Rooh E Ishq By Hussny Kanwal Readelle50267 Rooh E Ishq (Episode 10)

Rooh E Ishq By Hussny Kanwal

وہ گارڈن میں۔۔۔۔ درخت کے ساۓ میں اکیلے بیٹھا ہوا تھا۔۔۔۔یہ وہی جگہ تھی جہاں اسے پہلی بار زرمین ملی تھی۔۔۔۔۔وہ کچھ الجھا الجھا سہ تھا۔۔۔۔۔مانو کوئی بات تھی جو پریشان کئے ہوئے ہو۔۔۔۔۔

”کیا کر رہے ہو یہاں اکیلے بیٹھ کر ؟؟“نہایت دلکش آواز اس کے کانوں کی سماعت سے ٹکراٸی۔۔۔۔اس نے نظر اٹھا کر دیکھا۔۔۔تو وہ حسین و جمیل لڑکی کھڑی تھی۔۔۔

”سوچ رہا ہوں “وہ گھمبیر لہجے میں گویا ہوا۔۔۔

”اوو۔۔۔تو آپ سوچتے بھی ہیں؟؟۔۔۔کہاں چھپا کر رکھا تھا یہ ٹیلنٹ اب تک۔۔۔“اس حسین لڑکی نے ٹکا کر ذلیل کیا تھا۔۔۔۔۔۔

”ہاہاہاہاہا۔۔۔۔۔ایسے بہت سارے ٹیلنٹ چھپے ہوئے ہیں مجھ میں۔۔۔تم ڈھونڈنے والی تو بنو۔۔۔“ عبدالمنان بلا کا ڈھیٹ ۔۔۔اس پر کہاں اثر ہونا تھا ۔۔۔۔بلکے الٹا محبت کے جال آنکھوں سے پھینکتے ہوۓ شوخی سے بولا۔۔۔۔۔جس پر وہ سر جھٹک کر مسکرانے لگی۔۔۔۔

”بیٹھ جاٶں ؟؟“وہ اجازت طلب کر رہی تھی ۔۔۔۔

”جہاں دل چاہے بیٹھو ۔۔۔ویسے بھی حویلی تمھارے باپ کی ہے “عبدالمنان کی آنکھوں میں جو الجھاپن تھا وہ پڑھ چکی تھی۔۔۔۔

”کچھ پوچھنا چاہتے ہو مجھ سے ؟؟“وہ عبدالمنان سے بلکل لگ کر بیٹھی تو اس کا دل عجیب سی کیفیت میں آگیا۔۔۔مانو ایک سحر طاری ہوا ہو۔۔۔وہ اپنے دل کو اس حُسن سراپا کی جانب ماٸل ہوتا محسوس کرنے لگا۔۔۔۔۔وہ حُسنِ دلربا آنکھوں میں جھانک کر استفسار کرنے لگی۔۔۔

”نہیں تو “وہ نفی میں گردن کو جمبش دیتے ہوۓ۔۔۔۔

”عجیب بات ہے۔۔۔۔آنکھوں میں تو بہت سارے سوال ابھرے ہیں۔۔۔۔پھر لبوں پر کیوں نہیں ؟؟“اس کا لب و لہجہ عام انسانوں جیسا بلکل نہ تھا۔۔۔۔جب وہ کلام کرتی ۔۔۔ کانوں میں رس گھولتی ہوئی محسوس ہوتی۔۔۔۔اس کے کلام میں ایک پُراَثر میٹھاس تھی۔۔۔۔۔۔۔۔۔۔۔جب اس نے عبدالمنان کی آنکھوں میں جھانکتے ہوۓ محبت سے کہا۔۔۔تو اس جیسا مضبوط عزائم رکھنے والا شخص بھی مبہوت ہو گیا۔۔۔

”تم ایک خوبصورت پہیلی ہو ۔۔۔جسے سلجھانے کی کوشش کر رہا تھا۔۔۔۔مجھے معلوم ہے تم سے سوال کرنے کا کوئی فائدہ نہیں۔۔۔ تم میرے سوال سنتے ہی یہاں سے اٹھ کر چلی جاؤ گی“وہ سنجیدگی سے کلام کرنے لگا۔۔۔۔

”ہممم۔۔۔۔۔۔تو اس حسین پہیلی کو الجھا ہی چھوڑ دو۔۔۔کیوں سلجھانے میں لگ گٸے ہو ۔۔۔“وہ لاپرواہی سے بولی۔۔۔۔

”کیونکے تم نے مجھے تجسس میں مبتلا کر دیا ہے۔۔۔۔سچ بتاٶ کون ہو تم ؟؟۔۔۔۔۔۔“وہ الجھ کر تفتیشی افسران کی طرح پوچھنے لگا ۔۔۔

”زرمین ۔۔۔“ اس کے لبوں پر یہ کہتے ہی پُراسرار مسکراہٹ بکھر آئی تھی۔۔۔۔

”جی نہیں۔۔۔۔تم زرمین نہیں۔۔۔وہ مر چکی ہے۔۔۔۔“عبدالمنان فورا ہی بول پڑا۔۔۔

” تم نے بابا سے خود کا کہا تھا ایک نام کہ کہیں لوگ ہوتے ہیں۔۔۔“

”ہاں میں نے کہا تھا۔۔۔پر تمھیں یہ کیسے پتا ؟؟۔۔۔وہاں کمرے میں بابا اور میرے علاوہ کوٸی دوسرا نہیں تھا۔۔۔۔“وہ پیشانی پر بل دالے ۔۔۔۔حیرت سے پوچھنے لگا۔۔۔۔

”شاید میرے خرگوش کے کان ہیں اس لیے۔۔۔“وہ ہنستے ہوۓ بولی۔۔۔۔۔

اس کے بھرے گلابی ہونٹوں پر پیاری سی ہنسی دیکھ عبدالمنان کچھ ثانیوں کے لٸے تو دیوانہ وار اسے ٹک ٹکی باندھے دیکھنے لگا۔۔۔۔۔وہ ہنستے ہوئے تو اور بھی دلکش معلوم ہو رہی تھی۔۔۔۔

”ہممم“ایک سحر تھا جو عبدالمنان اپنے اردگرد محسوس کر رہا تھا۔۔۔۔۔وہ خمار سہ طاری کر رہی تھی اس پر۔۔۔۔منہ میں الفاظ پھنستے ہوۓ محسوس ہورہے تھے۔۔۔۔۔

وہ لڑکی عبدالمنان پر اپنا سحر دیکھ مسکرانے لگی۔۔۔۔مزید قریب آٸی ۔۔۔۔تو عبدالمنان کی سانسیں تھمنے لگیں۔۔۔۔

اس حسین لڑکی نے اپنا ہاتھ عبدالمنان کے رخسار پر رکھا تو اس کے لمس سے عبدالمنان کے پورے جسم میں سنسنی برقی رو کی طرح پھیل گئی۔۔۔۔۔

”آج رات ۔۔۔۔“ابھی وہ محبت سے چور لہجے میں بول ہی رہی تھی کے اچانک اسے کسی کے آنے کی آہٹ محسوس ہوٸی۔۔۔۔

”مانی ۔۔۔۔مانی ۔۔۔کہاں ہو تم ؟؟؟“شازمہ کی آواز کانوں کی سماعت سے ٹکراتے ہی عبدالمنان اس حسین لڑکی کے طلسم سے نکلا ۔۔۔۔

”اچھا بعد میں ملتے ہیں۔۔۔“وہ حسین لڑکی فورا ہی کھڑے ہوکر جانے لگی۔۔۔۔

”میری بات تو سنو۔۔۔۔ایک بار بچی سے مل لو۔۔۔اس کے دل میں چوکیدار بابا نے خوف بیٹھا دیا ہے۔۔۔وہ۔۔“عبدالمنان اس کا ہاتھ پکڑ ابھی بول ہی رہا تھا ۔۔۔کے شازمہ وہاں آن پہنچی تھی۔۔۔۔

”آپ کون ؟؟؟“ شازمہ نے اس حسین لڑکی کو دیکھتے ہی تجسس سے سوال کیا۔۔۔۔

اس لڑکی کا حسن اس قدر قیامت خیز تھا کے شازمہ لڑکی ہونے کے باوجود اسے ٹک ٹکی باندھے دیکھنے لگی۔۔۔۔

”میں زرمین “اس دلربا کے حسین ہونٹوں کو جمبش ہوٸی۔۔۔اور الفاظ یوں ترتیب پاۓ۔۔۔۔۔

”ک۔۔کی۔۔۔کیا؟؟۔۔۔۔زر۔۔زرمین ۔۔۔وہ ۔۔؟؟۔۔۔“شازمہ کی اوپر کی سانس اوپر اور نیچے کی نیچے رھ گٸی۔۔۔پورا جسم خوف سے لرز اٹھا۔۔۔۔وہ برق کی پھرتی سے عبدالمنان کی کمر کے پیچھے آ کر ۔۔۔۔۔اس کے دونوں بازو مضبوطی سے پکڑ کر پھنسے پھنسے لفظ ادا کرنے لگی۔۔۔

”تم مجھ سے اتنا کیوں ڈر رہی ہو؟؟“اس لڑکی کے چہرے پرمسکراہٹ بکھر آٸی تھی شازمہ کو خود سے خوفزدہ ہوتا دیکھ۔۔۔۔

”میں زرمین ہوں۔۔۔کوٸی چڑیل تھوڑی “وہ لبوں پر تبسم سجاۓ بے تکلف انداز میں گویا ہوئی۔۔۔۔

شازمہ نے مارے خوف و دہشت کے اپنی دونوں آنکھیں زور سے میچ لیں تھیں۔۔۔۔”مانی مجھے بچاٶ۔۔۔پلیز مجھے بچاٶ۔۔۔۔میں مرنا نہیں چاہتی۔۔۔ابھی تو میری منگنی بھی نہیں ہوٸی ہے“اس نے اپنی روشن پیشانی عبدالمنان کی کمر پر لگا کر بلک کر کہا۔۔۔۔

جسے سنتے ہی عبدالمنان نے اپنی پیشانی پر زور سے ہاتھ دے مارا ۔۔۔۔۔جبکے شازمہ کی معصومیت دیکھ اس حسین لڑکی کے چہرے پر تبسم بکھرٸی تھی۔۔۔۔

”افففف۔۔۔بچی ۔۔کیوں میری ناک کٹوانے پر تلی رہتی ہو۔؟؟؟۔۔۔۔۔۔۔“وہ دانت پیستے ہوۓ بولا۔۔۔

”بچی۔۔۔میں تمھیں بھلا کیوں مارنے لگی؟؟۔۔۔۔کیا تم نے کچھ غلط کیا ہے ؟؟؟۔۔۔۔۔“اس حسین لڑکی کا سوال عبدالمنان کا ذہن کھٹکا گیا تھا۔۔۔

”ن۔۔۔۔نہیں۔۔م۔۔میں نے کچھ غلط نہیں کیا۔۔۔۔پر پھر بھی مجھے تم سے ڈر لگتا ہے۔۔۔۔۔۔تم روپ بدلتی ہو۔۔۔اور ساتھ ساتھ ہمزاد سے باتیں بھی کرتی۔۔۔۔۔۔“ ابھی شازمہ پھنسی پھنسی آواز میں عبدالمنان کے پیچھے سے جھانکتے ہوئے اسے بول ہی رہی تھی۔۔۔کے عبدالمنان فورا بیچ میں کود پڑا۔۔۔

”وہ روپ نہیں بدلتی ۔۔۔تمھیں وہم ہوا تھا۔۔۔“

”نہیں ۔۔۔مجھے کوٸی وہم نہیں ہوا تھا۔۔۔۔“وہ ڈٹ کر بولی۔۔۔۔

”بچی۔۔۔الفاظ استعمال کرتے وقت خاصہ دھیان رکھا کرو۔۔۔کیونکے کبھی کبھار یہ الفاظ بڑی گہری چوٹ پہنچا جاتے ہیں“وہ شازمہ کو سخت لہجے میں گھورتے ہوۓ بولی۔۔۔۔مانو اسے اشارتًا وارننگ دے رہی ہو۔۔۔۔۔

”تم مجھے دھمکی دے رہی ہو؟؟“ شازمہ اپنے پورے وجود کی ہمت جمع کر۔۔۔ لرزتی ہوئی آواز میں پوچھنے لگی۔۔۔۔

”بچی۔۔۔تم چپ رہو۔۔۔“عبدالمنان اسے فورا چپ کرانے لگا۔۔۔

”زرمین اسکی باتوں کا برا مت ماننا ۔۔۔اس کا ذہنی توازن تھوڑا خراب ہے۔۔۔“وہ شازمہ کی طرف سے معذرت طلب کرنے لگا۔۔۔۔

”کیا ؟؟“شازمہ اس کی بات سن بری طرح تپی تھی۔۔۔۔اپنا ڈر و خوف بھول ۔۔۔وہ عندالمنان کے روبرو آکر ”تم اس کی خاطر مجھے پاگل بول رہے ہو ؟؟۔۔۔“

وہ بیچارہ دونوں کے بیچ بری طرح پھنس گیا تھا۔۔۔

وہ دونوں سوتنوں کی طرح لڑنے پر آمادہ تھیں ۔۔۔

”میں جارہی ہوں عبدالمنان۔۔۔۔تم اپنی جنگلی بلی سمبھالو“وہ حسین لڑکی جاتے جاتے بھی شازمہ کے مرچیں لگا گٸی تھی۔۔۔۔

”تم مجھے جنگلی بلی بول رہی ہو ؟؟؟“کون سہ خوف ۔۔۔کہاں کا ڈر۔۔۔۔اب تو شازمہ کمر پر ہاتھ رکھ میدان میں آگٸی تھی۔۔۔۔

”کہاں جارہی ہو ؟؟۔۔۔۔ رکو ابھی بات ختم نہیں ہوئی ہے۔۔۔۔مانی چھوڑو مجھے “عبدالمنان کے لٸے شازمہ کو قابو کرنا مشکل پڑ رہا تھا۔۔۔

اس نے پیچھے سے شازمہ کو رکنے کی نیت سے جیسے ہی اپنے حصار میں لیا۔۔۔شازمہ نے اس کے جسم کے سب سے نازک حصے پر گھٹنا دے مارا۔۔۔۔وہ ایک زور دار چیخ مارتا ہوا زمین پر آیا ۔۔۔

”میری نسلوں کی دشمن۔۔کچھ تو خدا کا خوف کرٶ۔۔۔۔“وہ درد سے تڑپتے ہوۓ بولا۔۔۔

”تم بجاۓ میری ساٸیڈ لینے کے اس جنی کی ساٸیڈ لے رہے تھے۔۔۔۔اوپر سے گھٹیا انسان ۔۔۔اس کے سامنے نمبر بڑھانے کے چکر میں میرا ذہنی توازن خراب ہے یہ تک بول دیا۔۔۔تمھیں تو آج میں چھوڑو گی نہیں۔۔۔۔۔“وہ شیرنی کی طرح دھاڑتے ہوۓ جب قریب آنے لگی۔۔۔تو عبدالمنان فورا بولا۔۔۔۔

”کیا بچے کی جان لے کر چھوڑو گی آج؟؟؟۔۔۔۔۔پلیز میری بچی۔۔۔۔تھوڑا بریک لے لو۔۔۔۔۔ میں ابھی دوسرا حملہ برداشت کرنے کے قابل نہیں“اس کا بیچارگی والا چہرے دیکھ۔۔۔ شازمہ کو ذرا ترس آگیا تھا۔۔۔۔

”ٹھیک ہے۔۔۔پر ادھار رہے گا۔۔۔“وہ نیچے کی جانب جھک کر اس کی آنکھوں میں آنکھیں ڈال ترس کھاتے ہوۓ بولی۔۔۔۔

” ہاں ہاں۔۔۔میری ماں۔۔۔۔بس۔۔۔ چار پر پانچ۔۔۔“عبدالمنان دونوں ہاتھ جوڑ ۔۔۔۔بےزاری سے بولا۔۔۔۔

”اب اٹھاٶ تو صحیح “۔۔۔۔وہ پُرامید نظروں سے ہاتھ اسکی جانب بڑھاتے ہوۓ ۔۔۔۔

”میں کیوں اٹھاٶں۔۔۔۔۔۔اپنی زرمین سے کہو۔۔۔“وہ دونوں ہاتھ فولٹ کر اکڑ کر بولی۔۔۔۔اس کے لہجے میں جلن کا عنصر کافی نمایا تھا۔۔۔۔

”حد ہے ویسے۔۔۔۔۔کہاں تو اتنا ڈر رہی تھیں اور کہاں اسی سے لڑنے کھڑی ہوگٸیں۔۔۔۔“وہ کھڑے ہوکر اپنی پینٹ پر لگی مٹی جھاڑتے ہوۓ تعجب سے بولا۔۔۔۔

”تم مجھ سے بات مت کرٶ ۔۔۔۔“وہ دانت پیستے ہوۓ غرا کر بولی۔۔۔۔

”ٹھیک ہے۔۔۔۔میں گھر جا رہا ہوں۔۔۔۔تمھیں آنا ہو تو آ جانا۔۔۔“عبدالمنان نے کہتے ہی تیزی سے دوڑ لگا دی تھی۔۔۔۔

”مانی۔۔۔۔تم مجھے یہاں چھوڑ کر نہیں جاسکتے ۔۔۔رکو میرے لٸے۔۔۔“وہ بھی تیزی سے اس کے پیچھے دوڑی۔۔۔۔

”یار ۔۔۔کوٸی ٹیکسی کیوں نہیں مل کر دے رہی؟؟“عبدالمنان پریشان کو کر گویا ہوا۔۔۔۔۔۔

”اگر ہم لیٹ ہوگٸے تو بوڑھے بابا نے مجھے چھوڑنا نہیں ہے۔۔۔۔میری جاب کا تو آج ٹاٹا باۓ باۓ ہوجانا ہے۔۔۔۔اللہ کب ملے گی ٹیکسی ؟؟۔۔۔“وہ روتو سہ چہرہ بناکر مسلسل طوطے کی طرح نون سٹاپ بولے چلی جارہی تھی ۔۔۔

”ابے یار۔۔۔۔چپ ہوجاٶ۔۔۔۔۔رحم کھاٶ میرے کانوں پر۔۔۔۔“وہ جھنجھلاکر بولا تو شازمہ گھور کر اسے دیکھنے لگی۔۔۔

”کسی کو لفٹ چاہیے؟؟“اچانک سے ایک کار آکر ان دونوں کے پاس رکی۔۔۔۔

”قاسم تم “شازمہ اسے دیکھتے ہی مسرت بھرے لہجہ میں گویا ہوٸی۔۔۔البتہ عبدالمنان کا اسے دیکھتے ہی پارہ ہاٸی ہوا تھا۔۔۔۔

”نہیں چاہیے۔۔۔۔“ عبدالمنان نے سپاٹ سہ جواب دیا۔۔۔۔

”کیا؟؟۔۔۔۔کیوں نہیں چاہیے؟؟۔۔۔۔ایک گھنٹے سے اس سنسان سڑک پر کھڑے ہیں کوئی ٹیکسی نہیں مل کر دے رہی۔۔۔ اب اللہ اللہ کر کے ایک نیک شخص مدد کر رہا ہے۔۔۔تو تمھیں نہیں لینی۔۔۔۔کیا کوٸی نٹ ڈھیلا ہے تمہارا؟؟؟“وہ غصے سے بھڑک کر بولی۔۔۔

”نیک شخص؟؟“ عبدالمنان کی پیشانی پرچند بل نمودار ہوگئے تھے۔۔۔۔ اس نے شازمہ کے جملے میں موجود واحد قابل اعتراض لفظ پر زور دیتے ہوئے اسے دہرایا۔۔۔۔۔

”ہاں ۔۔بلکل ۔۔۔نیک شخص۔۔۔۔جو اس وقت ہماری مدد کر رہا ہے“شازمہ خاصہ جتاتے ہوۓ بولی۔۔۔۔

”مس شازمہ آپ آجاٸیں۔۔۔۔اسے چھوڑ دیں۔۔۔یہ خودی آجاۓ گا۔۔۔۔۔یہاں سنسان سڑک پر کھڑا ہونا ۔۔۔۔ آپ کے لیے ٹھیک نہیں ۔۔۔“قاسم نے موقع پر چوکا لگانے کی پُرزور کوشش کی۔۔۔۔۔۔ وہ عبدالمنان کی شخصیت سے اچھی طرح واقف تھا کہ چاہے کبھی بھی ہوجاۓ۔۔۔۔وہ اس کی کار میں آکر نہیں بیٹھے گا۔۔۔۔

”تمھارے ساتھ جانے سے بہتر ہے۔۔۔وہ یہیں کھڑی رہے “عبدالمنان غرا کر دوٹوک انداز میں بولا۔۔۔۔

”اب منہ کیا دیکھ رہے ہو۔۔۔۔جاٶ۔۔۔۔“

جوابی کاروائی میں قاسم اسے کھاجانے والی نگاہ سے گھورنے لگا۔۔۔۔۔

”نہیں ۔۔۔نہیں۔۔۔رکو۔۔۔میں چلتی ہوں تمھارے ساتھ “شازمہ کے کہتے ہی عبدالمنان حیرت سے اس کا چہرہ دیکھنے لگا۔۔۔

البتہ قاسم یہ سنتے ہی خوشی خوشی کار سے اُترا۔۔۔۔۔

”تم مجھے چھوڑ کر اس کمینے کے ساتھ جاٶ گی؟؟؟۔۔۔“عبدالمنان نے اس کا بازو اپنی گرفت میں لے کر تعجب سے پوچھا۔۔۔۔

”ہاں۔۔۔۔کیوں؟؟۔۔۔۔ساٸیڈ بدلنے کی اجازت صرف تمھیں ہی ہے؟؟؟۔۔۔۔۔۔“شازمہ نے اپنا ہاتھ چھوڑانے کی کوشش کرتے ہوۓ۔۔۔۔۔۔ آنکھوں میں آنکھیں ڈال کہا۔۔۔۔

”میں نے ساٸیڈ نہیں بدلی۔۔۔میں تمھیں بچا رہا تھا۔۔۔۔بےوقوف لڑکی “وہ غصے سے شازمہ کے بازو پر پکڑ مزید مضبوط کرتے ہوۓ بولا۔۔۔۔

”تم نے مجھے پھر بے وقوف کہا ؟؟؟۔۔۔اب تو میں ایک منٹ یہاں نہیں رکوں گی تمھارے پاس۔۔۔۔“وہ بری طرح جل کر ۔۔۔۔اپنی پوری طاقت سے ہاتھ چھڑانے کی کوشش کرنے لگی۔۔۔۔

”تم کہیں نہیں جارہی ڈارلنگ ۔۔۔۔“عبدالمنان اپنی جانب کھینچتے ہوۓ بولا۔۔۔۔۔

اگلے لمحے وہ اس کے کشادہ سینے سے آلگی تھی۔۔۔

”تم کیا کھڑے ہوکر ہمیں گھور رہے ہو ۔۔۔جاٶ“قاسم کار کا دروازہ کھولے کھڑا ہوگیا تھا۔۔۔۔عبدالمنان نے اسے حاکمانہ انداز میں کہا ۔۔۔۔

”تم ایک لڑکی کے ساتھ زبردستی نہیں کر سکتے “قاسم اسے شازمہ کے ساتھ زبردستی کرتا دیکھ غصے سے بھپر کر بولا۔۔۔۔

”میری منگیتر ہے۔۔۔۔جو دل چاہے کروں ۔۔۔۔تجھے کیا ؟؟۔۔۔تو اپنا راستہ ناپ۔۔۔۔۔“عبدالمنان نے سخت لہجے میں جوابی کارروائی کی۔۔۔۔۔

””مانی چھوڑو مجھے۔۔۔۔۔۔۔کیا بدتمیزی ہے ؟؟؟۔۔۔۔چھوڑو ۔۔۔ورنہ میں تمھارا منہ توڑ دوں گی “عبدالمنان مضبوطی سے اس کی نازک کمر کو ایک ہاتھ سے حصار میں جکڑے ہوۓ کھڑا تھا۔۔۔۔۔وہ نازک سی گڑیا مسلسل کوشش کررہی تھی خود کو اس ستمگر سے آذاد کرانے کی۔۔۔۔۔پر اس کی پکڑ کے آگے شازمہ کی ہر کوشش ناکام تھی۔۔۔۔

”تمھاری منگیتر ؟؟“قاسم بے یقینی سے۔۔۔۔

”ہاں۔۔۔۔میری منگیتر ۔۔۔۔اب جا ۔۔۔“عبدالمنان غراتے ہوۓ اعلانیہ بولا۔۔۔۔۔

”میں تمھیں آج زندہ نہیں چھوڑوں گی۔۔۔۔“شازمہ کا پارہ اب آسمانوں سے باتیں کر رہا تھا۔۔۔۔قاسم پاٶں پٹکتے ہوۓ چلا گیا تھا۔۔۔۔اس کے جاتے ہی عبدالمنان نے مسکراتے ہوۓ اپنی پکڑ ڈھیلی چھوڑ دی۔۔۔۔۔۔

اس بار شازمہ زخمی شیرنی کی طرح حملا کرنے کے لٸے لپکی۔۔۔۔مگر عبدالمنان اس پر پکڑ ڈھیلی چھوڑتے ہی تیزی سے بھاگنے لگا۔۔۔۔

”مانی کے بچے ۔۔۔۔۔بھاگ کہاں رہے ہو ؟؟۔۔۔۔ڈرپوک کہیں کے۔۔۔“شازمہ نے اپنی سینڈل اتار کر اس پر پے در پے وار کٸے تھے۔۔۔وہ بڑی پھرتی کا مظاہرہ کرتے ہوۓ پہلی کو تو ڈوچ کر گیا تھا۔۔۔۔جبکے دوسری والی سینڈل ۔۔۔۔۔بس منہ کا بوسہ لینے ہی لگی تھی کے وہ برق کی تیزی سے نیچے کی جانب جھکا۔۔۔۔۔

”مجھے نفرت ہے تم سے “وہ دانت کچکچاتے ہوۓ کہ کر ۔۔۔۔ پاس ہی موجود ایک بینچ پر منہ لٹکاۓ بیٹھ گٸی تھی۔۔۔۔

”لو ۔۔۔پہنو۔۔۔۔“عبدالمنان اس کی دونوں سینڈل ۔۔۔۔۔ قدموں میں رکھتے ہوۓ۔۔۔۔۔ بڑے پیار سے پہنانے لگا۔۔۔۔

”تم زہر لگ رہے ہو “وہ غراتے ہوۓ۔۔۔۔

”تو تم مجھے کون سہ شہد لگتی ہو۔۔۔۔پہن لو ۔۔۔ورنہ پاٶں میں کچھ چب جاۓ گا ۔۔۔“وہ واقف تھا کے ٹھیک ٹھاک تپا چکا ہے اس کی۔۔۔۔۔اس لٸے اب محبت سے مرہم لگانے لگا۔۔۔۔

”میں خود پہن لوں گی ۔۔۔دو مجھے “وہ اس کے ہاتھ سے سینڈل لینے کی کوشش کرنے لگی۔۔۔۔

”سوری۔۔۔۔مجھے پتا ہے میں نے اپنی حد پار کی ہے۔۔۔۔پر۔۔۔۔میں دونوں بار تمھیں ہی بچارہا تھا۔۔۔۔۔“وہ سینڈل بڑے پیار سے پہناتے ہوۓ گویا ہوا۔۔۔۔

”مجھے ؟؟۔۔۔کیسے ؟؟“وہ الجھ کر۔۔۔۔

”پہلے سینڈل پہنادوں ۔۔۔“عبدالمنان جیسا شہزادہ ۔۔۔جو خود کھڑے ہوکر پانی تک نہ پیتا ہو۔۔۔۔وہ قدموں میں بیٹھ کر سینڈل پہناۓ۔۔۔تو کیسے کوٸی فدا نہ ہو۔۔۔۔۔

وہ حیرت سے اسے تک رہی تھی۔۔۔۔جو اس لمحے اسے سینڈل پہنانے میں مگن تھا۔۔۔۔

سارا غصہ و خفگی مانو اس نے چھومنتر کر دیٸے تھے۔۔۔۔۔وہ بڑے پیار سے اس کے حسین چہرے کو تکنے لگی۔۔۔۔

بس اس لمحے ۔۔۔۔۔۔شازمہ کو لگا۔۔۔۔ وہ دل پوری طرح آج ہار بیٹھی۔۔۔۔۔اس بگڑے ہوئے نواب پر۔۔۔۔۔

”چلیں “وہ سینڈل پہنا کر کھڑے ہوتے ہوۓ بولا۔۔۔۔

”کہاں؟؟“وہ ابرو اچکا کر

”بھاگ کر شادی کرنے”وہ چہرے کے مقابل جھک ۔۔۔۔شوخی سے بولا۔۔۔۔۔۔

”کچھ بھی۔۔۔۔فالتوہ۔۔۔“وہ لاپراوہی سے منہ چڑھا کر۔۔۔۔

”کیوں ؟؟۔۔۔۔ہم بھاگ کر شادی نہیں کرسکتے ؟؟؟“وہ شرارت سے پوچھنے لگا۔۔۔

”آہ۔۔۔۔“شازمہ نے اسکی شرارت بھری نظریں پڑھتے ہی زور سے اپنا سر اس کی پیشانی سے ٹکرا دیا۔۔۔جس پر وہ سر مسلتے ہوۓ سیدھا کھڑا ہوا۔۔۔۔

”جب دیکھو ۔۔۔۔مجھ ننھی سی جان پر تشدد کرتی رہتی ہو۔۔۔۔قسم سے زہر لگنے لگی ہو“وہ دانت کچکچاتے ہوۓ منہ بسور بولا۔۔۔۔۔

”ہاۓۓۓ۔۔۔۔۔۔۔۔۔شکریہ۔۔۔۔۔ بڑی محنت کی ہے اس مقام تک پہنچنے کے لئے“وہ مسکراتے ہوۓ آنکھ دباکر بولی۔۔۔۔

”بوڑھے بابا ٹھیک کہ رہے تھے۔۔۔۔۔ میری صحبت کا بہت غلط اثر ہو رہا ہے تم پر۔۔۔۔“شازمہ کا آنکھ مار کر بات کرنا ۔۔۔۔عبدالمنان کو شاکڈ کر گیا تھا۔۔۔۔ جس پر وہ اپنا دل تھام ۔۔۔۔ایک قدم اس سے پیچھے ہٹتے ہوۓ بولا۔۔۔۔۔

جبکے شازمہ کے چہرے پر بڑی پیاری سی مسکراہٹ تھی۔۔۔۔

”تو اب بتاٶ۔۔۔۔کیسے بچارہے تھے تم مجھے ؟؟“وہ دونوں پیدل چلتے ہوۓ بس اسٹاپ کی جانب جا رہے تھے۔۔۔

”پہلے ایک سوال کا جواب دو ۔۔۔“

”پوچھو؟؟“

”کیا تمھیں بھی اس کی جانب کوٸی کھچاؤ محسوس ہوتا ہے؟؟؟“عبدالمنان تجسس سے پوچھنے لگا۔۔۔۔

”وہ اتنی خوبصورت ہے ۔۔۔۔کسی کو بھی ہوگا ۔۔۔۔کیا تم مجھ سے اس کے قصیدے سننے کے لیے اس طرح کے سوال کر رہے ہو؟؟؟“وہ ایک ہاتھ کمر پر ٹکا کر تیزی سے اس کے آگے آکر راستہ روکتے ہوۓ بولی۔۔۔۔۔

”نہیں۔۔۔افففف۔۔۔۔۔تم لڑکیاں اتنی جل تڑن ٹاٸپ کیوں ہوتی ہو ؟؟؟۔۔۔“وہ اپنا سر پکڑ جھنجھلا کر گویا ہوا۔۔۔۔

”کون جل رہا ہے؟؟۔۔۔تمھاری اس جنی سے۔۔۔جلے میری سینڈل۔۔۔۔“آوارا لٹ ۔۔جو چہرے پر آگٸی تھی ۔۔۔اس پر منہ سے پھونک مار کر اڑاتے ہوۓ۔۔۔۔۔۔۔۔۔اترا کر بولی۔۔۔۔۔

”سینڈل نہیں جوتی ہوتا ہے۔۔۔۔ کیوں بیچارے محاورے کی ٹانگ توڑ رہی ہو۔۔۔“وہ سر پر ہلکے سے دھپ لگاکر بولا۔۔۔۔

”آہ۔۔۔۔مجھے آتا ہے۔۔۔۔وہ تو ۔۔۔میں نے سینڈل پہن رکھی ہے ۔۔۔اس لٸے کہا۔۔۔۔تاکے ریل والی فیلنگ آئے“وہ اپنا بھرم قائم رکھنے کے لیے غلطی کور کرنے لگی۔۔۔۔

جس پر وہ سر جھٹک کر مسکراتے ہوۓ آگے چل دیا۔۔۔۔

”اچھا ۔۔۔اب تو بتادو“

”پہلے بھاگو ۔۔۔۔اس سے پہلے یہ بس نکلے“

”کیا؟؟“ابھی وہ بس کی جانب موڑ کر دیکھتی ۔۔۔عبدالمنان نے اس کا ہاتھ مضبوطی سے تھام کر بس کی جانب دوڑ لگا دی تھی۔۔۔۔

”شکر“وہ دونوں بھاگتے ہوۓ بس میں چڑھے تھے۔۔۔۔

”اللہ ۔۔۔۔۔۔“وہ بیٹھ کر ایک لمبا سانس بھرتے ہوۓ۔۔۔۔

رات کے سبب پوری بس میں صرف تین چار پیسنجر ہی نظر آرہے تھے۔۔۔۔عبدالمنان اس کے ساتھ ہی بیٹھ گیا۔۔۔۔۔

”اب تو بتادو۔۔۔“وہ منتی انداز میں

”تمھیں واقعی سمجھ نہیں آرہا تھا؟؟۔۔۔۔۔وہ تمھیں دھمکی دے رہی تھی۔۔۔۔“عبدالمنان کے کہتے ہی وہ بھولہ سہ چہرہ بناکر نفی کرنے لگی۔۔۔۔۔

”تو کیا ؟؟۔۔۔۔میں کون سہ اس کی دھمکی سے ڈرتی ہوں؟؟“وہ بھرم سے اکڑ کر بولی تو عبدالمنان کے لٸے اپنی ہنسی دبانا مشکل ہوگیا تھا۔۔۔۔

”ہاں ۔۔۔جی۔۔۔بلکل ۔۔۔۔تم کہاں ڈرتی ہو۔۔۔۔“وہ طنزیہ بولا۔۔۔۔تو جوابا شازمہ گھورنے لگی۔۔۔۔

”اور دوسری بار ۔۔۔“ابھی وہ بول ہی رہا تھا کے شازمہ نے لاپرواہی سے اس کے کندھے پر اپنا سر ٹکا کر کہا ”چھوڑو ۔۔۔۔میں جانتی ہوں۔۔۔تم نے کیوں نہیں جانے دیا۔۔۔۔“

”شکر ۔۔۔اتنی عقل تو ہے۔۔۔“وہ مسکراتے ہوۓ طنز کرنے لگا۔۔۔جس پر وہ بجاۓ جوابی کارواٸی کرنے کے ۔۔۔۔اس کی بات مکمل اگنور کر ۔۔۔آنکھیں بند کرلیتی ہے۔۔۔۔۔۔

”بوڑھے بابا نے مجھے جاب سے نکال دینا ہے۔۔۔۔“وہ روتو سہ چہرہ بناکر بولی۔۔۔

”تو کس نے کہا تھا میرے ساتھ آنے کے لٸے۔۔۔۔“وہ بےزاری سے ۔۔۔

”ضروری تھا ۔۔۔“وہ اپنا سر اٹھاکر خاصہ زور دے کر گویا ہوٸی۔۔۔

”کوٸی ضروری نہیں تھا۔۔۔۔سب پتا ہے مجھے۔۔۔۔۔۔تمھیں ڈر تھا کے کہیں میں زرمین سے نہ پٹ جاٶں۔۔۔۔“وہ اترا کر بولا ۔۔۔۔

”مجھے کیوں ڈر لگنے لگا ۔۔۔۔تمھاری زندگی ہے۔۔۔تم چاہے زرمین سے پٹ کر اسے خراب کرٶ یا اس یسرا سے۔۔۔۔مجھے کیا۔۔۔۔۔“وہ بےنیازی سے کندھے اچکاکر کھڑکی سے باہر کی جانب دیکھنے لگی۔۔۔۔

”کریکڑ لیس۔۔۔۔ٹھرکی۔۔۔“وہ منہ ہی منہ مسلسل بڑبڑا رہی تھی۔۔۔۔۔

”مجھے آواز آرہی ہے“وہ شازمہ کو گھور کر دیکھتے ہوۓ۔۔۔۔

”تو۔۔۔۔کیا کرٶں؟؟“شازمہ نے ڈرنے کے بجاۓ الٹا چڑھاٸی کی۔۔۔تو وہ تھوک نگلنے لگا۔۔۔۔

”نہیں۔۔۔۔بس بتا رہا تھا۔۔۔“وہ فورا ہی بھیگی بلی بن کر جھمے لہجے میں گویا بوا۔۔۔۔۔

وہ تھکن سے چور تھی ۔۔۔۔۔۔ٹھنڈی ٹھنڈی ہوا چہرے پر لگتے ہی ۔۔۔۔اسے نیند آنے لگی۔۔۔۔تھوڑی ہی دیر میں اسے نیند نے اپنی آغوش میں لے لیا۔۔۔

”ادھر آرام سے سر رکھ لو“وہ بیٹھ کر سو رہی تھی۔۔۔ہر بار نیند کا ایک گہرا جھونکا آتے ہی اس کا سر لٹک جاتا۔۔۔۔۔اور آنکھ کھل جاتی۔۔۔۔عبدالمنان نے بڑے پیار سے آفر دی تو اس نے فورا قبول کرتے ہوئے اس کے کندھے سے اپنا سر ٹکا دیا۔۔۔۔۔

شازمہ پورے راستے بےفکر ہوکر سوتے ہوۓ آٸی اور عبدالمنان دیوانوں کی طرح پورے راستے اسے تکتے ہوٸے۔۔۔۔۔

”کیا پھر ہمیں چادر سے چڑھ کر جانا پڑے گا ؟؟“شازمہ منہ بسور۔۔۔۔ لٹکتی ہوٸی چادر دیکھ بولی۔۔۔۔

”نہیں نہیں ڈارلنگ۔۔۔تم آگے راستے سے جاٶ۔۔۔۔سامنے ہی gabbar کی طرح بوڑھے بابا تمھیں کھڑے نہ ملیں تو میرا نام بدل دینا۔۔۔۔“وہ جھنجھلاکر چادر پکڑ کر بولا۔۔۔۔۔

”بلکے پہلے تم چڑھو۔۔۔۔خواہ مخواہ پیچھے سے گر ور گٸیں تو نقصان ہوجانا ہے۔۔۔۔۔“وہ شازمہ کو چادر پکڑاتے ہوۓ سنجیدگی سے گویا ہوا۔۔۔۔۔۔۔

”چلو ۔۔۔شکر ۔۔۔تمھیں میری قدر تو آٸی ۔۔۔“وہ چادر پکڑ کر۔اتراتے ہوۓ کہنے لگی۔۔۔۔۔۔

”اووو۔۔۔ہیلو۔۔۔۔۔خوش فہمی کی دوکان۔۔۔۔۔میں اپنے گارڈن کی بات کر رہا تھا۔۔۔۔تم اتنی اونچائی سے گرو گی۔۔۔تو گارڈن میں اچھا خاصہ بڑا گڈا ہو جانا ہے۔۔۔۔“مانو اس نے ٹکا کر ذلیل کیا تھا۔۔۔۔

”یہ کول لکس مجھے بعد میں دے لینا ۔۔۔۔۔۔ابھی چلو۔۔۔“ عبدالمنان اس کے گھورنے کو مکمل اگنور کرتے ہوۓ کہنے لگا۔۔۔۔

”یہ تم دونوں کیا کر رہے ہو؟؟؟“ان دونوں نے اللہ اللہ کر کے آدھا مرحلہ پار کرہی لیا تھا۔۔۔۔جب شہاب صاحب کی غصیلی آواز دونوں کے کانوں کی سماعت سے ٹکرائی۔۔۔۔

مارے خوف کے شازمہ کے ہاتھ پاٶں پھول گٸے ۔۔۔اس کے ہاتھ سے چادر کی پکڑ ڈھیلی ہوتے ہی وہ تیزی سے نیچے کی جانب گرنے لگی۔۔۔ ۔۔۔۔

”بچی۔۔۔تم نے تو میرا آج ہارٹ فیل ہی کروا دینا ہے ۔۔۔کیوں دنیا سے ایک ہینڈسم لڑکا کم کرنے پر تلی ہو؟؟؟۔۔۔۔“شازمہ تیزی سے نیچے کی جانب گر رہی تھی۔۔۔۔کے عبدالمنان نے اس کا ہاتھ تھام لیا ۔۔۔۔اب وہ صرف عبدالمنان کے ایک ہاتھ کے سہارے ہوا میں لٹکی ہوٸی تھی۔۔۔۔

”آہہہہہہہہہ“شازمہ نے اپنی پوری جان سے چیخنا شروع کردیا تھا۔۔۔۔

”ارے ۔۔۔چیخنا بند کرٶ ۔۔۔۔۔میں نے پکڑ لیا ہے تمھیں“شازمہ کا ذہن مارے خوف کے مفلوج ہوچکا تھا۔۔۔۔۔وہ نیچے گرنے کے ڈر سے ابھی تک آنکھیں بند کرکے چیخ رہی تھی۔۔۔۔

”اوووو۔۔۔۔ہاں۔۔۔۔میں نے دیکھا نہیں تھا“اس کے بھولے پن پر عبدالمنان اپنا سر چادر سے لگا کر ” نو ڈاوٹ ۔۔۔۔۔عقل بٹتے وقت۔۔۔۔۔یہ واقعی چھنی لے کر کھڑی تھی“

”بوڑھے بابا۔۔۔۔کیا ہمارے مرنے کا انتظار کر رہے ہیں کھڑے ہوکر۔۔۔۔۔کچھ کریں“شہاب صاحب اطمينان سے کھڑے پورا تماشہ دیکھ رہے تھے۔۔۔۔

”مس شازمہ مجھے آپ سے یہ امید نہیں تھی۔۔۔۔آپ۔۔۔۔“ ابھی شہاب صاحب بول ہی رہے تھے کہ وہ تیزی بیچ میں بول پڑی۔۔۔

”ارے لیکچر بعد میں دے لینا بوڑھے بابا۔۔۔۔۔پہلے مجھے بچا تو لیں۔۔۔۔۔یہاں بچی کی جان جا رہی ہے۔۔۔۔۔اور آپ کو امیدوں کی پڑی ہے“۔۔۔۔

شہاب صاحب کا منہ مارے شاکڈ کے کھلا کا کھلا رہ گیا تھا۔۔۔۔۔جبکے عبدالمنان ہوا میں لٹکا ہونے کے باوجود قہقہہ لگاۓ بغیر نہ رہ سکا۔۔۔۔۔

”بوڑھے بابا ۔۔۔۔۔ اینگری ینگ مین والے لکس بعد میں دے لیجئے گا۔۔۔۔۔ابھی پہلے بچا لیں۔۔۔“عبدالمنان کی پکڑ بھی اب ڈھیلی پڑ رہی تھی۔۔۔۔۔ اس کے لئے ایک ہاتھ سے شازمہ کو پکڑنا اور دوسرے ہاتھ سے چادر پر اپنی پکڑ برقرار رکھنا اب کافی کٹھن ہوتا جارہا تھا۔۔۔۔

”تم دونوں اسی قابل ہو۔۔۔۔۔“شہاب صاحب غصے سے گویا ہوۓ۔۔۔۔۔

”مانی ۔۔۔۔پلیز میرا ہاتھ مت چھوڑنا۔۔۔۔“وہ منتی انداز میں بولی۔۔۔۔

”کبھی نہیں چھوڑوں گا ۔۔۔بے فکر رہو۔۔۔۔“عبدالمنان نے پُراعتماد لہجے میں اطمینان بخش جواب دیا۔۔۔۔

”چلو ایک ڈیل کر لیتے ہیں۔۔۔۔“شہاب صاحب اپنا غصہ ضبط کرتے ہوۓ آفر کرنے لگے۔۔۔۔

”بوڑھے بابا۔۔۔۔کیا بوڑھاپے میں دماغ چل گیا ہے؟؟۔۔۔۔۔ہوا میں لٹکا کر کون ڈیل کرتا ہے؟؟“عبدالمنان دانت کچکچاتے ہوۓ چیخنے لگا۔۔۔۔۔

”تم دونوں خود لٹکے ہوں یہاں۔۔۔میں نے نہیں لٹکایا۔۔۔۔اس لٸے اپنی غلطی کا سہرا میرے سر پر مت باندھو۔۔۔۔ڈیل کرنا ہے تو جلدی بولو۔۔۔۔ورنہ میں جارہا ہوں“شہاب صاحب بےنیازی ظاہر کررہے تھے۔۔۔۔

”یقین مانیں ۔۔۔۔ظالم دادوں کی ہسٹری میں آپ کا نام سنہرے حرفوں سے لکھا جائے گا۔۔۔۔۔۔۔“عبدالمنان خوب دہائیاں دے رہا تھا مگر شہاب صاحب پر اس کا کوئی اثر نہ تھا ۔۔۔۔

”آہہہ۔۔۔۔۔میرا ہاتھ چھوٹ رہا ہے“شازمہ روتو سہ چہرہ بناکر چیخی۔۔۔۔ پسینہ آنے کے سبب اس کے ہاتھ کی پکڑ ڈھیلی پڑھ رہی تھی۔۔۔۔

شہاب صاحب یہ سنہرہ موقع کیسے ہاتھ سے جانے دے سکتے تھے۔۔۔۔انھیں پورا یقین تھا کے عبدالمنان شازمہ کی خاطر اس وقت ہاں کر دے گا۔۔۔۔۔

”چلیں منظور ہے مجھے آپ کی ڈیل۔۔۔۔مل لوں گا میں آپ کے بیٹے سے۔۔۔۔بس۔۔۔۔اب تو مدد کریں“عبدالمنان کے ہاں کرتے ہی شہاب صاحب کا چہرہ خوشی سے چہک اٹھا تھا۔۔۔۔ انھوں نے اپنے گارڈز کو بلواکر دونوں کی نیچے اترنے میں مدد کی۔۔۔۔۔

******—-—–*******

”یہ نالاٸق ابھی تک میٹنگ میں آیا کیوں نہیں؟؟؟“شہاب صاحب کا پارا ہر گزرتے لمحے کے ساتھ بڑھ رہا تھا۔۔۔۔

قاسم پریزنٹیشن دیتے ہوۓ ایک بار فخرانہ پورے میٹنگ روم میں نظر ڈالتا ہے۔۔۔۔

”میں آپ لوگوں سے یہی کہوں گا ۔۔۔کے ہمیں اپنے پروڈکس کی قیمت بڑھانی چاہیے۔۔۔۔تو کیا آپ لوگ متفق ہیں ؟؟“قاسم کے کہتے ہی سب اس کی بات سے متفق ہو کر اثبات میں سر ہلانے لگے۔۔۔

”میں متفق نہیں“عبدالمنان بھرم سے کہتا ہوا جب میٹنگ میں داخل ہوا تو سب کی نگاہیں حیرت سے پھٹی کی پھٹی رہ گٸیں تھیں۔۔۔۔

” گدھے ۔۔آنے میں اتنی دیر کیوں کردی ؟؟“شہاب صاحب اس کے برابر میں بیٹھتے ہی گھور کر پوچھنے لگے۔۔۔۔

” اتنی موٹی فاٸل پکڑا کر آگٸے تھے۔۔۔۔انسان کا بچہ ہوں جن کا تھوڑی۔۔۔۔۔۔پڑھنے میں دیر تو لگے گی ناں۔۔۔“وہ شہاب صاحب کی جانب منہ بسور کر دیکھتے ہوۓ بولا۔۔۔

”میں دعوے سے کہہ سکتا ہوں تم پڑھ کر نہیں آئے ہو“شہاب صاحب کے کہتے ہی اس کے چہرے پر مسکراہٹ بکھر آئی تھی۔۔۔۔

”واہ بوڑھے بابا۔۔۔۔آپ تو میری قابل شخصيت سے اچھی طرح واقفیت رکھتے ہیں۔۔۔“وہ ایک آنکھ دبا کر مزید شہاب صاحب کو طیش دلانے لگا۔۔۔۔

”تم متفق کیوں نہیں ہو؟؟۔۔۔“قاسم نہایت سنجیدگی سے استفسار کرنے لگا۔۔۔کیونکے عبدالمنان کے علاوہ سب ہی اس کی بات سے متفق تھے۔۔۔

سب کی نظریں اب عبدالمنان پر ٹکیں تھیں ۔۔۔۔سب ہی اس کے راضی نہ ہونے کی وجہ جانے کے لئے تجسس میں بیٹھے تھے۔۔۔۔ آخر اس کے پاس ایسا کون سہ سولوشن ہے جس میں قیمتیں بڑھائے بغیر ہی پروڈکس کو مزید معیاری بناکر مارکیٹ میں اس کی سیلنگ میں اضافہ کیا جا سکتا ہے۔۔۔۔۔۔

وہ نہات اسٹائل سے اپنا ایک پاؤں دوسرے پاؤں پر رکھ کر قاسم کی جانب دیکھتا ہے۔۔۔۔

”کیونکے ۔۔۔۔میں نے سنا ہی نہیں۔۔۔۔“اس کا جواب سنتے ہی شہاب صاحب کا دل چاہا اپنا سر سامنے دیوار سے دے ماریں۔۔۔ جبکہ باقی سب ممبران دبی دبی ہنسی ہنسنے لگے تھے۔۔۔۔۔

”مجھے اندازہ تھا اس نے ایسا ہی کوئی الٹا سیدھا جواب دینا ہے“شہاب صاحب منہ ہی منہ بڑبڑاۓ۔۔۔

قاسم کا منہ تو غصے سے پورا لال ہوگیا تھا۔۔۔۔

”میں کوٸی کالج کا لیکچر نہیں دے رہا جو تمہارا مس ہو گیا ہے تو میں دوبارہ دوں۔۔۔۔۔ سامنے فاٸل پڑی ہے کھول کر پڑھ لو۔۔۔۔“قاسم نے بامشکل اپنا غصہ پیتے ہوئے کہا۔۔۔۔۔

”اووو۔۔۔۔میں آپ کو بتادوں مسڑ قاسم ۔۔۔۔آپ کی اس فاٸل میں مجھے ایک بھی بات کام کی نہیں لگی۔۔۔۔۔ہمیں صرف ایڈورٹائزنگ اور لوگوں کا اپنے پروڈکس پر اعتماد بحال کرنے کی ضرورت ہے ۔۔۔نہ کے قیمت بڑھا کر معیاری معیاری چلانے کی ۔۔۔۔۔“عبدالمنان کا پُراعتماد لہجے میں جواب دینا تھا ۔۔۔۔کے شہاب صاحب مارے حیرت کے ایک دو ثانیوں کے لٸے سکتے میں چلے گٸے تھے ۔۔۔۔۔

”تو تم کہنا چاہ رہے ہو کے صرف ایڈورٹائزنگ کرنے سے تمہاری پروڈکس کی سیل بڑھ جائے گی“قاسم کو اس کا جواب کرارے طما نچے کی طرح محسوس ہوا تھا۔۔۔وہ بھپر کر پلٹ وار کرنے آیا ۔۔۔۔۔

”بلکل ۔۔۔۔میں نے کبھی نہیں دیکھا کے ایک عام عورت کوئی بیوٹی پروڈکٹ اٹھاکر اس کے ingredients پڑھ کر خریدے۔۔۔۔مگر ایک خوبصورت سی ایکٹریس کو دیکھ کر۔۔۔۔اس جیسی خوبصورت بنے کی چاہ میں ضرور خریدتی ہے۔۔۔کیونکے ہمارے یہاں جو دکھتا ھے وہ بکتا ھے۔۔۔۔۔سمجھے بچے۔۔۔۔۔“اس نے کوٸی لمبی چوڑی پریزنٹیشن پیش نہیں کی تھی۔۔۔۔بس دو تین جملوں سے ہی اس نے سب کو اپنی بات پر قائل کر لیا تھا۔۔۔۔۔

”تم واقعی پوری تیاری سے آۓ تھے ؟؟“شہاب صاحب بے یقینی سی کیفیت میں پوچھ رہے تھے۔۔۔۔میٹنگ روم سے نکلتے وقت۔۔۔۔

”نہیں۔۔۔۔۔ آخری جملہ سن لیا تھا میں نے اس کا۔۔۔۔ اس لیے اپنے تجربے کے مطابق راۓ دی۔۔۔۔بس“وہ مسکراتے ہوۓ کہ کر چلا گیا۔۔۔۔جبکے شہاب صاحب اس کی ذہانت پر الجھ کر رہ گئے تھے۔۔۔

*****—-—–*********

کچھ راتوں سے ایک خواب مسلسل آرہا تھا۔۔۔۔

وہ ہی پکارتی ہوٸی آوازیں ۔۔۔۔وہ ہی دروازہ۔۔۔۔۔۔

پر آج خواب میں عبدالمنان نے خود کو اس کمرے میں پایا۔۔۔۔۔ کمرے کی ساری بتیاں فانوس روشن تھے۔۔۔ایک خوبصورت سی مدھر دھن بج رہی تھی۔۔۔۔اچانک سامنے زرمین نظر آٸی ۔۔۔۔۔(حویلی کے مالک کی بیٹی زرمین)۔۔۔۔۔وہ اسی کی جانب آرہی تھی۔۔۔۔”مانی میرے ساتھ ڈانس کرو گے؟؟؟“اس کے کہتے ہی عبدالمنان نے اس کے ساتھ ڈانس کرنا اسٹارٹ کیا۔۔۔۔۔۔

وہ کمرا اس قدر کشادہ تھا ۔۔۔۔کے دونوں آرام سے ڈانس کر رہے تھے۔۔۔۔۔

زرمین کالے رنگ کی خوبصورت سی میکسی زیب ِتن کی ہوئی تھی۔۔۔۔

بالوں میں جوڑا بندھا ہوا۔۔۔۔۔

وہ حسین و جمیل پری مسکرا رہی تھی۔۔۔۔۔۔۔۔

اک دم اچانک اس کی نظر کمرے میں موجود بڑے سے شیشے پر پڑی۔۔۔۔۔جس میں زرمین کے عکس کی جگہ ۔۔۔۔اسے دوسری زرمین نظر آنے لگی۔۔وہی خوبصورت و حسین لڑکی جو اسے زرمین کے نام سے حویلی میں ملی تھی۔۔۔۔۔۔لیکن اس کی آنکھیں بلکل سفید دیکھ وہ بری طرح چونک کر پیچھے کی جانب گرا۔۔۔۔۔

”اللہ۔۔۔۔“گرتے ہی اس کی آنکھ کھل گٸی۔۔۔۔اس کے حواس ابھی تک بحال نہیں ہوۓ تھے۔۔۔۔ایک عجیب سہ خوف طاری تھا پورے جسم میں۔۔۔۔”اتنی خوفناک آنکھیں“وہ اپنے چہرے پر ہاتھ پھیرتے ہوۓ ۔۔۔۔۔ایک گہری سانس بھر کر گویا ہوا۔۔۔۔۔