Rooh E Ishq By Hussny Kanwal Readelle50267 Rooh E Ishq (Episode 09)

Rooh E Ishq By Hussny Kanwal

گھپ اندھیرے کے باعث ہاتھ کو ہاتھ سجھاٸی نہیں دے رہا تھا۔۔۔ وہ آواز دینے والا شخص کیا دیکھاٸی دیتا۔۔۔ایک عجیب سہ خوف اس کے پورے جسم پر طاری تھا۔۔۔۔”عبدالمنان۔۔۔۔۔۔عبدالمنان۔۔۔۔۔۔۔عبدالمنان۔۔۔۔“اس کے کانوں کی سماعت سے مسلسل اپنے نام کی پکار ٹکرا رہی تھی۔۔۔

”کون ہو تم؟؟۔۔۔۔میرا نام کیوں پکار رہی ہو؟؟؟“خوف کی سرد لہر اس کے پورے جسم کو لرزا گٸی تھی۔۔۔۔اس کے خشک گلے سے بس یہی الفاظ ادا ہوسکے۔۔۔۔

آواز کی میٹھاس اور دلکشی اسے جانی پہچانی محسوس ہورہی تھی۔۔۔

”عبدالمنان ۔۔عبدالمنان۔۔“آوازوں کا سلسلہ جاری تھا۔۔۔کبھی وہ اپنے داٸیں جانب دیکھتا تو کبھی باٸیں جانب۔۔۔۔پر نظر کچھ نہ آتا۔۔۔۔۔

”عبدالمنان“اب وہ ان آوازوں سے بھاگنے لگا۔۔۔۔

وہ دہشت و خوف کے عالَم میں اندھیرے میں بس بھاگے چلا جارہا تھا۔۔۔۔

اچانک اس کے سامنے۔۔۔۔۔ ایک کمرے کا دروازہ نمودار ہوا ۔۔۔وہ دروازہ کسی پرانی حویلی کا معلوم ہورہا تھا۔۔۔۔………….

اس پر HZ لکھا نظر آرہا تھا۔۔۔۔۔

”عبدالمنان “اس بار محسوس ہوا جیسے وہ آواز اسی کمرے کے اندر سے آرہی ہو۔۔۔۔

اس کی پیشانی عرق آلود تھی۔۔۔

وہ یہی سوچ رہا تھا کے اندر جاۓ یا نہیں۔۔۔۔۔

”عبدالمنان ۔۔۔۔عبدالمنان ۔۔کیا ہوا؟؟“ اس کی اچانک آنکھ کھلی ۔۔۔۔آنکھ کھلتے ہی خود کو ہسپتال کے بیڈ پر یایا ۔۔۔شہاب صاحب فکرمند ہوکر اس کی پیشانی پر ہاتھ رکھتے ہوۓ استفسار کرنے لگی۔۔۔

”اوو۔۔۔یہ خواب تھا ”وہ اٹھ کر بیٹھ۔۔۔۔ایک گہری سانس لیتے ہوۓ بولا۔۔۔۔

اس لمحے عبدالمنان کا جسم پسینوں سے شرابور تھا۔۔۔۔۔خوف کے ساۓ اس کے حسین چہرے پر ابھی بھی نمودار تھے۔۔۔۔۔

”کیا ہوا؟؟۔۔۔کوٸی برا خواب دیکھا کیا؟؟“شہاب صاحب فکرمند لہجے میں پوچھنے لگے۔۔۔

”ہاں۔۔۔۔عجیب خواب تھا۔۔۔کوٸی مجھے مسلسل آوازیں دے رہا تھا۔۔۔۔۔ایک پرانا سہ دوازہ تھا۔۔۔جس پر کچھ تحریر تھا۔۔۔شاید کچھ الفا بیڈ ۔۔۔پر کیا۔۔یہ یاد نہیں آرہا “وہ کافی زور دے رہا تھا اپنی یادداشت پر۔۔۔مگر اسے دروازے پر لکھے ہوۓ الفاظ یاد نہیں آرہے تھے۔۔۔۔۔وہ اپنی پیشانی مسلتے ہوۓ گویا ہوا۔۔۔۔

”نہیں یاد آرہا تو چھوڑ دو۔۔۔۔ذہن پر زیادہ زور مت دو۔۔۔اور آرام سے سو جاٶ “شہاب صاحب نے اسے دوبارا لیٹا دیا تھا۔۔۔

”بچی کہاں ہے ؟؟“عبدالمنان شازمہ کو کمرے میں نہ پاکر تجسس سے استفسار کرنے لگا۔۔۔۔

”اس کے گھر سے کال آٸی تھی ۔۔۔اس کی امی کی طبیعت زیادہ خراب ہوجانے کے سبب انھیں ہسپتال لے جارہے ہیں ۔۔۔اس لٸے۔۔۔“وہ ابھی اطلاع دے ہی رہے تھے کے عبدالمنان سیدھا ہوکر بیٹھا تھا۔۔۔۔

”اس نے مجھے بتایا کیوں نہیں ؟؟“وہ فکر سے چور لہجے میں بولا۔۔۔

”کیونکے تم سو رہے تھے “۔۔

”بتانا چاہیے تھا ناں یار ۔۔۔۔حد ہوتی ہے لاپرواہی کی۔۔۔بوڑھے بابا آپ مجھے لاپرواہ کہتے ہیں۔۔اور خود ایک کام نہیں کرسکتے۔۔۔اس بیچاری کو اکیلے بھیج دیا ۔۔۔“عبدالمنان نے بیڈ سے اتر کر شہاب صاحب پر چڑھاٸی کرڈالی ۔۔۔۔

”نالائق ۔۔۔۔شرم نہیں آتی ۔۔اپنے دادا کو لاپروا کہتے ہوۓ۔۔۔“شہاب صاحب فورا ہی جوابی کارواٸی کر رہے تھے۔۔۔۔

”ابھی آپ سے بحث کرنے کا فالتوہ وقت نہیں ہے میرے پاس ۔۔۔آکر بات کرتا ہوں۔۔“اس نے تیزی سے جیکٹ زیب تن کرتے ہوۓ کہا۔۔۔

”کہاں جارہے ہو اس وقت ؟؟“شہاب صاحب اسے جوتے پہنتے ہوۓ دیکھ پریشان ہوکر پوچھنے لگے۔۔۔..

”آپ کو اتنا بڑا بزنس مین کس نے بنایا ؟؟۔۔۔ایسے سوال مت کیا کریں جو مجھے آپ کی صلاحيتوں پر شک کرنے پر مجبور کریں۔۔۔۔۔“ عبدالمنان سپاٹ سہ جواب دے کر سیل جیب میں ڈالنے لگا۔۔۔۔

شہاب صاحب اس کی بے باکی دیکھ منہ کھولے رہ گٸے تھے۔۔۔۔۔۔

”دیکھو ذرا بول کون رہا ہے۔۔۔۔جسے خود شلوار میں زاربن ڈالنا تک نہیں آتا۔۔۔“شہاب صاحب غصے سے بولے۔۔۔

”اففف۔۔۔یہ والا طعنہ نہ دیا کریں۔۔۔۔۔ پچھلی بار بھی بتایا تھا میں لاسٹک ڈالتا ہوں۔۔۔“وہ جھنجھلاکر شہاب صاحب کو دیکھ بولا۔۔۔۔

”ہر وقت بلی چوہے کی طرح لڑنا مت شروع ہوجایا کریں۔۔۔کبھی موقع محل بھی دیکھ لیا کریں“عبدالمنان ڈپٹنے والے انداز میں بولا۔۔۔

”۔۔۔اففففف۔۔۔۔کیا کریں گے آپ بڑے ہوکر“اس سے پہلے شہاب صاحب جوابی کارواٸی میں اسے گالیوں سے نوازتے۔۔۔وہ اپنے سر پر ہاتھ مارتے ہوۓ بےزاری سے کہ کر۔۔۔۔ تیزی سے باہر کی جانب لپکا۔۔۔۔

”میں کیا کروں گا بڑے ہوکر ؟؟۔۔“وہ تعجب سے عبدالمنان کا کہا جملہ دوہراتے ہوۓ۔۔۔۔”۔نالاٸق تجھے اتنا بڑا میں نے ہی کیا ہے ۔۔۔۔۔تیرے پمپر تک بدلواۓ ہیں میں نے۔۔۔۔احسان فراموش کہیں کہا۔۔۔“شہاب صاحب کے اسے برا بھلا کہنے کا کوٸی فاٸدہ نہ تھا۔۔۔۔وہ تو مرچیں لگا کر رفو چکر ہوچکا تھا۔۔۔۔

*****————–********

وہ اپنی والدہ کے بیڈ کے پاس چیٸر پر بیٹھی بہت دیر سے رو رہی تھی۔۔۔۔۔اپنے والد سے تو بڑے بھرم سے کہ دیا کے فکر نہ کریں امی ٹھیک ہوجاٸیں گی۔۔۔انھیں اور چھوٹے بہن بھاٸیوں کو گھر بھی بھیج دیا تھا۔۔۔اب خود اکیلے بیٹھ کر پھوٹ پھوٹ کر بیڈ پر منہ رکھ کر رو رہی تھی۔۔۔۔۔

سیل کی رنگ سنسان کمرے میں گونجی ۔۔۔

عبدالمنان کی رات کے دو بجے کال دیکھ۔۔۔۔اس نے گھبرا کر کال ریسیو کی ۔۔۔۔

”اتنی رات کو کال کی ۔۔۔۔سب خیرت تو ہے ؟؟“شازمہ فکرمند لہجے میں پوچھنے لگی۔۔۔

”تم نے مجھے بتایا کیوں نہیں انٹی کی طبیعت خراب ہونے کا۔۔۔“وہ غصے سے شکوہ کرنے لگا۔۔۔

”کیونکے تم سو رہے تھے مانی۔۔۔۔“وہ نرم انداز میں گویا ہوٸی۔۔۔

”سو رہا تھا۔۔۔مرا نہیں تھا۔۔۔تم اٹھاتی ۔۔۔تو میں ضرور اٹھ جاتا۔۔۔۔“اس کے لہجے میں فکر کا عنصر نمایا تھا۔۔۔۔۔اس نے کافی جتاتے ہوۓ کہا۔۔۔۔

”اچھا بابا سوری۔۔۔۔غصہ کیوں ہو رہے ہو ؟؟“عبدالمنان کا فکر کرنا آج دل کو بڑا مسرت بخش رہا تھا۔۔۔۔وہ بڑے پیار سے بولی۔۔۔۔

”غصہ تو آۓ گا ناں یار۔۔۔۔“وہ سنجیدگی سے گویا ہوا۔۔۔جسے سنتے ہی وہ مسکرانے لگی۔۔۔

”کون سے ہسپتال میں ہیں انٹی ۔۔۔جلدی بتاٶ ۔۔میں آرہا ہوں “عبدالمنان کار ڈراٸف کرتے ہوۓ بولا۔۔۔۔

”کیا؟؟۔۔۔رات کے دو بج رہے ہیں مانی۔۔۔۔“وہ خاصہ جتاتے ہوۓ۔۔۔۔

”ہاں۔۔۔تو؟؟۔۔۔۔“وہ ناسمجھی سے جواب دیتے ہوۓ۔۔۔

”مطلب۔۔۔ اتنا لیٹ نائٹ آنا صحیح نہیں ہوگا۔۔۔۔تم صبح آجانا۔۔۔“شازمہ لچک دار انداز میں گویا ہوٸی۔۔۔

”صحیح اور غلط کے فیصلے میں خود کرتا ہوں۔۔۔۔تم بس مجھے ایڈریس دو “اس بار وہ ذرا سخت لہجہ میں بولا۔۔۔۔

”مانی امی کی طبیعت ٹھیک ہے اب۔۔۔ ڈاکٹر نے سکون کے لٸے نیند کی دوائي دے دی تھی۔۔۔۔۔وہ ابھی سو رہی ہیں ۔۔۔۔تم صبح آرام سے آکر مل لینا۔۔۔“شازمہ نرمی سے کہنے لگی۔۔۔۔

”بچی ایڈریس دو ۔۔۔“اس بار وہ سخت لہجہ میں گویا ہوا۔۔۔۔تو شازمہ نے ایڈریس سینڈ کردیا۔۔۔۔

وہ وقت سے لاپرواہ ہوکر۔۔۔۔شازمہ کے پاس پہنچا۔۔۔

وہ ہسپتال کے کمرے میں دروازہ نوک کر کے داخل ہوا۔۔۔۔تو شازمہ اسے دیکھ فورا چیٸر چھوڑ کر کھڑی ہوٸی۔۔۔

”ٹھیک؟؟“ابھی وہ بول ہی رہا تھا کے شازمہ تیزی سے بیچ میں بول پڑی۔۔۔

”ہاں ۔۔۔۔ابھی تو بہتر ہیں “

”میں تمھاری حالت دریافت کر رہا تھا۔۔۔نہ کے انٹی کی۔۔۔۔وہ تو تم نے مجھے راستے میں ہی بتا دی تھی۔۔۔“عبدالمنان کی نظر اس بھولی سی لڑکی کے چہرے پر ٹکی ہوٸی تھی۔۔۔۔

سرخ آنکھیں۔۔۔ سُڑ سُڑ کرتی ناک۔۔۔۔بھاری آواز۔۔۔

اس کی حالت کا پتا دے رہی تھیں۔۔۔۔

”ہاں ۔۔میں بھی ٹھیک ہوں۔۔۔“وہ روہانسہ آواز میں نظر جھکا کر بولی۔۔۔

”ہمم۔۔۔۔اچھی بات ہے بہادر بنا۔۔۔۔پر کبھی کبھار کسی دوست سے اپنی باتیں اور غم شیئر بھی کر لینا چاہیے“ وہ اس کے چہرے کے مقابل جھک کر آنکھوں میں جھانکتے ہوۓ بولا۔۔۔۔

”میں روں گی تو تم ہنسنا شروع کر دو گے “وہ روتو چہرہ بناۓ شکوہ کرنے لگی۔۔۔

جس پر عبدالمنان کو پیار آگیا تھا۔۔۔۔۔

”اب میں اتنا بھی سنگ دل نہیں۔۔۔“وہ محبت سے چور لہجے میں کہ کر ابھی شازمہ کی والدہ کی جانب متوجہ ہوا ہی تھا ۔۔۔

کے اس کی سانسیں رکیں۔۔۔۔۔

وہ دلربا و حسین لڑکی اس کے سینے سے اپنی پیشانی لگا کر سسکیاں لے کر رونے لگی۔۔۔۔

دل نے زور زور سے دھڑکنا شروع کردیا۔۔۔۔گمان ہوا کے ابھی باہر نکل آۓ گا۔۔۔۔

ہاتھ پاٶں ٹھنڈے پڑ گٸے۔۔۔۔۔

”ظالم حسینہ تم نے تو محبت سے عبدالمنان کو مار دیا۔۔۔۔چار پر چار ایسے کیے ہیں۔۔۔کے اب میرا چار پر پانچ کرنا دشوار ہے۔۔۔۔۔میں نہیں جانتا تھا میں اس قابل ہوں کے کوٸی میرے سینے سے اپنی پیشانی لگا کر اپنے غم و درد مجھ سے باٹے گا۔۔۔۔۔مجھ سے۔۔۔۔عبدالمنان سے۔۔۔اس عبدالمنان سے جسے اس کے اپنے ماں باپ نے پھینک دیا تھا۔۔۔۔جسے دادا دادی نے ترس کھا کر پالا۔۔۔۔۔“وہ شازمہ کو کیا چپ کراتا ۔۔۔۔۔وہ تو خود رونے لگا تھا۔۔۔۔اپنا چہرہ چھت کی جانب اونچا کر لیا۔۔۔۔تاکے آنسوں نے نکلیں۔۔۔۔دل اس کا بھی بھر آیا تھا۔۔۔۔

شازمہ کافی دیر تک سینے سے پیشانی لگاۓ روتی رہی۔۔۔۔عبدالمنان نے۔۔۔نہ ہاتھ لگاکر دلاسہ دیا ۔۔۔نہ چپ کرانے کی کوشش کی۔۔۔اسے دل بھر کر رو لینے دیا۔۔۔۔

کیونکے وہ بہادر لڑکی کسی کے سامنے بکھرتی نہیں تھی۔۔۔۔

اگر آج اس کے سینے سے لگ کر روٸی تو ضرور اسے اپنا ہمدرد و رازدار گمان کیا ہوگا۔۔۔۔

”فیل بیٹر ؟؟“ وہ خودی لگی۔۔۔اور دل بھر کر رونے کے بعد آہستگی سے ہٹ گٸی۔۔۔عبدالمنان کے سوال پر اثبات میں سر ہلانے لگی۔۔۔

”ویسے یہ چیٹنگ ہوٸی ہے میرے ساتھ “عبدالمنان کے منہ بسور کہتے ہی وہ الجھ کر اس کی جانب دیکھنے لگی۔۔۔

”یار ۔۔۔اس طرح جب ہیروین ڈراموں فلموں میں روتی ہے۔۔۔تو وہ ہیرو کے سینے سے لگ کر روتی ہے۔۔۔۔۔میری باری پر اتنی دوری کیوں ؟؟“ وہ منہ بسور شکوہ کرنے لگا۔۔۔

”ٹھرکی۔۔۔باز آجاٶ“شازمہ نے زور سے اس کے سینے پر ہاتھ مارتے ہوۓ غرا کر کہا۔۔۔۔

”اتنی رات میں آنے کی کیا ضرورت تھی؟؟؟۔۔۔۔تمھاری تو اپنی طبیعت بھی ٹھیک نہیں ہے۔۔۔“شازمہ کو اپنے لٸے فکرمند ہوتا دیکھ مسکرانے لگا۔۔۔

”میں بلکل ٹھیک ہوں۔۔۔یہ تو ہسپتال والوں نے بل بڑھانے کے لٸے مجھے ابھی تک ایڈمٹ کر رکھا ہے۔۔۔۔“وہ سر جھٹک کر لاپرواٸی سے کہتا ہوا چیٸر پر بیٹھا۔۔۔۔۔۔

”یہاں صوفہ کیوں نہیں ہے بیٹھنے کے لٸے؟؟۔۔“وہ پہلی بار غریبوں کے ہسپتال آیا تھا۔۔۔۔تعجب سے پورے کمرے میں نظر دوڑانے لگا۔۔۔۔۔سواۓ ایک مریض کے بیڈ اور ایک عدد چیٸر کے وہاں کمرہ میں کچھ نہ تھا۔۔۔

”بچی۔۔۔یہاں تو اے۔سی بھی نہیں ہے۔۔۔۔۔یہ فین بھی کتنا مرمرکے چل رہا ہے ۔۔۔“وہ فین کی جانب دیکھ کر۔۔۔۔ منہ بگاڑتے ہوئے بولا۔۔۔۔

”ویلکم ۔۔۔لاڈ صاحب ۔۔۔ہم غریبوں کی دنیا میں۔۔۔اے۔سی تو ہے نہیں یہاں۔۔۔ آپ کو اگر زیادہ تکلیف ہے تو سامنے ہی دروازہ ہے۔۔۔۔۔“ شازمہ نے بےنیازی سے اس کی جانب نظر کر۔۔۔۔ڈائریکٹ باہر کا رستہ دکھایا تھا۔۔۔

”اللہ اللہ۔۔۔۔اتنی بےعزتی۔۔۔۔وہ بھی عبدالمنان کی۔۔۔وہ تو شکر ہے ۔۔۔شرم چھو کر بھی نہیں گزری ہے مجھے۔۔۔ورنہ ابھی تک یہاں بیٹھا نہ ہوتا۔۔۔۔“وہ منہ بسور کر کہنے لگا۔۔

جس پر وہ مسکرا دی۔۔۔۔۔

وہ وہاں چیٸر پر آرام سے ڈیرہ ڈال کر بیٹھ گیا تھا۔۔۔۔بیچاری شازمہ پہلے تو اس کے مہمان ہونے کا لحاظ رکھتے ہوۓ خاموشی سے کمرے میں چکر لگاتی رہی۔۔۔۔پر اب کھڑے کھڑے پاٶں دکھ رہے تھے اس کے۔۔۔۔جبکے عبدالمنان جانے کا نام ہی نہیں لے رہا تھا۔۔۔۔

”مانی۔۔۔۔کب تک بیٹھے رہنے کا ارادہ ہے تمھارا؟؟۔۔۔۔آدھے گھنٹے سے گیم کھیلنے میں لگے ہوئے ہو۔۔۔۔جاٶ بوڑھے بابا انتظار کر رہے ہوں گے “شازمہ اس کے سر کے پاس کھڑی ہوکر دونوں ہاتھ فولٹ کر ۔۔۔۔اس کے وجود پر نظریں جماۓ کہ رہی تھی۔۔۔۔

”ارے۔۔۔۔بچی۔۔۔۔۔کیا پرابلم ہے تمھیں ؟؟۔۔۔سکون سے گیم بھی کھیلنے نہیں دے رہی ہو ۔۔۔“دو تین بار پوچھنے کے باوجود جب اس نے کوٸی جواب نہ دیا تو شازمہ نے غصے میں آکر اس کا سیل ہی چھین لیا۔۔۔۔جس پر وہ تلملا اٹھا تھا۔۔۔

”پرابلم ہے تبھی تو بول رہی ہوں۔۔۔“

”مجھ بیچارے معصوم لڑکے کے ہونے سے تمھیں کیا پرابلم ہے ؟؟؟۔۔۔۔میں تو تنگ بھی نہیں کر رہا ۔۔۔چپ چاپ اپنا گیم کھیل رہا ہوں “وہ ابرو اچکاکر سنجیدگی سے گویا ہوا۔۔۔

”میرے پاٶں دکھ رہے ہیں کھڑے کھڑے “وہ روتو سہ چہرہ بناکر بولی۔۔۔۔

”اووو۔۔۔تو ۔۔۔میری گود میں بیٹھ جاٶ۔۔“وہ شوخی سے بولا۔۔۔۔

”مانی میں مزاق نہیں کر رہی ۔۔۔۔واقعی میرے پاٶں میں درد ہورہا ہے۔۔۔“اس کا بھولہ سہ چہرہ دیکھ فورا کھڑا ہوگیا۔۔۔

”لو ۔۔۔بس۔۔۔“مسکراتے ہوۓ کھڑکی کی جانب بڑھنے لگا۔۔۔

”مانی تم کب جاٶ گے ؟؟۔۔۔میں سیرس پوچھ رہی ہوں ؟؟“

”میں آج رات تمھارے ساتھ ہی رکنے والا ہوں۔۔۔“عبدالمنان سنجیدگی سے کہتا ہوا۔۔۔۔ کھڑکی پر چڑھ کربیٹھ گیا۔۔۔۔

کھڑکی پر بیٹھ کر رات گزارنا منظور تھا ۔۔۔پر شازمہ کو چھوڑ کر جانا نہیں۔۔۔۔

شازمہ اسے ہی دیکھ رہی تھی ۔۔۔۔وہ واقعی پہیلی کی مانند تھا۔۔۔۔نہایت الجھا ہوا۔۔۔۔۔پر ایک چیز اب بلکل روشن تھی ۔۔۔وہ تھا اس کا کیئرنگ نیچر ۔۔۔۔۔۔

24 گھنٹے اے۔سی میں رہنے والا گرمی میں بیٹھا تھا۔۔۔مگر زبان پر ذرا شکوہ نہ تھا۔۔۔۔

شازمہ نے دوبارا کہا بھی نہیں ۔۔۔۔کے چلے جاٶ۔۔۔۔کیونکہ اس کا ساتھ دل کو اطمینان و سکون بخش رہا تھا۔۔۔۔

”تم پہلے ہو ۔۔۔۔جس کے سامنے آج میں دل کھول کر روٸی۔۔۔۔۔کبھی کبھار سوچتی ہوں۔۔۔ میں اپنے والدین کے بغیر ایک دن نہیں رہ پاتی۔۔۔۔تم کیسے 23 سال رہ لٸے؟؟؟۔۔۔۔۔۔میرا غم تو تمھارے غم کے آگے کچھ بھی نہیں۔۔۔۔“ نیند کی گہرائیوں میں ڈوبنے سے قبل یہ اس کے آخری خیالات تھے۔۔۔۔۔وہ عبدالمنان کو دیکھتے دیکھتے ہی بیڈ پر سر ٹکاکر۔۔۔ سو گٸی۔۔۔۔

”ہاۓۓۓ۔۔۔ظالموں کتنا خون پیو گے میرا؟؟۔۔۔۔کبھی اپنے علاقے میں مجھ جیسا ہینڈسم لڑکا نہیں دیکھا کیا؟؟۔۔۔۔جو خود تو آہی رہے ہو ساتھ ساتھ اپنے رشتےداروں کی فوج بھی اکٹھا کر کے لارہے ہو “عبدالمنان مچھروں کو مارتے ہوۓ پریشان ہوکر بولا۔۔۔۔۔

مچھر کبھی اس خوبصورت شہزادے کے چہرے کا بوسہ لیتے تو کبھی ہاتھ پاٶں کو۔۔۔۔۔

”ان ظالموں نے آخر کار مجھے ایک خونی بنا ڈالا“ایک مچھر جب اس کے حسین چہرے سے اپنی محبت ظاہر کرنے کے لٸے لپکا ۔۔۔۔تو اس ستمگر نے ایسا ہاتھ مارا کے وہ اپنی محبت کے نشان اس کے چہرے پر ہی چھوڑ کر دنیا فانی سے کونچ کر گیا۔۔۔۔

عبدالمنان کی نظر اچانک سوتی ہوٸی اس نازک گڑیا پر پڑی۔۔۔۔ساری تکلیفیں اور اذیتیں ایک طرف۔۔۔۔۔اور اس حُسنِ سراپا کا پیارا سہ چہرہ ایک طرف ۔۔۔۔۔

”ہاۓۓۓ۔۔۔۔۔تم مار دو گی ظلم حسینہ۔۔۔ اِس عبدالمنان کو ۔۔۔۔“وہ ایک گہری ٹھنڈی آہ بھرتے ہوۓ بولا۔۔۔۔پھر سر دیوار سے ٹکا کر آنکھیں بند کرلیں۔۔۔۔

*******———–********

عبدالمنان نہاء کر نکلا تو سیل پر نعمان کی 26 مس کالز دیکھ ۔۔۔۔ اسے کال بیک کرتا ہے۔۔۔۔

”کیا قیامت آگٸی؟؟۔۔۔جو کال پر کال مارے جارہا ہے؟؟۔۔۔۔۔تھوڑا سہ صبر نہیں کرسکتا بے صبرے آدمی “عبدالمنان چڑ کر بولا۔۔۔۔

”میں نے کتنا منع کیا تھا تجھے ۔۔۔اس حویلی میں شوٹنگ کرنے سے۔۔۔پر تو نہیں مانا۔۔۔۔“وہ غصے سے گویا ہوا۔۔۔۔

”کیا ہوا ؟؟۔۔۔اتنا آگ بگولہ کیوں ہورہا ہے ؟؟“وہ لاپرواہی سے استفسار کرنے لگا۔۔۔۔

”یہاں عجیب عجیب واقعات رونما ہو رہے ہیں۔۔۔۔ہمارا کیمرہ مین وقاص پہلے زخمی حالت میں کمرے میں پڑا ملا۔۔۔۔پھر اب امریکہ سے جو ٹیم آٸی تھی ۔۔اسپانسرز کی۔۔۔۔ان میں سے ایک نے آج صبح حویلی کی چھت سے چھلانگ لگا لی۔۔۔۔“نعمان کے بتاتے ہی عبدالمنان کے پسینے چھوٹے تھے۔۔۔

”یہ کیا بول رہا ہے ؟؟“وہ سر پکڑ پریشانی کے عالم میں گویا ہوا۔۔۔۔

”جو یہاں ہورہا ہے ۔۔۔وہی بتا رہا ہوں۔۔۔وہ تو شکر ہے ۔۔۔کسی کے دیکھنے سے پہلے ہی میں نے اس گورے کو ہسپتال پہنچا دیا۔۔۔۔ ورنہ یہاں میڈیا نے جمع ہو جانا تھا۔۔۔“نعمان نے جیسے اس کے سر پر بم پھوڑا تھا۔۔۔۔

”یہ سب کیا ہورہا ہے؟؟۔۔۔۔“عبدالمنان پریشان ہوکر ۔۔۔۔

”پتا نہیں یار ۔۔۔۔کچھ سمجھ نہیں آرہا۔۔۔ جب میں وقاص کو رات کی تاریکی میں ہسپتال لے کر گیا تو ڈاکٹر نے بتایا کہ اس کے سر پر کانچ کی کسی چیز سے حملہ کیا گیا ہے۔۔۔۔عجیب بات یہ ہے اسکے کمرے میں ۔۔۔۔ ہمیں ایک چھوٹا سہ کانچ کا ٹکرا تک نہیں ملا۔۔۔۔“نعمان کے بتاتے ہی وہ الجھ گیا تھا۔۔۔۔۔

”یہ تو واقعی بہت عجیب ہے “

”مجھے لگتا ہے یہ سب وہ زرمین کی روح کر رہی ہے۔۔۔“نعمان نے اندازًا پھنسی پھنسی آواز میں کہا۔۔۔۔۔

”ابے یار ۔۔۔۔کتنی بار کہوں ۔۔۔۔روحیں عالَم برزخ میں ہوتی ہیں ۔۔۔۔ ڈر پوک آدمی ۔۔۔تو ذرا حوصلہ رکھ ۔۔۔میں ابھی آ رہا ہوں”

عبدالمنان نے اس سے کہ تو دیا تھا کے وہ حویلی آرہا ہے۔۔۔۔پر شہاب صاحب کے گارڈز کو چکمہ دے کر گھر سے نکلنا کوٸی آسان مرحلہ نہ تھا۔۔۔ اور وہ اس بات سے بخوبی واقف تھا۔۔۔۔۔

عدالمنان پر شہاب صاحب نے حویلی جانے پر پابندی عاٸد کر دی تھی ۔۔۔۔خودکشی کی کوشش کرنے کے سبب

”کیا کروں ؟؟۔۔۔سوچ عبدالمنان سوچ۔۔۔۔آٸیڈیا “وہ ہوا میں چٹکی بجاکر پُرجوش لہجہ میں بولا۔۔۔۔

شازمہ اسٹور روم میں داخل ہوٸی تو کھڑکی پر بیڈ کی چادر بندھی ہوٸی دیکھ تعجب سے اس کی جانب آٸی۔۔۔

”یہ بیڈ شیٹ یہاں کس نے باندھی ؟؟“ابھی اس کی نظر چادر تک ہی محدود تھی۔۔۔۔۔۔وہ ناسمجھی میں چادر کھولنے لگی۔۔۔۔

”اووووو بچی۔۔۔۔میری جان کی دشمن۔۔۔۔یہ کھول کیوں رہی ہو ؟؟“جب اس کی سماعت سے عبدالمنان کی آواز ٹکراٸی تو حیرت سے اس نے چادر پر لٹکے ہوۓ عبدالمنان کو دیکھا تھا۔۔۔

جو اس کے آنے سے دو تین سیکنڈ قبل ہی لٹکا تھا۔۔۔۔

”تم ایسے کیوں لٹک رہے ہو ؟؟“وہ پریشان ہوکر تیزی سے بولی۔۔۔۔

”شوق آرہا ہے لٹکنے کا۔۔۔۔“وہ طنزیہ ہوا میں لٹکے ہوۓ بولا۔۔۔”بے وقوف کہیں کی “اس نے تو منہ میں بڑبڑاتے ہوۓ آہستہ سے ہی کہا تھا۔۔۔پر قسمت نے ستم یہ ڈھایا کے شازمہ کے کان تیز نکلے۔۔۔۔

بےوقوف کا لقب پاتے ہی مانو اس کے دونوں کان خرگوش کی طرح کھڑے ہو گئے تھے۔۔۔

”اچھا بچو ۔۔۔“بدلنا لینے کے چکر میں ۔۔۔۔اس نے چادر کو اپنی پوری قوت سے ہلانا شروع کردیا تھا۔۔۔۔

اسٹور روم سے زمین کا فاصلہ تین منزلہ عمارت کا تھا۔۔۔۔اتنی اونچائی سے نیچے دیکھتے ہوۓ اکثر کمزور دل والوں کو چکر آجاتے ہیں ۔۔۔جس اونچاٸی پر وہ بڑی زندہ دلیری سے لٹکا ہوا تھا۔۔۔۔پر شازمہ کے چادر ہلاتے ہی اس نے اللہ اللہ پڑھنا شروع کردیا ۔۔۔۔

”اوووو۔۔۔۔بچی۔۔۔یہ مزاق کا وقت نہیں ہے۔۔۔“وہ شازمہ کو دیکھ دانت پیستے ہوۓ بولا۔۔۔۔۔

”تم نے مجھے بے وقوف کیسے کہا ؟؟؟۔۔۔۔“وہ نیچے کی جانب دیکھ ۔۔۔اسے کھا جانے والی نگاہ سے گھورتے ہوۓ بولی۔۔۔۔

”بے وقوف کو بے وقوف نہ کہوں ۔۔۔تو پھر کیا کہوں ؟؟“وہ معصومیت سے ٹکا کر ذلیل کر رہا تھا۔۔۔۔

”اچھا۔۔۔۔ابھی بتاتی ہوں کیا کہو“۔۔شازمہ اسے سبق سیکھانے کی نیت سے بڑے پیار سے مسکرا کر دیکھنے لگی۔۔۔

”یہ تمہاری مسکراہٹ میں مجھے شیطانیت جھلکتی ہوئی کیوں محسوس ہو رہی ہے؟؟؟؟“ وہ ڈرتے ہوۓ ابرو اچکا کر پوچھنے لگا۔۔۔۔ساتھ ساتھ اس نے چادر کو مزید مضبوطی سے اپنی گرفت میں لیا۔۔۔۔۔

”ارے پگلی۔۔۔چھوٹا سہ مزاق بھی نہیں سمجھتی ۔۔۔۔میں تو مزاق کر رہا تھا۔۔۔۔اللہ۔۔۔۔مجھے بچالے “شازمہ کو کھڑکی سے چادر کی بندھی ہوٸی گرہ کھولتے دیکھ ۔۔۔۔وہ فورا اپنی ٹون بدل گیا تھا۔۔۔۔۔۔۔

”اگر میں مر گیا تو نقصان تمھارا ہی ہے ۔۔۔۔ذرا سوچو تو صحیح “عبدالمنان اسے رکنے کے لٸے تیزی سے غور و فکر کرنے اور اپنے فیصلے پر نظر ثانی فرمانے کا کہنے لگا۔۔۔۔

”تمھارے مرنے پر مجھے بھلا کیسا نقصان ؟؟؟۔۔۔۔۔“وہ الجھ کر پوچھنے لگی۔۔۔۔

”زندہ رکھ کر مجھے پٹا سکتی ہو۔۔۔یقین مانو میں بڑا سیدھا و شریف بچا ہوں۔۔۔۔فورا پٹ جاٶں گا۔۔۔لیکن اگر میں آج مر گیا تو دنیا نے ایک ہینڈسم اور ڈیشنگ فلم رائٹر اور ڈائریکٹر کھو دینا ہے۔۔۔۔۔۔یقین مانو لڑکیوں نے بڑا کوسنا ہے تمھیں۔۔۔اس لٸے مجھ بیچاری ننھی سی جان پر رحم کرٶ۔۔۔اور بھاگنے دو “بھاگنے کا لفظ سنتے ہی شازمہ چونکی تھی۔۔۔۔

”کیا تم بھاگ رہے ہو؟؟“۔۔شازمہ کا معصومانہ سوال سنتے ہی ۔۔۔۔عبدالمنان کا خون کھول گیا تھا۔۔۔ دل چاہا دیوار سے زور سے سر دے مارے۔۔۔۔

”اففف۔۔۔۔قربان جانے کا دل کرتا ہے تمھاری سادگی دیکھ۔۔۔۔“وہ دانت کچکچاتے ہوۓ۔۔۔۔

اس کی پکڑ پسینہ آنے کے سبب ڈھیلی پڑ رہی تھی۔۔۔”ابھی مجھے بھاگنے دو ۔۔۔تمھارے معصومانہ سوالات کے جوابات میں بعد میں آ کر دے دوں گا۔۔۔۔“کہ کر اب وہ آہستہ آہستہ نیچے کی جانب اترنا شروع ہوا۔۔۔۔

”تم بھاگ کیوں رہے ہو؟؟؟۔۔۔اور کس سے بھاگ رہے ہو؟ ؟؟اچھا بھاگ کر جاٶ گے کہاں؟؟۔۔۔۔اگر تم واپس نہیں آۓ تو؟؟۔۔۔“شازمہ نے ایک ہی سانس میں اتنے سارے سوال کر ڈالے تھے۔۔۔۔مگر وہ مکمل اگنور کرتے ہوۓ آرام آرام سے اترنے میں مصروف تھا۔۔۔۔

”ایک منٹ۔۔۔۔بوڑھے بابا تو مجھے چھوڑیں گے نہیں۔۔۔اگر انھیں پتا چلا کے تم بھاگ گٸے ہو۔۔۔ہاۓ ۔۔۔اللہ۔۔۔۔۔ میری تو نوکری خطرے میں آ جانی ہے۔۔۔۔“وہ ناخنوں کو منہ میں لیتے ہوۓ پریشان ہوکر بولی۔۔۔۔۔

”یہ بچی نہیں آفت ہے۔۔۔اب عبدالمنان اس کی نوکری کی فکر بھی تم ہی کرٶ۔۔۔حد ہے یار“وہ دانت پیستے ہوۓ خودی ہمکلام ہوا تھا۔۔۔۔

”ٹھیک ہے ۔۔۔تو تم بھی آجاٶ۔۔۔۔ساتھ بھاگتے ہیں۔۔۔رات سے پہلے پہلے لوٹ آٸیں گے۔۔۔بوڑهے بابا کو پتا بھی نہیں چلے گا۔۔۔۔۔“اس نے اوپر کی جانب دیکھ ۔۔۔شازمہ کو ساتھ بھاگنے کی دعوت دی۔۔۔۔۔

”نہیں۔۔۔۔۔تم بہت مکار ہو۔۔۔۔ اگر یہ تمہاری کوئی چال نکلی ۔۔۔ مجھے جاب سے نکالنے کی تو“وہ فکرمند ہوکر ۔۔۔

اس کی بات سن عبدالمنان کی پیشانی پر بل نمودار ہوۓ۔۔۔۔

” جب ڈیسائیڈ کرلو کہ کیا کرنا ہے تو آجانا میں تمہارے چکر میں یہاں لٹکا نہیں رہ سکتا“ وہ جھنجھلاکر بولا۔۔۔۔۔

”میں کیا کروں۔۔۔۔ اگر تمہیں بھاگنے دیا اور تم واپس لوٹ کر نہ آئے تو میری نوکری تو گٸی۔۔۔۔ اور اگر میں تمہارے ساتھ بھاگی۔۔۔۔ اور بعد میں الزام تم نے مجھ پر ڈال دیا تو بھی میری جاب ٹاٹا باۓ باۓ۔۔۔۔۔۔ دونوں صورتوں میں ۔۔۔۔میں بیچاری ہی جاب لیس ہو رہی ہوں ۔۔۔اچھا رکو۔۔۔۔میں بھی آتی ہوں۔۔۔۔۔۔ تمہارا کیا بھروسہ ۔۔۔دوبارا خود کشی کرنے کی کوشش کی تو“ بہت دیر سوچنے کے بعد فیصلہ کیا کے ۔۔۔اسے اکیلا نہیں جانے دے گی۔۔۔۔

خود بھی چادر سے لٹک گٸی۔۔۔۔۔”اللہ اللہ۔۔۔۔بچالے“ جیسے ھی نیچے کی جانب دیکھا۔۔۔۔۔ سر چکرانے لگا۔۔۔۔زور زور سے اللہ اللہ پکارنے لگی۔۔۔۔

”بچی خاموش۔۔۔۔۔اتنی زور سے بولو گی تو گارڈز آجاٸیں گے۔۔۔“عبدالمنان فورا اسے چپ کرانے لگا۔۔۔

”سن رہا ہے ناں تو ۔۔۔

رو رہا ہوں میں۔۔۔۔

بوڑھے بابا ۔۔۔کیا آفت پیچھے لگاٸی ہے۔۔۔“وہ منہ ہی منہ بڑبڑا رہا تھا۔۔۔۔

”مجھے سب آواز آرہی ہے “شازمہ بھڑک کر بولی۔۔۔۔”ایسا کچھ مت بولو جس کا خمیازہ بھگتنا پڑے“وہ غرا کر آخری وارننگ جاری کر رہی تھی۔۔۔۔

جس پر کھسیانا ہو کر معافی طلب کرنے لگا ۔۔۔۔

”اللہ ۔۔۔۔مجھے چکر آرہے ہیں۔۔۔ابھی تو میں اتنی اونچائی پر ہوں۔۔۔یا اللہ۔۔۔۔مدد کر “ عبدالمنان اتر گیا تھا۔۔۔جبکے شازمہ کا مشکل مرحلہ ابھی جاری تھا۔۔۔۔

اللہ اللہ کر کے آخر کار وہ بھی نیچے پہنچ ہی گٸی۔۔۔۔

”اللہ میں نے کر لیا۔۔۔۔۔مجھے یقین نہیں آتا۔۔۔۔میں نے کر لیا مانی “شازمہ تو خوشی سے پھولے نہیں سما رہی تھی۔۔۔۔

”اچھا۔۔۔۔زبردست ۔۔۔۔اب مٹھائی باٹوں کیا ؟؟۔۔۔۔چلو اس سے پہلے کوٸی آۓ۔۔۔۔“اس نے ہاتھ پکڑ کر طنزیہ کہا۔۔۔۔اور تیزی کھینچتے ہوئے لے گیا۔۔۔۔

******—-—*******

وقاص کے کمرے میں ایسا کوٸی ثبوت نہیں ملا تھا ۔۔۔۔جس سے وقاص کے اچانک کمرے میں زخمی ملنے کی پہیلی سلجھ سکتی۔۔۔۔۔

”بچی ۔۔۔تمھاری امی کی طبیعت کیسی ہے؟؟“نعمان اور شازمہ باتیں کرتے ہوۓ سیڑھیاں اتر رہے تھے۔۔۔جبکہ عبدالمنان خاموشی سے پیچھے اترتا ہوا آ رہا تھا ۔۔۔۔۔۔اچانک عبدالمنان کی نظر چوکیدار پر پڑی۔۔۔۔۔جو اس کے سامنے کمرے کا دروازہ چابی سے کھول کر اندر داخل ہوگیا تھا۔۔۔۔

عبدالمنان چوکیدار کے پیچھے جب اس کمرے کی جانب آیا۔۔۔۔تو ایک لمحے کے لٸے چونکا۔۔۔کیونکے اس کمرے کا دروازہ بلکل خواب میں دیکھے گٸے دروازے جیسا تھا۔۔۔

”یہ تو بلکل میرے خواب والا دروازہ ہے۔۔۔۔“عبدالمنان حیرت سے بولا۔۔۔۔۔

پر اس دروازے پر اب وہ الفا بیڈ نہیں لکھے تھے۔۔۔۔جو اس نے خواب میں دیکھے تھے۔۔۔۔

”وہ۔۔۔۔۔صاحب آپ یہاں؟؟“چوکیدار اسے اپنے پیچھے کمرے میں آتا دیکھ حیرت سے بولا۔۔۔۔۔

یہ وہی کمرہ تھا۔۔۔۔۔خواب میں جس کے اندر سے آوازیں آرہی تھیں۔۔۔۔اسے بلایا جارہا تھا۔۔۔۔۔

اس کمرے میں ہر چیز سفید چادر سے ڈھکی ہوٸی تھی۔۔۔۔

کمرے میں ایسی کوٸی خاص چیز نہ تھی۔۔۔۔جس کی پردے داری ہو۔۔۔۔۔

ایک خوبصورت سے بڑے آٸینے نے اس کی توجہ اپنی جانب کھینچی تھی۔۔۔۔وہ تھوڑی دیر تک اس شیشے کے سامنے کھڑا اپنا عکس دیکھتا رہا۔۔۔۔۔۔پورے کمرے میں ایک عجیب سی اداسی چھاٸی محسوس ہورہی تھی۔۔۔۔۔ جیسے اس کے درودیوار رو رہے ہوں۔۔۔۔۔۔آٸینے کے عکس میں اسے اپنے پیچھے ایک حسین سی لڑکی کی تصویر نظر آٸی۔۔۔۔

وہ فورا پلٹ کر ”بابا۔۔۔۔۔یہ کس کی تصویر ہے ؟؟“وہ تجسس سے استفسار کر رہا تھا۔۔۔۔

”یہ زرمین کی تصویر ہے۔۔۔۔جس کے والد کی یہ حویلی تھی۔۔۔“بس یہ سنا تھا کے عبدالمنان حیرت سے اس لڑکی کی تصویر تکنے لگا۔۔۔۔

”حیرت ہے صاحب آپ زرمین کو نہیں پہچانے ۔۔۔۔جبکے آپ نے کہا تھا۔۔۔۔آپ نے زرمین کو دیکھا ہے ۔۔۔۔“چوکیدار کے کہتے ہی وہ الجھا تھا۔۔۔۔۔

”ہاں ۔۔۔میں نے زرمین کو دیکھا ہے۔۔۔۔پر وہ یہ نہیں۔۔اور ظاہر سی بات ہے میں اسے کیسے دیکھ سکتا ہوں۔۔اس کا تو انتقال ہوچکا ہے۔۔۔۔۔۔۔اور بابا ایک نام کے کہیں لوگ ہوتے ہیں ۔۔۔۔۔۔۔“وہ لاپرواہی سے کہتا ہوا ابھی ایک قدم ہی چلا تھا۔۔۔۔

”عجیب بات ہے۔۔۔۔ایسا تو پہلے کبھی نہیں ہوا۔۔۔۔“

”کیا نہیں ہوا؟؟۔۔۔۔“عبدالمنان اس کی بات سن پلٹ کر تجسس سے پوچھنے لگا۔۔۔۔

” ہمیشہ جب کوئی دعوی کرتا ہے کہ اس نے ایک لڑکی کو دیکھا ہے تو وہ یہی زرمین ہوتی ہے۔۔۔۔ آپ پہلے ہیں جس کا دعویٰ ہے کہ اس نے زمین کو دیکھا ہے پر مان بھی نہیں رہے کہ وہ زمین یہ ہے۔۔۔۔“وہ آنکھیں گھماتے ہوئے پراسرار انداز میں بولا

”بابا ۔۔۔۔معاف کرٶ ۔۔۔۔مجال ہے مجھے ایک لفظ کی بھی سمجھ آٸی ہو۔۔۔۔“وہ بیزاری سے کہتا ہوا کمرے سے چلا گیا۔۔۔۔۔۔