کمرے میں آوازیں سن کر جنت کی آنکھ کھل گئی اس نے ایک نظر سارہ اور ایمان کی طرف دیکھا جو آپس میں باتیں کرتے ہوۓ سوٹ کیس بند کر رہی تھیں ۔جنت نے سر اٹھا کر پوچھا آپی کیا کر رہی ہیں آپ لوگ وہ بھی اتنی صبح صبح۔۔ جنت کی بات سن کر سارہ اس کے پاس آ کر بیٹھتے ہوۓ بولی ۔جنت سعد کا رات کو فون آیا تھا سیٹ بک ہو گئی ہیں ۔جنت جلدی سے اٹھ کر بیٹھتے ہوۓ رونی شکل بنا کر بولی آپی آپ سچ میں ہمیں چھوڑ کر چلی جائیں گی۔ سارہ نے مسکراتے ہوۓ جنت کو گلے لگا تے ہوۓ کہا نہیں پاگل تم لوگ بھی کچھ دنوں میں میرے پاس ہو گے سعد نے وعدہ کیا ہے کہ وہ جلد از جلد تم بس کو بلائیں گے۔

جنت نے سارہ کے کندھے پر سر رکھا اور بولی آپی مجھے بہت ڈر لگ ہر ہے ۔تو سارہ جنت کے گال پر ہاتھ پھیرتے ہوۓ بولی میری پرئ کو کس بات سے ڈر لگ رہا ہے ۔جنت اپنی انگلی پر پڑی انگوٹھی جسے وہ پچھلے دو دن سے بھولی ہوئی تھی ۔دیکھ کر کچھ کہنے ہی لگی تھی کہ شگفتہ کمرے میں آتے ہوۓ بولی ۔تم لوگ کیا کر رہی ہو جلدی کرو ۔ابھی ناستہ بھی کرنا ہے اور سعد لوگ بھی دس بجے ادھر ہوں گے ۔چار بجے کی فلائیٹ ہے سارہ اور تم وقت ضائع کر رہی ہو اٹھو جلدی سے ۔اور تم جنت جلدی کرو ہاتھ منہ دھو کر ناشتے کی ٹیبل پہ پہنچو ۔اتنا کہہ کر شگفتہ ۔ایمان اور سارہ کو ساتھ لے کر کمرے سے چلی گئی اور جنت ایک بار پھر سے سب کچھ بھول کر واش روم چلی گئ۔

سارہ کو سعد اور اس کی امی کے ساتھ رخصت کر کے سب لیوینگ روم میں بٹھ گئے جنت اپنے باپ کے گلے لگ کر روتے ہوۓ بولی بابا جانی آپی چلی گئیں ۔تو حاجی احمد نے اس کے آنسو پونچھے اور دونوں ہاتھ اپنے ہاتھوں میں لیتے ہوۓ بولے پری بابا کی جان اپنی آپی کے لیے دعا کرو کہ وہ ہمیشہ خوش رہے وہ اپنے شوہر کے ساتھ اپنے گھر گئی ہے ۔اور سب بیٹیوں نے ایک نہ ایک دن جا نا ہی ہوتا ہے ۔ایک دن آۓ گا جب ایمان اور پھر تم بھی اپنے شوہروں کے ساتھ چلی جاؤ گی ۔اب کی بار حاجی احمد رنجیدہ ہوتے ہوۓ بولے۔ تو ان کی نظر جنت کی انگلی پر پڑی تو حیرت سے بولے پری یہ انگوٹھی کتنی پیاری ہے ۔کہاں سے لی۔ پری نے گھبرا کر ماں کی طرف دیکھا تو شگفتہ ایک دم سے اپنے اپ کو سنبھالتے ہوۓ بولی یہ اس کی دوست سدرہ نے دی ہے اسے ۔ حاجی احمد نے جنت کے سر پر ہاتھ پھیرتے ہوۓ کہا پری بیٹا سدرہ کو یہ واپس کر دینا کیوں کہ یہ انگوٹھی کافی مہنگی لگتی ہے ۔ جنت ترچھی نظر سے ماں کودیکھتے ہوۓ بولی جی بابا جانی۔

اچھا بابا کی جان جاؤ اپنے بابا کے لیے مزے کی چاۓ بنا کر لاؤ ۔پری باپ کا گال چومتے ہے بولی ابھی لائی بابا ۔ اور اٹھ کر کچن میں چلی گئی۔حاجی احمد شگفتہ سے مخاطب ہوتے ہوۓ بولے شگفتہ زرہ کمرے میں آؤ مجھے ضروری بات کرنی ہے ۔ شگفتہ اٹھ کر حاجی احمد کے ساتھ کمرے میں داخل ہوئی شوہر کو بیٹھتے دیکھ کر اسی کے پاس جا بیٹھی اور بولی جئ احمد کیا بات ہے۔ احمد نے شگفتہ کا ہاتھ پکڑا اور بولا۔ شگفتہ وہ میں نے رات کو حیدر کو فو ن کیا۔ یہ سنتے ساتھ ہی شگفتہ احمد سے ہاتھ چھڑواتے ہے کھڑی ہو گئی اور خیرت اور پریشانی سے بولی احمد کیوں کیوں کیا آپ نے اسے فون ۔احمد نے دوبارہ سے شگفتہ کو ہاتھ سے پکر کر بٹھا تے ہوۓ کیا دیکھو شگفتہ میری بات غور اور صبر سے سنو ۔ مجھے اگر کچھ ہو جاتا ہے تو شگفتہ بات کاٹتے ہوۓ بولی اللہ نہ کرے احمد آپ کو کچھ ہو ایسی بات مت کریں ۔ اگر آپ کو کچھ ہو گیا تو میں اور ہماری بیٹیاں کیا کریں گی۔شگفتہ نے سسکتے ہو کہا تو احمد بولے ہاں یہی تو میں کہہ رہا ہوں اور اسی لیے تو حیدر کو فون کیا ہے اور میری کوئی جمع پونجھی تو ہے نہیں جو تم میرے بعد اس پر گزارہ کرو ۔ اور سعد ہمارا داماد ہے پہلے ہی اس کا ہم پر بڑا احسان ہے جو اس نے خالی ہاتھ ہی ہماری بیٹی کو اپنا لیا ہے ۔اس سے زیادہ میں اس کا احسان کیسے لے سکتا ہوں ۔دیکھو حیدر پاکستان پہنچ گیا ہے ۔ اس کا میسج آیا ہے وہ شام کےوقت آۓ گا ۔ہم لوگ اس کے ساتھ چل رہے ہیں ۔ فل حال ہم لوگ یہئ شہر کے باہر اس کا گھر ہے وہاں جائیں گے بعد میں ایمان اور پری کا پاسپورٹ بنے کے بعد اس کے ساتھ لندن چلیں گے ۔اور وہی سارہ اور سعد کو بھی حیدر کے بارے میں بتائیں گے ۔شگفتہ سر دونوں ہاتھوں میں پکڑ تے ہوۓ بولی ۔احمد کیا بتائیں گے کیسے بتائیں گے ۔ہم نے کبھی ان کو کچھ نہیں بتایا۔ احمد نے بیوی کو بازوں میں بھرتے ہوے کہا سمجھ جائیں گی سمجھ دار ہیں ہماری بیٹیاں۔تم جاؤ جا کر ان کی پیکینگ کرو میں اپنی اور تمہاری پیکینگ کرتا ہوں۔

سالار ایک ہفتے سے زیادہ ہو گیا ہے ہمیں پاکستان آۓ ہم لوگ صرف پانچ دن کے لیۓ آئے تھے ۔تم یہاں ڈیرے ڈال کر بیٹھ گئے ہو کیا کرنا ہے وآپسی کا ایسے لاپرواہی سے تم بزنس تباہ کر دو گے ۔سالار لمبی سانس لیتے ہوۓ بولا ہاں احساس ہے مجھے بس پرسوں بابا لوگ آ جائیں ۔تو ان سے مل کر تمہاری بھابی والا معاملہ حل کر لیں ۔پھر چلتے ہیں۔ اب کی بار سالار نے ولی کو آنکھ مارتے ہوۓ کہا ۔تمہاری بھابی کو ساتھ لے کر۔ولی سالار کے کندھے پر ہاتھ رکھتے ہوے بولا ۔سالار مجھے ایک بات سمجھ میں نہیں آئی کہ تم تو میڈل کلاس لوگوں سے چڑ کھاتے ہو ۔پھر ایک ہی نظر میں کیا دیکھا تم نے پری میں کے آپنی زندگی کا اتنا بڑا فیصلہ کر لیا۔ولی کی بات سن کر سالار کھل کر ہستے ہوے بولا ۔ہاں یار بس اچھی لگی وہ اک نظر میں ہی اور اس کی ہسی سنی تو لگا کہ شائد وہ ہسی پوری زندگی بھی سنی جاۓ تو بھی دل نہ بھرے اور زندگی بھر اسے ساتھ رکھنے کے لیے شادی ضروری ہے ۔بس اسی لیے۔۔ ۔میں دعا کرتا ہوں کہ یہ معاملہ اتنا ہی سیدھا اور آسان ہو جتنا تم سمجھ رہے ہوولی نے ہاتھ سے اپنی آنکھیں مسلتے ہوۓ کہا۔ اپنے دونوں ہاتھ پینٹ کی جیبوں میں ڈالتے ہوۓ سالار بولا کچھ بھی مشکل نہیں ہے ولی تم دیکھنا ۔وہ لوگ ہسی خوشی اپنی مرضی سے بیٹی دیں گے جب انہیں ہمارے خاندان اور اسٹیٹس کا پتہ چلے گا۔ اور ویسے بھی یہ مڈل کلاس لوگ آپنی بیٹیوں کے لیے اونچے گھروں کے رشتوں کی تلاش میں ہوتے ہیں۔اور رہی بات پری کی تو اس نے خواب میں بھی ایسی عالیشان زندگی نہیں سوچی ہو گی ۔ دنیا جہاں کی ہر نعمت اس کے قدموں میں ڈال دوں گا میں۔ ولی نے سالار کی انکھوں میں آنکھیں ڈالتے ہوے کہا سالار زندگی میں سب کچھ پیسہ نہیں ہوتا۔ شادی میں لڑکی کی بھی مرضی ہونی چاہیے میرے خیال سے پری کی مرضی۔۔۔۔ابھی ولی کی بات ادھوری ہی تھی کہ سالار اپنی شہادت کی انگلی اس کے سامنے کرتے ہے بولا ولی بس اس سے آگے نہیں ۔تمہیں لگتا ہے کہ مجھے پروا ہے پری کی مرضی کی ایک بات کان کھول کر سن لو کیوں کہ میں آخری بار کہوں گا پری کی مرضی My foot سمجھے اس کی شادی ہو گی تو مجھ سے اس کی مرضی سے ہو یا مرضی کے بغیر مجھے کوئی فرق نہیں پڑتا اس بات سے سالار اپنی بات مکمل کر کے جانےکے لیے مڑا تو ولی بولا اگر وہ کسی اور کو مطلب کسی اور سے اتنی بات سن کر سالار ایک دم سے مڑا اورسنجیدگی سے بولا۔ تو اسے اور اس کے اس کسی اور کو اپنے ہاتھوں سے مار کر قبر میں اتاروں گا اور تم یہ بات لکھ کر رکھ لو ۔

‏

‏شگفتہ فون بند کرتے ہوۓ کچن سے ہی ایمان کو آواز دیتے ہوے بولی ایمان ۔۔۔ایمان۔۔ جی امی ۔۔ ایمان بیٹا دیکھو تمہارے بابا جاگ رہے ہیں یا سو گئے۔ اگر جاگ رہے ہیں تو بتاؤ انہیں کہ سارہ لوگ جہاز میں بیٹھ گئے ہیں۔ ابھی فون آیا ہے۔ شگفتہ کی بات سن کر ایمان باپ کے کمرے کی طرف گئی اور جنت ٹی وی کا ریمورٹ رکھ کر ماں کے پاس بھاگ کر آئی اور بولی امی میری بات کروائیں نا آپی سے پلیز۔ شگفتہ کھانا پکاتے ہوۓ بولی بیٹا اس نے بتا کر فون بند کر دیا ہے اب وہ وہاں پہنچ کر فون آن کرے گی ۔پھر کر لینا بات ۔تم یہ بتاؤ پیکینگ مکمل ہے تم دونوں کی ۔تمہارے ماموں آتے ہوں گے۔ ابھی اس نے بات مکمل ہی کی تھی کہ ایمان کے چیخنے کی آواز آئی ۔شگفتہ اور پری بھاگ کر کمرے میں پہنچی تو سامنے کا منظر دیکھ کر دونوں کی چیخیں نکل گئی ۔شگفتہ نے بھاگ کر فرش پر گرے احمد کا سر اٹھا کر روتے ہے گود میں رکھا اور اسے جھنجوڑنے لگئ احمد احمد خدا کے لیے آنکھیں کھولیں شگفتہ نے باپ کے پاس بیٹھی روتی پری اور ایمان کی طرف دیکھا اور بولی جاؤ جاکر ہمسائے سے بلقیس خالہ اور سہیل چاچو کو بلاؤ ۔ایمان روتی ہوئی بھاگی۔

‏پورے گھر میں چیخو پکار کی آوازیں گونج رہی تھیں ۔ایمان اور پری کا برا حال تھا رو رو رو کر ۔حیدر جب احمد کے گھر کے سامنے آیا تو اس کی اوپر کی سانس اوپر اور نیچے کی نیچے رہ گئی ۔کانپتے کدموں سے وہ جب گھر کے اندر داخل ہو تو صفے ماتم بچھی تھی ۔اس کی نظر سیدھی شگفتہ پر جا کر روکی جو سکتے کے عالم میں سامنے پڑی چارپائی کو گھور رہی تھی۔ شگفتہ نے ایک دم سے نظر اٹھا کر دروازے کی طرف دیکھا تو چیخ مار کر بھاگی اور آ کر حیدر کے گلے لگ گئی ۔ حیدر بھائی دیکھو نا یہ کیا ہو گیا ۔احمد ہمیں چھوڑ کر چلے گئے۔ شگفتہ دھاڑیں مار مار کر رو رہی تھی۔ اور حیدر کی آنکھوں سے آنسو کسی خاموش ندی کی طرح بہہ رہے تھے۔اس نے چارپائی پر پڑے بے جان احمد کی طرف دیکھتے ہوۓ کہا احمد یہ تم نے اچھا نہیں کیا۔ کم از کم میرا انتظار تو کرتے ۔ بائیس سال بعد مل رہے تھے ہم تم سے تھوڑا انتظار بھی نہ ہوا

‏احمد کا جنازہ ہو گیا ۔پری صوفے پر نڈھال پڑی تھی۔ ایمان حیدر اور شگفتہ کے لیے چاۓ بنا کر لائی ۔ حیدر شگفتہ کی طرف مخاطب ہوتے ہوۓبولا شگفتہ دیکھو کوئی حل نہیں تھا ہم سارہ کا انتظار نہیں کر سکتے تھے ۔ وہ لوگ اتنی جلدی کیسے آ سکتے تھے اور میت کو اتنی دیر رکھنا مناسب نہیں تھا ۔ اور ویسے بھی کچھ دنوں کی بات ہے ہم لوگ اس کے پاس ہو گے۔

‏

چوہدری ‏زریاب نے سالار کو زور سے گلے لگایا اور بولا ہممم تو میرے شیر نے فیصلہ کر لیا۔ جیتے رہو ۔ سالار نے مسکرا کر باپ کو دیکھا اور پھر سامنے بیٹھی بی جان کی طرف بڑھا۔ اور ان کے سامنے گھٹنوں کے بل بیٹھ گیا اور ان کے دونوں ہاتھوں کو چوم کر بولا بی جان کیسی ہیں بی جان نے سالار کا ماتھا چوما اور بولی میری چھوڑو یہ بتاؤ کب جانا ہے ہمیں ۔اپنی بہو کے گھر۔ سالار نے مسکراتے ہوۓ جواب دیا جب آپ حکم کریں۔ تو بس ٹھیک ہے صبح ہم لوگ جائیں گے بی جان نے سالار کو ساتھ لگاتے ہوۓ کہا۔تو آمنہ بول پڑی پر بی جان ایسے کیسے پہلے کچھ تخفے تحائف تو لے لیں ۔کیا ہم اپنی بہو کے گھر حالی ہاتھ جائیں گے۔ بی جان مسکر کر بولی ۔آمنہ اس کے دادا نے مجھے فون پر بتا دیا تھا اس لیے میں کچھ چیزیں لے آئی ہوں دیکھ لو اور اگر کچھ کم ہیں تو کل جاتے ہوے لے جائیں گے۔ بس سب تیاری کرو صبح جانے کی۔سالار بولا بی جان میں اور ولی آج ہی نکل جائیں گے ۔اپ لوگ کل پہلے میرے اپارٹمنٹ آئیےگا وہاں سے اکٹھے جائیں گے ۔

رات کے آٹھ بج رہے تھے ۔جب ولی پریشان سا اپارٹمنٹ میں داخل ہوا تو سالار کی طرف دیکھا جو کچھ سوچ کر اکیلے ہی مسکرا رہا تھا۔ کچھ دیر وہ سالار کو دیکھتا رہا۔ پھر اسے مخاطب کرتے ہوۓ بولا سالار ایک مسلہ ہو گیا ہے سالار نے مڑکر ولی کے پریشان چہرےکی طرف دیکھا۔ تو اٹھ کھڑا ہوا کیا ہوا ولی وہ اسکی طرف دیکھتے ہوے بولا کیا ہوا۔ اپنے بالوں میں بے چینی سے ہاتھ مارتے ہوۓولی بولا سالار وہ پری کے بابا کی دو دن پہلے ڈیتھ ہو گئی ہے سالار بھویں اچکا کر بولا اووو چلو جو اللہ کی مرضی ۔کیا کئیا جا سکتا ہے ۔ چلو صبح سب جا کر افسوس بھی کر لیں گے۔ ۔سالار مسلہ یہ ہے کہ ایک دن پہلے پری لوگ گھر چھوڑ کر کہیں چلے گئے ہیں ۔ کہاں گۓ ہیں آس پڑوس والوں کو کچھ خبر نہیں ۔اور تو اور جاتے ہوۓ وہ پڑوس والی انٹی کو باقائدہ تمہارا اور میرا حولیہ بتا کر گئے ہیں ۔ اس انٹی نے دیکھتے ہی پوچھا کہ کیا میں وہ ہی انگوٹھی والا لڑکا ہوں۔ انہوں نے یہ انگوٹھی مجھے دی ہے ۔ اس انٹی نے یہ کہا کہ شگفتہ انٹی نے وآپس کرنے کو کہا تھا۔ سالار نے ولی کی ہتھیلی پر پڑی انگوٹھی کو دیکھا ۔تو اس کا خون کھول اٹھا۔ اور غصے مےکانپتے ہوۓ بولا ۔

How۔۔۔۔ dare۔۔۔۔ you۔۔۔۔ pari

How dare you۔

غصے سے چیختے ہوۓ سالار نے پاس پڑے شیشے کے میز کو پاؤں مارا جو ٹوٹ کر سارے فرش پر بکھر گیا۔ ولی آگے بڑھنے لگا تو سالار سے چیحتے ہوۓ غصے میں کہا ہمت کیسے ہوئی اس لڑکی کی انگوٹھی اتارنے کی وارننگ دی تھی مینے اسے ڈھونڈھو اسے ولی جلد سے جلد کیوں کہہ جتنی دیر سے وہ میرے سامنے آۓ گی اس کی سزا بھی اتنی زیادہ ہو گی۔ ولی میں تمہیں بتا رہا ہوں ۔ میں چھوڑوں گا نہیں اسے ایک دفعہ بس ایک دفعہ مل جانے دو اسے ٹانگے توڑ دوں گا اس کی پھر کبھی کہی جانے کے لائق نہیں رہے گی۔ سالار عضے میں پاگل ہو رہا تھا ۔ آگے بڑھ کر اس نے ولی کو آستین سے پکڑ تے ہوۓ کہا ولی اسے پتا نہیں کہ اس نے کس کی بات ٹالی ہے ۔آگ سے کھیلی ہے یہ لڑکی اب میں اسے بتاؤں گا کہ سالار کی بات نہ مانے کا کیا نتیجہ ہوتا ہے ۔