Rooh E Ishq By Hussny Kanwal Readelle50267 Rooh E Ishq (Episode 06)

Rooh E Ishq By Hussny Kanwal

”محبت بہت کُتی چیز ہے “اس کے کہے الفاظ اب کانوں میں گونجتے ہوۓ محسوس ہورہے تھے۔۔۔۔وہ بے ست سہ بیڈ پر پڑا تھا۔۔۔ہر گزرتا ہوا لمحہ ناجانے کیوں دل پر بڑا گرا گزار رہا تھا۔۔۔۔وہ ایک لمحے کے لٸے بھی اس کا ہاتھ نہیں چھوڑ رہی تھی۔۔۔۔بھوکی پیاسی اس کا ہاتھ تھامے پوری رات بیٹھی رہی۔۔۔۔۔آنکھوں سے نیند کوسوں دور معلوم ہوتی تھی۔۔۔۔

”کیا مانی کی یہ حالت اس زرمین نے کرٸی ہے ؟؟“نعمان بھی عبدالمنان کی اچانک طبعیت خراب ہونے پر کافی پریشان تھا۔۔۔۔وہ صبح ہوتے ہی کمرے میں آکر بیٹھ گیا ۔۔شازمہ کا سوال سن وہ دو تین ثانیوں کے لٸے خاموش ہوگیا۔۔۔پھر اپنی خاموشی توڑتے ہوۓ ۔۔۔

”مجھے نہیں معلوم۔۔۔۔پر عبدالمان کی حالت کا یوں اچانک خراب ہونا ۔۔۔اس کے سر پر اتنی گہری چوٹ کا آنا۔۔۔یہ سب غیر معمولی چیزیں ہیں۔۔۔۔“نعمان گھمبیر لہجے میں گویا ہوا۔۔۔

”تو میں کیا سمجھوں ۔۔۔ہاں یا نہ ؟؟؟“

”مجھے ابھی کچھ سمجھ نہیں آرہا۔۔۔۔تو میں کیسے راۓ دوں اس معاملے میں۔۔۔۔“نعمان بھی الجھا ہوا دیکھاٸی دے رہا تھا۔۔۔

”بچی۔۔۔ایک کام کرٶ ۔۔۔تم تھوڑی دیر آرام کرلو۔۔۔میں عبدالمنان کے پاس بیٹھ جاتا ہوں۔۔۔پوری رات ہوگٸی تمھیں جاگتے جاگتے “شازمہ کو آج نعمان کا رویہ کافی سنجیدہ محسوس ہورہا تھا۔۔۔اس نے سرد لہجے میں کہا تو شازمہ کو ناگوار گزرا۔۔۔

”جاٶ بچی۔۔۔میں ہوں عبدالمنان کے ساتھ“اس کا لہجہ اس بار مزید سخت تھا۔۔۔۔الفاظ بھی کافی جما جما کر ادا کر رہا تھا۔۔۔۔

”او۔کے“شازمہ اثبات میں سر ہلا کر عبدالمنان کا ہاتھ چھوڑنے لگی۔۔۔۔ناجانے کیوں دل راضی نہیں ہورہا تھا ۔۔۔اس کے ساتھ عبدالمنان کو اکیلا چھوڑنے پر۔۔۔۔

”جاٶ“اس نے کھڑے ہوکر عبدالمنان کی جانب قدم بڑھاتے ہوۓ بھاری آواز میں کہا ۔۔۔۔

وہ قریب آیا ۔۔۔۔تو جیسے کوٸی عجیب سی مہک تھی آج نعمان میں۔۔۔جس نے شازمہ کو اپنے حصار میں لیا تھا ۔۔۔

جب سے وہ حویلی میں آٸی تھی۔۔۔۔یہ مہک اسے اکثر اپنے ارگرد محسوس ہوتی ۔۔۔۔وہ تعجب سے نعمان کی جانب دیکھنے لگی۔۔۔

”کیا ہوا ؟؟۔۔۔ایسے کیوں دیکھ رہی ہو بچی ؟؟؟۔۔۔جاٶ ۔۔۔اپنے کمرے میں جاکر آرام کرلو“نعمان نے اسکی آنکھوں کے الجھے پن کو پڑھ لینے کے باوجود مکمل اگنور کرتے ہوۓ کہا۔۔۔

جس پر وہ ناچاہتے ہوۓ بھی عبدالمنان کو اکیلا اس کے پاس چھوڑ کر اپنے کمرے کی جانب بڑھ گٸی۔۔۔

”یہ آج ۔۔۔۔نعمان اتنا بدلا بدلا سہ کیوں تھا ؟؟؟۔۔۔۔اور مجھ سے اتنے سخت لہجے میں کیوں بات کررہا تھا۔۔۔؟؟؟۔۔۔۔ہوسکتا ہے شاید پریشان ہو ۔۔۔مانی کی اچانک طبیعت خراب ہونے کے سبب سارا کام اسی پر آن پڑا ہے۔۔۔۔۔“شازمہ ابھی انہی سوچوں میں الجھی ہوٸی اپنے کمرے کا لاگ کھول ہی رہی تھی ۔۔۔

”بچی۔۔۔۔“ کسی کے پکارنے کی آواز اس کے کانوں کی سماعت سے ٹکرائی۔۔۔۔وہ سر گھما کر اس شخص کی جانب متوجہ ہوٸی ۔۔۔جو اسے پکار رہا تھا۔۔۔۔

”تم ؟؟۔۔۔تم یہاں کیسے ؟؟“نعمان مسکراتا ہوا اس کے پاس آکر کھڑا ہوا تو شازمہ حیرت سے پوچھنے لگی۔۔۔

کیونکے ابھی کچھ لمحے قبل ہی وہ نعمان کو عبدالمنان کے پاس چھوڑ کر آٸی تھی۔۔۔۔

اور اب نعمان بلکل برعکس سمت سے۔۔۔۔ اس کے سامنے سیڑھیوں سے چڑھتا ہوا اوپر آیا تھا۔۔۔۔۔

”تم مجھے ایسے کیوں دیکھ رہی ہو۔۔ جیسے تم نے کوئی بھوت دیکھ لیا ہو۔۔۔“وہ مضحکہ انداز میں گویا ہوا۔۔۔

”وہ مہک “شازمہ نے اگلے ہی لمحے اس کے پرفیوم کی خوشبو کو ۔۔۔۔۔کمرے میں موجود نعمان کی مہک سے مختلف محسوس کیا۔۔۔۔

”کون سی مہک ؟؟۔۔۔۔“نعمان ناسمجھی سے پوچھنے لگا۔۔۔۔

”تم ابھی عبدالمنان کے کمرے میں آۓ تھے ناں ۔۔تم نے مجھ سے کہا کے تم اس کے ساتھ۔۔۔۔“وہ ابھی بوکھلا کر تیز تیز بول ہی رہی تھی کے نعمان بیچ میں بات کاٹتے ہوئے

”کیا بول رہی ہو ؟؟۔۔۔میں تو صبح سے امریکہ سے جو ٹیم آٸی ہے ۔۔۔ان کے ساتھ ہوں۔۔۔۔“

نعمان کے کہتے ہی شازمہ کا سر چکرا گیا تھا۔۔۔۔ خوف کی سرد لہر اسکے پورے جسم میں دوڑ گئی ۔۔۔۔

اسے سمجھ نہیں آرہا تھا یہ کیسے ممکن ہے کے نعمان کمرے میں صبح سے آیا ہی نہیں۔۔۔۔

”پھر ۔۔۔“شازمہ کے الفاظ مارے خوف کے منہ میں ہی پھنس گٸے تھے۔۔۔۔۔اس کے چہرے کا رنگ سفید پڑھ گیا تھا۔۔۔۔۔

”مانی۔۔۔مانی “سب سے پہلے اس کا ذہن عبدالمنان پر گیا تھا ۔۔۔کیونکے وہ نعمان کے ساتھ ۔۔۔۔اسے اکیلا چھوڑ آٸی تھی۔۔۔۔

”کہاں بھاگے جارہی ہو؟؟۔۔۔کیا ہوا ہے ؟؟“نعمان کچھ نہ سمجھ آنے والے انداز میں اسے بھاگتا ہوا جاتے دیکھنے لگا۔۔۔

وہیں دوسری طرف۔۔۔۔

”سوری۔۔۔۔۔مجھے نہیں پتا تھا کے تمھیں اتنی بری طرح چوٹ لگ جاۓ گی۔۔۔۔میں مارنا نہیں چاہتی تھی۔۔۔وہ تو تم مجھے چھوڑ نہیں رہے تھے۔۔۔۔تو میں کیا کرتی۔۔۔۔“شازمہ کے کمرے سے نیکلتے ہی وہ اپنے اصل روپ میں آگٸی تھی۔۔۔۔اس کے حسین ہونٹوں کو جمبش ہوٸی تو جملے کچھ یوں ترتیب پاۓ۔۔۔۔۔

وہ رنجیدہ لہجے میں عبدالمنان کی ماتھے پر بندھی ہوئی پٹی کو چھوتے ہوۓ شرمسار لہجے میں گویا ہوٸی۔۔۔۔

عبدالمنان کا شفاف و پاکیزہ دل کے ساتھ گلے آ لگنا ۔۔۔۔

اس حسین و جمیل لڑکی کو ایک انوکھے جادوٸی سحر میں قید کر گیا تھا۔۔۔۔

”سوری۔۔۔“

”اٹس۔۔۔او۔کے“اس کی آنکھیں پھٹی کی پھٹی رہ گٸیں تھیں ۔۔۔عبدالمنان کو اس کا ماتھے پر رکھا ہوا ہاتھ پکڑ کر۔۔۔۔ مسکراتے ہوۓ بولتا دیکھ۔۔۔۔

”تم ۔۔۔تم جاگ رہے تھے ؟؟“وہ حسین و جمیل لڑکی مارے حیرت کے پوچھ اٹھی۔۔۔۔جس پر عبدالمنان مسکراتے ہوۓ اٹھ کر بیٹھا تھا۔۔۔

”ہاں۔۔۔۔تم معافی مانگ رہی تھیں تو آنکھ کھل گٸی۔۔۔۔“

عبدالمنان کے کہتے ہی اس نے اپنا ہاتھ چھڑانا چاہا۔۔۔۔

”کون ہو تم ؟؟؟؟۔۔۔۔“عبدالمنان اس کے نازک ہاتھ کو مضبوطی سے گرفت میں لٸے ابرو اچکاکر استفسار کررہا تھا۔۔۔

”میں زرمین ہوں۔۔“۔۔۔۔مانو اپنا تعرف دیتے ہوۓ اس کی آنکھوں میں جلال اتر آیا تھا۔۔۔۔ایک ایک لفظ کافی جماٶ سے ادا کیا تھا اس نے۔۔۔۔۔

”ووو۔۔۔۔۔تو تمھارا نام زرمین ہے۔۔۔لیکن اس دن اچانک سے غاٸب کیسے ہوگٸیں تھیں تم ؟؟“

”ہاتھ چھوڑو میرا “عبدالمنان کے ہاتھ پکڑتے ہی اسنے کھا جانے والی نگاہ سے گھور کر کہا۔۔۔

”غصہ کیوں ہو رہی ہو مجھ ننھی سی جان پر؟؟؟۔۔۔ایسے مت دیکھو ۔۔۔میں ڈر جاتا ہوں“عبدالمنان نے فورا ہی اس کا ہاتھ چھوڑ کر معصومانہ چہرہ بناکر۔۔۔۔ اسے ٹوکتے ہوۓ کہا۔۔۔۔

”اب کہاں چلیں ۔۔۔میرے کسی ایک سوال کا ہی جواب دے دو۔۔۔اچھا یہ ہی بتا دو ۔۔۔سوری کیوں بول رہی تھیں۔۔۔۔ہیلو۔۔۔۔زرمین ۔۔۔“عبدالمنان اس حسین پہیلی میں مزید الجھ کر رہ گیا ۔۔۔۔وہ بنا کسی سوال کا جواب دیٸے وہاں سے چلی گٸی تھی۔۔۔۔

”مانی “شازمہ بھاگتی ہوٸی کمرے میں آٸی۔۔۔

”کیا ہوا؟؟؟“اسے بھاگتا ہوا اپنے پاس آتا دیکھ عبدالمنان ابرو اچکا کر استفسار کرنے لگا۔۔۔شازمہ کی آنکھیں ہراسا تھیں۔۔۔

”تم ٹھیک ہو ناں ؟؟؟“شازمہ کا فکر سے چور لہجہ میں استفسار اوپر سے آنکھوں میں جھلکتی ہوٸی محبت ۔۔۔۔۔

عبدالمنان کے چہرے پر مسکراہٹ لے آٸی تھی ۔۔۔۔

”کہا تھا ناں۔۔۔۔یہ دل بڑی کُتی چیز ہے۔۔۔“وہ اکڑ کر دونوں ہاتھ فولٹ کر ۔۔۔۔۔بےنیاز انداز میں گویا ہوا۔۔۔۔

”بکواس بند کرٶ۔۔۔۔میں جو پوچھ رہی ہوں اس کا جواب دو “وہ سرد لہجے میں فکرمند ہوکر گویا تھی۔۔۔اس کی روشن پیشانی عرق آلود تھی۔۔۔۔سانسیں بھی کافی تیز چل رہی تھیں۔۔۔۔

عبدالمنان اس کی بےتابی و اضطراب سے خوب محظوظ ہورہا تھا۔۔۔۔

”مسکرا کیوں رہے ہو؟؟؟۔۔۔کچھ تو بولو“وہ اپنے کانوں سے سنا چاہتی تھی کے وہ ٹھیک ہے۔۔۔پر عبدالمنان اس کے چہرے کے رنگ اپنی فکر میں اڑے دیکھ دل ہی دل خوش ہورہا تھا۔۔۔

”مجھ پر ترس کھا رہی ہو ؟؟“وہ بڑا خوش تھا اسے اپنی پرواہ میں گھلتا ہوا دیکھ۔۔۔پر اگلے ہی لمحے دل میں خیال آیا کہیں وہ بھی سب کی طرح ترس تو نہیں کھا رہی۔۔۔

بس اس خیال کا دل میں آنا تھا ۔۔۔۔چہرے کی مسکراہٹ سنجیدگی میں بدل گٸی ۔۔۔۔

”میں تم سے کیا پوچھ رہی ہوں ؟؟؟ پہلے میرے سوال کا جواب دو“وہ جھنجھلاکر بولی ۔۔۔۔

”نہیں ۔۔۔پہلے میرے سوال کا جواب دو۔۔۔۔کیا یہ فکر بھیگ میں دے رہی ہو “وہ اچانک بیڈ سے کھڑا ہوکر اس کا بازو اپنی گرفت میں لے کر جھنجھوڑتے ہوۓ استفسار کرنے لگا۔۔۔۔

اس کا لہجہ برف کی طرح ٹھنڈا تھا۔۔۔۔

وہ اپنے جواب کا ےصبری سے منتظر تھا۔۔۔

”کبھی کبھار مجھے سمجھ نہیں آتی تمھاری ۔۔۔فلحال لگتا ہے تم ٹھیک ہو ۔۔۔“اُس کا بازو پکڑ کر جھنجھوڑنا شازمہ کو طیش دلا گیا تھا۔۔۔وہ اپنا بازو چھڑانے کی کوشش کرنے لگی۔۔۔۔۔۔

”اووو۔۔۔۔تو اب یہ وقت آگیا ہے عبدالمنان تجھ پر ۔۔۔کے بچی بھی تجھ پر ترس کھا رہی ہے “اس نے بازو پر پکڑ ڈھیلی چھوڑ کر ۔۔۔۔خود سے بلند آواز میں ہمکلام ہوکر حقارت بھرے لہجے میں کہا۔۔۔اس کی آنکھیں شعلہ بار تھیں۔۔۔۔

”تم کیا بولے جارہے ہو ؟؟؟۔۔۔مجھے کچھ سمجھ نہیں آرہا ۔۔۔“شازمہ سمجھنے سے قاصر تھی کے آخر وہ کیا کہنا چاہ رہا ہے۔۔۔۔

”جاٶ یہاں سے ۔۔۔“اس نے باآواز بلند سخت لہجے میں کہا۔۔۔

”مانی“۔۔۔۔یہ پہلی بار تھا۔۔جو وہ شازمہ سے اتنی بدتمیزی سے بات کررہا تھا۔۔۔شازمہ کو انتہاٸی تذلیل محسوس ہوٸی ۔۔۔ننھہ سہ تو دل تھا اس بھولی سی لڑکی کا۔۔۔۔

عبدالمنان کے چیخنے کے سبب آنکھ اور دل دونوں بھر آۓ۔۔۔

”سوری سر۔۔۔۔میں بھول گٸی تھی کے آپ کی ملازمہ ہوں۔۔۔۔۔مجھے آپ سے سوال کرنے کا کوٸی حق نہیں۔۔۔۔چاہے پھر میں صرف طبیعت ہی کیوں ناں معلوم کررہی ہوں ۔۔۔۔۔سوری ۔۔۔“کوشش تو پوری تھی کے اس سنگ دل کے سامنے نہ روۓ۔۔۔۔۔۔۔پر کمبخت آنسوں نہ مانے۔۔۔۔ناجانے کیوں اسی کے سامنے ہی جھر جھر بہ کر زمین بوس ہونے لگے۔۔۔۔۔

اس کا طنزیہ ہی صحیح۔۔۔پر خود کو ملازمہ کہنا عبدالمنان کے دل کو نشتر کی طرح چبا تھا۔۔۔۔

”سوری بچی۔۔۔۔“اس کے آنسوں سارا غصہ بہا لے گٸے تھے۔۔۔۔۔اپنا سر جھٹک کر ۔۔۔تیزی سے اس کے پیچھے چلتا ہوا آیا ۔۔۔۔

ہاتھ تھامنا چاہتا تھا پر یہ سوچ کر ہمت نہ کی۔۔۔۔۔کے کہیں وہ مزید بھپر نہ اٹھے۔۔۔۔

”آپ کیوں سوری کر رہے ہیں سر ؟؟“وہ انجان بن کر ۔۔۔۔طنزیہ مسکراہٹ لبوں پر سجاۓ استفسار کرنے لگی۔۔۔۔

”کیونکے ۔۔۔۔۔میں شرمندہ ہوں۔۔۔۔اور پلیز آٸیندہ خود کو ملازمہ مت کہنا “وہ حیران تھی اس کے لمحہ لمحہ بدلتے ہوۓ رویے کو دیکھ۔۔۔

پہلے مسکرانا ۔۔۔۔پھر غصہ کرنا۔۔۔۔اور اب شرمساری کے ساتھ نظریں جھکا کر کھڑے ہونا۔۔۔۔۔

”تکليف اس بات کی نہیں کے میں ملازمہ ہوں۔۔۔۔تکليف اس بات کی ہے عبدالمنان۔۔۔۔کے تم نے میری سخصیت کو حقارت سے دیکھا۔۔۔۔مجھے کمتر گمان کیا ۔۔مجھ پر چیخے ۔۔۔۔“وہ اپنے آنسو ہاتھوں سے پونچھتے ہوۓ روہانسہ آواز میں گویا ہوٸی۔۔۔۔۔

”بچی ایسا کچھ نہیں ہے۔۔میں تو صرف اس لٸے غصہ ہوا کیونکے تم میرے سوال کا جواب نہیں دے رہی تھیں۔۔۔۔۔“وہ سمجھانے والے انداز میں کہنے لگا۔۔۔۔

”پلیز مانی۔۔۔اب بات بنانے کی کوشش نہ کرٶ ۔۔۔“وہ قطعی انداز میں سر ہلاتے ہوۓ ۔۔۔۔

”میں بات نہیں بنا رہا۔۔۔میں صرف ہماری بیچ کی غلط فہمی کلیئر کرنا چاہتا ہوں۔۔۔۔۔“عبدالمنان کا سنجیدگی سے کہنا اسے مجبور کر رہا تھا کے وہ اپنی ناراضگی کو ختم کرۓ۔۔۔۔

”او۔کے۔۔۔۔اگر آپ کی ساری باتیں کلیئر ہو گٸیں ۔۔۔۔تو میں جاٶں “وہ سرد مہری سے کہتی ہوٸی دروازہ کھولنے لگی۔۔۔

”سنو ۔۔۔“

”اب کیا ہے ؟؟؟“شازمہ پلٹ کر بےزاری سے پوچھنے لگی۔۔۔۔

”شکریہ “وہ نیچے کے ہونٹوں کو دانتوں میں دباتے ہوۓ ۔۔آہستگی سے گویا ہوا۔۔۔

”ضرورت نہیں۔۔۔۔تمھاری بے۔بی سیٹر ہوں میں۔۔۔“وہ سرسری سہ اس پر نظر ڈال کر کہنے لگی۔۔۔۔۔۔۔۔

”کیا ساری بے۔بی سیٹرز اتنی ہی جان چھڑکتی ۔۔۔۔اور پرواہ ظاہر کرتی ہیں ۔۔۔۔۔جتنا تم کرتی ہو؟؟؟“عبدالمنان اس کے چہرے کے مقابل جھک کر آنکھوں میں جھانکتے ہوۓ۔۔۔۔ معصومانہ سوال کرنے لگا۔۔۔

”مجھے نہیں پتا۔۔۔۔پر۔۔۔م۔۔۔میں ا۔۔۔اپنا ۔۔۔کا۔۔۔کام پوری ایمانداری سے کرتی ہوں“اس کا نزدیک آکر آنکھوں میں جھانک کر سوال کرنا ۔۔۔۔شازمہ کو نروس کرگیا تھا۔۔۔وہ جھمے جھمے انداز میں نظریں چورا کر جواب دینے لگی۔۔۔۔اس کی زبان کی لڑکھڑاہٹ عبدالمنان کے چہرے پر پُراسرار مسکراہٹ بکھیر رہی تھی۔۔۔۔۔

”ٹھیک ہے۔۔۔۔برا نہ مانو تو پانی پیلادو گی۔۔۔۔ پیاری بے۔بی سیٹر جی۔۔۔۔۔۔۔۔وہ کیا ہے ناں تم سے لڑ لڑ کر میرا گلا خشک ہوگیا ہے۔۔۔۔۔“وہ اپنے گلے پر ہاتھ رکھ مسکراتے ہوۓ بولا۔۔۔۔۔

رونے کے سبب آنکھوں میں سرخی نمایا تھی۔۔۔۔۔چہرہ نہایت بھولہ سہ۔۔۔۔دوپٹہ تمیز سے سر پر اوڑھے ہوۓ۔۔۔۔۔لاٸٹ گرین رنگ کے سوٹ میں۔۔۔۔۔۔۔وہ کوٸی حور معلوم ہورہی تھی۔۔۔۔عبدالمنان کی نگاہیں اس کے وجود کا طواف کررہی تھیں۔۔۔

”یہ لو۔۔۔۔“اس نے پانی کا گلاس عبدالمنان کی جانب بڑھاتے ہوۓ مدھم آواز میں کہا۔۔۔۔۔

”ویسے مانی ۔۔۔مجھے تمھیں کچھ بتانا تھا “اس کا غصہ اب کافی ٹھنڈا ہوگیا تھا۔۔۔۔۔اور اس بات کا ثبوت اس کا دیھما لہجہ تھا۔۔۔۔

”بتاٶ ۔۔“شازمہ کے چہرے پر خوف عیاں تھا۔۔۔۔اس نے اپنے ساتھ ہونے والا پورا واقعہ عبدالمنان کو جوں کا توں بیان کر دیا۔۔۔۔جسے سن کر بجاۓ سنجیدہ ہونے کے اس نے ہنسنا شروع کردیا۔۔۔۔

”میں سچ کہ رہی ہوں ۔۔۔“شازمہ خاصہ زور دیتے ہوۓ گویا ہوٸی۔۔۔۔

”ڈارلنگ تمھیں وہم ہوگیا ہے۔۔۔اور کچھ نہیں ہے۔۔۔۔بھلا ایک ہی شخص دو جگہ کیسے ہوسکتا ہے۔۔۔۔“عبدالمنان نے اس کی بات پر ذرا سہ بھی یقین نہ کیا۔۔۔۔۔

اس کی جگہ کوٸی اور ہوتا تو یقیناً وہ بھی نہ کرتا۔۔۔۔

”مانی ۔۔۔اس نے مجھے کمرے سے نیکالا تھا۔۔۔۔وہ باقاعدہ یہاں آکر کھڑا ہوا تھا۔۔۔۔میں نے اس سے بات کی ہے۔۔۔۔اتنا سب کچھ وہم نہیں ہوسکتا “شازمہ بےترتیب جملے ادا کررہی تھی ۔۔۔۔وہ اپنی بات پر یقین دلانے پر تلی تھی کے اس نے دو نعمان دیکھیں ہیں۔۔۔۔

”اچھا بابا ۔۔۔۔میں اگر تمھاری بات مان بھی لوں۔۔۔۔تو کیا لوجک نکلتا ہے ؟؟؟۔۔۔۔۔ اگر اس نے تمہیں کمرے سے باہر نکالا ۔۔۔تو پھر اس نے مجھے کچھ کیا کیوں نہیں؟؟؟۔۔۔۔۔۔میں تو بلکل ٹھیک ہوں۔۔۔بلکے جب میری آنکھ کھلی ۔۔۔تو زرمین میرے کمرے میں تھی۔۔۔نعمان نہیں۔۔۔۔“اس کے کہتے ہی شازمہ کے کان کھڑے ہوگٸے تھے۔۔۔۔

”کیا ؟؟؟۔۔۔۔زرمین ؟؟۔۔۔۔۔وہ۔۔۔وہ رو۔۔۔روح ت۔۔۔۔تمھارے پ۔۔۔پاس آٸی تھی ؟؟“شازمہ کا پورا جسم خوف و دہشت سے لرزنے لگا۔۔۔۔وہ حواس وطاقت مجتمع کرکے پوچھنے لگی۔۔۔۔

”کتنی بار کہوں ۔۔۔روحیں عالَم برزخ میں ہوتی ہیں ۔۔۔۔“عبدالمنان جھنجھلاکر بولا۔۔۔

”اگر روحیں عالَم برزخ میں ہوتی ہیں تو زرمین تمھارے پاس نعمان کی شکل میں کیسے آٸی ؟؟“وہ لرزتی ہوٸی آواز میں سوال کرنے لگی۔۔۔۔

” اففف۔۔۔۔۔۔۔یا میرے خدا۔۔۔۔کیا ہوگا ان مسلمانوں کا۔۔۔۔۔جن بیچاروں کو اپنے عقائد کا بھی نہیں پتا۔۔۔۔اللہ کی بندی۔۔۔۔یہ روحوں اور پریت آتماوں کا تصور غیر مسلموں سے ہم تک پہنچا ہے۔۔۔۔میری دادی کہتی تھیں۔۔پوری دنیا دو عقیدوں میں بٹی ہے۔۔۔۔ایک مسلم۔۔۔۔ایک غیرمسلم۔۔۔ ۔۔ہم مسلمان بہت بہادر ہیں ۔۔۔۔خوف تو مانو ہمیں چھو کر بھی نہ گزرا ہو۔۔۔۔۔یہ غیر مسلم ہمارا مقابلہ نہیں کرسکتے تھے ۔۔۔۔۔کیونکے یہ بہت ڈرپوک ہوتے ہیں۔۔۔۔۔

مسلمانوں کے بہادر ہونے نے ان غیر مسلموں کو یہ خوف لاحق کردیا کے کہیں یہ مسلمان ایک ہوکر پوری دنیا پر قابض نہ آجاٸیں۔۔۔۔۔تو انھوں نے ایک پلین بنایا۔۔۔۔مسلمانوں کی نئی آنے والی جنریشن میں خوف پھیلانے کا۔۔۔۔۔اس کے لٸے انہوں نے یہ من گھڑت فلمیں اور ڈرامے بنانا شروع کٸے۔۔۔۔۔خوف کے ساتھ ساتھ وہ غلط عقائد بھی سپلائے کرنے لگے۔۔۔۔جیسے روحوں کا آنا۔۔۔۔اپنے خون کے بدلے لینا۔۔۔۔۔لوگوں کے جسموں میں گھس جانا۔۔۔۔۔کسی کی جان لے لینا۔۔۔۔۔۔شکلیں بدلنا۔۔۔۔۔۔۔۔

جبکے ہم مسلمانوں کا عقیدہ ہے روحیں کسی دوسرے کے بدن میں نہیں گھس سکتیں۔۔۔۔۔خواہ وہ آدمی کا بدن ہو یا کسی جانور کا۔۔۔۔“

”چلو میں تمھاری بات مان لیتی ہوں ۔۔۔۔کے روحیں عالَم برزخ میں ہیں ۔۔۔۔پھر وہ زرمین الگ الگ روپوں میں کیسے آرہی ہے ؟؟“شازمہ ابھی بھی الجھی ہوٸی تھی۔۔۔۔اسے یقین تھا کے جیسے اس نے نعمان کے روپ میں دیکھا ہے وہ زرمین ہی ہے ۔۔۔۔۔

”ویسے تو وہ لڑکی ہے۔۔۔۔۔۔چلو فرض کرٶ۔۔۔۔۔ اگر میں تمھاری بات پر یقین کر کے یہ مان لوں کے وہ روپ بدلتی ہے۔۔۔۔تو ہوسکتا ہے وہ کوٸی جنی ہو ۔۔۔۔“

”جنی ؟؟۔۔۔۔“وہ تعجب سے

”ہاں۔۔۔۔۔۔جنی۔۔۔۔۔۔یہ جن آگ سے پیدا کٸے گٸے ہیں ۔۔۔۔ ان میں بھی بعض کو یہ طاقت دی گئی ہے کہ جو شکل چاہیں بن جاٸیں۔۔۔۔۔ ان کی عمر بھی بہت طویل ہوتی ہیں۔۔۔۔ یہ ہم انسانوں کی طرح ذی عقل اور ارواح و اجسام والے ہوتے ہیں۔۔۔۔“شازمہ اس کی بات سن گھمبیر لہجے میں سوچتے ہوئے۔۔۔۔۔

”تو اس کا مطلب وہ جنی ہے۔۔۔۔“شازمہ کے پُراعتماد لہجے میں کہتے ہی ۔۔۔

”جی نہیں۔۔۔۔وہ کوٸی جنی نہیں ہے۔۔۔۔۔وہ ایک نارمل لڑکی ہے۔۔۔۔تمھاری طرح۔۔۔۔بس خوبصورت بہت ہے ۔۔۔پریوں جیسی “عبدالمنان کا شوخی سے کہنا تھا کے شازمہ نے فورا اس کے کندھے پر دھپ لگاٸی تھی۔۔۔۔

”ٹھرکی۔۔۔“وہ منہ چڑھاتے ہوۓ۔۔۔

”کیا؟؟؟۔۔۔۔ٹھرکی ؟؟۔۔۔حد ہوگٸی یہ تو۔۔۔۔مجھ جیسے شریف لڑکے پر یہ تہمت لگاتے ہوۓ تمھیں شرم آنی چاہیے۔۔۔۔۔ “وہ دنیا جہاں کی مظلومیت خود پر طاری کرتے ہوئے دہاٸی دینے لگا۔۔۔۔

”بس رہنے دو۔۔۔۔تم اور شریف۔۔۔۔کیوں ہم شریفوں کی بےعزتی کر رہے ہو۔۔۔۔“شازمہ نے فورا ہی جوابی کاروائی کی تھی منہ بسورتے ہوئے۔۔۔۔

”ہاۓ۔۔۔ایک تم شریف۔۔۔ایک میں شریف۔۔۔۔کیوں ناں شریفوں کی قوم کو کچھ آگے بڑھایا جاۓ“وہ شرارت سے کہتا ہوا شازمہ کے قریب ہوا ۔۔۔۔

وہ اس کی شریر سرگوشی پر ۔۔۔۔بدک کر چار قدم پیچھے ہوٸی۔۔۔۔

”مانی سدھر جاٶ تم ۔۔۔فلرٹ کرنا بند کرٶ۔۔۔۔میں پٹنے والی نہیں ہوں۔۔۔“اس نے چھوٹی آنکھیں کرتے ہوۓ بھرم سے کہا ۔۔۔تو عبدالمنان مسکراتے ہوۓ۔۔۔۔

”ابھی عبدالمنان پر اتنا برا وقت بھی نہیں آیا۔۔۔۔کے تم جیسی بچی کو پٹاۓ۔۔البتہ اگر ڈارلنگ تمھاری خواہش ہے مجھ ۔۔۔۔“ابھی وہ شرارت بھری نگاہوں سے کہتا ہوا اس کے قریب قدم بڑھا ہی رہا تھا ۔۔۔۔کے شازمہ بیچ میں بول پڑی۔۔۔۔

”دل کُتی چیز ہے یا نہیں ۔۔۔۔میں نہیں جانتی ۔۔۔۔پر یہ بات میں دعوے سے کہ سکتی ہوں۔۔۔تم نہایت ہی کمینی اور بےشرم چیز ہو۔۔۔“ وہ دانت پیستے ہوۓ ۔۔

”۔۔۔۔بس جی ۔۔۔۔یہ تو نوازش ہے آپ کی۔۔۔۔آپ کی حُسنِ نگاہ کا کمال ہے سارا۔۔۔۔۔جو اس نیک صفت انسان کو کمینا بنا رکھا ہے۔۔۔۔“عبدالمنان شوخی سے ایک آنکھ دبا کر گویا ہوا۔۔۔جس پر وہ دانت کچکچاتے ہوۓ۔۔۔۔

”بڑے ہی بےشرم ہو مانی تم۔۔۔قسم سے “وہ کہ کر منہ چڑھاکر جانے لگی۔۔۔۔

وہ اسے جاتا ہوا دیکھ مسکرا کر۔۔

”زرمین تم یہاں؟؟“بس یہ جملا شازمہ کے کان کی سماعت سے ٹکرانا تھا ۔۔۔اسے گمان ہوا ۔۔۔۔اس کا سینہ مارے خوف کے شق ہوجاۓ گا۔۔۔اور ننھا سہ دل باہر نکل آۓ گا۔۔۔۔

وہ بےحواسی کے عالَم میں ۔۔۔۔بھاگتی ہوٸی عبدالمنان کے پیچھے آکر اس کا بازو دونوں ہاتھوں سے مضبوطی سے پکڑ خوف و دہشت کے مارے آنکھیں میچ کر ”مانی مجھے بچاٶ۔۔پلیز بچاٶ۔۔۔۔۔۔۔پلیز“بلک کر کہنے لگی۔۔۔۔

عبدالمنان کا بےساختہ قہقہہ بلند ہوا تھا۔۔۔۔

”تم ۔۔۔۔تم نے میری جان نیکال دی تھی۔۔۔میں تمھیں چھوڑوں گی نہیں“شازمہ نے یہ کہ کر تکیہ اٹھاکر جیسے ہی حملہ کرنا چاہا۔۔۔

”ارے ارے۔۔۔۔کچھ تو خیال کرٶ ظالم حسینہ ۔۔۔میرے لگی ہوٸی ہے پہلے سے ہی “عبدالمنان مظلوم سہ چہرہ بناکر تکیہ اس کے ہاتھ سے چھینے کی مسلسل کوشش کرتے ہوۓ گویا ہوا۔۔۔۔

دونوں کی لڑاٸی جاری تھی کے سیل کی بیل رنگ ہوٸی۔۔۔۔

”بوڑھے بابا۔۔۔۔او۔۔۔نووو۔۔۔۔یہ تو بہت پکانے والے ہیں ۔۔“وہ سیل پر شہاب صاحب کی تصویر دیکھ بےزاری سے گویا ہوا۔۔۔

”ایک منٹ ۔۔۔کیا تم نے کل ہونے والا واقعہ انہیں بتایا ہے؟؟؟“عبدالمنان غرا کر شازمہ کو دیکھ سوال کررہا تھا۔۔۔

اس کے جواب میں۔۔۔۔

شازمہ نے اپنی آنکھیں زور سے میچیں تھیں۔۔۔۔

”وہ میں ڈر گٸی تھی۔۔۔اس لٸے “شازمہ نے اپنا دوپٹہ لبوں سے لگاکر ۔۔۔دبی دبی آواز میں جواب دیا۔۔۔۔۔

اس لمحے شازمہ کے بھولے چہرے کا بھی عبدالمنان پر کوٸی اثر نہ تھا۔۔۔اس نے دانت پیستے ہوۓ کال ریسیو کی۔۔۔۔

” ہم معذرت خواہ ہیں آپ کا ملایا ہوا نمبر اس وقت مصروف ہے۔۔۔۔۔ برائے مہربانی کچھ دیر بعد کوشش کریں۔۔۔۔شکریہ“عبدالمنان کال آپریٹر کے انداز میں کہ کر ابھی کال کاٹنے ہی لگا تھا۔۔۔

”عبدالمنان “شہاب صاحب نے سخت لہجے میں اس کا نام لیا۔۔۔تو وہ زبان دانتوں میں دباکر۔۔۔

”بوڑھے بابا۔۔۔۔۔عبدالمنان معذرت خواہ ہے۔۔۔۔آپ کا ملایا ہوا نمبر اس وقت شازمہ کی کلاس لینے میں مصروف ہے۔۔۔۔براۓ مہربانی ہوسکے تو پھر کبھی کال نہ کریں۔۔۔۔شکریہ“اس نے آپریٹر کی طرح لب ولہجہ بناکر جب یہ جملے آنکھیں ٹم ٹماتے ہوۓ ادا کٸے تو بدلے میں شہاب صاحب نے نہایت ہی خوبصورت و دلکش القابات سے نوازنا شروع کردیا۔۔۔جیسے سن کر وہ اعلی ڈھٹاٸی کا مظاہرہ کرتے ہوۓ مسلسل مسکرا رہا تھا۔۔۔۔

”میری بات کان کھول کر سنو۔۔۔۔تم ابھی کے ابھی گھر آٶ۔۔۔۔اور کل کی میٹنگ میں تم میرے ساتھ آفس جاٶ گے۔۔۔“ان کی بات سن۔۔۔۔۔۔عبدالمنان کے ماتھے پر چند بل نمودار ہوگئے تھے

شہاب صاحب نے ریش انداز میں کہ کر کال کاٹ دی تھی۔۔۔

”شکر کرٶ ۔۔۔۔قتل حرام ہے۔۔۔۔ورنہ آج میرے ہاتھوں تمھارا ہونا تھا “ وہ پیچ و تاب کھاتے ہوئے شازمہ کو دیکھ گویا ہوا۔۔۔۔۔

جس پر شازمہ بھولہ سہ چہرہ بناکر سوری سوری کرتے ہوۓ۔۔۔۔ تیزی سے باہر کی جانب دوڑ گٸی۔۔۔۔۔۔۔

****—-*****

”چھوڑو مجھے ۔۔۔یہ کیا کر رہے ہو۔۔۔۔ارے تھوڑا میری عزت کا ہی خیال کر لو۔۔۔۔آخر اتنی بڑی سوپر ہٹ ہونے والی فلم کا ڈائریکٹر اور راٸٹر ہوں میں۔۔۔“عبدالمنان کی چیخوں سے پوری حویلی گونج رہی تھی۔۔۔۔

پر شہاب صاحب کے بھیجے ہوۓ گارڈ پر اس کی کسی بھی بات کا کوٸی اثر نہ تھا۔۔۔۔وہ بوری کی طرح اسے آج پھر اپنے کندھے پر ٹنگاۓ سیڑھیوں سے نیچے تیزی سے اتر رہا تھا۔۔۔۔

”ابے سالے ۔۔۔۔دیکھ لی تیری دوستی ۔۔۔۔۔۔یہ نہیں کے بچانے کی ایک کوشش ہی کرلے۔۔۔۔“نعمان بھی سب کی طرح کھڑے ہوکر آنکھیں پھاڑ پھأڑ کر یہ منظر دیکھ رہا تھا۔۔۔۔

”ابے ۔۔ایک ہوتا تو کوشش کر بھی لیتا۔۔۔۔تجھے لینے تو پوری بارات آٸی ہے۔۔۔۔“نعمان نے بیچارگی والا چہرہ بناکر۔۔۔۔ بغیر جنگ میں شرکت کٸیے ہی۔۔۔دشمنوں کے سامنے ہتھیار ڈال دیے تھے۔۔۔۔۔

”اپے ۔۔۔۔۔بزدل۔۔۔۔تھوڑی تو ہمت دیکھا۔۔۔۔آخر بچپن کا دوست ہوں تیرا“عبدالمنان نے جاتے جاتے اس کی غیرت کو جگانے کی مکمل کوشش کی تھی۔۔۔۔

”سوری بھاٸی صاحب میں آپ کو نہیں جانتا“نعمان بجاۓ اسے بچانے کے۔۔۔۔۔ الٹا پہچاننے سے بھی انکار کر رہا تھا۔۔۔۔۔

”آآہ۔۔۔۔۔“عبدالمنان کو کندھے پر ٹنگاۓ ابھی وہ دروازے سے باہر نیکلا ہی تھا کے ایک زور دار ڈنڈا کسی نے اس کے سر پر کھینچ مارا تھا۔۔۔۔

اگلے لمحے وہ سر پکڑے۔۔۔۔اور عبدالمنان زمین بوس پڑا تھا۔۔۔۔

”ہاۓ ظالم ۔۔۔بچے کی کمر توڑ ڈالی“عبدالمنان اپنی کمر سہلاتے ہوۓ دوہاٸی دینے لگا۔۔۔۔۔۔۔

”بچوں کی طرح بعد میں رو لینا۔۔۔۔ابھی بھاگو“شازمہ تیزی سے ڈنڈا پھینک کر اسے اٹھانے آٸی۔۔۔۔

”واہ بچی۔۔۔۔آج تو دل جیت لیا“عبدالمنان کو ذرا بھی توقع نہ تھی کے شازمہ جیسی نازک صفت لڑکی اس کی خاطر ایک لمبے چوڑے پہلوانی جسمانیت رکھنے والے گارڈ سے پنگا لے سکتی ہے۔۔۔۔

”تم ویسے بھی دل پھینک عاشق ہو۔۔۔۔اب تیز بھاگو۔۔۔۔اس سے پہلے تمھارے سارے باراتی اندر آٸیں ۔۔۔“شازمہ اس کا ہاتھ خود تھام کر اسے تیزی سے بھاگتے ہوۓ حویلی کے پیچھے کی سائٹ لے گئی تھی۔۔۔۔۔

”یہاں تو راستہ ختم ہوگیا۔۔۔۔۔اب کیا کریں؟؟۔۔۔۔۔سب تمھاری غلطی ہے ۔۔۔۔کیا ضرورت تھی پیچھے کے دروازے پر تالا لگانے کی “شازمہ سر پکڑ۔۔۔۔۔۔ گھوری سے نوازتے ہوۓ بولی۔۔۔۔۔

”چلو“۔۔۔۔۔پہلے اس نے تھاما تھا ۔۔۔۔اب عبدالمنان نے مضبوطی سے ہاتھ پکڑ کر درخت کی جانب کھینچا۔۔۔۔

”کیا کررہے ہو؟؟؟۔۔۔۔“وہ الجھ کر پوچھنے لگی۔۔۔۔

”نظر نہیں آتا؟؟۔۔۔۔۔درخت پر چڑھ رہا ہوں۔۔۔۔۔یہاں سے باہر جانے کا یہی ایک راستہ ہے۔۔۔۔۔اب چلو“وہ تیزی سے بولا۔۔۔۔

”مانی تم چلے جاٶ۔۔۔۔۔مجھے درخت پر چڑھنا نہیں آتا“وہ ہاتھ چھڑاتے ہوۓ بولی۔۔۔۔۔

”ہر گز نہیں۔۔۔۔۔ساتھ جاٸیں گے۔۔۔چلو بے۔بی سیٹر جی۔۔۔۔۔۔“عبدالمنان نے اس کی آنکھوں میں جھانک کر اپنی گرفت اس کے ہاتھ پر مزید سخت کرتے ہوئے کہا۔۔۔

شازمہ کو اچانک اپنے پیچھے کوٸی وجود محسوس ہوا۔۔۔۔اس نے سر گھماکر پیچھے کی جانب دیکھا ۔۔۔۔تو کوٸی موجود نہ تھا۔۔۔۔

”کیا ہوا ؟؟؟۔۔“وہ شازمہ کے اچانک رک کر اِدھر اُدھر دیکھنے پر پوچھنے لگا۔۔۔۔۔

”نہیں کچھ نہیں“وہ نفی میں سر جھٹک کر عبدالمنان کا ہاتھ تھامے اوپر کی جانب چڑھنے کی کوشش کرنے لگی۔۔۔۔

”اللہ۔۔۔۔۔۔یہ تو بہت اونچائی ہے۔۔۔۔میں یہاں سے جمپ نہیں لگانے والی۔۔۔اگر میں مر گٸی تو۔۔۔۔ہاۓ اللہ میری تو ابھی تک منگنی بھی نہیں ہوٸی ہے“جیسے تیسے کرکے وہ دونوں درخت کے سہارے سے دیوار کے اوپر چڑھ گٸے تھے۔۔۔۔اب اگلا مرحلہ کافی مشکل تھا۔۔۔۔۔حویلی کی دیوار کافی اونچی بنی ہوٸی تھی۔۔۔۔۔اب باہر کی جانب اترنے کے لٸے اونچاٸی سے جمپ لگانا ضروری تھا۔۔۔۔

”بول تو ایسے رہی ہو۔۔۔جیسے میری تو تین چار ہوچکی ہیں۔۔۔۔۔لو آگٸے میرے باراتی۔۔۔۔یہ سالے تو ہاتھ دھو کر پیچھے پڑیں ہیں۔۔۔بوڑھے بابا تو بچے کی جان لے کر ہی چھوڑیں گے“وہ منہ بسور کہنے لگا۔۔۔۔

”چلو جمپ “عبدالمنان کے کہتے ہی اس نے صاف انکار کردیا ۔۔۔۔

”پاگل ہوگٸے ہو کیا ؟؟؟۔۔۔۔۔یا مجھے جیمز بانڈ کی اولاد سمجھ لیا ہے۔؟؟؟۔۔۔۔اونچاٸی تو دیکھو ذرا ۔۔کم از کم سات فٹ ہوگی۔۔۔۔۔کچھ تو خدا کا خوف کرٶ۔۔۔۔۔اب سوچ رہی ہوں غلطی ہوگئی تمہیں بچا کر ۔۔۔۔ایک کا مرنا دو کہ مرنے سے بہتر تھا۔۔۔۔“وہ اپنے فیصلہ پر اب خود کو ہی کوس رہی تھی۔۔۔۔۔

”سات نہیں دس ہوگٸی تقریبا“عبدالمنان کے کہتے ہی اس کا دل چاہا وہ اپنا سر کسی دیوار سے دے مارے۔۔۔۔۔۔

”شکریہ ۔۔۔۔ میری معلومات میں اضافہ کرنے کے لئے“شازمہ نے طنزیہ کہا۔۔۔۔ جس پر کھسیانا ہو کر معذرت طلب کرنے لگا۔۔۔۔

”سر آپ کے لگ جاۓ گی۔۔۔۔نیچے آجاٸیں“شہاب صاحب کے گارڈز کے کہتے ہی اس نے ایک بار شازمہ کی جانب دیکھ کر کہا

”کیا واپس چلیں؟؟“

”چھوڑو۔۔۔۔جمپ کرتے ہیں۔۔۔۔پھر جو ہوگا ۔۔۔۔دیکھا جاۓ گا“اس نے مسکرا کر کہا ۔۔۔۔۔

اس لمحے عبدالمنان کو شدید احساس ہوا ۔۔۔۔۔وہ بچی اس کے لٸے بہت خاص ہے۔۔۔۔۔

”چلو“یہ کہ کر بجاۓ جمپ کے ۔۔۔اس نے اپنا آپ گارڈز کے حوالے کردیا۔۔۔۔۔

شازمہ اس کے فیصلے پر الجھ کر رہ گٸی تھی۔۔۔۔۔

”وہ پورے راستے یہی سوچتی رہی کے عبدالمنان کیوں نہیں کودا۔۔۔۔