازمہ نے اثبات میں سر ہلاتے ہوۓ چابی لے لی۔۔۔۔

عبدالمنان اپنی شوٹنگ میں اس قدر مصروف ہو گیا کہ اسے شازمہ کا خیال ہی نہ رہا۔۔۔۔۔

چوکیدار بابا نے شازمہ کو سامان رکھنے کے لٸے زرمین(حویلی کے مالک کی بیٹی) کے کمرے میں بھیج دیا تھا۔۔۔۔۔کمرے میں داخل ہوتے ہی اسے عجیب سی اداسی چھاٸی ہوٸی محسوس ہوٸی۔۔۔۔۔اس کی توجہ زرمین کی تصویر نے اپنی جانب مبذول کی ۔۔۔۔

”کتنی خوبصورت ہے یہ لڑکی۔۔۔۔“ابھی وہ تصویر دیکھ ہی رہی تھی کے اس کی نظر کھڑکی پر پڑی۔۔۔

”واو ۔۔۔۔یہاں سے گارڈن کا ویو کتنا خوبصورت ہے۔۔۔“شازمہ پردوں کو ہٹاکر باہر کی جانب کھڑکی سے جھانکنے لگی۔۔۔۔۔

”وووو۔۔۔۔۔کتنا بڑا مرر ہے۔۔۔۔یہ لڑکی کیا کوٸی شہزادی تھی۔۔۔“شازمہ اب بڑے سے آٸینے کے سامنے کھڑی ہوکر مسکراتے ہوۓ اپنا عکس دیکھ رہی تھی۔۔۔۔۔۔

اب اس کی نظر اوپر فانوس پر پڑی۔۔۔”واوووووو۔۔۔۔۔کتنا بڑا فانوس ہے۔۔۔ضرور اس حویلی کا مالک بوڑھے بابا سے بھی زیادہ امیر ہوگا۔۔“وہ اب اک اک چیز دیکھ رہی تھی۔۔۔۔

ناجانے کیوں دل میں سماٸی کے ایک بار الماری کھول کر اس زرمین کے مہنگے کپڑے اور جیولری دیکھے۔۔۔۔۔

”واو۔۔۔۔زبردست۔۔۔۔۔“ابھی وہ کپڑے دیکھ ہی رہی تھی کے اس کی نظر ایک ڈاٸری پر پڑی۔۔۔۔جو کچھ کپڑوں کے نیچے دبی ہوٸی تھی۔۔۔۔

”HZ”

اس ڈاٸری کے اوپر ہی یہ الفابیٹ موٹے مارکر سے لکھا ہوا تھا۔۔۔۔۔۔۔

“ Z for zarmeen”

”پر ۔۔۔۔۔۔H ؟؟؟۔۔۔“وہ سوچ میں پڑھ گٸی تھی۔۔۔

”شاید زرمین کے محبوب کے نام پہلا لفظ ہو۔۔۔۔۔پڑھ کر دیکھتی ہوں۔۔۔۔۔۔ہوسکتا ہے اس میں لکھا ہو۔۔۔۔“وہ بڑے اشتیاق سے ڈاٸری کھول لیتی ہے۔۔۔۔

(ڈاٸری) ۔۔۔۔۔۔۔۔

میں زرمین۔۔۔۔۔جب میں پیدا ہوٸی تو میرے والدین مجھے دیکھ ۔۔۔۔بجاۓ خوش ہونے کے غم سے نڈھال ہوگٸے۔۔۔۔کیونکے انھیں ایک بیٹا چاہیے تھا۔۔۔۔۔جو دادا کی جاٸیداد کا حصے دار بنتا۔۔۔۔میرے دادا کے دو بیٹے ہیں۔۔۔۔۔پہلے میرے تایا ۔۔۔۔۔(عابد )۔۔۔۔اور دوسرے میرے والد (سمیع)….

میری امی کو خوف لاحق ہوا کے کہیں دادا کی ساری جاٸیداد کا عابد تایا کا بڑا بیٹا وارث نہ بن جاۓ۔۔۔۔۔اس خوف میں آکر انھوں نے سب جگہ یہ خبر پھیلا دی کے ان کے بیٹا ہوا ہے۔۔۔۔۔۔۔اور اس جھوٹ کو سچ بنانے کے لٸے ۔۔۔وہ مجھے لڑکوں کے کپڑے پہناتیں۔۔۔۔۔۔ساتھ ساتھ مجھے میرے ہی گھر میں قیدی بنا دیا گیا تھا۔۔۔۔صرف میری والدہ کی ایک قریبی و وفادار ملازمہ ہی میری سچاٸی سے واقف تھی۔۔۔۔۔۔۔

مجھے پڑھانے کے لٸے اساتذہ کرام حویلی آیا کرتے۔۔۔۔جن کے سامنے مجھے لڑکا بناکر پڑھنے بیٹھا دیا جاتا۔۔۔۔۔۔

تین یا چار مہینے سے پہلے پہلے میرے استاد بدل دیے جاتے تھے۔۔۔۔۔شروع شروع میں تو میں نہیں سمجھ پاتی تھی کے آخر کیوں میرے استاد اتنی جلدی جلدی بدل دیے جاتے ہیں۔۔۔۔۔۔۔

ایک دن بہت تیز موسلادھار بارش ہو رہی تھی۔۔۔۔میں کھڑکی کے پاس کھڑے ہوکر باہر گارڈن کی جانب دیکھ رہی تھی ۔۔۔کے اچانک میری نظر ایک اپنی ہم عمر بچی پر پڑی۔۔۔۔جو بارش میں بھیگ رہی تھی۔۔۔۔مجھے اس بیچاری پر بڑا ترس آیا۔۔۔۔۔میں نہیں جانتی وہ کون تھی اور کہاں سے آئی تھی۔۔۔۔۔۔بس میں تو اس کی مدد کرنے چل پڑی۔۔۔۔۔۔

جب میں نے اس پر چھتری کی۔۔۔۔تو وہ بچی میری جانب پلٹی۔۔۔۔۔۔اس کی آنکھیں۔۔۔۔بلکل سفید۔۔۔۔۔۔میں گھبرا کر پیچھے ہٹی۔۔۔۔۔۔

لیکن وہ بہت اچھی تھی۔۔۔۔ہم دونوں جلدی دوست بن گٸے۔۔۔عجیب بات یہ تھی وہ کسی کو نظر نہیں آتی تھی۔۔۔سواۓ میرے۔۔۔۔

ہاں وہ کسی کا بھی روپ لے سکتی تھی۔۔۔۔اکثر وہ میرا ہی روپ لے کر گھر میں پھرتی۔۔۔۔ہم دونوں کی دوستی دن بہ دن مزید گہری ہوتی جارہی تھی۔۔۔۔۔

میں نے اس کا نام حمنہ رکھ دیا۔۔۔۔۔وہ بہت خوبصورت ہے۔۔۔۔پر ستم یہ ہے کے دیکھ صرف میں سکتی ہوں۔۔۔۔اگر عام لوگ اسے دیکھ پاتے تو مجھے یقین ہے دیوانے ہوجاتے۔۔۔۔

بڑے ہونے کے ساتھ ساتھ اب اس کی طاقتیں بھی بڑھ رہی تھیں۔۔۔۔میں نے اسے اپنا راز بناکر رکھ لیا تھا۔۔۔۔۔۔

وہ بھی ساۓ کی طرح میرے ساتھ رہتی۔۔۔۔وقت اپنی رفتار سے گزر رہا تھا۔۔۔۔۔

دیکھتے ہی دیکھتے میں جوان ہوگٸی۔۔۔۔جبکے حمنہ کی عمر کافی آرام آرام سے بڑھ رہی تھی۔۔۔۔وہ ایک جنی ہے ناں۔۔۔اس لٸے ۔۔۔۔اس نے مجھے بتایا کے جنوں کی عمریں ہم انسانوں کی عمروں سے کافی طویل ہوتی ہیں۔۔۔۔۔۔۔

ہماری دوستی مثالی تھی۔۔۔جب تک عابد تایا کا بیٹا یہاں ہمارے ساتھ حویلی میں رھنے نہیں آیا تھا۔۔۔۔۔۔۔

اس کے آتے ہی سب بدلنے لگا۔۔۔۔۔۔

( آیان ) ۔۔۔۔اف۔۔۔۔سوچتی ہوں کیا لکھوں اس کے بارے میں ؟؟؟۔۔۔۔۔وہ تو سر سے پاٶں تک قیامت ہے۔۔۔۔۔میں نے اپنی پوری زندگی میں اس جیسا خوبرو مرد نہیں دیکھا۔۔۔۔

بلکے میں نے اپنی زندگی میں زیادہ مرد دیکھے ہی نہیں۔۔۔۔

ناجانے کیوں آیا تھا وہ ؟؟۔۔۔۔۔ اس سے پہلے ۔۔۔۔ لاہور سے کبھی کوٸی ہمارے گھر آکر جھانکا تک نہیں۔۔۔۔

دادا کی طبعیت خراب ہونے کی خبر پر امی پاپا خوش ہوگٸے۔۔۔۔۔کیونکے ان سے کہیں زیادہ جاٸیداد پیاری تھی سب کو۔۔۔۔۔جس کا ان کے مرتے ہی حصہ ہونا تھا۔۔۔

آیان ۔۔۔۔میری پہلی محبت۔۔۔۔امی نے اس کے آنے سے پہلے ہی مجھے ہوشیار رہنے کو کہا۔۔۔۔

کہیں ناں کہیں امی کو خوف لاحق تھا کہ اسے بھنک ‏ لگ گئی ہے کہ میں لڑکی ہوں۔۔۔۔۔اور وہ صرف اس راز سے پردہ اٹھانے آرہا ہے۔۔۔۔

شروع میں تو میں آیان کے سامنے جتنا ہوسکے کم ہی جاتی۔۔۔۔۔۔۔۔وہ کبھی باتوں ہی باتوں میں میری کندھے پر ہاتھ رکھ دیتا تو کبھی کمر پر۔۔۔۔۔۔

وہ اکثر کہتا میں حیران ہوں تم لڑکا ہوکر کبھی باہر کیوں نہیں جاتے۔۔۔۔اسے میری باتیں مشکوک لگتی تھیں۔۔۔۔۔

ایک رات وہ میرے کمرے میں آگیا۔۔۔۔۔میں سو رہی تھی۔۔۔۔لیکن حمنہ نے اسے میرے کمرے میں داخل ہوتے دیکھ لیا تھا۔۔۔۔وہ میرے لڑکے والے روپ میں بیڈ پر لیٹ گٸی۔۔۔اور میرے سوتے ہوۓ وجود کو ہوا میں بلند کر کے چھت کی دیوار سے لگا دیا۔۔۔۔۔اور کمرے میں اندھیرا کر دیا۔۔۔۔

وہ نشے کی حالت میں آیا تھا۔۔۔۔۔۔اس نے حمنہ پر سے چادر ہٹا دی ۔۔۔اور برابر میں لیٹ کر اس کے گالوں کو سہلانے لگا۔۔۔۔

”تم رات کے اس پہر میرے کمرے میں کیا کر رہے ہو ؟؟؟“حمنہ کی آواز سنتے ہی میری آنکھ کھلی۔۔۔۔۔میں نے خود کو ہوا میں بلند پایا۔۔۔۔۔لیکن میں ذرا بھی نہ ڈرٸی۔۔۔۔حمنہ اور میری کبھی لڑاٸی ہوتی تو وہ مجھے اسی طرح چھت سے لگاکر ڈرایا کرتی۔۔۔۔وقت کے ساتھ ساتھ میرا یہ ڈر ہی ختم ہوگیا تھا۔۔۔۔

میں نے آنکھوں کے اشارے سے منع کردیا ۔۔۔کے آیان کو کچھ نہ کرۓ۔۔۔۔۔وہ نشے میں شاید غلطی سے میرے کمرے میں آگیا ہے۔۔۔۔

پر یہ دیکھ میری آنکھیں پھٹیں ۔۔۔۔کے اس نے میری (یعنی حمنہ )نکلی داڑھی مونچ ہٹا دی۔۔۔۔اور ہونٹوں کے نزدیک آنے لگا۔۔۔۔

”یہ کیا بدتمیزی ہے ؟؟“حمنہ کےایک ہلکے سے دھکے سے وہ الماری سے جاٹکرایا تھا۔۔۔۔اور بے ہوش ہوگیا۔۔۔۔

”تم نے دیکھا یہ کیا کرنے کی کوشش کر رہا تھا؟؟۔۔۔۔“حمنہ آگ بگولہ ہوکر بولی۔۔۔۔۔پر میری آنکھوں پر تو محبت کی پٹی بندھی تھی۔۔۔۔مجھے اس میں بھی صرف اس کی محبت دیکھاٸی دی۔۔۔۔

”وہ تمھیں مجھے گمان کر رہا تھا۔۔۔۔۔اس لٸے غصہ مت ہو۔۔۔۔محبت میں یہ سب ہوتا ہے۔۔۔میں نے ڈراموں فلموں میں دیکھا ہے۔۔۔۔ہیرو ہیروین کے کمرے میں آکر اسے پیار کرتا ہے۔۔۔۔خاص طور پر سوتے وقت۔۔۔یہ بہت رومینٹک ہوتا ہے۔۔۔۔“ ناجانے میں کون سی دنیا میں جی رہی تھی۔۔۔۔۔میں نے تو کبھی باہر کی دنیا دیکھی ہی نہیں تھی۔۔۔۔۔اس لٸے شاید میں حد سے زیادہ بےوقوف تھی۔۔۔۔

”لڑکی نادان نہ بنو۔۔۔۔۔یہ محبت نہیں حوس ہے۔۔۔۔یہ جانتا ہے تم لڑکی ہو۔۔۔۔یہ صرف تمھارے بھولے پن کا فاٸدہ اٹھا رہا ہے۔۔۔۔اور تم شاید بھول رہی ہو ۔۔۔۔تم ایک مسلمان لڑکی ہو۔۔۔۔اور مسلمان لڑکی کا کردار اتنا نازک نہیں ہوتا ۔۔۔کے کوٸی بھی ایرا غیرا آکر اسے کانچ کی طرح بکھیر جائے۔۔۔۔محبت اور حوس میں جو فرق ہوتا ہے ۔۔۔اسے پہچانو ۔۔۔۔“حمنہ غصے سے وہاں سے چلی گٸی۔۔۔۔اس کا اتنا سمجھانا بھی مجھ پر بےسود تھا۔۔۔۔۔۔میری آنکھوں پر تو محبت کی پٹی بندھ گٸی تھی۔۔۔۔۔

حمنہ نہایت مضبوط کردار کی مسلمان جنی تھی۔۔۔۔۔

آیان نے بہت آسانی سے مجھے محبت کے جال میں پھنسا لیا۔۔۔۔

اور میں بےوقوفوں کی طرح اس کے ہر جھوٹ پر یقین کرتی چلی گٸی۔۔۔۔

حمنہ اور میری اکثر لڑاٸی ہوجاتی۔۔۔کیونکے وہ مجھے زندگی کی تلخ حقیقت سے روبرو کرانے کی کوشش کرتی۔۔۔۔مجھے سمجھاتی کے آیان اچھا لڑکا نہیں ہے۔۔۔۔وہ صرف جاٸیداد کے چکر میں محبت کا ڈرامہ کھیل رہا ہے۔۔۔۔۔۔

میں لڑکی تھی تو کیا ؟؟۔۔۔۔جاٸیداد میں اگر دو حصے پوتے کو ملتے تو ایک حصے کی مالکن میں بھی ٹھہرتی۔۔۔۔

جبکے آیان جاٸیداد کا وہ ایک حصہ بھی مجھے دینے کو تیار نہ تھا۔۔۔۔پوری جاٸیداد دو ہی صورتوں میں اسے مل سکتی تھی۔۔۔۔

پہلی میری اور اسکی شادی۔۔۔

دوسری میری موت۔۔۔۔۔

جب میری امی کو ہمارے عشق کی خبر ہوٸی تو وہ سمجھ گٸیں ۔۔۔۔۔کے آیان یہاں بے مقصد نہیں ٹھرا ہوا۔۔۔۔

میرے والدین بھی دولت کے لالچ میں اندھے ہوچکے تھے۔۔۔۔

انھوں نے میرا عشق و محبت کا بھوت مار پیٹ کر اتارنے کی کوشش کی۔۔۔۔میں نے ان سے جھوٹ کہا کے آیان مجھ سے شادی کرنا چاہتا ہے۔۔۔۔جبکے آیان نے کبھی مجھ سے شادی کا کہا ہی نہیں۔۔۔۔وہ ہمیشہ صرف مجھے لاہور لے جانے کا کہتا تھا۔۔۔۔

”تم سمجھتی نہیں ۔۔۔۔وہ صرف جاٸیداد کے لٸے تمھیں اپنی جھوٹی محبت کے جال میں پھنسا رہا ہے۔۔۔۔وہ کوٸی محبت نہیں کرتا تم سے۔۔۔۔شادی کر کے تمھیں ایک کونے میں پھینک دے گا۔۔۔۔جبکے اگر تم اپنے دادا کے سامنے لڑکا بنی رہو تو پوری آدھی جاٸیداد کی تم اکیلی مالکن ہوگی۔۔۔۔۔۔تمھارے دادا بہت بیمار ہیں ۔۔۔۔کبھی بھی ان کی موت کی خبر آسکتی ہے۔۔۔۔بس تھوڑا سہ صبر کر لو۔۔۔۔جس وقت کا اتنے سالوں سے انتظار کیا ہے۔۔۔۔بس وہ گھڑی آن پہنچی ہے۔۔۔۔۔۔“امی نے مجھے بہت سمجھایا۔۔۔۔جب میں نہ مانی تو وہ مجھے کمرے میں بند کر کے چلی گٸیں۔۔۔۔۔۔

میں نے حمنہ سے مدد مانگی تو بجاۓ مدد کے وہ امی کی ساٸیڈ لینے لگی۔۔۔۔۔جس کی وجہ سے میری اور اس کی زبردست بحث ہوگٸی۔۔۔۔۔اس نے غصے میں کہا وہ آیان کو جان سے مار دے گی۔۔۔۔۔۔

اور وہ اسی رات آیان کو مار بھی دیتی۔۔۔۔لیکن میری جنونی محبت آیان کی ڈھال بن گٸی۔۔۔۔۔۔میں نے پاس رکھی چھری ہاتھوں میں اٹھا کر اپنی نبض پر رکھ لی۔۔۔۔

”قسم کھاٶ۔۔۔۔۔تم کبھی بھی آیان کو ہاتھ نہیں لگاٶ گی۔۔۔۔۔نہ میرے جیتے جی۔۔۔۔۔نہ مرنے کے بعد۔۔۔۔۔کھاٶ قسم۔۔۔۔“حمنہ نے میری محبت میں مجبور ہوکر قسم کھالی۔۔۔۔۔کے وہ کبھی بھی آیان کو کوٸی نقصان نہیں پہنچاۓ گی۔۔۔۔

آیان نے مجھے جو سنہرے کل کے خواب دیکھاۓ تھے۔۔۔۔ ان خوابوں کو جینے کی عارضو میں۔۔۔۔میں سب سے اکیلے لڑ رہی تھی۔۔۔۔۔۔

میں نے کبھی حویلی سے باہر قدم نہیں رکھا تھا۔۔۔۔اور نہ میرے دل میں اس حویلی سے باہر کی دنیا دیکھنے کی خواہش تھی۔۔۔۔۔پر اب میرے دل کی دنیا آیان نے بدل دی تھی۔۔۔۔مجھے اس حویلی میں عجیب سی گھٹن محسوس ہونے لگی تھی۔۔۔۔یہ گھر نہیں قید خانہ لگتا تھا مجھے۔۔۔۔میں بس جلد سے جلد آیان کے ساتھ دنیا دیکھنے جانا چاہتی تھی۔۔۔۔۔

امی نے آیان سے دوٹوک انداز میں بات کی۔۔۔اور اسے حویلی سے اسی رات چلے جانے کے لٸے کہا۔۔۔۔“

زرمین کی ڈاٸری یہاں آکر رک گٸی تھی۔۔۔۔۔شاید اس کے بعد ۔۔۔۔کبھی اس نے ڈاٸری لکھی ہی نہیں۔۔۔۔

”25 جنوری کے بعد زرمین نے ڈاٸری نہیں لکھی۔۔۔ایسا کیا ہوا ہوگا۔۔۔جو اس نے آگے کی ڈاٸری لکھی ہی نہیں۔۔۔۔“ابھی شازمہ انھی سوچوں میں گم تھی کے اس کی کان کی سماعت سے ایک گرج دار آواز ٹکرائی۔۔۔۔

”تمھاری ہمت کیسے ہوئی زرمین کی ڈائری چھونے کی؟؟“

”ح۔۔۔حم۔۔۔حمنہ۔۔۔“وہ پھنسی پھنسی آواز میں فقط اس کا نام ہی پکار سکی۔۔۔۔۔۔

حمنہ کی سفید آنکھیں اندھیرے میں بہت ہی بھیانک دکھائی دے رہی تھیں۔۔۔۔خوف و دہشت سے شازمہ کا پورا وجود لرزنے لگا۔۔۔۔۔

اگلے ہی لمحے اس نے شازمہ کا گلا پکڑ لیا۔۔۔۔

شازمہ کے پاٶں اب زمین سے اٹھ گٸے تھے۔۔۔۔حمنہ کی گرفت اس قدر سخت و مضبوط تھی۔۔۔۔۔کے وہ چاھ کر بھی خود کو آزاد نہیں کر پا رہی تھی۔۔۔۔

وہ مسلسل مچل رہی تھی۔۔۔۔چھ۔۔۔چھ۔۔۔چھوڑو“

”تم نے میری زرمین کی ڈاٸری کو چھوا کیسے ؟؟؟۔۔۔۔“اس کی آنکھوں میں بلا کا جلال تھا۔۔۔۔اس نے شازمہ کا گلا چھوڑ کر اسے ہوا میں بلند کر دیا۔۔۔۔

کمرے کی چھت کافی بلند تھی۔۔۔۔۔۔15 فٹ کی بلندی پر لے جاکر۔۔۔۔۔۔اس نے ایک ہی جھٹکے میں۔۔۔۔ بےدردی سے شازمہ کو زمین پر پٹک دیا۔۔۔۔۔ گرتے وقت ۔۔۔ وہاں رکھی کانچ کی میز سے اس کا سر ٹکرایا تھا ۔۔۔۔۔

اس کی چیخ پوری حویلی میں گونجی تھی۔۔۔۔۔

”بچی “عبدالمنان کے کانوں کی سماعت سے جب شازمہ کی چیخ ٹکراٸی تو اس کا دل دہل گیا۔۔۔۔۔

وہ بےحواسی میں اوپر کی جانب دوڑا ۔۔۔۔۔