Rooh E Ishq By Hussny Kanwal Readelle50267 Rooh E Ishq (Episode 03)

Rooh E Ishq By Hussny Kanwal

”منان ۔۔۔انسان کے بچے بنے کا کیا لو گے ؟؟“شہاب صاحب منان کو شازمہ کے گرنے پر مزاق اڑاتا دیکھ ۔۔۔اپنا سر پکڑ دانت پیستے ہوۓ استفسار کرنے لگے۔۔۔۔

”انسان کا بچہ ؟؟؟“منان تعجب سے اپنی آنکھیں ٹم ٹماتے ہوۓ۔۔۔۔۔۔”وہ کیا ہوتا ہے بوڑھے بابا۔۔۔؟؟؟؟“اگلے ہی لمحے منان نے نہایت معصومانہ چہرہ بناۓ استفسار کیا تو شہاب صاحب کا مارے غصے کے خون کھول گیا۔۔۔۔

”جو تم نے نہ بنے کی قسم کھا رکھی ہے“شہاب صاحب نے بڑی مشکل سے اپنا غصہ پینے کی کوشش کی تھی۔۔۔۔

” دادا پوتے کے ورلڈ وار میں ہمیشہ میں کیوں پھنس جاتی ہوں“شازمہ روتو سہ چہرہ بناۓ دل ہی دل سوچنے لگی۔۔۔۔۔

”اففف ۔۔بوڑھے بابا کبھی پیار محبت والی باتیں بھی کرلیا کرٶ۔۔۔۔ جب دیکھو کڑوا کریلا چباۓ بیٹھے رہتے ہو“منان طنزیہ کہ کر شازمہ سے مخاطب ہوکر۔۔۔۔

”بچی کھانا دو ۔۔۔بھوگ لگ رہی ہے مجھے “شازمہ اس کے کہتے ہی کھانا لگانے لگی۔۔۔

”تم بھی بیٹھ جاٶ۔۔۔۔کھڑی کیوں ہو ؟؟؟“شازمہ کھانا لگانے کے بعد وہیں کھڑی تھی کے منان نے اسے دیکھ بیٹھنے کی آفر دی۔۔۔

جس پر وہ شہاب صاحب کی جانب دیکھنے لگی۔۔۔کیونکے اکیلے میں وہ اکثر منان کے ساتھ ایزیلی بیٹھ کر کھانا کھالیا کرتی تھی۔۔۔پر شہاب صاحب کے سامنے وہ ہچکچا رہی تھی۔۔۔۔

شہاب صاحب شازمہ کو عجیب نگاہوں سے دیکھنے لگے۔۔۔

”میں بعد میں کھا لوں گی “شازمہ نے دھیمے لہجے میں جواب دیا۔۔۔وہ کافی امبرس فیل کرنے لگی تھی شہاب صاحب کے سامنے۔۔۔۔

اسے آج شہاب صاحب کی آنکھیں اپنے وجود پر چبتی ہوٸی محسوس ہورہی تھیں۔۔۔۔اسے شدت سے احساس ہوا تھا آج کے وہ منان کی ملازمہ ہے۔۔۔۔اسے زیب نہیں دیتا ۔۔۔اس کے ساتھ بیٹھ کر ایک ہی ٹیبل پر کھانا۔۔۔۔۔

”بعد میں کیوں ؟؟؟۔۔۔ہم روز ساتھ کھاتے ہیں تو آج کیوں نہیں ؟؟؟“منان کے کہتے ہی شازمہ کو شہاب صاحب ترچی نگاہ سے دیکھنے لگے۔۔۔۔

”تو ۔۔۔۔مس شازمہ آپ روز منان کے ساتھ بیٹھ کر کھانا کھاتی ہیں ؟؟“ ان کے لہجے کی حیرت و حقارت نے منان کو ان کی جانب متوجہ کیا تھا۔۔۔

”کیوں ؟؟۔۔۔بچی میرے ساتھ کھانا نہیں کھا سکتی کیا ؟؟؟“منان نے سخت لہجے میں ابرو اچکاکر استفسار کیا۔۔۔۔

شازمہ شرمندگی کی اتھا گہراٸیوں میں اتر گٸی۔۔۔۔۔اسے آج شہاب صاحب کی نظروں کی حقارت نے یاد دلایا تھا کے وہ اس گھر اور منان کی ایک معمولی سی ملازمہ ہے۔۔۔۔

”نہیں۔۔۔۔“شہاب صاحب کے کہتے ہی منان کے چہرے پر مسکراہٹ بکھر آٸی۔۔۔۔

”اوووو۔۔۔۔تو بچی میرے ساتھ کھانا نہیں کھا سکتی۔۔۔۔پر کیا بوڑھے بابا میں ایک معصومانہ سوال کرسکتا ہوں ؟؟“اس کے کہتے ہی شہاب صاحب منہ بسور کر ۔۔۔

”میرے منع کرنے پر کون سہ تم چپ ہو جاٶ گے ۔۔۔۔“ان کے کہتے ہی منان پیاری سی مسکراہٹ لبوں پر سجاۓ۔۔۔۔

”شکر آپ نے میری شخصیت کو اتنا تو پہچانا۔۔۔۔۔۔تو بات دراصل یہ ہے بوڑھے بابا۔۔۔۔ ہم جس نبی کے مانے والے ہیں وہ تفریق کو پسند نہیں فرماتے۔۔۔۔اور آپ کی نظروں کی حقارت اور لہجے کی چبن مجھے زہر لگ رہی ہے اس وقت۔۔۔۔تو پلیز شازمہ کو آٸیندہ کمتری کی نگاہ سے مت دیکھٸے گا۔۔۔۔۔۔آٸی تھنک ۔۔۔۔اتنا ڈوس آج کے لٸے کافی ہے۔۔۔۔“منان نے کڑوی گولی کو مانو شہد میں ڈبو کر پیش کیا تھا۔۔۔لہجہ اتنا میٹھا جیسے شہد ٹپک رہا ہو۔۔۔باتیں اتنی کڑوٸیں کے شہد سے بھی نگلنا ممکن نہ ہو۔۔۔۔

اگر واقعی تفریق ختم کردی جاۓ اس دنیا سے ۔۔۔تو امیر اپنی دولت پر کیسے آکڑے ۔۔۔۔

نسل قومیت کلیسا ۔۔۔۔ سلطنت ، تہذیب ، رنگ۔۔۔۔۔ خواجگی نے خوب چُن چُن کے بنائے مُسکِرات۔۔۔۔۔۔

ہاۓ معاشرے نے بڑے چن چن کر بناۓ ہیں مسکرات۔۔۔۔۔جنھیں یہ بڑے لوگ سالوں سے قاٸم رکھے ہوۓ ہیں اپنی شان کے طور پر۔۔۔۔۔

پر عجیب بندہ تھا ۔۔۔۔معاشرے کے تفرقات بنانے والوں کو ایک مثال میں ہی لاجواب کر گیا۔۔۔۔

کے خضور ﷺ سے زیادہ نہ اعلی کوٸی۔۔۔۔

نہ حضور سے زیادہ اجمل کوٸی۔۔۔۔

نہ ان سے زیادہ اکمل کوٸی۔۔۔

نہ ان سے زیادہ افضل کوٸی۔۔۔۔

نہ ان سے زیادہ ارفع کوٸی ۔۔۔۔

نہ ان سے زیادہ انور کوٸی۔۔۔۔۔

سب سے ابہا ۔۔۔۔۔

سب سے آعلم۔۔۔۔

سب سے احسب۔۔۔۔

سب سے انصب۔۔۔۔۔۔

”چلو بیٹھو“منان نے شہاب صاحب کے غصے کو مکمل اگنور کیا تھا۔۔۔زبردستی شازمہ کو ہاتھ پکڑ کر اپنے برابر میں بیٹھا لیا ۔۔

”تمھیں مزا آتا ہے ناں ۔۔۔لوگوں کے سامنے اس طرح مجھے ذلیل کرنے میں ؟؟؟“شہاب صاحب غصے سے بھپر کر۔۔۔۔۔۔۔ کھڑے ہوکر بولے۔۔۔۔

”چلو جی ۔۔۔بوڑھے بابا کا لیکچر اسٹارٹ۔۔۔۔“منان منہ ہی منہ بڑبڑایا ۔۔۔۔

”سر ۔۔۔پلیز ۔۔۔آپ غصہ نہ کریں ۔۔۔۔میں آٸیندہ خود خیال رکھوں گی “شازمہ ان کا پارا ھاۓ ہوتا دیکھ۔۔۔۔فورا کھڑی ہوکر التجاٸیہ انداز میں گویا ہوٸی۔۔۔۔

”مس شازمہ ۔۔۔کل سے آپ کو جاب پر آنے کی کوٸی ضرورت نہیں۔۔۔۔اوکے۔۔۔۔“شہاب صاحب اپنا سارا غصہ مظلوم شازمہ پر اتارنے لگے۔۔۔۔

”پر سر۔۔۔۔میرا تو کنٹریکٹ ہے ایک سال کا“شازمہ بیچارگی سے گویا ہوٸی۔۔۔

”آپ بےفکر رہیں ۔۔۔وہ کینسل ہوجاۓ گا۔۔۔میرے آفس آکر اپنا حساب کر لیجئے گا“شہاب صاحب نے اس کی ایک نہ سنی۔۔۔

”یہ کیا ہوگیا “شازمہ ان کے جاتے ہی اپنا سر پکڑ بیٹھی تھی۔۔۔

جس پر منان کے چہرے پر ایک پُرسرار مسکراہٹ بکھر آٸی تھی۔۔۔۔

”چلیں بے۔بی سیٹر جی۔۔۔۔ٹاٹا۔۔۔“منان مسکرا کر کہتا ہوا چٸیر سے کھڑا ہوا۔۔۔

”کہا تھا ناں ۔۔۔دیکھتی جاٶ ۔۔۔تمھیں کیسے چلتا کرتا ہوں۔۔۔۔اپنے مقابل کو کبھی ہلکا نہیں لینا چاٸیے ۔۔۔میری بھولی بے۔بی سیٹر جی۔۔۔۔“منان نے اس کے کان میں ہلکے سے سرگوشی کی تو وہ حقا بقا نگاہوں سے اس کی شیطانی مسکراہٹ کو دیکھنے لگی۔۔۔۔۔

”تم نے آپ جان کر کیا یہ سارا تماشہ؟؟؟ “وہ معصوم لڑکی حیرت سے منان کا چہرہ تک رہی تھی۔۔۔۔۔

”ہممممم۔۔۔۔۔۔ میں بوڑھے بابا کی دوکھتی نبض سے اچھی طرح واقفیت رکھتا ہوں۔۔۔“وہ مفاہمانہ انداز میں۔۔۔۔ ایک آنکھ دبا کر اُسے دیکھ ۔۔۔۔۔۔مسکرا کر چل دیا۔۔۔۔

”منان میں تمھیں سمجھ نہیں پاتی ۔۔۔۔تم کبھی کبھی مجھے شیطان لگنے لگتے ہو“شازمہ کدروت سے بھری نگاہ اس کے وجود پر گڑاۓ گویا ہوٸی

”اگر اتنی آسانی سے سمجھ میں آجاٶں ۔۔۔تو عبدالمنان کیسے ؟؟“وہ معنی خیز انداز میں مسکراتا ہوا کہ کر چل دیا۔۔۔۔۔

******——–*******

”سر پلیز اٹھ جاٸیں ۔۔۔دوپہر کے تین بج چکے ہیں “ سرونٹ نواب صاحب کو جگانے کی ناکام کوشش کرنے میں مصروف تھا۔۔۔

”جاٶ بچی تنگ نہ کرٶ “ معمول کے مطابق منہ سے بےساختہ نکلا۔۔۔۔۔ تو ذہن نے کام کیا۔۔۔۔ کے اس بیچاری کو تو وہ کل رات ہی جاب سے نیکل وا چکا ہے۔۔۔۔

”یہ کیا بات ہوٸی۔۔۔میں اسے یاد کررہا ہوں ؟؟“منان اچانک سے کہتا ہوا اٹھ بیٹھا تھا۔۔۔

وہ اپنے دل کی اس انجانی کیفیت پر کافی تعجب میں تھا۔۔۔۔

اسی لمحے سیل رنگ ہوا۔۔۔۔نعمان کی کال دیکھ منہ بسورنے لگا۔۔۔۔

”سرو تمھیں پتا ہے مجھے سب سے زیادہ کس چیز سے نفرت ہے؟؟“وہ اپنے سرونٹ سے ابرو اچکاکر استفسار کرنے لگا۔۔۔۔جس پر اس نے جوابًا لا علمی میں نفی میں گردن کو جمبش دی۔۔۔۔۔۔

”ان مطلبی لوگوں سے۔۔۔“وہ سیل پر کدروت بھری نظر ڈالے۔۔۔۔۔ نعمان کی تصویر جو موبائل اسکرین پر شو ہو رہی تھی اسے دیکھ بولا۔۔۔۔

”او۔نوووو۔۔۔۔۔اب یہ آدھا گھنٹہ دماغ چباۓ گا۔۔۔۔منان منان کر کے “منان بےزاری سے منہ بسور کہنے لگا۔۔۔۔

”ہیلو “منان نے بےدلی سے کال ریسیو کی۔۔۔۔

”ہمارے یہاں سلام کرتے ہیں ۔۔۔۔یہ ہیلو ہاۓ انگریزوں کا طریقہ ہے “نعمان نے ٹوکتے ہوۓ کہا۔۔تو منان کے چہرے پر طنزیہ مسکراہٹ بکھر آٸی۔۔۔۔

” ہمارے یہاں خلوص سے ملتے ہیں۔۔۔۔ یہ مطلبی بن کر ملنا بھی انگریزوں کا طریقہ ہے“اس نے بھی ٹکا کر ذلیل کیا تھا۔۔۔

”یار ۔۔۔تو کیا برا مان گیا ؟؟“نعمان اس کا جواب سن شرمندہ سہ ہوگیا تھا۔۔۔۔ اپنی جھجک مٹانے کے لیے پوچھنے لگا ۔۔۔۔

اس گمان سے کے منان سامنے سے دل رکھنے کے لیے انکار ہی کرے گا۔۔۔۔

” اب تیرے جیسوں کی باتوں کا بھی برا مانے گا منان ۔۔۔سوری ۔۔۔۔۔اتنا لیول لو نہیں ہے ۔۔۔“منان نے تو اچھا خاصہ ذلیل کر ڈالا تھا۔۔۔۔اس کا جواب دینے کا انداز بھی نہایت حقیرانہ تھا۔۔۔۔

نعمان اس کا جواب سن شرمندگی کی اتھا گہراٸیوں میں گڑ گیا تھا۔۔۔۔

”چھوڑ یار ۔۔۔۔ایک دسرے کی ٹانگ کھینچنا تو لگا ہی رہے گا۔۔۔جس کام کے لٸے فون کیا ہے پہلے وہ کرلیتے ہیں ۔۔۔۔“نعمان اب ڈارٸک اصل موضوع پر آگیا تھا۔۔۔۔

”بولو ۔۔۔سن رہا ہوں“ منان بےزاری سے

”مجھے ایک حویلی مل گٸی ہے۔۔۔۔میں اسے رینڈ پر لینے کی سوچ رہا ہوں۔۔۔۔بس وہ تھوڑی ٹوٹی پھوٹی ہے۔۔۔۔۔۔اگر تو آکر ہمارے ساتھ آج وہ حویلی دیکھ لے تو اچھا رہے گا۔۔۔۔“نعمان کی بات سن منان فورا بول پڑا ۔۔۔۔

”چل ٹھیک ہے ۔۔۔۔لوکیشن اور ٹاٸم میسج کردے میں پہنچ جاؤں گا“

نعمان کو یقین نہیں آ رہا تھا کے منان اتنی آسانی سے مان گیا حویلی دیکھنے کے لٸے۔۔۔۔۔ بغیر کوئی منت سماجت کے۔۔۔۔

”چل ٹھیک ہے ۔۔۔میں بھیجتا ہوں۔۔۔اور ۔۔۔“نعمان ابھی بول ہی رہا تھا کے منان نے کال کاٹ دی۔۔۔

”ہیلو۔۔۔منان۔۔۔یار۔۔۔۔کال کاٹ دی۔؟؟؟۔۔“نعمان اپنا سیل دیکھ تعجب سے۔۔۔۔

پھر منہ بیگاڑتے ہوۓ ”بات تو پوری سن لیتا “۔۔۔

*****——******

”بچی تم یہاں ؟؟“ منان حیران تھا شازمہ کو سوئمنگ پول کے پاس کھڑا دیکھ۔۔۔۔

”ہاں۔۔۔۔کیوں نہیں آسکتی ؟؟؟۔۔۔۔“شازمہ نے مسکراتے ہوۓ پُرامید نظروں سے اس کی آنکھوں میں جھانکتے ہوئے استفسار کیا۔۔۔۔

”بولنا تو چاہتا ہوں کے نہیں آسکتیں ۔۔۔۔پر ۔۔۔۔کم بخت دل کہنے نہیں دے رہا “منان شوخ نگاہوں سے اس کے وجود کو تکتے ہوۓ مسکرا کر گویا ہوا۔۔۔۔

” فلرٹ کرنے کی کوشش کر رہے ہو ؟؟؟“شازمہ دونوں ہاتھ فولٹ کر ۔۔۔۔ابرو اچکاکر پوچھنے لگی۔۔۔

”نہہہہہہ۔۔۔۔۔۔۔“وہ کافی کھینچتے ہوۓ۔۔۔۔۔”بچی تم میرے ٹاٸپ کی نہیں۔۔۔۔“منان نے ذرا اکڑ کر۔۔۔۔ اسی کی طرح دونوں ہاتھ فولٹ کر ۔۔۔بےنیازی سے کہا۔۔۔۔

”پر تم چاہو۔۔۔۔ تو میں تمھیں یہ شرف بخشنے کی سوچ سکتا ہوں“اس نے بےنیازی سے کہا تھا۔ ۔۔۔۔ شازمہ کے چہرے کے قریب آکر۔۔۔۔۔

اس کی بات سن شازمہ کے تن بدن میں آگ لگ گٸی تھی۔۔۔۔

”تم “وہ دانت پیستے ہوۓ ۔۔۔

”ہاں میں۔۔۔۔کافی ہینڈسم ہوں ناں۔۔۔“منان اترا کر آنکھیں ٹم ٹماتے ہوۓ ۔۔۔اس کے بھولے سے چہرے کے مزید قریب آکر چھیڑنے لگا۔۔۔۔

”ہینڈسم اور تم ۔۔۔۔شکل دیکھو جاکر آٸینے میں۔۔۔۔بندر کہیں کے۔۔۔۔“شازمہ نے برا سہ منہ بناتے ہوۓ کہا۔۔۔تو جوابًا منان مسکراتے ہوۓ۔۔۔

”آٸینے میں تو ہر روز دیکھتا ہوں ۔۔۔آج دل کو چاہ ہے ۔۔۔ان گھنی پلکوں کے ساۓ میں جو شہد رنگ آنکھیں ہیں ۔۔۔۔ان میں اپنا عکس دیکھنے کی۔۔۔۔“وہ رومانس بھری نگاہوں سے شازمہ کی آنکھوں میں جھانکتے ہوۓ بولا۔۔۔۔

”کل تم نے مجھے جاب سے نیکلوایا ۔۔۔اور آج مجھ سے فلرٹ کرنے کی کوشش کررہے ہو ۔۔۔تمھیں ذرا سی بھی شرم آتی ہے ؟؟“وہ غصے سے بولی۔۔۔۔

”ھاۓۓۓۓۓ۔۔۔۔۔مجھے بڑی شرم آتی ہے قسم سے “منان شازمہ کا دوپٹہ ہاتھ میں لے کر ۔۔۔۔۔اس سے اپنا خوبصورت رخسار چھپاتے ہوۓ ۔۔۔شرمانے کی اداکاری کرتے ہوۓ گویا ہوا۔۔۔۔جیسے دیکھ شازمہ نے فورا اپنا دوپٹہ اس کے ہاتھ سے کھینچ لیا۔۔۔۔

”کیوں اچھا نہیں لگ رہا شرماتے ہوۓ ؟؟؟“منان اسے چڑتا ہوا دیکھ خوب مزے لے رہا تھا۔۔۔۔

”زہر لگ رہے ہو“وہ غراتے ہوۓ بڑی بڑی آنکھیں کر ۔۔۔۔۔کافی جتاتے ہوۓ بولی۔۔۔۔جس پر وہ مزید مسکرانے لگا

”مس شازمہ۔۔۔۔۔ آپ یہاں ؟؟“ابھی وہ دونوں باتیں کر ہی رہے تھے کے شہاب صاحب وہاں آکر اسے دیکھ تعجب سے گویا ہوۓ۔۔۔۔۔

”یس سر۔۔۔۔وہ آپ سے معافی مانگنے آٸی تھی۔۔۔۔سوچا ایک بار پرسنلی معافی مانگ لوں ۔۔۔“شازمہ نے نظریں جھکاۓ معافی طلب کی۔۔۔۔

”معافی کی کوٸی ضرورت نہیں۔۔۔۔اس الو کے پٹھے نے میری ذھنیت سے کھیلا ہے کل رات۔۔۔۔آپ نے اچھا کیا کے مجھے ریکارڈنگ سینڈ کردی۔۔۔۔۔“شہاب صاحب کی بات سن منان کے کان کھڑے ہوۓ تھے۔۔۔۔اب اس کی باری تھی حیرت کے غوطے کھانے کی۔۔۔۔۔

”جتنا تم ان فالتوہ حرکتوں میں اپنے ذہن استعمال کرتے ہو۔۔۔ اگر اس کا صرف آدھا حصہ کاروبار میں استعمال کرلو تو آج ہمارا بزنس آسمانوں کی اونچائیوں کو چھو رہا ہو۔۔۔“شہاب صاحب منان پر بھڑک کر بولے۔۔۔۔

”بوڑھے بابا مجھے ڈر لگتا ہے “منان نہایت معصومانہ چہرہ بناٸے خوفزدہ ہوکر بولا۔۔۔۔

منان نے اس قدر سنجیدگی سے کہا۔۔۔۔ کہ شازمہ بھی تجسس میں پڑ گٸی۔۔۔۔۔

”کس بات سے ڈر لگتا ہے تمھیں ؟؟؟“شہاب صاحب کافی نرمی سے استفسار کرنے لگے۔۔۔۔

”کے ۔۔۔۔کے۔۔۔۔۔۔۔“وہ بولنے میں کافی ہچکچا رہا تھا۔۔۔

”بولو منان ۔۔۔ایسی کیا بات ہے جو تمھیں خوفزدہ کر رہی ہے؟؟؟“شہاب صاحب بےصبری سے بول اٹھے۔۔۔۔

”کے۔۔۔۔کہیں آپ کی کمپنی میں دماغ لگانے سے ۔۔۔۔میرا دماغ ہی ختم ہوگیا تو “اس نے جذباتی ہونے کی ایسی اداکاری کی ۔۔۔کے اس کے کہے پورے جملے کو شازمہ اور شہاب صاحب نے سنجیدگی سے سنا تھا۔۔۔۔۔

اس کی بات سن شہاب صاحب کا دل چاہا اپنا سر دیوار سے دے ماریں۔۔۔۔۔

شازمہ کا حال بھی جدا نہ تھا۔۔۔اس نے اپنا ہاتھ زور سے اپنی پیشانی پر دے مارا ۔۔۔۔۔۔۔

”منان ۔۔۔۔۔میں اپنا بلڈ پریشر ہائی نہیں کرنا چاہتا تم سے لڑ کر “شہاب صاحب غصے سے دانت پیستے ہوۓ چلے گٸے تھے۔۔۔

”ایک پر ایک۔۔۔۔تمھیں بھی اپنے مقابل کو ہلکا لینے کی غلطی نہیں کرنی چاٸیے۔۔۔۔“شازمہ نے اس کے کان کے پاس اپنا چہرہ لاکر اسمارٹ مسکراہٹ لبوں پر سجائے سرگوشی کی۔۔۔۔”سو سنار کی ایک لوہار کی “ وہ کہتے ہوۓ اسے ناک منہ چڑھا کر ابھی ایک قدم اترا کر چلی ہی تھی کے منان نے اس کا ہاتھ پکڑ ۔۔۔۔۔اسے اپنی جانب کھینچا۔۔۔۔

اگلے لمحے وہ منان کے کشادہ سینے سے لگی تھی۔۔۔۔۔۔۔ اس کے کان کی لو کے قریب اپنا خوبصورت چہرہ کر ۔۔۔۔ہلکے سے سرگوشی کی ۔۔۔۔”نہیں ڈارلنگ۔۔۔۔ایک پر دو “یہ کہتے ہی اس نے شازمہ کو ایک لمحہ بھی سوچنے کا موقع نہ دیا ۔۔۔۔

اور اسے بے دھڑک سوئمنگ پول میں دھکا دے دیا ۔۔۔۔۔

”آہہہہہ۔۔۔۔منان ۔۔۔۔میں تمھیں چھوڑو گی نہیں۔۔۔۔“وہ پوری بھیگ گٸی تھی۔۔۔پانی پر غصے سے ہاتھ پٹکتے ہوۓ منان کو دیکھ کھاجانے والی نگاہ سے گھورتے ہوۓ بولی۔۔۔۔جس پر منان اطمینان سے سوئمنگ پول کے پاس بیٹھ کر۔۔۔

”میں نے تو پہلے ہی ون کیا تھا بچی۔۔۔۔منان سے پنگا ۔۔۔تمھیں بڑا مہنگا پڑنے والا ہے۔۔۔ابھی بھی وقت ہے ۔۔۔۔خودی دست بردار ہو جاؤ“منان نے لاسٹ وارننگ دیتے ہوئے کہا۔۔۔۔تو شازمہ غصے سے ”میں نے بھی تمھیں چھٹی کا دودھ یاد نہ دلا دیا تو میرا نام بھی شازمہ نہیں “اس نے جواب بڑے بھرم سے دیا تھا۔۔۔۔جس پر وہ مسکراتے ہوۓ اس پر پانی اچھالنے لگا۔۔۔۔

”منان ۔۔۔۔“پہلے تو وہ اپنا چہرہ کور کر رہی تھی پانی سے بچنے کے لٸے۔۔۔۔

”تم بھی لو ۔۔۔“اب شازمہ نے بھی جوابی کارروائی شروع کر دی تھی۔۔۔

”سردی لگ جاۓ گی ۔۔۔۔چلو باہر آٶ “منان نے مسکراتے ہوۓ ہاتھ آگے بڑھایا تھا۔۔۔۔

”تمھیں لگتا ہے ۔۔۔میں تمھارا ہاتھ تھامنے کی بےوقوفی کرٶں گی ؟؟“شازمہ طنزیہ کہ کر خودی ہاہر آگٸی تھی۔۔۔

منان کی نظر جب اس کے گیلے وجود اور اس میں جھلکتی ہوٸی اس کی دودھیا رنگت پر پڑی۔۔۔تو فورا نظریں جھکا لیں۔۔۔۔۔۔

وہاں رکھا ٹاول اس کے سر پر ڈالتا ہوا ۔۔۔۔نظریں جھکا کر چل دیا۔۔۔۔

اس کا نظریں جھکا کر جانا شازمہ کے چہرے پر ایک پیاری سی مسکان لے آیا تھا۔۔۔۔

******——–*******

وہ میسج پر بھیجی ہوئی لوکیشن پر جا پہنچا۔۔۔۔۔۔

اچانک سے بارش شروع ہوگٸی تھی۔۔۔۔

وہ خود کو بھیگنے سے بچانے کے لیے بھاگتا ہوا حویلی کے اندر پہنچا۔۔۔۔۔

”کہاں ہو نعمان ؟؟؟میں حویلی پہنچ گیا ہوں اور عجیب بات یہ ہے کہ دروازہ پہلے سے ہی کھلا ہوا تھا“منان نے کال کر کے اسے اطلاع دی تھی۔۔۔۔۔

”یار ۔۔۔میں راستے میں ہوں۔۔۔اور میں نے ہی حویلی کے چوکیدار سے کہا تھا کے دروازہ کھلا رکھنے کو۔۔۔۔“

”پر۔۔۔۔مجھے تو یہاں کوٸی چوکیدار نظر نہیں آرہا “منان حویلی کے بڑے سے لانچ میں نظر دوڑاتے ہوئے گویا ہوا۔۔۔۔

”اچھا۔۔۔۔ہوسکتا ہے کہیں کونے میں پڑا سو رہا ہو۔۔۔۔تو وہاں رک ۔۔۔۔میں بس آرہا ہوں “نعمان نے کہا تو منان نے اثبات میں سر ہلاکر ”اوکے ۔۔۔۔جلدی آ “ ۔۔۔۔

سیل اپنی جیب میں رکھ وہ حویلی دیکھنے لگا۔۔۔۔

” دیکھ کر تو لگتا ہے ۔۔۔۔کافی سالوں سے بند پڑی ہے۔۔۔“حویلی میں گپ اندھیرا چھایا ہوا تھا۔۔۔۔ اس نے اپنے موبائل کی فلش لائٹ اون کی۔۔۔۔ تو لاونچ میں موجود فنیچر پر سفید چادر بچھی ہوئی نظر آئی۔۔۔۔جس پر مٹی کی طے جمی ہوٸی تھی۔۔۔۔

وہ حویلی سے باہر گارڈن کی جانب آیا تو اسے وہاں موجود درخت کے پاس ایک لڑکی بارش میں بھیگتی ہوٸی نظر آٸی۔۔۔۔

”ہیلو۔۔۔۔ہیلو“منان نے دو تین آوازیں لگاٸیں ۔۔۔۔اپنی جگہ پر کھڑے کھڑے۔۔۔۔پر دور ہونے کے سبب اس لڑکی تک وہ آواز پہنچ نہ سکی۔۔۔۔۔وہ لڑکی دور سے سفید لباس اور کھلے ہوۓ بالوں میں نظر آرہی تھی۔۔۔۔۔

”اففف۔۔۔۔پاگل تو نہیں ہے یہ لڑکی۔۔۔۔۔سردی کی بارش میں بیٹھ کر بھیگ رہی ہے ۔۔۔“منان چھتری لے کر اس کے پاس پہنچا تھا۔۔۔۔

”ہیلو۔۔۔۔کب سے آوازیں لگا رہا ہوں تمھیں۔۔۔۔تم سنتی کیوں نہیں؟؟؟؟۔۔۔۔اوپر سے سردی کی بارش میں بھیگ رہی ہو۔۔۔۔پاگل تو نہیں ہو؟؟؟؟۔۔۔۔“منان نے اپنی چھتری کے حصار میں جب اس لڑکی کو لیا۔۔۔۔تو اس نے اپنا جھکا ہوا چہرہ اٹھا کر منان کی جانب دیکھا تھا۔۔۔۔۔۔