Hawas by Urwa Fatima NovelR50551 Hawas (Episode 06)

Hawas by Urwa Fatima

صالحہ، بیٹا فون بج رہا ہے کب سے

صالحہ کدھر ہو بیٹا

آئی اماں برتن دھو رہی تھی صالحہ نے تیزی سے چلتے ہوئے کہا

کب سے موا فون بج رہا ہے دیکھ تو کس کا ہے

رافع کا ہے اماں بعد میں کرتی ہوں بات ان سے

ارے ابھی کر لو کب سے بج رہا ہے شاید کوئی ضروری کام ہو اس کو

اچھا اماں صالحہ نے دوپٹے سے گیلے ہاتھ خشک کرتے ہوئے کہا

کیا ہوا نہیں اٹھا رہا کیا

بیل جا رہی ہے اماں،

اسلام و علیکم رافع

وعلیکم السلام کدھر تھی تم یار کب سے کال کر رہا ہوں

کام کر رہی تھی آپ بتائیں خیریت ہے نا

ہاں وہ آفس کے کام سے شہر سے باہر جا رہا ہوں میں رات تک واپسی ہو گی

اچھا ٹھیک ہے رافع نورے کو تو گھر چھوڑتے ہوئے جائیں گے نا

نہیں یار وہ میں نے ذیشان کو کہہ دیا ہے وہ لے……

کیا صالحہ نے چلاّ کر کہا

رافع یہ کیا کیا آپ نے صالحہ نے غصے سے پاگل ہوتے ہوئے کہا

صالحہ کیا پاگل ہو گئی ہو اتنا چینخ کیوں رہی رافع صاحب نے حیرانی سے پوچھا

رافع دعا کریں دعا کریں اب کے ہماری بچی کو اللّٰه بچا لے

ہوا کیا ہے صال…حہ، رافع کی بات پوری ہونے سے پہلے کال کٹ چکی تھی

کدھر جا رہی ہو صالحہ کیا کہا ہے رافع نے، صالحہ کچھ تو بتاؤ میرا دل گھبرا رہا ہے

اماں بقی کو سنبھالیے گا اور دعا کرییے گا سب خیر ہو

صالحہ نے گھر سے نکلتے ہوئے کہا

یا اللہ میری بچی کی حفاظت کرنا صالحہ سڑک پہ بھاگتے ہوئے اللّٰه سے فریاد کر رہی تھیں کیونکہ نورے کا اسکول کافی فاصلے پر تھا اور چھٹی میں صرف پانچ منٹ باقی تھے

مین روڈ پر پہنچتے ہی صالحہ نے ہاتھ سے اشارہ کر کے رکشہ روکا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آ بھی جاؤ شہزادی نورے گل اور کتنا انتظار کرواؤ گی

ذیشان پیچھلے آدھے گھنٹے سے نورے کے اسکول کے باہر کھڑا تھا

چھٹی کی بیل بج چکی تھی اور بچے اسکول سے جوک در جوک نکل رہے تھے

تبھی ذیشان کی نظر نورے پر پڑی

جو اسکول یونیفارم میں کاندھے پر بیگ لٹکاۓ چلتی آ رہی تھی ایسے جیسے کوئی معصوم سی گڑیا نپے تلے قدم اٹھائے آ رہی ہو

ذیشان کی آنکھیں چمکیں۔

نورے گارڈ سے کچھ پوچھ رہی تھی تو ذیشان اسی سمت چل پڑا

گارڈ انکل میرے بابا نہیں آۓ اب تک

نہیں پرنسس آج بابا بزی تھے تو انھوں نے مجھے بھیج دیا

گارڈ کی بجائے ذیشان نے جواب دیا

نورے نے فوراً مڑ کر دیکھا، ذیشان بھائی آ آ آپ نورے کا حلق خوف کے مارے خشک ہو چکا تھا

آپ کا تعارف جناب، گارڈ نے جانچتی نظروں سے دیکھ کر کہا

میں نورے کا ہمسایہ ہوں اس کے بابا شہر سے باہر گئے ہیں تو آج مجھے بھیج دیا

نورے آپ جانتے ھو ان کو، گارڈ نے ذیشان کی طرف اشارہ کرتے ہوئے پوچھا

نورے نے ذیشان کی طرف دیکھا جو آنکھوں کے اشارے سے نورے کو ہاں کہنے کے لئے کہہ رہا تھا

جی گارڈ انکل نورے نے اثبات میں سر ہلاتے ہوئے جواب دیا

آ جاؤ نورے شاباش ذیشان نے نورے کا ہاتھ پکڑا اور گاڑی کی طرح لے آیا

مجھے آپ کے ساتھ نہیں جانا آپ گندے ہیں نورے نے گاڑی کے پاس پہنچتے ہی ذیشان کا ہاتھ جھٹک دیا

نورے یہ کیا بدتمیزی میں شرافت نے گاڑی میں بیٹھو ورنہ اٹھا کے پھینک دوں گا گاڑی میں ذیشان نے دوبارہ نورے کا ہاتھ مضبوطی سے پکڑا

میں نے نہیں جانا آپ کے ساتھ چھوڑیں مجھے نورے نے روندھی ہوئی آواز میں کہا

نورے ضد مت کرو ذیشان نے گاڑی کا دروازہ کھول کے نورے کو اندر بیٹھانے لگا،

نورےےےےےےے، نورے اور ذیشان نے پلٹ کر دیکھا تو صالحہ رکشہ سے اتر کر انکی طرف ہی آ رہی تھیں

ذیشان کے اوسان خطا ہو گئے اور اس نے نورے کو چھوڑ دیا

مما！ نورے بھاگتی ہوئی ماں کے پاس پہنچ گئی،،

اس اسلام و علیکم چچی وہ وہ چچا نے کہا تھا کہ وہ مصروف ہیں تو نورے کو مم میں گھر چھوڑ آؤوں تو میں لینے آ گیا

صالحہ نے ذیشان کو بس گھورنے پہ اکتفا کیا

چلو نورے، نورے کا ہاتھ پکڑ کر صالحہ رکشہ کی طرف چل دئیں

ذیشان نے ماتھے پہ آیا پسینہ صاف کیا اور گاڑی کی طرف بڑھ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارے بیٹا مجھے کچھ نہیں بتا کر گئی بس تمہارا فون آیا اور چادر پہن کر نکل گئی

اماں آپ کو کچھ تو کہہ کر گئی ہو گی نا رافع صاحب پریشانی بے گویا ہوۓ

بس یہی کہہ کر گئی ہے رافع کے اماں دعا کرنا سب خیر ہو

ایک تو میں شہر سے باہر آ چکا ہوں ورنہ گھر ہی لوٹ آتا نا جانے کیا ہوا ہے ایسا جو صالحہ نے ہمیں نہیں بتایا

اے بیٹا لو آ گئی ہے یہ لو بات کرو

جی بولیں صالحہ نے پھولے ہوئے سانس کے ساتھ کہا

کہاں گئی تھی تم اور موبائل بھی گھر چھوڑ گئیں رافع صاحب ذرا تیز. لہجے میں بولے.

نورے کو لینے گئی تھی اور آئندہ آپ کسی غیر کو نہیں بولیں گے رافع صاحب بیٹی ہماری ہے حفاظت بھی ہمیں خود کرنی ہے

صالحہ کوئی بات ہے کیا ایسی جو تم چھپا رہی ہو رافع صاحب رازداری سے بولے

آپ گھر آ جائیں پھر بات کریں گے یہاں کی ٹینشن مت لیں اللّٰه کے حکم سے سب خیر ہے

اچھا ٹھیک ہے خدا حافظ،،اور کال کٹ گئی

اب کہاں جا رہی ہو صالحہ، صالحہ کو پھر باہر جاتا دیکھ نگار بیگم پریشانی سے پوچھنے لگیں

آتی ہوں اماں کام ہے ضروری نمٹا کے آتی ہوں،کہتے ہی صالحہ ذیشان کے گھر کی طرف چل پڑیں

۔۔۔۔۔۔۔۔۔۔۔

صالحہ نے دروازہ بجانے کے لیے ہاتھ بڑھایا تو دیکھا کہ دروازہ کھلا ہوا تھا

صالحہ اندر کا آ گئیں لیکن اندر کوئی نہیں تھا،

صالحہ واپس پلٹنے لگیں تو چھت سے ذیشان کی آواز سنائی دی

صالحہ چھت کی طرف چل دئیں

ذیشان فون پہ روہان سے باتوں میں مصروف تھا کہ صالحہ کو دیکھ کر کنگ رہ گیا

چچی آپ یہاں، ذیشان نے اپنی طرف سے کال کاٹ دی تھی لیکن کال چلتی رہی

چچی گھر پر کوئی نہیں ہے سب، ذیشان نے ابھی بات مکمل نہیں کی تھی کہ ایک زوردار تھپڑ ذیشان کے گال پہ لگا

چچی آپ کی ہمت کیسے ہوئی مجھے تھپڑ مارنے کی، ذیشان نے چلاّ کر کہا

بکواس بند کرو اپنی گھٹیا انسان، بلکہ تم انسان کہاں ہو درندے ہو نا جانے کتنی بچیاں تباہ کر چکے ہو تم تمہیں اللّٰه کا خوف نا آیا ذیشان دو دو بہنیں ہیں تمہاری ،

اور نورے میری معصوم نورے وہ بھی تو بھائی کہتی تھی نا تمہیں، تم نے اس کو بھی اپنی ہوس اور گھٹیا اعمال کی بھینٹ چڑھانا چاہا،

م

میں نے ایسا کچھ نہیں کیا جھوٹ بول رہی ہے نورے ذیشان نے چلاّ کر کہا

نورے جھوٹ بول رہی ہے چلو مان لیا لیکن مریم

وہ بھی کہہ دو جھوٹ بول رہی ہے تم نہیں گئے تھے اس کے گھر اس کی عزت کو پامال کرنے کے ارادے سے

ذیشان کی آنکھوں میں انگارے اترنے لگے

ابھی کے ابھی دفع ہو جائیں میرے گھر سے ،،

لعنت بھیجتی ہوں میں تم پہ اور تمہارے گھر پر صالحہ نے بھی حقارت بھرے لہجے میں. کہا

ذیشان علی میں چاہتی تو اسی وقت تمہاری اینٹ سے اینٹ بجا دیتی جب میری نورے نے تمہارے کالے کرتوت مجھے بتاۓ تھے جب تم نے ایک معصوم بچی کے آگے بد فعلی کی ویڈیو چلا دی تھی

جب تم نے نورے کے بچپن کو چین لینے جی کوشش کی تھی لیکن میں خاموش رہی

میں نے خاموشی سے اپنی بچی کی حفاظت شروع کر دی لیکن تمہارے کرتوت نہ بتاۓ

پتہ ہے کیوں، اس لیے کہ میرا اللّٰه پردہ رکھنے والا ہے اور وہ پردہ رکھنے والوں کو ہی پسند کرتا ہے

حدیثِ مبارکہ میں آیا ہے کہ ：

رسول اللہ صلی اللہ علیہ وسلم نے فرمایا ایک مسلمان دوسرے مسلمان کا بھائی ہے، پس اس پر ظلم نہ کرے اور نہ ظلم ہونے دے۔ جو شخص اپنے بھائی کی ضرورت پوری کرے، اللہ تعالیٰ اس کی ضرورت پوری کرے گا۔ جو شخص کسی مسلمان کی ایک مصیبت کو دور کرے، اللہ تعالیٰ اس کی قیامت کی مصیبتوں میں سے ایک بڑی مصیبت کو دور فرمائے گا۔ اور جو شخص کسی مسلمان کے عیب کو چھپائے اللہ تعالیٰ قیامت میں اس کے عیب چھپائے گا۔

(صحيح بخاری： حدیث نمبر 2442)

ذیشان میں نے تو تمہارا پردہ رکھا تھا اللّٰه کی خاطر

اور تم میری ہی بچی کو اپنی درندگی کی بھینٹ چڑھانے جا رہے تھے تم معصوم بچی پر ظلم کرنا چاہتے تھے

تم نے پہلے مریم اور پھر نورے کو نشانہ بنانا چاہا تمہیں اللّٰه کا خوف کیوں نہیں آیا اس یتیم بچی پر ،

صالحہ کی آواز مدھم مگر آنسؤوں کی رفتار تیز ہو چکی تھی

ابھی کے ابھی نکل جائیں یہ نا ہو کہ میں غصے میں کچھ کر بیٹھوں، ذیشان نے غصے سے کہتے ہوۓ جبڑے بھینچ لیے

جا رہی ہوں میں تو لیکن یاد رکھنا اللّٰه کی لاٹھی بے آواز ہے جب پڑتی ہے تو ظالم کی کمر توڑ دیتی ہے، کہتے ساتھ ہی صالحہ سیڑھیاں اتر گئیں

ذیشان نے غصے سے ہاتھ میں پکڑا موبائل ہوری طاقت سے زمین پر دے مارا،،،،،

مریمممممممم میں نے کہا تھا زبان بند رکھنا ، لیکن اب تم اپنے بھیانک انجام کی ذمہ دار خود ہو گی،

اب کہ میں تمہیں اس قابل چھوڑوں گا ہی نہیں کے تم زبان کھولو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فون کب کا بند ہو چکا تھا لیکن روہان ابھی تک اسی پوزیشن میں بیٹھا تھا

اس نے جو کچھ سنا تھا وہ اس کے لیے قابلِ قبول ہرگز نہ تھا

کہ اس کا بھائی اس قدر گر سکتا ہے

نہیں نہیں ایسا نہیں ہو سکتا چچی کو کوئی غلط فہمی ہوئی ہو گی

بھائی اتنے ظالم نہیں ہو سکتے کہ نورے مم میری نورے کے ساتھ، روہان کی آنکھوں سے اشک بہتے جا رہے تھے

روہان، روہان رو کیوں رہے ہو، ارحم کی آواز پہ روہان چونکا

ہاں کیا، کیا کہہ رہے.ہو ارحم

یار روہان رو کیوں رہا ہے کوئی مسئلہ ہے تو بتا ارحم نے ہمدردانہ لہجے میں پوچھا

نہیں تو رو تو نہیں رہا یار،

پھر یہ آنسو کیوں بہا رہا ہے بھائی،

کچھ نہیں چھوڑ تو، چل کلاس میں چلتے ہیں

ہاں چل

(دونوں کلاس کی طرف چل دئیے لیکن روہان کا دماغ سارا دن نورے کے بارے میں سوچتا رہا)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انور صاحب کی بیوی کو تو پہلی نظر میں ہی نائلہ بہو کے روپ میں بھا گئی تھی اور پھر بلال بھی ایک سلجھا ہوا شریف لڑکا تھا فرحت اور رضا صاحب کے پاس انکار کی گنجائش نہ رہی

دونوں گھروں کے معاملات خوش اسلوبی سے تہ ہو گئے

اور ایک ماہ بعد دونوں کی منگنی طے پائی

منگنی کی تیاریاں زور و شور پہ تھیں سب مصروف تھے ،،

رافع صاحب کے گھر میں بھی زندگی معمول کے مطابق گزر رہی تھی اس دن صالحہ کی پریشانی کا سبب رافع صاحب نے جب پوچھا تو صالحہ نے یہی کہا کہ رافع صاحب آج کل عزتیں برباد کرنے والے گھر کے ہی لوگ ہوتے ہیں

اللّٰه کے سوا کسی پہ بھروسہ نہیں کر سکتے

اور رافع صاحب مطمئن ہو گے ۔۔۔

سب لوگ زندگی کے مختلف رنگوں سے چھیڑ چھاڑ میں لگے تھے

لیکن ان سب میں ایک ایسا شخص تھا جو ہر. پل بدلے کی آگ میں جل رہا تھا

اس کا بس نہیں چل رہا تھا کہ کسی طرح وہ یہ آگ مریم کو لگا دے

اور وہ تھا ذیشان

آہستہ آہستہ یہ آگ بھڑتی جا رہی تھی

اور پھر ایک دن ذیشان کا انتظار ختم ہو گیا

ذیشان کو بدلہ لینے کے راستے میں تمام روکاوٹیں ہٹتی نظر آئیں

مریم کب تک بچو گی جانِ من اب تو میں تمہیں زیر کر کے ہی رہوں گا

یہ سب سوچتے ہوئے ذیشان کے چہرے پر ایک زہریلی مسکراہٹ آئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ اتوار کی ایک خوبصورت صبح تھی

رضا صاحب کے گھر میں چہل پہل لگی ہوئی تھی کیونکہ نائلہ اور بلال کی منگنی کو ایک ہفتہ رہ گیا تھا

فرحت کے بقول یہ انکے گھر کی پہلی خوشی

ہے، کسی چیز کی کمی نا قابلِ قبول ہے ،،

نمرہ نائلہ چلو شاباش گاڑی میں بیٹھو میں پیسے لے کر آتی ہوں

اچھا امی

روہان بیٹا مجھے بھی ذرا انور صاحب کے گھر چھوڑ دینا ہم نے مشترکہ مہمانوں کی لسٹ بنانی ہے

جی ابو آئیں بیٹھ جائیں باہر کیوں کھڑے ہیں

آجاؤ فرحت کیا کر رہی ہو اتنی دیر سے رضا صاحب نے آواز لگائی

آ گئی آگئی چلیں اب فرحت نے جھٹ سے گاڑی میں بیٹھ کر کہا

۔۔۔۔

ان سب کے جاتے ہی ذیشان بستر سے اٹھا اور نہانے چلا گیا

دس منٹ میں نہا کر نکلا اور ایک مناسب سا سوٹ پہن کر آئینے کے سامنے آن کھڑا ہوا

مریم آج کا دن تم ہمشیہ یاد رکھو گی، مسکراتے ہوئے ذیشان پرفیوم کی بارش کرنے لگا خود پر

آئینے میں اپنا مکمل جائزہ لیتے ہوئے ذیشان نے گھڑی کی سمت دیکھا جو گیارہ بجا رہی تھی

اسی وقت کا تو انتظار تھا کب سے ذیشان کی مسکراہٹ مزید گہری ہو گئی