Rooh E Ishq By Hussny Kanwal Readelle50267 Rooh E Ishq (Episode 05)

Rooh E Ishq By Hussny Kanwal

”عبدالمنان اٹھو ۔۔۔کب تک سوتے رہو گے ؟؟؟۔۔۔۔“شازمہ اس کے کان پر کھڑے ہوکر زور زور سے چیخ رہی تھی۔۔۔جس پر بجاۓ اٹھنے کے اس لاڈ صاحب نے اپنے منہ اور کانوں کو تکیے سے کور کر لیا تھا۔۔۔

”اٹھو ۔۔۔اور کتنا سو گٸے؟؟؟۔۔۔۔۔“شازمہ تکیہ چھینے کی بھرپور کوشش کررہی تھی۔۔۔

”کیا مسئلہ ہے ؟؟؟۔۔۔۔کیوں سکون سے سونے بھی نہیں دیتی ہو ؟؟؟۔۔۔۔“عبدالمنان جھنجھلا کر کہتا ہوا اٹھ بیٹا تھا۔۔۔

”ٹاٸم دیکھو ذرا ۔۔۔۔۔کون تین تین بجے تک بستر پر پڑا سوتا ہے۔۔۔۔“شازمہ نے جوابا غصے سے گھورتے ہوۓ کہا ۔۔۔

”میں ۔۔۔۔“منان نے اترا کر پیاری سی مسکراہٹ لبوں پر سجاۓ کہا۔۔۔۔جیسے ناجانے کون سہ ماہان کارنامہ انجام دیتا ہو۔۔۔۔اور اگلے ہی لمحے بےست سہ دوبار بیڈ پر گر گیا۔۔۔

”عبدالمنان اٹھو ۔۔۔میرے صبر کا مزید امتحان مت لو۔۔۔ورنہ میں ۔۔۔“وہ ابھی انگلی دیکھا کر ون کر ہی رہی تھی کے شہاب صاحب کمرے میں داخل ہوۓ۔۔۔

”عبدالمنان اٹھو ۔۔۔مجھے تم سے ضروری بات کرنی ہے“شہاب صاحب شازمہ کے برابر میں کھڑے ہوکر سختی سے گویا ہوئے۔۔۔

”کیوں ۔۔۔پھر کوٸی بھاگ گیا ہے کیا ؟؟؟ ۔۔۔“عبدالمنان ایک آنکھ کھول کر شہاب صاحب کو دیکھ لاپرواہی سے گویا ہوا۔۔۔

”نہیں ۔۔۔۔فرح تم سے ملنا چاہتا ہے۔۔۔۔۔“شہاب صاحب کا کہا جملہ جیسے ہی عبدالمنان کی کانوں کی سماعت سے ٹکرایا۔۔۔آنکھیں خود بہ خود کھل گٸیں۔۔۔اس کے چہرے کے تاثرات لمحہ لمحہ بدل رہے تھے۔۔۔مانو کہنا تو بہت کچھ چاہتا ہو پر لب بھینچ لٸے ہوں۔۔۔۔

شازمہ اس کے چہرے کے اتار چڑھاؤ مسلسل دیکھ رہی تھی۔۔۔

”چلو اٹھو “شہاب صاحب کے دو تین بار کہنے کے باوجود اس کے کان پر جوں تک نہ رینگی تھی۔۔۔۔

” عبدالمنان کیا سنائی دینا بند ہوگیا ہے؟؟“شہاب صاحب اسکی ڈھٹاٸی پر غصے سے بولے۔۔۔۔

”ہاۓۓۓ۔۔۔۔ چاہتا تو یہی ہوں پر کم بخت ان کانوں کی سماعت کو نہایت اعلی صلاحيت سے نوازا گیا ہے۔۔۔“وہ منہ بسور کہتا ہوا ۔۔۔۔کانوں میں انگلی ڈال کر مسلنے لگا۔۔۔۔

”تم سیدھے سیدھے اٹھ رہے ہو؟؟؟۔۔۔۔۔۔ یا میں اپنے طریقے سے اٹھاؤں؟؟؟“شہاب صاحب دھمکی آمیز لہجے میں گویا ہوئے۔۔۔۔

”پہلی بات ۔۔۔۔میں نہیں ملنا چاہتا ۔۔۔۔کہ دیں اس فرح کو۔۔۔دوسری بات جو کرنا ہے کرلیں۔۔۔“اس کا لہجہ نہایت بےنیاز و لاپراہ تھا۔۔۔۔۔۔۔آنکھوں میں بغاوت جھلک رہی تھی۔۔۔۔۔۔۔۔”او۔کے ۔۔۔بوڑھے بابا۔۔۔۔اب جاٸیں مجھے سونے دیں۔۔۔۔۔“شہاب صاحب کے غصے کو خاطر میں نہ لاتے ہوۓ وہ اسمارٹ سی مسکراہٹ لبوں پر سجائے ایک بار پھر لیٹ گیا۔۔۔۔

”تم سمجھتے کیوں نہیں ۔۔۔۔تمھارا اس سے ملنا تمھیں ہی فاٸدہ پہچاۓ گا۔۔۔۔“شہاب صاحب اپنے غصے پر قابو پاتے ہوۓ اسے سمجھانے والے انداز میں گویا ہوۓ۔۔۔۔

”بوڑھے بابا کمرے کا دروازہ سامنے ہے “اس نے دال کا جواب چنا دیا تھا جو ظاہر کرنے کے لئے کافی تھا۔۔۔۔ کے وہ اس موضوع پر مزید بات کرنا ہی نہیں چاہتا۔۔۔۔

” ایک بار سوچ لو۔۔۔ کہیں بعد میں تمہیں پچھتانا نہ پڑے اپنے فیصلے پر۔۔۔“شہاب صاحب کے کہتے ہی وہ طنزیہ مسکرایا۔۔۔۔

” ان پچھتاٶں سے میرا پرانا رشتہ ہے بوڑھے بابا۔۔۔“اس کی باتوں میں چھپا ہوا رنج و غم ۔۔۔۔آج پہلی بار شازمہ کو شدت سے محسوس ہورہا تھا۔۔۔۔

”فرح کون ہے ؟؟“شہاب صاحب کے جاتے ہی شازمہ نے تجسس سے استفسار کیا۔۔۔۔

”ادھر کان لاٶ۔۔۔بتاتا ہوں“ماحول کافی سنجیدہ سہ تھا۔۔۔۔ابھی ابھی دادا پوتے کی بحث ہوکر چکی تھی۔۔۔اس نے جب سنجیدگی سے اٹھ کر بیٹھتے ہوۓ کہا۔۔۔تو شازمہ اپنا کان فورا ہی اس کے منہ کے مقابل لے آٸی۔۔۔۔

”آآآآآآآآآآآآ“عبدالمنان اتنی زور سے چیخا تھا کے شازمہ کو لگا آج تو وہ بہری ہی ہوجاۓ گی۔۔۔

”تم نہایت ہی اعلی قسم کے کمینے ہو۔۔۔“وہ دانت کچکچاتے ہوۓ عبدالمنان کو کھاجانے والی نگاہ سے گھورتی ہوٸی بولی۔۔۔

”اففف۔۔یہ کیا حُسنِ کنول ؟؟؟۔۔مجھے تو لگا تھا کے اب غصے میں مجھے کوٸی نٸے لقب سے نوازا جاٸے گا۔۔۔پر یہ تو وہی پرانا ڈائیلاگ بول رہی ہے۔۔۔۔۔۔مزا نہیں آیا۔۔۔۔ “عبدالمنان اوپر کی جانب دیکھتے ہوۓ منہ بسور راٸٹر سے شکوہ کرنے لگا۔۔۔

”کیا بولے جارہے ہو ؟؟۔۔۔دماغ تو ٹھیک ہے تمھارا ؟؟“شازمہ اس کی بات سن الجھ کر بولی۔۔۔۔

”پگلی یہ باتیں تم نہیں سمجھو گی ۔۔۔یہ چھوڑو ۔۔۔میرا لٸے ناشتہ لگاٶ۔۔۔بھوک لگ رہی ہے مجھے۔۔۔۔۔صبح ہی صبح اٹھا دیا “وہ منہ بیگاڑتے ہوۓ کہ کر واش روم کی جانب لپکا۔۔۔۔۔

دوپہر کے تین بج رہے ہیں ۔۔۔بڑے آٸے صبح ہی صبح اٹھنے والے “شازمہ طنزیہ کہ کر منہ چڑھاکر جانے لگی ۔۔۔۔

”سنو “اس کے آواز دینے پر شازمہ پلٹی تھی۔۔۔

”بولو “اس نے ابرو اچکاکر

”نہیں ۔۔کچھ نہیں “شاید کچھ کہنا چاہتا تھا ۔۔۔پر ہمت نہ کر سکا۔۔۔

”اچھا سنو “شازمہ جانے لگی تو اس نے پھر آواز دی ۔۔۔وہ پلٹ کر ”کیا ہوا؟؟؟“

”نہیں کچھ نہیں۔۔۔۔تم جاٶ ۔۔۔“وہ مسلسل نیچے کے ہونٹ کو دانتوں میں دبا رہا تھا۔۔۔۔۔شازمہ کے لبوں کو پُراسرار مسکراہٹ چھو گٸی۔۔۔

”اب یہ مسکراہٹ کیوں ؟؟؟“وہ الجھ کر استفسار کرنے لگا۔۔۔۔

”اتنا مشکل ہے اگر بتانا تو چھوڑ دو۔۔۔۔مجھے نہیں جاننا کے فرح کون ہے۔۔۔۔“وہ مسکراتے ہوۓ کہ کر جانے لگی۔۔۔منان حیرت سے اسے تکتہ سہ ہی رہ گیا۔۔۔۔کے بن کہے اس نے کیسے دل کی بات جان لی۔۔۔۔۔

”یہ بچی تو مجھے اب حیران کرنے لگی ہے۔۔۔۔۔میرے بولنے کے باوجود لوگ میری بات اور احساسات نہیں سمجھ پاتے ۔۔۔۔یہ بن کہے سمجھ گٸی۔۔۔۔۔عجیب“شازمہ کا اس کی اَن کہی بات کو سمجھ لینا منان کو حیرت میں ڈال گیا تھا۔۔۔۔

ایک پیاری سی مسکراہٹ لبوں پر بکھر آٸی تھی۔۔۔۔

*****–—-********

نعمان کے لاکھ انکار کے باوجود منان اس بات پر اڑا رہا کے فلم کی شوٹنگ حویلی میں ہی ہوگی۔۔۔۔

”یار۔۔۔۔تو کیوں بضد ہے ؟؟۔۔۔میں کوٸی اور لوکیشن ڈھونڈتا ہوں۔۔۔جو اس سے بھی اچھی ہوگی۔۔۔“نعمان کے استفسار پر منان ایک ٹھنڈی آہ بھرتے ہوۓ۔۔۔۔

”کیونکے دل آگیا ہے میرا اس حویلی پر۔۔۔“اس کا شرارت سے ٹھنڈی آہ بھر کر کہنا شازمہ کے کان کھڑے کر گیا تھا ۔۔۔۔

”دل پھینک عاشق کہیں کا “وہ دل جلے انداز میں منہ ہی منہ بڑ بڑاٸی۔۔۔۔

”میں خوب جانتا ہوں تیرے دل کو “وہ مضحکہ خیز انداز میں۔۔۔

”جانتا ہے ناں۔۔۔پھر کیوں میرے اس ننھے منے پیارے سے دل پر ظلم ڈھ رہا ہے۔۔۔۔۔“اس نے شوخی سے ہنستے ہوۓ کہا تو شازمہ کا دل جل کر خاک ہونے لگا۔۔۔۔

”تو بھی کمال ہے ۔۔۔اتنی پیاری لڑکی چھوڑ کر تجھے وہ چڑیل ہی ملی ہے دل لگانے کے لٸے۔۔۔اپنی جان پیاری نہیں ہے کیا ؟؟“نعمان کے کہتے ہی وہ تعجب سے ۔۔۔

”کون پیاری سی لڑکی؟؟؟۔۔“

”وہ بچی۔۔۔۔کیا نام تھا اس کا ۔۔۔ہاں شازمہ “نعمان اپنے ذہن پر زور ڈالتے ہوۓ بولا۔۔۔۔۔

”پیاری ؟؟؟۔۔۔۔کہاں سے پیاری لگی ہے تجھے وہ؟؟؟۔۔۔۔۔۔مجھے تو خون پینے والی ڈائن گمان ہوتی ہے۔۔۔۔۔۔“وہ شازمہ کو دور سے ہی کچن میں کھڑا کھانا پکاتا دیکھ مزاق اڑاتے ہوۓ گویا ہوا۔۔۔۔۔

” ڈائن ؟؟۔۔۔۔اتنی پیاری اور معصوم سی لڑکی کو تو ڈائن بول رہا ہے۔۔۔تھوڑی تو شرم کر “نعمان نے فورا ہی ٹوکا تھا۔۔۔

اس کی بات سنتے ہی منان نے اپنا دل تھاما تھا ۔۔۔۔” اتنی تعریف مت کر۔۔۔ مجھ سے ہضم نہیں ہو رہی“

”فلحال یہ باتیں تو چلتی رہیں گی ۔۔۔آج سے ہی مزدور بھیج دے حویلی میں ۔۔کام شروع کروا دے۔۔۔۔۔ہم ساتھ مل کر فلم بناٸیں گے۔۔۔۔۔۔۔“عبدالمنان سنجیدگی سے گویا ہوا۔۔۔

”واقعی ؟؟“نعمان مسرت بھرے لہجے میں بےیقینی سے پوچھ اٹھا۔۔۔۔

”ہاں ۔۔۔“اس کے تصدیق کرتے ہی نعمان کا چہرہ کھل اٹھا تھا۔۔۔۔

”ہیلو مانی “ایک خوبصورت سی لڑکی مسکراتے ہوۓ کہ کر گھر میں داخل ہوٸی تھی۔۔۔۔

”تم ؟؟۔۔۔۔تم یہاں کیا کررہی ہو ؟؟“عبدالمنان اسے دیکھتے ہی کھڑا ہو کر ابرو اچکاکر استفسار کرنے لگا۔۔۔۔

”بے۔بی۔۔۔۔آٸی مس یو سو مچ۔۔۔“یہ کہتے ہوۓ وہ عبدالمنان کے گلے لگی تھی۔۔۔

شازمہ پھٹی پھٹی نگاہوں سے ان دونوں کو گلے ملتا ہوا دیکھنے لگی۔۔۔۔

”اب یہ کون سی نٸی بلا ہے ؟؟“شازمہ اپنی جگہ کھڑے کھڑے اس لڑکی کا سر سے پاٶں تک بغور جائزہ لیتے ہوئے گویا ہوئی۔۔۔۔۔جو ویسٹن کپڑوں میں نظر آ رہی تھی ۔۔۔۔

”کہاں غاٸب ہو مانی؟؟۔۔۔۔۔۔سب بتا رہے ہیں تم کلب بھی نہیں آتے اب۔۔۔۔میں کیا گٸی۔۔۔تم نے تو سب سے ملنا جھلنا ہی چھوڑ دیا۔۔۔“اس کی باتیں سن شازمہ کو محسوس ہوا کے وہ لڑکی عبدالمنان کی کوٸی خاص ہے۔۔۔۔

”شاید اس کی گرل فرینڈ ہے “شازمہ نے اس کی باتوں سے اندازہ لگایا تھا۔۔۔۔

”بے۔بی کچھ بول کیوں نہیں رہے ؟؟“جب اس لڑکی نے اپنا ہاتھ اس کے خوبصورت چہرے پر رکھا تو شازمہ کے دل کو عجیب سی تکلیف محسوس ہوٸی ۔۔۔۔اس نے اپنی نظریں جھکا کر کام میں ذہن لگانا چاہا۔۔۔۔

پر دل و دماغ تو ان دونوں پر اٹک گیا تھا۔۔۔۔کام میں اب کیا لگتا۔۔۔۔۔

”سوری یسرا۔۔۔۔۔“عبدالمنان نے اس کا ہاتھ فورا اپنے چہرے سے ہٹایا اور کچن کی جانب بڑھا۔۔۔۔

”چلو “اس نے شازمہ کا ہاتھ پکڑ کر کھینچتے ہوئے کہا۔۔۔۔

”کہاں؟؟۔۔۔کہاں لے جارہے ہو؟؟۔۔۔۔میرا سالن جل جاۓ گا۔۔۔ چولھا تو کم کرنے دو“ منان نے اس کی ایک نہ سنی اور کھینچتا ہوا لاٶنچ میں اس لڑکی کے سامنے لے آیا۔۔۔۔

”یہ ہے شازمہ۔۔۔۔میری واٸف ۔۔۔“منان کا شازمہ کی کمر میں ہاتھ ڈال کر کہنا تھا کے وہ حیرت سے ہکا بکا ہوکر اس کا چہرہ تکنے لگی۔۔۔۔۔

”کیا ؟؟؟۔۔۔۔واٸف ؟؟۔۔۔۔یہ کیا بول رہے ہو ؟؟“وہ لڑکی مارے شاکڈ کے ایک قدم پیچھے لیتے ہوۓ بولی۔۔۔۔اس کے لہجے سے بےیقینی جھلک رہی تھی۔۔۔

”جو تم سن رہی ہو ۔۔۔“منان نے پیاری سی مسکراہٹ لبوں پر سجاۓ کہا تو وہ لڑکی نفی میں گردن ہلانے لگی۔۔۔۔

دوسری طرف شازمہ بھی ابھی تک شاکڈ میں تھی۔۔۔۔

”مانی پلیز۔۔۔۔۔مزاق کی حد ہوتی ہے۔۔۔۔“وہ لڑکی ابھی تک اس بات پر اعتبار کرنے کے لئے تیار نہ تھی کے شازمہ اس کی بیوی ہے۔۔۔۔

”یسرا پلیز۔۔۔۔کنڑول یور سلف ۔۔۔“منان نے نہایت سنجیدگی سے کہ کر شازمہ کی جانب متوجہ ہوکر۔۔۔۔

” ڈارلنگ یہ ہے یسرا ۔۔۔۔جس کے بارے میں۔۔۔۔میں نے تمھیں بتایا تھا۔۔۔۔“وہ نہایت پیار سے گویا ہوا

منان نے آنکھوں ہی آنکھوں میں اشارہ کیا تھا اثبات میں سر ہلانے کے لٸے۔۔۔۔

”اچھا ۔۔۔یہ ہے یسرا۔۔۔اچھا لگا آپ سے مل کر “شازمہ نے یسرا کے آگے مسکراتے ہوۓ مصافحہ کے لٸے ہاتھ بڑھایا تو وہ لڑکی بجاۓ ہاتھ ملانے کے منان کو شکوۓ بھری نگاہ سے دیکھتے ہوۓ بغیر کچھ کہے وہاں سے پاٶں پٹکتی ہوٸی چلی گٸی۔۔۔۔

اس کے جاتے ہی شازمہ نے عبدالمنان کا ہاتھ فورا جھٹک دیا تھا۔۔۔۔

”اب یہ کیا تماشہ تھا ؟؟۔۔۔۔تم نے جھوٹ کیوں بولا اس لڑکی سے؟؟۔۔“شازمہ الجھ کر سوالیہ انداز میں گویا ہوٸی۔۔۔۔

”تمھیں تو خوش ہونا چاہیے کہ میں نے تمہیں اتنے ہینڈسم لڑکے کی بیوی بنے کا شرف دیا ۔۔۔ورنہ چاہتا تو گرل فرینڈ کہہ کر بھی ملوا سکتا تھا۔۔۔“وہ مسکراتے ہوۓ آنکھ دبا کر کہنے لگا۔۔۔۔

”شرف ؟؟۔۔۔۔اور وہ بھی تمھاری بیوی بنے کا؟؟؟ ۔۔۔۔“اس نے نہایت حقارت بھرے لہجے میں کہا۔۔۔۔” تم دنیا کے آخری مرد بھی ہو نا تو بھی میں تم سے شادی نہ کروں۔۔۔۔ کریکٹر لیس “ کہ کر وہ اکڑ کر جانے لگی۔۔۔

”اتنے بڑے بڑے دعوے نہیں کرنا چاہیے۔۔۔۔کیونکے یہ دل بڑی کتی چیز ہے۔۔۔۔“اس نے شوخی سے شازمہ کے چہرے کے مقابل جھک کر آنکھوں میں جھانکتے ہوۓ کہا۔۔۔۔۔

”کتنا بھی کتا ہو ۔۔۔۔تم پر پھر بھی نہیں آۓ گا۔۔۔۔“وہ چھوٹی آنکھیں کر ۔۔۔۔۔بھرم سے کہ کر واپس کچن کی جانب جانے لگی۔۔۔۔۔۔

”تمھیں کیا لگتا ہے۔۔۔میں مرا جارہا ہوں ؟؟“وہ ہاتھ پکڑ کر شرارت بھری نگاہوں سے اسے دیکھ استفسار کرنے لگا۔۔۔۔

”مجھے کیا پتا ؟؟؟۔۔۔۔“ شازمہ اس کی آنکھوں میں جھانکتے ہوۓ۔۔۔۔لاعلمی میں کندھے اچکاکر۔۔۔۔۔۔

”شاید ہاں۔۔۔۔۔ورنہ بیوی کیوں بناتے ؟؟؟۔۔۔۔۔“پھر اس کے حسین چہرے کے قریب اپنا چہرہ کر۔۔۔۔۔بھرم سے استفسار کرنے لگی۔۔۔۔

اس کی آنکھوں میں ایک عجیب سہ غرور تھا۔۔۔۔جو عبدالمنان کو اپنی جانب تیزی سے راغب کررہا تھا۔۔۔۔

اس لمحے عبدالمنان لاجواب ہوگیا ۔۔۔۔۔

خودی مسکراتے ہوۓ آہستہ سے ہاتھ چھوڑ دیا۔۔۔۔وہ اتراتے ہوۓ چڑھا کر جانے لگی۔۔۔۔

ابھی دو قدم چلی بھی نہ تھی کہ واپس پلٹ کر آئی۔۔۔۔

”آآآآہ“عبدالمنان کی ناک پر اس نے ایک زور دار مکا دے مارا تھا۔۔۔۔۔جس پر وہ بے ساختہ چیخ اٹھا۔۔۔۔۔

”یہ مجھے ٹچ کرنے کے لٸے۔۔۔۔۔آٸیندہ اگر دوبارا یہ حرکت کی تو تمھاری گرل فرینڈ کے سامنے ہی ناک توڑ دوں گی“ شازمہ نے بڑی بڑی آنکھیں کر ۔۔۔۔۔آخری وارننگ جاری کی ۔۔۔۔

”ہاۓۓۓ أللہ۔۔۔۔۔میری حسین ناک کی دشمن۔۔۔۔۔۔کیوں میری ناک توڑنے کے پیچھے پڑھ گٸی ہو۔۔۔۔“وہ اپنی ناک پکڑ دہاٸی دینے لگا۔۔۔۔جیسے شازمہ مکمل اگنور کر ۔۔۔۔۔وہاں سے چلی گٸی۔۔۔۔۔

“تین پر تین” وہ اپنی ناک مسلتے ہوئے بولا

*****—-******

”بچی ۔۔۔۔بچی۔۔۔۔کہاں ہو یار ؟؟؟۔۔۔۔میری سفید شرٹ کہاں ہے؟؟؟“عبدالمنان نے صرف دو منٹ لیٹ ہونے پر شور مچا مچا کر پورا گھر سر پر اٹھا لیا تھا۔۔۔۔۔

”آرہی ہوں۔۔۔کیوں شور مچارہے ہو بچوں کی طرح ؟؟؟“شازمہ تیزی سے چلتی ہوٸی آٸی تھی۔۔۔۔

”کہیں جارہے ہو کیا ؟؟؟“ اسے سامان پیک کرتا دیکھ شازمہ نے تجسس سے پوچھا ۔۔۔

”ہاں۔۔۔حویلی ۔۔۔۔“اس نے سرسری سہ شازمہ کی جانب دیکھ کہا۔۔۔۔۔

حویلی کا نام سنتے ہی اس کا خون خشک ہوا تھا۔۔۔۔

”ح۔۔۔حو۔۔۔حویلی۔۔۔۔پر کیوں ؟؟“وہ پھنسی پھنسی آواز میں استفسار کرنے لگی۔۔۔

”انجان بنے کی اداکاری بند کرٶ۔۔۔۔میں نے دیکھ لیا تھا تمھیں کان لگا کر باتیں سنتے ہوۓ۔۔۔“اس نے دونوں ہاتھ فولٹ کر اسمارٹ مسکراہٹ لبوں پر سجاۓ۔۔۔۔۔ اس کے معصومانہ چہرے کو تکتے ہوئے کہا۔۔۔۔۔

”ہاں میں نے سنا تھا ۔۔۔پر۔۔۔۔“وہ روتو سہ چہرہ بناکر۔۔۔۔

”میں نہیں جانا چاہتی وہاں “اس نے روہانسہ لہجہ میں کہا۔۔۔

”تو مت جاٶ۔۔۔۔کون تمھارے ہاتھ پاٶں جوڑ رہا ہے کے پلیز شازمہ میڈم آپ چلیں۔۔۔۔آپ کے بغیر تو فلم کا مکمل ہونا محال ہے ۔۔۔“اس نے ٹیکا کر طنز کا تیر مارا تھا۔۔۔۔

”پر میری جاب ہی تمھارے ساتھ رہنا ہے۔۔۔۔اور تم اس بات سے بخوبی واقف ہو۔۔۔۔“وہ خاصہ جتاتے ہوۓ گویا ہوٸی۔۔۔۔اس کے چہرے پر خوف کے ساٸے ابھی سے نظر آرہے تھے۔۔۔۔

”بچی یہی تو میرا پلین ہے۔۔۔۔ایک تیر سے دو شکار۔۔۔۔نہ اس فرح سے ملنا پڑے گا۔۔۔۔اور نہ ہر روز تمھاری شکل دیکھنی پڑے گی۔۔۔۔آرام سے حویلی میں رہوں گا۔۔۔۔بوڑھے بابا کی روک ٹوک سے بھی کچھ مہینوں کے لئے جان چھوٹ جائےگی۔۔۔۔۔آرام سے اپنی خودکشی کا نیا فل پروف پلین بناٶں گا۔۔۔“وہ ابھی انہی سوچوں میں گم سم کھڑا تھا کے شازمہ اس کی آنکھوں کے آگے چٹکی بجاکر ۔۔۔۔اسے حواسوں میں واپس لاٸی تھی۔۔۔۔

”تم صرف اس لڑکی کی خاطر جارہے ہو ناں ؟؟؟“شازمہ دل جلے انداز میں ابرو اچکاکر پوچھنے لگی۔۔۔۔

”ہاۓۓۓ ۔۔۔۔۔کیا یاد دلا دیا۔۔۔۔“اس نے ایک گہری ٹھنڈی آہ بھر کر کہا۔۔۔۔۔تو شازمہ کی ٹھیک ٹھک تپی تھی۔۔۔۔

”ہاۓۓۓۓۓ۔۔۔۔کتنا مزا آۓ گا ناں ۔۔۔۔جب وہی حسین پری تمھارا گلا دباۓ گی“شازمہ نے دانت پیستے ہوۓ دونوں ہاتھ سے اس کی گردن کا حصار لیتے ہوۓ کہا ۔۔۔۔

اس کے تپنے پر وہ خوب محظوظ ہورہا تھا۔۔۔۔۔

”افففف۔۔۔نہ پوچھو ڈارلنگ۔۔۔۔ایسی موت تو قسمت والوں کو ملتی ہے۔۔۔۔۔آآہ ۔۔۔۔کیا حُسنِ سراپا ہے۔۔۔کیا آنکھیں ہیں۔۔۔۔کیا ۔۔۔۔“ابھی وہ اس حسین لڑکی کی شان میں قصیدے سنا ہی رہا تھا کے زور سے دروازہ بند ہونے کی آواز پر ۔۔۔۔

وہ چونک کر پیچھے پلٹا۔۔۔۔

شازمہ سارا غصہ بے جان دروازے پر اتار کر چلی گئی تھی۔۔۔یہ دیکھ اس کا قہقہہ بلند ہوا ۔۔۔

”میں نے سے اپنی واٸف کیوں کہا؟؟؟۔۔۔۔میں گرل فرینڈ بھی تو کہہ سکتا تھا۔۔۔۔۔“ نیند کی گہرائیوں میں ڈوبنے سے قبل یہ اس کا آخری خیال تھا۔۔۔۔

عبدالمنان ابھی تک الجھا ہوا تھا۔۔۔۔کے آخر اس نے شازمہ کو اپنی واٸف کیوں بتایا۔۔۔۔۔

*****—–******

وہ بڑا خوش خوش آکر کار میں بیٹھا۔۔۔۔اس اطمینان کے ساتھ ۔۔۔۔کے شازمہ کبھی بھی اس کے ساتھ حویلی نہیں جاۓ گی۔۔۔۔

”شکر ہے خدا کا۔۔۔۔اس بچی سے جان چھوٹی۔۔۔۔۔“وہ گھر کی جانب ایک نظر دیکھتے ہوۓ مسرت بھرے لہجے میں گویا ہوا۔۔۔۔

”پر۔۔۔۔۔۔ایسا کیوں لگ رہا ہے ۔۔۔میں مِس کروں گا اس آفت کو۔۔۔۔۔چلو۔۔۔۔عبدالمنان ۔۔۔۔یہ سینٹی ہونے کا وقت نہیں۔۔۔۔“اس نے اپنے بکھرتے ہوۓ جذبات پر فورا ہی قابو پالیا تھا۔۔۔۔

اس بھولی بھالی بچی نے ایک انجانی ڈوری سے باندھ دیا تھا۔۔۔۔

”ہیلو بچی۔۔۔۔کب تک سوتی رہو گٸی۔۔۔۔چلو اٹھو “وہ جانا چاہتا تھا۔۔۔۔پر ناجانے کیوں شازمہ کو چھوڑ کرجا نہ سکا۔۔۔۔دل کے ہاتھوں مجبور ہوکر ۔۔۔۔اپنا بنا بنایا پلین خود ہی خراب کرڈالا۔۔۔۔

”میں نہیں جانے والی حویلی ۔۔۔“ شازمہ نے نیند میں کہ کر کال کاٹ دی۔۔۔۔

”کال کیوں کاٹی؟؟۔۔۔۔تیار ہوجاٶ جلدی ۔۔۔میں لینے آرہا ہوں “عبدالمنان نے دوبارا کال ملاکر تیزی سے کہا۔۔۔۔

”میں نہیں جانے والی اس حویلی میں “اس کی آنکھوں میں ابھی بھی نیند کا خمار تھا۔۔۔۔وہ اٹھ کر بیٹھتے ہوۓ سنجیدگی سے گویا ہوٸی۔۔۔

”بچی۔۔۔۔میرے پاس اور بھی کام ہیں تمھارے نخرے اٹھانے کے سواء ۔۔۔چلو تیار ہوجاٶ جلدی۔۔۔۔اور سامان پیک کرلینا۔۔۔تم وہیں حویلی میں رہو گٸی میرے ساتھ “اس کی بات سنتے ہی مارے خوف کے ایک ہی جھٹکے میں ساری نیند چھومنتر ہوگٸی تھی۔۔۔۔

”میں اس حویلی میں ہرگز نہیں رکنے والی۔۔۔اور میرے والدین بھی اجازت نہیں دیں گے۔۔۔۔اس طرح ایک لڑکے۔۔۔۔مطلب۔۔۔“شازمہ کہنے میں ہچکچا رہی تھی۔۔۔۔

”اففف۔۔۔۔۔تم سے کس نے کہا کے وہاں تم میرے ساتھ اکیلے رہو گٸی۔۔۔۔بچی۔۔۔۔وہاں پوری ٹیم ہوگی۔۔۔۔جن میں لڑکیاں بھی ہیں۔۔۔۔اب پلیز ۔۔۔مزید بحث نہیں۔۔۔میں آرہا ہوں ۔۔۔تیار ہوجاٶ“منان نے بغیر اس کی بات سنے کال کاٹ دی۔۔۔۔

”اب میں کیا کروں۔۔۔۔ایک آفت کم تھی کیا میری زندگی میں ۔۔۔جو اب ایک چڑیل بھی آگٸی ہے۔۔۔۔اللہ ۔۔۔مجھے بچالے۔۔۔اس عبدالمنان اور اس چڑیل سے“شازمہ روتو سہ چہرہ بناکر ۔۔۔۔ دوہاٸیاں دے رہی تھی۔۔۔۔

*****—–******

ایک مہینے کے عرصے میں حویلی اور اردگرد پھیلے ہوئے وسیع باغ اور گھاس کے لمبے چوڑے تختوں کی حالت کافی سدھر چکی تھی۔۔۔۔

کام تیزرفتار سے جاری تھا۔۔۔۔

وہ الماری میں فاٸل تلاش کررہا تھا۔۔۔۔

اس حسین لڑکی کی نگاہ کام میں مصروف عبدالمنان پر ٹکی تھی۔۔۔۔۔

کل سے شوٹنگ اسٹارٹ ہونی تھی۔۔۔۔۔

”چلو منان ۔۔۔دیکھتے ہیں کس قدر درندگی چھپی ہے اس معصوم چہرے کے پیچھے۔۔۔۔“وہ حسین لڑکی آہستگی سے کہ کر مسکراٸی۔۔۔۔۔

آج عبدالمنان اس کا شکار تھا۔۔۔۔

وہ حسین لڑکی عبدالمنان کے دل میں چھپی خواہشات کی صورت میں۔۔۔۔۔ بدل گٸی۔۔۔۔ ‏

یہ دیکھ وہ خود بھی حیران و پریشان تھی کے اس بار اس کا روپ کسی حسین وجمیل لڑکی میں تبدیل نہیں ہوا تھا۔۔۔۔بلکے وہ ایک عمر رسیدہ خاتون میں بدل گئی تھی۔۔۔۔

اچانک اسے محسوس ہوا کے کوٸی وجود اس کے پیچھے موجود ہے۔۔۔۔

وہ جیسے ہی پلٹا۔۔۔۔۔

ایک دو لمحوں کے لٸے مانو سانسیں ہی تھم گٸیں۔۔۔۔۔ذہن و دل خوشی و غمی کی ملی جھلی کیفیت میں تھے۔۔۔۔۔وہ ساکت ہوگیا۔۔۔۔۔۔۔۔۔۔

”مما“۔۔۔۔۔بس منہ سے اتنا ہی لفظ بمشکل ادا ہوسکا۔۔۔۔۔آنکھوں سے آنسوں جھرجھر موتیوں کی طرح زمین پر گرنے لگے۔۔۔۔۔

”مما آپ آگٸیں“بلک کر کہتا ہوا وہ اس حسین لڑکی کے گلے لگ گیا۔۔۔۔جو اس کی ماں کے روپ میں اس کے سامنےآگٸی تھی۔۔۔۔۔۔

”مما ۔۔۔۔مما۔۔۔۔۔“وہ بس رو رو کر یہی کہ رہا تھا باربار۔۔۔۔۔اس کا گرم جوشی سے سینے سے آ لگنا ۔۔۔۔اس حسین لڑکی کی روح تک کو ہلا گیا تھا۔۔۔

اس کی آنکھیں پھٹی کی پھٹی رہ گٸیں تھیں۔۔۔۔عبدالمنان نے اسے مضبوطی سے اپنے حصار میں جکڑ رکھا تھا۔۔۔۔۔

یہ زندگی میں پہلی بار ہوا تھا کے کسی کا چھونا اسے محسوس ہورہا تھا۔۔۔۔۔اسی اپنی حالت غیر ہوتی محسوس ہوٸی۔۔۔۔

”آپ مجھے چھوڑ کر کیوں گٸیں؟؟؟۔۔۔۔۔کیا میں اتنا برا تھا ؟؟؟۔۔۔۔۔ایسی کیا غلطی کی تھی میں نے ۔۔۔جس کی اتنی بڑی سزا دی؟؟؟۔۔۔۔۔۔مما۔۔۔۔۔۔۔۔۔“عبدالمنان اپنے حواس کھو بیٹھا تھا۔۔۔۔۔۔۔

اس حسین لڑکی نے انجانے میں عبدالمنان کے دل میں ڈھیروں مٹی دفن ہوئی خواہش کو آج پھر سے زندہ کردیا تھا۔۔۔۔

وہ اپنی ماں کو دیکھ پوری جان سے تڑپ اٹھا ۔۔۔۔

کسی کے کمرے کی جانب آنے کی آواز اس لڑکی کے کانوں کی سماعت سے ٹکراٸی۔۔۔۔۔

”چھوڑو مجھے “اس حسین لڑکی نے سخت لہجے میں کہا۔۔۔۔۔اس کی آنکھیں اچانک سفید رنگ میں بدل گٸیں۔۔۔۔۔

”نہیں میں آپ کو جانے نہیں دوں گا۔۔۔۔۔مجھے آپ سے بہت سارے سوال کرنے ہیں۔۔۔۔اپنے سوالوں کے جوابات لیے بغیر میں آپ کو کہیں نہیں جانے دوں گا۔۔۔“عبدالمنان مزید اپنی گرفت مضبوط کرتے ہوۓ گویا ہوا۔۔۔۔وہ بلک بلک کر رو رہا تھا۔۔۔۔۔

”میں نے کہا چھوڑو “اس کے گرج دار آواز میں کہتے ہی عبدالمنان خود بہ خود ہوا میں اُڑ کر ٹیبل سے جا ٹکرایا۔۔۔۔۔۔

جیسے ہی وہ خود کو سمبھال کر کھڑا ہوا وہ لڑکی جو اس کی ماں کے روپ میں تھی۔۔۔۔۔اوجھل ہوچکی تھی۔۔۔۔

عبدالمنان حیران و پریشان اپنی ماں کو دیوانا وار تلاش کرنے لگا۔۔۔۔۔

”یہ خون کیسے نکلا؟؟۔۔۔“شازمہ جب کمرے میں داخل ہوٸی تو عبدالمنان کے سر سے خون بہتا دیکھ اسکی جان نکلی تھی۔۔۔۔۔

پر وہ تو مانو اپنی تکلیف سے بے نیاز تھا۔۔۔۔۔

”میری مما کہاں گٸیں ۔؟؟؟۔۔۔شازمہ وہ یہاں آٸیں تھیں۔۔۔؟؟؟۔۔۔۔پھر وہ اچانک سے مجھے چھوڑ کر کیوں چلی گٸیں۔۔وہ کیوں گٸیں؟؟۔۔۔۔۔۔۔کیا میں اتنا برا ہوں کے وہ مجھے پھر سے چھوڑ گٸیں۔۔۔۔بولو “عبدالمنان اپنے حواسوں میں نہ تھا۔۔۔۔۔بےترتیب الفاظ مسلسل اس کے منہ پر جاری تھے۔۔۔۔۔۔

”مانی یہاں کوٸی نہیں ہے۔۔۔۔۔۔ تمھیں ضرور وہم ہوا ہے۔۔۔۔۔“شازمہ اسے سمجھانے اور حواس میں لانے کی پُرزور کوشش کررہی تھی۔۔۔۔۔۔

”کیا میں بہت برا ہوں ؟؟۔۔۔۔۔وہ مجھے پھر چھوڑ گٸیں۔۔۔۔وہ مجھے پھر چھوڑ گٸیں“عبدالمنان زمین پر گر کر بلک بلک کر روتے ہوۓ کہنے لگا۔۔۔۔۔

”مانی سنبھالو خود کو۔۔۔۔۔پلیز۔۔۔۔۔۔میں کسی کو بلا کر لاتی ہوں “شازمہ کہ کر ابھی کھڑی بھی نہ ہوٸی تھی کے عبدالمنان نے فورا اس کا ہاتھ مضبوطی سے تھام لیا ۔۔۔۔۔

”تم بھی مجھے چھوڑ کر جارہی ہو ؟؟“اس کا رنجیدہ لہجے میں استفسار کرنا شازمہ کے دل کو لگا تھا۔۔۔۔۔

”نہیں۔۔۔۔۔بلکل نہیں۔۔۔۔۔میں کیوں تمھیں چھوڑ کر جانے لگی ۔۔۔۔“وہ محبت سے چور لہجے میں جواب دیتی ہے۔۔۔۔۔اس کا اتنا جواب سنتے ہی عبدالمنان غش کھا کر زمین بوس ہوتا ہے۔۔۔۔۔۔