Tu Joh Humdard Hua Mera By Eman Khan Readelle50156 Episode 13

دھڑام سے دروازہ کھلتے ہی سامنے کھڑی شخصیت کو دیکھ کے گل مینے کی روح فنا ہو گٸ تھی۔۔۔۔۔۔وہ سہم کے اٹھ کھڑی ہوٸی پھر ایک سہمی نظر سامنے موجود شخص کے چہرے پہ ڈالی جس کی کنپٹی کی رگیں تنی ہوٸی تھی دونوں ہونٹوں کو سختی سے آپس میں پیوست کیے وہ کھڑا تھا یوں محسوس ہو رہا تھا جیسے اس کے جسم کا تمام خون اس کے چہرے پہ سمٹ آیا ہے۔۔۔۔۔۔اس سے پہلے کہ وہ گل مینے کی سمت کوٸی پیش رفت کرتا گل مینے نے مورے کے پیچھے چھپ جانے میں ہی عافیت جانی۔۔۔۔۔۔۔جو پہلے سے اپنے بیٹے کے تاثرات دیکھ کے سہمی ہوٸی دیکھاٸی دے رہی تھی۔۔۔۔۔۔پلوشہ بھابھی کی حالت بھی کچھ ایسی ہی تھی۔۔۔۔۔
ضرار دو قدم آگے بڑھا پھر تمام لحاظوں کو بالاۓ طاق رکھ کے اس نے بے دردی سے گل مینے کا بازو کھینچ کے اپنے قریب کیا۔۔۔۔۔۔
”تم نے میری بیوی پہ الزام لگایا۔۔۔۔۔۔۔“؟
اس نے ایک ایک لفظ پہ ذور دینے کے ساتھ اپنی گرفت بھی مضبوط کی تو اس کے دونوں ناخن گل مینے کے بازو میں پیوست ہو گۓ۔۔۔۔۔۔
وہ کراہ کے رہ گٸ ۔۔۔۔
لیکن سامنے موجود شخص کی آنکھوں میں بے رحمی اور سفاکیت واضح تھی۔۔۔۔۔
”ہاں لگایا میں نے الزام۔۔۔۔۔“
یہ درد اب ناقابل برداشت تھا اس لیے اس نے گردن کو یہاں وہاں موڑتے ہوۓ تکلیف کے زیر اثر کہا تو ضرار خان کی آنکھوں میں جیسے خون اتر آیا۔۔۔۔۔۔
”تمہاری ہمت کیسے ہوٸی میں تمہاری جان لے لوں گا۔۔۔“
وہ غصے میں پاگل ہو رہا تھا
اس کو بازو سے پکڑ کے تقریباً گھسیٹ کے باہر لے کے جانے لگا جب گل مینے نے سختی سے اپنا بازو چھڑوایا۔۔۔۔۔
”تمہارا وجہ سے ہوا امارا ہمت اگر تم کو اتنا ہی اعتبار تھا اپنی بیوی پہ تو تم نے امارا بات کیوں سنا؟ کیوں یقین کیا امارا بات کا“؟
اب وہ کھل کے میدان میں اتری تھی۔۔۔۔۔
شور سن کے آغا جان اور شیراز خان بھی اس طرف آگۓ تھے
المظ البتہ داخلی دروازے کے پاس کھڑی سوالیہ نظروں سے ضرار خان کو دیکھ رہی تھی۔۔۔۔
آغا جان سوالیہ نظروں سے کبھی گل مینے کبھی ضرار خان کو دیکھ رہے تھے
”ام پوچھ سکتا ہے کہ یہ سب کیا تماشہ ہو رہا ہے۔۔۔۔۔“
آغا جان کی کڑک دار آواز گونجی تو ضرار خان محض گل مینے کو گھور کے رہ گیا۔۔۔۔
جو زخمی شیرنی کی طرح اسے دیکھ رہی تھی۔۔۔۔
مورے نے بات سنبھالنے کی غرض سے فورا ساری بات آغا جان کے گوش گزار کی۔۔۔۔
تو وہ پرسوچ نظروں سے ضرار کو دیکھنے لگے۔۔۔
جو اب پہلے کی نسبت ٹھنڈا دیکھاٸی دے رہا تھا۔۔۔۔
”تم کو کیا لگتا ہے تمہارے اور زرشاہ کے درمیان جو کچھ بھی ہوا ہے اس کا ذمہ دار گل مینے ہے ، المظ ہے“
ایک نظر المظ کو دیکھا تو وہ سر جھکا گٸ۔۔۔۔۔
ضرار نے کچھ کہنے کے لیے منہ کھولا ہی تھا کہ آغا جان نے ہاتھ کے اشارے سے اسے خاموش کروا دیا۔۔۔۔
”بہت بول چکے ہو تم بہت سن چکے ام ۔۔۔۔۔اب ام بولے گا اور تم سنو گے۔۔۔۔۔۔“
وہ رعب دار لہجے میں بولے۔۔۔۔۔
ضرار کا سر مذید جھک گیا۔۔۔۔
”عورت نا سمجھ ہو تو چل جاتا ہے لیکن مرد نا سمجھ ہو تو نسلیں تباہ ہو جاتی ہیں۔۔۔۔۔۔“
اللہ نے مرد کو حاکم کیوں بنایا ہے طلاق کا اختیار اسے کیوں دیا ہے۔۔۔۔۔۔“؟
کیونکہ مرد میں عورت کی نسبت برداشت ذیادہ ہے اللہ نے اسے نگہبان اور حاکم اس لیے بنایا ہے کیونکہ اس کے اندر صلاحتیں رکھی ہیں عورت میں یہ صلاحیتیں نہیں ہیں۔۔۔۔۔۔۔“
لیکن اگر مرد ہی اس قدر جذباتی ہو جاۓ ۔۔۔۔۔اور اپنی بیوی کی حفاظت نہ کر سکے ذرا ذرا سی بات پہ اپنی عورت کو ذلیل کر کے رکھ دے ۔۔۔۔۔۔۔۔تو کیا وہ حاکم ہوا۔۔۔۔۔“؟وہ تو مرد بھی نہ ہوا۔۔۔۔۔
ضرار خان چلو ام مان لیتا ہے گل مینے نے غلط کیا الزام لگا کہ لیکن اس کی بات کا یقین کس نے کیا۔۔۔۔۔“؟تم نے۔۔۔۔“
انہوں نے اس کی طرف اشارہ کر کے اسے آٸینہ دیکھایا۔۔۔۔
”اس نے الزام لگایا یہ تو نہیں کہا کہ ہاتھ سے پکڑ کے اسے گھر سے باہر نکال دو تم۔۔۔۔۔“
اگر خاوند بیوی کا رشتہ اس قدر نا پاٸیدار ہوا تو وہ رشتہ تو نہ ہوا۔۔۔۔۔۔“
انہوں نے افسوس سے اسے دیکھ کے نفی میں سر ہلایا۔۔۔۔
”اور یہ تمہارا اور زرشاہ کا آپس کا معاملہ ہے اگر تم کو لگتا ہے تم اس کا خیال رکھ سکتا ہے اس کے ساتھ انصاف کر سکتا ہے تو۔۔۔۔۔تم اسے منا کے گھر واپس لے آٶ اس گھر کے دروازے اس کے لیے ہمیشہ کھلے ہیں۔۔۔۔۔“
بات رہا گل مینے کا تو۔۔۔۔۔۔ام شہروز خان کے ساتھ بات کر چکا ہے اسے زبان دے چکا ہے دو دنوں کے بعد شہروز خان کے بیٹے کے ساتھ نکاح ہے اس کا اور اب ام کوٸی نیا تماشہ نہیں چاہتا۔۔۔۔۔“
وہ گل مینے کی شکوہ کناں نظروں کو نظر انداز کرتے ہوۓ ضرار پہ ایک نظر ڈال کے باہر نکل گۓ۔۔۔۔۔
آغا جان کی باتیں سن کے وہ دونوں بہن بھاٸی ذمین میں گڑھ کے رہ گۓ تھے۔۔۔۔۔
پھر آہستہ آہستہ سب لوگ کمرے سے نکل گۓ۔۔۔۔
المظ نے آخری بار کمرے سے جسے نکلتے دیکھا تھا وہ گل مینے تھی۔۔۔۔۔
پھر اس کے قدم خود بخود ضرار خان کی طرف اٹھے تھے
اگر کوٸی اور وقت ہوتا تو وہ اپنی غلطی مانتی سب سچ بتا دیتی لیکن ابھی وہ وقت نہیں آیا تھا۔۔۔۔۔
وہ چلتی چلتی اس کے قریب گٸ تھی۔۔۔۔۔
”لالا۔۔۔۔۔“
اس نے ضرار خان کے کاندھے پہ ہاتھ رکھا تو وہ چونکا۔۔۔۔۔
”ام زرشاہ کو منا لے گا۔۔۔۔۔۔۔“
اس نے آنسو ضبط کرتے ہوۓ ضرار کو تسلی دی تھی۔۔۔۔
”نہیں المظ اب وہ نہیں مانے گا۔۔۔۔۔“
وہ المظ کی طرف دیکھتے ہوۓ بڑبڑایا تھا۔۔۔۔۔
المظ کو اس کی حالت۔۔۔۔۔۔غیر لگی تھی۔۔۔۔۔
❤❤❤❤❤
”دراب خان مجھے میری بیوی سے ملنا ہے تم ہوتے کون ہو مجھے روکنے والے۔۔۔۔۔۔“؟
وہ آپے سے باہر ہو گیا تھا اسی لیے کسی زخمی شیر کی طرح دراب خان پہ جھپٹا تھا اور ان کا گریبان پکڑ کے خون آشام نگاہوں سے انہیں دیکھتے ہوۓ پھنکارا تھا۔۔۔
واجد لالا نے ناگواری سے ضرار خان کو دیکھا تھا۔۔۔۔
”پہلی بات وہ تم سے نہیں ملنا چاہتی دوسری بات۔۔۔۔۔۔میں اس کا بھاٸی ہوں ۔۔۔۔۔۔“
دراب خان نے جارحانہ انداز میں اپنا گریبان چھڑاتے ہوۓ سرد لہجے میں اسے بہت کچھ جتا دیا۔۔۔۔۔۔
”کیسے بھاٸی ہو تم اپنی ہی بہن کا گھر خراب کر رہے ہو تم۔۔۔۔۔۔“
ضرار خان دھاڑا تھا۔۔۔۔۔
”آواز نیچی رکھ کے بات کرو تم یہ مت بھولو کے ۔۔۔۔۔۔۔تم امارے گھر میں کھڑا ہے۔۔۔۔۔۔“
واجد لالا نے اسے ناگواری سے ٹوکا تھا۔۔۔۔۔
زرشاہ بالکل ایسے کھڑی تھی جیسے وہ کوٸی پتھر کا بت ہو۔۔۔۔۔۔
المظ نے ایک سہمی ہوٸی نگاہ دراب خان کے چہرے پہ ڈالی جہاں اجنبیت تھی۔۔۔۔۔
”یہ بات تمہیں تب یاد نہیں آٸی جب تم نے میری بہن کو ذلیل کر کے گھر سے نکالا تھا اب کس منہ سے تم مجھے شرم دلا رہے ہو۔۔۔۔۔۔“
دراب خان نے تاسف بھری نظروں سے اسے دیکھتے ہوۓ ملامت بھرے لہجے میں کہا۔۔۔۔۔۔
”ہٹو آگے سے مجھے اپنی بیوی سے بات کرنے دو۔۔۔۔۔“
ضرار خان نے دراب خان کو پرے دھکیلا اور زرشاہ تک پہچنے کی کوشش کی جو ان کے ایک طرف کھڑی تھی
تو دراب خان نے اسے آگے کی طرف دھکیلا وہ اوندھے منہ سیدھا زرشاہ کے قدموں میں گرا تھا۔۔۔۔
اس کے ناک سے بری طرح خون بہنے لگا تھا۔۔۔۔۔
المظ کے منہ سے گھٹی گھٹی چیخ نکلی تھی جس کا گلا اس نے ہونٹوں پہ ہتھیلی جما کے گھونٹ دیا تھا۔۔۔۔
ضرار نے نظر اٹھا کے دیکھا تھا تو پہلی بار زرشاہ کے وجود میں حرکت پیدا ہوٸی تھی۔۔۔۔۔
اس سے پہلے کے وہ دو قدم پیچھے جاتی ضرار نے اس کے پیر پکڑنے کی کوشش کی۔۔۔۔۔
”ہٹ جاٶ ضرار خان ام نفرت کرتا ہے تم جیسے مرد سے جسے پوری دنیا پہ یقین ہے سواۓ اپنا بیوی کے۔۔۔۔۔“
وہ اتنے ذور سے چیخی تھی کہ پوری حویلی میں ایک لمحے کے لیے صرف اس کی چیخ گونجی تھی۔۔۔۔۔
”ام تھوکتا ہے تم جیسے مرد پہ۔۔۔۔۔۔۔جو اپنی ہی عورت کو ذلیل کر دے۔۔۔۔۔۔“
اس نے ایک سرد نگاہ اس پہ ڈالی اور اسے ٹھوکر مار کے آگے بڑھ گٸ۔۔۔۔۔
وہ فوراً اٹھ بیٹھا تھا۔۔۔۔۔
اس کا پورا جسم پسینے میں شرابور تھا۔۔۔۔
اس نے سر کو جھٹکا دے کے حواسوں میں لوٹنے کی کوشش کی ۔۔۔۔۔۔
اسے لگا وہ انگاروں میں ہے۔۔۔۔۔“
اس نے یوں محسوس کیا جیسے اس کا پورا جسم بخار میں تپ رہا ہے۔۔۔۔۔
”زرشاہ۔۔۔۔۔“
اس نے گردن یہاں وہاں گھما کے دیکھا۔۔۔۔۔
زرشاہ کہیں نہیں تھی
کھڑکی سے مدہم روشنی اندر کمرے کی ذمین پہ ایک لکیر کی صورت میں آرہی تھی۔۔۔۔۔
یعنی ابھی رات نہیں ہوٸی تھی
اسے شدید کمزوری کا احساس ہو رہا تھا۔۔۔۔
اسے شدت سے پیاس کا احساس ہوا تو اس نے پاس ٹیبل پہ ہاتھ مار کے جاگ ڈھونڈنے کی کوشش کی
اس کی آنکھوں کے سامنے دھند چھانے لگی۔۔۔۔
اس کا ہاتھ جگ کے ساتھ ٹکرایا۔۔۔۔۔
اور جگ ذمین بوس ہو کے کرچی کرچی ہوا تھا۔۔۔
وہ تکیے پہ ڈھ سا گیا۔۔۔۔
دھند چھٹی تو اس نے جو آخری چہرہ دیکھا تھا وہ زرشاہ کا تھا۔۔۔۔
وہ زیر لب بڑبڑایا تھا۔۔۔۔۔۔۔
اس کے چہرے پہ مسکراہٹ پھیل گٸ تھی۔۔۔۔۔
❤❤❤❤
”دھڑام سے دروازہ کھلتے ہی زرشاہ بوکھلا کے اپنی جگہ سے اٹھ کھڑی ہوٸی ۔۔۔۔
اس کے سامنے دراب خان کا دھواں دھواں چہرہ کسی انہونی کی طرف اشارہ کر رہا تھا۔۔۔۔
وہ دو قدم دراب خان کے قریب گٸ۔۔۔۔۔
”لالا۔۔۔۔۔“ کیا ہوا۔۔۔۔۔“؟
اس نے پریشانی سے ان کے کندھے پہ ہاتھ رکھا۔۔۔۔
”زرشاہ۔۔۔۔۔۔ضرار خان۔۔۔۔۔“
انہوں نے زرشاہ کے سر پہ ہاتھ رکھا۔۔۔۔
زرشاہ کو لگا چھت اس کے سر پہ آن گرا ہے۔۔۔۔۔
”لالا کیا ہوا ہے ضرار کو۔۔۔۔۔“؟
اس کو اپنی آواز کسی کھاٸی سے آتی محسوس ہوٸی۔۔۔۔
جاری ہے۔۔۔۔