Rate this Novel
Episode 03
صبح کی سنہری دھوپ ۔۔۔۔۔۔دھیرے دھیرے اس بڑے سے گھر کے چھوٹے سے برآمدے میں ۔۔۔۔۔۔پھیل رہی تھی۔۔۔۔۔کچن سے برتنوں کے آپس میں ٹکرانے کی آوازیں کسی ہتھوڑے کی طرح اس کے دماغ پر برس رہی تھی۔۔۔۔۔۔
وہ جو صبح لان میں ذرا۔۔۔۔۔۔سکون کی غرض سے آبیٹھا تھا۔۔۔۔۔۔اب یہ کچن سے آتی مسلسل آوازیں اس کا سارا سکون تہس نہس کر رہی تھی۔۔۔۔۔
پتہ نہیں اس کی ماں کو کیا بیماری تھی کہ ۔۔۔۔۔صبح اٹھتے ہی برتن توڑنے۔۔۔۔۔مطلب دھونے لگ جاتی تھی۔۔۔۔
ان کا دھونا بھی توڑنے سے کم تو نہیں تھا۔۔۔۔۔
اس نے ہاتھ میں پکڑا ۔۔۔۔۔صبح کا اخبار۔۔۔۔۔۔پاس پڑی ٹیبل پہ رکھ دیا۔۔۔۔
توجہ تو ویسے بھی ۔۔۔۔۔۔مرکوز کرنا۔۔۔۔۔۔اب مشکل تھا۔۔۔۔۔
اس نے دونوں بازو۔۔۔۔۔۔باہم ملا کہ ۔۔۔۔۔۔پھر کرسی کے ساتھ ٹکا کہ سر کو پیچھے بازٶں کے سپرد کر دیا اور نگاہیں اوپر آسمان کی طرف اٹھا دی۔۔۔۔۔
جہاں سورج اب ہلکی ہلکی شعاعیں ذمین کے سپرد کر رہا تھا۔۔۔۔۔
ذہن بے اختیار ایک دفعہ پھر اس دشمن جاں کے بارے میں سوچنے لگا تھا۔۔۔۔
وہ جو اپنی تمام تر معصومیت اور ناسمجھی سمیت اس کے دل میں اتر چکی تھی اور اب اس کے پورے دل کی اکلوتی حکمران بن بیٹھی تھی۔۔۔۔۔ایسی حکمران جو نا ملکیت کا تاج اپنے سر سجانا چاہتی تھی نا یہ تاج یہ ملکیت چھوڑنے پہ رضامند تھی۔۔۔
وہ جو پتہ نہیں عمر کے کونسے حصے میں تھا شاید تب جب وہ محبت کے لفظ سے بھی نا آشنا تھا۔۔۔۔جب وہ ہجر کی راتوں سے بھی واقف نہیں تھا تب وہ چپکے سے اس کے دل میں داخل ہوٸی تھی اور پھر اس کے دل میں ہی ڈیرے ڈال کے بیٹھ گٸ تھی۔۔۔۔۔
وہ چہرے پہ سنجیدگی سجاۓ۔۔۔۔۔غاٸب دماغی کے ساتھ آسمان کو گھورتے اسے سوچ رہا تھا جو اس کے دل کی حالت سے ناواقف تھی۔۔۔۔۔۔وہ جو بلاوجہ ہی اس سے خار کھاتی تھی ابھی سے نہیں بہت پہلے سے اور وہ اسے بلاوجہ ہی اچھی لگتی تھی پتہ نہیں کب سے۔۔۔۔۔
”کچھ لوگ بلاوجہ ہی اچھے لگنے لگتے ہیں۔۔۔۔۔“اور اشنال ملک اسے بلاوجہ ہی اچھی لگتی تھی۔۔۔۔۔
”اور وہ اسے بلاوجہ ہی برا لگتا تھا۔۔۔۔۔کیسا مذاق تھا۔۔۔۔۔۔“؟
لیکن یہ قسمت کا فیصلہ تھا لیکن قسمت کا فیصلہ شاید کچھ اور تھا۔۔۔۔
”قسمت بھی عجیب کھیل کھیلتی ہے کسی کو ہماری ذندگی میں شامل کرکے۔۔۔۔۔۔اسے ہم سے ہی بیگانہ کردیتی ہے وہ جو ہمارا اپنا ہوتا ہے ،جسے دل ہر لمحہ پکارتا ہے ۔۔۔۔۔۔دل جس سے کم ماننے پہ رضامند نہیں ہوتا۔۔۔۔۔جس کی ایک آواز پہ دل لبیک کہتا ہے بغیر کسی وجہ سے ہی اس ایک اپنے کو پرایا کردیتی ہے اتنا کہ اسے دل میں اٹھنے والے روح میں سرایت کرنے والے جذبات سے ہی بے خبر کر دیتی ہے۔۔۔۔۔۔“
اس نے افسردگی سے سوچا تھا۔۔۔۔۔
اسے اچھی طرح یاد تھی دسمبر کی وہ سرد رات ۔۔۔۔جس میں وہ اپنی ماں کے روبرو کھڑا ان کی آنکھوں میں آنکھیں ڈال کے کہہ رہا تھا کہ ۔۔۔۔۔وہ ڈاکٹر تب بنے گا کہ اگر وہ اس سے وعدہ کریں گی کہ جب وہ کسی قابل بن جاۓ گا تو وہ اشنال کو اس کی ذندگی میں شامل کر دیں گی ۔۔۔۔۔اگرچہ ڈاکٹر بننا اس کی اپنی خواہش بھی تھی ۔۔۔۔۔۔۔لیکن اولین خواہش ۔۔۔۔۔اشنال ملک تھی۔۔۔۔۔
اور یہ نام ہی کیسے اس کی بے جان روح میں ذندگی کی نٸ امید نٸ روشنی پیدا کر دیتا تھا۔۔۔۔۔
جیسے اشنال کسی سیاہ رات کا ٹمٹماتا ہوا جگنو ہو جو اس اندھیری رات میں روشنی بھر دے ۔۔۔۔۔۔وہ ایسے ہی اس کی بے جان روح میں ذندگی بن کہ دوڑتی تھی۔۔۔۔۔۔
اسے یاد آیا تھا جب وہ بارہ سال کا تھا اور وہ آٹھ سال کی وہ اس وقت ایک اکھڑ مزاج بچہ تھا اور جب وہ محبت سے ہی بے خبر تھا تو وہ محبوب کو کیسے پہچانتا بس وہ چھوٹی سی مغرور سی نک چڑی سی لڑکی اسے اچھی لگتی تھی۔۔۔وہ بچپن سے ہی خاندان کا سب سے ذہین بچہ تھا بس عادتوں کی خرابی کی وجہ سے خاندان کے بڑے اس سے فاصلہ رکھتے تھے۔۔۔۔۔۔لیکن اشنال کی بات الگ تھی ۔۔۔۔اس نے جب سے ہوش سنبھالا تھا اس نے اشنال کو بدتمیز ہی دیکھا تھا۔۔۔۔۔۔ایک خودسر لڑکی اپنے فیصلے خود کرنے والی۔۔۔۔اگرچہ اس میں بہت سی خامیاں تھی لیکن خوبیوں کا بھی اپنا ہی معیار تھا ۔۔۔۔۔۔وہ اس چمن کا سب سے نازک پھول تھا ۔۔۔۔۔ایک ایسا گل جسے مالی بہت محبت سے اگاتا ہے وہ اتنا نازک ہوتا ہے کہ ہاتھ لگنے سے بھی پتیاں بکھر جاٸیں گی۔۔۔اس لیے اسامہ نے اسے ہاتھ نہیں لگایا تھا اسے کچھ نہیں بتایا تھا اسے خود سے بے خبر رکھا تھا کہ کہیں وہ اسے غلط نہ سمجھیں وہ اس سے چھ سال بڑا تھا۔۔۔۔ایک وقت میں وہ اس کے بہت قریب تھی اتنے کہ وہ اس کے بالکل قریب بیٹھی تھی۔۔۔۔
وہ پھر انہی دنوں میں کھونے لگا تھا۔۔۔۔۔
یہ موسم سرما کی ایک سرد دوپہر تھی ۔۔۔۔۔۔اس لان میں اگے پھولوں کی پتیوں پہ سورج کی شفاف کرنیں ٹکراتے ہی ان کی دلکشی میں اضافہ کر رہی تھی گلاب کے اور موتیے کی پھولوں کی خوشبو نتھوں کو چیرتے ہوۓ ۔۔۔۔۔۔۔روح میں اتر رہی تھی
وہ چہرے کے تاثرات بگاڑے ۔۔۔۔۔۔لان کی نرم مگر ٹھنڈی گھاس پہ دونوں پاٶں پھیلاۓ۔۔۔۔۔۔سامنے کاپیوں کا انبار سجاۓ۔۔۔۔۔۔۔بیٹھی تھی۔۔۔۔۔
چہرے کے سامنے کے بال کیچر سے نکل کے اب اس کے ماتھے پہ آرہے تھے جنھیں وہ ہاتھ میں پکڑے پن کے ساتھ لپیٹ رہی تھی۔۔۔۔
اندر سے آتے اسامہ نے اس بیزار صورت والی اس لڑکی کو دیکھا۔۔۔۔۔جس کے چہرے پہ پریشانی ڈیرے جماۓ بیٹھی تھی۔۔۔
اور وہ اس پریشانی کی وجہ جانتا تھا وجہ تھی اشنال کا دھم جماعت کا میتھس کا پیپر ۔۔۔۔۔
جو اس کا چین سکون غارت کردیتا تھا ہمیشہ کی طرح۔۔۔۔۔
جو کام وہ نہیں کرپایا تھا وہ یہ کمبخت میتھس کر لیتی تھی ۔۔۔۔۔
ویسے ہی اس کی رقیب بن بیٹھی تھی۔۔
اپنی سوچ پہ اسے خود ہی ہنسی آٸی تھی۔۔۔۔۔
پھر وہ دھیرے دھیرے چلتا اس کے قریب گیا تھا ۔۔۔۔۔
کالے رنگ کی لمبی قمیض جس کا دامن اس نے گھٹنے پہ پھیلا رکھا تھا۔۔۔۔۔۔نیچے کالے ہی رنگ کی کیپری ۔۔۔۔اوپر سیاہ ہی شال اوڑ رکھی تھی۔۔۔۔۔۔بالوں کو کیچر میں باندھے ۔۔۔۔۔۔وہ سوچوں میں اس قدر محو تھی کہ اس کی موجودگی محسوس نہ کر سکی ۔۔۔۔۔
وہ ہاتھ باندھ کہ اسے دیکھنے لگا جیسے اس کا چہرہ اپنی آنکھوں میں جذب کر رہا ہو ۔۔۔۔۔
پھر اس نے چونک کے سر اٹھا کہ دیکھا تھا۔۔۔۔
سامنے سفید رنگ کے سوٹ میں ملبوس اسے محویت سے دیکھتے اسامہ پہ ایک اچنٹی سی نگاہ ڈالی تھی۔۔۔۔
پھر اسامہ کی کمر کے پیچھے چمکتے سورج کی شعاعیں اس کی خوبصورت آنکھوں کے ساتھ ٹکرانے لگی اور مذید آنکھیں کھلی رکھنا محال ہو گیا اس نے ہاتھ ماتھے پہ رکھا پھر آنکھیں سکیڑ کے سوچوں میں ڈوبے اسامہ کو جو ٹکٹکی باندھے اسے دیکھ رہا تھا۔۔۔۔۔۔
اس نے ذور سے میتھس کی کتاب پہ ہاتھ مارا تو یکدم وہ ہوش میں واپس لوٹا۔۔۔۔۔
وہ بیزار سا چہرہ لیے جو دھوپ کی تمازت کی وجہ سے سرخ ہو رہا تھا ۔۔۔۔۔۔اسی کی طرف دیکھ رہی تھی۔۔۔
وہ یکدم شرمندہ ہوا تھا۔۔۔۔۔
پھر اس کے قریب ہی بیٹھ گیا تھا۔۔۔۔
”جس سپیڈ سے آپ سوچ رہے تھے مجھے تو سو فیصد یقین ہو گیا تھا آج کشمیر آذاد کروا کے ہی دم لے گے ۔۔۔۔۔۔“
اس نے بے ذاری سے کہتے ہوۓ ۔۔۔۔۔۔سر جھٹک دیا ۔۔۔۔۔
وہ ہلکا سا مسکرایا تھا ۔۔۔۔۔
”ارے نہیں میں تو بس تمہیں دیکھ رہا تھا کہ ایک میتھس کے پیپر نے تمہاری کیا حالت کر دی ہے“
اس نے اس کے ہاتھ سے کتاب لیتے ہوۓ۔۔۔۔شرارت سے ہنسی دباٸی ۔۔۔
وہ جانتا تھا کہ تھوڑی سی ہمدردی اس کی دکھتی رگ ہے اب وہ ایسا شروع ہو گی۔۔۔۔۔کہ پھر چپ نہیں ہوگی۔۔۔۔
لیکن توقع کے برخلاف وہ سر جھکاۓ خاموشی بیٹھی ایک ہاتھ سے پتھر کی مدد سے گیلی مٹی میں داٸرے بنانے میں مصروف تھی۔۔۔۔۔
رات کو شاید بارش ہوٸی تھی تھی اس لیے ذمین میں نمی تھی ۔۔۔۔۔جو اس نے اب محسوس کی تھی اس کے باوجود اشنال ذمین پہ بیٹھی تھی۔۔۔۔
اس نے جانچتی نظروں سے اس کا جاٸزہ لیا وہ اس کو مغموم لگی۔۔۔۔خلاف توقع اس نے بات کا جواب بھی نہیں دیا تھا۔۔۔۔۔۔وہ اس کی حالت سے باخبر تھا جب بھی اس کی میتھس کا پرچہ ہوتا وہ ایسے ہی پریشان چہرہ لیے پھرتی رہتی۔۔۔۔۔
ایشو کیا بات ہے کوٸی مسٸلہ ہے کیا۔۔۔۔؟
وہ اکڑوں بیٹھ کہ بازو اپنے گھٹنوں کے گرد پھیلاۓ فکرمندی سے اس کی طرف جھکا تھا جو مسلسل خاموش بیٹھی ذمین کو گھور رہی تھی۔۔۔۔
”میں پیپر نہیں دینا چاہتی اس بار۔۔۔۔۔۔“
اس نے آہستہ سے کہا۔۔۔۔
تو اسامہ نے حیرت سے دیدے پھاڑ کے اسے دیکھا۔۔۔۔
اسے محسوس ہوا کہ اس کی سماعت میں کوٸی خرابی ہوٸی ہے۔۔۔۔۔۔جس کی وجہ سے اس نے غلط سنا ہے۔۔۔۔۔۔ایشو ہمیشہ پیپرز میں پریشان ہوتی تھی لیکن ایسی بات پہلی دفعہ کہہ رہی تھی ۔۔۔۔۔
”کیا ہوا اشنال ایسے کیوں کہہ رہے ہو۔۔۔۔۔۔پیپر کوٸی اتنا بڑا مسٸلہ نہیں ہے ۔۔۔۔۔۔“
اس دفعہ اس نے اس کی آنکھوں میں دیکھتے ہوۓ رسان سے سمجھانے کی کوشش کی ۔۔۔۔۔
”بس مجھے نہیں پتہ میں پیپر نہیں دوں گی اس دفعہ آپ مما سے بات کریں میں اگلے سال پیپر دے دوں گی۔۔۔۔۔ابھی میری تیاری نہیں ہے اگر میں پیپر دوں گی تو میں فیل ہو جاٶں گی۔۔۔۔۔“
اس نے انگلیاں مڑوڑتے ہوۓ کہا وہ منت پہ اتر آٸی تھی۔۔۔۔
اسامہ ہونٹ کچلتے ہوۓ اسے دیکھنے لگا۔۔۔۔جو ابھی تک سر جھکا کہ بیٹھی تھی۔۔۔۔۔
”یہ تم سے کس نے کہا کہ تم فیل ہو جاٶ گی“؟
اس نے کچھ سوچتے ہوۓ کہا۔۔۔۔۔۔
”تو اس نے سر اٹھا کہ اسے دیکھا۔۔۔۔۔“
”میرے دل نے“
اس نے سارا الزام دل کو دیتے ہوۓ اپنا دامن جھاڑ دیا۔۔۔۔۔
”تم نے قرآن کی یہ آیت سنی ہے ایشو۔۔۔۔“
کہ انسان کو اس کی سوچ کے مطابق ہی ملتا ہے۔۔۔۔۔“
کہ انسان کو وہی ملتا ہے جو وہ سوچتا ہے۔۔۔۔۔“
اگر ہم الّٰلہ سے اچھے کی امید رکھیں گے تو ہمیں اچھا ہی ملے گا لیکن اگر ھم اس سے برے کی امید رکھیں گے تو ہمیں برا تب بھی نہیں ملے گا۔۔۔۔۔لیکن ایسے میں ہمیں اچھا بھی تو نہیں ملے گا۔۔۔۔۔“
وہ اس کو مسلسل دیکھتے ہوۓ کہہ رہا تھا جو ابھی تک سر جھکا کہ بیٹھی تھی ۔۔۔۔۔
انسان اور خدا کا رشتہ بہت مضبوط اور مستحکم ہوتا ہے لیکن اس رشتے کی بنیاد اعتماد پر ہوتی ہے بھروسے پہ ہوتی ہے ۔۔۔۔۔۔اگر ہمیں اس رشتے کو مضبوط کرنا ہے تو ہمیں ہر حالت میں اعتماد کرنا ہے بھروسہ کرنا ہے یہ سوچنا ہے کہ وہ ہمیں کبھی گرنے نہیں دیں گے۔۔۔۔۔تو یقین مانو ایشو وہ ہمیں کبھی گرنے نہیں دیتا ۔۔۔۔۔۔
اس نے رک کے نیلے آسمان کو دیکھا جہاں پہ پرندیں غول در غول اڑ رہے تھے۔۔۔۔۔۔
”ہم ہر امتحان میں پاس ہو جاتے ہیں جلد یا با دیر۔۔۔۔۔لیکن پاس ضرور ہو جاتے ہیں ۔۔۔۔۔۔لیکن پتہ ہے اصل فاتح کون لوگ ہوتے ہیں ۔۔۔۔۔۔“
اس نے رک کے اسے دیکھا اس نے اسی لمحے نظر اٹھا کہ دیکھا تھا۔۔۔۔
نظروں کا تبادلہ ہوا تھا۔۔۔۔
پراعتماد نظریں ۔۔۔۔۔کا عکس بے چین نظروں میں دیکھاٸی دے رہا تھا ۔۔۔۔۔۔
جو ذندگی میں اس اصول پہ عمل پیرا رہتے ہیں کہ never give up……..
اس نے ہاتھ اٹھا کہ اسے اشارے سے سمجھایا تھا۔۔۔۔۔
جنہوں نے اپنے پاٶں پہ چل کہ منزل تک پہنچنے کی کوشش کی اور اگر وہ تھک گۓ تو وہ ایڑھیوں کے بل چلنے لگے۔۔۔۔۔اور اگر وہ ایڑھیوں کے بل بھی نا چل سکے تو انہوں نے گھٹنوں کے بل چلنا شروع کر دیا۔۔۔۔۔اور جب یہ بھی ممکن نہ رہا تو وہ ہاتھوں کے بل چلنے لگے۔۔۔۔۔اور جب یہ بھی وبال بن جاتا ہے تو پھر وہ کہنیوں کے بل چلنے لگتے ہیں ۔۔۔۔۔۔لیکن وہ ہار نہیں مانتے وہ اپنی صلاحیتوں کو مسترد کرکے کسی اور کو موقع نہیں دے دیتے ایشو۔۔۔۔
اس نے اب کی بار اپنے ایک ایک الفاظ پہ ذور دے کہ اسے سمجھایا تھا۔۔۔۔
وہ سپاٹ چہرہ لیے اسے دیکھ رہی تھی ۔۔۔۔۔
خاموش نظروں سے۔۔۔۔
”کوٸی بھی انسان فاتح بن کہ پیدا نہیں ہوتا نا ہی ہم پیدا ہوتے ہیں تو ہمارے چہروں پہ ٹیگ لگے ہوۓ ہوتے ہیں ۔۔۔۔۔۔ہمیں اس دنیا میں خود کو منوانا ہوتا ھے۔۔۔۔۔دنیا کی نظر میں بھی خود اپنی نظر میں بھی اور سب سے بڑھ کہ اپنے خالق کی نظر میں بھی ہمارے پاس ذندگی میں دو راستے ہوتے ہیں یا تو اسٹیچ سے نیچے کھڑے ہو کے کسی کے لیے تالیاں بجاٸیں یا کوٸی ہمارے لیے تالیاں بجاۓ ۔۔۔۔یا ہم انگھوٹے کو سیدھا کھڑا کر کے دیکھایا تھا ۔۔۔۔۔ایسے خود کھڑے ہو جاٸیں یا۔۔۔۔۔۔انگھوٹا الٹا کرکے دیکھایا تھا یا لوزر بن جاٸیں۔۔۔۔۔
پہلی بار اس کی کسی بات کا اشنال پہ اثر ہوا تھا۔۔۔۔
”آج تم میتھس کا پیپر نہیں دینا چاہتی کیوں کہ تمہیں ڈر ہے کہ تم ہار جاٶں گی فیل ہو جاٶ گی میں کہتا ہوں ایشو ڈر صرف خدا کا ہوتا ہے باقی ہر ڈر نقصان دہ ہے۔۔۔۔۔مضز ہے ہماری ذندگی کے لیے بھی ہماری صحت کے لیے ہماری امیدوں کے لیے۔۔۔۔۔ہمارے حوصلوں کے۔۔۔۔۔۔یہ ایک ایسی دیمک ہے جو آہستہ آہستہ انسان کو ختم کر دیتی ہے۔۔۔۔۔ہمیں ہر قدم پہ خوف ستاتا ہے ناکامی کا۔۔۔۔۔موت کا ۔۔۔۔۔یہی خوف ہر چیز کی جڑ ہوتا ہے۔۔۔۔۔اگر ہمیں ذندگی میں کامیاب ہونا ہے تو سب سے پہلے جس چیز کو جڑ سے اکھاڑنے کی ضرورت ہے وہ ہمارے اندر کا خوف ہے۔۔۔۔۔۔
”خوف باہر نہیں ہوتا۔۔۔۔۔خوف ہمارے اندر ہوتا ہے۔۔۔۔۔۔اصل میں اس کا حقیقت سے کوٸی تعلق نہیں ہوتا یہ کوٸی چیز نہیں ہے۔۔۔لیکن یہ چونکہ ہمارے اندر کا ایک احساس ہے۔۔۔۔۔۔اسے اندر سے ہی ختم کرنا ہوگا۔۔۔۔۔
”لہازہ اب یہ فضول باتیں ختم کرو اور پڑھنا شروع کرو آٸندہ میں تمہارے منہ سے یہ مایوسی کی باتیں نہ سنو۔۔۔۔“
اس تنبہہ کرتے ہوۓ۔۔۔۔۔۔وہ اب پوری طرح بک کی طرف متوجہ ہو گیا تھا ۔۔۔۔۔۔
اور وہ برا سا منہ بنا کہ کاپی کے صفحے پلٹنے لگی۔۔
یکدم کوٸی سحر ٹوٹا تھا۔۔۔۔۔۔جیسے کانچ کا کوٸی ٹکڑا یکدم ٹوٹ جاتا ہے سوچوں کے بھنور سے نکل کے اب وہ حال میں موجود تھا۔۔۔۔
دو سال گزر چکے تھے وہ جاچکی تھی۔۔۔۔۔
اس نے میٹرک میں بہت اچھے نمبر لیے تھے لیکن خاندان کی کسی تقریب پر اسے اسامہ نے اچھا بھلا ڈانٹا تھا لیکن اس وقت اسے احساس نہیں تھا کہ وہ اس حد تک بدظن ہو جاۓ گی کہ دوبارہ بات کرنا تو درکنا دیکھنا تک پسند نہیں کرے گی۔۔۔۔
لیکن اسے یقین تھا وہ اس کے خاندان کی تھی۔۔۔۔۔اسی کی تھی اور اس کی ماں نے بھی تو وعدہ کر رکھا تھا۔۔۔۔۔اب وعدہ پورا کرنے کا وقت آن پہنچا تھا۔۔۔۔
اس کی قربت کے احساس نے ہی اس کی رگ و جان کو دلفریب حصار میں لے لیا تھا۔۔۔۔۔
”وہ بہت جلد میری ھو جاۓ گی۔۔۔۔۔“
مسکرا کے سوچتے ہوۓ اس نے تازہ موتیے کی خوشبو کو اپنے اندر اتارا۔۔۔۔۔
❤❤❤❤
کمرے میں جلتے بلب کی مدہم روشنی میں اس کا چہرہ دھندلا سا دیکھاٸی دے رہا تھا۔۔۔۔۔
سر پہ پہنے ہیٹ نے چہرے کو چھپا رکھا تھا۔۔۔۔۔
اس کے سامنے ٹیبل پہ کمپیوٹر پڑا تھا۔۔۔۔۔۔
وہ اپنی عقاب جیسی تیز آنکھیں بغیر جھپکے۔۔۔۔۔کمپیوٹر سکرین کو گھورے جارہا تھا۔۔۔۔۔
ہاتھ تیزی سے کی پیڈ پہ چل رہے تھے۔۔۔۔۔۔۔
کمپیوٹر سے ذرد شعاہ نے نکل کے سامنے دیوار پہ ہیولا بنایا ۔۔۔۔۔۔ساتھ ہی ہوم پیچ چینج ہوا تھا۔۔۔۔
اس نے ذور سے ایک بٹن دبایا تھا۔۔۔۔۔۔
پھر اس کا ہاتھ ساکت ہوا تھا۔۔۔۔۔۔
آنکھوں میں پہلے ۔۔۔۔۔۔الجھن پھر تحیر ابھرا تھا۔۔۔
چہرہ البتہ ابھی تک سپاٹ تھا۔۔۔۔۔
ڈٹیلز اس کے سامنے تھی۔۔۔۔۔
اس نے ایک بندے کی تصویر ڈھونڈنے کے لیے۔۔۔۔۔۔ایک مہینہ لگایا تھا۔۔۔۔۔۔
وہ کامیاب بھی ہوا تھا مگر درحقیقت وہ ناکام ہوا تھا۔۔۔۔
اس کی آنکھوں میں بے بسی پھر کرب ابھرا تھا۔۔۔
اب وہ پہلے سے بہت بدلا ہوا لگ رہا تھا۔۔۔۔
جیسے وہ بے یقین ہو۔۔۔۔۔۔
صدمے میں ہو۔۔۔۔۔۔
اس نے ایک ہاتھ ٹیبل پہ ٹکا رکھا تھا۔۔۔۔۔۔
وہ شاک کی کیفیت میں بیٹھا تھا۔۔۔۔۔۔اس نے جسے اپنی ذندگی کے دس سال ڈھونڈا تھا وہ اس کے سامنے تھا۔۔۔۔۔
وہ جس سے وہ بے تکلف تھا ۔۔۔۔۔آج نظر اٹھا کہ اسے دیکھنے میں بھی اسے جھجک محسوس ہو رہی تھی۔۔۔۔
وہ یہ ضرور چاہتا تھا کہ وہ اس کے سامنے آۓ۔۔۔۔اور وہ اسے گریبان سے پکڑے۔۔۔۔۔ایک ادھ مکا جھڑے اور پھر بغل گیر ہو جاۓ۔۔۔۔۔۔
لیکن۔۔۔۔۔اس کے سارے خواب پاش پاش ہو گۓ تھے۔۔۔۔
سامنے سکرین پہ ابھرنے والے چہرے کو وہ کیسے بھول سکتا تھا۔۔۔۔۔
وہ دونوں بچپن کے ساتھی ہی تو تھے ۔۔۔۔۔وہ اس کا بچپن کا دوست وہ دونوں ۔۔۔۔۔ایک دوسرے پر جان دینے کے لیے تیار تھے۔۔۔۔۔۔
فرق صرف اتنا تھا کہ گاٶں کے اونچے اور مغزز گھر سے اس کا تعلق تھا۔۔۔۔
اور وہ غربت کا مارا تھا
اور وہ دن بھی تو قیامت سے کم نہیں تھا جس دن اسے اطلاع ملی تھی کہ وہ گھر سے بھاگ گیا ہے۔۔۔۔
اس کی حرکتیں تو کچھ دنوں سے مشکوک تھی ہی لیکن وہ یہ نہیں جانتا تھا کہ۔۔۔۔۔وہ ایسے دھوکہ بازی کرنے جیسے گناہ کا مرتکب ہو جاۓ گا۔۔۔۔۔
پھر اس دن کے بعد سے اس نے بہت ڈھونڈا تھا اسے پر پتہ نہیں وہ کدھر چلا گیا تھا۔۔۔۔۔۔
اور آج اس کی تصویر اس کے سامنے تھی۔۔۔۔۔وہ بھی ایک اشتہاری کریمینل کے طور پہ۔۔۔۔
وہ ساکت نظروں سے پتھر کا بت بنا اس تصویر کو دیکھ رہا تھا۔۔۔۔۔
جو اس کے جان سے بھی پیارے دوست کی تھی۔۔۔۔
اگر اسے پتہ ہوتا یہ خان ہے تو وہ کبھی یہ ذمہ داری اپنے سر نا لیتا اب یہ وبال ۔۔۔۔۔۔بن گیا تھا ۔۔۔۔
اس نے وہی سر تھام لیا تھا ۔۔۔
۔
ایک طرف وطن کے ساتھ کیا ہوا عہد تھا تو دوسری طرف دوستی تھی۔۔۔۔
ایک راستہ تو اختیار کرنا ہی تھا۔۔۔۔
اور اس نے سوچ لیا تھا کہ اس نے کیا کرنا ھے۔۔۔۔۔
❤❤❤❤
وہ بری سی صورت بناۓ گھر میں داخل ہوٸی پھر نظریں گھما کہ پردے کے اس پار دیکھا۔۔۔۔۔۔برآمدہ بالکل ویران پڑا تھا۔۔۔۔۔
یعنی ادھر امن تھا۔۔۔۔۔۔یا تو اریشہ نے ابھی تک امی کو کچھ بتایا ہی نہیں ہے۔۔۔۔۔یا یہ طوفان سے پہلے کی خاموشی تھی۔۔۔۔۔
وہ اپنا رکا ہوا سانس بحال کرکے اندر داخل ہوٸی۔۔۔۔۔
برآمدے سے ہوتے ہوۓ وہ بڑے کمرے میں داخل ہوٸی۔۔۔۔۔
کچن سے آوازیں آرہی تھی یعنی امی کچن میں تھی۔۔۔۔۔
وہ دبے قدموں اپنے کمرے کی طرف جانے لگی۔۔۔۔۔
جب امی کی مشکوک پکار پہ اس کے قدم تھمے۔۔۔۔
اس نے پلٹ کے دیکھا۔۔۔۔۔
وہ اسے گھور رہی تھی۔۔۔۔۔۔۔
مشکوک نظروں سے۔۔۔۔
دل میں اپنی حفاظت کی دعا کرتے ہوۓ اس نے رخ اپنی ماں کی طرف موڑا۔۔۔۔۔
”آج اتنی دیر کیوں کر دی تم نے آنے میں۔۔۔۔۔میں بس اریشہ کے گھر جانے ہی والی تھی تمہارا پتہ کرنے۔۔۔۔۔“
انہوں نے ایک شک بھری نظر اس پہ ڈالتے ہوۓ مشکوک لہجے میں کہا۔۔۔۔۔
”وہ مما ہم دونوں بس ساتھ ہی نکلے تھے ۔۔۔۔بس راستے میں اریشہ کی طبیعت خراب ہو گٸ۔۔۔تو اسے جوس وغیرہ پلایا اور۔۔۔۔۔گھر تک چھوڑا تو بس اس لیے۔۔۔۔۔“
اس نے بیگ اور کتابیں ٹیبل پہ پٹھتے ہوۓ نظریں چراٸی۔۔۔
”اوہ کیا ہوا اریشہ کو ۔۔۔۔۔اب کیسی ہے وہ۔۔۔۔۔؟
شاٸستہ بیگم ساری بات بھول کے اب اریشہ کے بارے میں پوچھنے لگی تھی۔۔۔۔۔
ٹھیک ہے وہ۔۔۔۔ بس بلڈ پریشر لو ہو گیا تھا۔۔۔۔۔
اس نے لاپرواٸی سے کہا۔۔۔۔۔۔
شاٸستہ بیگم اب مطمٸین سی کچن کی طرف بڑھ گٸ تھی۔۔۔۔
وہ بھی مطمٸین سی بیٹھ گٸ۔۔۔۔۔کیونکہ وہ جانتی تھی کہ۔۔۔۔اب اریشہ سنبھال لے گی
لیکن اس سے پہلے اس نے بھی تو اریشہ کو سنبھالنا تھا۔۔۔۔۔
وہ بھی تو پریشان ہو گی۔۔۔۔۔
وہ اندر موباٸل کی طرف بھاگی۔۔۔۔۔
❤❤❤❤
وہ روز شام کو پارک میں واک کرنے جایا کرتی تھی اس دن بھی وہ معمول کے مطابق گھر سے نکلی تھی لیکن آج اس کا رخ دوسری جانب تھا۔۔۔۔۔وہ اپنے ذہن میں لاٸحہ عمل ترتیب دے کے اس طرف جانے لگی تھی۔۔۔۔
❤❤❤❤
شام کا ہلکا ہلکا اندھیرا آہستہ آہستہ پھیلنے لگا تھا۔۔۔۔۔لیکن سورج کی مدہم اور بے جان کرنوں نے ابھی بھی اس سنسان جگہ کو اپنے حصار میں لے رکھا تھا۔۔۔۔۔۔
آج یہ پورا گودام ویران پڑا تھا۔۔۔۔۔۔گیٹ پہ پہردار بھی موجود نہیں تھے وہ سب سامان سپلاۓ کرنے گۓ ہوۓ تھے۔۔۔۔
باہر کی نسبت۔۔۔۔۔اندر اچھا خاصا اندھیرا تھا۔۔۔۔
روشنی کی کوٸی کرن کسی طرف سے اندر داخل نہیں ہو رہی تھی۔۔۔۔۔
وہ بلب کی مدہم روشنی میں اپنی پرسوچ نظریں چلتے پنکھے پہ گاڑھے کچھ سوچنے میں مصروف تھا۔۔۔۔۔
ماتھیں پہ شکنیں واضح تھی۔۔۔
آنکھوں میں الجھن کا تاثر تھا۔۔۔۔
گھنگھریالے بال بکھرے ہوۓ ماتھے پہ پڑے تھے۔۔۔۔
اس کا موباٸل وابریٹ ہوا۔۔۔۔۔تو اسے ایک دفعہ پھر
ایک دھمکی بھرا مسیج موصول ہوا۔۔۔۔
اسکے ماتھے پہ شکنیں بڑھی۔۔۔۔
چہریں کی رگیں تن گٸ۔۔۔۔
پتہ نہیں یہ کون تھا جو اسے جان سے مارنے کی دھمکیاں دے رھا تھا؟۔۔
ابھی وہ اسی بارے میں سوچ رہا تھا جب اسے ساتھ والے کمرے سے کھٹ پٹ کی آواز آٸی۔۔۔۔
وہ پستول ہاتھ میں تانے اندر کی طرف بڑھا۔۔۔
پہلا خیال یہی آیا کہ اس پہ حملہ ہو گیا ہے۔۔۔۔
یہ چونکہ کراٸمز کا گڑھ تھی اس لیے اسے کچھ اس طرح سے بنایا گیا تھا کہ روشنی بہت کم اندر داخل ہو پاتی۔۔۔۔۔اور عصر کے وقت ۔۔۔۔۔بلب کے بغیر یہ گودام اندھیرا میں ڈوب جاتا۔۔۔۔۔
اندھیرے میں ہاتھ بڑھا کہ ۔۔۔۔اس نے۔۔۔۔۔اس آنے والے شخص کو دبوچنا چاہا تھا۔۔۔۔۔
پھر اس نے اسے کمر سے پکڑ کے۔۔۔۔گھما کہ اپنے قریب کیا تھا۔۔۔۔۔اور گن جیب سے نکال کے اس کی کنپٹی پہ رکھی تھی۔۔۔۔۔
اس کی کمر اس کے سینے کے قریب تھی۔۔۔۔
بس ایک انگلی کا فاصلہ تھا۔۔۔۔۔۔
”تمہیں کہا تھا نا میرے۔۔۔۔۔ہوتے ہوۓ۔۔۔۔۔میرے ایریا میں کوٸی نہیں آسکتا۔۔۔۔۔“
اس نے اس کے کان میں سختی سے سرگوشی کی تھی۔۔۔۔۔
”ایک منٹ۔۔۔۔۔میری بات سن لیں۔۔۔۔بے گناہ موت ہوجاۓ گی آپ کے ہاتھوں۔۔۔۔۔“
وہ بھی جیسے سانس روکے ہوۓ کہہ رہی تھی۔۔۔۔۔
اور وہ جو اسے کوٸی لڑکا سمجھ رہا تھا۔۔۔۔۔
ایک دم بوکھلا کہ اسے چھوڑا تھا۔۔۔۔۔
”تم یہاں کیا کر رہی ہو“
اس نے تیزی سے موباٸل کی ٹارچ۔۔۔۔۔آن کی اس کے چہرے پہ لگاتے ہوۓ کہا۔۔۔۔
اسے اس پہ جی بھر کے غصہ آیا تھا مگر ضبط کر گیا
”میں آپ کو شادی کے لیے پرپوز کرنے آٸی تھی۔۔۔۔
اس نے بڑے مزے سے آرام سے اسے کہا تھا۔۔۔۔۔
”اور تمہیں یہاں تک آتے ہوۓ۔۔۔۔۔شرم نہیں آٸی۔۔۔۔۔“
اس نے۔۔۔۔۔ہاتھ باندھ کے سختی سے کہا تھا۔۔۔۔۔
بالکل بھی نہیں۔۔۔۔
اس نے بغیر شرمندہ ہوۓ۔۔۔۔۔نفی میں سرہلایا۔۔۔۔۔۔
”تم مجھ سے شادی کرنا کیوں چاہتی ہو۔۔۔۔؟“
وہ سچ میں اس سے تنگ آگیا تھا۔۔۔۔۔
کیونکہ آپ بدمعاش ہیں۔۔۔۔۔
اس نے ایڑھیاں اونچی کرکے اس کے کان میں سرگوشی کرنے کی کوشش کی تھی۔۔۔۔۔
”کیوں بدمعاش سے کیوں شادی کرنا چاہتی تم۔۔۔۔؟“
اس نے دلچسپی سے کہا تھا۔۔۔۔
”کیونکے میری بچپن سے یہ خواہش تھی کہ میں جس سے شادی کروں وہ معاش ہو۔۔۔۔“
اس نے آنکھیں۔۔۔۔۔ ایک ادا سےگھماتے ہوۓ کہا۔۔۔۔۔
”بہت ہی برا آٸیڈیل ہے تمہارا۔۔۔۔“
اس نے مصنوعی خفکی سے کہا تھا۔۔۔۔۔
”خود کو برا کہتے ہوۓ شرم نہیں آتی۔۔۔۔۔“
اس نے کمر پہ ہاتھ رکھ کہ کہا تھا۔۔۔۔۔
”اور اگر میں شادی کے لیے نہ کر دوں۔۔۔۔۔“؟
اس نے کچھ سوچتے ہوۓ کہا۔۔۔۔
تو میں یہ پورے کا پورا ریوالور آپ پر ختم کردوں گی۔۔۔۔۔
اس نے ایک دم اس کے ہاتھ سے گن جھپٹ کے اس کے سر پہ رکھتے ہوۓ کہا۔۔۔۔
وہ بس اسے دیکھ کہ رہ گیا۔۔۔۔۔