Rooh E Ishq By Hussny Kanwal Readelle50267 Rooh E Ishq (Episode 01)

Rooh E Ishq By Hussny Kanwal

بھت ہی شدید طوفان تھا آسمان سے ٹوٹتی بجلیاں بادلوں کی خوفناک گڑگڑاھٹ اور موسلا دھار طریقے سے برستی بارش….اسی طوفان کی وجہ سے بجلی بھی پچھلے آدھے گھنٹے سے بند تھی کمرے میں ایمرجنسی لائٹ روشی کررہی تھی….۔۔

وہ کھڑکی سے باہر جھانک رہی تھی اچانک اس کی نظر گارڈن میں ایک بچی پر پڑی۔۔۔۔جو اس کی ہم عمر معلوم ہورہی تھی ۔۔۔۔وہ پوری طرح بھیگ چکی تھی ۔۔۔۔اس کے باوجود درخت سے ٹیک لگاۓ بیٹھی تھی۔۔۔۔اس کا چہرہ دور ہونے کے سبب ٹھیک طرح نظر نہیں آرہا تھا۔۔۔

زرمین تیزی سے چھتری کی جانب لپکی۔۔۔چھتری لے کر وہ بھاگتی ہوٸی حویلی سے باہر آٸی۔۔۔۔

”یہ لے لو ۔۔۔۔تمھیں ٹھنڈ لگ جاۓ گی “زرمین نے فکرمند لہجے میں اس بچی سے کہا۔۔جس کا رخ ابھی دوسری سمت تھا۔۔۔لیکن زرمین کے کہتے ہی وہ بچی اس کی جانب متوجہ ہوٸی۔۔۔۔

جب وہ زرمین کی جانب مڑی ۔۔۔تو ایک لمحہ کے لٸے زرمین گھبرا کر ذرا پیچھے ہٹی۔۔۔۔اس بچی کی آنکھیں بلکل سفید تھیں ۔۔۔

”تم یہ میرے لٸے لاٸی ہو؟؟؟“وہ بچی حیرت سے استفسار کرنے لگی۔۔۔۔

”ہ۔۔۔۔ہا۔۔۔ہاں“زرمین اس کی آنکھوں سے خوفزدہ ہوکر بوکھلاہٹ سے گویا بولی۔۔۔

”شکریہ “اس بچی نے جب مسکرا کر شکریہ ادا کیا تو زرمین نے کچھ جواب نہ دیا ۔۔۔پلٹ کر تیزی سے حویلی کی جانب چل دی۔۔۔۔

”سنو کیا تم مجھ سے ڈر کر بھاگ رہی ہو ؟؟؟“اس بچی کے کہے الفاظ زرمین کے کانوں کی سماعت سے ٹکرائے تو اس کے پاؤں خود بخود رک گئے۔۔۔۔

وہ بچی دیکھنے میں اور بچوں سے قدرے مختلف معلوم ہوتی تھی۔۔۔۔۔پر اس کے لب و لہجہ میں ایک عجیب سی مٹھاس و کشش تھی جو زرمین کو تیزی سے اپنی جانب راغب کر رہی تھی۔۔۔۔

”ن۔۔۔نہیں تو۔۔۔۔“زرمین بہت رحم دل تھی۔۔۔وہ اپنی ہم عمر بچی کا دل نہیں دکھانا چاہتی تھی ۔۔۔اس لٸے واپس آکر اس کے برابر میں بیٹھتے ہوۓ بولی۔۔۔۔”وہ بارش کی وجہ سے بھاگ رہی تھی میں “زرمین ابھی بھی گھبرا رہی تھی اس سفید آنکھوں والی بچی سے۔۔۔۔

”میری دوست بنو گی ؟؟؟“اس بچی نے جب زرمین کی جانب دوستی کا ہاتھ بڑھایا تو وہ سوچ میں پڑھ گٸی۔۔۔۔

زرمین نے اس سے پہلے ان بارہ سالوں میں کبھی کسی کو دوست نہیں بنایا تھا۔۔۔۔

”پر ۔۔۔“زرمین ابھی بول ہی رہی تھی کے نمرہ بیگم اسے ڈھونڈتے ہوئے وہاں ان پہنچی تھیں۔۔۔۔

” یہاں کیا کر رہی ہو؟؟؟؟۔۔۔۔تمھیں کتنی بار منع کیا ہے کے حویلی سے باہر مت نیکلا کرو۔۔۔۔۔تم یہ بھول کیوں جاتی ہو کے دنیا کی نظر میں تم لڑکا ہو ۔۔۔۔لڑکی نہیں ۔۔۔۔دیکھو کیسے کھلے بال آگئی ہو تم یہاں ۔۔۔اگر کسی نے دیکھ لیا تو۔۔۔۔“نمرہ بیگم آتے ہی اس پر چیخنا شروع ہوگٸیں تھیں ۔۔۔۔

نمرہ بیگم کے ڈر سے وہ کبھی حویلی سے باہر قدم نہیں رکھتی تھی۔۔۔۔یہ بارہ سال میں پہلی بار تھا جو زرمین نے حویلی سے باہر قدم نیکالا تھا۔۔۔۔

”مما ۔۔ میں تو بس اس لڑکی کو چھتری دینے آئی تھی۔۔۔“زرمین معصومانہ چہرہ بنائے اپنی والدہ کو حویلی سے باہر آنے کی وجہ بتانے لگی۔۔۔

”کون سی لڑکی ؟؟؟۔۔۔۔“نمرہ بیگم پورے گارڈن میں نظر دوڑاتے ہوئے الجھ کر استفسار کرنے لگیں۔۔۔۔

”مما۔۔۔یہ ۔۔۔“زرمین کہتے ہوۓ پیچھے مڑی تو کوئی موجود نہ تھا۔۔۔۔وہ حیران و پریشان ہوکر اِدھر اُدھر دیکھنے لگی۔۔۔۔

”زرمین یہاں کوٸی لڑکی کیسے آسکتی ہے ؟؟؟۔۔۔۔اب بہانے مت بناٶ اور اندر چلو جلدی۔۔۔۔اس سے پہلے کوٸی تمھیں یوں کھلے بالوں میں دیکھے۔۔۔۔“نمرہ بیگم اس کا ہاتھ پکڑ ۔۔۔۔ کھینچتی ہوئی واپس حویلی کے اندر لے گئیں۔۔۔۔

”مما ۔۔مجھے لڈو دیں “زرمین نے لڈو بناتے ہوۓ اپنی والدہ کو دیکھ کہا ۔۔۔تو وہ حیرت سے دیکھنے لگیں۔۔

”تم ابھی تو مجھ سے لڈو لے کر اوپر گٸیں تھیں ۔۔۔پھر تم سامنے والے کمرے سے کیسے نیکل کر آٸیں ؟؟؟“نمرہ بیگم بےیقینی سے حیران و پریشانی کے عالم میں اسے دیکھ استفسار کرنے لگیں۔۔۔۔

”میں ؟؟؟۔۔۔میں تو ایک گھنٹے سے اپنے کمرے میں ہی ہوں ۔۔۔“اس کے کہتے ہی نمرہ بیگم پلٹ کر سیڑھیوں کی جانب دیکھنے لگیں۔۔۔

”میں نے لیا ۔۔۔۔“ایک انجانی سی سرسراہٹ اسے اپنے کانوں میں محسوس ہوٸی۔۔جو الفاظ یوں ترتیب پاۓ۔۔۔جیسے سنتے ہی اس نے اپنی والدہ کو دیکھ مسکرا کر کہا۔۔۔۔

”وہ۔۔۔میں ہی تھی۔۔۔۔میں تو بس۔۔۔۔آپ کو تنگ کر رہی تھی۔۔۔“زرمین نے بڑی مشکل سے چہرے پر جھوٹی تبسم سجائے کہا۔۔۔۔

”پر ؟؟؟“ تم اوپر سے نیچے کیسے آئیں اتنی جلدی ؟؟؟۔۔۔ میں نے تو تمہیں آتے ہوئے نہیں دیکھا“نمرہ بیگم حیرت سے پوچھنے لگیں۔۔۔۔

”آپ لڈو بنانے میں اتنی مگن تھیں کے آپکو خبر نہ ہوسکی۔۔۔۔“زرمین نے مزید سوالوں سے بچنے کے لٸے اوپر سیڑھیوں کی جانب دوڑ لگا دی۔۔۔۔۔

کمرہ پورا بکھرا پڑا تھا۔۔۔۔

کہیں چپس کے خالی ریپر پڑے تھے۔۔۔۔تو کہیں ڈرنگ کے خالی گلاس ۔۔۔

کھانے پینے کے بھرے ہوۓ برتن سامنے ٹیبل پر سجے تھے۔۔۔بیڈ کی چادر زمین بوس پڑی تھی۔۔۔۔

صوفے کے مہنگے کشن بھی فرش کا مزہ چک رہے تھے ۔۔۔۔

وہ منہ اُوندھا بیڈ پر پڑے سو رہا تھا۔۔۔۔کے اچانک کمرے کا دروازہ کھولا۔۔۔

”سر ۔۔۔سر۔۔۔۔ پلیز اٹھ جائیں ۔۔۔دوپہر کے دو بج رہے ہیں۔۔۔“ایک سرونٹ ادب سے ہاتھ باندھ کر ۔۔۔اسکے سر پر کھڑا ہو ۔۔۔۔لاڈ صاحب کو جگانے کی ناکام کوشش کرنے لگا۔۔۔۔۔۔۔

”کیوں ۔۔۔ پھر سے کوئی بھاگ گیا ہے کیا؟؟؟“منان ایک آنکھ زبردستی کھول کر۔۔۔۔سرونٹ کو دیکھ منہ بسور پوچھنے لگا۔۔۔۔

” نہیں سر ۔۔۔۔آپ کے دادا نے بلایا ہے۔۔“

”افففف۔۔۔۔یہ بوڑھے بابا میری جان کیوں نہیں چھوڑتے ؟؟؟“منان نے روتو منہ بناکر بیڈ پر زور زور سے ہاتھ پٹکتے ہوئے کہا۔۔۔۔

”کہ دو ۔۔۔۔جب فری ہوں گا تو آجاٶں گا ملنے ۔۔۔“منان نے جماٸی لیتے ہوۓ بڑا سہ منہ کھولتے ہوۓ کہا۔۔۔۔

” سر کتنی بار کہا ہے جمائی لیتے وقت منہ پر ہاتھ رکھا کریں۔۔۔ یہ بیٹ مینرس ہوتے ہیں“سرونٹ نے ٹوکا تو وہ بےزاری سے اس کی جانب دیکھ۔۔۔۔

”تم جاٶ سرو ۔۔۔مجھے ابھی سونے دو۔۔۔۔ تمہارا گڈ اور بیٹ مینرس کا لیسن میں بعد میں سن لوں گا۔۔۔“منان نے تکیہ منہ پر رکھ جانے کا اشارہ کیا۔۔۔۔

”سر۔۔۔ پلیز اٹھ جائیں۔۔۔آپ کو ابھی بلایا ہے بڑے سر نے۔۔۔۔ اگر آپ خود نہیں گئے تو آپ کو اٹھا کر لے جانے کا آرڈر دیا گیا ہے۔۔۔ اس لیے پلیز اٹھ جائیں“سرونٹ نہایت التجائیہ انداز میں گویا ہوا۔۔۔۔

”کیا باپ کا راج ہے ۔۔۔۔ جو اٹھا کر لے جائیں گے۔۔۔۔۔سرو مجھے غصہ مت دلاٶ ۔۔۔۔سونے دو ابھی“منان سرونٹ کی بات کو ذرہ برابر بھی اہمیت نہیں دے رہا تھا۔۔۔۔

” میں آخری بار کہہ رہا ہوں سر ۔۔۔اٹھ جاٸیں۔۔۔۔ورنہ پھر جو ہوگا اس کے آپ خود ذمہ دار ہوں گے“سرونٹ نے سرد لہجے میں ورن کیا ۔۔۔پر اس کے کان پر تو مانو جوں بھی نہ رینگی تھی۔۔۔۔

”سرو ۔۔۔۔جاٶ یار۔۔۔۔سونے ۔۔۔۔آآآآ۔۔۔ہہہہہہہ۔۔۔“ابھی منان تکیہ منہ سے ہٹا کر بول ہی رہا تھا کے کمرے میں ایک گارڈ ۔۔۔۔ کالی وردی پہنے ہوئے حاضر ہوا۔۔۔۔اس نے منان کو بیڈ سے اٹھا کر اپنے کندھے پر لاد لیا۔۔۔۔۔

”آٶٶٶٶ۔۔۔۔۔یہ کیا کررہے ہو؟؟؟۔۔۔۔سرو اس سے کہو نیچے اتارے مجھے۔۔۔۔“منان خوب زورزور سے چیخ کر احتجاج بلند کر رہا تھا۔۔۔۔

پر وہ گارڈ منان کو ناٸٹ ڈریس کی حالت میں ہی کندھے پر لادھے ہوٹل کے روم سے باہر لے کر نیکلا۔۔۔۔ تو سب آٹھویں عجوبے کی طرح ان کی جانب حیرت سے دیکھنے لگے۔۔۔۔

”ابے یار۔۔۔۔۔اتار نیچے۔۔۔۔تو۔۔۔تو میری بچی کچی عزت کا بھی فالودہ بنا رہا ہے۔۔۔۔ یار میں کوئی کنواری کلی تھوڑی ہوں۔۔۔ جو دادا کے پاس مجھے اس طرح اٹھا کر لے جا رہا ہے۔۔۔۔“پورے ہوٹل کی نگاہ کا مرکز وہ گارڈ اور اس کے کندھے پر بوری کی طرح لٹکا ہوا منان تھا۔۔۔۔۔جو مسلسل چیخ رہا تھا۔۔۔

”دیکھ ۔۔۔مجھ پر ترس کھا ۔۔۔۔یار۔۔۔۔اتنا ہینڈسم چہرہ ہے میرا۔۔۔دیکھ لڑکیاں ہنس رہی ہیں مجھ پر “بیچارا منان چیختا رہا ۔۔۔۔اپنا احتجاج مسلسل ریکارڈ کرواتا رہا۔۔۔پر اس گارڈ نے شاید نو رسپونس کا بورڈ لگایا ہوا تھا۔۔۔۔

گارڈ نے منان کے اتنا ہنگامہ مچا نے کے باوجود کوئی بھی ری۔ایکشن نہ دیا۔۔۔۔

”اچھا میرے پیارے بھاٸی ۔۔۔۔مجھے نیچے اتار دو۔۔۔۔۔لفٹ میں سے ۔۔۔۔میں نے کہاں بھاگنا ہے “منان معصومانہ چہرہ بنائے التجائی انداز میں گویا ہوا۔۔۔۔

”سر آپ پہلے بھی اسی طرح کہ کر بھاگ گئے تھے۔۔۔ اس بار میں آپ کے جھانسے میں آنے والا نہیں “گارڈ نے سرد لہجے میں جواب دیا۔۔۔تو منان نے اپنی آنکھیں مچیں تھیں۔۔۔

”اففف۔۔۔۔۔ تو میں یہ ٹرک پہلے کر چکا ہوں۔۔۔۔۔ اووو نو۔۔۔یار میں پھر کوئی نٸی ٹرک سوچتا ہوں۔۔۔۔۔ ابھی سو کر اٹھا ہوا ناں۔۔۔۔اس لٸے ذہن ٹھیک طرح کام نہیں کررہا “منان نے معصومیت سے کہا تو اس گارڈ نے بڑی مشکل سے اپنی ہنسی ہونٹوں میں دبائی تھی۔۔۔

”آپ کیوں بڑے سر سے بھاگتے ہیں؟؟؟ ۔۔۔ایک بار ان سے مل لیں ناں۔۔۔۔۔وہ کب سے آپ سے ملنا چاھ رہے ہیں۔۔۔۔“گارڈ نے سمجھانے والے انداز میں کہا ۔۔۔

”میرا دل نہیں چاہتا ان سے ملنے کا۔۔۔۔جب ملتے ہیں میرے کان پکا دیتے ہیں۔۔۔۔۔ پھر ہر بار بوڑھے بابا کا ایک ہی تکیہ کلام ۔۔۔۔۔“ یہ کہہ کر وہ بھاری آواز کر ۔۔۔۔اپنے دادا کی نقل اتارتے ہوئے ”میرا بزنس کب سنبھالو گے؟؟؟“۔۔۔۔۔

” تو سنبھال لیں ناں آپ ۔۔۔۔ کیا دیکت ہے ؟؟۔۔۔۔۔۔ آپ تو خوش نصیب ہیں کہ آپ کو ایسے دادا ملے جو ہر وقت آپ کی فکر کرتے ہیں“گارڈ نے پیار سے سمجھانا چاہا تھا۔۔۔۔

” یہی تو مسئلہ ہے۔۔۔۔۔ جب اپنے پیدا کرنے والے ماں باپ کے لئے میں مر چکا ہوں تو نا جانے کیوں وہ مجھے زندہ رکھ کر خوش ہوتے ہیں۔۔۔۔ اتنی بار خودکشی کی کوشش کر چکا ہوں مگر مجال ہے مجھے سکون سے مرنے بھی دے رہے ہوں۔۔۔۔“منان جھنجھلا کر بولا تو گارڈ کا دل اس کی بات سن نرما گیا۔۔۔۔لفٹ کھولنے ہی والی تھی۔۔۔۔اس نے منان کو نیچے اتار دیا۔۔۔۔۔

” کیا تمھیں نہیں پتا برخوردار کہ خودکشی حرام ہے؟؟؟“

” تو کیا بھاگ جانا جاٸز ہے ؟؟؟؟۔۔۔۔۔ اپنی اولاد کے زندہ ہوتے ہوئے اس کے حقوق سے منہ موڑ لینا ۔۔۔۔۔یہ جاٸز ہے ؟؟۔۔۔۔۔میں بھی انسان ہوں یار ۔۔۔۔مجھے بھی درد ہوتا ہے “منان نے کرب بھرے جذبات سے اس گارڈ کو دیکھ استفسار کیا تو وہ لاجواب ہوگیا۔۔۔۔

”سر“اس لمحے گارڈ نے منان کی آنکھوں میں شدید تکلیف و کرب محسوس کیا تھا۔۔۔اس کی آنکھیں جواب مانگ رہی تھیں کے کیوں کیا اس کے والدین نے ایسا ؟؟؟۔۔۔وہ جواب دینے سے قاصر تھا اس لیے نظریں جھکا لیں۔۔۔۔۔

لفٹ کا دروازہ اسی وقت کھل گیا۔۔۔۔۔

پھر کیا تھا۔۔۔۔منان نے اگلے ہی لمحے چہرے کے ایکسپریشن جو کچھ لمحہ پہلے کرب سے بھرے معلوم ہورہے تھے ۔۔۔۔

گرگٹ کی تیزی سے ان ایکسپریشن کو بدل کر اسمارٹ مسکراہٹ چہرے پر سجاکر گارڈ کو دیکھ ایکھ آنکھ دباتے ہوۓ کہا ”سوری یار“۔۔۔

وہ منان کے بدلتے ہوئے ایکسپریشن کو سمجھے۔۔۔ اس سے قبل ہی اس نے گارڈ کو دھکا دیا اور لفٹ کا بٹن دبا کر تیزی سے باہر کی جانب دوڑ لگا دی۔۔۔۔۔

”واہ منان چھا گٸے یار۔۔۔۔۔ سِینٹِی ہونے کی کیا ایکٹنگ کی ہے؟؟؟۔۔۔۔۔واہ۔۔۔۔۔۔شاباش۔۔۔۔۔ اس گارڈ کو کیا لگا تھا اتنی آسانی سے پکڑ کر لے جائے گا مجھے۔۔۔۔۔ عبدالمنان کو ہلکا سمجھا ہے کیا؟؟۔۔۔۔چلو کسی نٸے ہوٹل چلتے ہیں ۔۔۔۔۔“منان اپنی پیٹ تھپتھپاتے ہوئے خودی کو داد دے رہا تھا۔۔۔

”سر ۔۔۔۔منان سر مجھے لفٹ میں دھکا دے کر بھاگ گٸے“گارڈ نے کال کر کے یہ بات جب شہاب قدیر کے سیکرٹری کو بتائی۔۔۔۔تو انہوں نے جواب میں غصے کا اظہار کیا۔۔۔۔

”ٹھیک ہے ۔۔۔۔میں دیکھتا ہوں “ سیکرٹری نے یہ کہہ کر کال کاٹ دی۔۔۔۔

”یا خدا۔۔۔۔ مجھے یہ بے ۔بی سیٹنگ کی نوکری دلوا دے۔۔۔۔مالک۔۔۔۔ پلیز۔۔۔۔مجھے اس کی ضرورت ہے۔۔۔“شازمہ ویٹنگ روم میں بیٹھ کر خوب دعائیں کر رہی تھی۔۔۔۔کے کسی طرح اسے شہاب قدیر صاحب کے پوتے کی بے۔بی سیٹنگ کی نوکری مل جاۓ۔۔۔۔

شازمہ ابھی بی۔اے کا امتحان دے کر چکی تھی۔۔۔۔۔اس کا تعلق ایک متوسط طبقے سے تھا ۔۔۔۔۔ والدہ کی طبعیت کچھ مہینوں سے کافی خراب رھنے لگی تھی۔۔۔۔

روزمرہ کا خرچہ ۔۔۔۔والدہ کی دوائیوں کے پیسے۔۔۔۔پھر بہن بھائیوں کے اسکول ٹیوشن کی فیس۔۔۔۔ ان سب کا لوڈ اکیلے والد صاحب کو برداشت کرنا پڑ رہا تھا جن کی کریانے کی دوکان تھی۔۔۔۔شازمہ ان کا ہاتھ بٹانا چاہتی تھی۔۔۔۔

وہ نوکری کے لٸے کچھ دنوں سے ماری ماری گھوم رہی تھی۔۔۔۔

اس کی سہیلی حباء نے ۔۔۔۔جو شہاب صاحب کے آفس میں کام کرتی بے۔۔۔۔

اسے بے۔بی سیٹنگ کی جاب کے متعلق انفارمیشن دی۔۔۔۔پر یہ بتانا بھول گئ کے بےبی سیٹنگ کرنی ایک 25 سالہ لڑکے کی ہے ۔۔۔۔

”ہیلو سر ۔۔۔“شازمہ مسکراتے ہوۓ شہاب صاحب کے آفس میں داخل ہوٸی۔۔۔۔

” پلیز سیٹ ڈاؤن “شہاب صاحب اسے دیکھتے ہی حیران ہوۓ۔۔۔کیونکے اس جاب کے لٸے اپلاۓ کرنے والی وہ سب سے کم۔عمر لڑکی تھی۔۔۔۔اور نہایت حسین و جمیل بھی۔۔۔۔

”آپ بے۔بی سیٹنگ کی جاب کے لٸے آٸیں ہیں ؟؟؟“ وہ تصدیق کیے بغیر نہ رہ سکے۔۔۔۔کیونکے بیس سالہ خوبصورت سی لڑکی ان کے پچس سالہ پوتے کی بے۔بی سیٹنگ کرنے آئی تھی۔۔۔۔

”یس سر۔۔۔۔“شازمہ نے کانفیڈنس سے جواب دیا ۔۔۔

”گڈ۔۔۔۔۔ آپ شور ہیں ناں کے آپ میرے پوتے کی بے۔بی سیٹنگ کر سکتی ہیں؟؟؟۔۔۔۔۔ اسے سنبھالنا آسان نہیں ہونے والا۔۔۔۔۔“شہاب صاحب نے پہلے ہی ورن کردیا ۔۔۔۔

جیسے بھولی شازمہ سمجھ نہ سکی۔۔۔۔۔

شہاب صاحب کہ لبوں پر پُراسرار مسکراہٹ بکھر آئی یہ سوچ کر ۔۔۔کے شازمہ جیسی سیدھی سادی لڑکی کس آفت کی بے۔بی سیٹنگ کرنے چلی آٸی ہے ۔۔۔۔۔

شازمہ سفید رنگ کے سادہ سے قمیض شلوار میں ملبوس تھی۔۔۔۔۔ اس نے سر پر بڑی تمیز سے دوپٹہ بھی لے رکھا تھا۔۔۔۔اس کا پہناوا اور بات چیت کرنے کا انداز شہاب صاحب کو کافی متاثر کن لگا۔۔۔۔ اوپر سے اس کے چہرے سے ٹپکتی ہوئی معصومیت شہاب صاحب کو مجبور کر رہی تھی کہ اسے ایک موقع دے دیا جائے۔۔۔۔

”آپ کو پورا دن ساۓ کی طرح رھنا پڑے گا میرے پوتے کے ساتھ۔۔۔۔۔ اس کا کھانا۔۔۔۔ پینا۔۔۔۔ دوستوں سے ملنا ۔۔۔۔آوٹنگ پر جانا ۔۔۔۔ الغرض ہر چیز آپ کی نگرانی میں ہونی چاہیے۔۔۔۔“شہاب صاحب کی بات سن شازمہ الجھ گٸی۔۔۔

”ایک چھوٹے سے بچے کے دوست بھی ہیں۔۔۔ اور وہ آؤ ٹنگ پر بھی جاتا ہے ۔۔۔اوووو۔۔۔۔یہ امیر لوگ اور ان کے چونچلے۔۔۔۔“شازمہ دل ہی دل حیرت کرنے لگی۔۔۔۔۔۔۔

”او۔کے سر۔۔۔۔مجھے منظور ہے ۔۔۔۔“شازمہ نے مسکراتے ہوۓ کہ کر ایک سالہ کنٹریکٹ پر دستخط کردیے تھے۔۔۔۔۔

” تو سر مجھے جوائنٹ کب سے کرنا ہے؟؟“شازمہ نے پُر جوش لہجے میں استفسار کیا۔۔۔۔

”ابھی سے ہی۔۔۔میں نے اپنے گارڈز بھیجے ہیں اس الو کے پٹھے کو لانے کے لئے۔۔۔۔جیسے ہی ان کی پکڑ میں آۓ گا۔۔۔۔وہ اسے یہاں لے کر حاضر ہوجاٸیں گے۔۔۔“شہاب صاحب نے سنجیدگی سے جواب دیا۔۔۔۔۔

”ایک چھوٹے سے بچے کو گارڈز پکڑ کر لاٸیں گے۔۔۔۔“شازمہ حیران تھی ان کی بات سن۔۔۔۔ابھی وہ یہی سوچ رہی تھی کے باہر سے اسے کسے کے چیخنے کی آوازیں سناٸی دیں۔۔۔

”لیجٸے آگیا میرا پوتا۔۔۔“شہاب صاحب صرف شور کی آواز سن سمجھ گٸے تھے۔۔۔۔ کے طوفان ان کے آفس میں داخل ہوچکا ہے۔۔۔۔۔

دو گارڈز اسے بازوں سے پکڑ کر آفس میں لاۓ تو وہ خوب زور زور سے احتجاج بلند کرنے لگا۔۔

”ارے یار ۔۔۔چھوڑو۔۔۔۔۔اچھی خاصی میری کول پرسنیلٹی کی بینڈ بجادی ۔۔۔۔“گارڈز نے اسے شہاب صاحب کے سامنے لاکر پیش کیا۔۔۔تو وہ کھا جانے والی نظروں سے ان دونوں گارڈز کو غرانے لگا۔۔۔۔

”بیٹا یاد رکھنا۔۔۔۔یہ بوڑھے بابا زیادہ دن چلنے والے نہیں۔۔۔۔جب میرے کنڑول میں سب آۓ گا تو دیکھنا میں اس بےعزتی کا بدلا کیسے لوں گا۔۔۔۔سارے میری پرسنیلٹی کی ماں۔۔۔۔۔“ابھی وہ گالی بگنے ہی لگا تھا کے اس کی نظر اپنے وجود کو حیرت سے آنکھیں پھاڑ پھاڑ کر تکتی ہوٸی شازمہ پر پڑی۔۔۔۔۔۔

وہ معصوم سی لڑکی منان کے اس بےباک انداز کو دیکھ حیرت کے غوطے کھا رہی تھی۔۔۔۔

”کیا؟؟؟ ۔۔۔۔ایسے کیوں دیکھ رہی ہو؟؟۔۔۔۔پہلی بار اتنا ہینڈسم لڑکا دیکھا ہے کیا ؟؟؟“منان نے تیمور چڑھاۓ استفسار کیا تو شازمہ کنفیوز ہوکر نفی میں گردن ہلانے لگی۔۔۔

”منان ۔۔۔۔تماشہ کرنا بند کرٶ ۔۔۔۔“شہاب صاحب نے روعب دار آواز میں کہا۔۔۔۔اور ساتھ ساتھ گارڈز کو جانے کا اشارہ بھی کردیا۔۔۔۔

”نالاٸق۔۔۔۔ نیکمے۔۔۔۔۔الو کے پٹھے ۔۔ میرے منع کرنے کے باوجود تم گھر سے بھاگ گٸے۔۔۔۔۔تمھیں کیا لگا تھا مجھے پتا نہیں چلے گا کہ تم کس ہوٹل میں اسٹے کررہے ہو“شہاب صاحب اپنی چیٸر سے کھڑے ہوکر غصے سے آگ بگولہ ہوکر منان کی کلاس لینے لگے۔۔۔۔

”بوڑھے بابا آپ کو نہیں لگتا آپ جو ہر بار میری شان میں قصیدے پڑھتے ہیں ۔۔۔اور جن تعریفانہ القابات سے مجھے نوازتے ہیں ۔۔۔۔آج ان میں کچھ کمی ہوگئی ہے؟؟؟۔۔۔۔۔“منان نہایت پرسکون انداز میں ڈھٹائی کا اعلی مظاہرہ کرتے ہوئے۔۔۔۔ اپنے کان میں انگلی گھوماکر کہنے لگا۔۔۔۔۔اس کی جرت دیکھ شازمہ کا منہ کھلا کا کھلا رہ گیا تھا۔۔۔۔۔

” یہ غلط بات ہے یار ۔۔۔۔آپ چیٹنگ کر رہے ہو۔۔۔۔ آپ سے میرے کچھ القابات یاد نہیں رکھے جاتے اور مجھ سے چاہتے ہو کہ میں موٹی موٹی ساری کتابیں رٹ لوں۔۔۔۔“منان نے شکوے بھرے انداز میں کہا تو شہاب صاحب کا پارا آسمانوں سے باتیں کرنے لگا۔۔۔۔

”چپ کر نالاٸق۔۔۔۔۔۔ الو کا پٹھا کہیں کا“شہاب صاحب غصے سے دھاڑتے ہوۓ بولے ۔۔۔تو وہاں بیٹھی شازمہ سہم گٸ۔۔۔۔

جبکے منان ان کے غصے کو مکمل اگنور کر

”تو کس نے کہا تھا ایسا الو پیدا کرنے کے لٸے ؟؟؟۔۔۔نہ کرتے۔نہ ایسا پٹھا ہوتا۔۔۔۔اب اپنے الزام میرے سر نہ ڈالیں۔۔۔۔۔۔۔۔۔۔“منان نے بےنیازی کا مظاہرہ کرتے ہوۓ کہا۔۔۔

”تمیز سے بات کریں۔۔۔ آپ کو بڑوں سے بات کرنے کی تمیز نہیں ؟؟؟“شازمہ اپنی چیٸر سے کھڑی ہوکر غصیلی نگاہ اس کے وجود پر گاڑے۔۔۔ ۔۔ بھپر کر بولی۔۔۔۔

”اففففف۔۔۔۔۔۔ایک اور لیکچر ۔۔۔۔۔“منان ہوا میں ایک گہری سانس جھنجھلاکر خارج کرتے ہوۓ ۔۔۔گویا ہوا۔۔۔۔۔

”منان “شہاب صاحب نے غصے سے کہا۔۔۔۔

”جی ۔۔۔جی ۔۔۔سن رہا ہوں ۔۔۔۔بولیں“منان آرام سے سامنے رکھے صوفے پر گرتے ہوۓ بولا۔۔۔۔

” منان کیا میں نے تمہیں اس لٸے پڑھایا لکھایا تھا کہ تم ایک دن اپنی زندگی اس طرح ضائع کرو۔۔۔۔ مجھے معلوم ہے کہ تمہارے لئے یہ صدمہ سہنا آسان نہیں۔۔۔۔پر خود کشی کی کوشش کرنا ۔۔۔۔گھر سے بھاگ جانا ۔۔۔۔یہ کہاں کی عقلمندی ہے؟؟۔۔۔۔“شہاب صاحب اپنے غصے اور جذبات پر قابو پاتے ہوئے اسے اطمینان سے سمجھانے کی کوشش کرنے لگے۔۔۔۔۔

”ھممممم۔۔۔۔۔۔میں بھی یہی سوچ رہا تھا بوڑھے بابا۔۔۔۔کیوں پڑھایا لکھایا مجھے ؟؟؟۔۔۔۔بلکے میں تو پوچھتا ہوں زندہ ہی کیوں رکھا؟؟؟۔۔۔۔۔“منان نے لاپرواہی سے سخت ترین سوال کر ڈالے تھے۔۔۔۔۔جیسے اس کی نظر میں اپنے پورے وجود کی کوئی اہمیت ہی نہ ہو ۔۔۔۔۔