Rooh E Ishq By Hussny Kanwal Readelle50267 Rooh E Ishq (Episode 04)

Rooh E Ishq By Hussny Kanwal

اس حسین و پُرکشش لڑکی کا نظر اٹھاکر منان کے چہرے کی جانب دیکھنا تھا کے وہ چند ثانیوں تک تو بےحس و حرکت کھڑا اسے بےوقوفوں کی طرح ٹکر ٹکر دیکھنے لگا۔۔۔اس کے قیامت خیز حسن نے منان کے دل پر پہلی ہی نظر میں بجلیاں گراٸیں تھیں۔۔۔اس لڑکی کے انگ انگ سے نور جھلک رہا تھا۔۔۔۔اس کا حسن مدہوش کن تھا۔۔۔آبشار کی طرح گرتے ہوۓ چمکدار سیاہ بال ۔۔۔چمکدار سبز آنکھیں ۔۔۔ہونٹ گلاب کی پنکھڑیوں کی مانند۔۔۔اس کا لباس نہایت باریک۔۔۔۔اوپر سے وہ پوری بھیگی بھیگی سی تھی۔۔۔۔

منان اس کے حسن کے طلسم میں ایسا کھویا کہ دنیا و مافیہما سے بے نیاز ہو گیا۔۔۔۔۔

”زرمین تم آگٸی؟؟؟۔۔۔۔“وہ لڑکی بلک کر بولی۔۔۔۔اس کی آنکھوں سے موٹے موٹے آنسوں موتیوں کی طرح بہہ رہے تھے۔۔۔۔۔آنکھوں میں آنسوں کے سبب اسے دھندلا نظر آرہا تھا۔۔۔اس نے گمان کیا ۔۔۔۔۔زرمین آٸی ہے۔۔۔

اس کی دلکش آواز نے منان کا طلسم توڑا تھا۔۔۔

”تمھیں سردی لگ جاۓ گی۔۔۔“منان نے چھتری اس کی جانب بڑھاٸی تو اس نے فورا تھام لی۔۔۔اب وہ حسین لڑکی دونوں کو چھتری سے ڈھانپ رہی تھی۔۔۔ساتھ ساتھ منان کو سر سے پاٶں تک بغور دیکھ رہی تھی۔۔۔

منان نے تیزی سے اپنا کوٹ اتار کر اس لڑکی کی جانب بڑھایا۔۔۔

”لاٶ چھتری مجھے دو۔۔۔اور یہ پہنو۔۔۔“منان نے چھتری اس کے ہاتھ سے لی۔۔۔۔۔وہ لڑکی یہ دیکھ مسکرا دی کے منان ایک بار بھی اس کی جانب نظر نہیں اٹھا رہا۔۔۔۔مسلسل اپنی نظریں زمین پر جماۓ ہوۓ ہے۔۔۔۔

”منان ۔۔۔۔منان۔۔۔کب سے آواز لگا رہا ہوں ۔۔۔کہاں گم ہو؟؟؟“وہ لڑکی کوٹ پہنے لگی تو منان چھتری پکڑ کر نظریں جھکاۓ کھڑا ہوگیا۔۔۔اتنے میں کسی نے پیچھے سے اپنا بھاری سہ ہاتھ اس کے کندھے پر رکھا۔۔۔وہ پلٹا تو نعمان کھڑا تھا۔۔۔۔

”اچھا۔۔۔میں نے سنا نہیں۔۔۔“منان نے اس کی جانب مکمل متوجہ ہوکر جواب دیا۔۔۔

”یہاں گارڈن میں کیا کر رہے ہو ؟؟۔۔۔وہ بھی اتنی تیز بارش میں ؟؟“نعمان کے استفسار پر۔۔۔

”کچھ نہیں یار۔۔۔اس لڑکی کی وجہ سے آیا تھا “منان کے جواب دیتے ہی نعمان تعجب سے پیچھے کی جانب دیکھنے لگا۔۔۔۔

”کون سی لڑکی ؟؟“نعمان مضحکہ خیز انداز میں۔۔۔

”یار ۔۔۔یہ “جیسے ہی منان کہتے ہوۓ پیچھے پلٹا۔۔۔اس کے الفاظ مارے حیرت کے منہ میں ہی پھنس گٸے۔۔۔۔

وہ حیران و پریشان پورے گارڈن میں نظر دوڑانے لگا۔۔۔

”کہاں گٸی وہ لڑکی ؟؟“منان حیران ہوکر استفسار کرنے لگا۔۔۔

”کون سی لڑکی ؟؟؟۔۔۔۔میں نے تو کسی کو نہیں دیکھا تیرے ساتھ “نعمان کے کہتے ہی اس نے اپنا سر پکڑا تھا۔۔۔

”تو نے اس سفید فراک والی کو نہیں دیکھا ؟؟؟“منان ہکا بکا ہو کر پوچھنے لگا۔۔۔

”نہیں تو۔۔۔۔“اس کے مسکرا کر جواب دیتے ہی منان پھر سے ایک بار پورے گارڈن کا معاٸنہ کرنے لگا۔۔۔۔

”ایسا کیسے ہوسکتا ہے ۔۔۔وہ یہیں بیٹھی ہوٸی تھی۔۔۔میں نے اسے اپنی چھتری بھی دی تھی۔۔۔۔اور اپنا کوٹ بھی ۔۔۔“منان پریشان تھا کے وہ حسین لڑکی یوں اوجھل کیسے ہوگٸی۔۔۔۔

”اندر چل یار۔۔۔۔اس لڑکی کو بعد میں ڈھونڈ لیں گے“نعمان کے کہنے پر وہ اِدھراُدھر دیکھتے ہوۓ اس کے ساتھ حویلی کے اندر داخل ہوا۔۔۔۔۔

”بابا اٹھو۔۔۔۔لاٸٹ اون کرٶ حویلی کی “نعمان کی نظر حویلی کے بوڑھے چوکیدار پر پڑی ۔۔۔ جو زمین پر صوفے سے ٹیک لگائے سو رہا تھے۔۔۔۔

”کیسے غاٸب ہوگٸی وہ ؟؟“منان ابھی تک الجھا ہوا تھا۔۔۔۔

”شکر ۔۔۔“ لانچ کے ساری بتیاں فانوس روشن ہوئے تو نعمان ایک گہرا سانس لیتے ہوۓ گوہا ہوا۔۔۔

حویلی نہایت بوسیدہ حالت میں تھی۔۔۔ سامان پر جمی ہوٸی مٹی کی طے دیکھ کر یہ اندازہ بخوبی لگایا جا سکتا تھا کہ وہ سالوں سے بند پڑی ہے۔۔۔۔۔

” تو کیسی لگی ؟؟؟“نعمان ابرو اچکا کر۔۔۔۔

”ٹھیک ہے بس“منان منہ بیگاڑتے ہوۓ پورے لأنچ میں نظر گھماتے ہوئے گویا ہوا۔۔۔۔

”تجھے اچھی نہیں لگی ؟؟؟ “نعمان تعجب سے پوچھ اٹھا۔۔۔

”میں نے کون سہ اس حویلی سے شادی کرنی ہے۔۔۔جو مجھے اچھی لگنی ضروری ہے۔۔۔۔تیری فلم ہے۔۔۔تو دیکھ۔۔۔۔سمجھ آ رہی ہے ۔۔۔تو لے لے رینٹ پر“منان کے کہنے پر وہ اثبات میں ہلانے لگا۔۔۔۔

”اصل میں ۔۔۔یہ فلم تیری بھی ہے۔۔۔و۔۔وہ“اس کا ہچکچاہٹ سے کہنا۔۔۔۔۔منان کا دماغ کھٹکا گیا تھا۔۔۔۔

”پلیز یہ مت کہنا۔۔۔۔کے میری سکرپٹ جو چوری ہوگئی تھی وہ تیرے پاس ہے۔۔۔۔“منان نے اسے کھاجانے والی نگاہ سے غرا کر کہا۔۔

”تو ۔۔۔تو ویسے بھی جلا رہا تھا اسے۔۔“نعمان کے جواب پر اس کا خون کھول گیا تھا۔۔۔۔

” میں تو تجھے صرف مطلبی سمجھتا تھا تو ، تو سالے دھوکے باز بھی نکلا۔۔۔۔“منان نے ایک زور دار مکا اس کے منہ پر دے مارا تھا۔۔۔۔

منان کے ایک جاندار مکے نے ہی اس کے منہ سے خون نیکال دیا ۔۔۔۔

”مطلبی میں نہیں “نعمان نے شہادت کی انگلی اٹھاکر اس کی جانب کی ” تو ہے منان۔۔۔اور ہمیشہ سے رہا ہے۔۔۔۔تو نے کبھی میرے بارے میں نہیں سوچا۔۔۔بس چھوڑ دی یہ فیلڈ۔۔ ۔۔یہ سوچے بغیر کے ایک فلم بنانے کا خواب ہم دونوں نے ساتھ مل کر دیکھا تھا۔۔۔۔۔ تو نے اکیلے نہیں۔۔۔۔میں جانتا ہوں تو بہت مشکل وقت سے گزر رہا تھا۔۔یقین مان مجھے بہت ہمدردی تھی تجھ سے۔۔۔۔میرا دل بھی خون کے آنسو روتا تھا تجھے تڑپتا ہوا دیکھ۔۔۔۔پر یار۔۔۔۔یہ زندگی ہے۔۔۔۔اور یہ ایسے ہی چلتی ہے۔۔۔۔تجھ سے ہمدردی میں ۔۔۔میں اپنے خواب نہیں چھوڑ سکتا تھا۔۔۔۔۔خاص طور پر اپنے خوابوں کے اتنے قریب آکر۔۔۔۔“نعمان نے اپنے دل کی ساری بھڑاس ایک ساتھ ہی نکال دی تھی۔۔۔۔ جو سالوں دل میں لیے گھوم رہا تھا۔۔۔

”ہمدردی ؟؟؟۔۔۔منان نے طنزیہ کہا۔۔۔۔”مجھے کسی کی ہمدردی نہیں چاہیے ۔۔۔۔نفرت ہے مجھے اس لفظ سے۔۔۔۔بوڑھے بابا نے ہمدردی میں مجھے پالا۔۔۔۔تو ہمدردی میں دوستی رکھ رہا تھا۔۔۔افففف۔۔۔۔یہ سارے ہمدردوں کو کسی نے میرا پتہ دے دیا ہے کیا ؟؟؟۔۔۔۔۔میں عبدالمنان ہوں ۔۔۔اور مجھے کسی کی ہمدردی کی ضرورت نہیں۔۔۔۔یہ بات تو اور بوڑھے بابا اچھی طرح سمجھ لیں ۔۔۔“منان کی آنکھیں غصے سے سرخ انگارے کی طرح لال ہوگٸی تھیں۔۔۔۔

اس ہمدردی کے لفظ سے منان کو نفرت ہوگٸی تھی۔۔۔۔اتنی کدروت کے جب کوٸی یہ لفظ ادا کرتا منان کو تیر کی طرح سینے میں پیوست ہوتا ہوا گمان ہوتا۔۔۔۔

”منان “وہ حسین لڑکی اوپر سیڑھیوں پر کھڑی ان دونوں کی ساری باتیں سن رہی تھی۔۔۔۔۔اس نے منان کی آنکھوں میں شدید کرب محسوس کر لیا تھا۔۔۔۔”اتنا درد کیوں ہے ان آنکھوں میں ؟؟؟۔۔۔۔۔کیا اس نے بھی کسی اپنے کو کھویا ہے ؟؟؟“وہ لڑکی منان کے وجود پر نظریں جماۓ آہستہ سے ہمکلام ہوٸی۔۔۔۔۔وہ ابھی بھی منان کا کوٹ پہنے ہوۓ تھی۔۔۔۔

”تمھارا مسئلہ پتا ہے کیا ہے ؟؟؟۔۔۔۔تم بچوں کی طرح روتے رہتے ہو۔۔۔۔ زندگی نے یہ نہیں دیا۔۔۔۔زندگی نے وہ نہیں دیا۔۔۔ تمہارے شکوے ہی ختم نہیں ہوتے ۔۔۔دادا کے پیسوں پر پلنا بڑا آسان ہے۔۔۔کبھی خود محنت و مزدوری کر کے دیکھو تو پتا چلے کہ زندگی کتنی مشکل ہے۔۔۔۔۔“نعمان نے اسے جب دادا کے پیسوں پر پلنے کا طعنہ دیا تو منان کے چہرے پر طنزیہ مسکراہٹ بکھر آٸی۔۔۔۔اس نے اپنےجذبات پر قابو پاتے ہوۓ۔۔۔

”زندگی آسان ہے یا مشکل ۔۔۔یہ سبق میں پھر کبھی سیکھ لوں گا۔۔۔۔ابھی تجھے تو پورا سبق سیکھادوں۔۔۔“یہ کہ کر منان نے اگلا مکا پھر چہرے پر رسید کیا تھا۔۔۔

منان نے اسے مار مار کر دنبہ بنا ڈالا تھا۔۔۔

”یہ کیا کر رہے ہو تم ؟؟؟“چوکیدار نے بڑی مشکل سے منان کو اس کے اوپر سے ہٹایا تھا۔۔۔۔

”چل اٹھ۔۔۔“منان نے خود اٹھتے ہی نعمان کو اٹھانے کے لٸے ہاتھ بڑھایا تھا۔۔۔

”سالے مار مار کر ۔۔۔۔سارا میرا خوبصورت چہرہ بیگاڑ ڈالا۔۔“اس نے منان کا ہاتھ فورا تھام کر کھڑے ہوتے ہوۓ کہا۔۔۔

”بھڑاس پوری ہوٸی یا ابھی اور باقی ہے ؟؟“نعمان اتنی مار کھانے کے بعد بھی مسکراتے ہوۓ پوچھ رہا تھا۔۔۔۔جس پر منان مسکراتے ہوۓ۔۔۔

”اگر عروسہ کا خیال نہ ہوتا تو قسم سے لہولہان کر ڈالتا تجھے “منان کے کہتے ہی وہ حیرت سے اس کا چہرہ تکنے لگا۔۔۔۔

”تجھے پتا ہے ؟؟؟“نعمان کے چہرے پر تعجب بھی تھا اور مسرت بھی۔۔۔

”تیری زندگی کی پوری خبر رکھتا ہوں میں۔۔۔“اس کے کہتے ہی نعمان مسکرا کر گلے لگا تھا۔۔۔

”اووو۔۔۔۔زیادہ سینٹی نہ ہو۔۔۔۔“منان نے ٹوکتے ہوۓ کہا۔۔۔جس پر نعمان نے مسکراتے ہوۓ مزید مضبوطی سے اپنے حصار میں جکڑ لیا۔۔۔۔

”منان “وہ حویلی میں داخل ہوتے ہی چیخی ۔۔۔۔ اس کی آواز پوری حویلی میں گونج اٹھی تھی۔۔۔۔

”یہ کون ہے ؟؟؟“نعمان ایک بھولی سی لڑکی کو حویلی میں چیختا ہوا داخل ہوتا دیکھ ۔۔۔ابرو اچکاکر استفسار کرنے لگا۔۔۔۔

”یہ بچی “منان نے اسے دیکھتے ہی اپنی پیشانی پر زور سے ہاتھ مارکر پھوڑا تھا۔۔۔

وہ تیزی سے چلتے ہوۓ ڈائریکٹ منان کے پاس آٸی۔۔۔

”تمھاری ہمت کیسے ہوٸی ۔۔۔مجھے باتھ روم میں بند کر کے بھاگنے کی “اس نے آتے ہی ۔۔۔۔نہ آٶ دیکھا ۔۔۔۔نہ تاٶ۔۔۔۔اور زور سے ایک مکا منان کی ناک پر دے مارا۔۔۔

نعمان کا تو اس کی جرت پر منہ کھلا کا کھلا رہ گیا تھا۔۔۔البتہ منان اپنی ناک پکڑ کر ”ہاۓۓۓ ظالم حسینہ میری ناک توڑ دی “کہ کر زور سے دہائیاں دے رہا تھا۔۔۔۔

”یہ مجھے باتھ روم میں بند کر کے بھاگنے کے لٸے۔۔۔“شازمہ نے یہ کہتے ہی اس کی ایک ٹانگ پر زور سے لات ماری جس سے وہ اپنا بیلنس برقرار نہ رکھ سکا اور زمین پر دھڑم کر کے گرا۔۔۔۔

اگلے لمحے وہ زمین پر چت پڑا تھا۔۔۔

”اور یہ مجھے چھوڑ کر آنے کے لٸے“شازمہ نے آتے ہی منان کا فل بینڈ بجا ڈالا تھا۔۔۔

”آپ کی تعریف ؟؟؟“نعمان اس کی خطرناک انٹری دیکھ۔۔۔ذرا گھبرا کر پیچھے ہٹتے ہوۓ دیھمے لہجے میں استفسار کرنے لگا۔۔۔۔

”میں شازمہ ہوں۔۔۔منان کی ۔۔۔۔“ابھی وہ اپنا تعارف کروا ہی رہی تھی کے منان نے زور زور سے چیخنا شروع کردیا۔۔۔

”آآآآآآآآ۔۔۔۔۔“

منان اپنے دل میں ۔۔۔”بوڑھے بابا ۔۔۔یہ کیا آفت پیچھے چھوڑ دی ہے میرے۔۔۔۔اگر اس نے نعمان کو بتا دیا کے یہ میری بے۔بی سیٹر ہے۔۔۔تو مجھ بیچارے غریب کی بچی کچی عزت کا بھی فالودہ بن جانا ہے۔۔۔“

”منان اب زیادہ ناٹک مت کرٶ۔۔۔اور اٹھو“شازمہ اب آہستہ آہستہ اس کی شخصيت کو سمجھنے لگی تھی۔۔۔۔

”کتنی ظالم ہو تم ؟؟؟۔۔۔بیچارا ہینڈسم و ڈیشنگ لڑکا زمین پر گرا پڑا ہے ۔۔۔بجاۓ اسے اٹھانے کے ۔۔۔کھڑے ہوکر۔۔۔“وہ ابھی بول ہی رہا تھا کے شازمہ اس کے منہ میاں مٹھو بننے پر اپنے دل پر ہاتھ رکھتے ہوۓ۔۔۔

”ہینڈسم اور تم ؟؟؟۔۔۔۔لگتا ہے آٸینہ نہیں دیکھا کبھی “شازمہ نے حقارت سے طنز بھرے لہجہ میں کہا تو منان مسکراتے ہوۓ۔۔۔

”پپو پانی ڈال۔۔۔۔دیکھ لوگ جل رہے ہیں میرے حسن سے “منان کے اترا کر کہتے ہی شازمہ نے اسے زبان نکال کر منہ چڑھایا تھا۔۔۔۔جس پر وہ مزید مسکرا کر ”اچھا ہاتھ تو دو ۔۔۔“منان نے نہایت معصومانہ چہرہ بناکر اپنا ہاتھ اس کے آگے بڑھایا تھا۔۔۔۔پُرامید نظروں سے تکتے ہوۓ۔۔۔

اس کی آنکھوں میں بھری امید نے شازمہ کو مجبور کر دیا تھا اس کی مدد کرنے کے لٸے۔۔۔۔

”تم بھی کیا یاد رکھو گے۔۔۔۔۔ بگڑے ہوئے نواب “وہ اکڑ کر کہتی ہوٸی اس کا أپنی جانب بڑھایا ہوا ہاتھ تھام کر اٹھانے کے لٸے فورس لگاتی ہے۔۔۔۔

”آہ “منان پہلے تو بڑی پیاری سی مسکراہٹ لبوں پر سجاۓ رکھتا ہے پر جیسے ہی شازمہ اسے اٹھانے کے لٸے اپنی طاقت کا استعمال کرتی ہے ۔۔۔اسی لمحے منان ایک ہی جھٹکے سے اسے۔۔۔۔ اپنی جانب۔۔۔۔ نیچے کی طرف کھینچتا ہے۔۔۔کیونکے وہ اس حملے کے لیے ذہنی طور پر تیار نہ تھی ۔۔۔اس لٸے خود کو بچا نہ سکی۔۔۔۔۔ اگلے ہی لمحے وہ خود کو زمین پر گرا پاتی ہے۔۔۔اور منان بڑے مزے سے کھڑا ہوکر مسکرا کر اسے دیکھنے لگتا ہے۔۔۔۔

”تم۔۔۔۔منان کے بچے ۔۔۔۔تم نہایت کمینے ہو “شازمہ اسے دیکھ کر غصے سے دانت پستے ہوۓ۔۔۔ایک ایک لفظ چباچبا کر ادا کر رہی تھی۔۔۔۔

”دو پر تین۔۔۔۔ابھی بھی میرا پلہ بھاری ہے بچی۔۔۔۔۔“وہ شازمہ کو غصے سے آگ بگولہ ہوتا دیکھ خوب مزے لیتے ہوۓ کہنے لگا۔۔۔۔

” چلیں ۔۔۔ہم یہ حویلی رینڈ پر لینا چاہتے ہیں“نعمان نے پوری حویلی منان اور شازمہ کو دیکھانے کے بعد چوکیدار سے کہا۔۔۔۔۔

”صاحب ۔۔۔اس حویلی کے مالک لندن میں ہوتے ہیں ۔۔۔میں ان سے بات کر کے آپ کو جواب دے دوں گا “چوکیدار نے سنجیدگی سے جواب دیا۔۔۔

”چوکیدار بابا۔۔۔۔یہاں کوٸی لڑکی رہتی ہے ؟؟؟“منان کے سوال پوچھتے ہی اس چوکیدار کے چہرہ کا رنگ مارے خوف سے زرد پڑ گیا تھا۔۔۔۔

”تم نے اس لڑکی کو دیکھا ہے ؟؟؟“چوکیدار نے بڑی بڑی آنکھیں گھماتے اور اپنے چہرے کو پُراسرار بناتے ہوئے آہستہ سے پوچھا۔۔۔۔

”ہاں ۔۔۔باہر گارڈن میں دیکھا تھا۔۔۔پر عجیب بات یہ ہے کے وہ اچانک سے غاٸب ہوگٸی۔۔۔۔“منان ابھی بھی الجھا ہوا تھا اس حسین و جمیل لڑکی کے اچانک غاٸب ہوجانے پر۔۔۔۔

”وہ لڑکی نہیں ہے۔۔۔۔وہ ایک روح ہے۔۔۔۔زرمین کی روح۔۔۔۔۔۔۔“چوکیدار کے کہتے ہی شازمہ اور نعمان حیرت سے مبہوت ہوگٸے ۔۔۔۔۔۔۔

ایک ناقابل بیان خوف کا احساس شازمہ اور نعمان کے رگ و پے میں سرایت کر رہا تھا۔۔۔۔

”کیا کہا زرمین کی روح ؟؟؟“منان نے تعجب سے پوچھا۔۔۔۔

اسے فورا ہی اس لڑکی کا کہا جملہ یاد آیا تھا۔۔۔”زرمین تم آگٸی“

”ہاں بچوں۔۔۔۔مجھے مالک نے منع کیا ہے زرمین کی روح کے متعلق کسی کو بتانے کے لٸے۔۔۔۔پر یہ سچ ہے۔۔۔۔۔بہت سے لوگوں نے زرمین کی روح کو خود دیکھا ہے۔۔۔۔اتنا ہی نہیں ۔۔۔دو تین لڑکوں کو تو اس نے مرنے کی حالت میں پہنچا دیا تھا۔۔۔۔۔وہ اس حویلی میں زیادہ دن کسی کو رھنے نہیں دیتی۔۔۔۔“چوکیدار کی بات سن شازمہ کا خوف و دہشت کے مارے پورا بدن لرزنے لگا۔۔۔۔۔وہ اس بات پر یقین دلانے پر تلا تھا کے زرمین کی روح اس حویلی میں ہے۔۔۔

”بابا ۔۔۔۔کیا کفریات بکتے ہو۔۔۔۔ہم مسلمان ہیں۔۔۔۔الحمداللہ۔۔۔۔اگر زرمین ایک روح ہے تو وہ عالَم برزخ میں ہوگی۔۔۔ اس طرح حویلی میں نہیں گھوم سکتی “منان نے پُراعتماد لہجے میں چوکیدار کو ٹوکتے ہوۓ کہا۔۔۔

”یہ عالَم برزخ کیا ہے ؟؟“شازمہ تجسس سے استفسار کرنے لگی۔۔۔۔

” دنیا اور آخرت کے درمیان ایک اور عالَم ہے ۔۔۔۔جس کو بَرزخ کہتے ہیں ۔۔۔مرنے کے بعد اور قیامت سے پہلے تمام انس و جن کو حسبِ مراتب اس میں رہنا ہوتا ہے اور یہ عالَم اس دنیا سے بہت بڑا ہے۔۔۔۔ دنیا کے ساتھ برزخ کو وہی نسبت ہے جو ماں کے پیٹ کے ساتھ دنیا کو۔۔۔۔۔برزخ میں کسی کو آرام ہے اور کسی کو تکلیف۔۔۔۔۔“منان نے جب عالَم برزخ کے متعلق بیان کیا تو چوکیدار فورا بول پڑا۔۔۔

”زرمین کی روح واقعی ہے۔۔۔بہت لوگوں نے دیکھا ہے۔۔۔اس کے گواہ تو تم خود بھی ہو۔۔۔۔وہ لوگوں کے جسموں میں گھنس کر ان سے عجیب عجیب حرکتیں کرواتی ہے“وہ اپنے دعوے پر قائم تھا۔۔۔

”ہم مسلمان ہیں بابا۔۔۔۔یہ خیال کے روح کسی دوسرے بدن میں چلی جاتی ہے۔۔۔۔ خواہ وہ آدمی کا بدن ہو یا کسی اور جانور کا۔۔۔۔۔ محض باطل۔۔۔۔اور اس کا ماننا کفر ہے۔۔۔“منان کا علم ٹھاٹھیں مارتا ہوا سمندر کی مانند تھا۔۔۔وہ پُراعتماد اور پورے یقین سے دعویٰ کر رہا تھا کہ زرمین کی کوئی روح یہاں نہیں ہے۔۔۔۔

”اگر وہ زرمین کی روح نہیں تو پھر کون ہے ؟؟؟۔۔۔۔میں نے ایک دو بار خود دیکھا ہے اسے۔۔۔۔وہ زرمین جیسی دیکھتی ہے۔۔۔۔“چوکیدار کے کہنے پر شازمہ نے مارے خوف کے منان کا بازو دونوں ہاتھوں سے مضبوطی سے پکڑ لیا تھا ۔۔۔۔

”کیوں بچی کو ڈرا رہے ہو بابا؟؟؟۔۔۔۔۔۔میں نے کہا ناں۔۔۔۔روحیں عالَم برزخ میں ہوتی ہیں۔۔۔۔ مرنے کے بعد مسلمان کی روح حسبِ مرتبہ مختلف مقاموں میں رہتی ہے۔۔۔ بعض کی قبر۔۔۔۔۔ بعض کی چاہِ زمزم شریف( زم زم شریف کے کنویں)… میں ۔۔۔۔۔بعض کی آسمان و زمین کے درمیان۔۔۔۔ بعض کی پہلے ، دوسرے ، ساتویں آسمان تک۔۔۔ اور بعض کی آسمانوں سے بھی بلند اور بعض کی روحیں زیرِ عرش قندیلوں میں۔۔۔۔ اور بعض کی اعلی علیین (جنت کے نہایت ہی بلند و بالا مکانات) میں۔۔۔۔

جبکہ کافروں کی خبیث روحیں۔۔۔۔ بعض کی ان کے مرگھٹ ( ہندؤں کے مردے جلانے کی جگہ) یا قبر پر رہتی ہے۔۔۔۔ بعض کی چاہِ برہُوت میں کے یمن میں ایک نالہ ہے۔۔۔۔ بعض کی پہلی دوسری ساتویں زمین تک۔۔۔ بعض کی اس کے بھی نیچے سجین (جہنم کی ایک وادی کا نام) میں۔۔۔ وہ کہیں آنے جانے کا اختیار نہیں رکھتیں ۔۔۔۔وہ قید ہیں۔۔۔۔۔اس لیٸے پلیز بابا ۔۔۔۔ایسی فالتوہ باتیں مت کرٶ۔۔۔۔“منان نے تفصیلی جواب دیا تھا۔۔۔۔۔اس کا یقین کامل تھا۔۔۔کے ایک روح لوگوں کے بدن میں نہیں داخل ہوسکتی۔۔۔۔اور نہ ہی روحیں یوں دھڑلے سے لوگوں کو مارتی پھر سکتی ہیں۔۔۔

”پھر وہ لڑکی کون ہے ؟؟؟۔۔۔جیسے تم نے بھی دیکھا ہے ؟؟“چوکیدار نے آنکھوں میں آنکھیں ڈال کہا تو ۔۔۔۔منان کے لبوں کو ایک پیاری سی مسکراہٹ چھو گٸی۔۔۔۔

”شاید کوٸی پری ہو۔۔۔“منان کی آنکھوں کے سامنے اس حسین لڑکی کا سراپا حُسن لہرایا تھا۔۔۔جیسے دیکھ وہ شوخی سے گویا ہوا۔۔۔۔۔

”منان مجھ۔۔۔مجھ ۔۔۔مجھے گھر لے چ۔۔۔ چلو ۔۔۔“شازمہ بہت خوفزدہ ہوگئی تھی۔۔۔اس نے منان کا بازو کھینچتے ہوۓ بمشکل یہ جملہ ادا کیا تھا ۔۔۔۔۔

”منان میں سوچ رہا ہوں کوٸی اور لوکیشن ڈھونڈ لوں۔۔۔“نعمان کا خون ٹھنڈا ہوگیا تھا چوکیدار کی باتیں سن سن کر۔۔۔۔

”افففف۔۔۔۔اتنا بڑا میں نے علمی بیان دے ڈالا۔۔۔۔مانو علم کے دریاں بہا دیے۔۔۔۔ پر تم دونوں کے کان پر جوں تک نہ رینگی۔۔۔۔ابھی بھی ڈر رہے ہو۔۔۔۔۔۔“منان جھنجھلاکر گویا ہوا۔۔۔

”منان ۔۔۔مجھے یہاں سے لے چلو “شازمہ کا چہرہ مارے خوف کے سفید پڑ گیا تھا۔۔۔وہ روہانسہ آواز میں بازو کو کھینچتے ہوۓ منتی انداز میں کہ رہی تھی۔۔۔۔

” ویسے یہ تو ہسٹری میں پہلی بار ہورہا ہے “منان نے نہایت سنجیدگی سے اشتیاق پھیلانے والے انداز میں کہا۔۔۔

”کیا ؟؟؟“شازمہ تجسس سے ابرو اچکاکر استفسار کرنے لگی۔۔۔۔

نعمان بھی بڑی دلچسپی سے منان کاجواب سنے کے لٸے بیٹھا تھا۔۔۔

”کے ۔۔۔ایک چڑیل ۔۔۔۔پری سے خوفزدہ ہو رہی ہے“منان نے ایک آنکھ دباکر شرارت سے کہا تو شازمہ غصے سے آگ بگولہ ہوکر۔۔۔

”دفع ہو تم۔۔۔۔ یہاں میری جان نکل رہی ہے مارے خوف کے۔۔۔ اور تمہیں مذاق سوجھ رہا ہے ۔۔۔میں خود چلی جاؤں گی“شازمہ نے اس کے کندھے پر دھپ مارتے ہوۓ شکوہ کیا ۔۔۔اور پاٶں پٹکتی ہوئی باہر کی جانب جانے لگی۔۔۔۔

”بچی۔۔۔۔اوووو۔۔۔۔ہیلو۔۔۔۔مجھے چھوڑ کر جاٶ گی تو میں بوڑھے بابا سے تمھاری شکایت لگا دوں گا۔۔۔سوچ لو ۔۔۔“منان نے بیچاری شازمہ کی ڈائریکٹ دکھتی رگ پر ہاتھ رکھا تھا۔۔۔۔

اس کے قدم منان کی دھمکی سنتے ہی اپنی جگہ تھم گٸے تھے۔۔۔وہ بھولی سی لڑکی کُڑکڑا کر رہ گٸی تھی۔۔۔۔۔

۔پر نوکری چلے جانے کے ڈر سے ایک قدم آگے نہ بڑھی۔۔۔۔

”تم نہایت اعلی قسم کے کمینے ہو “شازمہ دل جلے انداز میں منان کو دیکھ بولی۔۔۔۔جس پر اس نے بڑی مشکل سے اپنی ہنسی کو ہونٹوں میں دبایا۔۔۔۔۔

”یہ نیا لاٸی ہے مارکٹ میں۔۔۔۔اعلی قسم کے کمینے۔۔۔۔ویسے مجھ پر کافی سوٹ کر رہا ہے۔۔۔۔سنے میں بھی مزےدار ہے۔۔۔مجھے فخر ہے اپنی اس اعلی قسم کی کمینی شخصیت پر۔۔۔۔اففف۔۔۔۔بولنے میں بھی کافی بھرم دار ہے ۔۔۔۔کیوں ہے ناں؟؟؟“منان نے شرارت بھرے انداز میں نعمان کو دیکھ پوچھا۔۔۔۔۔

لیکن یہ دیکھ وہ اپنی ہنسی نہ روک سکا کہ نعمان کی حالت بھی شازمہ سے کچھ زیادہ الگ نہ تھی۔۔۔۔۔

”منان ۔۔۔۔مجھے لگتا ہے بچی صحیح کہ رہی ہے ۔۔۔۔ ہمیں یہاں سے چلنا چاہیے“نعمان کہ کر تیزی سے باہر کی جانب قدم بڑھانے لگا۔۔۔۔

”منان ۔۔۔۔چل یار “نعمان اسے پلٹ کر آواز لگانے لگا۔۔۔۔

”اچھا چوکیدار بابا۔۔۔۔۔میں چلتا ہوں ۔۔۔ویسے تم نے اچھا ڈرایا میری بچی اور دوست کو ۔۔۔۔“منان کے لہجے میں طنز کا تیر تھا ۔۔۔۔جیسے سنتے ہی ۔۔۔اس حسین لڑکی کے بھرے گلابی ہونٹوں پر تبسم رقصاں تھی۔۔۔۔۔

”منان “اس کے کہتے ہی مانو منان کے پورے جسم نے جھر جھری لی ہو۔۔۔۔ چلتے چلتے اس کے قدم اچانک سے رکے۔۔۔۔وہ پلٹ کر اِدھر اُدھر نظر دوڑانے لگا۔۔۔۔

آنکھوں پر مانو کوئی پردہ تھا ۔۔۔۔وہ سامنے ہوتے ہوئے بھی دکھائی نہیں دے رہی تھی۔۔۔۔۔

”کیا ہوا ؟؟؟۔۔۔۔رک کیوں گٸے ۔۔۔۔چلو “شازمہ نے کہا تو وہ سر جھٹک کر مسکراتا ہوا کہنے لگا۔۔۔۔۔”مجھے لگا اس پری نے میرا نام پکارا “

”وہ نام نہیں پکارتی۔۔۔۔ ڈائریکٹ مارتی ہے ۔۔۔۔چوکیدار بابا کی بات ۔۔۔۔۔سنی نہیں تم نے۔۔۔چلو اب۔۔۔۔۔ باقی اپنے ٹھنڈے ‏جوکس گاڑی میں مار لینا“شازمہ اس کا ہاتھ پکڑ کر کھینچتی ہوٸی لے کر جانے لگی۔۔۔۔۔۔

”ارے کیا میرا ہاتھ توڑو گی۔؟؟؟۔۔۔۔۔۔۔چھتری تو کھول لینے دو ۔۔۔باہر بارش ہورہی ہے “منان چلتے چلتے ایک ہاتھ سے چھتری کھولتے ہوئے کہنے لگا۔۔۔۔

”میں تم لوگوں کے ساتھ ہی چلتا ہوں ۔۔۔ اپنی کار میں کل صبح آ کر لے جاؤں گا۔۔۔“نعمان کو پھر سے ڈر کا دورہ پڑا تھا۔۔۔۔اس کی بات سنتے ہی شازمہ تیزی سے کار کا دروازہ کھول کر ڈرائیونگ سیٹ کے برابر والی سیٹ پر بیٹھ گئی۔۔۔۔ تاکہ اسے اکیلے پیچھے نہ بیٹھنا پڑے۔۔۔۔۔

”ووووو۔۔۔۔۔۔حد ہوتی ہے ڈرنے کی بھی یار۔۔۔۔“منان اس کا مزاق اڑاتے ہوۓ کار میں بیٹھنے لگا۔۔۔۔۔

”کیا وہ بہت خوبصورت تھی ؟؟“شازمہ نے تجسس بھرے انداز میں استفسار کیا۔۔۔۔۔

”بہت زیادہ۔۔۔۔۔ میں نے اس سے زیادہ خوبصورت لڑکی اپنی پوری زندگی میں نہیں دیکھی۔۔۔“منان مسکراتے ہوۓ سو سو جان فدا ہوتے ہوۓ بولا۔۔۔

ناجانے کیوں اس لڑکی کی تعریف شازمہ کو اپنے دل میں چبتی ہوٸی محسوس ہورہی تھی۔۔۔۔۔

”ویسے بچی۔۔۔۔۔۔ تم نے بتایا نہیں تم منان کی کون ہو ؟؟؟“نعمان بڑے اشتیاق سے پوچھنے لگا۔۔۔۔۔

”پہلے بات میں بچی نہیں ہوں۔۔۔۔۔پورے بیس سال کی ہوں میں“شازمہ منہ بیگاڑتے ہوۓ فورا بول پڑی۔۔۔۔۔۔

”اور دوسری بات میں منان۔۔۔۔۔۔۔۔۔۔۔۔۔۔۔“شازمہ نے جیسے ہی بتانا چاہا منان نے اپنا ہاتھ ہارن کے بٹن پر رکھ دیا۔۔۔۔۔شور کے سبب نعمان سن ہی نہ سکا۔۔۔۔۔

”کیا کہا ؟؟؟۔۔۔۔۔ مجھے آواز نہیں آئی“نعمان پوری جان سے چیختے ہوۓ بول رہا تھا۔۔۔۔۔

”منان فالتوہ میں ہارن کیوں بجا رہے ہو؟؟“شازمہ اپنے دونوں کانوں پر شور کے سبب ہاتھ رکھتے ہوئے بولی۔۔۔۔

” کیونکہ میرے سر میں درد ہو رہا ہے تم دونوں کی باتیں سن سن کر۔۔۔۔۔“منان نے جھنجھلاکر کہا۔۔۔۔تو دونوں خاموش ہوکر بیٹھ گٸے۔۔۔۔۔۔منان اپنی ہوشیاری پر خودی کو داد دے رہا تھا۔۔۔۔۔۔۔

” جلد سے جلد اس بچی کو چلتا کرنا ہوگا۔۔۔۔۔ اس سے پہلے کے کسی کو پتا چلے کہ یہ بچی میری بے۔بی سیٹر ہے“منان اسے جلد سے جلد بھگا دینا چاہتا تھا۔۔۔۔۔

”چلو۔۔۔۔اللہ حافظ ۔۔۔۔دیھان سے جانا“نعمان کو چھوڑنے کے بعد جب وہ دوبارا کار میں بیٹھا تو اس کی نظر سوتی ہوٸی شازمہ پر پڑی۔۔۔۔۔۔۔

”سوتے ہوۓ تو بلکل بھی خطرناک نہیں لگتی۔۔۔۔۔۔۔“منان مسکراتے ہوۓ اس کے حسین وجود کو تک رہا تھا۔۔۔۔۔اس کی گردن اچانک سے لٹک گٸی تھی۔۔۔۔۔

منان اسے چھونے میں ہچکچاہٹ محسوس کرنے لگا۔۔۔۔۔۔۔”چھوڑو ۔۔۔۔۔۔۔۔۔“وہ مانو خود سے ہی لڑ رہا تھا کہ شازمہ کی گردن ٹھیک کرے یا نہیں؟؟؟۔۔۔۔۔۔۔

پہلی بار احساس ہورہا تھا۔۔۔۔۔کے کہیں اس کی گردن میں درد نہ ہو جائے یوں لٹکے رہنے سے۔۔۔۔۔

آخرکار بہت دیر سوچنے کے بعد ہاتھ بڑھایا تھا اس کی جانب۔۔۔۔۔۔

”بچی۔۔۔۔۔آرام سے سو ۔۔۔۔“اس نے بہت آرام سے۔۔۔۔ اس کی گردن کو سیٹ سے ٹیک لگاکر مسکراتے ہوۓ کہا۔۔۔۔۔۔